Ortodoksia dhe Shqipëria

[Faktuesi]

Kerkesa nuk ishte e gabuar, ama kushti qe u vu ishte qe patjeter Foti Cici te ishte bariu i kesaj kishe. Nga sa kam degjuar Janullatosi nuk pranoi dhe une mendoj se me te drejte. Nese ti do te behesh klerik nuk mund t'i vesh kushte nje episkopi.

Kjo eshte e thjeshte. Cici ne fillim ndihmon dike te ngrihet dhe pastaj e godet duke i marre vendin. Kete beri edhe ne Kanada. Ne fillim u shfaq si ndihmes dhe si psalt dhe me pas u be vete kryetari. Ti kete taktike duhet ta njohesh me mire se une.

Te falenderoj qe hape dosjen Cici, kur ai ishte kryetar i shoqates. Vetem nuk na the se sa anetare kishte shoqata, ose me mire sa intelektuale i ishin bashkengjitur asaj.

Gjithashtu keto dokumente shprehin nje klime perndjekjeje te Cicit nga Janullatosi. Por une mendoj se keto jane insinuata te Cicit dhe jo te verteta. Aty ti sjell vetem letra te Cicit. Aty nuk ka ndonje mallkim nga Anastasi apo ndonje dokument te shkruar qe te vertetoje ate qe do te thuash.

Diku thuhet se u pergatit per Cicin edhe eleminimi fizik. Kjo eshte nje perralle qe nuk mund ta besoj. Nese do te ishte keshtu, Cici tani do te ishte shpallur martir. Eshte turp te akuzosh nje peshkop me reputacion nderkombetar qe kerkon te vrase Cicin. Kjo eshte pikerisht ajo qe doni te beni ju, ta ktheni Cicin nga perndjekes ne te perndjekur. Nga predator ne viktime. Po viktima ketu eshte vetem Janullatosi, se pari eshte viktime e genjeshtrave te Cicit dhe se dyti viktime e reklames negative qe Cici i ben ne shtypin shqiptar ne artikujt e firmosur prej tij, fatkeqesisht dhe jashte kuptimit te parashteses: "At".

Edhe une neser mund te shkruaj nje leter me nja dy firma (sot ka shume njerez qe jane gati te firmosin) te nja dy pseudoteologeve qe mund te kene rezerva ndaj Anastasit, dhe te them qe Anastasi do te me vrase. Po kjo se ben aspak vrases ate.

Me shpjego nje gje. Shqiptaret ortodokse njohin nje Anastas tjeter, ndryshe nga ai qe paraqisni ju. Opinioni nderkombetar njeh nje Anastas tjeter, ndryshe nga ai qe paraqisni ju. Te gjithe njohin nje Anastas tjeter, ndryshe nga ai qe paraqisni ju. Dhe pas ketyre ju doni te na mbushni mendjen se i vetmi njeri ne bote qe e njihka me te vertete Janullatosin na qenka At Foti Cici. Ja pra, ky eshte fakti i vetem qe e ben te pabesueshem Fotin, shoqaten e tij dhe letrat e tij.

Sikur te gjitha letrat qe ka shkruajtur Foti deri me sot te sjellesh ne Forum, ato nuk mund ta erresojne aspak imazhin shpirteror te Janullatosit. Dhe as nuk mund te bindin njeri mbi negativitetin e Janullatosit.

Fakti qe Cici nuk qe i zoti fitonte zemren Janullatosit nuk e ben Janullatosin vrases apo njeri qe do te digjet ne ferr, sic para se te behej prift ishte shprehur Cici. Cici ka aq shume problem, sa jo vetem qe e ndjen veten me lart se Janullatosi, por ndoshta e ndjen veten edhe me lart se i Larti duke firmosur dekretin e denimit te Janullatosit, dhe duke marre keshtu te drejten ekskluzive te gjykatesit te shpirterave. Mohoje kete po deshe.

[Sfurku]

Kjo eshte e thjeshte. Cici ne fillim ndihmon dike te ngrihet dhe pastaj e godet duke i marre vendin. Kete beri edhe ne Kanada. Ne fillim u shfaq si ndihmes dhe si psalt dhe me pas u be vete kryetari. Ti kete taktike duhet ta njohesh me mire se une.

Sigurisht që e di më mirë se ti. Sepse "kryetari" u zgjodh kur At Foti erdhi nga AMerika dhe se ai ishte bërë prift i paligjshëm nga kisha e paligjshme greke e Missagës. Pra, ishte taktika e At Fotit që e zgjidhi problemin duke i dhënë atij fillimisht diçka, sepse Nikolla Kavaja ishte 72 vjeç, dhe me dy martesa, gjë që nuk e lejonte të bëhesh prift. Peshkop Serafimi tha se po të mos ishte At FOti Cici në Kanada, shqiptarët do të ishin të përçarë në tre kisha. Ndërsa kështu, shqiptarët u bashkuan dhe janë tashmë në njëkishë, dhe prift u bë ai që kishte studjuar teologji dhe nuk kishte pengesa si Nikolla, i cili nuk kishte studjuar teologji, dhe kishte madje martesë të dytë me një grua jo ortodokse. Por juve të Janullatosit nuk ju interesojnë këto sesa pushteti që përpiqemi të mbani me dhëmbë në Tiranë.

[Sfurku]

Te falenderoj qe hape dosjen Cici, kur ai ishte kryetar i shoqates. Vetem nuk na the se sa anetare kishte shoqata, ose me mire sa intelektuale i ishin bashkengjitur asaj. .

Nga fotografitë që kam parë ishin me dhjetëra vetë në aktivitetet e shoqatës. TI nga programi i shoqatës mund të shohesh se ka qenë të paktën 50 vetë, sepse mbaheshin kurse në tre gjuhë, dhe kumtesa nga personalitete të emigracionit shqiptar, si Aristidh Kolja e Gazmend Kapllani, etj.

[Sfurku]

[QUOTE=Faktuesi]Me shpjego nje gje. Shqiptaret ortodokse njohin nje Anastas tjeter, ndryshe nga ai qe paraqisni ju. Opinioni nderkombetar njeh nje Anastas tjeter, ndryshe nga ai qe paraqisni ju. Te gjithe njohin nje Anastas tjeter, ndryshe nga ai qe paraqisni ju. [QUOTE]

Ne nuk duam ti ndryshojmë mendjen botës se si duan të mendojnë për Janullatosin. Të mendojnë si të kenë dëshirë. Duan ta shpallin shenjtor, le ta shpallin. Por ne kemi të drejtë të plotësojmë imazhin e tij si njeri, domethënë edhe me gabimet e tij, sepse kjo është jeta e çdo njeriu, dhe sigurisht kemi të drejtën biblike të mos ta adhurojmë, edhe sikur gjithë bota ti bjerë në gjunjë pushtetit të tij.

[Sfurku]

Sikur te gjitha letrat qe ka shkruajtur Foti deri me sot te sjellesh ne Forum, ato nuk mund ta erresojne aspak imazhin shpirteror te Janullatosit. Dhe as nuk mund te bindin njeri mbi negativitetin e Janullatosit.

Ne nuk jemi budallenj të besojmë se këto që shkruajmë ne do të ndryshojnë përshtypje për një njeri i cili ka krijuar një mekanizëm të tëre, me përmasa që dalin nga Ballkani, për të bërë gjithë botën të besojë vetëm njërën anë të tij. Por e ndjejmë si detyrim qytetar e kishtar të themi mendimin tonë duke u bazuar në fakte. Në qoftë se këto që themi ne janë thjesht dokrra, ti do të jepesh ndonjë mision tjetër dhe nuk do ta gdhije në internet, duke shpifur e duke i hapur telashe të ardhmes sate. Sepse ti do të jesh ai që do ta flakesh i pari Janullatosin, kur ai të vdesë, ndërsa ne do të themi edhe të mirat e tij, por sigurisht do të ndihemi të qetë që kur ishte gjallë i thamë lumit jo. Në qoftë se ti dhe mësuesit e tu nuk do të frikësoheshin nga këto që shkruhen, as që do të merreshin me ne, ashtu siç nuk janë marrë as me Nikolla Markun e Sejfi Protopapën.

[Sfurku]

Përderisa ti Faktues, shpif sërish përsa i përket çështjes së NIkolla Kavajës, se përse e larguan shqiptarët e Kanadasë nga prift, unë po të jap të përkthyera dokumentat e mëposhtme, të cilat i janë dërguar anëtarëve të kishës në TOronto, njohur si "dosja nikolla". Nga gjithë kjo duket se At FOti Cici, themeluesi i kishës shqiptare në Kanada, jo vetëm që e bëri kishën, po i dha trajtë të shëndoshë e kanonike, pavarësisht nga lufta që i bëni ju. Nga këto letra, me të cilat përgënjeshtroheni edhe një herë ju të Janullatosit, duket se nuk ishte faji i At FOtit kur një njeri që nuk vlente për prift kërkonte diçka të tillë, dhe siç thonë të gjithë këtu, e bënte për të marrë dokumentat nga emigracioni. LExoni letrat.

17 maj 2003

I Përndershëm Nikolla, Krishti u Ngjall!

Mora letrën tënde të 7 majit.

Jam i trishtuar që në këto momente gjykimet tona janë të kundërta. Gjithësesi problemi qëndron se ti je shuguruar prift nga një peshkop i cili nuk njihet si peshkop kanonik. Përveç kësaj, e kaluara jote është shumë e ndërlikuar dhe është e pamundur që unë t’i lutem Kryepeshkopit në ShBA, që të më lejojë të të shuguroj përsëri prift, sepse thjesht ai nuk ka për ta bërë. Kjo ishte arsyeja që unë nuk mundesha të të emëroja ty si Prift të Shën Astit, dhe kjo është arsyeja që unë shugurova në vendin tënd At Foti Cicin.

Për arsye të vuajteve dhe vështirësive të jetës sate, të së kaluarës së vështirë në Shqipëri dhe të problemeve që ke në Kanada, u përpoqa të bëj çka mundem për ty, brenda mundësive tona. Si rrjedhojë unë të trajtova si prift, në një farë mënyre, pavarësisht se zyrtarisht nuk mund të të njihja si prift. Por duke të trajtuar ty si prift, unë kam bërë gabim. Unë kujtoja se ti do të punoje për Kishën me bindje dhe do të bashkëpunoje me At Fotin. Ndërsa ti, në vend që të bindesh dhe të bashkëpunosh me At Fotin, i bën ballë dhe e kundërshton atë. Në vend që të punosh për bashkimin dhe fuqizimin e duhur të komunitetit, ti personalisht duket se dëshiron të shkaktosh përçarje.

Në qoftë se nuk bindesh dhe në qoftë se nuk bashkëpunon me ne, atëherë unë nuk mund të të pranoj më as si psalt në Kishën e Shën Astit. Atëherë jam i detyruar të të kërkoj të vishesh si laik dhe të ulesh në Kishë bashkë me popullin.

Të lutem më thuaj në qoftë se ke dëshirë të punosh bashkë me At Fotin, për t’a bërë këtë Kishë Shqiptare të fuqishme dhe të bashkuar. Në qoftë se bën kthesë, unë mund t’a ndryshoj në një farë mënyre këtë gjendje. Unë e di që ti ke vuajtur shumë gjatë jetës sate, por, të lutem, mos i shto vetes vuajtje të tjera me veprime të tilla. Bën atë që duhet të bëjë një i krishterë: fal, pajtohu dhe bashkëpuno. Kjo nuk është çështje autoriteti a prestigji, por është vuajtje për t’i shërbyer Krishtit, në mënyrë që të ushqehet dhe të shpëtohet grigja e tij.

Me dashuri me Krishtin, mbetem yti,

I padenji
+SERAFIM
Peshkop i Otavës dhe Kanadasë

Për dijeneni
At Foti Cici
Këshilli i Famullisë
---------------------



I dashur At Nikolla,

Po të shkruaj sepse jam zhgënjyer prej teje. Kam dëgjuar se ke prezantuar veten si prift i peshkopatës dhe si kreu i Kishës së Shën Astit, në kundërshtim me marrëveshjen tonë janarin e kaluar.

Ne ramë dakord që ti nuk do të bëje gjëra të tilla, por, për të mundësuar njohjen e Kishës, do të shërbeje si psalt. Gjithashtu ramë dakord se ti nuk do të pengoje punën e Kishës. Unë pranova se do të të ndihmoj me çështjen e emigracionit dhe të dhashë privilegje më tepër se ç’duhej të të jepja.

Gjithësesi, ne do të vazhdojmë të të ndihmojmë me emigracionin, në qoftë se ti me sjelljen tënde na lejon të të ndihmojmë. Megjithatë, duke filluar qysh tani, ti nuk do të kungohesh më në Altar, por nga Luga e shenjtë, si i pari midis laikëve. Kam dëgjuar se ti nuk na i ke thënë të gjitha hollësitë për sa i përket së kaluarës sate, gjë që më ka zhgënjyer. Qysh tani, të ndaloj të vësh kollaren e bardhë të klerikut, as në kishë, as në publik. Po të kërkoj të ruash ato për të cilat ke rënë dakord gjatë marrëveshjes së janarit, për sa i përket ndihmës që duhet t’i japësh Kishës së Shën Astit. Në qoftë se nuk bindesh, mund të shkaktosh rënjen e kishës dhe do të jesh përgjegjës karshi Perëndisë.

Problemet e shqiptarëve të Torontos, për të cilët je përpjekur të përkujdesesh me dashuri, nuk do të zbuten në asnjë mënyrë me sjelljen tënde si i pavarur dhe i pabindur. Ti do të ndihmosh vetëm thellimin e përçarjes së shqiptarëve. Si rrjedhojë, të kërkoj me sinqeritet të bashkëpunosh me At Fotin dhe ta mbështetësh atë, siç kemi rënë dakord. Ne gjithashtu duam të të ndihmojmë edhe ty, për sa është e mundur. Të lutem bashkëpuno.

Me dashuri me Krishtin, mbetem yti,


Peshkop Serafimi i Otavës dhe Kanadasë


Për dijeni: At Foti Cici

----------------------

Kryepeshkopata e Kanadasë  Kisha Ortodokse në Amerikë

30 gusht 2003

Letër drejtuar anëtarëve të Kishës Shqiptare të Shën Astit, në Toronto, dhe kujdo tjetër

Nga Peshkop Serafimi, mbi Nikolla Kavajën


Siç jeni në dijeni, Nikolla Kavaja është prezantuar me mënyra të ndryshme si prift i Kishës Ortodoke. Por ai është dorëzuar si i tillë nga një peshkop i skizmës (i vetëshpallur dhe i paligjshëm), prandaj dhe nuk mund të njihet nga Kisha Ortodokse. Veç kësaj, ekzistojnë dhe probleme të tjera, të cilat e bëjnë Nikolla Kavajën të papërshtatshëm të kualifikohet si prift ortodoks. Pavarësisht nga të gjitha këto, unë jam treguar i mëshirshëm dhe kam bërë lëshime të mëdha, duke e njohur atë në një farë mënyre dhe, më në fund, duke e lejuar të paktën si psalt. Por kjo nuk e kënaqi zotin Kavaja. Ai ka deklaruar se do të krijojë bashkësinë e tij tek e cila pretendon të bëhet kreu i saj. Por kjo gjë nuk mund të bëhet në Kishën Ortodokse. Duke u sjellur siç sillet, Nikolla Kavaja e çon vetveten, dhe këdo që e ndjek, jashtë kungimit të Kishës Ortodokse.

Jam shumë i vrarë shpirtërisht që Nikolla Kavaja gjatë kësaj kohe nuk ka dashur të sillet si një i krishterë me modesti, dhe të përpiqet kështu të ruajë unitetin e Kishës. Por ama dua t’ju vë në dijeni se, deri sa ai të pendohet, dhe do t’i falet në qoftë se pendohet, zoti Nikolla Kavaja e ka të ndaluar të kungohet në Kishën Ortodokse. Në qoftë se ai hiqet si prift, çfarëdo akti që ai kryen nuk ka asnjë vlerë, dhe ndoshta më keq.

Le të lutemi për të, në mënyrë që ai të gjejë udhën e pendesës, dhe asnjë nga besimtarët ortodoksë të mos gabojë nëpërmjet tij.

Me bekime kryebaritore dhe dashuri me Krishtin, mbetem juaji,



+ SERAFIM
Peshkop i Otavës dhe Kanadasë

[Sfurku]

Vlen të shtoj këtu, se pavarësisht nga letra e Peshkop Serafimit, At Foti e lejonte Nikollën të vinte në kishë e të psalte kur i tekej. Pra, ai u respektua. Ndërsa kur ai shkoi në Shqipëri, ku banon tani përhershmërisht, ju i ndaluat hyrjen në kishë dhe e vutë në karantinë si të ishte i zgjebosur. Dhe nga ana tjetër, shani At Fotin se pse e largoi nga teatri i tij.

[Faktuesi]

Dhe nga ana tjetër, shani At Fotin se pse e largoi nga teatri i tij.

Shume mire e thua Sfurk. Foti dhe teatri i tij. Vetem ta dish ti dhe Foti qe Kisha s'eshte teater. Ty Sfurk ndoshta te pelqen roli i aktorit, ndersa Fotit, ai i regjisorit.

Po te them nje sekret. Burimi me kryesor per te formuluar fakte kunder Cicit je ti dhe fjalet qe thua. Ti peshkohesh kaq lehte dhe pa kuptuar me ke dhene kaq informacion sa s'do te mund te me jepte asnje tjeter. Tregohu me i matur se me shume po shet sesa po blen. Kjo tregon qe nuk ke shume eksperience ne debate.

Se dyti nuk e ke kuptuar mire. Une isha fokusuar vetem tek Foti kur thashe qe ai kur nuk pranon rolin e dyshit, por do vetem njeshin. Une nuk e permenda fare kete Kavajen, dhe as nuk e njoh mire ate. Ne qofte se ai eshte antikanonik, mire kane bere qe e kane larguar. Une u perqendrova vetem tek Foti dhe tek karakteri i tij, i cili nuk pret.

Foti nuk e le veten ne doren e Hirit te Perendise dhe te prese te degjoje mesazhin e tij. Ai do qe ta udheheqe vete fatin e tij ne perputhje edhe me aspiratat e tij per ta shpallur veten hero dhe martir para vdekjes. Ti te gjitha pikepyetjeve te mia u pergjigje, pervec asaj te vrasjes se Fotit nga Janullatosi. Ndoshta Foti nuk ta ka diktuar kete rradhe pergjigjen, sepse eshte zene edhe ai ngushte.

Në qoftë se ti dhe mësuesit e tu nuk do të frikësoheshin nga këto që shkruhen, as që do të merreshin me ne, ashtu siç nuk janë marrë as me Nikolla Markun e Sejfi Protopapën.

Per sa i perket mesazheve te mia ne Forum, te kam sqaruar edhe here tjeter, po ti ose s'mban mend ose do ta sjellesh biseden cdo here nga e para.

Si fillim nuk jam une i pari qe po shkruaj ne internet dhe po sulmoj. Kur une u futa ne internet dhe sic ta kam thene me pare shkruajta ne search emrin e Fotit, me dolen nje sere shkrimesh te tij, ku sulmohej rende kryepeshkopi i KOASh-it dhe nje sere institucionesh te tjera te larta kishtare. Nga keto shkrime dilte se te gjithe ia fusnin kot, pervec nje njeriu inteligjent qe kishte lindur per te shpetuar situaten.

Nuk jam une ai qe e hapa lojen e internetit, por Cici nepermjet nje fare Sokrat Dhime dhe nje Sfurku. Ti je anetar shume me i vjeter ne Forum se une.

Nga qe kjo gje nuk m'u duk e ndershme, d.m.th. qe disa njerez anonime te shanin disa njerez te respektuar, thashe. Pse te mos futem dhe une dhe te them mendimin tim. Fundja per kete gje jane forumet. Mos te te rreje mendja se ia vlen qe per ty te rish pa gjume dhe te merren me kete pune profesora. Ju e keni formuar brenda vetes aq shume delirin e madheshtise, sa cdo gjeje i jepni ton zyrtar dhe formoni perrallen se kunder jush po stisen intriga te rrezikshme.

Te kam thene dhe po ta perseris prape, por te lutem mos ma perserit me kete pyetje se u merzita me perseritje, se autor i shkrimeve te mia ne forum jam vete une dhe asnje tjeter, dhe kete e bej vec per hobi dhe per shtyrje kohe.

Ti ne forum solle letra pa fund te Cicit, drejtuar primateve ortodokse te Kostandinopojes, Greqise dhe Shqiperise. E vecanta dhe njekohesisht ironia e ketij fakti qendron tek ngarja qe asnje nuk i eshte pergjigjur, apo te pakten ti nuk ke sjelle asnje pergjigje. Pse kjo heshtje? Pse asnje pergjigje?

Ta kam thene. Kete gje e kane kuptuar shume mire te tjeret...

Me Fotin s'ia vlen te merresh.

Per ata qe nuk dine shume per ju, rekomandoj te lexojne artikullin:
Fatmir Foti Cici! 67 arsye per te mos i besuar, ne adresen:

http://www.geocities.com/faktuesi/foticici.html

[Sfurku]

Shume mire e thua Sfurk. Foti dhe teatri i tij. Vetem ta dish ti dhe Foti qe Kisha s'eshte teater. Ty Sfurk ndoshta te pelqen roli i aktorit, ndersa Fotit, ai i regjisorit.

Po te them nje sekret. Burimi me kryesor per te formuluar fakte kunder Cicit je ti dhe fjalet qe thua. Ti peshkohesh kaq lehte dhe pa kuptuar me ke dhene kaq informacion sa s'do te mund te me jepte asnje tjeter. Tregohu me i matur se me shume po shet sesa po blen. Kjo tregon qe nuk ke shume eksperience ne debate.

Hej, shpifës, mos bën sikur s'kupton! 'Teatër', sipas dokumentave është Nikolla Kavaja, të cilën mësuesit e tu e njohin shumë mirë, dhe sepse gjithë paraqitja e tij ishte teatër, prandaj dhe e larguarn. Ti thua se shumë mirë ia bënë, por më parë e akuzove At Fotin se i zuri vendin. Ja se çfarë njerëzish jeni ju. Shpifës. Nuk jua mba të dilni me emër në shtyp dhe kujtoni se me bashibozukllëqe do të ndalni fushatën e At Cicit për të informua opinioin shqiptar mbi anën tjetër të Janullatosit.

[Sfurku]

Foti nuk e le veten ne doren e Hirit te Perendise dhe te prese te degjoje mesazhin e tij. Ai do qe ta udheheqe vete fatin e tij ne perputhje edhe me aspiratat e tij per ta shpallur veten hero dhe martir para vdekjes. Ti te gjitha pikepyetjeve te mia u pergjigje, pervec asaj te vrasjes se Fotit nga Janullatosi. Ndoshta Foti nuk ta ka diktuar kete rradhe pergjigjen, sepse eshte zene edhe ai ngushte.

UNë solla dokumenta ndërsaa ti sjell shpifje. Por vetën duke iu hedhur një sy faqeve të fundit duket se çfarë shpifësi je ti. Dhe sidomos tani në ditë kreshme. Ju jeni ata që kryqëzuan Krishtin; hipokritët e çdo brezi.

[Sfurku]

[QUOTE=Faktuesi]Nga qe kjo gje nuk m'u duk e ndershme, d.m.th. qe disa njerez anonime te shanin disa njerez te respektuar, thashe. Pse te mos futem dhe une dhe te them mendimin tim. Fundja per kete gje jane forumet. Mos te te rreje mendja se ia vlen qe per ty te rish pa gjume dhe te merren me kete pune profesora. Ju e keni formuar brenda vetes aq shume delirin e madheshtise, sa cdo gjeje i jepni ton zyrtar dhe formoni perrallen se kunder jush po stisen intriga te rrezikshme.[QUOTE]

Ti paguhesh për këtë punë, dhe ne e dimë kush je. Por një gjë është e vërtetë, që ti nuk e ke takkuar asnjëherë At Foti CIcin, dhe çdo gjë që sjell si 'dëshmi' është shpifje. Por ty, dhe Janullatosit, nuk jua mba të delni më emër, pikërisht se ne disponojmë edhe fakte të tjera skandaloze mbi veprimtarinë e misionarëve grekë në Shqipëri.

[Sfurku]

Ti ne forum solle letra pa fund te Cicit, drejtuar primateve ortodokse te Kostandinopojes, Greqise dhe Shqiperise. E vecanta dhe njekohesisht ironia e ketij fakti qendron tek ngarja qe asnje nuk i eshte pergjigjur, apo te pakten ti nuk ke sjelle asnje pergjigje. Pse kjo heshtje? Pse asnje pergjigje? [/URL]

Primati i Greqisë, i cili është dhe më kryesori në këtë rast, është përgjigjur dhe ka thirrur përfaqësi të emigrantëve, gjë që dëshmohet si tek letrat, ashtu edhe tek intervista tek Gazeta e Athinës, si edhe tek dy teskte botuar tek e njëjta gazetë, e vetmja prë atë kohë në Athinë. Ja një shpifjie tjetër, o shpifës. Janullatosi përësri është përgjigjur, siç duket edhenga letra që i ka dërguar Lidhja, por do të ishte më mirë që këto të botoheshin një ditë në shtyp, që të diheshin edhe këto gjëra, për ata që janë të interesuar.

[Sfurku]

Ta kam thene. Kete gje e kane kuptuar shume mire te tjeret...

Me Fotin s'ia vlen te merresh.

Per ata qe nuk dine shume per ju, rekomandoj te lexojne artikullin:
Fatmir Foti Cici! 67 arsye per te mos i besuar, ne adresen:

http://www.geocities.com/faktuesi/foticici.html

Se çfarë kanë kuptuar 'të tjerët', lereni në opinionin e të tjerëve, për të cilën s'duhet të shqetësohesh kaq shumë. Por në qoftë se kjo ishte hobi për ty, dhe jo veprimtari me pagesë, siç e dimë shumë mirë ne dhe bashkëpunorët tanë në kryepeshkopatën e Tiranës, nuk do të të interesonte kaq shumë se ç'thonë të tjerët, ashtu siç nuk na intereson edhe ne. NE themi ato që duhen thënë, dhe të tjerët le të mendojnë si të duan. Ju keni hapur faqe në internet 'për të mos i besuar 'Fatmir Foti Cici', dhe jo 'Cicit', me 't' në fund, siç shkruhet në shqip, sepse kështu e përkthen, e para, dhe e dyta, me search do të gjendet më lehtë pa 't': Cici! Pra, ju djeg se çfarë thotë At Foti dhe nuke keni aspak si hobi. Pra në këtë faqe shpifëse, o shpifësa, ju nxirrni fytyrën tuaj, anën tjetër të plakut mëkatar, ndërsa At Foti, tek faqja e tyre, www.shqiptarortodoks.com nuk ka rënë në nivelin tuaj dhe ka dalë me emër dhe me dinjitet.

[Sfurku]

Fakti qe ai ka organizuar nje komunitet ortodoks ne Kanada eshte i admirueshem, por eshte shume skandal fakti qe keto kisha nuk varen nga Kisha Meme ne Shqiperi sic normal ndodh me diasporat e tjera. Dhe kjo jo per faj te Janullatosit, por per faj te Cicit. Per ata qe nuk e dine kishat shqiptare ne Kanada ndodhen ne varesi te Kishes Ruse. Ky eshte gabimi i Cicit. Ai nuk di te prese. COLOR=Red]http://www.geocities.com/faktuesi/foticici.html [/COLOR]

Janullatosi nuk pranoi që shqiptarët të organizoheshin në Kanada, ashtu siç u luftoi edhe në Athinë, nëpërmjet dokumentave që solla. Shqiptarët e Kanadasë i shkruan Janullatosit, si shoqata shqiptaro-kanadeze, ashtu edhe vetë ortodoksët dhe mbas dy vjetësh ata u drejtuan tek peshkopata shqiptare në AMerikë. Në qoftë se është skandal, jemi dakord, se skandal është kur kisha shqiptare merret me politikë dhe lufton bijtë e saj në diasporë. Ja dokuementi, marrrë nga www.shqiptarortodoks.com

Komiteti Ortodoks i Emigrantëve Shqiptarë në Toronto

Shumë të Përndershmit At Artur Liolin,
Kancelar i Peshkopatës Shqiptare në Amerikë
523 East Broadway, South Boston MA, 02127

Shumë i Përndershëm,

Komiteti Ortodoks i Emigrantëve Shqiptarë në Toronto, i cili u themelua më 14 korrik 2002, e kremte e Etërve të Shenjtë të Sinodit IV Ekumenik, ju dërgon përshëndetjet vëllazërore e birërore, duke ju kërkuar bekimet tuaja priftërore për të arritur sendërtimin e qëllimeve tona, të cilat përkojnë me nevojat a ngutshme që ka Ortodoksia në diasporën shqiptare të pasdiktaturës.

Siç e dini, këtu në qytetin e Torontos ndodhen disa mijëra emigrantë shqiptarë ortodoksë të cilët kanë vite që presin kujdesin e Kishës Ortodokse për t’i marrë në gjirin e saj, të cilës i përkasin që kur s’mbahet mend. E vërteta është se ne jemi braktisur nga kisha mëmë e Shqipërisë, jemi shpërnjohur nga kryesia e Kishës Ortodokse Autoqefale të Shqipërisë, megjithëse kemi kërkuar me përulje e frymë kishtare, edhe sipas rekomandimit tuaj të matur, bekimin dhe ndihmën e Fortlumturisë së Tij Anastasios (Janullatos), primatit aktual të KOASH-it

Ne nuk ngremë asnjë pyetje ndaj personit tuaj të shumërespektuar në bashkësinë tonë, përderisa ju i përkisni një juridiksioni kishtar të pavarur nga kryepeshkopi Anastasios, dhe aq më tepër kur peshkopata të cilën kanceloni për vite të tëra nuk ka të drejta juridiksioni në Kanada. Por përderisa ne kemi vendosur t’i drejtohemi Kishës Ortodokse në Amerikë (Orthodox Church in America), të cilës i përkasin shumica e famullive ortodokse shqiptaro-amerikane, domethënë Peshkopata juaj, ju lutemi nxehtësisht të ndërmjetësoni tek primati i ri i OCA-së, i cili do të zgjidhet javën që vjen, të japë bekimin e tij kryepriftëror në përpjekjen tonë për të hapur një famulli misionare ortodokse shqiptare në Toronto.

Ne nuk kemi pretendime për trajtën kanonike që do të ketë vendimi i Kishës ndaj kërkesës së bashkësisë ortodokse shqiptare të Torontos. Në qoftë se Kisha vendos që ne t’i përkasim juridiksionit peshkopal të Kanadasë, nën peshkopin Serafim, ose të shtrihet rrezja e juridiksionit të Peshkopatës Shqiptare në Amerikë edhe këtu në Kanada, ato janë çështje që nuk i përkasin komitetit tonë, si përfaqësi e përkohëshme e emigrantëve shqiptarë në Toronto, dhe ju japim të drejtë t’a trajtoni këtë çështje sipas arsyetimit tuaj.

Ne do të përkujtojmë në Meshë emrat e primatëve të OCA-së, aktualisht të Mitropolitit Theodhos, dhe mbas përfundimit të shërbesës së tij, të peshkopit që do të caktohet në vijim, deri në zgjedhjen, javën që vjen, shugurimin e fronëzimin në fillim të vjeshtës të primatit të ri të OCA-së.

Komiteti ka filluar përpjekjet për sigurimin e pagesës së një kishe a salle për fillimin e shërbesave të përjavëshme në gjuhën shqipe, në datën 1 shtator. Vështirësia më e madhe është mungesa e një peshkopi kanonik, i cili të ketë dijeni dhe të mbështesë moralisht nismën tonë ortodokse dhe kombëtare. Një peshkop ortodoks na u përgjigj, në kërkesë për marrjen me pagesë së një kishe të tij në Toronto, se “ekzistojnë dy peshkopë shqiptarë në Amerikën e Veriut; nuk mund të futim hundët në punët e tyre.” Prandaj ju lutemi, me gjithë nuancat që merr kjo ngjarje, t’i përcillni Peshkopit të saposhuguruar të Baltimorës, dhe vëllait tuaj, Hirësisë së Tij Imzot Nikonit (Liolin), i cili është dhe peshkopi asistent i primatit të Kishës Ortodokse në Amerikë, lutjen tonë për të bërë diçka për të mirën e Kishës Ortodokse dhe të kombit shqiptar, duke i dhënë një ndihmë morale një bashkësie të krishterë e cila përpëlitet në dhè të huaj për të mbajtur fort besimin e etërve tanë.

Në qoftë se keni nevojë për të dhëna të tjera, për të plotësuar imazhin kishtar të bashkësisë sonë, jemi të gatshëm të përgjigjemi. Me fillimin e shërbesave jeni i mirëpritur të urdhëroni e të meshoni në kishën që shpresojmë të marrim me pagesë, në mënyrë që të ndihmoni për të hedhur themele të shëndosha kishtare e kombëtare në famullinë tonë të ardhshme.

Komiteti dëshmon gjithashtu se përderisa emigrantët shqiptarë të besimit myslyman dhe të atij katolik kanë shërbesat e tyre në gjuhën shqipe, me ndihmën e institucioneve të tyre përkatëse fetare, përse emigrantët ortodoksë të jenë të privuar nga kjo e drejtë legjitime? Në momentin kur KOASH-i nuk i përgjigjet lutjeve tona, në momentin kur Peshkopata Shqiptare në Amerikë nuk ka ende peshkopin e saj, e vetmja shpresë për ne mbeteni ju, Shumë i Përndershëm, dhe gjithë komuniteti shqiptar i Kanadasë do t’ju jetë mirënjohës që ndihmuat në themelimin e kishës së parë shqiptare ortodokse këtu, e cila ka për qëllim të mbjellë në jetën tonë të shumëvuajtur shpresën me dashurinë e Zotit Krisht, nëpëmjet mistereve jetëdhënës të Kishës, pa të cilën nuk ka kuptim ekzistenca jonë si të krishterë ortodoksë.

(Toronto, më 18 korrik 2002)

[Sfurku]

Ja dhe dokumenti, botuar tek gazeta Illyria, përpiluar nga At Foti, atëherë teologu Fatmir Foti Cici.

Marrë nga www.shqiptarortodoks.com

KOMITETI ORTODOKS I EMIGRANTËVE SHQIPTARË NË TORONTO

Sot, më 14 korrik 2002, e kremte e Etërve të Shenjtë të Sinodit IV Ekumenik, u krijua Komiteti Ortodoks i Emigrantëve Shqiptarë në Toronto, një përfaqësi e përkohëshme e emigrantëve shqiptarë ortodoksë në Toronto, të provincës Ontario të Kanadasë. Ky forum, i cili në thelb është një grup pune, përbëhet nga kryetari, at Nikolla Kavaja, prift i bashkësisë sonë ortodokse, sekretari, zoti Fatmir Foti Cici, teolog, arkëtari, zoti Adrian Keri, dhe anëtarët, zonja Dorina Shuke e zotërinjtë Rrapi Bafa, Alban Hobdari, Arben Aleksi e Viktor Tanefi, që të gjithë anëtarë të Kishës Ortodokse.

Synimet e Komitetit Ortodoks janë:

1. Të vlerësojë situatën aktuale në lidhje me gjendjen kishtare të emigrantëve shqiptarë ortodoksë në këtë qytet.
2. Të bëjë përçapjet e duhura tek faktorët përkatës për të bërë të mundur organizimin e një kishe ortodokse në gjuhën shqipe në Toronto.
3. Të ndërmarrë një fushatë për sigurimin e mjeteve të domosdoshëm për ekzistencën e kësaj kishe në trajtë të përjavëshme.

Komiteti Ortodoks, duke marrë parasysh faktorët, paralelët dhe ngjarjet që kanë lidhje me synimet e mësipërme, konkludoi në vlerësimet e mëposhtme:

1. Më 16 qershor 2002, e kremte e Etërve të Shenjtë të Sinodit I Ekumenik, u celebrua në Toronto mesha e parë në gjuhën shqipe, në kishën rumune të Shën Gjergjit, nga i përndershmi at Nikolla Kavaja, me një pjesëmarrjeje të kënaqshme të emigrantëve shqiptarë, kryesisht ortodoksë. Kjo ishte një provë e suksesshme, e cila dha shenjën për të diskutuar e kërkuar organizimin e një kishe në gjuhën shqipe në Toronto.
2. Organizimi i një famullie ortodokse në gjuhën shqipe është një domosdoshmëri shpirtërore dhe kombëtare për emigrantët dhe, në të njëjtën kohë, një e drejtë legjitime kishtare. Komuniteti shqiptar i Torontos, i cili aktualisht ka një xhami dhe një kishë katolike në gjuhën shqipe, pret tashmë nga ortodoksët shqiptarë të nxiten nga shembulli i vëllezërve të tyre myslymanë dhe katolikë, dhe të ndërmarrin aksionin e duhur për të hapur një kishë ortodokse shqiptare në Toronto, për të përmbushur kësisoj detyrat e tyre të krishtera, por duke plotësuar njëkohësisht edhe tripletin e besimeve tradicionale të Shqipërisë.
3. Nisma për një kishë ortodokse shqiptare në Toronto është përçuar deri tani nga individë dhe forume shqiptare të emigracionit, kryesisht nga Shoqata e Miqësisë Shqiptaro-Kanadeze. Motivimet e këtyre përpjejeve kanë qenë të pastra, por më tepër kombëtare dhe më pak kishtare, gjë që e ka bërë edhe më të vështirë sendërtimin e idesë në fjalë.
4. Në tetor 2001, prifti ynë, at Nikolla Kavaja, i cili gëzon edhe detyrën e sekretarit të Shoqatës Shqiptaro-Kanadeze, shkoi në Boston MA, dhe u takua me Kancelarin e Peshkopatës Shqiptare në Amerikë, shumë të përndershmin at Artur Liolin, i cili e priti me interes idenë e themelimit të një kishe shqiptare në Toronto, por rekomandoi që kjo lutje t’i përcillet për aprovim dhe ndihmë Fortlumturisë së Tij, Kryepeshkopit të Tiranës dhe gjithë Shqipërisë, Prof. Dr. Imzot Anastasios (Janullatos). Në dhjetor 2001 at Nikolla dhe shoqata e sipërpërmendur iu drejtua Kryepeshkopit Anastasios me një lutje për hapjen e një kishe shqiptare në Toronto, por ende nuk ka marrë përgjigje.
5. Emigracioni shqiptar ortodoks në Toronto, si pjesë përbërëse e Kishës Ortodokse Autoqefale të Shqipërisë (KOASH), dëshmon se kisha mëmë, literalisht i ka braktisur bijtë e saj, ashtu si edhe në shtete të tjera ku ekziston me shumicë popullsi emigrantësh shqiptarë ortodoksë (Greqi, etj.), dhe mbajtja e shpresave për ndihmë nga Shqipëria është një alibi për mosangazhim të mëtejshëm. Megjithëse diaspora e pasdiktaturës përbën më shumë se gjysmën e anëtarëve të KOASH-it, për sa i përket Kanadasë, nuk ekziston asnjë faktor politik a kishtar për mosorganizimin e një kishe në gjuhën shqipe.
6. Prifti meshëtar, teologu psalt dhe personeli i domosdoshëm për mbarëvajtjen e kishës, janë që të gjithë të gatshëm për të ofruar shërbimet e tyre falas. Pra, e vetmja pengesë për të pasur një kishë ortodokse shqiptare në Toronto është mungesa e vendit të adhurimit dhe mospatja e mjeteve të domosdoshëm, liturgjikë e priftërorë, për të celebruar shërbesat e përjavëshme.
7. Mbas faktorit ekonomik ekzistojnë vështirësi për të siguruar nxitjen, ndihmën dhe lejen e një peshkopi ortodoks kanonik, i cili të jetë i gatshëm të marrë nën juridiksionin e tij famullinë tonë të ardhshme. Përveç KOASH-it, i cili nuk është përgjigjur, Peshkopata Shqiptare në Amerikë nuk ka juridiksion kishtar në Kanada, ndërsa Dioqeza Shqiptare në Amerikë është nën juridiksionin e Patrikanës Ekumenike. Gjithësesi ekzistojnë në Kanada juridiksione të tjera kishtare kanonike. Njëri prej tyre është Kisha Ortodokse në Amerikë (Orthodox Church in America), pjesë e së cilës është Peshkopata Shqiptare në Amerikë, e cila ka një prani të fuqishme peshkopale në Kanada dhe ky fakt është një alternativë që përkon me synimet e Komitetit.
8. Vendi i celebrimit të shërbesave mund të mos jetë me doemos kishë, për arsye se mospatja e një peshkopi, me të gjitha nuancat që përmban pika 7, e ka vështirësuar gjetjen e një kishe ortodokse, dhe në qoftë se kjo nuk bëhet e mundur as me gjetjen e ndonjë kishe jo ortodokse, e vetmja mundësi është gjetja e një salle ceremonish, e cila do të shërbejë fillimisht si vend adhurimi dhe lutjeje. Shumë komunitete ortodokse në Amerikën e Veriut i kanë fillimet e tyre në një sallë me pagesë, duke vazhduar më pas në një kishë me qira, dhe me rritjen dhe fuqizimin e komunitetit arrijnë të kenë një kishë të tyren.
9. Shumica e emigrantëve shqiptarë, ortodoksë dhe jo, janë ngulur në lagjen greke të Torontos, ku ndodhen disa kisha të fuqishme të cilat përdorin vetëm greqishten. Sipas konstatimit tonë, famullitë greke kanë një prani influencuese në rajonin ku banojnë emigrantët shqiptarë, por me përparësi në aspektin kombëtar e kulturor të tyre, sesa në atë shpirtëror. Një vendtakim në lagjen greke do t’a lehtësonte më tepër pjesëmarrjen e emigrantëve ortodoksë shqiptarë në kishën e tyre, gjë që nga ana tjetër i ngushton mundësitë për përzgjedhjen e vendit në lagje të tjera.
10. Cilado që të jetë përzgjedhja e vendit të shërbesave në shqip - kishë apo sallë - sot për sot, nuk ekziston mundësia për të siguruar një vendtakim pa pagesë. Çmimi i kishës a i sallës, është rreth $100 (një qind dollarë kanadezë) në javë. Plus pagesës së vendit, nevojiten rreth $1000 për blerjen e mjeteve (sendet e kungatës, pajisjet e tryezës së shenjtë, kryqi, temjanica dhe disa ikona) për të bërë të mundur kryerjen e meshës, sipas rregullave të ritit liturgjik.
11. Me përpjekjet që janë bërë gjer më sot, nuk ekzisojnë të dhëna se këto të holla mund të sigurohen në Toronto, por mbas fillimit të meshës së përjavëshme dhe të organizimit të kishës, përderisa shërbimi i priftit dhe i ekipit të tij është vullnetar, një pjesë e mirë e të hollave do të dalë nga shitja e qirinjve.
12. Pa fillimin e meshës së përjavëshme si fakt i kryer, është e pamundur të fillojë procedura për kanonizimin e kishës nën juridiksionin e Kishës Ortodokse në Amerikë, dhe sidomos në bashkëveprim, në qoftë se bëhet e mundur, me Peshkopatën Shqiptare në Amerikë.

Mas këtyre vlerësimeve të domosdoshme, në përputhje me synimet e krijimit të tij, Komiteti Ortodoks mori vendimet e mëposhtme:

1. Të sigurojë vendin ku do të kryhen shërbesat e përjavëshme për një vit: 1 shtator 2002 - 15 gusht 2003.
2. Të kërkojë botërisht ndihmë, duke u adresuar pa dallime, dhe të sigurojë fondet e duhura për pagimin e vendit të shërbesave (rreth $5000 për një vit) dhe për sigurimin e mjeteve liturgjike e priftërore (rreth $1000).
3. Të njoftojë në shtyp sasinë e të hollave të siguruara dhe emrat e dhuruesve.
4. Të vërtetojë tek dhuruesit, me dokumentacionin përkatës, pagesat e vendit të adhurimit dhe të pajisjeve liturgjike.
5. Të kërkojë lejen dhe bekimin e Primatit të Kishës Ortodokse në Amerikë për fillimin e meshës së përjavëshme në gjuhën shqipe, duke dhënë datën 1 shtator 2002.
6. Të kërkojë sërish ndihmën e Kancelarit të Peshkopatës Shqiptare në Amerikë, Shumë të Përndershmit At Artur Liolin, për të ndërmjetësuar tek Fortlumturia e Tij Theodhos dhe tek peshkopi i tij asistent, Hirësia e Tij Nikon (Liolin), për futjen e famullisë shqiptare të Torontos në gjirin e Kishës Ortodokse në Amerikë, pa pretendime për trajtën kanonike që do të ketë vendimi i Kishës mbi këtë kërkesë.
7. T’i parashtrojë si kusht kërkesën priftit tonë meshëtar dhe kujtdo që mund të bashkëmeshojë me të, për përkujtimin e domosdoshëm në Meshë (tek “Për Kryepeshkopin tonë aksh...”) të Fortlumturisë së Tij Theodhosit, Mitropolitit Kryepeshkop të Kishës Ortodokse në Amerikë, derisa vetë Primati të përgjigjet dhe të vendosë për emrin e peshkopit të famullisë sonë.
8. T’i parashtrojë si kusht kërkesën priftit tonë meshëtar që të bashkëmeshojë, si në kishën tonë dhe kudo gjetkë, vetëm me klerikë që i përkasin ose janë në kungim me Kishën Ortodokse në Amerikë dhe peshkopët e saj. Si rrjedhojë, në rast pamundësie të priftit aktual, Komiteti duhet të ftojë klerikë për kryerjen e shërbesave vetëm nga ato kisha që i përkasin dhe janë në kungim me Kishën Ortodokse në Amerikë.
9. Të përgatisë mbajtjen e kuvendit të parë të komunitetit ortodoks shqiptar të Torontos në muajin nëntor të këtij viti, 2002, ku do të zhvillohen zgjedhjet e pleqësisë kishtare, si strukturë e vetme udhëheqëse e famullisës sonë, e cila do të ketë të drejtë të rishikojë të gjitha pikat e këtij dokumenti.
10. Të raportojë në kuvendin e sipërpërmendur veprimtarinë e komitetit, të japë llogari të detajuar mbi veprimet financiare të komitetit, dhe të dorëzojë sasinë ekzistuese të të hollave, në qoftë se ekziston, tek pleqësia e zgjedhur në kuvend.
11. Mbas zgjedhjes së pleqësisë kishtare në kuvend, të njoftojë shkrirjen e Komitetit Ortodoks të Emigrantëve Shqiptarë në Toronto, si akt i përmbushjes së misionit themelues.
12. Të publikojë menjëherë përmbajtjen e plotë të këtij dokumenti.

(Toronto, më 14 korrik 2002)

[Sfurku]

Ja ecuria e kanonizimit të kishës, në sajë të At Foti Cicit, ndërsa ju të urtësisë së pritjes i keni lënë shiqptarët në mëshirën e fatit. Pra, skandal është por Janullatosi është babai i këtyre skandaleve në historinë e shqiptarëve ortodoksë.

Marrë nga www.shqiptarortodoks.com


16 qershor 2002. U mbajt mesha e parë shqip në Toronto, me meshëtar zotin Nikolla Kavaja, i cili ishte dorëzuar prift nga një klerik grek në Misisaga, në periferi to Torontos, me rekomandimin dhe mbështetjen e Shoqatës Shqiptaro-Kanadeze. Mesha u mbajt tek kisha rumune e Shën Gjergjit në Toronto, famulli e kishës ortodokse autoqefale në Amerikë, me ndihmën e at Fotit (në atë kohë, teolog laik), i cili atëherë sapo kishte ardhur nga ShBA. Duke ardhur në kontakt me besimtarët që morën pjesë në atë meshë, sidomos me zotin Alban Hobdari, Foti filloi organizimin e kishës së parë shqiptare në Kanada.

14 korrik 2002. U krijua një komitet ortodoks si përfaqësi e përkohshme e emigrantëve shqiptarë ortodoksë të Torontos. Foti paraqiti në këtë takim për miratim një projekt për themelimin dhe afiliimin e kishës, i cili u botua tek gazeta shqiptaro-amerikane Illyria, nr. 1158, 19-22 korrik 2002, f. 22.

18 korrik 2002. Komiteti dërgoi kërkesën për afiliim tek kancelari i peshkopatës shqiptare në ShBA, at Artur Liolin, i cili nuk pranoi të normalizojë statusin kanonik të ortodoksëve të Torontos, dhe të marrë famullinë e re në gjirin e peshkopatës. Pyetja që e rëndon administruesin e atëhershëm të peshkopatës, themeluar nga Fan S. Noli është: cila ishte alternativa e kishës ortodokse për shqiptarët e Kanadasë, tej mospëlqimit të kryepeshkopit Anastasios?

Gusht 2002. Foti Cici zhvilloi gjatë këtij muaji negociatat e duhura me Hirësinë e Tij Serafimin, Peshkop i Otavës dhe Kanadasë, i cili pranoi të fusë shqiptarët e Kanadasë nën juridiksionin e tij kishtar. Mbasi u sigurua marrja me qira e një kishe, në zonën ku banojnë shumica e emigrantëve (Danforth), komiteti aplikoi dhe kisha e sapokrijuar u bë korporatë, sipas rregullave të shtetit kanadez.

1 shtator 2002. Kisha filloi të celebrojë për çdo të diel, me bekimin e Hirësisë së Tij, Peshkop Serafimit, duke pasur si meshëtar Nikolla Kavajën, e administrator teologun Foti Cici.

17 nëntor 2002. Komiteti ortodoks, me kryetar Nikolla Kavajën, u shkri dhe u krijua këshilli kishtar. Në zgjedhjet e famullisë Alban Hobdari u zgjodh kryetar i këshillit.

1 dhjetor 2002. Peshkop Serafimi përshendeti kryesinë e re të famullisë duke i dhënë asaj statusin “Mission Station”, shkalla e parë drejt kanonizimit.

4 janar 2003. Imzot Serafimi thirri një përfaqësi të komunitetit ortodoks, përbërë nga Alban Hobdari, Foti Cici dhe Nikolla Kavaja.

Serafimi pranoi dorëheqjen nga detyrat meshëtare të Nikollës, mbasi qartësoi pamundësinë e ridorëzimit të tij prift, për arsye ndërlikuese nga e kaluara e klerikut moshatar. Zoti Kavaja pranoi të shërbejë si psalt dhe të ndihmojë për ruajtjen e unitetit të kishës shqiptare të Torontos.

Po atë ditë, më 4 janar 2003, Peshkop Serafimi i Otavës i dha status të plotë kishës shqiptare, duke e pajisur përfaqësinë me Antiminsin dhe Miron e Shenjtë dhe letrën e kanonizimit të famullisë. Në vijim ai caktoi si prift të shqiptarëve të Torontos teologun Foti Cici. Hirësia e Otavës shtoi se “kisha shqiptare është e lirë që në të ardhmen të afiliohet, nëse dëshiron, me peshkopatën shqiptare në Amerikë”.

10 janar 2003. Foti Cici u shugurua dhjakon në Kishën e Shën Grigorit të Nisës në Kingston, Ontario, nga Hirësia e Tij Serafimi.

2 shkurt 2003. Dhjakon Foti u dorëzua prift nga Hirësia e Tij Serafimi, në katedralen e Hyjlindëses dhe Shën Nikollës në Otavë, me një pjesëmarrje të madhe besimtarësh, duke përfshirë edhe besimtarët shqiptarë që kishin ardhur nga Toronto me dhjakonin për prift. Ishin emocionuese çastet kur kleri ortodoks kanadez këndoi pjesë të meshës në shqip, dhe kur peshkopi kanadez e shuguroi priftin duke thirrur disa herë në shqip: “I denjë!”.

9 shkurt 2003. At Foti celebroi meshën e parë në Toronto.

* * *

Menjëherë mbas shugurimit, at Foti filloi përpjekjet për t’a bërë kishën të njohur tek kishat e tjera ortodokse e për t’a nxjerrë nga izolimi i mëparshëm. Prifti shqiptar u ftua në këshillin e priftërinjve ortodoksë të Torontos. At Foti kërkoi takim me Hirësinë e Tij Sotirios, mitropolitin grek të Torontos, dhe siguroi lejen për të meshuar në kishat greke të qytetit, për të ardhur kështu në kontakt e ftuar në kishën e tyre shqiptarët që meshoheshin në kishat greke. Është e domosdoshme që shqiptarët ortodoksë të Torontos, ata shqiptarë që shkojnë në kishat greke me motive kishtare, të bashkohen në një kishë të tyren, me priftin e tyre, në gjuhën e tyre.

Është për të mirën e kishës greke, domethënë për të evituar akte e situata që kuptohen vetëm brenda kulturës shqiptare, të përcjellë tek kisha shqiptare ata bashkatdhetarë që kërkojnë pagëzime e procedura të tjera kishtare në kishat motra greke. Kisha jonë po punon drejt përkryerjes së kësaj marrëveshjeje me mitropolinë greke.

Sot Kisha e Shën Astit, e vetmja kishë shqiptare në Toronto, vijon të ketë një profil në rritje dinjitoz në komunitetin shqiptar të Torontos dhe Montrealit, të cilat janë dy qendrat më të mëdha të emigrantëve shqiptarë. Kjo kishë e dobët dhe modeste bëhet e madhërishme në vizionet tona për vetë faktin se u themelua nga vetë emigrantët, mori drejtim ligjor e kanonik, e vazhdon të ndriçojë të njëjtën dritë shpresëdhënëse, pa asnjë ndihmë nga faktorët që janë përgjegjës karshi Zotit për mbarëvajtjen shpirtërore të shqiptarëve.

* * *

[Faktuesi]

Ti paguhesh për këtë punë, dhe ne e dimë kush je. Por një gjë është e vërtetë, që ti nuk e ke takkuar asnjëherë At Foti CIcin, dhe çdo gjë që sjell si 'dëshmi' është shpifje. Por ty, dhe Janullatosit, nuk jua mba të delni më emër, pikërisht se ne disponojmë edhe fakte të tjera skandaloze mbi veprimtarinë e misionarëve grekë në Shqipëri.

Nese eshte sic thua qe Cici eshte i paster, atehere pse e humb qetesine duke ofshuar dhe kercenuar. Nese e di kush jam, shume mire, bravo te qofte, kjo s'me tremb aspak. Une thjesht jam ne forum dhe shpreh ekskluzivisht mendimin tim.

Ti thua se keni bashkepunetoret tuaj ne Kryepeshkopate. Urime edhe per aktivitetin tuaj te spiunazhit. Por nuk e di ke survejojne atje bashkepunetoret tuaj, sepse une nuk kam lidhje me Kryepeshkopaten dhe as ndodhem atje. Jo cdo njeri qe mendon ndryshe nga ju lidhet me Kryepeshkopaten. Ashtu sic as jo cdo njeri qe mendon ndryshe nga mua ndodhet ne Kanada. Kjo s'tregon se jeni te zgjuar, por tregon edhe njehere inferioritet ne intelekt dhe jo perendishmeri.

Do te te shkruaja dhe te tjera, por ndoshta ne nje moment te mevonshem, pasi ka hyre Java e Madhe dhe duhet te perqendrohemi edhe tek shpirteroret. Duket qe Foti nuk jua ka mesuar edhe fjalen "dashuri" ne dialog, sjellje dhe ne jete.

Gezuar e per shume mot pashket!
Faktuesi.

[Sfurku]

Ne të sollën gjithë këto dokumente, ndërsa të nxorrëm bllof. Prandaj edhe më parë ti e kuptoje se 'fakte' nuk ishte e vërtetë, dhe e ktheve 'arsye', por tani, nën dritën e këtyre dokumentave, duhet të gjesh një fjalë tjetër, e ndoshta një emër tjetër. Ju keni gjithë këto fytyra, kështu që e keni më të lehtë për të gjetur edhe emra. At Foti nuk na paska mësuar dashurinë, por ama nuk ka mësuar as shpifjen, si ju të Janullatosit. Tani hiqeni si kreshmëtarë dhe duani 'të përqëndroheni' për shërbesat e Javës së Madhe, por e vërteta është e vërtetë gjatë gjithë vitit e jo vetëm për pashkët, o shpifësa.

[Sfurku]

Ti thua se keni bashkepunetoret tuaj ne Kryepeshkopate. Urime edhe per aktivitetin tuaj te spiunazhit. Por nuk e di ke survejojne atje bashkepunetoret tuaj, sepse une nuk kam lidhje me Kryepeshkopaten dhe as ndodhem atje. .

Ne nuk thamë se ti ndodhesh tani atje, por është marrë vesh rrethet e kryepeshkopatës akordimi i bursës sate.

[Iliriani]

Dua tju bej nje pyetje rreth kishes shqiptare ortodokse.Ne keto 12 vjet te drejtimit nga kryepeshkopi Janullatos si periudhe rilindje te kishesh shqiptare sa prifterinj shqiptar jane bere e sa kisha mbulojne e sa nga keta jane rritur ne hirearkine e kishes e ca poste mbulojne.Kjo ka qene dhe detyra kryesore e tij kur mori drejtimin e kishes ne 92.A nuk do qe mire qe nje ortodoks shqiptare te rritej te behej prift e deri kryepeshkop e a eshte ndertuar kjo rruge per nje femije shqiptare qe ka lindur sot e ndoshta ne te ardhmen do te doj te eci ne kete rruge e ti kendoj zotit ne gjuhen e nenes.A i kemi keto institucione fetare ne gjuhen shqipe e a e kane shqiptaret kete mundesi.Si nje ortodoks i thjeshte keto jane gjerat qe kerkoj nga institucionet fetare ne shqiperi.Faleminderit