Postuar më parë nga
angmokio
Ekspertiza: Me të miturën është kryer marrëdhënie seksuale
Autori, për abuzimin: Desha dhe e bëra
PËRDHUNIMI
DELVINE jë ngjarje tragjike ka ndodhur në Delvinë, ku një 47- vjeçar ka përdhunuar një 8- vjeçare, vajzën e gruas me të cilën bashkëjetonte. Ka qenë nëna e të miturës, ajo që ka denoncuar në polici abuzimin seksual që bashkëjetuesi i saj, shtetasi Pandeli Anagnosti ka kryer me vajzën vetëm 8vjeçe. Pas kallëzimit, Policia është vënë në ndjekje të autorit të krimit, dhe ka mundur ta vërë në pranga në orët e para të së dielës. Mësohet se nëna e dy fëmijëve, shtetasja me iniciale K. C., bashkëjetonte prej disa vitesh me Pandeli Anagnostin, por pa lidhur zyrtarisht kurorë. Rrëfimi tragjik i 8vjeçares për nënën e saj, ka bërë që kjo e fundit ta denoncojë 47- vjeçarin në Polici. Pas ekspertizës mbi të miturën, policia ka dalë në konkluzionin se me 8vjeçaren është kryer marrëdhënie seksuale. Sipas dëshmive të banorëve të zonës, autori i ngjarjes njihej edhe më parë për prirje seksuale ndaj të miturve dhe për sjellje jonormale.
Vetëm 8 vjeçe, nxënëse në klasën e dytë të shkollës fillore në fshatin Krane, atëherë kur bisedat për të duhet të ishin librat dhe filmat vizatimorë, ka përjetuar makthin më të frikshëm të jetës së saj. Dy ditë më parë, e mitura i ka treguar së ëmës episodin e ' çuditshëm' që i kishte ndodhur me bashkëjetuesin e saj, kur ajo nuk ishte në shtëpi. " Xhaxhi Pandeliu më ka puthur e shtrënguar fort, pastaj u shtrimë të dy për të fjetur, por ai nuk më la të flija", - mësohet t'i ketë rrëfyer së ëmës, e mitura. Nisur nga këto fjalë, e ëma ka kuptuar abuzimin që kishte ndodhur me vajzën, dhe ka kërkuar nga burri, të dijë të vërtetën. Sipas dëshmisë së saj, 47- vjeçari pinte gjithmonë dhe ditën e shtunë ka shkuar sërish i dehur në shtëpi. Pasi e ka pyetur se çfarë kishte bërë me vajzën, ka marrë përgjigjen më të paturpshme nga ai. " Desha dhe e bëra", ka thënë 47vjeçari. Menjëherë gruaja ka lajmëruar policinë e Delvinës, e cila ka mbërritur në shtëpinë e saj, ku ka marrë edhe kallëzimin për përdhunimin e 8- vjeçares. Vajza ka qenë në gjendje tepër të rëndë psikologjike dhe e traumatizuar. Ajo gjithë kohën rrinte e mbyllur në dhomën e së ëmës. Ndërsa autori është larguar nga banesa ku jetonte, për t'u shpëtuar uniformave blu.
HETIMI
Pas ngritjes së postblloqeve, Policia ka mundur të arrestojë 47- vjeçarin, në orët 2: 00 të mëngjesit të së dielës, në fshatin Mesopotam të Delvinës. Ndërkohë që ekspertiza mjeko- ligjore ka konfirmuar përdhunimin e 8- vjeçares. Autori, pas marrjes në pyetje, ka pranuar për policinë se ka pasur marrëdhënie seksuale me vajzën e mitur. Nga ana e uniformave blu të Policisë së Sarandës, po vijojnë hetimet për të zbardhur rrethanat në të cilat është kryer krimi, nga 47- vjeçari Pandeli Anagnosti. Ky i fundit është dërguar në ambientet e paraburgimit të Policisë së Sarandës. Materialet proceduriale iu referuan Prokurorisë së Rrethit Gjyqësor Sarandë për ndjekje të mëtejshme, për veprën penale " Marrëdhënie seksuale me të mitur", parashikuar nga neni 100/ 1 i Kodit Penal.
Gazeta Shqiptare
22-10-2012
Krijoni Kontakt