Dhimiter Nica

[EXODUS]

Panoramë pavarsisë

Njëqind male u menduan,
njëqind re u shkarkuan,
njëqind krisma u dëgjuan,
njëqind trima u betuan...

Njëqind, njëqind, njëqind...
Male, zëra, krisma, rrufe, prita
u kaluan...
Shqiponjat, mbi re, foluan.

Njëqind, njëqind, njëqind herë u betuan.
Të mbajmë njëqind shekuj,
këtë komb ndezur,
o asnjë mbi të, i gjallë.
Më mirë me nder,
drejt vdekjes, të vdekur...

Pa komb të lirë,
edhe gjallë kemi vdekur.


PËR TY DASHURI U VIZATUAN VAJZAT

Kur erdhi Adami në jetë
Zoti i shkëputi dy fije brinjë,
Vizatoi Evën të bukur e të lehtë,
Donte t'i linte përherë të rinj.

U dha çdo gjë përrallore
Kopshtin e Edenit,mes tij një pallat,
Përveç një molle me shkëlqim dëbore,
"Ruheni pa prekur,mos bëni mëkat..."

Vinin ngado bashkë,ishin shumë të rinj
Bashkë shtriheshin e flinin çdo natë,
Eva para gjumit shihte sytë e zinj
Zemra i gufonte:" kam a nuk kam fat...!"

Në një moment e harroi betimin
E puthi te sytë,te buzët e gusha,
Molla në Eden e humbi shkëlqimin
Me kokrrat e saj,u mbush e tërë fusha.

Dhe u lindën vajza të kuqe si molla
Lindi dashuria pa u kthyer mëkat,
Perla brune-bjonde me bele të holla,
Erdhën për Adamët,që ndiqnin nga pas...


NDERONI NJERIUN

Diku në një rrugë
e vranë një komisar,
diku në një trotuar
e therën një emigrante.
Vetëm një ditë më parë,
dogjen një të trishtuar...

Diku,diku,diku...

Për një rrip toke,
për një manifestim të ligjshëm,
ku janë njerëzit e kësaj bote,
ç'janë këta ujqër të përbindshëm...!?

Hidhni mënjanë politikat,
Flakni përrallat akademike,
atdheu po kullon gjak nga tigrat
ju luani kungulleshën skizofrenike.

Ju,ju dhe vetëm ju,
përgjegjstarë të vendit tim
edhe sa do të vazhdojë kështu,
të kullojë gjak atdheu im ?
Mos punoni më tej kuturu,
njeriut i përket vetëm nderim...

Selanik, 9 tetor 2012.


GJËRAT MË TË BUKURA

Gjërat më të mira
akoma s't'i kam thënë.

Gjërat më të bukura,
akoma s'na kanë ardhur.

Gjërat më të ëmbla
ne s'i kemi ngrënë.

Puthjen më rrënqethëse,
akoma s'ta kam dhënë.

Ndaj ti prit e dashur,
prit mos u zhgënje...

Kjo botë është paraplasur
ndaj mos më kurce...

Unë do t'ia gjej fundin
k'i besim te unë...

Unë s'di të gënjej,
s'kam zhgënjyer kurrë.


KËMBËT

Sonte ti nuk doje të bënim dashuri,
Të paktën të hodha këmbën mbi tënden,
U puthën gishtat,puplat,kofshët,
Vërtet gjithë natën nuk ndjem gjë unë e ti
Po këmbët u rrekën,i nxuarën zinë gjithë botës.


SYTË

Unë desha të shihja beben e syve të tu
Ti të kaltrën e syve të mi kërkoje,
Për çudi poshtë syve gjeta beben tënde blu
E ti poshtë të mive u shplodhe,rënkoje...


gazetakritika