Orhan Veli

[Askusho]

Përktheu: Dritan Shemaj

PA KUJDES

Është shtrirë gjerë e gjatë,
Pa kujdes
Këmisha e natës-
Tretur lehtas.
Ka ngritur krahun
Dhe i duket sqetulla.
Me një dorë mban gjoksin,
E di, pa të keq
Pa të keq dhe unë këtë natë...
Epo kështu nuk bëhet
Kështu nuk shkohet në shtrat.

[Askusho]

(1914-1950)

Përktheu: Ardian dhe Kopi Kyçyku

DITËT E BUKURA

Ditët e bukura më morën më qafë
Në ditë të bukura
Ika nga zyra
në ditët e bukura
mësova të pi duhan
në ditët e bukura
më eci në dashuri
në ditët e bukura
harrova të ble bukë e kripë për në shtëpi
Dhe sëmundja ime: që të thur vargje
keqësohej në ditët e bukura

Më morën më qafë ditët e bukura!

BLE SENDE TË VJETRA

Vjetërsira ble
I ble dhe bëj yje
Muzika është ushqimi i shpirtit
Ja, më ka bërë magji

Vjersha shkruaj
Duke shkruar vargje, vjetërsira ble
Ble vjetërsira dhe muzika ble

Ah, sikur të isha peshk në shishen e rakisë.