Cilesia e ushqimeve qe konsumojme

[EuroStar1]

Vëzhgim në Tiranë e në disa rrethe

Ushqimet e shqiptarëve



Familjet vijojnë të konsumojnë ushqime të pakontrolluara

Në ditët më të nxehta të vitit dhe në kulmin e prodhimeve bujqësore, shqiptarët vijojnë të konsumojnë produkte të pakontrolluara. Sipas një vëzhgimi të gazetës “Shqip” në disa rrethe, produktet bujqësore janë rritur dhe pjekur me hormone, ashtu si edhe frutat, ndërsa nuk ka një kontroll për mishin dhe bulmetet, që vijojnë të shiten edhe në rrugë apo në një vapë përvëluese pa kushte frigoriferike. Edhe në Tiranë, produktet bujqësore shiten në rrugë, apo edhe në tregje të pakontrolluara. Një nga produktet bujqësore më të konsumuara është domatja. Nga vëzhgimet ka rezultuar se fermerët e spërkasin bimën dhe kokrrën me stimulues pjekjeje (hormone), çka sjell pjekjen jo normale. Ndërkohë, shalqiri rezulton se një pjesë që tregtohet është gjysmë kungull. Bujqit e shartojnë bimën dhe i vendosin krahëza kungulli. Shalqiri është shumë i kuq, rritet me përmasa të mëdha, por nuk ka shije. E njëjta pjekje ndodh edhe me disa fruta. Të gjithëve besoj se na ka qëlluar që pjeshkat të na qullosen. Specialistët pohojnë se në këtë rast pjeshka është “pjekur” me hormone. Nëse pjeshka çahet në dysh dhe nuk qulloset, ka një pjekje natyrale. Ndërkohë, hile ka edhe pjekja e rrushit, ku vreshtat spërkaten me hormone që ndihmojnë pjekjen sa më parë. Shpeshherë “lufta bëhet kush e pjek më parë rrushin, me qëllim që të kapin edhe çmimin për kilogram të lartë. Ndërkohë, edhe tregu i mishit ka probleme. Veterinerët i injektojnë kryesisht viçit në qafë hormone, me qëllim rritjen dhe fryrjen e viçit. Kemi dëgjuar raste që disa persona janë fryrë, pasi kanë konsumuar mishin në pjesën e qafës. s. ç.



Tiranë

Frutat dhe perimet nuk e kanë shijen e dikurshme

Në kryeqytetin shqiptar ka dhjetëra tregje që shesin produkte bujqësore. Prodhimet vijnë kryesisht nga jashtë, por ka edhe prodhim vendas, kryesisht nga Lushnja. Ajo që vihet re te banorët është se produktet nuk kanë të njëjtën shije si para disa vitesh, pasi fermerët po përdorin hormonet në produktet e tyre. Për këtë problem ka pasur dhjetëra ankesa, megjithëse nuk është ndërmarrë asnjë masë ndaj këtyre subjekteve. Ndërkohë, situata duket alarmante në tregtimin e mishit dhe të bulmetit, të cilët nxirren madje edhe jashtë dyqaneve për ekspozim. Në këtë stinë të nxehtë, këto produkte mund të prishen nga temperaturat e larta dhe rekomandohet që të mbahen në kushte frigoriferike. Specialistët u bëjnë thirrje konsumatorëve që t’i kontrollojnë më parë produktet, pasi ekziston mundësia që të jenë të prishura.



Durrës

Tregtimi i mishit, jashtë kushteve higjieno-sanitare

Tregtimi i mishit në Durrës bëhet jashtë kushteve higjieno-sanitare. U bëhet thirrje familjeve që të mos e konsumojnë mishin e gjësë së gjallë që theret para dyqaneve, thuajse në rrugë në mes të pluhurit dhe ndikimit të agjentëve atmosferikë. Në qytetin e Durrësit mungon edhe një thertore që të disiplinojë therjet dhe cilësinë e tregtimit të mishit. Ndërkohë, Agjencia e Kontrollit Ushqimor mësohet se ka kallëzuar në prokurori 10 subjekte që tregtojnë mishin jashtë kushteve minimale higjieno-sanitare përgjatë aksit rrugor Nikël-Thumanë. Ndërkohë, situata në shumë prej njësive tregtare lë për të dëshiruar. Kontrollet janë përqendruar më shumë në zonën e plazhit. Rrezik potencial janë shitësit ambulantë të akulloreve, byrekëve me vezë, gjizë dhe mish, të cilat nën ndikimin e temperaturave të larta kthehen në rrezik për shëndetin e konsumatorëve. v. q.



Elbasan

Produktet blegtorale dhe bujqësore shiten në trotuare

Tregu i fruta-perimeve në Elbasan nuk ka hapësira të bollshme për plotësimin e nevojave të tregtarëve, duke bërë që shitësit informalë të zaptojnë rrugicat apo trotuaret e qytetit. Produktet blegtorale dhe bujqësore shiten në vende që nuk i plotësojnë kriteret higjieno-sanitare. Rreziku bëhet edhe më i madh, pikërisht me rritjen e temperaturave, ku produktet ekspozohen nga pluhurat dhe dielli. Në “minitregjet” informale shiten edhe nënproduktet e bulmetit, si gjalpi, djathi, qumështi e të tjerë. Është mjaft e vështirë që në treg të gjesh prodhime bujqësore të patrajtuara me hormone. Autoriteti Kombëtar i Ushqimit është në gjendje “gjumi”. Qumështi shitet me bidonë të ekspozuar në diell dhe pluhur. E njëjta gjë shihet qartë edhe për tregtimin e mishit, ku një pjesë e tregtarëve e shesin peshkun apo mishin e pulave në karroca dore apo furgonë. s.m.



Kukës

Problem produktet e skaduara, masa ndaj disa subjekteve

Temperaturat e larta e kanë shtuar rrezikun e helmimeve nga produktet e skaduara që tregtohen në tregun e Kukësit, si dhe të produkteve të tjera që prishen, për shkak të kushteve të dobëta të ruajtjes. Autoriteti Kombëtar i Ushqimit në Kukës ka ushtruar një numër kontrollesh dhe janë sekuestruar të gjitha produktet ushqimore që kanë rezultuar që t’u ketë kaluar afati i përdorimit. Janë sekuestruar dhe asgjësuar disa kv me ushqime të skaduara, duke përfshirë mishin e paketuar, lloje proshutash dhe sallame, bulmetet etj., duke paralajmëruar pronarët për masa me gjobë deri në mbyllje të aktiviteteve në rastet e përsëritjes. Nga ana tjetër, në ditët e nxehta të gushtit janë ushtruar kontrolle edhe për cilësinë e ujit që marrin konsumatorët duke kontrolluar sasinë e ndotjes mikrobike me kampione të marra në 12 pika fundore të sistemit, duke rekomanduar kështu edhe shtimin e sasisë së klorit në depot përkatëse. s. d.



Lezhë

Mishi tregtohet në rrugët nacionale, në mes të pluhurit

Kontrolli i specialistëve të Agjencisë së Konsumimit nga Fushë-Kruja deri në Lezhë mungon totalisht. Edhe pse ka dy vite që ka dalë një urdhër nga ana e Ministrisë së Bujqësisë për të mos lejuar tregtimin e mishit anës autostradës, deri tani një gjë e tillë nuk është ndaluar. Tregu i fruta-perimeve në Fushë-Krujë është nga më të ndoturit, ku tregtarët, shumica e tyre, shesin jashtë tregut. Në Mamurras, edhe pse tregu i fruta-perimeve është i ndërtuar, mungon uji dhe tregtarët shesin në të dy anët e rrugës. Në Laç, një treg që është ngritur ngjitur me tregun e qytetit, por që është privat, ka tërhequr më shumë tregtarët, por dhe këtu kushtet janë skandaloze. Në Milot mungon tregu. Në Lezhë është pothuajse e njëjta situata. Bashkia nuk arrin t’i dërgojë tregtarët e fruta-perimeve në tregun e qytetit. Ndërsa në Shëngjin, tregu i fruta-perimeve mungon e për pasojë tregtarët shesin në çdo vend. a. b.



Shkodër

Tregu i fruta-perimeve nuk funksionon, shitet në rrugë

Prej tre vitesh tregu i fruta-perimeve në qytetin e Shkodrës nuk funksionon dhe tregtarët janë të detyruar të shesin produktet e tyre jashtë në terren, të ekspozuar nga pluhuri dhe mbeturinat e shumta që kanë rrethuar tregun. Gjendja e tregut lë shumë për të dëshiruar, përveçse tregu është shembur, ai është kthyer në një vend grumbulli mbeturinash, pse jo disa pjesë të tregut shërbejnë si banjë publike të tregtarëve nga fshati që vijnë nga larg për të shitur prodhimet. Fakti që nuk ka një treg të stacionuar ka bërë që dhe kontrollet për cilësinë të jenë tepër të vështira, për faktin se fshatarët që tregtojnë apo tregtarët e tjerë ambulantë shesin mallrat e tyre në shumë zona dhe në mënyrë të paorganizuar. Qytetarët e Shkodrës po blejnë fruta-perime të pakontrolluara dhe jashtë çdo standardi të higjienës, për më tepër në këto ditë të nxehta, ku temperaturat e larta provokojnë përhapjen e baktereve të ndryshme. a. h.



Fier-Lushnjë

Ushqimet mes pluhurit dhe tymit të makinave

Dy qytetet më të mëdha myzeqare, Fieri dhe Lushnja janë pushtuar nga shitësit ambulantë të produkteve ushqimore. Por ajo që na shqetëson më shumë janë cilësia e produkteve ushqimore si dhe kushtet higjienës, në të cilat tregtohen ato. Kështu, pjesa më e madhe e perimeve dhe frutave tregtohen në qiell të hapur, nëpër trotuare, mjaft pranë rrugëve automobilistike që përshkohen nga mijëra autovetura, të cilat shkaktojnë ndotje toksike. Por, edhe në merkatot ku shiten prodhimet bujqësore higjiena është jashtë çdo norme. Ky shqetësim është ngritur shpesh herë në media nga zyrtarë të Sektorit të Higjenës pranë Drejtorisë Rajonale të Shëndetit Fier. Por, shqetësimi më i madh i konsumatorëve është cilësia dhe përbërja e produkteve ushqimore që tregtohen në zonat urbane dhe rurale të Qarkut të Fierit. Kështu, mjaft prodhime bujqësore, si domatja, trangulli, shalqiri, pjeprat mësohet se përmbajnë hormone. e. h.



Domatja

Tregtohen domate serre dhe fushe. Por kjo ka edhe “hilet” e veta. Fermerët spërkasin bimën dhe kokrrën me stimulues pjekjeje (hormone të rrezikshme). Nga jashtë është e kuqe, ndërsa nga brenda jeshile.



Kastraveci

Fermerët përdorin hormone për rritjen e kastravecit. Hormonet hidhen në sistemin vaditës të bimëve. Uji trazohet me plehrat dhe gjatë vaditjes merren hormonet. Kastraveci në disa raste ngjason me kungullin.



Speca dhe patëllxhani

Nga vëzhgimi ka rezultuar se bujqit stimulojnë rritjen e bimës. Megjithatë ka shumë pak gjasa që në këto bimë të përdoren hormonet. S’ka ankesa për këto zarzavate.



Shalqiri
Jo gjithmonë është i shijshëm. Rezulton se një pjesë që tregtohet është gjysmë kungull. Bujqit e shartojnë bimën dhe i vendosin krahëza kungulli. Shalqiri është shumë i kuq, rritet me përmasa të mëdha, por nuk ka shije.



Pjepri

Në disa zona, fermerët stimulojnë rritjen e kokrrës me plehra të ndryshme kimike, madje edhe me hormone. Në momentin që kokrra bëhet e madhe, fermerët përdorin lyerje të kokrrës për ta pjekur sa më parë.



Pjeshkat

Fermerët kanë arritur të gjejnë edhe hormone pjekjeje për pjeshkat, me qëllim hedhjen e saj sa më parë në treg. Pjeshkat na qullosen, megjithëse s’janë pjekur mirë. Në këtë rast, pjeshka është “pjekur” me hormone
Dardhat

Mania e tregtarëve për të nxjerrë produktet bujqësore dhe frutore sa më parë në treg ka sjellë që dardhat të tregtohen të papjekura. Këto fruta serviren jeshile dhe s’kanë shije, të mbledhin gjuhën.
Rrushi

Kultivuesit e rrushit përdorin ilaçe (në gjuhën popullore helme) për mbajtjen e bistakëve të pakalbur. Kohët e fundit ata spërkasin vreshtat me hormone që ndihmojnë pjekjen. “Lufta” bëhet kush e pjek më parë rrushin, me qëllim të kapin edhe çmimin për kilogram të lartë.



Mishi

Kryesisht mishi i viçit ka edhe “hilet” e veta. Veterinerët i injektojnë në qafë hormone, me qëllim rritjen dhe fryrjen e viçit. Ka raste që disa persona janë fryrë, pasi kanë konsumuar mishin në pjesën e qafës.



Bulmetrat

Konsumatorët duhet të kenë kujdes, pasi ekspozimi në diell dhe mbajtja në kushte jo të mira higjieno-sanitare mund të sjellë prishjen e bulmetit. Qumështi duhet të mbahet në vend të freskët, ashtu edhe nënproduktet e tij, djathi, gjiza apo kosi.

/shqip/

[EuroStar1]

Bashkia e Tiranës pezullon 74 subjekte të palicencuara.

Në një ditë në kryeqytet theren mbi 225 krerë



Gati gjysma e pikave që tregtojnë mish dhe nënprodukte të tij nuk janë të kontrolluara nga institucionet që mbrojnë konsumatorin. Në kryeqytet, nga 200 pika të tregtimit të produkteve të mishit, 74 prej tyre janë pirate, të paregjistruara në rrjetin e të dhënave të bashkisë së kryeqytetit dhe nuk kontrollohen nga asnjë strukturë. Plot 75 subjektet që tregtojnë mish janë pezulluar nga inspektorët e Agjencisë së Mbrojtjes së Konsumatorit në bashki, ndëkrohë që dje autoritetet vendore kanë kërkuar nga qytetarët të bëjnë kujdes dhe të kontrollojnë vulat e bashkisë në çdo pikë ku drejtohen për të blerë mish. Në rast se kafshët janë të infektuara atëherë rrezikohet që sëmundjet të transmetohen te njeriu. Nga e hwna asnjw kasap nuk do tw mund tw tregtojw mish pa pasur vulën e agjencisw sw konsumatorit.

Kontrollet

Një grup pune i ngritur nga Bashkia e Tiranës ka nisur punën për kontrollin e dhjetëra pikave në kryeqytet të cilat therin dhe tregtojnë mish në kushte të papërshtatshme.

“Bashkia e Tiranës ka urdhëruar ngritjen e një grupi të përbashkët pune me kualitetet e një Task-Force të vërtetë ku Agjencia e Mbrojtjes së Konsumatorit, Drejtoria e Tatimeve të Bashkisë së Tiranës dhe Policia Bashkiake, në tre grupe pune që veprojnë intensivisht do të bëjnë verifikimin dhe pezullimin e këtyre aktiviteteve, të cilat si numër janë rreth 74, por ndërkohë verifikimi në terren mundet të evidentojë pse jo dhe ndonjë rast tjetër abuziv dhe do marrë masën e pezullimit të menjëhershëm të tyre”, tha nënkryetari i Bashkisë së Tiranës, Petrit Vasili.

Ai u ka bërë thirrje qytetarëve të jenë të kujdesshëm në blerjen e mishit në këto temperatura të larta. “Qytetarët duhet të jenë shumë të vëmendshëm kur blejnë produkte të mishit, të cilat nuk e kanë vulën përkatëse të Bashkisë së Tiranës, sepse në këtë mënyrë mbrojnë më mirë shëndetin e tyre”, sqaroi Vasili.

Për sa u takon subjekteve të palicencuara dhe të pezulluara, Vasili ka thënë se në kushtet e respektimit të të gjitha procedurave këto subjekte mund të aplikojnë të regjistrohen e të legalizohen.

Mbrojtja e konsumatorit

“Në këtë 6-mujor konstatojmë me kënaqësi që kemi certifikuar rreth 40324 krerë gjedhë apo bagëti të imëta duke shmangur në mënyrë të drejtpërdrejtë transmetimin e sëmundjeve zonotike, pra nga kafsha, sëmundje të cilat transmetohen nga kafsha te njeriu dhe në këtë formë duke mbrojtur shëndetin e qytetarit”, referoi dje Geron Ibrahimi, kreu i Agjencisë së Mbrojtjes së Konsumatorëve. Sipas tij, realizohen rreth 225 therje në ditë të certifikuara nga Agjencia e Mbrojtjes së Konsumatorit.

“Kur blejnë mish patjetër të kërkojnë vulën e Agjencisë së Mbrojtjes së Konsumatorit, në rast se do të ketë një sëmundje zonotike të transmetueshme impakti është shumë i gjerë, ju duhet të llogarisni se ai mish mund të shpërndahet në 100-150 njerëz pasi i tillë është konsumi”, sqaroi kreu i mbrojtjes së konsumatorit , Ibrahimi.

Sakaq në shërbimin e infektivit në qendrën spitalore universitare “Nënë Tereza” çdo ditë trajtohen për helmime dhe viroza të stinës nga 60 deri në 80 persona. Një numër i konsiderueshëm drejtohen për ndihmë edhe pranë shërbimit të urgjencës së Tiranës.

[EuroStar1]

Ne Shijak , shitet bylmeti, frutat dhe zarazavatet ne buz te rruges gjith pluhur. Mishi vazhdon ne kater anet e Shijakut te varet ne rruge si u varshin dikur diversantet

S'ma mer mendja ta ket kush stomakun dhe imunitetin me te forte se Shqiptari

Vitaminen ZH ( zhul ) e kemi me shumice dhe s'ka smundje qe na ze

[smokkie]

Vëzhgim në Tiranë e në disa rrethe

Ushqimet e shqiptarëve



Familjet vijojnë të konsumojnë ushqime të pakontrolluara

Shalqiri
Jo gjithmonë është i shijshëm. Rezulton se një pjesë që tregtohet është gjysmë kungull. Bujqit e shartojnë bimën dhe i vendosin krahëza kungulli. Shalqiri është shumë i kuq, rritet me përmasa të mëdha, por nuk ka shije.

Pjepri

Në disa zona, fermerët stimulojnë rritjen e kokrrës me plehra të ndryshme kimike, madje edhe me hormone. Në momentin që kokrra bëhet e madhe, fermerët përdorin lyerje të kokrrës për ta pjekur sa më parë.


/shqip/

Mesazhi i artikullit eshte korrekt, ne Shqiperi nuk i kushtohet vemendje prodhimeve, qe nga prodhimi deri ne shitje.
Nuk po analizoj te gjitha prodhimet qe jane pershkruar ne artikull por po ndalem tek Shalqiri dhe Pjepri.
Shalqiri
Ne radhe te pare, shartimi behet me varietete te vecanta, speciale per nenshartesa, pra nuk mund te maresh bimen e kungullit qe ka mbire te gardhi fshatarit dhe te besh shartim, jane varietete hibride te destinuara per kete pune, rootstock ne english, kush eshte kurioz le te google.
Nuk i vihen bimes kraheza kungulli por shartim do te thote (nje nga metodat) :
1.pritet pjesa e siperme bimes se shalqirit (pra koka+2-3gjethe)
-pjesa e siperme e bimes se shalqirit "koka" do perdoret, kercellit hidhet
2.pritet pjesa e siperme e bimes se kungullit (pra koka+2-3gjethe)
-kercelli i bimes se kungullit do perdoret, "koka" hidhet
3.merret pjesa e siperme e bimes se shalqirit dhe "ngjitet" me kercellin e kungullit.
Pra nga 2 bime behet 1.
Kjo metode perdoret NE TE GJITHE BOTEN per te evituar semundjet qe prekin bimen e shalqirit, semundje qe gjenden ne toke.
Kjo metode eshte e kushtueshme dhe kerkon profesionalizem dhe ka sa te duash prodhes fidanesh ne Shqiperi qe jane profesionale ne kete drejtim.
Po, fruti rritet me shume.
Po, brenda ka ngjyre me te kuqe.
JO, NUK ka shije kungulli, perkundrazi, nenshartesat (kungulli si thote pipelli) ben qe te shtohet niveli i sheqerit ne frut, gje qe RRIT shijen e shalqirit.
Etj etj.
Pjepri

Pjepri
Artikulli thote qe perdoren plehra kimike por kjo ESHTE NORMALE, perdoren plehrat per te shtuar prodhimin, plehrat kimike rrisin rezistencen e frutit pas vjeljes, rrisin % e sheqerit, etj etj etj.
Nuk kam degjuar te lyehn frutat e pjeprit me hormone !!

I lutem autorit te artikullit te informohet me mire dhe mbi te gjitha MOS TE DEZINFORMOJE popullin e shkrete qe lexon forumin me shprese qe do mari ndonje informacion te hajrit !!

[Lexuesi_]

Ne Shijak , shitet bylmeti, frutat dhe zarazavatet ne buz te rruges gjith pluhur. Mishi vazhdon ne kater anet e Shijakut te varet ne rruge si u varshin dikur diversantet

S'ma mer mendja ta ket kush stomakun dhe imunitetin me te forte se Shqiptari

Vitaminen ZH ( zhul ) e kemi me shumice dhe s'ka smundje qe na ze

Tash me kemi kalu ne anen e tyre s'kan qka na bejn

[Prudence]

sme ra ne dore nje koker domate per se mbari.te gjitha pjesen e fundit te bardh e te forte,shkon dem gjysma e domates,duhet ta marresh flak te kuqe dhe ca te bute(domate per gjelle me nje fjale)qe mos te te qelloje keshtu.

[Qyfyre]

Rritja me hormone behet ne gjithe boten, nuk mund te evitohet. Por thjesht duhet te kete kontreoll dhe klienti ta dije se cfare po blen. Keshtu dhe ai qe nuk perdor hormone ka mundesi ti beje reklame frutaperimeve te veta si organike duke vene cmime me te larta.

Por keshtu pa kontroll e vetmja gje qe vecon nje produkt nga tjeteri eshte cmimi dhe cdo fermer do mundohet te kete kosto sa me te ulet dhe prodhim sa me te larte.

[loneeagle]

Ushqimi keq eshte bere (hormone & pesticide) gjithandej por problemi ishte se ne shqiperi ishte pislluk i madh. Vezet, djathi, mishi rrin jashte nuk shiteshin ne frigorifer. Mizat shetisnin ushqimet edhe askujt nuk i behej vone. Une kam pare tmerr tek tregu ne elbasan! Ose kur shisnin ushqime ne plazh embelsira etc. e shetiste miza behesin gjithe pluhur edhe njerezit i blenin.

[benseven11]

Ne Shijak , shitet bylmeti, frutat dhe zarazavatet ne buz te rruges gjith pluhur. Mishi vazhdon ne kater anet e Shijakut te varet ne rruge si u varshin dikur diversantet

S'ma mer mendja ta ket kush stomakun dhe imunitetin me te forte se Shqiptari

Vitaminen ZH ( zhul ) e kemi me shumice dhe s'ka smundje qe na ze

Shitje mishi te ekspozuar ne rruge te ekspozuar ne diell dhe ndaj pluhurave nuk duhet shitur.Nuk duhen shitur as djath i ekspozuar ne rruge ne mes te pluhurave.
Shitesa injorante dhe idiote.Idiota dhe ato qe blejne mish dhe bulmet aty.
Bulmeti ruhet ne ambjent te ftohte frigoriferik dhe jo te ekspozohet dhe shitet ne rruge ne mes te pluhurave dhe ne rrezet e diellit.
Bashkia duhet te bllokoje shitjet dhe gjobise shitesat me gjoba te renda per shkeljen e pare,rastin e pare.nqs i njejti fenomen perseritet per here te dyte,ti hiqet e drejta per te shitur shitesit dhe beja letrat per ne gjykate.
Robt injorante nuk marrin vesh dhe degjojne,duhet te nderhyhet me force nga shteti me gjoba dhe burg.Kush shef gjera te tilla duhet ti beje telefon drejtorise se higjenes,ose drejtorise se tregetise nqs ka ne bashki.
Per fruta perime qe shiten mos pretendo as mos e co ndermend qe kur i blen te jene te pastra.Ato blehen te tregu fshatar dhe vazhdohet lahen ne shtepi.
Nuk eshte as puna, as detyra as pergjegjesia e shitesit te laje perimet per ty si bleres.Per ti lare laji vet.
Te gjitha perimet frutat jane me pluhura,mikroorganizma ne siperfaqe dhe para se te
konsumohen lahen ne uje me presion,perndryshe te kap ndonje semundje.
Edhe ne dyqan brenda ti blesh edhe jashte,perimet duhen lare pasi nje pjese e tyre mund te jene te trajtuara edhe me kimikate.

[user010]

Bravo për temën Stari! Sa për pluhurin.. me të vërtetë është gjëja e fundit që të intereson në krahasim me ushqimet e sotme të sterilizuara dhe plotë antibiotikë.

Rreziku i vërtetë është tek ushqimet që janë luksoze nga jashtë.. pra produktet moderne!!!

Pluhurin trupi tonë e njeh me miliona vite dhe di ça ta bëjë.. problemin e ka me këto rrezet dhe helmet tek ushqimet moderne, ato dhe ankthi e mbushën botën me kancer!