Sulltan Sali

[iliria e para]

Nga Artan Mullaj

Me zgjedhjen e Nishanit president republike, që është njëri nga
besnikët e urtë të Berishës, Berisha ka nevojë të mbushet thellë me
frymë përpara se të kuptojë cpo i ndodh: Si një sulltan otoman, sapo
ka zaptuar presidencën, si kalanë e fundit të pushteteve. Tani, çdo
shqiptar është në duart e tij, si delet në duart e Ciklopit. Edhe
zogjtë do të fluturojnë vetëm me lejën e tij. Mes universit të një
psikoze të re, që mund të quhet delir, ky zhvillim ka gjasa ta shtyjë
atë në një perceptim të ri për lirinë e ndërgjegjies dhe për
domosdoshmërinë. ( raporti mes tyre zakonisht përcakton përkufizimin
e pushtetit)… Ç’perceptim? Tani që pushteti i këtij njeriu është
thuajse i pakufizuar, ndërsa kontrollon shumicën e institucioneve dhe
shumë shpejt do të kontrollojë gjithë të mbeturat, prokurorinë dhe
shërbimin informativ, Berisha ka shumë arsye të ndihet si Sulltan
Sulejmani i shekullit të 16-të.

Lavdi, pasuri, sundim, korrupsion dhe shumë hamëndje, por edhe shumë
habi se si ky njeri, që nuk është as hero, as i prejardhur, as derë e
fisme, as mendje e shquar, ja ka dalë të dominojë shqiptarët në
tranzicion deri në këtë pikë saqë qeverisja e tij të shndrohet në një
supersundim. Më potent se kurrë, sot, Berisha kontrollon të gjitha
pushtetet, qeverine, Bashkinë, presidencën, drejtësinë, shpresën, të
ardhmen, pleqërinë, por edhe bizneset dhe pasuritë strategjike të
vendit, ashtu si Sulltan Sulejmani kontrollonte dhe sundonte në
kontinentet me rradhë. . Njëlloj si Sulltan Sulejmani, që kishte
Harem me bjondina lindore, edhe Sulltan Saliu ka Haremin e tij. Vetëm
se Haremi i Saliut nuk është thjesht një shtëpi qejfi ku ndodhin
orgjira. Haremi i tij është vetë Shqipëria. Shqipëria, që si një
robinë e dobët, me feminitet të vrazhdë, duhet të kënaqë edhe të
gjitha epshet dhe kënaqësitë e pushtetarëve rreth tij. Të përmbushë
shkulmet e tyre, ato që burojnë nga etja e shfrenuar për pushtet dhe
ato që burojnë nga instikti i babëzisë.

Për të bërë një krahasim, le të shohim këta dy sulltanë në fronet e
tyre. Sundimi dhe shkëlqimi i kaltër i Sulltan Sulejmanit kishte një
shpjegim, cka lidhej atë kohë me besimin fetar të turmave se sulltani
i tyre ishte njeriu i shenjtëruar dhe caktuar nga perëndia për të
udhëhequr masat dhe prandaj vullneti i këtyre masave kalonte natyrshëm
tek ky i zgjedhur, pa kushte, në formën e dëshirës për përfaqësim. Ky
besim, që është edhe një justifikim, është arsyeja themelore e
krijimit, zgjerimit dhe lulëzimit të perandorisë osmane shekuj me
rradhë. Por ndërkaq, për të vijuar me analogjinë, e kundërta ndodh me
Sulltan Salinë. Sa më i qartë bëhet sundimi i Berishës në Shqipëri, aq
më të paqarta bëhen arsyet se përse ky është njeriu të cilit njerëzit
i kalojnë vullnetet e tyre, dhe vullnetshëm vazhdojnë të pranojnë të
sundohen nga ai. Mos është bindja se Saliu është një shenjtor i
zbritur nga qielli? Jo! Nuk mund të gjesh asnjë shqiptar as në
granishtat më të skajshme të veriut, që të besojë se Saliu, si një
profet i shenjtë mes shqiptarëve, ka natyrë ëngjëllore. (Ëngjëll
Saliu? Ç’fantazi e kobshme!).

Edhe pse nuk është profet apo shenjt, sultan Saliu është megjithatë
një sundimtar. Atëhere, për c’farë arsye shqiptarët pranojnë të
sundohen papushim nga ai? Ky pështjellim ka sjellë dyshime në
perceptimin dhe përkufizimin e pushtetit. C’është pushteti? Përse
turma e ndjek Saliun, edhe pse ky njeri, sic e ka vërtetuar koha, nuk
është i zgjedhuri i Zotit. As nuk është prijësi më i mirë. As
udhëheqësi i moralshëm. As politikani me integritet të spikatur. As
personazhi seksi me sy të kulluar dhe mashkulli tërheqës. Si e përmend
një analist, përkundrazi, ky është pushtetari që projektoi sistemin
shkatërues të krijimit të piramidave dhe monopoleve, ndërsa pushteti
shkatëroi shtetin, istrumentin që llogjikisht, duke deleguar vullnetin
e tyre, njerëzit e krijojnë për të zbutur pra edhe duruar sundimin. Ky
njeri prodhoi vitin 97! Gërdecin! 21 Janarin! Vjedhjet e zgjedhjeve me
rradhë! Në 28 Qershor. Në 8 Maj. Atëhere përse ky njeri votohet dhe i
dhurohet akoma pushtet, një pushtet që njerëzve i kushton shumë
shtrenjt?. Aq shtrenjtë sa i shtrenjtë dhe pikëllues është edhe
zhgënjimi i ardhshëm i fëmijëve të këtij vendi?

Megjithatë Saliu votohet në Shqipëri. Ky është një fenomen, që nuk
mund të shpjegohet. Thjesht ndodh, sic ndodh zjarri. Është i
pakuptimtë, si pafundësia. Për një hipotezë, shpjegimi i vetëm do të
ishte një marrëzi. Mbase shqiptarët janë një specie unikale në planet,
që ju pëlqen të sundohen. I josh robëria në atë shkallë sa të
eksitohen prej saj. Mbase shqiptarët janë vetmitarët që më shumë se
liria e ndërgjegjies së tyre, ju pëlqen domosdoshmëria e pushtetit
prej të cilit sundohen. Përjashtimet janë të natyrshme, ashtu si e
panatyrshme është mosqënia e tyre. Ata janë një përjashtim, ashtu si
Sulltani i tyre është një përjashtim.

Zoti Nishani, i qetë dhe mustaqelli,u zgjodh president me votat e
mazhorancës që përfaqëson aurorën e sundimit. Deputetë demokratë bënë
sikur u mallëngjyen për fitoren e panevojshme, sic është e panevojshme
zakonisht një garë që nuk ka garë. Shumëkush mund ta quajë një kukull
të tepërt në raft, ashtu si e tepërt është parmenda në bodrumin e
fshatarit që ka blerë një traktor. Shqiptarët do të paguajnë me zinë e
ekonomive të tyre një buxhet për një institucion të pavlefshëm. Për
një qytetar të thjeshtë, është i qartë shkallëzimi i së ardhmes. E
ardhmja do të copëtohet në përfytrim. Ky njeri do të firmosë disa
dekrete, që duhet ti firmosë doemos nëse këtë gjë ja kërkon
sundimtari. Në të ardhmen e përfytyruar, kundërshtia nuk mund të
përfytyrohet as si një shaka. Do të falë ata që sundimtari mendon se
duhen falur. Do të emërojë ata që duhen emëruar, në mënyrë që punët të
shkojnë vaj në haremin politik të pushtetit. Asnjë plesht a mushkonjë
nuk duhet të pickojë të akuzuarit e aferave historike në vend, dhe
asnjë barsoletë nuk duhet të prishë humorin e bashkësundimtarëve Basha
dhe Meta. Drejtësia duhet të jetë aneks garderobe për namzinjtë e
sundimit. Nishani duhet të kujdeset më shumë për mustaqet se për
dekretet. Kush do të jetë kryeprokurori? Kush do të jetë spiuni i
ardhshëm i sulltanit shqiptar? Atë e di Sulltan Saliu, vetëm ai. Por
edhe nëse Sulltani i shqiptarëve do të jetë i lodhur ndonjë herë nga
beteja e pandalshme me Zotin, për ta sfiduar edhe atë, dhe eklipsi do
ketë errësuar sakaq fytyrën e tij, vezirët e tij janë aty. Mazhoranca
i ka syte e hapur sic ka edhe llogaritë bankare, brenda dhe jashtë.
Vezirë, kujdes! Asnjë psherëtimë, asnjë shkallëzim vullneti, asnjë
diskutim i ligjeve të sundimit, asnjë hapësirë lirie a triumfi për
askënd! Sa më shumë që vezirët e dinë se sundimi nuk është cështje e
përzotshme, aq më shumë besojnë që ky vend i takon tërësisht atyre, me
mish, me gjak dhe me kocka. Prodhimi dhe investimi, nafta dhe
energjia. Centralet dhe fabrikat e cimentos, ju takojna edhe këto..
Tenderat dhe tenderimet. E drejta! Monopolet! Shkurt palca e ftohtë e
këtij vendi. Të gjitha! Thithës të babëzitur dhe të talentuar, janë
këta që nuk kanë lënë gjak edhe lëngje pa pirë nga trupi i sëmurë i
Shqipërisë. Ata nuk ndalen. Duke u sunduar nga lideri i tyre, ata
sundojnë dhe vjedhin njëlloj si ai Shqipërinë. Askush nuk i ndalon
më vezirët e Sulltan Saliut. . Janë edha ata pushtetarë, hipur në kuaj
të bardhë. Janë kundërzotsa, njëlloj si ai. Janë djaj.

[Brari]

ku e gjete kte shkrim o iliri..?
cila gazete e ka ?

sa shum genjeshtra kishte gjetur ky mulla..

bravo..

[Besoja]

Autori shkruan dhe thotë shqiptarët!
Pse nuk thotë ne shqiptarët?!
Apo ai nuk është pjesë e kësaj të pakuptueshmes që Berisha votohet.
Në demokraci,thonë se vendos vota.Nuk di se ata që e thonë a e besojnë vetë?Apo e besojnë vetëm kur fiton prijsi i tyre!
Dhe që t'i biem shkurt muhabetit,për Berishën thoni çfarë të doni,edhe të mos ta doni është e drejta tuaj.
Poooooooooor.
Na thoni në të vetmin rresht se si do t'i bëni gjërat më mirë se Berisha se nuk po e lexoj asgjëkundi në miliona shkrimet tuaja.Sepse ka gjëra që duhet të përmirësohen dhe urgjentisht bile.Na e thoni!
E mos e bëni si Kreshnik Spahiu që vetëm konstaton por pa dhënë përgjigje se si ndreqen problemet.
A thua se ne shqiptarët nuk i dimë ato që duhet të ndreqen!

[Duaje Siveten]

Salijevi eshte Übermensch i Friedrich Nietzsche-s ne prospekt!

Jepi zombi do(bi)çe per demohipin, mbinjeriun, heroin, ngadhnjimtarin, ciklopin, ukun e malit, super-hienen, etj, etj qe mban emrin salijev ...

[Billy Joe]

nejse e fshiva se ha ndonje ban kot

[Billy Joe]

.................

[Brari]

pi.rdh o mulla pi.rdh..

presidenti u zgjodh sipas kushtetutes.. sipas kushtetutes se miratuar nga gjith partite e gjith deputetet..
presidenti eshte nje bir shqiptari ..bir mesuesish shembullore..
eshte djal i mrekullueshem e i pa njollë..
cfar do mullai.. aldo baren president.. apo jaho salihin ..apo altin orik shyto tahir cakulin..
ik more qelbanik polpotist..


sic duket enveristi mulla nuk do shtet me kushtetute demokratike..por e do me plenume komiteti qendreor.. e me genocidime staliniste..

..

[goldian]

jashaaaaaaaaaa

[Billy Joe]

...........................

[Brari]

goldush.. gjynahi..

na trego pakez per.. sic the vet nji dit.. per ca njerez te tute qe ti ka pushkatuar regjimi enverist..
kur ka ndodhur kjo..
ku jetonin ata njerez?

sa ishin e cfar moshe kishin?
a lan femije?

.