Kuzhina Boterore

[Estella]

Byrek (Turqi)
200 gr miell, 100 g djath i freskët dhije, 1 vezë, 1 qepë, 2 dl kos, 1 lugë vaj ulliri, ½ lugë majë birre, 1 lugë majdanoz i grirë, kripë, piper, vaj për të lyer tavën
Pasi të kemi përzier miellin me majën e birrës, i shtojmë kosin, vezën, kripë, piperin dhe e punojmë derisa të formohet një brumë elastik. Pastaj e lemë të pushojë për ½ ore dhe në këtë kohë grijmë qepën dhe e përziejmë me djathin, majdanozin dhe piperin. Pasi të ketë kaluar ½ ore e ndajmë brumin në topa të vogla sa 1 arrë dhe secilës prej tyre i vendosim në mes salcën që kemi përgatitur me djath. I vendosim me rradhë në tavën që e kemi lyer më parë me vaj dhe e vemë në furrë.

[Estella]

Supë me qofte (Liban)
500 gr mish për t'u zier, 500 gr mish qingji, 100 gr oriz, 2 qepë, 2 thelba hudhër, 50 gr gjalp, miell, kanellë, kripë, piper, majdanoz.
Ziejmë mishin me 2 l ujë, pak kripë, piper, kanellë per disa orë. Pastaj heqim mishin nga tenxherja dhe fillojmë të grijmë mishin e qengjit. E përziejmë me qepën e grirë, hudhrën kripën , piperin dhe pak kanellë. Pastaj pasi ti kemi dhënë formën e qofteve i rrotullojmë në miell dhe i skuqim në gjalp për rreth 5 minuta. Pasi të jenë skuqur i hedhim në lëngun e mishit dhe i lemë të ziejnë për rreth ¼ ore para se ti shtojmë orizin

[Estella]

Mish viçi me kërpudha (Turqi)
750 gr mish viçi, 300 gr kërpurdha, 150 gr gjalp, ½ tas miell, 1 qepë të madhe, ½ gotë verë të bardhë, 1,5 dl pana, kripë, piper.
Pastrojmë kërpudhat dhe i presim në feta. Grijmë qepën dhe e skuqim në një tigan me 50 gr gjalp, i shtojmë kërpudhat, i kriposim dhe i lemë në zjarr për 20 minuta. Pastaj i heqim nga tigani dhe aty skuqim 1 lugë miell me 30 gr gjalp, pasi mielli të ketë marrë ngjyrë i shtojmë verën dhe e lemë të avullojë gjysma. Pastaj me delikatesë dhe duke e përzier i shtojmë panën, e kriposim e peperosim. E ulim temperaturën e zjarrit në minimum dhe e lëmë salcën të dendësohet. Pastaj i shtojmë kërpudhat dhe mishin. Para se ta servirim i hedhim përsipër pak spec të kuq.

[Estella]

Patëllxhana të mbushura (Egjipt)
6 patëllxhana, 3 lugë salcë domate, 4 lugë vaj ulliri, lëngu i 1 limoni, kripë, piper i zi.
Në fillim përgatisim mbushjen. Nxehim vajin në një tigan dhe i hedhim qepën e larë dhe të grirë hollë, pastaj i shtojmë mishin e grirë dhe i skuqim bashkë. Pasi të jenë skuqur i kriposim, peperosim dhe i hedhim pak kanellë.I lagim me pak ujë të ngrohtë dhe i lemë në zjarr derisa mishi të jetë zier. Në këtë kohë merremi me patëllxhanat: i lajmë, i presim përgjysmë dhe i ziejmë për pak sekonda. Pastaj i heqim tulin, mbushim gjysmat e patëllxhanave me mishin dhe i vendosim në një tavë furre. Përzijmë koncentratin e domateve me ujë të majftueshëm për të mbuluar përgjysëm patëllxhanat me 4 lugë vaj ulliri, lëngun i 1 limoni, kripë, piper. Pastaj vendosim tavën në furrë në temperaturën 220°C. Pas ¼ ore e ulim temperaturën në 180°C dhe i lemë të piqen për 30 minuta.

[Estella]

Sallatë patëllxhanash dhe domatesh (Maroku)
900 gr patëllxhana jo shumë të mëdhaja, 250 gr domate, 3 thelba hudhër, 4 lugë vaj ulliri, 1 limon, 1 lugë e vogël spec i kuq, kripë, piper, pak spec djegës.
Lajme me kujdes patëllxhanat dhe i vendosim në furrë për rreth 45 minuta. Kur të zbuten i nxjerrim nga furra dhe i qërojmë. Hedhim vajin e ullirit në një tigan dhe i shtojmë patëllxhanat, domatet e qëruara dhe të prera në copa të vogla, thelbat e hudhrave të shtypura, specin e kuq, kripën, piperin dhe limonin. I lejmë në zjarr të ulët për rreth 30 minuta duke i përzier vazhdimisht. Pasi të jenë ftohur i servirim duke i shoqëruar me thelba e limonit dhe ullinj të zi.

[Estella]

Sallatë me lulelakër (Marok)
1 lulelakër, 4 karrota të vogla, 1 thelb hudhër, l lëngu i 1 limoni, 1 lugë ujë, 5 lugë vaj ulliri, ½ luge spec i kuq, kripë.
Lajmë lulelakrën dhe e pastrojmë nga gjethet. Qërojmë karrotat dhe i presim ne fije të holla. Grijmë hudhrën. Përziejmë të gjithë ingredientët.

[Estella]

Salca baladi (Tunizia)
500 gr domate, 300 gr kastraveca, 1 spec jeshil, 200 gr qepë të kuqe, 1 tufë majdanoz, lëngu i 1 limoni, 4 lugë vaj ulliri, kripë, piper.
Pasi ti kemi larë dhe tharë i presim në feta të holla domatet, kastravecat, qepët, specin dhe grijmë majdanozin. I hedhim të gjitha në një tas sallate dhe përziejmë vajin me lëngun e limonit, kripën dhe piperin. Këtë përzierje ia shtojmë perimeve.

[Estella]

Shurba Al - fata (Egjipt)
400 gr mish qengji, disa kocka qengji, 50 gr oriz, feta buke të bardhë, 60 gr gjalp, 3 thelba hudhër, 4 lugë uthull, 3 lugë majdanoz të grirë, kripë, piper të zi.
Kjo lloj supe serviret për Bajramin e Madh.
Përgatisim në fillim lëngun mishi me copat e mishit të qingjit dhe kockat.I ziejmë bashkë me 2 l ujë. Sapo të ketë arritur temperaturë e zierjes i hedhim kripën dhe piperin dhe e lemë në zjarr të ulët të vazhdojë zierjen.Pasi të ketë zier për disa orë i shtojmë orizin dhe e lemë akoma dhe 15 minuta. Thekim fetat e bukës dhe i shtrojmë në një supierë të gjërë. Shkrijmë në një tigan gjalpin dhe i shtojmë thelbat e shtypura të hudhrave dhe i lemë derisa të marrin ngjyrën. Pastaj i shtojmë uthullën, e lëmë të arrijë në temperaturën e zierjes dhe ia hedhim menjëherë fetave të bukës bashkë me supën. Në fund i hedhim pësipër pak majdanoz.

[Estella]

Lahm al m'quali (Maroku)
8 brinjë qengji, 3 limona, 70 gr gjalp, 4 domate, pak kanellë, pak lëng mishi, 20 ullinj jeshilë, kripë, piper.
E lemë mishin për 2 orë në lëng limoni. Pasi të ketë kaluar kjo kohë, shkrijmë gjalpin dhe skuqim në të brinjët e qingjit. Pastaj i hedhim në një tavë. Lajmë domatet dhe i presim në feta, ia shtojmë brinjëve, i hedhim kripën, piperin, kanellën. I lejmë në zjarr të lartë për rreth 8 minuta. Pasi ta kemi ulur temperaturën e lemë dhe për 10 minuta të tjerë duke e lagur me lëng mishi. E dekorojmë me fetat e limonit dhe ullinjtë dhe e shoqërojmë me pilaf.

[Estella]

Pulë me ullinj (Tunizia)
1 pulë rreth 850 gr, 70 gr ullinj, 4 domate,2 thelba hudhër, 4 lugë sardele të shtypura , kripë, piper
E ndajmë pulën në 8 copa. Nxehim vajin dhe e skuqim. Pasi të jetë skuqur e heqim nga tigani. Grijmë domatet dhe i hedhim në një tigan bashkë me sardelet dhe pak ujë, me ndihmën e një piruni shtypim domatet. Pastaj i shtojmë hurdhrën, copat e pulës, ullinjtë (pasi ti kemi hequr ne fillim bërthamat), i përziejmë dhe i lemë në zjarr dhe rreth 20 minuta, duke i përzier vazhdimisht dhe duke i hedhur nga pak ujë në rast se thahen. Në fund heqim hudhrën dhe sistemojmë copat e pulës në një pjatë, i hedhim përsipër lëngun dhe i dekorojmë me copat e limonit.

[Estella]

Peshk pikant (Egjipt)
1 peshk rreth 1,5 kg, 300 gr arra të qëruara, 1 tufë majdanoz, 9 thelba hudhër, 7 lugë vaj ulliri, lëngun e 2 limonave, kripë, piper.
Pasi të kemi pastruar peshkun, përziejmë arrat me majdanozin dhe shtypim hudhrat. Përziejmë të gjithë ingredientët, i shtojmë vajin, lëngun e limonit, kripën dhe piperin dhe i përziejmë. Mbushim peshkun me gjysmën e salcës dhe me gjysmën tjetër e mbulojmë. E pjekim në furrë në temperaturën 180°C për 30-40 minuta, derisa peshku të zbutet.

[Estella]

Oriz meksikan (Meksika)
250 gr oriz, 250 gr domate, 1 qepë e vogël, 2 thelba hudhër, 100 gr bizele, 100 gr karrota, disa degëza majdanoz, vaj, kripë.
E lejmë orizin në ujë të ngrohtë për 5 minuta, pastaj e lajmë derisa të mos ngelet asnjë gjurmë niseshteje. Në një tigan nxehim 2-3 lugë vaj dhe hedhim qepën dhe hudhrën e grirë, sapo të zbuten i shtojmë orizin, të cilin më parë e kemi kulluar. Pastaj i shtojmë dhe domatet e grira. I shtojmë ½ l ujë të ngrohtë, kripë, bizelet dhe majdanoz të grirë. I mbulojmë dhe i lejmë të ziejnë për rreth 20 minuta me kapak të mbyllur derisa bizelet të jenë zier dhe orizi të mos ketë një pamje kremoze. Në fund i dekorojmë me chiles të palosura më dysh.

[Estella]

Oriz me portokalle (Brazil)
Ingredintët për 4 persona: 300 gr oriz, 50 gr gjalp, 2 qepë, 4 degë selino, kripë, piper.
Pasi të kemi shkrirë gjalpin në një tigan, skuqim selinon dhe qepën të prerë hollë duke i përzier vazhdimisht. I shtojmë lëngun e portokalleve dhe lëkurën e grirë të njërës prej tyre. I kriposim, i peperosim dhe i ziejmë bashkë. Sapo të ketë arritur pikën e vlimit i shtojmë orizin, e përziejmë dhe e lemë të ziejë, duke i shtuar ujë ose lëng mishi të ngrohtë nëse është e nevojshme.

[Estella]

Krem elote (Meksika)
300 g misër, 3 këmbë selino, 2 pras, 2 lugë miell, ½ qumësht, 50 g gjalp, kripë.
Në një tenxhere shkrijmë gjalpin, i shtojmë prasin dhe selinon të prerë në copa jo shumë të vogla, i lejmë të skuqen për disa minuta duke i përzier me lugë druri dhe pastaj i shtojmë miellin dhe në fund qumështin. I përziejmë me kujdes. Sapo të formohet një si krem heqim copat e prasit dhe selinos, nëse vazhdon të jetë akoma e lëngshme e lemë edhe për disa minuta të ziejë derisa të dendësohet. Në rast se është dendësuar shumë i shtojmë pak qumësht të ngrohtë. Pastaj e frulojmë kremin me misrin, e kriposim. Dhe para se ta servirim e ngrohim.

[Estella]

Chilli me mish (Meksika)
900 gr mish viçi, 600 gr domate, 400 gr fasule të kuqe, 3 qepë, 3 thelba hudhër, 6 lugë vaj misri, 2 lugë spec i kuq djegës, ½ lugë kafe spec i kuq, ½ lugë kafe rigon, lëng mishi, kripë.
I lajmë dhe i lemë në ujë fasulet për disa orë. Pastaj presim mishin në copa të vogla dhe e skuqim në vaj të nxehtë. I shtojmë qepët dhe hudhrat e grira dhe i lemë në zjarr për 5 minuta, pastaj i shtojmë fasulet e kulluara më parë dhe i përziejmë. I heqim lëkurën domateve, i presim në copa të vogla dhe ia shtojmë mishit; i shtojmë dhe erëzat, e lagim me lëng mishi, e mbulojmë dhe e lemë të ziejë derisa mishi dhe fasulet të zbuten. Nqse është e nevojshme mund të shtojmë lëng mishi.

[Estella]

Fejioada (Brazil)
Ingredientët për 6 persona: 2 kg fasule, 200 gr salsiçe, 300 gr brinjë derri, 200 gr di pancetta affumicata (nënbarkëse derri e tymosur), 2 qepë, 3 thelba hudhër, vaj ulliri, majdanoz, 1 gjethe dafine, kripë, piper.
Në një tas me ujë dhe 1 gjethe dafine lemë fasulet për gjithë natën, të njëjtën gjë bëjmë dhe me copat e mishit. I ziejmë pastaj copat e mishit për 30 minuta dhe, pasi ti kemi kulluar, i sistemojmë në një tenxhere të gjërë, bashkë me fasulet dhe salsiçen e prerë në copa të vogla. E mbulojmë tenxheren me ujë, hedhim kripë dhe i lemë të ziejnë për 2 orë në zjarr të ulët. Pastaj i shtojmë brinjët. Në një tigan skuqim qepën, hudhrën, i lagim pak me lëngun e fasuleve, i shtojmë majdanoz të grirë dhe pasi ta kemi përzier ia shtojmë tenxheres ku kemi fasulet dhe mishin. I përziejmë dhe i lemë të ziejnë derisa fejioada të jetë dendësuar dhe mishrat të jenë zier. Fejioada shoqërohet nga një salcë që përgatitet me qepë, majdanoz, hudhër dhe domate të grira shumë hollë, vaj dhe limon.

[LePuLuShe]

Ushqimi im i preferuar eshte kallamari (grek) por fatkeqesisht se kam idene si mund te gatuhet nese ndonjeri e ka le te na e beje kete nder
Lepulushja

[Estella]

Lepurushe gatimen e tyre e gjen ketu ne forum mjafton te kontrollosh temat ketu, ka plot menyra per ta gatuar.

[LePuLuShe]

THNX ESTELLA

[Mister]

O Estella na ke kenaqur.
E di sa here te bekoj une ty, se kur nuk kam ndonje ide se cfare te gatuaj futem ketu ne forum te kuzhina dhe gjej recetat e tua.

Thanx again