Shqiptarët pushtojnë majën e Everestit

[shigjeta]

Shqiptarët pushtojnë majën e Everestit

Alpinistët shqiptarë, mes tyre dhe Gjergj Bojaxhi ia dalin të pushtojnë Everestin, për të ngritur në çatinë e botës flamurin shqiptar. Lajmi konfirmohet nga një mesazh i marrë nga presidenti i kompanisë udhërrëfyese. Aplinistët kanë mbërritur në majën e malit më të lartë në botë rreth orës lokale 07:00 (+5. 45 GMT).
Namaste Aleksander
Faleminderit. Nga informacionet e fundit 4/5 alpinistë shqiptarë kanë arritur majën e Everestit, 8884 metra rreth orës 07:00 me orën lokale. (+5. 45 GMT) dhe janë rrugës për në kampin 3. Na duhet të konfirmojmë sa dhe kush kanë arritur majën menjëherë sapo të arrijnë kampin 3
Sinqerisht
Pradip Kumar Limbu

Ekspedita Everest 2012 u ndërmor në kushtet më ekstreme të motit dhe të lartësisë, dhe është inisiativë me rastin e 100 vjetorit të pavarësisë.
Fation Plaku, Gerti Pishtari, Mateo Begeja, Gjergj Bojaxhi, Erlin Rudho dhe Xhimi Begeja, nisën në muajin Prill ngjitjen drejt pikës më të lartë të globit, për të vendosur flamurin shqiptar në zonën e flamujve, përkrahë flamujve të tjerë nga e gjithë bota.
“Të gjashtë antarët e ekspeditës dhe sherpat do të ngjiteshin për gjatë gjithë natës për të arritur majën. Të gjithë ishin të përgatitur për të suportuar temperaturat nga – 30 deri në - 40 gradë Celsius. Shqetësimi ishte rritur para pak ditësh kur një stuhi e papritur shkaktoi vdekjen e dy alpinistëve dhe humbjen e tre të tjerave në atë që quhet Maja e vdekjes. Por për fat të mirë ekspedita shqiptare pavarësisht disa kthimeve pas dhe aklimatizimeve ia ka dalë mbanë që të arrijë deri në pjesën finale të misionit. Një arritje jo pa vështirësi dhe sakrifica fizike.
DITARI
20 maj drejt kampit të ndërmjetëm 5.700 m.
21 Maj ngjitje në ABC; 6.400 m.
22 Maj qëndrim në ABC.
23 Maj ngjitje në Kampin 1 – 7.100 m.
24 Maj ngjitje në Kampin 2 – 7.900 m
25 Maj ngjitje në Kampin 3 – 8.300 m.
25 Maj ngjitja në Majën e Everest.
Iniciativa u sponsorizua nga Vodafone, Reiffaisen Bank dhe Ministria e Rinisë dhe Sporteve.

Bota Sot

Urime alpinisteve shqiptar per kete sfide!

[Prometeu2]

Ku eshte fotografia ne maje te Everestit, eshte shume me rendesi kjo fotografi, sepse duke ditur kushtet ekstreme te motit qe mbajne atje (mungese oksigjeni, erera teper te medha dhe temperatura shume te uleta) cdo ekspedite duhet te beje nje fotografi ne maje ta sjelle si prove. Uroj qe te kthehen shendosh e mire, sepse edhe kthimi eshte problematik.

[shigjeta]

Alpinistët kthehen si triumfatorë në Shqipëri

Tregojnë për aventurën e tyre të jashtëzakonshme

Të ngjitesh atje ku toka i afrohet më shumë qiellit është një heroizëm që mund të të kushtojë kokën. Veçse, gjashtë shqiptarë nuk e patën problem këtë gjë dhe mes tyre ishin edhe një baba dhe djali i tij, pikërisht Xhim e Mateo Begeja, që vunë këmbët dhe vendosën flamurin shqiptar në majën e Everestit, në 8848 metra mbi nivelin e detit. Ata u kthyen të parët, ndërsa në Rinas u pritën nga respekti dhe nderimi si dhe nga vajza me kostumin tradicional tiranas, por që kërcenin në ritmin e këngëve moderne më të fundit. i pari flet udhëheqësi i ekspeditës, Xhim Begeja.
Pas tij, i biri, Mateo, nxënës i shkollës së mesme të përgjithshme “Sami Frashëri”, ndërsa ngjitja e tij bashkë me të atin në krahun verior mund të jetë një rekord i botës.
Ka shumë mundësi, pra që rezultati i ekspeditës shqiptare, pra 6 alpinistë që u nisën dhe e realizuan ngjitjen të jetë gjithashtu një nga rezultatet më të mira të të gjitha kohëve. Gjithsesi, ia vlen të japim emrat e heronjve të cilët janë: Xhim Begeja, Mateo Begeja, Gjergj Bojaxhi, Gerti Pishtari, Fatjon Plaku dhe Erlin Rrudho. Më 6 qershor, delegacioni do të kthehet i plotë në Shqipëri.

Bota Sot

[shigjeta]

......................

[user010]

Ata jan njesha fare! Me pëlqeu kz lajm!

[letaa]

eh sa mir ju lumte

cfar avanture te bukur

[Uriel]

Ku eshte fotografia ne maje te Everestit, eshte shume me rendesi kjo fotografi, sepse duke ditur kushtet ekstreme te motit qe mbajne atje (mungese oksigjeni, erera teper te medha dhe temperatura shume te uleta) cdo ekspedite duhet te beje nje fotografi ne maje ta sjelle si prove. Uroj qe te kthehen shendosh e mire, sepse edhe kthimi eshte problematik.

[belbaku]

Permbi retë. Duhet të jetë një ndjesi e veqantë.

[shigjeta]

Askush si këta. Askush në Shqipëri dhe pakkush në botë si kjo gjashtëshe heroike deri në vetmohim. Këta u ngjitën në majën më të lartë të botës, në Everest, apo Xhomolungman e vendasve, 8 848 metra mbi nivelin e detit.
Ata ishin sipas moshës Mateo Begeja, Erlin Rudho, Gerti Pishtari, Fation Plaku, Gjergj Bojaxhi dhe Xhimi Begeja. Alpinistë të shoqatës "Dajti Alpino-Turistik".
Përtej shkëlqimit personal, diçkaje që do të mbahet mend deri në fund të jetës, kjo gjashtëshe nuk harron të theksojë edhe se gjithçka u bë edhe si dhuratë për 100-vjetorin e pavarësisë

[teta]

bravo albania

[ahmed_tr]

Kthim shendoshe e mire ne familjet e tyre.

[Brari]

lavdi ktyre trimave..

megjithate po te kisha pas celularin e tyre i kisha than..

mos shkoni..
ma mir ngjituni ne tomorr e atje formoni nji parti politike qe do ket antar njerez trima te ndershem e qe nuk korruptohen..

se na rrnoft flamuri ne everest..kur mes tirane kemi horra biljardare.. qe nuk guxon kush me ju than..ju mbest ne fyt hajnia..

.

[Albo]

INTERVISTA/ Flet Fation Plaku, alpinisti që u ngjit në majën Everest

Ja si e “pushtuam” Everestin

Albert ZHOLI

Para disa ditësh në galerinë FAP u hap ekspozita fotografike e alipinistit Fation Plaku, me foto nga ekspedita për ngjitjen e majës më të lartë në botë, Everest. Fationi është një prej alpinistëve, të cilët në një rast të paprecedent, për herë të parë si pjesë e një grupi ngjitën me sukses majën më të lartë të botës, atë të Everestit, ku ngritën për herë të parë në histori edhe flamurin shqiptar. Z.Fation Plaku me anë të kësaj ekspozite ku mori pjesë dhe Ambasadori Amerikan Arvizu, përcolli tek publiku atë udhëtim sa të lodhshëm aq edhe të paharruar e madhështor. Ekspozita kishte më shumë se 100 foto duke pasqyruar të gjithë ngjitjen deri në majën e botës. Përveç fotove Z.Plaku kishte përgatitur dhe një dokumentar ku u panë disa sekuenca kryesore në majën e malit. Gjithashtu pjesë e ekspozitës ishte dhe ekspozimi i të gjitha veshjeve dhe pajisjeve speciale të përdorura gjatë ekspeditës, të cilat përdoren vetëm në lartësitë mbi 7000 m.
Kur e morët vendimin për tu ngjitur tek Everesti?
Rreth 18 muaj më parë, fill pas kthimit nga mali Elbrus i masivit të Kaukazit, ku dhe ndodhet pika më e lartë e kontinentittonë, unë isha një nga ata anëtarë të Shoqatës Dajti Alpino-Turistik që filluan të përgatiten, për të synuar ngjitjen e pikës më të lartë të planetit tonë, majës Everest.
Çfarë stërvitje bëtë për tu ngjitur në këtë majë?
Fillimisht e konsideruam këtë ngitje SYNIM. Synim ngase askush nuk e dinte, sikundër edhe sot askush nuk e di, se cila është ajo "sasi" stërvitje dhe ajo "cilësi" stërvitje që të mundëson ngjitjen e majës Everest. Por tek e fundit trajneri ynë krijoi një plan stërvitor, si dhe një linjë stërvitore kolektive të pleksur me stërvitjen individuale të secilit, që ne na çoi në një sukses ekipor të cilin askush nuk e mendonte kur u nisëm, më 2 Prill 2012, drejt majës më madhështore të rruzullit.
Si vepruat faktikisht?
Ju afruam majës shumë ngadalë deri sa u vendosëm në Kampin Bazë në 5.000 lartësi. Gradualiteti i fitimit të lartësisë është një nga parimet bazë të arritjes së suksesit për të qëndruar në majën e Everestit.
A ju dha komplikacione kjo lloj ngjitje?
Ne jetuam pesë javë në rrëzë të majës, duke e parë atë për çdo ditë kur në qiell nuk kishte re apo mjegull. Ne u sëmurëmdhe u shëruam jo një herë nga komplikacionet në organizëm të cilat krijohen nga mungesa e oksigjenit deri sa e "detyruam" organizmin tonë të punonte me pak oksigjen.
Kur e “pushtuat” Everestin?
Dhe më 20 Maj të vitit që lamë pas trupi ynë kishte arritur maksimumin e mundshëm të aftësive punuese në kushtet e ajrit të holluar të Himalajave si dhe e kishim ngarkuar veten psikologjikisht për të patur zemër dhe vendosmëri që të sulmojmë majën. U nisëm dhe dolëm me sukses: më 25 maj 2012 maja Everest ishte nën këmbët tona!
Si u ndjetë pas këtij suksesi?
U kthyem nga maja duke përjetuar ndjenjën se kishim realizuar aventurën më fantastike të kësaj bote! U kthyem krenarë që thyem rekordin botëror të ngjitjes në lartësi, rekord i cili qëndron gjithnjë atje, atje ku kanë shkuar para nesh shumë alpinistë dhe ku për çdo vit do të shkojnë të tjerë aventurierë që ta synojnë.
Cili është qëllimi i ekspozitës me pamje nga Everesti?
Ditët e qëndrimit në lartësitë e Himalajave ku dominon kunji i rruzullit tonë u shoqëruan me shumë sakrifica fizike, emocionale, gastronomike, shëndetësore, etj. Ato u shoqëruan me përpjekje që shkonin në skajet fizike dhe emocionale tësecilit. Për të treguar pjesën time në këto përpjekje, të cilat besoj se çdo individ e ka të vështirë t'i përsëdyti, kam ndërtuar këtë ekspozitë që tu përcjell jo vetëm anën time të historisë Everest, por njëherësh tu përcjell atë ego për arritje, atë shtysë për eksplorim që e ka mbartur nga brezi në brez raca njerëzore dhe që e shtyn edhe sot shoqërinë e kësaj toke ta tregojë në çdo fushë të jetës, elementë këto që e kanë bërë jetesën dhe mirëqenien të ecin përpara.

[EuroStar1]

SHqiptaret kane pushtuar henen ketu e 15 vjet me pare, ju thoni Everestin

[Harakiri]

^Kjo eshte si i thone kalamajte "Photoshop level 'Albanian'".

[Brari]

alpinistet tane qe shkelen everestin meritojn respekt e lavdi..

eshte nje sakrific e madhe tmerresisht..

duhet te jen te krisur pakez ne krye..ata trima..
se nuk ja vlen te rrezikoc jeten tende e fmive per nje qerrata milet si ki i ini..