"DEMAT E KUQ" të Partizonit - (#4)

[[PaRTiZoNi]]

PERJET ME TY PARTIZON!!!

Meqë tema e vjetër arriti nr e postimeve, ju ftoj të diskutojmë në këtë temë mbi ekipin legjendar të Shqipërisë PARTIZONI.

Diskutim të këndshëm!

[{A_N_G_E_L_69}]

Hajde urime per temen e re pra.Kte vit Partizani nje kategori me siper,po se shpejte ne super lige.

Rodo e ke qa temen,ta gzosh me trofe ishalla

[[PaRTiZoNi]]

Hajde urime per temen e re pra.Kte vit Partizani nje kategori me siper,po se shpejte ne super lige.

Rodo e ke qa temen,ta gzosh me trofe ishalla

Flm Arbër :-)

[Qyfyre]

partizani tjeter ky? se sikur eshte nje teme

[Jack Watson]

Ju kishte rraf Tërbuni i Pukës lol.

[MaDaBeR]

BORXHET: XHANIT I SEKUESTROJNE PARTIZANIN

Përmbarimi i bllokon 60% të aksioneve

Problemet ligjore te skuadra e Partizanit nuk kanë të mbaruar. Këtë herë nuk bëhet fjalë për ndonjë gjyq apo konflikt mes aksionarëve të shoqërisë tregtare “Partizani sh.a”, por për një sekuestrim që u është bërë aksioneve të presidentit Albert Xhani. Ky i fundit që nga data 25 maj nuk ka më në pronësi dhe nuk mund t’i përdorë në asnjë mënyrë 60% të aseteve të tij që ka te Partizani. Në ekstraktin e Qendrës Kombëtare të Regjistrimit shihet qartë se aksionet e presidentit Xhani janë të bllokuara për shkak të një borxhi që ai ka në një nga bankat e nivelit të dytë në kryeqytet.

Sekuestrimi: Shoqëria private përmbarimore “Zig”, me një kërkesë me numër protokolli 7529 të datës 25.04.2012, i ka drejtuar një urdhër sekuestro QKR-së për sekuestrimin e të gjitha aseteve në prona të ndryshme që mund të ketë Albert Skënder Xhani të regjistruara në këtë institucion. Ky urdhër ka ardhur nga kjo zyrë përmbarimi pasi më parë çështja është fituar nga “Alpha Bank” në Gjykatën e Shkallës së Parë në kryeqytet. Duke qenë se në kontratën e lidhur mes bankës dhe Albert Xhanit nuk ka pasur kolateral, për këtë arsye shoqëria përmbarimore ka nisur procedurat për sekuestrimin e pasurive të debitorit në të gjitha institucionet ku ato janë të regjistruara. Një ndër pasuritë e Xhanit janë edhe aksionet e tij në “Partizani sh.a” dhe në “F.K Partizani”, të cilat tashmë janë të bllokuara. Duhet sqaruar se shoqëria “F.K Partizani” është në pronësi të “Partizani sh.a” dhe është një shoqëri paralele, e cila më parë është quajtur “Partizani Media&Training”.

Borxhi: Xhani ka kërkuar nga “Alpha Bank” që t’i japë në përdorim një kartë kredie të quajtur “American Exspres Green”. Kontrata mes palëve është lidhur në 13.06.2008. Me anë të kësaj karte Xhani ka mundur të bëjë blerje në vende të ndryshme, por edhe të tërheqë para kesh nga kredia e tij. Shuma totale e të gjitha këtyre shpenzimeve të presidentit të Partizanit ka shkuar në gjashtë milionë lekë të vjetër. Mund të duket një shifër modeste në lidhje me vlerën reale që kanë aksionet e Partizanit në rast se do të dilnin në ankand. Por, por të shohësh më saktë kohën kur është lidhur marrëveshja mes Xhanit dhe bankës, ajo përkon me rënien e skuadrës së Partizanit në Kategorinë e Parë dhe shfaqjen e problemeve të para financiare. Pas këtij momenti, Xhani nuk ka mundur ta shlyejë më borxhin ndaj bankës në fjalë dhe kjo e fundit ka ndjekur të gjitha hapat ligjorë për të marrë mbrapsht paratë e shpenzuara nga Xhani. Të tëra rrugët ligjore kanë përfunduar vetëm tre muaj më parë, kur është bërë edhe sekuestro e të gjitha pasurive që ka pasur Xhani të regjistruara në QKR, përfshi edhe aksionet e të kuqve.

Reagimi: Gjatë ditës së djeshme, “Panorama Sport” ka tentuar t’i marrë një prononcim presidentit të Partizanit, Albert Xhani, në lidhje me çështjen, por ky i fundit nuk u është përgjigjur asnjë prej telefonatave apo sms-ve që kanë shkuar në drejtim të tij. Megjithatë, në ditët në vijim, pritet të ketë një reagim të aksionarit maxhoren të skuadrës së kuqe për këtë bllokim që u janë bërë aksioneve të tij dhe se cilat janë hapat që ai do të ndërmarrë në drejtimin e Partizanit.

SI VEPROHET?

Nëse borxhi nuk shlyhet, aksionet dalin në ankand

Aktualisht 60% të aksioneve të Partizanit që janë në pronësi të Xhanit janë sekuestruar pa një afat kohor. Edhe në shkresën drejtuar QKR-së, studioja përmbarimore ka bërë me dije se ky urdhër do të jetë në fuqi deri në një vendim të dytë. Në një konfirmim që “Panorama Sport” i bëri kësaj situate doli se aksionet e Xhanit vazhdojnë të jenë të bllokuara, por vetë aksionarit nuk i është lënë asnjë afat kohor se kur duhet ta paguajë shumën që i detyrohet bankës në fjalë. Duke qenë se vetë banka nuk ka vënë asnjë afat kohor, Xhanit i lind e drejta që të paguajë në çdo moment borxhin e tij dhe të rikthejë në gjendje të lirë aksionet në shoqërinë tregtare “Partizani sh.a”. Por në tërë këtë situatë ka edhe një tjetër aspekt. Në rast se një person i interesuar shfaq dëshirën për të blerë këto aksione pranë shoqërisë së përmbarimit, atëherë kjo e fundit bën të gjithë dokumentacionin e nevojshëm dhe i nxjerr ato në ankand. Në të tilla raste gjithmonë është i dëmtuari, në rastin në fjalë banka, që bën kësi kërkesash ose ortaku tjetër, nëse shoqëria e dëmtuar e ka një të tillë. Në rastin konkret ortaku me 40% të aksioneve është Paro Laçi.

LIGJI

Humbet e drejta e përdorimit të aksioneve

Specialitet e shoqërive përmbarimore kanë konfirmuar për “Panorama Sport” se në një rast të tillë, aksionari kryesor nuk mund të bëjë asnjë veprim lidhur me aksionet e tij. Çka do të thotë se gjatë kësaj periudhe, Xhani nuk mund të shesë apo tjetërsojë pjesën e tij të aksioneve në shoqërinë tregtare “Partizani sh.a”, të paktën pa mbyllur më parë borxhin që ka ndaj bankës së nivelit të dytë. Të gjitha veprimet e sipërpërmendura mund të bëhen në rast se zyra përmbarimore do t’i dërgojë një urdhër të dytë Qendrës Kombëtare të Regjistrimit dhe t’i kërkojë asaj lirimin e aksioneve të Xhanit. Deri në këto momente një gjë e tillë nuk ka ndodhur dhe nuk dihet nëse do të ndodhë.

ORTAKU

Laçi do drejtimin e skuadrës në federatë Në një situatë të tillë Paro Laçi, i cili ka në pronësi 40% të aksioneve të tij, ditën e djeshme ka kërkuar të drejtën e regjistrimit të skuadrës nga Federata Shqiptare e Futbollit për sezonin tjetër. Burime të sigurta pranë FSHF-së kanë bërë me dije për “Panorama Sport”, se Laçi ka zhvilluar dje një takim me drejtues të federatës duke u parashtruar edhe kërkesat e tij, ndërsa një përgjigje më e saktë pritet të vijë ditën e hënë në lidhje me këtë çështje. Gjatë kësaj kohe, Laçi ka nisur bisedimet me futbollistë të ndryshëm për t’i bërë pjesë të Partizanit dhe disa prej tyre kanë nisur seancat stërvitore. Trajner i ekipit është vendosur Nikolin Çoçlli, ndërkohë që pjesa tjetër e stafit që ka drejtuar Partizanin sezonin e shkuar nuk është prekur.

MERKATO

Klevis Roshi, pranë të kuqve

Mesfushori elbasanas, Klevis Roshi, sezonin e ardhshëm mund të jetë pjesë e Partizanit. Një gjë të tillë e konfirmojnë burime nga stafi i aksionarit Laçi, i cili ditët e fundit ka kontaktuar një sërë futbollistësh nga kampionati shqiptar. Roshi sezonin e shkuar ka luajtur për Tomorin në Superiore duke dhënë kontributin e tij që kjo skuadër të qëndronte në elitën e futbollit shqiptar. Por, tashmë që kontrata e tij ka përfunduar, ai duket se do të gjejë një tjetër strehë, që mund të jenë të kuqtë. Roshi ka luajtur edhe tri sezone më parë me Partizanin, gjatë fazës së parë të kampionatit, dhe më pas është transferuar te Skënderbeu, i cili në atë kohë rrezikonte të binte nga Kategoria. Megjithatë mes lojtarit dhe Laçit ka pasur vetëm biseda telefonike dhe palët ende nuk janë ulur për të biseduar konkretisht për shifra financiare, apo kushtet e kontratës. Në rast se do firmoste, Roshi do të ishte një përforcim i vlefshëm për të kuqtë, sepse është një lojtar cilësor dhe ka bërë paraqitje të mira me Tomorin, ku është aktivizuar dy sezonet e fundit.

PLANI

Stërvitja, te Liqeni Artificial deri më datë 15 korrik

Partizani edhe gjatë ditës së djeshme është stërvitur te kodrat e Liqenit Artificial. Të kuqtë nën drejtimin e trajneri Çoçlli do të vazhdojnë me të njëjtin program të paktën deri më datë 15 korrik dhe më pas do të kalojnë në fushën e blertë. Grupit të futbollistëve të një sezoni më parë tashmë i janë shtuar edhe lojtarë të rinj, të cilët janë afruar nga merkatoja. Fakti që stërvitja është bazuar te vrapimet, ka të bëjë me kohën e gjatë që lojtarët kanë pushuar pas mbarimit të kampionatit. Kështu, ata duhet që më parë të rifitojnë formën fizike dhe më pas të vijojnë me ushtrimet me topin. Nga ana tjetër, trajneri Çoçlli është në pritje të kompletimit të grupit me lojtarët që do të vijnë nga merkatoja dhe më pas do të mendojë për të ardhmen.

Panorama Sport

[drague]

kush eshte ky Gaz demi qe ka mor partizonin??

nai1 foto se posible

[Qyfyre]

Zyrtare / Firmosin Hyshmeri dhe Mitraj

Partizani vazhdon merkato dhe sot jane zyrtarizuar dy lojtare te tjere qe do te jene pjese e skuadres per sezonin e ardhshem dhe me tej. Behet fjale per sulmuesin Aldo Mitraj dhe mesfushorin e Renato Hyshmeri. Te dy lojtaret kane qene sot ne klub per te hedhur firmat dhe kane pozuar para zyrave me administratorin Prodani dhe trajneri Lika.

Renato Hyshmeri eshte nje emer i njohur ne Superlige dhe ka firmosur nje kontrate dy-vjecare me skuadres tone. Ai eshte 24 vjec dhe luan ne krahun e majte te mesfushes. Ne dy sezonet e fundit ai ka qene nje pjese e rendesishme e skuadres se Teutes. Ai gjithashtu luajti per durrsaket ne te dyja ndeshjet e Europa League kete vere. Gjate sezonit te kaluar ai ka shenuar nje gol ne 21 ndeshje, ku ka qene titullare 18 here.

Hyshmeri ka dale nga rradhet e Elbasanit dhe ka luajtur te ekipi i qytetit te lindjes per dy sezone para se te transferohej ne Durres. Gjate kesaj kohe, pikerisht ne 16 maj 2009, ai ka shenuar edhe gol kunder Partizanit, por gjithesesi ishte humbes pasi Partizani fitoi 2-1.

Aldo Mitraj gjithashtu ka hedhur firmen per nje kontrate qe do ta mbaje te Partizani per dy vjet. Ai eshte sulmues dhe pritet te luftoje per nje vend titullari ne nje repart ku tani per tani ka pak kandidate, por qe priten te shtohen ne ditet e ardhshme. Ai ka luajtur per Skenderbeun, Luftetarin, Ilirine, Terbunin dhe se fundi Tomorin ku shenoi 6 gola ne 12 ndeshje. Mitraj eshte 26 vjec.

Po sot eshte prezantuar edhe mbrojtesi i Shpresave Amir Rrahmani, qe kishte zyrtarizuar qe me pare kalimin e tij te Partizani. http://www.partizani.net/