Kuriozitete Nga Shkenca Dhe Jeta

[Cimo]

Uashington /08/05/ 13:10

Një shpërthim i madh i supernovës është regjistruar nga NASA, lajmëroi qendra kozmike amerikane.

Bëhet fjalë për deri tani shpërthim më të madh të vërejtur të yllit, që ka ndodhur 240 milionë vite të dritës nga toka. Lloji i këtillë i shpërthimeve ndodhin kur yjet do të mbeten pa karburant.

Ylli që shpërtheu është yll i vjetër nën emrin e kodit SN 2006gy dhe për herë të parë është zbuluar në shtator të vitit të kaluar.

Ylli ishte më i madh se Dielli ynë për rreth 150 herë, ndërsa maja e dritës së shpërthimit ka qenë e dukshme rreth 70 ditë.

Shkencëtarët nga NASA paralajmërojnë se para vdekjes së yllit dhe shndërrimit të tij në supernovë, ajo ka nxjerrë prej vetes materiale të ndryshme, ngjashëm me atë që është duke ndodhur me Eta Karinea, yllin më të madh në gjithësinë tonë, Rrugën e Qumështit, që gjendet larg vetëm 7.5 mijë vite të dritës.

Në Rrugën e qumështit nuk është regjistruar supernovë më shumë se 400 vjet, ndërsa nëse shpërthen Eta Karinea, drita do të mund të shihet edhe gjatë ditës, ndërsa në terr të plotë nga kjo dritë do të mund të lexohet normalisht, paralajmërojnë shkencëtarët. /Makfaks/

[EkOnOmIsTi]

Ne tetor te vitit te kaluar, nje familje bullgare vuri te zjeje ne zjarr nje koke deleje, kur papritur ne tenxhere vezulluan... disa dhembe te florinjte. Te nesermen ekspertiza kimike e bere nga muzeu etnografik tregoi se dhembet e deles me te vertete ishin te mbuluar me nje cipe te floriri. Si rrjedhim i kerkomeve te mevonshme, doli e qarte se ne cilin rajon kishin kullotur keto dele. Fshataret treguan se kishin pare me se nje here vezullime te arta ne dhembet e deleve te tyre , po nuk i kishin kushtuar asnje fare rendesie. Ky zbulim paraqiti interes dhe per kerkimet e komitetit te gjeologjise. Supozohet se delet kan lepire toke qe permbante pjezesa te ketij metali te cmuar.

Gjethet me te medha i ka palma rafi, ne brigjet e Amazones. Gjethet e saj jan si nje pend Gjigande. Disku i gjelber i gjethit arrin 22 metra gjatesi dhe rreth 12 metra gjeresi, ndersa bishti rreth 5 metra. Nen nje gjth te tille mund te strehohen 10 vete



Lulen me te madhe ne bote e ka raflezia, bime ne ishullin Java (Indonezi). Mishtake, pesepetaleshe, e kuqe, me njolla ; nuk eshte lule, po nje qilim! Rritet me nje diameter deri ne nje meter e gjysem. Rafalezia qendron parazite ne rrenjet e drureve tropikale; lulet e saj mbijne prej nenlekures se bimeve-nene dhe kane pamjen e sythit, pastaj behen nje lule e vetme gjigande.

[Borix]

Truri i njeriut dhe roboti komunikojnë nëpërmjet një kompjuteri

Në një laborator të universitetit të Washington-it, studentë e
shkencëtarë po kryejnë eksperimente me një robot, që komandohet nëpërmjet
trurit dhe një kompjuteri.

Ky robot duket i ndërlikuar jo vetëm nga pjesët mekanike. Ai në fakt ka
edhe mendjen e vet, mendjen e këtij studenti. Në kapelen e tij lexohet
emri, Josh Storz. Sinjalet e trurit i shndërrojnë mendimet e tij në
veprime për robotin.

Rajjesh Rao pranë Universitetit të Washington-it thotë se në çdo vrimë në
këtë kapele ndodhet një fije përçuese e sinjaleve elektrike tek një
përforcues rryme që i dërgon sinjalet në kompjuter ku ndodh pjesa tjetër
e procesit të transferimit të mendimeve, komunikimit.

Rajjesh Rao po bën kërkime për të gjetur mënyra se si të dëgjojë
sinjalet në tru. Më parë, shkencëtarëve u duhej të prisnin lëkurën e
kokës ose të hapnin kafkën për të marrë sinjale të mjaftueshme.

Shkencëtari i ri thotë se tani studiuesit mbështeten në faktin se truri
reagon në mënyra të ndryshme, reagime që prodhohen nga zona të ndryshme
të trurit. Në këtë rast, truri ngacmohet vetëm në një zonë, për të
dërguar vetëm një reagim të veçantë. Per pasoje, roboti lëviz vetëm një
ose dy blloqe nga një tryezë në tjetrën dhe bënë lëvizjet e nevojshme
të këmbëve dhe duarve.

Rao thotë se një nga arsyet që ky projekt ka dalë i suksesshëm është
aftësia e trurit të njeriut për tiu përshtatur Robotit. Njeriu mund t’i
përshtatet e të mësojë reagimin e komjuterit ne menyre që ata punojnë së
bashku, pra integrohen me njeri tjetrin.

Por, thuajse njësoj si komunikimi me një fëmijë, gjërat jo gjithmonë
shkojnë mirë, çka tregon se leximi robotik i mendjes është një proces,
një punë në vazhdim.

(Kontribuar nga Alb-Shkenca)

[Borix]

Ilaçi Avandia kundër diabetit shton rrezikun e goditjeve në zemër

Sipas një studimi botuar kohët e fundit në revistën mjekësore të New England, ilaçi kryesor për të sëmurët me diabet të tipit 2, Avandia shton rrezikun e goditjeve në zemër dhe të vdekjeve nga sëmundjet e zemrës.

Për këtë arsye, Agjencia Amerikane e Ushqimeve dhe Barnave u bëri thirrje miliona njerëzve me diabet që marrin Avandia të bisedojnë me mjekun për të marrë një medikament tjetër. Por kjo agjenci nuk pranoi t’u kërkonte firmave farmaceutike që të vendosin etiketën me këshilla paralajmëruese për ilaçin Avandia në farmaci.

Studimi u krye nga një klinikë në Cleveland, Ohio. Pas një shqyrtimi të 42 provave klinike, me pjesmarrjen e 27 mijë personave me diabet, shkkencëtarët vunë re se ata që marrin Avandia kishin 43 përqind gjasa të prekeshin nga goditje në zemër dhe 64 përqind të ngjarë të vdisnin nga një sëmundje në zemër, në krahasim me pacientët e tjerë që trajtohen me ilaçe të tjera. Kjo është alarmuese, thotë Dr. Steven Nesen. Ai shton se këto të dhëna duhen konfirmuar, dhe nëse ato vërtetohen plotësisht, kjo përbën një shqetësim të madh për shëndetin public.

Dr. Nesen arriti në përfundimin se goditjet në zemër tek pacientët që marrin Avandia mund të ndodhin brenda 6 muajve nga marrja e ilaçit Avandia. Sipas disa përllogaritjeve, nëse analizat e doktor Nisenit vërtetohen, kjo do të thotë se dhjetra mijëra njerëz mund të vdesin nga Avandia. Në revistën mjekësore të New England thuhet se Avandia përfaqëson një dështim të madh të procesit të përdorimit dhe rekomandimit të ilaçeve me recetë në Shtetet e Bashkuara. Si firmat farmaceutike edhe Agjencia e ushqimeve dhe barnave mendohet se i kanë patur këto të dhëna prej kohësh, thotë R. David Nathan pranë spitalit të përgjithshëm në Massachusetts. Atëherë shtrohet pyetja, përse ata nuk arritën në të njëtin përfundim si Dr. Nesen? Agjencia federale e barnave thotë se të dhënat që Avandia shtonte rrezikun e goditjeve në zemër i ka patur në dispozicion që nga gushti i vitit të kaluar, por disa të dhëna të studimit bien ne kundershtim. Dr. Robert Meyer i kësaj agjencie thotë se ata arritën në përfundimin që analiza të tjera ishin të nevojshme për te marrë një vendim të drejtë.

Kompania farmaceutike që prodhon Avandia-n thotë se beson se përfitimet që Avandia u sjell të sëmurëve me diabet vazhdojnë të jenë më të shumta sesa rreziqet.

Ndërkohë që Avandia ul nivelin e sheqerit në gjak, ky medikament shkakton rritjen në peshë, grumbullon lëngje dhe rrit nivelin e koleserinës së keqe deri në 18 përqind. Por rezultatet e njoftuara sot tregojnë edhe për dëme edhe më të mëdha. Këtu flitet për goditjet në zemër, çka janë shumë më serioze. Këto fakte nxiten kongresin qe të vendosë të mblidhet këto ditë për të marrë në shqyrtim të dhënat e studimit dhe për të dëgjuar dëshmitë e të gjitha palëve rreth vlerave dhe rrezikut të Avandias, ilaçi më popullor mes të të prekurve me diabet të tipit 2.

[Darius]

Mace me Krahe

Nje grua kineze deklaroi se macja e saj kishte krahe. Macjes se Plakes Feng i kane dale dy krahe nga 10 cm. "Fillimisht ata ishin thjesht si dy gunga te voga por filluan te rriteshin me shpejtei dhe mbas nje muaji dolen dy krahe te vertete," tha ajo. Feng nga qyteti Xianyang thote se krahet te cilet permbajne kocka e bejne te duket macen e saj si nje "mace engjell".

Shpjegimi i saj eshte qe maces i dolen krahet mbas ngacmimit seksual.

"Nje muaj perpara disa mace femra ne momentin e tyre te mbarsjes ngacmuan macokun dhe nga ai moment atij filluan ti rriten krahet," tha ajo. Sidoqofte ekspertet shprehen se fenomeni ka si shkak ndonje gjymtin gjenetik por kjo nuk do e pengoje macen te beje nje jete normale.

[RaPSouL]

Kine, zbulohen eshtrat e nje dinosauri- zog

Eshtrat e nje dinosauri te ngjashem me nje zog jane gjetur ne Mongoli. Kafsha, qe ka jetuar rreth 70 milione vjet me pare, peshonte gati nje tonelate e gjysme. Eshte pikerisht pesha e tij ajo kundershton njeren nga teorite mbi dinosauret, sipas te ciles keto kafshe gjate evoluimit te tyre u zvogeluan aq sa u kthyen ne zogj. Dinosauri- zog, qe sapo u zbulua, peshonte ne fakt 35 here me shume se te ngjashmit e tij.

Per Kete LLoj Dinosauri Beher Fjale...!

Ky lloj ka dimensione te medhaja ja eshte e ilustruar madhesia e tij ne kete foto

Ja dhe forma e saj.. ne vendgjendje..

[RaPSouL]

Londer, nje femije fillon te flase pas 10 vjet heshtje

Cornovalja- "Po me operuat, nuk flas me ". Ky ka qene premtimi i bere nga 3 vjecari anglez, Ben Grocock, i cili ishte frikesuar aq shume nga ideja qe do t’i hiqnin bajamet sa u tha prinderve se sdo te fliste me. “Greva” e tij zgjati 10 vjet. Tashme, kur eshte 13 vjec Ben nxorri serish ze, dhe filloi te flase.



Ky eshte djaloshi ne fjal...

[Darius]

Nje dicka e shkruter ne lidhje me shkrimin e Rapsoul per zbulimin e dinosaurit.
Fosili i gjetur i perket nje specie te panjohur deri me sot dhe eshte quajtur nga paleontologet e Akademise se Shkencave Kineze ne Bejxhing si Gigantoraptor erlianensis. Sic mund te shikohet nga fotoja, permasat e ketij dinosauri jane gjigande por fosili i gjetur i perket thjesht nje zogu, pra jo nje specie te rritur komplet. Ne moshen e tij te pjekurise Gigantoraptor Erlianensis duhet te kete qene edhe nje gjysem here me i madh sec paraqitet nga fosili dhe dyfish me i rende.

[Dita]

Shkeputur nga faqja e Zerit te Amerikes
Intervista u publikua e plote ne edicionet e djeshme te gazetes TemA dhe Gazeta 55.
Intervista ne format audio mund te degjohet ne: http://www.alb-shkenca.org.




Me shkencëtarin shqiptaro amerikan Niko Qafoku në Laboratorin Kombëtar Pacific Northwest

Intervistoi Astrit Lulushi
Zëri i Amerikës, Uashington
23-06-2007


Laboratori kombëtar Pacific Northwest, në Riçland të Shtetit Uashington është një prej qëndrave më të sofistikuara në botë në fushën e biologjisë molekulare. Laboratori është pjesë e Departamentit të Energjisë dhe nëpërmjet studimeve, eksperimente të shumta e zbulime, ky institucion shkencor ndihmon për nevojat e vendit në fushën e energjisë e të mjedisit. Prej disa vjetësh në këtë laborator punon shkencëtari shqiptaro amerikan, doktor Niko Qafoku, i cili është edhe redaktor shkencor i revistës së njohur të Shoqatës Amerikane mbi Shkencat e Tokës, një revistë e njohur shkencore cila del dy herë në muaj dhe shpërndahet në qëndrat më të rëndësishme shkencore në mbarë botën. Le të ndjekim në vazhdim, intervistën që kolegu ynë Astrit Lulushi i mori zotit Qafoku nëpërmjet telefonit.

Zëri i Amerikës: Doktor Qafoku, laboratori ku ju punoni, ështe një prej laboratorëve të Departamentit amerikan të Energjisë, dhe ndonese i krijuar relativisht më vonë, ka arritur të bëhet shumë i njohur në disa fusha të kerkimeve shkencore e madje të rendidet krahas laboratorëve të tjerë të njohur si për shembull ai në Los Alamos në fushën e fizikës bërthamore. Sigurisht po të kihet ketu parasysh edhe buxheti prej disa qindra milionë dollarësh, kjo tregon se ju dhe shkencetarë të tjere atje dicka bëni, çfarë konkretisht?

Dr. Qafoku: Laboratori ka aktualisht rreth 4000 punonjës. Aty kryhet kërkim teorik dhe i zbatuar shkencor në fushat e biologjisë molekulare dhe mikrobiologjike, mbrotjes së mjedisit, radiologjisë, kimisë analitike, informatikës dhe të teknologjisë. Laboratori u krijua në vitin 1965 mbi bazën e disa laboratorëve egzistues, të cilët ishin pjesë e projektit Manhatan, ku sic dihet u kryen eksperimentet e para të aplikuara në fushën e fizikës bërthamore, gjatë viteve të luftës së dytë botërore. Rezultatet cilësore të punës shkencore në këtë laborator kanë bërë që ai të fitojë një emër shumë të mirë në qarqet shkencore dhe akademike këtu ne Amerikë, por edhe në Botë.

Zëri i Amerikës: Mbrojtja e mjedisit është tashmë në vetëdijen e secilit. Këshilla e udhëzime praktike për mbrojtjen e tij ka plot. Shkencat molekulare japin një ndihmesë të madhe në këtë drejtim. Cilat janë disa nga rezultatet e kësaj ndihmese?

Dr. Qafoku: Eshtë e vërtetë që studimet në nivelin molekular japin informacion bazë pa të cilin nuk mund të kuptohen proceset tepër të ndërlikuara dhe të ndërthurura, me karakter fizik, kimik, mikrobiologjik, dhe hidrologjik, që ndodhin në mjediset e ndotura. Për vetë natyrën e tyre komplekse, këto procese mund të studjohen vetëm nga një grup shkencëtarësh të specializuar në fusha të ndryshme. Si pjestar i këtij grupi, unë merrem me studimin e lëvizjes se disa nga formave molekulare të uraniumit dhe të kromiumit, në shtresat e tokës dhe të nëntokës si dhe në ujërat nëntokësore. Për këto studime kërkohet eksperimentim në laborator si dhe përdorimi i teknikave moderne të mikroskopisë elektronike dhe sperktroskopisë. Kam arritur që rezultatet e studimeve të mija t’i botoj në revista cilësore me qarkullim botëror.

Zëri i Amerikës: Doktor Qafoku, ju keni perfunduar Institutin Bujqësor të Kamzës në Shqipëri, me planet për t'u bërë agronom. Sot ju punoni në një nga laboratorët më të sofistikuar në bote. Si ndodhi ky kapërcim? Apo ishte një evolim i juaj?

Dr. Qafoku: Unë erdha në Amerikë në vitin 1994 si Fulbright Scholar në Institutin Politeknik dhe Universitetin Shteteror të Virxhinias. Po atë vit u pranova në shkollën pasuniversitare të Universitetit të Xhorxhias. Mbarova aty studimet ne 1998 dhe fitova njëkohësht gradat shkencore Master në Matematikë të Aplikuar dhe Informatikë, dhe titullin PhD në kiminë e tokës dhe të mjedisit. Gjithashtu, bëra një specializim 3 vjecar post-doktorature, dhe vetëm pas kësaj mu afrua pozicioni i studiuesit në laboratorin ku punoj aktualisht.

Zëri i Amerikës: Revista e Shoqatës Amerikane të Shkencave të tokës u shpërndahet instituteve të njohura shkencore në mbarë botën. Ju merreni me redaktimin shkencor të punimeve dhe shkrimeve që botohen në këtë revistë. Ku e gjeni kohën?

Dr. Qafoku: Puna e redaktorit shkencor më tërheq jo vetëm për faktin që kjo revistë amerikane, por edhe ndërkombetare, renditet si më e mira në botë ndërmjet revistave të së njëjtës fushë. Artikujt që dërgohen për botim në këtë revistë janë vërtet cilësor dhe jo vetëm që mësoj shumë prej tyre, por është edhe kënaqësi për mua të miratoj botimin e tyre. Puna si redaktor shkencor më ka krijuar gjithashtu mundësinë që të njihem e bashkëpunoj me studiues të shumtë nga e gjithe bota. Pa dyshim ja vlen mundimi dhe koha që i dedikohet këtij aktiviteti.

Zëri i Amerikës: Doktor, nga sa thatë, duket se ju keni pasion të madh për shkencën dhe dëshira juaj sikur e mposht edhe lodhjen. Me këtë dua të them se ju redaktoni e administroni edhe një tjetër revistë, këtë herë ne internet, për t'u ardhur në ndihmë shkencëtarëve shqiptarë kudo në botë që të shkëmbejnë mendime, të krahasojnë studime e te bashkëpunojnë. Nuk është kjo pak si shumë, për një 40 vjecar familjar si ju, në një vend si Amerika e me një vendpune të zgjedhur si në laboratorin ku ju punoni?

Dr. Qafoku: Ju falenderoj për këtë pyetje. Eshtë vërtet kënaqësi e vecantë për mua që të kontribuoj me mundësite që kam për zhvillimin e shkencës shqiptare nëpërmjet botimit të revistës ANASH, e cila boton më të mirën e shkencës shqiptare pavarësisht se ku prodhohet ajo, në Shqipëri, Kosovë, Maqedoni apo Diasporë. Por jo vetem kaq. Rreth 5 vjet me parë u krijua në internet Forumi Alb-Shkenca që aktualisht ka rreth 1300 antarë, shumica e të cilëve jane studiues, studentë dhe intelektualë shqiptarë nga e gjithë bota. Me nismën edhe të disa kolegëve të tjerë, u krijua para disa muajsh Instituti Alb-Shkenca i cili aktualisht ka rreth 170 anëtarë. Instituti ka 8 seksione shkencore dhe, me sa di unë, është grupimi i parë i Diasporës shkencore shqiptare dhe i studiuesvet shqiptarë nën ombrellën e një institucioni të vetëm. Qëllimi kryesor i ngritjes së Institutit Alb-Shkenca është që të ndikojë në zhvillimin e shkencës shqiptare nëpërmjet nxitjes së bashkëpunimit mes studiuesve shqiptarë. Instituti do të organizojë takimin e dytë vjetor të tij në Prishtinë, më 15-16 gusht 2007. Interesi për këtë takim ka qenë vërtet i madh dhe pritet që gjatë këtij takimi të paraqiten rreth 150 punime shkencore. Ne jemi shume te interesuar qe te zgjerojme rradhet e Institutit Alb-Shkenca me studiues shqiptarë, dhe të gjithë të interesuarit mund të na shkruajnë pa hezitim në adresën elektronike alb-shkenca.org

Zëri i Amerikës: Doktor, ju në këtë rast, sic e thatë, keni krijuar një ombrellë për të gjithë shkencëtarët shqiptarë kudo në botë dhe me këtë nismë apo ambicje sikur ua keni kaluar apo u keni bërë një sfidë Institucioneve shkencore e akademike të themeluara prej kohësh si në Shqipëri e Kosovë. Si është pritur kjo nismë prej tyre dhe a ju kanë ofruar zyrtarisht ndonjë përkrahje apo bashkëpunim?

Doktor Qafoku: Kjo është një pyetje e vështirë për t’iu përgjigjur. Në fakt deri tani nuk kemi patur shumë përkrahje. Megjithatë ne po punojmë e po përpiqemi që në radhë të parë Instituti ynë të njihet në Shqipëri, Kosovë e kudo nëpër botë dhe mendoj se do të marrë pak kohë derisa ky institut të zerë vendin që i takon mes institucioneve të tjera shkencore e akademike. Por një gjë është e sigurt që koncepti i organizimit të Diasporës shkencore është një koncept i ri jo vetëm për Shqipërinë por edhe për vende të tjera dhe unë mendoj se Instituti Alb Shkenca po bën një punë të mirë në këtë drejtim.

Zëri i Amerikës: Ju faleminderit.

[Borix]

"Gjurmohet uje ne nje planet te jashtem"
Nature 448, 169-171 (12 July 2007)

Nente shkencetare kane botuar rezultatet e kerkimit te tyre shkencor, ku raportojne analizat e vrojtimeve te fundit te planetit HD-189733b (i cili u zbulua ne vitin 2005). Teksa planeti ne fjale doli perballe yllit te vet (nje xhuxh i bardhe), shkencetaret gjurmuan avuj uji fale luhatjeve te rrezeve infra te kuqe me gjatesi vale 3.6 - 8 milimeter. Sipas shkencetareve, meqenese keto vale luhaten ndjeshem, ka aktivitet avujsh uji ne planet.

Megjithese planeti shpalos prova bindese per ekzistencen e ujit (ne forme avujsh), prania e jetes se organizmave komplekse eshte e pamundur, nisur nga fakti se temperatura e planetit ne fjale eshte rreth 700 grade Celsius.

Ky eshte nje nga rastet e pakta qe raporton ekzistencen e ujit te mirefillte ne planete jashte sistemit tone diellor.

[KeidiSelmanaj]

Aw, gjithmone e kam ditur se macet e kane dicka! Kjo mace e ka shume te zhvilluar shqisen e gjashte! Kur e moren ne spital, macja nuk tregonte kurrfare afrimiteti me pacientet, por 4 ore para se ata te vdisnin ajo i afrohej pacienteve dhe i shikonte ne sy duke treguar edhe pak afrimitet me ta...oret e fundit ajo rrinte e shtangur, si gur dhe vetem i shikonte...kur macen e merrnin mjeket nga nje dhome e nje pacienti qe do te vdiste, macja fillonte dhe qante sepse donte te rrinte ne dhomen e pacientit...kjo ka ndodhur me 25 paciente!
Tashme mjeket e kane me te thjeshte ta parashikojne se kush do te vdese!
Ata i telefonojne familjaret e pacienteve qe do te vdesin vetem fale kesaj maceje!...

[RaPSouL]

NASA: Mision i ri ne Mars per te gjetur shenja jete

Agjencia amerikane e hapesires, NASA dergoi nje mision te ri ne Mars per te kerkuar shenja jete ne kete planet.

Anijes robotike "Phoenix", e cila u lancua nga baza Kape Canaveral ne Florida, do t'i duhen 9 muaj qe te arrije Marsin. Kur te mberrije, dora robotike do te germoje siperfaqen e ngrire te Marsit per te pare nese ajo permban elemente organike, te cilat mund te ndihmojne ne krijimin e jetes.

Shpresojm Qe Kete Radhe Nasa Te Kthehet Me Sukses , dhe te jep informacione te reja reth planetit Mars.

[Darius]

Ç'mund te shkaktoje pickimi i merimanges !


Merimangat jane te njohura per pickimet e tyre shpesh me pasoja fatale per jeten e njeriut. Dhe dihet mire qe ketu behet fjale per te ashtuquajturen Vejusha e Zeze ose Tarantula. Por dhe merimangat e tjera, ato qe gjehen rendom ne pothuajse cdo vend te botes paraqesin rrezik per infeksione madje dhe vdekje te njeriut ne rast se pickimi eshte ne zonen e kokes. Ja cfare pasojash infektive sjell pickimi i merimanges se ashtuquajtur Bojekafja e Vetmuar.

Kujdes !!!

Imazhet filmike jane tejet te neveritshme per njerez me stomak te dobet. Nese nuk e perballoni dot nje pamje grafike te tille atehere do ishte mire evitimi i shikimit te dy videove te meposhtme.

[celyy]

Ajo qe ishin duke nxjerrur nga fytyra a ishte helmi i marimanges apo gjaku i prishur ?

[Darius]

Infeksioni i shkaktuar nga pickimi.

[Nessus]

10 misteret e shkencës sipas "LiveScience"

Lidhja mendje-trup

Ç‘ndikim ka mendja te trupi? Po trupi te mendja? Pikëpyetje të cilat shkenca i ka shtruar prej shekujsh, pa arritur në një shpjegim të pranueshëm. Pavarësisht progreseve gjigande, të kryera nga hyrja në skenë e neuroshkencave gjatë dy dekadave të fundit, shumë fenomene mbeten të mbuluara nga misteri edhe për mjekësinë.

Perceptimet ekstrashqisore

Janë të panumërta përpjekjet për të provuar vlefshmërinë e aftësive ekstrashqisore, që të gjitha pa kurrfarë suksesi apo rezultati pozitiv. Por në të njëjtën mënyrë ka qenë e pamundur edhe demonstrimi i falsitetit të këtyre përvojave, duke i futur kështu në sirtarin e të pazgjidhshmeve. Ka shumë të ngjarë që aftësia për të parathënë të ardhmen, apo funksionimi i "fuqive psikike" të mos arrihet të shpjegohet përmes instrumenteve që na vë në dorë shkenca, ose të paktën ato që kemi sot në dispozicion.

Prag-vdekja

Janë të panumërta dëshmitë e njerëzve që kanë shkuar shumë pranë vdekjes. Drita në fund të tunelit, fakti që këta njerëz shihnin trupin e tyre nga jashtë, ndjesia e një lloj paqeje të papërshkrueshme, janë përshkrime që hasen thuajse në të gjitha përgjigjet e atyre që i kanë përjetuar çaste të tilla. E megjithatë, askush nuk ka arritur të japë një përgjigje lidhur me këtë fenomen. As në një drejtim, e as në tjetrin.

UFO-t

Që ekzistojnë objekte fluturuese të paidentifikuara, as që vihet më në dyshim. Të shumta, të panumërta janë kontaktet vizuale përmes radarëve, për të cilat autoritetet aeronautike ushtarake e civile nuk dinë të japin përgjigje. Por duhen shumë më tepër prova që të vërtetohet se brenda këtyre mjeteve fluturuese jashtëtokësore gjenden alieno, sidomos për shkencëtarët.

Deja-vu

Ndjesi që e ke përjetuar edhe më parë një përvojë të caktuar, se e ke parë një vend ku nuk ke qenë kurrë, se ke dëgjuar prej kohësh një muzikë të re, ose, e thënë në frëngjisht "Deja-vu". Kërkimet shkencore kanë gjetur një seri justifikimesh lidhur me fenomenin, por nuk kanë arritur kurrë të japin përgjigjet për shkaqet e vërteta dhe natyrën e tij.

Fantazmat

Yje të vërteta në letërsi e në kinema, por ka të ngjarë të jetojnë edhe përtej botës së fantazisë. Sugjestion apo realitet, fakti është që dëshmitë, ashtu si edhe në rastin e UFO-ve, janë të panumërta dhe në të njëjtën mënyrë, as për fantazmat askush nuk ka marrë përsipër të gjejë një përgjigje të pranueshme.

Zhdukjet e mistershme

Në rastet për të cilat shkenca nuk është në gjendje të japë përgjigje, hyjnë edhe ato të njerëzve të zhdukur. Kur as edhe vetë segmentet shkencore të policive nuk arrijnë në përfundime të sakta, as shkenca nuk është në gjendje të ofrojë përgjigje të pranueshme.

Intuita

Shqisa e gjashtë, bindja e pashpjegueshme dhe e pavetëdijshme mbi diçka të caktuar, si të ishte një teoremë matematike, mbi të cilën nuk kemi kurrfarë dyshimi. Mes mekanizmave të shumta psikike, shkenca nuk arrin të japë përgjigje të pranueshme as mbi intuitën. Për Platonin bëhej fjalë për kujtime dijesh nga jetë përpara asaj aktuales. Por Platoni besonte në kalimin e shpirtrave nga një trup te tjetri, kështu që filozofi i madh nuk mund të renditet bashkë me shkencëtarët të cilët mbeten me gojë hapur, përpara intuitave, nga ato më të kotat, deri te ato matematiket...

Këmbëmadhi

Këmbëmadhi i Amerikës, një kafshë e ngjashme me njeriun, por me përmasa shumë më të mëdha. Nga ai, përveç dëshmive të bëra nga amerikanët e trembur, mbeten vetëm gjurmë shumë të mëdha këmbësh në dëborë. Shaka apo gjurmë këmbësh të një qenieje të ngjashme me ne? Kushëri me Jetin apo njeriun e borës në Tibet, të cilin shumë alpinistë betohen se e kanë parë në Himalajë. Bashkë me të tjerët, hyn në ato raste të cilat shkenca nuk arrin t‘i verifikojë për mungesë provash, por që për të njëjtin motiv nuk mund t‘i falsifikojë.

Fëshfërima e Taosit


Taos është një qytet i vogël në Nju-Meksiko (të shteteve të Bashkuara të Amerikës). Disa prej banorëve të tij, - rreth 2% - prej vitesh dëgjojnë një lloj fëshfërime me frekuencë të ulët që vjen nga shkretëtira që rrethon qytetin. Pasojë e presionit të ulët atmosferik për një pjesë të banorëve? Ndoshta po, por askush nuk merr përsipër ta njohë si përgjigje përfundimtare, shkenca duhet të hetojë më thellë për të arritur në një përfundim. Shërben pikërisht për këtë qëllim dhe falë metodës së saj të përpjekje-dështim dhe eksperimenteve të vazhdueshme ia ka dalë t‘u japë shpjegime shumë gjërave, të cilat kohë më parë dukeshin të pashpjegueshme.

[RaPSouL]

Argjentinë: Ekspozohet në muzeun e "Alta Montagna" mumja "Vajzë"

Eshte quajtur "Vajza", mumja qe ishte 15 vjec kur para 500 vjeteve u flijua bashke me femijet e saj nga populli Inkas. Qe nga sot te gjithe mund ta shikojne, pasi eshte ekspozuar ne muzeun arkeologjik te "Alta Montagna" ne Sala te Argjentines.

Fotot Perkatese

[Darius]

100% Makine Elektrike, duket si Porsche, akseleron si Ferrari, konsumon vetem elektricitet

Kjo tashme nuk mund te quhet fantazi. Te gjitha makinat elektrike qe kane nje variacion prej 200-250 miljesh mund te ngarkohen duke perdorur nje ngarkues universal ne pika te caktuara ne me pak se 3.5 ore. Shpejtesia maksimale 135 mph/h. Akselerimi 0-60 ne 4 sekonda. Cmimi vetem $92.000

Megjithate te mirat e kesaj makine jane qe nuk ndohtin ambjentin aspak, jane te shpejta dhe mbase e ardhmja e teknologjise se automobilave ne nje te neserme te afert. Ndiqni videon.

[BvizioN]

*************************************

Krijimi i sistemit te fundit motorik te raketes nga NASA mund te jete ajo qe do dergoje njeriun ne Mars.Ky sistem motorik (ndryshe njohur me emrin 5M15 ) perdor si lende djegese Metan te lengeshem dhe jo Hidrogjen te lengeshem i cili eshte perdorur deri tani per misonet ne hapesire.Metan eshte lende djegese me kosto shume me te ulet se Hidrogjeni dhe sasi me e pakte nga Hidrogjeni nevojitet per te prodhuar forcen e nevojitur per te krijuar shtytjen ne hapesire.Gjithashtu nuk i nevojitet ndonje sistem per super-ftohje ne momentin e leshimit, duke e bere te mundur qe te jete me e lehte dhe me ekonomike.

Sidocofte, me e rendesishmja nga te gjitha eshte qe Metan eshte nje gas qe krijohet dhe gjendet pothuajse ne te gjitha planetet e sistemit tone solar, keshtu qe anijet kozmike mund te furnizohen lende djegese pergjate misionit.

Pjesa motorike po ashtu shenon nje revolucion mbi menyren se si raketat leshohen ne hapesire.Ne vend te hedhjes standarte qe ne njohim (domethene leshimin vertikal ne hapesire) shuttle do ngrihet nga toka ne menyre horizontale, tamam ashtu siq ngrihen aeroplanet e pasagjereve.

Foto e meposhtme dhe video eshte marre nga nje eksperiment ne shkretetiren Mojave te Kalifornise.Sasia e presionit qe krijon eshte rreth 3.4 ton dhe shpejtesia e presionit eshte 6,064 milje ne ore.

http://www.youtube.com/watch?v=0R-FKkljXV4

[fisniku-student]

Bota me prirje interesante të rritjes së popullsisë

POPULLSIA E BOTËS ARRITI NË 6.6 MILIARDË KËTË VIT, NGA 6 MILIARDË QË ISHTE NË VITIN 1999

“Njerëzit shkojnë nga vendet e varfra në vende më pak të varfra, njerëzit largohen nga lufta dhe konfliktet, ata lëvizin për shkak të dendësisë së madhe të popullsisë që krijohet në disa vende ku ka rritje të madhe të popullsisë. Këta njerëz kanë nevojë të shkojnë diku, prandaj ata largohen për të kërkuar punë.”

Popullsia e botës arriti shifrën 6.6 miliardë këtë vit nga 6 miliardë që ishte në vitin 1999. Deri në vitin 2025, studiuesit presin që rreth 8 miliardë njerëz të jetojnë në planetin tonë. 99 përqind e këtyre banorëve do të jetojnë në vendet në zhvillim. Tre milionë imigrantë lëvizin nga vendet e varfra në vendet e pasura çdo vit, dhe gjithmonë e më shumë, destinacioni i tyre është një vend fqinj.
Këto statistika vijnë nga një raport vjetor demografik i numrave dhe prirjeve të popullsisë globale, i cili përpilohet nga Zyra për Referencat e Popullsisë.

Rachel Nugent, ekonomist me grupin studimor, vë në dukje lëvizjet e popullsisë që po ndodhin nga Bangladeshi në Indi apo nga India, Egjipti dhe Jemeni për në Gjirin Persik. Ajo thotë se njerëzit lëvizin brenda vendeve në zhvillim për të njëjtat arsye që ata shkojnë në vendet më të pasura. “Njerëzit shkojnë nga vendet e varfra në vende më pak të varfra, njerëzit largohen nga lufta dhe konfliktet, ata lëvizin për shkak të dendësisë së madhe të popullsisë që krijohet në disa vende ku ka rritje të madhe të popullsisë. Këta njerëz kanë nevojë të shkojnë diku, prandaj ata largohen për të kërkuar punë.”

Imigrimi nga Guatemala për në Meksikë është një shembull konkret. "Shumë guatemalas shkojnë në Meksikë, ndoshta rreth 25 mijë në vit dhe qëndrojnë aty, ndërsa rreth 100 mijë shkojnë e vijnë. Dhe kjo është një pjesë e madhe e popullsisë së Guatemalës.”

Deri në vitin 2050, Evropa do pakësohet me 75 milionë banorë. Kombet e Bashkuara parashikojnë se deri në vitin 2050, popullsia e Evropës, e cila ka tani 750 milionë banorë, do të zvogëlohet me 75 milionë, ndërsa Japonia, e cila ka 128 milionë banorë do të humbas 16 milionë njerëz. Demografi kryesor në Zyrën për Referencat e Popullsisë dhe autor i anketës, Karl Haub thotë se një popullsi që zvogëlohet është kërcenim për gjendjen ekonomike. “Numri i të rinjve në shumë vende evropianë është sa gjysma e numrit të brezit të prindërve të tyre.

Pra ajo që shihet tani janë korporatat dhe sistemi i shëndetit që thonë: “Dëgjoni, ne nuk mund të gjejmë punëtorë. Ne nuk kemi pasur punëtorë të mjaftueshëm, por tani nuk mund të gjejmë asnjë. Prandaj ato do të duhet të vijnë nga një vend tjetër.” Statistika për popullsinë globale tregon se pavarësisht se përhapja e Sidës është më e ultë seç mendohej, ajo vazhdon të mbetet shumë e përhapur në disa vende nën Saharianë të Afrikës.
Në të njëjtën kohë vijnë lajme zhgënjyese rreth përpjekjeve për të rritur higjienën dhe ujin e pastër të pijshëm, siç është kërkuar nga Kombet e Bashkuara. Ekonomistja Rachel Nugent thotë se kjo çështje është një nga shenjat e reja të mjedisit që janë futur në anketën e këtij viti. “Mund të shohim se në disa zona rurale në vendet në zhvillim dhe në disa pjesë të Afrikës dhe Azisë nuk ka shume kushte të përshtatshme higjienike. Kjo çështje duhet të trajtohet. Çështja tjetër ka të beje me tokën që mbrohet për shkak të bimëve dhe kafshëve, për banorët vendas dhe njerëzit e tjerë që jetojnë rreth e rrotull.”


Të rritët ndërgjegjësimi publik

Autori i raportit Karl Haub thotë se Statistika për Popullsinë e Botës është bërë për të rritur ndërgjegjësimin e publikut dhe zyrtarëve publikë. “Statistikat janë të qarta dhe çështja qëndron gjithmonë nëse politikanët do t'u kushtojnë vëmendje atyre. Mendoj se disa nga problemet me parashikimet janë se ato kanë të bëjnë me një të ardhme të largët. Ndërsa, politikanët nuk duan të shohin përtej zgjedhjeve të ardhshme.” Zoti Haub thotë se kjo është diçka që politikanët duhet ta trajtojnë herët a vonë.


Evropa kërkon të mos vartësohet nga çmimet e naftës

Me çmimin botëror të naftës në rritje, vendet në Evropën Juglindore po peshojnë nëse mund të shpresojnë të pakësojnë vartësinë e tyre nga ky mall. Investitorët vendas e të huaj në Bullgari, Rumani dhe Serbi i kanë hyrë ndërtimit të prodhimit të fabrikave për prodhimin e karburanteve alternative. Deri tani, mundësia që bionafta të mund të përdorej si karburant motori është përqeshur në Ballkan.
Po jo më tani. Karburanti i nxjerre nga bimët industriale, kryesisht eterovajoreve dhe lulediellit, po kthehet në një investim të rëndësishëm. Rregullat e BE-së përcaktojnë se së paku 2 përqind e naftës në treg këtë vit duhet të jetë me origjinë bimore, me një rritje vjetore në treg me 0.75 përqind deri më 2010.
Rumunët qenë të parët që i hynë betejës për pjesë të tregut si të vendit ashtu dhe atij evropian. Vendi prodhon tani tre milionë tonë bionaftë në vit. Firma portugeze Martifer po ndërton një fabrikë bionafte në Lehliu Gara në qarkun e Kalarasit. Projekti 47 milionë euro do të kompletohet deri në 2007. Është planifikuar një kapacitet i madh deri në 100.000 tonë bionaftë në vit, një e treta e konsumit të karburantit që nuk ndot mjedisin e Rumanisë.
Do të ketë punë për fermerët gjithashtu, pasi kjo sasi karburanti kërkon kultivimin e 50.000 hektarëve tokë. Projekti i dytë, me vlerë 133 milionë euro, drejtohet nga MAN Ferrostaal, një degë e MAN të Gjermanisë. Ajo po ndërton një njësi në Atel dhe Loamnes, në qarkun e Sibiut që në vitin 2008 pritet të prodhojë 400 tonë karburant në ditë nga 120.000 hektarë tokë.
Më së fundi, kompania e naftës Rompetrol ka shprese gjithashtu për pjesën e saj të byrekut, me një prodhim vjetor prej 60.000 tonë në vitin 2007. Në Bullgarinë fqinje, shitësi lokal i karburantit EKO Petroleum njoftoi se vitin e ardhshëm do të fillojë ndërtimin e një fabrike bionafte në Vidin, në pjesën verilindore të vendit. Struktura pritet të kushtojë rreth 60 milionë euro. Deri në vitin 2008 ajo pritet të prodhojë 150.000 tonë bionaftë në vit nga 400.000 tonë bimë eterovajore të kultivuara në 250.000 hektarë tokë.


Biokarburanti nxirret nga bimët eterovajore

Serbia, ndërkohë, po planifikon të ndërtojë fabrikën e saj të parë vitin e ardhshëm. Një prodhues vendas nga sektori i vajit vegjetal, Victoria Group nga Sid në Vojvodinë, ka në plan të ndërtojë një fabrikë me vlerë 15 milionë euro që do të prodhojë 100.000 tonë bionaftë në vit nga eterovajoret, soja dhe luledielli.
Në fakt, biokarburantët nuk janë të panjohura në Serbi. Në 1995, gjatë sanksioneve, Korporata Bujqësore e Kooperativës së Beogradit, e cila ushqen kryeqytetin serb, prodhoi rreth 10.000 tonë prej tij. Megjithatë, duhet ende që shteti serb të përfshihet. Rëndësia e kontributit të shtetit mund të shihet nga shembulli i Brazilit. Gjatë krizës së parë botërore të naftës në vitin 1973, kur çmimet u rritën katërfish, brazilianët u menduan shume dhe gjatë. Bazuar në atë që atëherë ata importonin 80 përqind të karburantit të tyre, siç është rasti sot në Ballkan, ata harxhonin gjysmën e të ardhurave shtetërore për ketë mall. Për të dalë nga ky kurth, vendi i hyri një projekti që zëvendësonte benzinën me etanolin e prodhuar nga kallami i sheqerit. Ketë vit, falë këtij vendimi Brazili do ta deklaroje veten të pavarur nga eksportet e naftës. Me një prodhim prej 3.6 miliardë galonë etanol dhe 600 milionë vlerë për eksport, Brazili po mbulon gjysmën e tregut botëror.
Në tregun e tyre vendas, shtatë nga dhjetë makina përdorin etanol që kushton sa një e treta e benzinës. Ata po e futin atë edhe në industrinë e linjave ajrore. Në një kohë kur çmimet botërore të naftës janë përsëri një burim shqetësimi ndërkombëtar, mrekullia braziliane po tërheq me tepër vëmendje se kurrë.
Në Shtetet e Bashkuara, ku etanoli prodhohet nga misri, ka plan në proces për rritjen e prodhimit. Kërkimi shkencor i SHBA-ve në nxitjen e kosto efektivitetit mund të ishte me interes të konsiderueshëm për vendet e Ballkanit, pasi prodhimi i etanolit nga misri është 30 përqind më i shtrenjtë se prodhimi nga panxharsheqeri. Ballkani natyrisht është në gjendje të prodhojë misër.
Rumania ndërkohë prodhon rreth 10 milionë tonë në vit, Serbia, 6,3 milionë tonë dhe Kroacia 2,2 milionë tonë. Mundësitë për kultivim janë edhe më të mëdha. Shembulli brazilian demonstron se qeveritë duhet të futin përdorimin e etanolit, pasi faza e parë është kurdoherë ekonomikisht me kosto jo efektive. Fermerët duhet të nxiten të rritin misër, bime eterovajore dhe materiale të tjera.
Qeveritë duhet të financojnë zgjerimin e rrjetit të stacioneve të mbushjes se karburantit të ri dhe duhet t'u kërkojnë institucioneve shtetërore të përdorin makina që përdorin bionaftën ose etanolin.
Hapi tjetër është ulja e taksave për makinat “miqësore ndaj mjedisit”, pasuar nga kuotat për përdorimin e karburanteve biologjike. Çfarë ndodh kur këto të gjitha vijnë së bashku? Dega
braziliane e Volksvagenit mund t'i përgjigjet kësaj pyetjeje. Vitin e kaluar ajo priti me tepër se 38 delegacione nga mbi një duzinë vendesh, të gjitha të interesuara në makinat me karburant fleksibel.