Nga Robert GORO/ Sipas nje studimi, 70 % e ekonomive bujqesore greke kane te punesuar emigrante, shumica derrmuese e te cileve jane shqiptare. Per nje pjese te madhe te fermereve vendas, kjo eshte nje zgjidhje e detyruar, teksa, sic pohojne vete greket, nuk pranojne te punojne ne bujqesi. Specialistet vene ne dukje se kontributi i emigranteve ne ekonomine bujqesore eshte shume i rendesishem, jo vetem per jeten ekonomike te zonave rurale, por edhe per mbeshtetjen demografike dhe shoqerore te popullsise. Para pese vjetesh, kur policia greke kishte nisur nje nga operacionet e zakonshme per kapjen dhe deportimin e emigranteve shqiptare, kryetari i bashkise i nje zone te rendesishme bujqesore i kishte derguar nje leter ministrit te rendit, ku kerkonte pezullimin e ketyre operacioneve. Arsyeja qe kryebashkiaku kishte marre mundimin te dergonte kete leter pergjeruese, nuk qendronte nderkaq ne solidaritetin ndaj emigranteve. Arsyeja shpjegohej ne perfundim te letres, ku ministrit i premtohej se sapo te perfundonte fushata e mbledhjes se asparagusit, fermeret do t'i dorezonin vete ne polici emigrantet e paligjshem.
Si per t'u plotesuar edhe me shume paradoksi, drejtues te pushtetit lokal te zones, i kishin pohuar atehere BBC-se, se ndersa papunesia ne te gjithe qarkun kapte shifren 47 %, fteses per te punuar ne punet e stines ne bujqesi i ishin pergjigjur vetem dy te papune vendas.
Studimi
Eshte thene vazhdimisht gjate ketyre dhjete vjeteve edhe nga anetare te Keshillit te Ministrave, se pa kontributin e emigranteve te huaj, bujqesia greke do te kishte vdekur me plot kuptimin e fjales. Ky pohim perfshihet edhe ne studimin me te fundit, te zhvilluar nga universitetet greke te Patras e te Janines, ku shqyrtohet kontributi i emigranteve ne sektorin e bujqesise. Sipas studimit, 70 % e ekonomive bujqesore greke mbijetojne vetem ne saje te punesimit te emigranteve. Shumica e tyre, per saktesi 90 %, jane shtetas shqiptare dhe ky fakt i ka shtyre gazetaret vendas qe me nje fjali te vetme te kumtojne: "Bujqesia greke ndodhet ne duart e shqiptareve". Gati gjysma e fermereve greke e konsiderojne si teper pozitiv punesimin e emigranteve ne sektorin bujqesor, ndersa me shume se nje e treta e te pyeturve thone se pa aktivizimin e emigranteve nuk do te mund t'i mbanin ekonomite e tyre bujqesore. Per sa i perket perzgjedhjes se krahut te huaj te punes, kjo duket se ka qene nje zgjidhje emergjente, teksa 60 % e fermereve deklarojne se per sektorin ne fjale gjenden vetem emigrante, ndersa 40 % pohojne se nuk mund te bejne ndryshe, perderisa greket nuk pranojne te punojne ne bujqesi.
Te tjera kontribute
Sic theksojne autoret e studimit, kontributi i emigranteve ka qene i rendesishem jo vetem per jeten ekonomike te zonave rurale, por edhe per mbeshtetjen demografike dhe shoqerore te popullsise. Ne te vertete, nje fakt qe eshte vene ne dukje eshte, per shembull, se shume prej shkollave neper fshatra nuk do te mund te funksiononin po te mos ishin femijet e emigranteve. Madje autoret e studimit theksuan se prania e emigranteve perben nje rilindje te vertete te zonave bujqesore. Studimi u paraqit ne nje sesion me teme "Emigracioni ne Greqi, fakte, pasoja dhe politika", ku nder te tjera u tha se emigrantet e huaj, shumica e te cileve vijne nga vendet ballkanike, me te paret shqiptaret qe perbejne 65 % te numrit te pergjithshem, perfaqesojne nje te dhjeten e fuqise punetore te Greqise.
BBC
Marre nga Korrieri
Dhe akoma ka njerez qe mendojn se Greqia po i ben nder Shqiptarve duke i mbajtur si emigrant. Le te flasin faktet....
Krijoni Kontakt