Ushtria Clirimtare e Kosoves!?

[Hillirian-zo]

Te nderuar anetar te F.SH. ,
ne kete teme dergoni vetem informatione qe nga fillimi i rezistences se Shqiptareve te Kosoves dhe deri tek formimi i rezistences ne Ushtri etj. nga viti 1992 e deri sot


Thjessht teme informative

http://www.youtube.com/watch?v=JkELPU5c2q8


[AME]http://wwwAzem Syla përgjegjës, armët nuk i’u dërguan Adem Jasharit
Sikurse Rexhep Selimi, edhe një ish figurë e UCK-së, Ramiz Lladrovci e ka bërë përgjegjës Azem Sylën për mos dërgimin e armëve të porositura për Komandantin legjendar Adem Jashari dhe familjen e tij. Ai nuk e ka përmendur emrin e Shaip Mujës por të Azem Sylës po, i cili i ka marrë paratë në Tiranë dhe ka qenë obligim për ti sjell armët për familjen Jashari.
“Unë me Lulzimin, djalin e Ademi jemi nis për Tiranë. Atje mijëra marka i janë njerëzve përgjegjës. Azem Syla e kishte këtë përgjegjësi për armët por ato sic dihet kurrë nuk shkuan në Kosovë. As në mars të vitit 1998 kur ra Komandati dhe familja e tij” ka thënë Lladrovci në një intervistë për RTK-

http://www.facebook.com/photo.php?v=172501712868972

[Hillirian-zo]

Si u bë dëshmor Bahri Haxha?
on Mars 14, 2012 9:17 am / 0 Comments

Bahri Haxha nuk ka qenë asnjëherë ushtar i Ushtrisë Çlirimtare të Kosovës, që ka luftuar me pushkë në dorë.Mirëpo, ai ishte furnizues i një batalioni të UÇK-së, që ishte në kuadër të Brigadës 142 “Mehë Uka”, në Zonën Operative të Shalës, shkruan ‘Gazeta Express’.

Megjithatë, Bahri Haxha është shpallur dëshmor i kombit.Krejt kjo u bë në bazë të një dëshmie që e ka dhënë Gani Imeri, komandant i batalionit “Rexhep Musa” të UÇK-së.Shpallja e Bahri Haxhës dëshmor, i cili ishte vëlla i Shyqri Haxhës, ish-drejtorit ekzekutiv të PTK-së, dhe dhënia e dëshmisë për këtë qëllim, ka bërë që ndaj Imerit dhe vetë Haxhës të ngrihen dyshime për vepra penale.

Gani Imeri pranon se ia ka dhënë dëshminë familjes Haxha për kontributin e djalit të tyre gjatë luftës.

“Unë ia kam dhënë atë dëshmi dhe nuk e mohoj sot e njëqind vjet. Bahri Haxha ka qenë furnizues i batalionit tim që i ka pasur 400 ushtarë. Me këtë që ka bërë, ai ka qenë pjesë e UÇK-së, ku ka dhënë një kontribut mjaft të madh” , thotë Gani Imeri për Express.

Mirëpo ai mohon se e ka bërë këtë për t’i shërbyer Shyqyri Haxhës, siç dyshohet nga Prokuroria e EULEX-it.

Këtë dëshmi ai thotë se e ka lëshuar në vitin 2004, në kohën kur as që e ka njohur ish-drejtorin e PTK-së.

“As që e kam ditë kush është Shyqyri Haxha në atë kohë. Unë vetëm e kam kryer një obligim timin ndaj një njeriu që ka kontribuar shumë për luftën dhe ka derdhur gjak për këtë vend”, thotë i bindur Imeri.

Ndaj ish-kryeshefit të PTK-së, Shyqyri Haxha, prokurori i EULEX-it dyshon se ka punësuar njerëz me direktiva të Gani Imerit.

Dyshohet se këtë ai e ka bërë si shpërblim për Imerin, i cili ia kishte dhënë statusin e dëshmorit, vëllait të Haxhës, i vrarë në masakrën e Studimes, të kryer nga forcat serbe.

Ish-komandanti i UÇK-së mohon se ka ndikuar te Haxha për punësim të njerëzve në PTK.Imeri thotë se do të ishte i lumtur nëse do të mund ta punësonte dikë në PTK apo kudo qoftë.Ai pranon se një vëlla i tij megjithatë punon në PTK, mirëpo këmbëngul se është vendosur aty në mënyrë të rregullt dhe me konkurs.

“E vetmja intervencë e imja për vëllanë, Arsimin, ishte që ai të mos konkurronte fare për shkak se më shumë na është dashur të punonte me ne dhe të na ndihmonte në biznes”, thotë Imeri.

Ndërsa sa i përket dhënies së dëshmisë si komandant, ai thotë se sa herë një gjë të tillë ta kërkojë familja Haxha, do ta bëjë, ndërsa sa i përket ndryshimit të emrit të një shkolle në Vushtrri dhe vendosjes së emrit të Bahri Haxhës, ai thotë se procedurat janë ndjekur nga familja e dëshmorit dhe se nuk ka të bëjë asgjë me të.

Vetë Haxha i kontaktuar nga Expressi nuk dëshiron të komentojë për këto dyshime të EULEX-it duke thënë se kjo është çështje private.

“Nuk dua te flas në lidhje me këtë çështje, se është diçka private”, tha Haxha për Express.

Bahri Haxha, i cili në vitin 2004 është shpallur dëshmor i kombit, është vrarë në masakrën e Studimes, më 2 maj të vitit 1999.Deri vonë ai ka qenë i varrosur në këtë fshat së bashku me civilët e tjerë që u vranë në të njëjtën ditë.

Madje emri i tij është i gdhendur edhe në përmendoren e ngritur për nder të të rënëve. Por para dy vitesh, familja Haxha i ka zhvarrosur eshtrat e djalit të tyre për ta varrosur te varrezat ku prehen dëshmorët e UÇK-së, në hyrje të fshatit Dumnicë të komunës së Vushtrrisë.

Express nuk ka mundur të kontaktojë askënd në Degën e Shoqatës së Familjeve të Dëshmorëve në Vushtrri, ndërsa një zyrtar i kësaj shoqate tha se ata nuk marrin vendime se kush mund të shpallet dëshmor, e kush jo.

Sipas këtij personi që nuk deshi të identifikohej, këtë të drejtë e ka Departamenti i Familjeve të Dëshmorëve të UÇK-së, në kuadër të Ministrisë së Punës.

Por në këtë departament nuk kanë dhënë asnjë informatë se në cilin vit, Bahri Haxhës i është njohur statusi i dëshmorit, me pretekstin se për këtë çështje, janë duke u bërë hetime.

“Nuk kemi të drejtë të japim asnjë të dhënë”, tha drejtori i këtij departamenti, Bajram Pajaziti.

Emri i Bahri Haxhës gjendet në listat e dëshmorëve të komunës së Vushtrrisë, por jo edhe në atë qendrore në Prishtinë.

Kryetari i Shoqatës së Familjeve të Dëshmorëve të UÇK-së, Xhavit Jashari konfirmon se Bahri Haxha nuk është në listën e dëshmorëve, në listat që ata i kanë në Prishtinë.

“Te ne nuk është ky emër dhe nuk na është sjellë nga dega”, tha Jashari për Express.

Sipas tij, për t’u njohur e drejta e dëshmorit, familja duhet të ketë dëshmi se ka qenë i inkuadruar në UÇK me nënshkrim të komandantit të Zonës dhe ish-Shtabit të Trupave Mbrojtëse të Kosovës.

Megjithëse nuk ka njohuri më shumë për rastin, Jashari thotë se Komisioni qeveritar që është formuar për të verifikuar listat e personave që i përkasin kategorisë së luftës, do ta sqarojë edhe rastin e Bahri Haxhës.

Por sipas tij, dëshmor i kombit nuk është vetëm ai që u vra me pushkë në dorë.

Sipas tij, një status të tillë mund ta gëzojë edhe një furnizues siç pretendohet se ishte Bahri Haxha, por për këtë duhet të ketë dëshmi se këtë obligim ia ka dhënë komandanti i tij.

Në anën tjetër, Gani Imeri, ish-komandant, thotë se Bahri Haxha ka punuar nën direktivat e tij.

“Për këtë nuk është vetëm dëshmia ime, por edhe të 400 ushtarëve që kam pasur”, thotë Imeri.

Këto dhe dyshimet e tjera që janë ngritur ndaj tij dhe ndaj personave të tjerë, Imeri thotë se janë bazuar në fjalë të kafeneve dhe thashethemeve të njerëzve që nuk e duan luftën e UÇK-së. “Një ditë të gjitha do të vërtetohen se janë të sakta”, tha Imeri.

SHTESË

Urdhri i arrestit për Shyqyri Haxhën ndërkohë vazhdon të mbetet në fuqi. Policia e Kosovës ka thënë të martën se ka shkuar për ta arrestuar Shyqyri Haxhën, por nuk e kanë gjetur në adresën që e ka pasur në urdhërarrest.

“Policia e Kosovës urdhërarrestin e lëshuar për arrestim e ka zbatuar për të gjithë personat, të cilët kanë qenë në urdhërarrest dhe të njëjtit i ka sjellë para organeve të drejtësisë me përjashtim të njërit nga të kërkuarit, i cili nuk është gjetur nga ana e policisë”, ka thënë zëdhënësi Baki Kelani. Ai ka thënë se Policia në momentin që do ta gjejë atë do ta sjellë para organeve të drejtësisë.

Mirëpo Haxha të martën ka ecur nëpër Prishtinë. Madje ka pirë kafe edhe në qendër të kryeqytetit. Ai ka thënë për “Kohën Ditore” se nuk di gjë për urdhrin e arrestimit.

[Dar_di]

Historianët mbi luftën në Zonën Operative të Karadakut

Enver Sadiku - Publikuar: 19.09.2013



Jemi të vetëdijshëm që përmes këtij sesioni nuk do të shterim gjitha karakteristikat që e kanë veçuar luftën e UÇK-s në Zonën Operative të Karadakut, por besojmë se me këtë nismë do t`i shërbejmë në mënyrë konstruktive shkencës së historisë dhe të historiografisë, duke nxitur studiuesit e saj që më thellësisht të hulumtojnë dhe studiojnë këtë periudhë të historisë tonë më të re, ka thënë Fitim Rifati historian e njohur.
Në Gjilan është mbajtur sesion shkencor në temën “Zona Operative e Karadakut në luftën e UÇK-së”, i cili është organizuar nga Kuvendi Komunal i Gjilanit, Drejtoria për Kulturë dhe Lidhja e Historianëve të Kosovës “Ali Hadri”, dega në Gjilan.

Fitim Rifati, kryetar i degës së LHK-së, ka thënë se puna, dija, djersa dhe gjaku që i janë dhuruar lirisë dhe pavarësisë, sollën lirinë e Kosovës në mesin e vitit 1999 dhe pavarësinë e saj në shkurt të vitit 2008, duke i hapur këtij vendi rrugën e integrimeve euro-atlantike.

Ai tha se pakënaqësia e akumuluar në vite ndaj politikës diskriminuese kombëtare dhe humane që pushteti serb ushtroi ndaj shqiptarëve, i dha refleksion popullit shqiptar të Kosovës të organizojnë luftën çlirimtare. Misionit të Ushtrisë Çlirimtare të Kosovës iu bashkua edhe rajoni i Anamoravës.

Me këtë nismë do t`i shërbejmë në mënyrë konstruktive shkencës së historisë dhe të historiografisë, duke nxitur studiuesit e saj që më thellësisht të hulumtojnë dhe studiojnë këtë periudhë të historisë tonë më të re, ka thënë ai.

Tashti, përmes këtij sesioni, synohet të shpalosen disa momente interesante që e kanë karakterizuar Zonën Operative të Karadakut, rolin dhe kontributin e saj në luftën e UÇK-së, organizimin e brendshëm dhe veprimet luftarake. “Jemi të vetëdijshëm që përmes këtij sesioni nuk do të shterim gjitha karakteristikat që e kanë veçuar luftën e UÇK-s në Zonën Operative të Karadakut, por besojmë se me këtë nismë do t`i shërbejmë në mënyrë konstruktive shkencës së historisë dhe të historiografisë, duke nxitur studiuesit e saj që më thellësisht të hulumtojnë dhe studiojnë këtë periudhë të historisë tonë më të re”, ka thënë Rifati.

Në hapje të këtij sesioni kanë folur edhe Qemajl Mustafa, kryetar i Gjilanit, Izmi Zeka, kryesues i Asamblesë Komunale dhe Ahmet Isufi, ish-komandant i ZOK-ut, të cilët kanë çmuar lart veprimtarinë e luftëtarëve të lirisë, falë gjakut të të cilëve sot në Kosovë frymohet e jetohet lirshëm.

Mustafa ka falënderuar për iniciativën që të prezantohet në këtë sesion një hulumtim shkencor që nga zanafilla e organizimeve ushtarake, formësimin e aktiviteteve, sfidat, ballafaqimet, luftën e deri në çlirimin e kësaj zone përmes UÇK-së. “Kjo punë i bënë nder së pari Komunës dhe neve si përfaqësues të qytetarëve, sepse përmes këtyre akteve ne kemi mundësinë që t`i falënderojmë jashtëzakonisht akterët, pjesëmarrësit në këtë luftë. Është akti më i madh që e ka njohur historia e shekullit të kaluar te shqiptarët, në themelimin, organizimin funksionimin e UÇK-së dhe çlirimin tonë nga një okupator siç ishte shteti serb. Natyrisht që duhet kështu, në këtë natyrë profesionale dhe shkencore t’i spikasim vlerat tona përherë përmes gjurmëve, argumenteve sepse vetëm kështu ruajmë vlerat tona, me të cilat do të edukohen edhe brezat tjerë për këtë sakrificë kaq të lartë. Atyre përherë duhet t’u bartet mesazhi përmes këtyre momenteve shkencore dhe përmes botimeve, pllakave përkujtimore, shtatoreve e memorialëve, se ideja dhe mësimi që keni arrit është meritë së pari e dëshmorëve dhe e të rënëve të tjerë në luftën për liri” ka thënë Mustafa.

Ndërsa, kryetari i këshillit organizativ, njëherit edhe kryesues i Kuvendit të Komunës, Izmi Zeka, ka thënë se kur është folur për shqiptarët, në kontekstin historik, ky shekull është quajtur shekulli i shqiptarëve. “Por edhe antiteza e këtij konstatimi, përsëri do të jepte një përshkrim real, nëse do të kundërvinte shqiptarët nëpër shekuj. Nga pikëpamja historiografike, tani më shumë po argumentohet se gjatë luftës së Ushtrisë Çlirimtare të Kosovës ideja e krijimit të shtetit ishte perspektiva e vetme dhe e domosdoshme për Kosovën dhe zhvillimet e saj. Përfundimisht, shqiptarët, në çdo etapë historike, lartësuan veten dhe historinë për ta, duke qëndruar të pathyeshëm përballë fuqive, çfarëdo e prej ngado që ishin ato; të pandarë, përtej thyerjeve gjeografike; të bashkuar përtej ndarjeve administrative; idealistë përtej ndarjeve ideologjike, ka thënë ndër të tjerash, Zeka, duke shtuar se Lufta e UÇK është një vepër kulminante e shqiptarëve gjithandej kah jetojnë dhe se nisma nga themelimi i saj, zhvillimi e deri te transformimi, është organizimi më me vlerë ndër shqiptarët në shekullin që lamë pas.

Nga ana tjetër Komandanti i ZOK, Ahmet Isufi, ka thënë se ideali i brezit të tij dhe brezave të tjerë në luftën e UÇK-së ishte ai që Kosova të ketë lirinë, të unifikohemi si komb dhe të kemi një të ardhme të sigurt në një Evropë të bashkuar. E kaluara jonë e lavdishme përbëhet nga tri elemente tha ai, e para është ajo se historinë tani e shkruajmë ne vet dhe kisha lutur që të shkruhen ngjarjet ashtu siç kanë qenë as më pak dhe as më shumë, e dyta është ajo që gjeneratat që vijnë të jenë të informuar mbi atë që ka ndodhur që nga robëria e deri në çlirim, në mënyrë që të mos lejojmë të përsëriten ngjarjet dhe e treta është vizioni për të ardhmen, me vetëdijesim të shoqërisë, arsimim dhe duke qenë popull që ka vizion, program dhe projekt për të ardhmen e vet, ka thënë ndër të tjerash Isufi.

Në sesionin shkencor janë paraqitur tetë kumtesa, në të cilat historianët janë përpjekur të ndriçojnë luftën e UÇK-së në Zonën Operative të Karadakut. Sabile Keqmezi – Basha është paraqitur me temën “Lëvizja ilegale në Kosovë dhe UÇK-ja në Zonën Operative të Karadakut”. Naim Musliu, në punimin e tij ka shtjelluar organizimin e brendshëm të ZOK-ut e Jeton Idrizi ka paraqitur temën që ka pasur të bëjë me Vitinë në ZOK.

Figura e Abdullah Tahirit është ndriçuar nga Fatmir Shabani, i cili ka paraqitur punimin e këtij luftëtari të lirisë, i cili tërë jetën ia kushtoi çlirimit të Kosovës. Lidhur me rëndësinë e informimit gjatë luftës çlirimtare, me një studim është paraqitur Enver Sadiku, i cili është ndal me theks të veçantë në lidhje me informimin në ZOK, kurse Shkodran Imeraj është paraqitur me studimin në lidhje me disa të dhëna për ZOK-un në luftën e UÇK-së. Luftëtarët nga Gjilani, përveç se në zonën e tyre luftuan edhe nëpër zona të tjera e lidhur me pjesëmarrjen e gjilanasve në Betejën e Kosharës me një punim është paraqitur Nezir Beqiri.

Për rëndësinë e historike të Ushtrisë Çlirimtare të Kosovës me një studim është paraqitur Fitim Rifati e pas referimeve këto tema kanë ngjallë diskutime. Versionet më të gjata të këtyre studimeve do të përmblidhen në një volum të veçantë.
Naim Musliu, sekretar i Këshillit Organizativ, në fjalën përmbyllëse ka theksuar se
në bazë të kumtesave të paraqitura nga studiuesit dolën përfundimet se Zona Operative e Karadakut pati një rol të rëndësishëm dhe kontribuoi në luftën e UÇK-së, duke i dhënë vizionit të saj dëshmorë të rënë për lirinë e Kosovës.

Ai tha se ZOK-u mbajti komunikim si me Shtabin e Përgjithshëm, Zonat e tjera, faktorin dhe mediat vendore dhe ndërkombëtare dhe se nga vende të kësaj Zone ranë në beteja disa dëshmorë dhe se UÇK dhe NATO çliruan Kosovën nga vrasjet masive dhe gjenocidi i forcave policore dhe ushtarake serbe.

“Me luftën çlirimtare të popullit shqiptar të Kosovës u krijuan parakushtet që zgjidhja e vetme për Kosovën të jetë pavarësia dhe hapja e një kapitulli të ri drejt integrimeve në mekanizma euro-atlantik”, ka thënë Musliu, që ka shtuar se përmes këtij sesioni i është dhënë një pasqyrë orientuese për studiuesit e historisë që më thellësisht të hulumtojnë dhe studiojnë këtë periudhë mjaft të rëndësishme në historinë e popullit shqiptar.

Zëri

[Llapi]

Po pse kjo tem ne ket nenforum se?

[ganimet]

I mledhen llovaqkat do djem te ri,bile shumica prej djelmoshave nji ose dy her i kishin ra brisk ftyres,mender rrue.
I shkuen Demes me ja lyp nji manzer se kishin niie djemt se manxerka mnnet me rrxu ballanin e armiku.
Ate nat ishin kon pas uritur shum qunat,kure e pan vekshin me pasul ,njeri tha qa e kini qit qat kupec a tanir a!?
\Serbija ishte alarmuar prej Zenelit ,djalit te Zarifes se kishte mar informat prej dikuj te Talajve se Gjabiri i kish sjel prej Zvicre dy llovaqka qeke e nji baret te itales...ishalla po i del flaka Serbis tha Selmani i Azizes.
Po rrini mer fitone paqen e mos u genjeni se po te mos ishte nato fatbardh do te ishin ata qe do ta shpetonin virgjerin nga mbrapa.

Hajde Llap pak historin me Bajlloza e Draguan qe po na sjell shi e vetetima nga shpata r Shpend Egjiptit.