Fusnota*

[kiniku]

Përveç që historia e Kosovës tani është e shkruar në fusnote, mendoj se vendosja e fusnotes duhet të elaborohet nga shumë aspekte ngase ka hapur shumë çështje.

Qëllimi nuk është të kritikoj qeverinë - ajo e ka diskredituar veten shumë më herët, por thjesht, të shqyrtojmë pasojat e mundshme të fusnotes.

UNMIK-u është rishfaqur në skenë më i fortë se çdo herë. A do të thotë kjo, nga aspekti ligjor, se 1244 tani mund të aborgohet vetëm përmes një rezolute tjetër?Çfarë nëse ndryshon disponimi dhe UNMIK-u vendos të “mbikëqyr” Kosovo* në këto nisma rajonale? A ka Kosova ndonjë mekanizëm për të parandaluar këtë?

A do t’i nënshkruaj Kosova këto nisma e marrëveshje kontraktuale duke u bazuar në ligjet e republikës apo në rregulloret e UNMIK-ut, dhe në rast të kontestit, cili ligj do të prevalojë?

A është ngadalësuar tempoja e njohjeve, dhe rrjedhimisht, edhe e konsolidimit të shtetësisë së Kosovës në rrafshin ndërkombëtar?

A është Serbia më e fuqishme në luftën e saj politike kundër Kosovës si anëtare potenciale e BE-së?

[Sharri-Liburna]

Dialogu në favor të Serbisë



(E plotësuar) Dialogu mes Serbisë dhe Kosovës, i cili ka mbushur një vit prej se ka filluar me ndërmjetësimin e Bashkimit Evropian në Bruksel, është zhvilluar për të ndihmuar Serbinë dhe në këtë rast ka dëmtuar Kosovën, vlerëson Aleksander Borg Olivier. Ky i fundit, i cili vepron në Kosovë që nga tetori i vitit 2000, në një intervistë për gazetën sqaron se ka qenë pjesë e shumicës së proceseve në Kosovën e pasluftës dhe gjërat sipas tij, nuk ishin menduar se do të jenë ashtu siç janë sot.

Njëri nga përpiluesit e kornizës kushtetuese të Kosovës, si pjesë e stafit të UNMIK-ut dhe më pas këshilltar te kryeministri Hashim Thaçi, thotë se dialogu në Bruksel është kryekëput politik dhe jo siç ka pretenduar Prishtina zyrtare se po ulet me Serbinë në bisedime për të zhvilluar dialog teknik. Borg Olivier e cilëson Serbinë në avantazh karshi Kosovës. Ai thotë se pala kosovare është ajo e cila qysh në fillim ka pranuar presionin nga të huajt dhe ka pranuar gjëra të cilat nuk është dashur të pranohen.

“Unë mendoj se dialogu i është imponuar Kosovës, dhe gjithmonë kam menduar se nëse do të ketë dialog, ai dialog nuk duhet të jetë politik dhe për çështje politike. Dhe nga pozicioni i Kosovës është dashur të ketë qëndrim të qartë se nuk do të hyjmë në dialog politik dhe kur të ulemi në tavolinë, do të ulemi të barabartë. Mendoj se Kosova nuk ka qenë shumë e gatshme që të hyjë në këtë dialog, por ka pasur presione”, vlerëson Aleksander Borg Olivier, i cili në Prishtinë, tashmë ushtron pozitën e avokatit të licencuar në Odën e Avokatëve të Kosovës.

“Unë mendoj se ky dialog nuk i ndihmon Kosovës, por ka qenë i menduar që t’i ndihmojë Serbisë, që të afrohet në Bashkimin Evropian. Çdo gjë që ka ndodhur, unë mendoj se ka prodhuar benificione shumë shumë të vogla për Kosovën, por përparësi shumë të mëdha për Serbinë. Dhe siç dihet Serbia sot është shtet me status të kandidatit, ndërsa Kosova nuk është dhe Kosova nuk është trajtuar drejtë”, vazhdon më tutje ai.

Duhet thënë JO, edhe nëse rrëzohesh nga pushteti

BE-ja, sipas tij, e ka detyruar Kosovën që të jetë pjesë e këtij dialogu, por Kosova, sipas Borg Olivier, nuk është dashur të lejojë të hyjë në procese nga të cilat nuk përfiton. “Mendoj se Kosova nuk është dashur të mbetet kaq prapa kur dihet se shtetet tjera siç janë Shqipëria, Bosnja e Kroacia kanë përfituar. Unë mendoj se BE-ja ka përgjegjësi në Kosovë, ndërsa tani është duke bërë gabim pasi që rinia nuk guxon të lihet e frustruar dhe e zhgënjyer përgjithmonë”, vlerëson ai.

Por, ai arsyeton elitën politike në Kosovë, duke thënë se kanë lejuar tërë këtë presion nga BE-ja, për shkak se përfaqësojnë një shtet të dobët e të varfër ekonomikisht, i cili si i tillë ka nevojë për mbështetje. Ai nuk dëshiron të flasë me emra se cilët nga politikanët në vend kanë bërë gabime në këtë fazë duke mos ia lënë fajin as kryeministrit Thaçi, i cili udhëheq me Qeverinë e Kosovës tash e më se katër vjet.

“Unë nuk dëshiroj të personalizoj komentet e mia në asnjë mënyrë, jam i sigurt që Thaçi dëshiron më të mirën për Kosovën, por ai ka qenë i ekspozuar ndaj presioneve shumë të mëdha dhe ndoshta çdo lider politik në pozitën e tij do të kishte ato presione.

Por, ka pasur opsione në këtë çështje. Ndonjëherë një lider politik duhet të thotë jo, edhe nëse ajo jo, do të nënkuptonte që ai nuk do të jetë më në pushtet”, vlerëson ai.

U ngjall 1244

Pas një dialogu që Aleksandër Borg Olivier e vlerëson si të imponuar nga Bashkimi Evropian, janë arritur disa marrëveshje të cilat, sipas tij, vështirë se mund të gjejnë implementim të plotë, e si të tilla të përmirësojnë jetën e qytetarëve. Marrëveshjet, sipas tij, më shumë janë si mbulesë për të dëshmuar se dialogu i ndërmjetësuar nga BE-ja ka sjellë rezultate dhe si i tillë nuk ka qenë proces i dështuar i BE-së.

“Unë nuk e di se këto marrëveshje të nënshkruara çfarë të mirash do t’u sjellin jetëve të njerëzve, por kjo është më shumë një kamuflim për ta lejuar që dialogu të shkojë tutje dhe ta lejojë që dialogu të duket i suksesshëm”, vlerëson ai.

Nëse dialogu nuk do të vlerësohej i suksesshëm, atëherë sipas tij, Serbia nuk do ta merrte statusin e kandidatit.

“Dialogu ka prodhuar marrëveshje porse a janë këto marrëveshje në favor të Kosovës, unë kam dyshime të mëdha, pasi që Serbia në të gjitha fazat e dialogut ka thënë se unë nuk do të ulem me ju si palë të barabarta, nuk do të bisedoj me ju si partnerë të barabartë, unë nuk ju njoh juve, ju jeni ofenduar gjatë gjithë fazave të dialogut dhe pavarësisht këtyre, ju keni marrë pjesë në këtë dialog dhe për këtë arsye është shumë me rëndësi që në situata të tilla, duhet të ketë më shumë konsensus dhe strategji të negociuar me shumë kujdes, pasi që mund t’i vërë palët në pozita të vështira”, thotë ai.

Nga ky dialog, së fundi është arritur edhe marrëveshja për përfaqësimin e Kosovës në nivel rajonal. Fusnota në kuadër të kësaj marrëveshjeje, ku përmenden mendimi i Gjykatës Ndërkombëtare të Drejtësisë dhe Rezoluta 1244, ka sjellë pak përfitime për vendin, por më shumë të këqija.

“Efekti negativ është ringjallja e Rezolutës 1244, e pse është kjo e keqe sepse i lejon ato vende që nuk dëshirojnë ta njohin Kosovën të fshihen prapa kësaj, dhe mund të thonë ja po e shihni Rezoluta 1244 është këtu dhe është valide. E keqja është se Rezoluta 1244 është balancuar me mendimin e GJND-së. Është e keqe sepse ne është dashur ta vrasim 1244-shin, pasi që kjo do të pengojë njohjet e reja dhe anëtarësimet në organizata të ndryshme”, thotë ai.

Duke pasur parasysh faktin që Kosova ka popullatë të re dhe si e tillë pretendon të anëtarësohet në organizata e olimpiada të ndryshme, Borg Olivier konsideron se kjo marrëveshje e arritur mund të përdoret si argument për t’i bllokuar edhe këto pretendime.

Ka mundur të ketë më shumë njohje

Momenti i shpalljes së pavarësisë së Kosovës, sipas Aleksander Borg Olivier, ka qenë i duhur dhe në pajtueshmëri të plotë më Pakon e Ahtisarit dhe partnerët ndërkombëtarë. Por, Kosova sipas tij, pas këtij vendimi të marrë, ka bërë gabime dhe ka neglizhuar procese të cilat tashmë po i kushtojnë Kosovës.

“Qeveria e Kosovës ka mundur të jetë shumë më shumë agresive me qëllim që të përfitojë më shumë njohje nga shtete të tjera. Mendoj se në atë kohë nuk kemi menduar se do të na duhen katër vjet të kemi 88 njohje. Në atë kohë por edhe tani ka qenë e rëndësishme që të jenë sa më shpejt 100 njohje për shkak se mund të kishim shumicën e shteteve demokratike dhe si e tillë Kosova do të kishte më shumë fuqi”, thotë Borg Olivier.

Procesin e njohjeve, sipas tij, në masë të dukshme e ka penguar kërkesa e Serbisë në GJND, shtet i cili ka kontestuar validitetin e shpalljes së pavarësisë së Kosovës. Por, pas një mendimi pozitiv për Kosovën, kjo e fundit sipas tij, është dashur të bëjë një kundërkërkesë, me qëllim që t’i bindë shtetet se Kosova funksionon si shtet dhe si i tillë është krijuar në shkurt të 2008-tës.

“Mendoj se strategjia e Kosovës për të kërkuar njohje nuk ishte e qartë. Nëse Kosova është shtet i pavarur, atëherë është dashur të veprojë si shtet i pavarur. Kosova kuptohet që është vend i vogël, por është dashur që në një farë forme të shfrytëzojë përkrahjen dhe akterët ndërkombëtarë që i ka pasur. Statusi i Kosovës shpeshherë është vënë në pyetje dhe në këso situatash reaksionet nga pala kosovare kanë munguar”, thotë ai.

Por pas katër vjet njohjesh dhe pas këtij dialogu, Borg-Olivier vlerëson se Kosovës i duhen edhe dhjetëra vite për të arritur në BE.

[ZANOR]

N dasem te t ligut, kcejne pa tirq...

[kutje]

Kungulli Mbi Uj Nuke Shkone Gjithmone.

[Antiproanti]

Përveç që historia e Kosovës tani është e shkruar në fusnote, mendoj se vendosja e fusnotes duhet të elaborohet nga shumë aspekte ngase ka hapur shumë çështje.

Qëllimi nuk është të kritikoj qeverinë - ajo e ka diskredituar veten shumë më herët, por thjesht, të shqyrtojmë pasojat e mundshme të fusnotes.

UNMIK-u është rishfaqur në skenë më i fortë se çdo herë. A do të thotë kjo, nga aspekti ligjor, se 1244 tani mund të aborgohet vetëm përmes një rezolute tjetër?Çfarë nëse ndryshon disponimi dhe UNMIK-u vendos të “mbikëqyr” Kosovo* në këto nisma rajonale? A ka Kosova ndonjë mekanizëm për të parandaluar këtë?

Kosovo* (ose Kosova*) eshte UNMIK-u ose UNMIK/Kosovo.
Qeveria e Republikes se Kosoves nuk ka nenshkruar asnje dokument, asnje vendim dhe asnje dekret te vlefshem lidhur me marreveshjet perkatese. Se paku une nuk kam pare deri tani ndonje publikim perkates?!

Nese dikush ka nenshkruar dicka apo eshte pajtuar per dicka, ato mund te jene UNMIK-u apo edhe Organe te caktuara te "Republikes se Kosoves" ne rolin e tyre si institucionen bashkeqeverisese dhe veteqeverisese te Kosoves sipas rezolutes 1244 te OKB-se.
Qeveria e Republikes se Kosoves duhet diferencuar nga Qeveria e Kosoves apo Institucionet e Kosoves, sepse dy te fundit perdoren, ne kontekste te ndryshme, edhe nga OKB, BE, shtete qe nuk e kane njohur Kosoven, politikanet kosoves, mediat dhe qytetaret e Kosoves...
Kur Thaci&Co flasin per vendime apo veprime te Qeverise se Kosoves, institucioneve te Kosoves, Kosoves etj. nuk do te thote automatikisht se flasin per veprime te shtetit apo Republikes se Kosoves sipas Kushtetutes se Republikes se Kosoves. Jozyrtarisht ato (Thci&Co) kane mundesi pothuajse te pakufizuar per ti keqperdorur keto rrethana te paqarta per ta manipuluar publikun per perfitime personale politike.
Kur Thaci flet ne emer te Republikes se Kosoves dhe pohon arritjen e pajtimeve dhe marreveshjeve ne emer te Republikes, pa paraqitur asnje marreveshje apo pajtim dhe asnje vendim apo dekret te nevojshem te Qeverise dhe organeve kompetente te Republikes se Kosoves, atehere ai kete gje e ben sepse eshte i sigurte dhe i siguruar nga ata qe e kane forcen dhe ligjin ne Kosove, se keto veprime te tij absolutisht te kunderligjshme dhe te denueshme, do te jene pa konsekuenca.
Per me teper, ai madje perpiqet (eshte i detyruar ne rolin qe ka) qe cfardo "marreveshje", pavaresisht sa eshte e disfavorshme dhe e demshme, ta paraqese si arritje te Qeverise se tij dhe te Republikes se Kosoves. Ne raste te caktuara edhe si arritje historike kosovare apo kombetare...Nuk eshte rastesi, por pjese e paramenduar e skenarit per mashtrimin e popullit...
Edhe nese nje dite do te pergjigjej para Gjykates shansat jane te mira qe ne shume pika te shpallet "i pafajshem", pasiqe me gjase te madhe nuk ka asnje nenshkrim, vendim apo dekret per ato qe pohon ai dhe ata qe jane me te...
Madje ata, Thaci&co, ndoshta mund te thirren edhe ne vendime te Kuvendit te Kosoves per ti arsyetuar formalisht te gjitha tradhetite kombetare.

A do t’i nënshkruaj Kosova këto nisma e marrëveshje kontraktuale duke u bazuar në ligjet e republikës apo në rregulloret e UNMIK-ut, dhe në rast të kontestit, cili ligj do të prevalojë?

Kosovo* parimisht nuk ka te drejte te nenshkruaj kontrata ne emer te Republikes se Kosoves. As Republika e Kosoves nuk ka te drejte te bej kontrata ne emer te Kosovo*.
Cdo marreveshje e Kosovo* mbetet vetem marreveshje e Kosovo*. Kjo parimisht nuk do te ndryshonte edhe nese Parlamenti i Republikes se Kosoves dhe organe tjera te Republikes do te keqperdoreshin per legjitimimin e domosdoshem te ndonje marreveshje te Kosovo*. Sepse, sipas rezolutes 1244 edhe Kuvendi i Kosoves dhe cdo organ tjeter jane Institutione te Kosoves sipas rez. 1244. Perderisa keto zyrtarisht do te vendosnin apo firmosnin si te tilla, atehere nuk do te kishte asnje problem. Edhe ne te kaluaren Qeveria e Kosoves ka deklaruar se "Republika e Kosoves... po nenshkruante marreveshje, po anetaresohej..." Pavaresisht se zyrtarisht nenshkruante ose anetaresohej UNMIK/Kosovo. Tani do te jete Kosovo*...

Perndryshe, per rezoluten 1244 te OKB-se dhe per te gjithe ata qe e repsektojne dhe i permbahen kesaj rezolute, Kushtetuta e Republikes se Kosoves e ka vleren 0. Per ta eshte me rendesi qe nenshkrimet dhe vulat te jene "korrekte", pra te neshkruhet Kosovo*. Si i rregullojne ligjet branda ne Kosove eshte relativisht e parendesishme.
Dhe pikerisht ketu qendrojne problemi dhe zgjidhja.
Perderisa ne Kosove sundon sistemi kolonial i instaluar nga jashte, i cili jo rastesisht e perfshine edhe Gjykaten Kushtetuese te Kosoves, veprimet dhe vendimet e Institucioneve te Kosoves, pavaresisht si trajtohen nga tjeret dhe si e trajtojne veten, kur jane ne pyetje interesat vitale te pushtetit indirekt (nderkombetareve) nuk do te gjykohen direkt ne baze te Kushtetutes se Republikes se kosoves dhe ligjeve perkatese, por ne baze te interpretimeve dhe vendimeve kryesisht arbitrare dhe politike te pushtetit indirekt (nderkombetareve). Ky pushtet indirekt (nderkombetaret) nuk eshte i obliguar ti njohe as shtetin, as republiken, as simbolet, as kushtetuten dhe asgje qe ka te beje me shtetin e Kosoves. Kjo e drejte e tyre bile eshte edhe e garantuar ne Kushtetuten e Republikes se Kosoves.
Prandaj, cdo veprim dhe vendim i Institucioneve te Kosoves me te cilin pajtohet pushteti indirekt(nderkombetare) do te ishte ne fund edhe ne pajtim me Kushtetuten aktuale te Republikes se Kosoves, edhe nese parmisht do te ishte ne kundershtim te plote me pothuajse te gjitha dispozitat e kesaj Kushtetute. Sepse, Kushtetuta e Republikes se Kosoves, pervec emrit dhe formes, nuk eshte fare Kushtetute e nje shteti te mirefillte apo Republike, por e nje pushteti indirekt kolonial, ku cdo dispozite e saj eshte nen meshiren e plote te pushtetit te huaj, per te cilin, sic e thashe edhe me larte, nuk ka shtet apo republike te Kosoves. Fakti qe ky pushtet (nderkombetaret) i durojne Institucionet e Kosoves te paraqiten edhe si Institucione te Republikes se Kosoves eshte vetem veprim dhe vendim (ad hoc) realpolitik, pa asnje obligim.

A është ngadalësuar tempoja e njohjeve, dhe rrjedhimisht, edhe e konsolidimit të shtetësisë së Kosovës në rrafshin ndërkombëtar?

Kjo eshte ceshtje kryesisht politike, dhe mjaft e varur nga interesat e superfuqive dhe fuqive qe zyrtarisht e mbeshtesin Kosoven...
Realisht, per shumicen e vendeve qe nuk e kane njohur Kosoven njohja e Republikes behet edhe me e panevojshme se deri tani...

[Gogi]

..menyra e vetme per ta nxjerrur Kosoven nga izolimi i vendeve qe nuk e kane njohur shtet. Ne cdo organizate ku kishte mund te vendos veto Spanja, Kosova nuk do ishte pranuar pa fusnote. Ose te izoluar ose me fusnote dhe te pranuar ne organizma te ndryshem nderkombetar.

[Hillirian-zo]

..menyra e vetme per ta nxjerrur Kosoven nga izolimi i vendeve qe nuk e kane njohur shtet. Ne cdo organizate ku kishte mund te vendos veto Spanja, Kosova nuk do ishte pranuar pa fusnote. Ose te izoluar ose me fusnote dhe te pranuar ne organizma te ndryshem nderkombetar.

edhe tabelat e automjeteve do nderohen qytetareve prej RKS ne ks po lene pash zotin

[kiniku]

pjese e paramenduar e skenarit per mashtrimin e popullit...

Ju pohuat atë që është aq evidente sa që shumica e njerëzve, ngase është aq e thjeshtë dhe aq e qartë, nuk arrijnë ta shohin dot.

[halla mine]

Ju pohuat atë që është aq evidente sa që shumica e njerëzve, ngase është aq e thjeshtë dhe aq e qartë, nuk arrijnë ta shohin dot.

Mendoj qe shumica arrijne ta kuptojne e shohin(se paku fusnoten*), tjeter eshte qe nuk jane te gatshem te veprojne ne menyre konseguente kundershtuese kundrejt stimulimit negativ qe * ju shkakton. Parazitizmi mbreteron çdo pore.. ne radhet tona.

[tomaras]

“Rueju mikut t’fortë se t’bân asgjâ”!

1.

(2LONLINE) - Konkluzat e përbashkëta që thuhet që dolën nga bisedimet ndërmjet Editës dhe Borkos e të lehtësuara nga z.Kuper, për të cilat thuhet që nuk janë marrëveshje, por që paskan fuqinë e saj(!!!) janë zhvillimi më i ri dhe njëkohësisht më kundërthënës në skenën politike jo vetëm ballkanike.

Interpretime të ndryshme nga pozicione të ndryshme. Përkrahje nga të katër anët e botës, nga thuaja të gjithë udhëheqësit e shteteve, të cilat kishin ndërtuar çfarëdo relacioni themelor me Kosovën pa fusnotë dhe popullin e saj, por jo vetëm nga ta, për “nënshkruesit “, që nënshkrues nuk janë, sidomos për kryeministrin tonë që siç thonë të tjerët, por që e thotë edhe ai vetë me krenari absurde, mori vendim të “guximshëm” për të ardhmen e vendit tonë!!!

Në skenën publike vendore kjo përkrahje po mungon. Përkundrazi, partitë opozitare ishin shprehur kundër që herët. Ajo pjesë e shoqërisë civile që u bë e gjallë u shpreh me tone tejet pesimiste, kurse gazetarët u shfaqën të ndarë sipas orientimit të politikave redaktuese e që vareshin nga afërsia e njerëzve të parë të mediumeve të tyre me të gjithë të pushtetshmit e Kosovës.

A është kjo ndarje e shoqërisë dhe ky shqetësim që reflektohet nga kjo real , siç thonë kritikuesit apo vetëm një trill i opozitarizmit të papërmbajtur për ta marrë pushtetin pa zgjedhur mjete siç thotë kryeministri?

2.

Më 13 korrik të viti 2007, në ditën e pavarësisë së Republikës së Francës, ministri i atëhershëm i punëve të jashtme i këtij vendi, për popullin tonë i mirënjohuri Bernard Kushner, kishte begenisur që festën më të madhe të vendit të tij ta kremtojë në Prishtinë. Përmes Zyrës Franceze në Prishtinë ishte përkujdesur që t’i tubojë në një vend thuaja të gjithë eksponentët e shoqërisë sonë që kishin apo që kishin pasur më parë ndonjë autoritet përfaqësues, pavarësisht a ishin ata shqiptarë apo serbë.

Kishte diçka me rëndësi për të na kumtuar në ndërkohën e krijuar pas bllokimit të miratimit të planit të presidentit Ahtisari në këshillin e sigurimit të OKB-së.

Këtij udhëtimi për në Prishtinë, që ishte nisja e një udhëtimi më të gjatë të mikut të Kosovës nëpër një varg metropolesh të Evropës, i kishte paraprirë një takim joformal nën avujt e vodkës ruse të Kryetarit francez, N.Sarkozi dhe kryeministrit rus, Putin në Heiligendam të Gjermanisë në samitin e G-8-ës të mbajtur pak ditë më parë. Në këtë takim kryeministri rus, me shumë gjasë, i kishte prezantuar kryetarit francez një “plan të ri” për zgjidhjen e çështjes së Kosovës, të cilin rreth një muaj më parë në Saint Peterburgh ia kishte prezantuar vetë kryeministri i atëhershëm i Serbisë Vojisllav Koshtunica.

Duket se plani i pëlqeu aq fort Sarkozisë saqë në ngazëllim e sipër nuk i numëroi gotat e dollisë me vodkë, andaj kur doli nga rezidenca e Putinit gazetarëve të pranishëm u ranë në sy tetëshet që i bënte duke ndërruar hapat.

Kushneri, mori përsipër nga Sarkozi, që pa vonesë, ta promovojë planin serb, të cilin, me ndërmjetësimin rus, kryetari i tij e kishte kthyer në “plan të ri francez” për zgjidhjen e çështjes së Kosovës. Ai me oratorinë emocionale që e karakterizon, por me fjalë të zgjedhura me kujdes, u përpoq të na njoftojë me nismën e re të shteti të tij për ta gjetur një zgjidhje “unike”, “speciale”, “ku askush nuk del i humbur” duke pasur për bazë “modele që kanë funksionuar në të kaluarën”. Nuk na e tha troç, po nga kjo sa u tha për dëgjuesit e vëmendshëm, me kujtesë të mirë dhe me zotësi për t’i lexuar skemat e të menduarit të diplomacisë, dhe për të diktuar përndezjen e politikës për t’i shfrytëzuar modelet historike, që sipas bindjes së tyre, ishin dëshmuar si të suksesshme në të shkuarën, nuk ishte e vështirë për ta zgjidhur enigmën.

Bernard Kushneri ynë emocional, që dikur i ndante çmimin Nobel për liri Adem Jasharit, kishte marrë përsipër për ta promovuar një zgjidhje të ngjashme me zgjidhjen e çështjes së Kosovës sipas modelit të Kushtetutës së RSFJ të vitit 1974, porse tash të vendosur në një kornizë të re, në atë të përshkruar me trekëndëshin Kosovë-Serbi-BE, në vend të trekëndëshit të vjetër KSA Kosovë-RS Serbi-RSF Jugosllavi.

Në përpjekje për të fituar sa më shumë përkrahës ndaj “idesë së re franceze”, Kushneri ndërmori një turr diplomatik nëpër një varg kryeqytetesh të Evropës, porse këtë turr atëbotë, duket jo pa qëllim, ia ndërpreu me një deklaratë të vendosur përkrahëse ndaj planit të Ahtisarit dhe me theksimin e përkushtimit britanik për pavarësimin e Kosovës sipas këtij plani kryeministri i posamandatuar britanik Gordon Braun.

Nisma franceze u ndërpre në vend, ndërsa pas disa zhvillimesh tejet të pafavorshme dhe dëmtare për shtetin e ri që po lindte, më në fund më 17 shkurt 2008 u shpall disi pavarësia e vonuar e Kosovës.

3.

Me shpalljen e pavarësisë së Republikës së Kosovës, shtet i pavarur dhe demokratik, nuk reshtën përpjekjet serbe për t’i jetësuar qëllimet më të reja nacionale lidhur me Kosovën të vendosura rishtazi në bazë të një konsensusi të gjerë politiko-akademiko-klerikal, pas përballjes me realitetin që e impononte plani i Ahtisarit.

Këto qëllime mund të definoheshin si:

1. Ruajtja e tapisë mbi Kosovën, për ta mbrojtur të drejtën për ta pretenduar sovranitetin mbi Kosovën në një të ardhme, qoftë të afërt, qoftë të largët, atëherë kur raportet e forcave në botë mund të ishin më të favorshme për ta
2. Autonomia ose statusi special politiko-territorial për pjesën veriore të Kosovës dhe
3. Zbatimi i plotë i planit të Ahtisaarit për pjesën tjetër të Kosovës.

Pika 3. e planit serb veç është realizuar plotësisht, duke siguruar Serbinë që rreth 50.000 serbë të kësaj pjese të Kosovës do ta bllokojnë vullnetin e shumicës, më shumë se absolute shqiptare, për çfarëdo zhvillimi të ardhshëm politik, që nuk do të jetë sipas pëlqimit të tyre.

Vetëm ndonjë mrekulli mund të bëjë të mos jetësohet Pika 1. e planit serb, pas mohimit vullnetar që udhëheqja politike e Kosovës* i bëri aktit të shpalljes së pavarësisë së 17 shkurtit 2008, me miratimin e fusnotës në të cilën kthehet në përdorim emërtimi KOSOVO/UNMIK, duke zëvendësuar kësaj here pjesën /UNMIK me shenjën *, për ç’qëllim edhe ka gjetur zbatim asteriksi (*)në teknikën kompjuterike ku është përdorur për herë të parë me qëllim të zëvendësimit të pjesës apo tërësisë së emërtimit.

Jetësimi i këtyre dy pikave ka krijuar kushte të pakapërcyeshme për t’u jetësuar edhe pika 2. për sigurimin e së cilës Serbia në mënyrë diskrete, siç din ajo, para marrjes së statusit kandidat për në BE, organizoi edhe një referendum, i cili do t’u shtrohet përpara zyrtarëve tanë dhe atyre ndërkombëtarë me rastin e parë që do të vazhdohen bisedimet e pezulluara “teknike” deri pas përfundimit të zgjedhjeve në Serbi.

4.

Çka fitoi Kosova nga këto bisedime?

Me naivitetin dhe mendjelehtësinë e udhëheqjes së vet fitoi veç nënvlerësim dhe nëpërkëmbje nga miqtë tanë të mëdhenj që kanë edhe gajle të mëdha, e që duke pasur në dorë argumentin e forcës nuk brengosen shumë për forcën e argumentit, e cila çuditërisht, dhe disi pahetueshëm, tashmë ka kaluar te Serbia. Jo më kot ekziston urtia popullore, që siç duket në Drenicë qenka e panjohur, edhe pse kjo krahinë shqiptare është e përmendur për trashëgiminë e kulturës tradicionale gojore: “ Rueju mikut t’fortë se t’bân asgjâ”.

Fjalimet e zjarrta të udhëheqjes së Kosovës* për perspektivë të integrimeve evropiane, edhe pas njëqind, e jo pas një studimi të fizibilitetit që po proklamohet si arritje e madhe, në kontekstin aktual të qëndrimit të pesë vendeve anëtare të BE-së, të cilat, secila për shkaqe të veta legjitime, nuk e njohin pavarësinë e Republikës së Kosovës, do të dëshmohen shumë shpejt që janë përralla me mbret sepse, deri më sot, udhës së integrimeve evropiane i janë nisur vetëm shtetet e pavarura dhe sovrane që i kanë plotësuar kushtet e kërkuara nga BE-ja.
Kosova* nuk është shtet i tillë.

Nëse në një të ardhme të afërt BE-ja, fillimisht do ta hapë debatin e brendshëm, e më vonë edhe do të fillojë të zhvillojë rregullativën e nevojshme dhe direktiva të reja, të cilat tash për tash nuk i ka, për të përfshirë në gjirin e saj, në mënyrë asimetrike në krahasim me anëtarësinë e plotë, edhe territore politike të vetëqeverisura, por që kanë sovranitet të kontestuar siç është definuar Kosova përfundimisht edhe me vullnetin e “çlirimtarëve” të vet pas përmbylljes së pazarit ndërmjet Borkos dhe Editës, atëherë Republikës së Kosovës, shtet të pavarur dhe sovran të shpallur më 17 shkurt 2007 mund t’i themi lamtumirë, siç i patëm thënë Republikës së Kosovës të shpallur më 2 korrik 1990.

Një zgjidhje e këtillë sui generis, për Kosovën* sui generis, si praktikë e re eventuale e BE-së, do të mund të shihej me interes, si zgjidhje e zorit, edhe për rastet e ngjashme me rastin e Kosovës*së Serbisë, për shtetet tjera anëtare të BE-së, në rast zhvillimesh të mundshme kur do t’u duhej dhënë udhë pretendimeve separatiste të ndonjë territori të brendshëm të ndonjë shteti të caktuar si Skocia e Britanisë së Madhe, që ka paralajmëruar referendum për shkëputje nga Mbretëria e Bashkuar, apo Katalonia e Spanjës që po këmbëngul për përfaqësim të pavarur ndërkombëtar, me ç’rast shtetet në kuadër të të cilave gjinden këto “provinca rebele” do të mund ta ruanin sovranitetin mbi këto territore duke lejuar që njësoj si Kosova* të përfaqësohen si anëtarë asimetrikë të BE-së.

Nëse kjo ndodhë atëherë modeli i Kushtetutës së ish- RSFJ-së të viti 1974, shndërrohet në model funksional të BE-së, dhe vihet plotësisht në jetë plani, të cilin më 13 korrik 2007 në Vila Gërmia me fjalë të kursyera na e paralajmëroi Bernard Kushneri, kurse sovraniteti i Republikës së Kosovës mbetet i diskutueshëm ndërmjet Kosovës dhe Serbisë deri në definimin e tij përfundimtar pas ndonjë procesi të ri politik që do të iniciohej nga aktorë të tjerë, në ndonjë të ardhme, të afërt a të largët.

Serbia ka plotësisht të drejtë të jetë triumfaliste për suksesin e pamohuar të diplomacisë së saj në realizimin e planit “edhe BE-ja edhe Kosova” të aktivizuar më 9 qershor 2007 në Saint Peterburgh, dhe shqiptarët e Kosovës kanë plotësisht të drejtë të jenë thellësisht të brengosur, pavarësisht vuvuzelave të diplomacisë ndërkombëtare dhe të protagonistëve harraqë të politikës shqiptare, të vjetër e të rinj, në përkrahje të Hashim Thaçit, pas vendosjes së premisave shumë të qëndrueshme për prezantim asimetrik të Republikës së Kosovës në relacionet ndërkombëtare multilaterale, gjatë procesit të bisedimeve “teknike” të Brukselit.

Megjithatë, mbetet të shihet se sa do të zgjasë përkohshmëria, siç thonë të gjithë avokatët e “marrëveshjes”, e fusnotizimit të Republikës së Kosovës, dhe si do t’i tejkalojnë miqtë tanë të mëdhenj efektet largvajtëse negative të këtij hapi të madh prapa ndaj sovranizimit të republikës sonë meqenëse ata, në bazë të përkrahjes vuvuzelore ndaj kryeaktorit tonë të kompromisit, duket që paskan pas marrë zotim para kryeministrit tonë të hutuar se asgjë e keqe nuk mund t’i ndodhë Republikës së Kosovës nga pranimi i zgjidhjes së propozuar nga ndërmjetësi Kuper.

Dhashtë zoti që kjo analizë të mbetet vetëm paranojë e imja!

Shpejt kemi për ta parë. /2lonline/

Botuar më 29 Shkurt 2012 12:28 në faqen 2lonline.com

Nazim JASHARI
(Autori i këtij shkrimi, Ish-deputet i Kuvendi të Kosovës)

[sheneri]

Prralla e fusnotes munde te behet realitet me kryetare ,psh kryetari* i Kosoves*'
(nese lexohet fusnota per kryetare) del se mund te jet edhe Zian Tun Sin- Kinez i ardhure pas 1999 me shtetesi kosovare, andaj per ata qe perkrahin fusnoten dmth bishtin duhet edhe rrobaqepsin ta konraktojn dhe ta trajnojn per vrimen qe ju duhet ta lene hapur per kungj(fusnot)

[Sharri-Liburna]

Qeveria publikon marrëveshjen për fusnotën


Qeveria e Kosovës, sot ka publikuar marrëveshjen e arritur në Bruksel me Serbinë, lidhur me përfaqësimin rajonal të Kosovës me fusnotë. ...

1. Të dy palët konfirmojnë përkushtimin e tyre për përfaqësim dhe bashkëpunim rajonal efektiv dhe gjithëpërfshirës.

2. Për këtë qëllim, ''Kosova*'' është shënimi i vetëm që do të përdoret në kuadër të kornizës së bashkëpunimit rajonal.

3. Fusnota që do të aplikohet në yllthin e cekur në pikën 2 është:
”Ky shënim është pa paragjykim të qëndrimeve për status dhe është në përputhje me RKSKB 1244 dhe Opinionin e GJND-së për Deklaratën e Pavarësisë së Kosovës.”

4. ''Kosova*'' merr pjesë vetë dhe flet për veten e saj në të gjitha takimet rajonale.

5. Me rastin e parafimit dhe/ose nënshkrimit të marrëveshjeve të reja, përfaqësuesi i Kosovës*'' do të nënshkruajë në përputhje me shënimin në pikën 2 dhe 3.

6. Sa i përket ndryshimeve të marrëveshjeve ekzistuese të nënshkruara nga UNMIK-u, asgjë në këto konkluzione nuk do të interpretohet me paragjykim për të drejtat ligjore të UNMIK-ut. Përfaqësuesi i Misionit të Kombeve të Bashkuara në Kosovë (UNMIK) do të ftohet në takimet e organizuara në kuadër te marrëveshjeve ku është nënshkrues. UNMIK do të vendos nëse dëshiron të marrë pjesë në ndonjërin nga këto takime.

7. Nikoqirët e takimeve do të inkurajohet që të shmangin shfaqjen e simboleve nacionale përveç të tyre dhe të BE-së, duke marrë parasysh statutet e organizatave përkatëse.

8. BE-ja si Lehtësuese do t`i informojë organizatat dhe entitetet përkatëse rajonale për aranzhimet për shënimin, përfaqësimin dhe nënshkrimin. Ato duhet të reflektohen në organizimin praktik të takimeve rajonale. BE-ja do ta monitorojë zbatimin e këtyre aranzhimeve.

9. Të dy palët dhe BE-ja do t`i nxisin partnerët që të mbështesin këto aranzhime dhe të ndihmojnë në zbatimin e tyre.

10. Organizatat rajonale për të cilat bëhet fjalë në këto konkluzione janë organizatat ose aranzhimet ekzistuese dhe ato të ardhshme ndërqeveritare, qëllimi i të cilave është promovimi i bashkëpunimit ose integrimit në rajonin e Ballkanit. ”Takimet rajonale” përfshijnë takimet e këtyre organizatave dhe poashtu takimet ad-hoc ose takimet jo-formale me qëllime të ngjashme. Kjo gjithashtu përfshinë takimet me institucionet e BE-së në kontekst të agjendës evropiane.

11. Këto aranzhime janë miratuar në baza të përkohshme.

Kta kriminelet thacist ,pasi osht kry puna ia kan vu shulin deres,tpfff

[Sharri-Liburna]

Delegacioni serb braktis Sarajevën, shkaku i fusnotës



Publikuar: 15.03.2012 - 16:40

Beograd, 15 mars – Delegacioni i Serbisë ka braktisur sot punimet e Konferencës së këshillit për bashkëpunim rajonal, që po mbahet në Srajevë, sepse në tabelë e Kosovës nuk është paraqitur përmbajtja e fusnotës.

Si iu konfirmua gazetës Blic nga MPJ-ja e Serbisë, takimin në Sarajevë e braktisën një ndihmësministër dhe një koordinator, të cilët vepruan sipas instruksioneve të Qeevriosë serbe.

“Në konferencën në Sarajevë në tabelën e Kosovës qëndronte vetëm ylli, e jo edhe sqarimi nën të, gjë që nuk është në përputhje me marrëveshjen e arritur ndërmjet Beogradit e Prishtinës në Bruykse”, tha burimi i Blicit.

Në anën tjetër, siç dihet, një delegacion i Kosovës ka braktisur sot punimet e një konference tjetër rajonale, atë për bashkëpunimin e shoqërisë civile në Ballkan, që po mbahet në Beograd. Sipas sqarimeve të palës kosovare, Serbia si organizatore e kësaj konference ka dështuar të zbatojë pikën 2 dhe pikën 4 të marrëveshjes për përfaqësimin e Kosovës në nismat rajonale.



E po tash kerkojn serbet me teper ,pasi e kan shti kosoven nen fusnot ,tash mujn me drejtu vet kah te dojn kosoven ,

[Antiproanti]

Afrimi i Kosovës me BE-në, me fusnotë

Prishtinë, 26 shtator – Procesi i afrimit të Kosovës me Bashkimin Evropian do të jetë i mundur me fusnotë, meqë, sipas ekspertëve në Bruksel, një paraqitje e tillë e vendit nuk është si e një shteti të pavarur. Kështu konkludon një dokument-analizë e ekspertëve ligjorë të Këshillit Evropian, një kopje të të cilit e ka siguruar edhe “Koha Ditore”.

Këshilli Evropian po e shqyrton mundësinë që pas studimit të fizibilitetit Kosovës t`i mundësojë nisjen e negociatave për stabilizim-asociim, si dhe futjen e Kosovës edhe në disa programe të tjera, nga të cilat përfitojnë shtetet që janë kandidate potenciale. Por Kosova, e prezantuar si “Kosovo*”, nuk do të hyjë në marrëdhënie kontraktuale me Bashkimin Evropian si shtet, meqë pesë vende të BE-së ende nuk e kanë njohur pavarësinë e shpallur më 17 shkurt 2008.

“Koha Ditore” ka arritur që të sigurojë analizën që Zyra Legale e Këshillit Evropian ka përgatitur për 27 vendet anëtare të BE-së, në të cilën shpjegohet se çdo nënshkrim i BE-së me Kosovën që prezantohet me fusnotë sipas konkluzës së arritur në dialogun teknik me Serbinë nuk paraqet njohje të shtetit të Kosovës e as njohje nga shtetet veç e veç, nëse nuk e kanë bërë një gjë të tillë.

Sipas këtij opinioni ligjor të ekspertëve të BE-së, edhe nëse nisin negociatat për stabilizim-asociim me Kosovën, duke mos paragjykuar kështu nisjen e tyre dhe as nënshkrimin, shtetet anëtare të BE-së që nuk e kanë njohur Kosovën nuk kanë nevojë të shqetësohen, sepse dhënia e një pëlqimi të tillë nga Këshilli Evropian nuk nënkupton njohje të pavarësisë së Kosovës (gjerësisht në “Kohën Ditore”).

http://www.koha.net/?page=1,13,116640