EMBELSHORE (Lirika të zgjedhura)IRIKA TE ZGJEDHURA

[Jorgo Telo]

DËSHIRË

Zgjata dorën,
të arrija
pafundësinë.
T’ia grabisja Zotit
Zotësinë.
Zot të vetëm të shpallja
Dashurinë...

[Jorgo Telo]

ETJE

Ujë, dritë qëmton bima
ne vapë.
Kërkon ajër bota
pa pushim.
Shpirti lyp veç këngë,
jo lëngatë.
Dashurinë…zemra
ka ushqim.

[Jorgo Telo]

MATURI

Arrita në prill-majin
e moshës
Gjendem në zenit.
Di t’ia zbuloj
pluset e minuset
botës…
Vendosa:
Dashurisë t’ia çel derën.
Le të hyjë (brenda meje)
qafuar me pranverën.

[Jorgo Telo]

PAVDEKËSI

Të pavdekshëm – syt’ e mi,
gjersa mbajnë
brenda vetes
sytë e tu.
E pavdekshme – dashuria jonë
Gjithashtu

[Jorgo Telo]

NË PAÇIM

Mund të jem e jotja
një ditë
si flladitja në behar
apo
si prushi në janar.
Shoqi-shoqin në paçim
si drita në sy,
pendesë nuk do kemi
kurrsesi.

[Jorgo Telo]

LODRA NË QIELL

Në ekran të qiellit
mblidhen e hapen retë.
Sa shfaqet Venera,
zhduket një Kometë.

[Jorgo Telo]

HAPUR

Eja, eja, kapma llërën!
Mos më lër
në cak vetmie!
N’gjoksin tënd më ke
të tërën…
Tok të bredhim
nëpër yje.

[Jorgo Telo]

TI, BILBIL!

Ti, bilbil, që rri mbi ftua,
Bilbileshës çfarë ì flet?
Ziliqare
më bën mua.
E kam mikun në kurbet…

[Jorgo Telo]

FRYMËMARRJE

Për të mos e ndjerë
fillikat
veten,
e gjitha një ditë
do të të jepem…
Duke “firmosur”
ardhërinë;
në frymë të shoqi-shoqit
do marrim frymë…

[Jorgo Telo]

SIKUR

Siku të mos qante hidhur
shpirti ynë,
Sikur të mos ì lajmë sytë
me kokrra loti;
Sikur të mos mbetej brymë
mbi blerim;
Kështu do rreknim
të na shkonte moti…

[Jorgo Telo]

DËSHMITARËT

T’ì hedhim matanë
dhimbjet e kota.
Të grishim
më të ëmbëlat
psherëtima.
Për ne të dy
qofshin dëshmitarë
qielli dhe toka.
Ne lypim një dashuri
pa guricka e kthina.

[Jorgo Telo]

DHURATË

Mblodha këngë
kanarinash.
Ndolla ngjyrat e ylberit
dhe aromë trëndafilash.
Po t’ì nis me flatra…
Merri!

[Jorgo Telo]

NË TRI KOHË

(Mendësi vajze)

Do të quhesha mëkatare
në tri kohë:
Edhe kur të t’ì kundërshtoja
Prerazi
dëshirat.
Edhe po të të dorëzohesha
pa përfillur ndjesirat…
Edhe… të heshtja fare…
Tri herë mëkatare.

[Jorgo Telo]

MOSPEZULLTI

Mos më lër
në gjendje të pezullt,
të lutem!
S’do ta duroja aspak
pritmërinë.
Në oazet e zemrës sate
pres të strukem;

[Jorgo Telo]

VOZITJE

Ja, pra,
zemrën ta fala.
Tashmë
më ç’na mungon?
Do ecim
nga të na shpjerë dallga,
apo
të dy
do qëndrojmë
në timon?

[Jorgo Telo]

ZHURITJE

Vendosa
puthjen
të ta nis
jo me të kuq buzësh
si dikur…
Me një puthje-prush
në shteg të dashurisë.
Buzët e tua
të digjen zhur.

[Jorgo Telo]

PËRMIDIS

Zhbiron syri ì Zotit
midis dëshirës
e dashurisë..
E neve të dy
na lidh
me perin e artë.
Zmrat na ì qendis…

[Jorgo Telo]

STATUQUO

S’do doja
ta gëlltis dashurinë,
siç gëlltis tabletat
për gjumë.
Tek je
qëndro më mirë;
tek jam
të rri unë.

[Jorgo Telo]

LIRIDALJE

Përse e mbyll zemrën
me qepena
para e mbrapa?
Si do ta ndiej këngën,
po s’dolën tingujt
përjashta?

[Jorgo Telo]

VEGIMTARE

E bukur je vërtet.
Dhe mbetesh vegimtare
në pasqyrë.
Veç nuk kuptoj:
Pse s’ndihesh e qetë?
Shpirtin ç’ta ka ndrydhë?