Besoj ne Tenzot ATIN E GJITHPUSHTETSHEM...

[Mona]

Besoj ne Zot shume dhe i jam lutur gjithmone per gjithcka, e kam falenderuar dhe i jam lutur te me fali, por kisha ca pyetje per ato qe dine pergjigjen. Per cudi mua me pelqen te lutem kur jam vetem ne dhome ku nuk eshte njeri, per kete arsye shkoj shume rralle ne Kishe dhe kur shkoj me pelqen te shkoj kur nuk ka njeri aty sepse shume shpesh une qaj kur lutem.
-Dhe doja te pyesja do ishte me mire sikur te ikja me shpesh ne kishe?
-Ka disa here qe shoh ne enderr Krishtin qe flet me mua dhe Zojen E Bekuar, do kete ndonje domethenie kjo gje??
-Tjeter, me pelqen te them Rruzaren, urate por nuk di sesi ?
- Dua te rrefehem, por nuk di kur me duhet te shkoj per kete gje, para/pas Meshe te dielave apo cdo dite jave ?

[marcus1]

Mona,

Nga letra jote duket se e don shume Zotin me zemer dhe kje eshte me te vertete nje gje e bukur. Vashdo ta duash ate dhe ti lutesh Atij sic edhe me pare dhe do te te keshilloja per te gjitha ato pyetje qe ben ketu tja besh edhe Atij. Mos harro se Ai eshte Ati yt dhe de don ty me shume se te gjithe neve.

Megjithate do doja te jepja edhe mendimin tim. Le te filloj nga pyetja jote e fundit. Ti vete ne titullin e letres tende e quajte Zotin Ate. Pra ti je nje nga femijet e Tij. Tani, imagjino ne nje familje te shendoshe femijet duke i folur Atit. Mendon ti se perpare se ata ti flasin babait te tyre do te veshin rrobat me te mira, kostumin e ri dhe pastaj me shume frike te paraqiten para tij duke i thene me fjale qe kane mesuar permendsh se sa shume e duan ate? Apo sa ta shohin qe vjen nga puna ti hidhen ne qafe dhe ta perqafojne fort dhe ti thone sa shume e duan. Une jam baba vete dhe e provoj shpesh dashurine qe me shpreh femija im.
Besoj pra se te njejten gje don edhe Ati yne qiellor. Mos harro se Ai jeton brenda teje dhe e vetmja gje qe pret prej teje eshte ti thuash sa shume e don, ti tregosh problemet e tua, nga me te voglat deri tek ato me te medhajat, ashtu sic nje femije mund te beje me prinderit e tij, pra ne menyren me te natyrshme. Mund te jesh kudo dhe aty ku te pelqen ty me shume. Ne dhomen tende, ne rruge, ne pyll, ne plazh dhe kudo tjeter, ashtu sic edhe ne kishe. Persa i perket rrefimit, kur shkon femija tek babai i tij ti thote se kam bere faj? Atehere kur kupton se ka bere fajin. Ku? Atje ku eshte Babai. Ku eshte Babai yt? Ne zemren tende. (Per kete mund te te dergoja shume vargje nga Bibla, por nuk po e bej se do doja ti gjesh ti vete keto vargje.)

Dua te mundohem tani ti pergjigjem pyetjes tende te pare. Me te thene te drejten kam kaq shume gjera per te thene por nuk di si tja nis. Une do te te them disa gjera qe sado te cuditshme te te duken ty duhet te dish se Bibla i ka thene me pare ose me mire per ta korrigjuar Krishti dhe apostujt e tij. Problemi eshte se ti me sa kam kuptuar nuk ke njohori te bibles ose/dhe nuk je ndodhur asnje here ne kisha ashtu sic me te vertete kan qene ne shekullin e pare. Kjo vetem nuk pengon aspak te duash Zotin me gjithe zemer ashtu sic ti e don, gje qe e kuptova nga letra jote.
Ne rralle te pare dua te them se kisha nuk eshte nje godine por nje grup njerezish qe kane besuar ne Krisht dhe mblidhen se bashku per ta adhruar ate me zemer te paster dhe te thjeshte. Ky grup njerezish i kendojne Atij, i luten, e falenderojne, i kerkojne, i deklarojne Atij dashurine qe kane per te, i deklarojne neri-tjetrit per dashurine qe kane per njeri-tjetrin, si dhe per dashurine qe Krishti ka per ta dhe gjithasht kalojne probleme se bashku ashtu sic edhe nje familje. Fatkeqesisht termi kishe ka ndryshuar sot dhe shumica e njerezve mendojne se Kisha eshte nje godine.

Nuk mund te te them dot tani per tani me shume se kam frike se mos do te te ngaterroj me shume se sa te qartesohesh, megjithate akoma edhe sikur mos ti kuptosh keto gjera qe une po te shkruaj ose te mos jesh dakort, nje gje dua te te lutem ne emer te Krishtit. Vashdo ti lutesh Atij me zemer dhe ... me lot ashtu si thua ti.

Deri atehere lutem qe Krishti qe banon ne ty, te te zbuloje ato gjera qe jane per lavdine e Tij dhe vetem, te zbulohet ne ty dhe te rritet ne ty. Kam besim shume te madh tek Ai dhe vetem.

vellai yt ne Krisht,

liveintwoplaces.

P.S. Persa i perket enderrave te tua me ler te jem i sinqerte me ty dhe te te them se nuk di te te pergjigjem.

[Shpresmiri]

Mona, në rend të parë të falënderoj për këtë dëshmi të bukur të fesë. Nga shkrimi yt shoh se e ke një nderim të veçantë ndaj Zojës së Bekuar, veçanërisht e përmende Rruzaren. Kjo më lë të kuptoj se sipas gjitha gjasash je katolike. Mirëpo, nuk dëshiroj të të bezdis më thellë edhe pse është me rëndësi se ku bën pjesë.

Zoti i ka planet me secilin njeri në këtë botë. Sa më shumë njeriu t`i lejojë Zotit të hyjë në zemrën e vet aq më shumë kuptim do të gjejë në jetën e vet, edhe në vështirësi do të gjejë dritë. Sigurisht se ne nuk e ndjejmë vehten gjithmonë të lumtur. Vijnë periudha kur nuk dijmë kah t`ia mbajmë. E pra, kohërat e lumtura duhet të na përgatisin për vështirësitë e jetës. Në vështirësi do t`i kujtojmë bamirësitë e Zotit ndërsa në gëzim do t`i kujtojmë mangësitë personale që ato t`i shmangim sa të jetë e mundur.

Sa për vajtje në Kishë me siguri i di Urdhërimet e Tenzot. I treti thotë: Festoje ditën e diel e ditën festë të urdhëruar. Ne kemi nevojë për bashkësi, pasi jemi qenie shoqërore. Kuptohet lutja private është më se e nevojshme. Mirëpo, ana e brendshme duhet të përshtatet edhe me atë të jashtme. Kështu që nganjëherë ndoshta edhe do të duhet diçka të sakrifikosh në dobi të të gjithëve. E mira është për të gjithë dhe ajo ndahet.

Unë lutjet/uratën e Rruzares këtu nuk po ta shkruaj detajisht (vetëm nëse kërkon) por po të udhëzoj në një adresë interneti ku gjinden thjesht e qartë lutjet themelore që duhet t`i dijë çdo besimtar (katolik): www.misioni.hr
Aty shkon te linku në gjuhën shqipe, pastaj zgjedh kutinë "katekizmi" e do të shohësh vet udhëzimet e mëtutjeshme.

Ka rëndësi të madhe se a jeton vet apo me familje. Ndodhë që edhe vet familja shpesh herë ta lë anash praktikimin e fesë e kështu ndoshta as vetë nuk dijnë të të udhëzojnë. Mirëpo shumë varet edhe prej shokëve apo shoqeve tua që mund të të udhëzojnë konkretisht në vendin ku jeton se ku të shkosh të rrëfehesh. Rrëfimi është mjeti më i mirë për pajtimin me Zotin. Pikërisht kërkesa se dëshrion të rrëfehesh/të pendohesh më bën të kuptoj se me të vërtetë Shpirti Shentë të ka prekur.

Rrëfimi është i nevojshëm edhe për tu kunguar në meshë: për ta marrin Krishtin në zemër (po flas nëse je katolike apo ortodokse). Me rrëfim ne pendohemi për mëkate dhe jemi të gatshëm ta pranojmë Zotin që të mbretërojë në zemrën tonë (pra njëherë pendohemi pastaj kungohemi).
Punët e nevojshme për tu rrëfyer mirë i ke të shënuara në linkun që ta përmenda / atje te katekizmi.

Zoti me ty!

[Astrit77]

Mona, ne radhe te pare te uroj shendet dhe gjithe te mirat kudo qe te jesh (ne shkolle, apo ne pune).

Me pelqen kur lexoj se ti beson ne Atin, Perendine e gjithepushtetshme, kjo tregon se ti ke deshire te njohesh Perendine dhe per nje gje te jesh e sigurte, kur i lutesh Atij me gjithe zemer, Ati i degjon lutjet dhe Ai pergjigjet ne menyren me te mire qe mund te jete. Ndonjeher ne nuk i kuptojme keto pergjigje, por me kalimin e kohes shohim supremacine e Zotit dhe gjithdijshmerine e Tij.
Ne Bibel thuhet se njeriu nuk rron vetem me buke, por me cdo fjale te Perendise, prandaj une te keshilloj qe te gjesh nje pergjigje te vertete te pyetjeve te tua duhet te lexosh Biblen dhe vazhdo ti lutesh, Zotit.Ashtu sic tha edhe "liveintwoplaces", kisha nuk eshte nje godine, ose nje vend ku eshte varur nje kryq i madh, por kisha e vertete e Perendise se gjalle, jane te gjithe besimtaret, te gjithe ata qe kane pranuar Jezu Krishtin si Zot e Shpetimtar, dhe ne Bibel thuhet se Kisha eshte Trupi i Krishtit dhe Krishti, Kreu i saj. Sigurisht qe eshte nje simbol, por qe na tregon ne, se ashtu si nje trup nuk mund te funksionoje sic duhet n.q.s. jo te gjitha pjeset e tij nuk bashkeveprojne se bashku, po ashtu edhe besimtaret duhet te mblidhen se bashku dhe te perlevdojne Zotin, per mrekullite qe Ai ka bere per secilin prej tyre.
Keshilla ime eshte, lexo Biblen, lutu dhe shko ne kishe, dhe kerkoje Zotin me gjithe zemer, dhe Ai do te shfaqet me gjithe lavdine e Tij dhe do te tregoje se sa shume ti vlen per Te dhe sa shume Ai te do. Gjoni 3:16 :

Sepse Perendia e deshi aq boten, sa dha Birin e tij te vetemlindurin, qe, kushdo qe beson ne te, te mos humbase, por te kete jete te perjetshme.

[Mona]

Faleminderit per pergjigjet tuaja, pak a shume e lexova ate qe po kerkoja. Qe tu ve ne dijeni, une jam katolike. Arsyeja pse nuk shkoj shpesh ne kishe, me shume eshte se e di se pa dashur ndoshta nganjehere me terhiqet vemendja nga njerezit qe jane aty, dhe kur jam vetem me duket se ia dedikoj ate kohe ndergjegjshem, Zotit . Kam lexuar Beselidhjen E Re disa here dhe ka pak kohe qe kam filluar te lexoj Biblen dhe aty po gjej shume pergjigje qe nuk i kam ditur. Prinderit e mi i kam shume besimtare, sidomos mamane dhe ajo cuditet pse nuk shkoj me shpesh ne Kishe, pamvaresisht se ajo nuk e din se une lutem kur jam vetem.
Shpresojme ne Zot sepse Ai eshte i vetmi qe na don dhe na ndihmon.

[Tironci]

ju pershendes te gjithve juve... une per pak kohe do te pagezohem...eshte nje ndjenje shume e bukur. Besoja ne Zot qe kur isha i vogel, pavarsisht se nuk kisha fe, ju e dini shume mire si ka qene shqiperia para viteve 90...Shyqyr qe tani na u dha mundesia qe te njofim te verteten...