Pa Drita

[Shiu]

o Deep_Blue, ke ndermend t'i ndezesh dritat me ndonje poezi te re, apo do te mbesim ende ne terr? C'thua?

[deep_blue]

Postuar më parë nga Tahox
o Deep_Blue, ke ndermend t'i ndezesh dritat me ndonje poezi te re, apo do te mbesim ende ne terr? C'thua?

KUR TE KESH VIZITUAR TE GJITHE DAJALLARET
TE GJITHE ATA QE I DESHE DHE TE DESHEN
NE QYTETIN TIM EJA MIKE

PATJETER TE TAKOHESH ME VJESHTEN


ME SHPEJT SA S'KANE ARDHUR DRITAT!!!

[deep_blue]

Mi numëro puthjet dhe ik
Në këtë fillim lufte

Unë kam kundërajrorë të plogësht
Dhe ti fluturaket e dobëta i ke

S’mund ta mundim kurrë njëri-tjetrin
Deri në pafund po s’lidhëm dot një paqe

Sigurimin tënd shkatërroje
Se s’kam pasaportë për të ikur

Marr baltën dhe bëj një rruzull të ri tokësor
Dhe ëndërroj diku aty për të pikur

Kufinjtë s’i ndajmë dot me njëri-tjetrin
Ka zemër që ndahet me atë vijë

Se më kurrë s’mi njeh hapat e grisur rrugëve
As fjalët e shpeshta po vij

Mblidh mjetet e luftës dhe rri mënjanë
Alarmet e sulmit kaluan

G
A
T
I
T
U

Përshëndet me dorën në buzë
Tani po vij i lodhur tek ti


USHTRIMET E LUFTËS MBARUAN

[deep_blue]

Në vjeshtë kreve kursin e gjermanishtes
Në pranverë fillove të mësosh italisht
E neve ka kohë që po na hanë dimrat e kryeqytetit
E s’ është punë të merremi vesh dot shqip

[deep_blue]

Të lexoje ditarët jetim
Dhe të plasje së qari
Ja ç’të bëje
Nëse guxoj të flas
Ti më ke urrejtur tërë natën
Derisa nuk më ke takuar në rrugë

[deep_blue]

ETNICUM ALBANICA

Të mësova si mund të më mbysësh një natë pa zhurmë
U bëra tradhtar i vetvetes

Të mësova atë natë ( pa drita) të më mbysësh tmerrësisht në heshtje
U bëra tradhtar i shitur dashurie

Etnikumit duhet t’I jap raport
Kurrë nuk e ka ditur ç’është vetëvrasja

[macia_blu]

hej'
blue...............

[deep_blue]

hej macia

[deep_blue]

Njëri-tjetrin gjuajmë
Me brymë e pështyjmë
Mallin e vetmisë e lidhim konop
Helmin dikur vonë
Diku e lëpijmë
Prej kur njëri-tjetrit
Zumë ju bëmë rob

I përnbysëm rrugët
Sikur pa të keq
Vajin me ngadalë
Zhugë ia bëjmë në faqe
Hjekim shumë më tepër
Më rëndë se një dreq
Prej se kur e shkelëm
Urën me dy harqe

Pagëzimin tonë
Shpesh e kthejmë në lojë
Dhe vrapin e marrim
Përdrejt ndonjë fushe
Kur humbim llahtarshëm
Shpeshherë pa nevojë
E kërkojmë me emrin
Nanush e nanushe

E djegim vetminë
Me rimën e puthjes
E ngrehim e vëmë
Tutje në harresë
Veteveten e gjuajmë
në hyrjen e lutjes
dhe diku takohemi
aty me pendesë

Na pret me ngadalë
Nyjë e jetës sonë
Me zili të pastër
Verigë dashurie
Secila jashtë vetes
Na bëhet verdhomë
Gjurmë vdekur mbetur
Në mit miturie

[macia_blu]

pa drita , po te shikosh
pervec asaj qe po nan bejne nen besen tone
duke na e shkelur e peshtyre
mos u cudit mik i dashur
mbas shpine do kesh nje thike te ngullur tejepertej
e dritat nuk kane me pse te vijne
errresira vazhdon
e gjaku i dhimbjes nuk ndalet
as atehere kur thika eshte ndryshkur.