Zyrtare / Hamdi Salihi ne Amerike te DC United
Hamdi Salihi i ka dhene fund spekullimeve per te ardhmen e tij. Ai do te vazhdoje karrieren ne kontinentin amerikan, ne ligen superiore te ketij vendi, Major League Soccer.
Ashti sic lajmeroi faqja jone dje, drejtuesit e skuadres nga Washinton, kishin nisur kontaktet per sulmuesin shqiptar me skuadren e tij Rapid Viena. Tratativat u nisen me ndihmen e Branko Boshkovic, lojtar i DC United qe ka luajtur me pare me Salihin te Rapid.
Lajmi behet i ditur nga faqja zyrtare e DC United qe lajmeron firmen e sulmuesit shkodran. Ai do te marre statusin e "Designated Player", nje term qe perdoret per ata lojtare qe paguhen me me shume se $415,000 ne vit. Klubet amerikane kane nje tavan per rrogen totale te skuadres dhe nepermjet ketij rregulli vetem $415,000 llogariten kundrejt ketij limiti e me pas klubi mund te paguaje edhe me shume.
Mendohet se Salihi do te perfitoje mbi $500,000, por shifrat financiare te kontratave zakonisht nuk publikohen nga klubet amerikane. Ai do te kete nje kontrate dy vjecare me nje opsion nga klubi edhe per nje vit te trete, ben te ditur menaxheri i lojtarit, Dejan Drobnjak, qe jeton ne New Jersey.
DC United gjithashtu ka paguar edhe Rapidin por shume nuk behet e ditur. Megjithate mendohet te jete rreth cmimit qe ofroi edhe skuadra kineze, pra rreth $500,000 per kartonin e Salihit. Kontrata e tij skadonte ne fund te sezonit.
Salihi do ti bashkohet zyrtarisht skuadres se re pasi te marre vizen e punes P-1, Certifikaten e transfertes nderkombetare si dhe te kaloje kontrollin mjekesor, gjera te zakonshme per nje transferte ne Amerike.
"Jemi te kenaqur qe arritem te sjellim ne Amerike dhe sidomos te skuadra jone nje sulmues si Salihi" tha menaxheri i DC United Dave Kasper. "Ai eshte nje shenues i shkelqyer dhe ka treguar se di te shenoje ne cdo nivel qe ka luajtur. Jemi te sigurte qe ai do te jete nje pjese e rendesishme e skuadres tone dhe mezi presim qe ta shikojme ne fushe ne mars".
Hamdi Salihi ka shenuar 163 gola ne 289 ndeshje zyrtare qe ka luajtur, nje mesatare mjaft e mire.
Hamdi Salihi eshte afruar te DC United per te zevendesuar Charlie Davies, lojtar amerikan qe ishte ne huazim nga Sochaux dhe qe u kthye tashme ne France.
DC United eshte klubi me i mire ne historine e kampionatit amerikan MLS, duke fituar trofeun kater here, me shume se cdo skuader tjeter.
Ne MLS luan edhe nje shqiptar tjeter qe eshte pjese e skuadrave te moshave te Amerikes, Dilaver Duka. (FutbolliShqiptar.net)
Krijoni Kontakt