SOPA dhe PIPA -Fundi i fjales se lire dhe prag fashizmi

[Darius]

Nuk e di se sa prej antareve te ketij forumi kane njohuri se cfare eshte SOPA (Stop Online Piracy Act) dhe PIPA (Protect IP Act), dy legjislacionet e reja te propozuara ne Amerike ne te dyja instancat e saj legjislative, ate te Senatit dhe Kongresit. Perpara se te jap nje informacion paksa me te detajuar po them vetem nej fjale: SOPA eshte rreziku me i madh qe i eshte kercenuar ndonjehere fjales se lire, kete rradhe me propozim te qeverise amerikane.

SOPA dhe PIPA, te dyja jane prezantuar nga politikane te cilet subvencionohen nga sasi te medha parash te gjeneruara prej gjigandeve te mediave dhe keto te fundit kane qene dhe mbeshtetesit kryesor te ketyre politikaneve per te zene postet ne zyrat qe kane ne Washington. Qellimi eshte qe te bllokohet aksesi ne faqet "jashte" Amerikes te cilat mundesojne shperndarje te permbajtjeve pirate si filma, muzike, foto, fjale etj. Pra nese legjislacioni i propozuar shnderrohet ne ligj atehere kjo i mundeson qeverise qe te bllokoje cdo webfaqe te tille kujto ne Amerike, e gjitha nen ombrellen e nje ankese sado te vogel per vjedhje autoresie ose copyright. Parimisht kjo duket dicka normale por analistet legale me eksperience ne kete fushe e thone njezeri se pjese "te pagenjeshtert" te SOPA dhe PIPA mund te perdoren lehtesisht per te bllokuar legalisht aksesin neper domain qe zoterohen dhe operohen brenda SHBA-se.

Psh, nese nje permbajtje domain "ilegale" eshte bllokuar dhe nje antar i Forumit Shqiptar poston adresen IP te web serverit te domain, nje ankese e vogel mund te shkaktoje mbylljen e forumit shqiptar per gjithe territorin amerikan. Ose nese dikush poston nje lidhje ne Forumin Shqiptar te nje plug in i Firefox i cili siguron nje menyre alternative aksesi neper faqet e bllokuara (nje e tille eshte duke u krijuar), nje ankese sado e vogel serisht mund te bllokoje forumin ne gjithe territorin amerikan. Me pak fjale, nese nje faqe poston nje lajm, sidomos breaking news i cili nuk pasqyrohet nga massmedia zyrtare, opinione ose video qe kompromentojne nje qendrim zyrtar, demaskojne nje skenar te caktuar apo.... (klasifikimet jane te pakufijta) atehere ato bllokohen lehtesisht nen ombrellen e ketyre dy ligjeve (nese behen te tilla).


Kjo ishte thjesht nje permbledhje fare e shkurter dhe e shpjeguar thjeshte per te qene me e kuptueshme per ata antare qe nuk e dine. Mund te ndiqni materiale me te detajuar ne gjuhen angleze ne keto lidhje:

SOPA: paving the road to American Fascism

Tech entrepreneurs attack SOPA on the eve of markup

Google, Amazon, Facebook, and Twitter considering “nuclear option” to protest SOPA

SOPA, Freedom, And The Invisible War

SOPA: The New American Censorship?

SOPA/PIPA Copyright Bills Also Target American Sites



Po ashtu mund te ndiqni dhe kete video rreth 21 minuta qe jep nje pasqyre edhe me te qarte te problemit.

[Alti Elezi]

Ne fakt kisha ca kohe qe po degjoja per nje ligj te tille,por me sa shoh qenka bere gati per tu miratuar tashme cdo gje eshte nen kontroll ligjerisht,sepse te kontrolluar kemi qene gjithe kohen.....ne vazhdim mund te jete nje material jo per ligjin por mbi kontrollin qe kemi patur,mund ta fshihs nqs te duket qe nuk ka lidhje me temen....

ECHELON

Echelon, projektuar dhe administruar nga NSA është përdorur për të përgjuar e interferuar gjerat e zakonshme e-mail, faks, teleks dhe thirrjet telefonike që shkojne në rrjetin e telekomunikacionit botëror. Ndryshe nga sistemet më të zhvilluara për spiunazh gjatë Luftës së Ftohtë, Echelon është projektuar për objektiva jo ushtarake,civile ne ndhihme: si qeveri, organizata, kompani, grupet dhe individët në pothuajse çdo pjesë të botës. Janë potencialisht subjekt i monitorimit të gjitha komunikimet mes njerëzve tënga nje shtet në tjetrin.
Sistemi punon pa dallim intercepting duke marre sasi sasi shumë të madhe të informacionit duke përdorur kompjuterin, është atëherë në gjendje të nxjerrë mesazhet nga kompjuterat e të tjerëve materiale me interes e pa interes. Ajo 'është organizuar si nje një zinxhir struktural dhe kap gjithe planetin për të monitoruar rrjetin global. Disa strktura kontrollojne dhe monitorojne satelitët,te tjeret rrjete e komunikimit ne tokë dhe komunikimet e tjera radio. Kompjuterat jane vendosur në çdo stacion të sistemit të Echelon duke kërkuar nëpërmjet miliona mesazheve dhe per te zbuluar gjithcka ato qe përmbajnë fjalë kyçe,dhe qe duken interesante. Fjalë kyçe përfshijnë të gjitha emra, vende, subjekte, etj. që mund të përmbahen në mesazhe "interesante". Çdo fjalë e çdo mesazhi kapur është skanuar automatikisht dhe telefoni, e-mail ose me faks duhet të jetë në listën e "të kontrolluar", por edhe nëse ato vijnë nga çdo përdorues tjetër ose dhe nga natyra e mesazhit.
Mijëra e mesazheve te kontrolluara lexohen në "kohë reale", pasi ato vijnë në stacion, orë pas ore, ditë pas dite dhe kompjuterët janë në gjendje të gjejnë "gjilpërën ne kashte" midis miliona telekomunikacioneve.
Nje Thirrje telefonike në të cilën është shqiptuar një fjale kapet automatikisht nga kompjuteret e të tjere dhe regjistrohet në mënyrë dixhitale në shirita magnetikë për shqyrtim nga analistët në selinë.Qendrore te Echlon.
Kompjuterët në stacionet e gjithë bota janë quajtur "Dictionary". Ata kane ekzistuar së paku që nga viti 1970, por sistemi Echelon është projektuar nga NSA për të ndërlidhur të gjitha këto terminale të ndryshme dhe qe t’ju lejojë stacioneve të funksionojë si komponent i vetem të një sistemi të integruar.
Traktati UKUSA (e cila qëndron për Mbretërinë e Bashkuar-dhe Shtetet e Bashkuara) Marrëveshja e Strategjisë, eshte një pakt bashkëpunimi në mbledhjen e "Signal Intelligence" në vitin 1948, ekzistenca e te cilit asnjëherë nuk është konfirmuar zyrtarisht nga pesë anëtarë të tij: amerikanja NSA, GCSB (Government Communications Security Bureau) të Zelandës së Re, GCHQ britanikja (Government Communications Headquarters), CSE Kanadasë (Communications Security Establishment) dhe DSE e Australise (Defence Sig).
Aleanca është krijuar nga përpjekjet bashkëpunuese per te nderprere transmetimet radio gjatë Luftës së Dytë Botërore dhe të drejtuar kryesisht kundër Bashkimit dhe Republikave Socialiste Sovjetike.aleateve te saj.
Echelon bashkepunon direkt me bazat si......
Stacion satelitor përgjimit në Waihopai është ne Zelanden e Re (South Island)
Stacioni britanik është e vendosur në majë të shkëmbinjeve me pamje nga deti në brigjet e Mowenstow. Ne Cornovaglia
Stacioni NSA është e vendosur në Sugar Grove, në malet e West Virginia.
Një tjetër është e vendosur në shtetin Washington, 200 kilometra në jugperëndim të Seattle, ne bazen Yakima Firing Center.
E. Fundit është Geraldton në Western Australia. Vendet e tyre gjeografike të sigurojnë nje mbulim global të Globit.
Përveç komunikimeve satelitore,internetit dhe radiove, keto baza transmetojne dhe lidhen nepermejt nj-tjetrit dhe me anete kabllove nënujore, të cilat kalojnë nën oqeanet dhe rrjetet me mikrovalë mbi tokë,kur ato dalin mbi toke(kabllot)ato jane nen nje mkiqyrje teper te madhe per shkak te rendesise dhe informacioneve qe percjellin......
Undo edits

[VOLSIV]

>> Kontrolli total, ne te gjitha kuptimet po afrohet gjithmone e me shume.
> Ketu behet fjale per nje situate aspak te lire ku secili prej nesh nuk mund te shkembeje mendim me dike ne nje situate te veshtire ne te ardhmen.
> Ky ligj me duket sikur kerkon ti kthej njerezit ne ishuj ku te mos kene mundesine te komunokojne me njeri tjetrin.

[Darius]

Ja si mund te duket nje faqe e bllokuar nga SOPA

[EuroStar1]

Parimisht jam dakord me kete ligj. D.m.th te respektohet ne menyre te padiskutuar e drejta e autorit. Tjetri ka derdhur munde, para,kohe dhe cdo gje tjeter.... ndersa une me dy veprime ti mar cdo merite (bile duke fshehur dhe burimin ) dhe te potencoj nje faqe web-i qe nuk ka ber gje tjeter vecse ka blere nje domain , host dhe nje script...

Ne fakt eshte pak e ngaterruar per tu menaxhuar nje gje e tille, pasi askush nuk mund ta mbaje nen kontroll psh nje forum me 50.000 antare ( si shembull kjo )

Por une jam pro keti ligji nese behet fjale per web faqe paralele.

[Albo]

Ligji ne fjale ka ne thelb te tij nevojen e respektimit te te drejtave te autorit edhe ne Internet. Mbeshtetesit kryesore te ligjit jane studiot e filmave ne Hollywood, kompanite mediatike, dhe kompanite e prodhimit te software. Shqetesimi i tyre? Pirateria ne Internet. Dhe kane plot te drejte qe te kerkojne nje ligj te tille, pasi cdo vit keto kompani humbin miliona $ nga pirateria e prodhimeve te tyre ne Internet.

Per shembull: nje filem si AVATAR qe te prodhohej kushtoi $500,000,000. Studio e filmit X duhet te gjeneroje te pakten aq leke nga shitja e filmit, ne menyre qe te paguaje kredine qe ka marre per prodhimin e filmit, dhe pjesa tjeter eshte fitim. Por nese dikush e hedh kete filem per shkarkim ne Internet dhe shkarkohet nga miliona njerez falas, kompania nuk do te arrije te mbuloje koston apo nxjerri fitim. Rezultati? Ajo studio nuk do te prodhoje me filma te tille me nje kosto kaq te madhe ne te ardhmen, pasi pirateria nuk do ta lejoje qe te rekuperoje koston e prodhimit e te dali me fitim. Filmi mund te jete i shkelqyer, te gjithe e pelqejne, por studio do te dali me humbje.

E njejta gje edhe me software ne vende si Kina dhe India. Kompani si Microsoft qe shesin software dhe licensat e tyre, nuk arrijne te shesin dot produktet e tyre, pasi ne shumicen e rasteve, keto software instalohen pa licensa dhe jane te marra me pirateri. Dhe jo vetem kaq, por pirateria e software lejohet edhe nga shteti kinez, i cili nuk nderhyn qe te ndaloje apo ndeshkoje keto shkelje te ligjeve.

Si rezultat, studiot e kompanite humbin leke te medha nga pirateria. Kjo do te sjelle ne uljen e prodhimeve te filmave dhe software, aktoret dhe inxhinieret qe paguhen per te prodhuar keto gjera nuk do te kene me pune pasi perse duhet te punosh kur nuk mund te fitosh? Dhe konsumatori nuk do te kete me shume mundesi per te zgjedhur kur vjen fjala tek filmat dhe emisionet televizive. Askush nuk prodhon filma e emisione kur tregun e dominon pirateria. Te gjithe dalin te humbur.

Fushata kunder SOPA eshte e sponsorizuar nga te medhenjte, Google, Facebook, Yahoo, Amazon

Shtysen me te madhe kunder ketij ligji e kane kompanite e medha te Internetit, qe rendita me lart. Motivet e tyre te verteta nuk jane "mbrojtja e lirise se fjales dhe inovacionit ne Internet", por thelbi i opozites se tyre ndaj ligjit eshte se keto kompani nuk duan qe te jene te rregulluara e kontrolluara me ligj si gjithe kompanite e tjera private qe veprojne ne territorin e vendit, SHBA. Per gati 2 dekadat tashme, kompanite qe veprojne ne Internet, nuk kane qene te rregulluara me ligj dhe kane gezuar priviligje e lehtesira ligjore qe nuk i gezojne kompanite e tjera private ne vend. Shembulli konkret: Amazon nuk paguan takse per shitjen, per shitjet qe behen ne faqen e saj te Internetit. Kurse ai dyqani i vogel poshte pallatit qe shet te njejtin produkt si Amazon, paguan 6-10% takse, varet nga shteti qe ben pjese. A eshte kjo e ndershme? Sigurisht qe nuk eshte e ndershme.

Keto kompani te medha po perdorin perdoruesit e thjeshte te Internetit, interesi i te cileve eshte "pirateria" (shkarkimi i gjerave falas), me moton e "mbrojtjes se lirise se fjales se lire ne Internet", per te sensibilizuar njerezit dhe per te ndalur keto ligje nga aprovimi ne Kongresin amerikan. Dhe jo vetem kaq, por kane sponsorizuar edhe "bojkotin" e te gjitha atyre kompanive ne Internet qe mbeshtesin SOPA.

Se pari, mbrojtjen e lirise se fjales se lire ne Internet apo ne jeten reale, nuk e garanton Google apo Facebook, e garanton ligji themeltar i ketij vendi, Kushtetuta, dhe e mbrojne gjykatat e ketij vendi. Askush nuk ia ka caktuar kete detyre "Google" apo "Facebook".

Se dyti, garancine per mbrojtjen e lirive te mia si qytetar, nuk e ofron Google apo Facebook, e ofrojne gjykatat e vendit ku banoj. Sipas kontrates se perdorimit e ketyre kompanive te mesiperme, ato rezervojne te drejten qe ta mbollojojne mua llogarine time me ta, sa here qe e shohin te arsyeshme, pa me dhene mua fare shpjegime. Dhe une si perdorues i thjeshte, nuk kam te drejte te apeloj apo mbroj te drejten time, por thjeshte me duhet te gjej nje sherbim tjeter alternativ ne Internet. Kurse kur vjen fjala tek nderhyrjet e shtetit, nese shteti merr nje vendim, me nje vendim gjykata per te bllokuar faqen X, shteti eshte i detyruar me ligj qe te me japi mua arsyen se perse u bllokua, ligjin ne fjale qe u shkel, dhe une kam te drejten ta apeloj kete vendim ne gjykate, ku nje gjykates do te marri ne gjykim ceshtjen dhe gjykoje nese vendimi i shtetit ishte i drejte.

Me pak fjale, Interneti nuk mund te lihet me te funksionoje si xhungel, ku ligjet qe ne te gjithe respektojme ne jeten reale, ti shkelim me vetedije ne jeten virtuale. Edhe Interneti ka nevoje per rregulla e ligje, qe per qellim nuk kane "kontrollin" e tij, por kane mbrojtjen e interesave te te gjitha paleve: kompanive, perdoruesve. Dhe rregullimi i Internetit eshte i pashmangshem. Ceshtja nuk duhet shtruar se duhet rregulluar me ligj interneti apo jo, dhe as nese jeni pro apo kunder SOPA, por te gjitha palet, duhet te ulen e japin kontributin e tyre, ne menyre qe ligji perfundimtar, eshte i pranueshem per te gjithe: si per kompanite mediatike, si per kompanite e medha te internetit, si per lirite e qytetarit e perdoruesit te Internetit.

Nje Internet i rregulluar sic duhet, do te rriti kredibilitetin e tij ne syte e perdoruesve edhe me shume, dhe do ta beje funksionimin e tij edhe me te kendshem. Do te ndihmoje jashte mase jo vetem me piraterine, por edhe me probleme si spam, pornografi, probleme sigurie.

Albo

[paridi26]

eshte per te ardhur keq se disa persona mendojne se ky ligje eshte vetem kundra piraterise.dhe kjo nuk eshte vetem per usa porse edhe ne be po behet dicka e tille.rrofte demokracia

[Albo]

eshte per te ardhur keq se disa persona mendojne se ky ligje eshte vetem kundra piraterise.dhe kjo nuk eshte vetem per usa porse edhe ne be po behet dicka e tille.rrofte demokracia

Ligji ne fjale ka fuqi veprimi vetem ne SHBA dhe ndikon vetem kompanite qe jane te regjistruara ne SHBA apo operojne ne SHBA, dhe te gjithe perdoruesit e internetit ne kete vend. Nese kompani te ndryshme piraterie apo pornografike, vene e hapin biznese ne vende te tjera jashte territorit te SHBA, ky ligj vepron duke u bllokuar aksesin te gjithe perdoruesve ne SHBA ne ato faqe, pasi jane te paligjshme dhe shkelin rregullat e vendit. Pirateria eshte nje problem. Pornografia, pedofilia dhe prostitucioni nderkombetar qe Interneti lehteson eshte nje tjeter problem.

SHBA do te japi shembullin e saj ne menyre qe vendet e tjera te marrin masa te ngjashme. Cdo shtet ka te drejte te rregulloje me ligj Internetin, ashtu sic rregullon me ligj cdo aspekt tjeter te jetes ne ate vend.

Albo

[Qyfyre]

Qellimi kryesor eshte i drejte, por sigurisht qe ashtu si me cdo ligj tjeter, mund te kete edhe perdorim per gjera jo aq te drejta. Eshte dicka e nevojshme se programe, filma, kenge e lloj lloj gjerash te tjera, per te cilat harxhohen miliona per tu prodhuar, mund te gjehen ne internet pothuajse gjithmone falas.

Nuk eshte mire per mua personalisht, se mbase s'do me ler te vjedh ato programe apo te marr ato kenge te dua, por eshte nje ligj i nevojshem.

Deri tani, faqet e vetme qe kam pare te bllokuara kane qene faqe qe japin ilegalisht ndeshje futbolli ne internet.

[paridi26]

Ligji ne fjale ka fuqi veprimi vetem ne SHBA dhe ndikon vetem kompanite qe jane te regjistruara ne SHBA apo operojne ne SHBA, dhe te gjithe perdoruesit e internetit ne kete vend. Nese kompani te ndryshme piraterie apo pornografike, vene e hapin biznese ne vende te tjera jashte territorit te SHBA, ky ligj vepron duke u bllokuar aksesin te gjithe perdoruesve ne SHBA ne ato faqe, pasi jane te paligjshme dhe shkelin rregullat e vendit. Pirateria eshte nje problem. Pornografia, pedofilia dhe prostitucioni nderkombetar qe Interneti lehteson eshte nje tjeter problem.

SHBA do te japi shembullin e saj ne menyre qe vendet e tjera te marrin masa te ngjashme. Cdo shtet ka te drejte te rregulloje me ligj Internetin, ashtu sic rregullon me ligj cdo aspekt tjeter te jetes ne ate vend.

Albo

ky o zoteri eshte nje ligje i felliqte dhe cilido njeri qe e lexon si ligje e kupton kete.

ja po te jap nje shembull.

nese ne youtube publikohet nje film i warner bros,warner bros e denoncon faktin ne vendin perkates ,sipas ketij ligji autoriteti perkates ka te drejte te mbylli youtube.

eshte e drejte kjo sipas teje???

[Albo]

ky o zoteri eshte nje ligje i felliqte dhe cilido njeri qe e lexon si ligje e kupton kete.

ja po te jap nje shembull.

nese ne youtube publikohet nje film i warner bros,warner bros e denoncon faktin ne vendin perkates ,sipas ketij ligji autoriteti perkates ka te drejte te mbylli youtube.

eshte e drejte kjo sipas teje???

Autoriteti perkates nuk e mbyll youtube. Ata marrin ankesen nen shqyrtim, kontaktojne kompanine qe ka youtube, ne kete rast Google, dhe i thone qe duhet te heqesh menjehere ate filem nga faqja tende pasi je duke shkelur te drejtat e autorit. Vetem nese Google apo cdo faqe nuk e heq nje gje te tille, vetem atehere mund te bllokohet aksesi i asaj faqeje.

Ligji nuk eshte hapur per te penalizuar kompanite e faqet qe respektojne ligjet e atij vendi, por per te penalizuar kompanite fantazma, aktiviteti i te cilave eshte 100% ilegal. Kompani qe kane hapur faqe ne Internet ne shtete te botes ku nuk ka rregulla e ligje fare, dhe te lene ty dhe kedo qe te shkarkoje filmat e Warner Brothers.

Pra ligji ben nje dallim mes kompanive qe bejne shkelje, dhe kompanive aktiviteti i te cilave eshte 100% ne kundershtim me ligjet e ketij vendi. Google mund te paguaje nje gjobe per ate shkelje, por nuk do te mbyllet faqja. Kurse ajo faqja qe te lejon ty te shkarkosh filma, sa here qe t i do mundohesh ta hapesh, do te dali e bllokuar.

Eshte njesoj si puna e policit qe te ndalon ne rruge kur je me makine. Nese te gjen makinen te mbushur me qeska droge, ti perfundon ne pranga e ne arrest. Por po te ndaloi se ishe duke ecur me shpejtesi, te ve nje gjobe.

Albo

[Darius]

Ligji ne vetvehte Albo bazohet ne nje parim te drejte, madje perfekt. Por ne nuk jetojme aspak as ne nje bote perfekte e aq me shume ne nje shoqeri perfekte. Ligji le shume hapesira per abuzim dhe kontroll masiv nga ana e qeverise. Per ju qe jetoni ne Amerike kjo gje duhet te jete edhe me e qarte, sidomos mbas aprovimit te Patriot Act 1 dhe 2. Nuk e di sa mire e ke lexuar ligjin ne fjale po aty nuk eshte thjesht per pornografi apo filma apo programe qe shperndahen P2P. Per keto te fundit kane ekzistuar restrictions edhe me pare. Ligji tani shtrihet edhe me tej ne bllokimin e cdo lloj forme autoresie, perfshi ketu (madje do thosha sidomos) shperndarjen e informacionit qe eshte dhe ana me negative. Pra i jep dore te lire te bllokoje cdo lloj informacioni qe nuk ka dale nga MSM zyrtare dhe ketu ska pune fare as Google, as Amazon dhe as Yahoo apo Facebook.

[Albo]

Darius: Kush ka mbledhur me shume informacion personal per ty, qeveria e vendit ne te cilin jeton, apo kompani si Google, Facebook, Twitter, Amazon, Yahoo?

Ta bej kete pyetje qe te kuptosh, qe kompani si Google kane akses edhe ne detajet me intime te jetes tende, qe nga jeta personale, profesionale, etj. Google te ofron ty nje sherbim falas email, qe i jep akses kompanise te te profilizoje ty ne baze te email qe te vijne, ne menyre qe ate profil e ato te dhena ta perdori per te reklamuar reklama sa me efikase.

Facebook nga ana tjeter ka akses ne te gjitha lidhjet shoqerore qe ti ke, qe nga lidhjet familje e deri tek ato profesionale e shoqerore. Amazon nga ana tjeter ka akses ne blerjet qe ti ke bere ne faqen e tyre.

Kercenimi me i madh per lirine e individeve sot, nuk vjen nga qeveria, qe ka informacion te kufizuar per ty, por nga keto kompani te medha, qe kane krijuar nje model biznesi per te perfituar duke shfrytezuar privatesine tende. Askush nuk e pengon Google apo Facebook qe ta perdori informacionin tend personal ashtu sic i do qejfi per nevojat e vete, apo t'ua shesi te tjereve. Ne fakt, si google dhe facebook e shesin informacionin tend personal te gjithe kompanive te reklamimit, jo direkt por indirekt, duke u dhene akses qe te reklamojne vetem tek ata anetare qe permbushin disa kushte.

Prandaj miti i "qeverise gogol" eshte paksa qesharak ne kohen qe jetojme. Dhe sic e thashe edhe me lart, une si perdorues i thjeshte i internetit, jam me i mbrojtur ne raport me shtetin se sa me keto kompani: Google mund te ma mbylli mua llogarine neser, pa me dhene asnje arsye apo shpjegim. Por nese qeveria me ndalon aktivitetiin ne Internet, une kam tre drejten ta apeloj vendimin ne gjykate dhe eshte nje gjykates ai qe vendos se kush ka te drejte.

Ligji "Patriot Act" ka 10 vjet qe vepron ne SHBA, dhe une e shume si une nuk jane prekur prej tij. E vetmja pjese e ketij ligji qe ishte disi shqetesuese, ishte pergjimi i telefonatave pa autorizimin e nje gjykatesi. Por keto pergjime te paautorizuara nga gjykata lejoheshin vetem per telefonata qe beheshin ne SHBA nga jashte vendit, e jo brenda tij. Ligjet amerikane nuk u aplikohen atyre qe jetojne jashte vendit. Por perseri, po te pyes:

- Nga ndryshon pergjimi i telefonatava nga skenimi i te gjitha email qe vijne ne llogarine tende te gmail me Google, apo i te gjitha mesazheve qe rrethi yt shoqeror te dergon ne facebook?

Nese dikush shperndan dokumenta qe bejne thirrje per dhune dhe akte terroriste brenda territorit te SHBA, ai person arrestohet e gjykohet sipas ligjeve te ketij vendi. Nese i njejti dokument hidhet ne Internet dhe shperndahet me shpejtesine e drites, a nuk ka te njejten te drejte shteti e gjykatat qe vene drejtesine ne vend e te gjykojne personat pergjegjes? Sigurisht qe e kane.

Shume njerez harrojne qe te njejtat shtetas amerikane qe i bejne keto gjera ne jeten reale, i bejne edhe ne internet. Ligji nuk do t'ia dije nese ti e ben kete gje ne rruge apo ne Internet. Ashtu sic ligjet e ketij vendi nuk pushojne se vepruari qe nga momenti qe ti hyn ne Internet.

Albo

[paridi26]

Autoriteti perkates nuk e mbyll youtube. Ata marrin ankesen nen shqyrtim, kontaktojne kompanine qe ka youtube, ne kete rast Google, dhe i thone qe duhet te heqesh menjehere ate filem nga faqja tende pasi je duke shkelur te drejtat e autorit. Vetem nese Google apo cdo faqe nuk e heq nje gje te tille, vetem atehere mund te bllokohet aksesi i asaj faqeje.

Ligji nuk eshte hapur per te penalizuar kompanite e faqet qe respektojne ligjet e atij vendi, por per te penalizuar kompanite fantazma, aktiviteti i te cilave eshte 100% ilegal. Kompani qe kane hapur faqe ne Internet ne shtete te botes ku nuk ka rregulla e ligje fare, dhe te lene ty dhe kedo qe te shkarkoje filmat e Warner Brothers.

Pra ligji ben nje dallim mes kompanive qe bejne shkelje, dhe kompanive aktiviteti i te cilave eshte 100% ne kundershtim me ligjet e ketij vendi. Google mund te paguaje nje gjobe per ate shkelje, por nuk do te mbyllet faqja. Kurse ajo faqja qe te lejon ty te shkarkosh filma, sa here qe t i do mundohesh ta hapesh, do te dali e bllokuar.

Eshte njesoj si puna e policit qe te ndalon ne rruge kur je me makine. Nese te gjen makinen te mbushur me qeska droge, ti perfundon ne pranga e ne arrest. Por po te ndaloi se ishe duke ecur me shpejtesi, te ve nje gjobe.

Albo

me vjen keq por besoj se nuk e ke lexuar ligjin si duhet.ose ndoshta diçka te ka shpetuar.
kjo lufte qe po bejne nuk eshte kunder pedopornografise apo piraterise ne pergjithsi.cfare do ligji te pergatisin do e ken gjithsesi te pamundur ta ndalin piraterine ,dhe keshtu duhet te jet.ky ligje ne pergjithsi eshte per te ndaluar informacionin e lire ,blogerat ne veçanti.diçka e tille u tentua edhe ne itali para disa kohesh porse nuk ja arriten,dhe sigurisht qe nuk do tja arrijne dot ne usa.

ps

nese ti albo,mer me qera nje dvd ne blockbuster ,pasi e shikon me lejon edhe mua ta shikoj ,a eshte dicka per tu denuar kjo?

[Darius]

Darius: Kush ka mbledhur me shume informacion personal per ty, qeveria e vendit ne te cilin jeton, apo kompani si Google, Facebook, Twitter, Amazon, Yahoo?

Ta bej kete pyetje qe te kuptosh, qe kompani si Google kane akses edhe ne detajet me intime te jetes tende, qe nga jeta personale, profesionale, etj. Google te ofron ty nje sherbim falas email, qe i jep akses kompanise te te profilizoje ty ne baze te email qe te vijne, ne menyre qe ate profil e ato te dhena ta perdori per te reklamuar reklama sa me efikase.

Albo te gjitha kompanite e mesiperme qe ke permendur e kane bere ate qe thua dhe do e bejne pasi ligji i ri nuk i pengon aspak te vazhdojne ne te njejten menyre.

Prandaj miti i "qeverise gogol" eshte paksa qesharak ne kohen qe jetojme.

Te them te drejten mua me duket shume here me teper mit "qeveria per popullin" sesa ajo gogole. Po kjo ne fund te fundit mbetet ceshtje opinionesh.

Ligji "Patriot Act" ka 10 vjet qe vepron ne SHBA, dhe une e shume si une nuk jane prekur prej tij. E vetmja pjese e ketij ligji qe ishte disi shqetesuese, ishte pergjimi i telefonatave pa autorizimin e nje gjykatesi. Por keto pergjime te paautorizuara nga gjykata lejoheshin vetem per telefonata qe beheshin ne SHBA nga jashte vendit, e jo brenda tij. Ligjet amerikane nuk u aplikohen atyre qe jetojne jashte vendit.

E ndjek me shume vemendje situaten e brendeshme ne Amerike (kam gjithe familjen time qe jeton aty) dhe vij shume shpesh. Po ashtu kam shume miq e shoke amerikane dhe e percjell vazhdimisht shqetesimin qe i ka krijuar P1 dhe P2. Ndofta ne teresi nuk mendon se te prek por po te njejtet amerikane qe te permenda mendojne se i ka kufizuar ndjeshem lirite personale. Nje trend ky qe ka filluar edhe me perpara por qe ka marre forme me konkrete me P1 dhe P2.

Por perseri, po te pyes:

- Nga ndryshon pergjimi i telefonatava nga skenimi i te gjitha email qe vijne ne llogarine tende te gmail me Google, apo i te gjitha mesazheve qe rrethi yt shoqeror te dergon ne facebook?

Nuk ndryshon aspak nga asgje. Per mua jane shume te denueshme te dyja anet. Por mos harro qe qeveria nuk ka nevoje as per google dhe as per facebook qe te kete akses ne privacy tende. Ka shume materiale, madje te dokumentuara qe flasin hapur per nje akses total te qeverise (organeve te specializuara te saj) ne jeten private te cdo individ ne Amerike. Mos harro skandalin e Echelon jo me larg se 4 vjet me pare.

Nese dikush shperndan dokumenta qe bejne thirrje per dhune dhe akte terroriste brenda territorit te SHBA, ai person arrestohet e gjykohet sipas ligjeve te ketij vendi. Nese i njejti dokument hidhet ne Internet dhe shperndahet me shpejtesine e drites, a nuk ka te njejten te drejte shteti e gjykatat qe vene drejtesine ne vend e te gjykojne personat pergjegjes? Sigurisht qe e kane.

Ketu qendron dhe ana twisted e ligjit. Ai nen klauzolen terrorizem apo propagande antikushtetuese kufizon ndjeshem lirine e informacionit. Dhe e kam fjalen per ate informacion qe nxjerr ne pah korrupsion qeveritar, korrupsion ne politike e ekonomi dhe pazarrleqe te tjera ne kurriz te vete shtetasve amerikane e me tej.

Shume njerez harrojne qe te njejtat shtetas amerikane qe i bejne keto gjera ne jeten reale, i bejne edhe ne internet. Ligji nuk do t'ia dije nese ti e ben kete gje ne rruge apo ne Internet. Ashtu sic ligjet e ketij vendi nuk pushojne se vepruari qe nga momenti qe ti hyn ne Internet.

Albo

Serisht e perseri, ne nje bote perfekte e shoqeri perfekte po. Ne realitet eshte thjesht demagogji dhe tendence per censurim. Ky eshte mendimi im.

[Alti Elezi]

Ligji SOPA dhe PIPA qe eshte propozuar ne kongres ne 26 tetor eshte kundershtuar shume nga gjigandet e : Yahoo, Netscape, Google, Blogger, Twitter, Internet Archive, Wikipedia, Posta Huffington, PayPal, Mozilla, Flickr, YouTube, Craigslist, eBay dhe shume të tjerët te cilet i kanë dërguar një letër të hapur për të Kongresit në të cilën ata shprehin shqetësimet e tyre dhe kundërshtimin e tyre absolute të ligjit.

Sopa Pipa dhe janë akuzuar për kryerjen e katër kërcënimet kryesore: bllokimin e teknologjise se re,duke i detyruar ofruesit e shërbimeve për të monitoruar çdo gjë që bejne përdoruesit e tyre te hyjë, ma pa te drejte për të refuzuar webmastersin qe te jete ne “rregull”,për t'i dhënë te drejte qeverisë amerikane fuqinë për të censuruar web "teknika të ngjashme me ato të përdorura nga Kina, Malajzia dhe Irani", te cilat minojnë linjën e sigurisë duke ndryshuar strukturën themelore të internetit .
"Censura e infrastrukturës të pashmangshme do ti shkaktojë rrjetit te internetit dështimet dhe probleme me sigurinë," shkruajne nënshkruesit e letrës. "Propozimi aktual kërcënon ata që ofrojne sherbimet Internet dhe që nuk janë automatikisht në përputhje me veprimet e censurës qeveritare."
"Kur ne projektuam dhe investuam per internetin, prioritetet tona ishin, besueshmëria,Fuqia per te minimizuar problemet dhe jo kontrollit te censures."

Ketyre protestave u eshte bashkuar dhe Jimmy Wales, themeluesi i Wikipedia, i cili ka propozuar për të mbajtur një grevë kundër ketij projekt-ligji.
Sopa dhe motra e saj PIPA cilesohen si "lufta e Hollywood kunder risive teknologjike dhe lirisë se internetit", dhe Kaspersky Lab ka kërcënuar të largohet nga Aleanca e Biznesit në shenjë proteste nëse ligji nuk do të tërhiqet.

[thirsty]

http://americancensorship.org/
https://www.google.com/webhp?hl=en

ju qe jeni ne amerike, kundershtoni kete
si edhe ju qe nuk jetoni ne shba

http://www.bbc.co.uk/news/technology-16612628

[thirsty]

http://americancensorship.org/
https://www.google.com/webhp?hl=en

ju qe jeni ne amerike, kundershtoni kete
si edhe ju qe nuk jetoni ne shba

http://www.bbc.co.uk/news/technology-16612628

Thank you for reaching out to Congress and taking a stand against censorship. Ask your friends to do the same:

[Albo]

Albo te gjitha kompanite e mesiperme qe ke permendur e kane bere ate qe thua dhe do e bejne pasi ligji i ri nuk i pengon aspak te vazhdojne ne te njejten menyre.

Perkundrazi, ligji prek me shume keto kompani se sa perdoruesin e thjeshte te Internetit. Ligji do te japi ty e mua, si vizitore te thjeshte te Internetit, ashtu sic do tu japi ti gjitha bizneseve te ketij vendi, nje mundesi per te kerkuar te drejten tone prane organit perkates se qeverise, apo gjykatave te ketij vendi. Qe do te thote, nese Google neser vendos te te mbylli ty llogarine e gmail se keshtu i do qejfi, ti ke te drejte te ankohesh prane kesaj agjensie. Nese Warner Brothers shikon qe filmi i vete eshte hedhur nga nje vizitor ne youtube, ata mund te ankohen prane kesaj agjensie dhe kjo e ka per detyre qe te gjobiti si vizitorin qe shkeli ligjin duke e hedhur ate material, edhe google qe e ofron ate sherbim. Ashtu si Google duhet te shpenzoje me shume leke dhe energji per te krijuar teknologji qe nuk lejojne qe dikush te shperndaje video te mbrojtur nga te drejtat e autorit ne faqen e vete.

Pra me pak fjale, ligji i rregullon keta gjigande te Internetit qe deri me sot kane vepruar si vete zot e vete shkop. Ashtu sic rregullohen me ligj te gjitha bizneset e tjera ne Amerike. Ky eshte thelbi i opozites te te medhenjve, nuk duan qe te veprojne si gjithe bizneset e tjera ne Amerike, por duan te vazhdojne te gezojne priviligjet ligjore qe nuk i gezojne kompanite e tjera ne Amerike qe konkurojne me to.

Te them te drejten mua me duket shume here me teper mit "qeveria per popullin" sesa ajo gogole. Po kjo ne fund te fundit mbetet ceshtje opinionesh.

Nese qeveria te bie ty ne qafe pa te drejte, ti ke te drejte ta hedhesh ne gjyq qeverine duke zene nje avokat. Por nese Google apo Amazon vendosin te marrin nje vendim qe ndikon tek ty: te mbyllin llogarine, te shesin informacionin personal qe kane mesuar nga ty kompanive te tjera, nuk te ruajne sic duhet informacionin e kredit kardave qe ti ke perdorur me ta. Nese keto kompani bejne nje shkelje te tille, ti nuk ke te drejte ti hedhesh ne gjyq. Kur rregjistrohesh me keto kompani, ato te bejne te pranosh nje liste te gjate rregullash te tyre, qe me pak fjale u japin atyre liri te plote te bejne cfare te duan me ty dhe llogarite e tua.

Ketu qendron dhe ana twisted e ligjit. Ai nen klauzolen terrorizem apo propagande antikushtetuese kufizon ndjeshem lirine e informacionit. Dhe e kam fjalen per ate informacion qe nxjerr ne pah korrupsion qeveritar, korrupsion ne politike e ekonomi dhe pazarrleqe te tjera ne kurriz te vete shtetasve amerikane e me tej.

Aspak. Agjensia ne fjale, kur ti je shtetas amerikan, nuk mund te mbylli dot faqen apo blog tend, pa servirur me pare faktet e mbledhura para nje gjykatesi. Eshte gjykatesi ai qe shikon faktet e servirura nga agjensia perkatese, dhe vendos nese faqja duhet bllokuar e personi ne fjale duhet arrestuar. Nuk eshte e vertete qe nje burokrat i thjeshte i agjensise do te marri nje vendim te tille. Agjensite vetem u pergjigjen ankesave dhe i vertetojne ato, por nuk mund te marrin vendime te tilla pa e firmosur procesverbalin nje gjykates.

Kurse ne ato raste ku faqe te hapura jashte Amerikes nga persona qe nuk jane amerikane, nese ato jane hapur me qellimin e vetem qe te shkelin ligjet amerikane (pirateria e filmave te Hollywood), agjensia perkatese do t'iu bllokoje aksesin nga vizitoret amerikane. Ideja eshte qe asnje vizitor amerikan, i lidhur ne Internet nga Amerika, nuk do tu hapen ato faqe. Faqet mund te jene funksionale per vizitoret e tjere te botes, por jo per vizitoret amerikane.

Albo

[Nevermind-03]

Versioni i Wikipedias, enciklopedisë së lirë në gjuhën angleze do të mbyllet për 24 orë në shenjë proteste kundër projektligjeve të propozuara amerikane "Stop Online Piracy Act" apo siç njihet ndryshe SOPA dhe PROTECT IP Act (PIPA). Mbyllja e Wikipedias do të fillojë më 18 janar në orën 5:00 UTC dhe do të përfundojë pas 24 orësh. Këto ligje kanë të bëjnë me ndalimin e kopjimit ilegal të filmave apo përmbajtjeve televizive.

Ky vendim është marrë nga vetë komuniteti i Wikipedias dhe jo nga Wikimedia. Sipas të dhënave të votimit, 479 përdorues kanë votuar që Wikipedia të mbyllet vetëm për personat që jetojnë në Shtetet e Bashkuara, ndërsa 591 përdorues votuan për mbyllje globale të Wikipedias. Mbështetësit e mbylljes së Wikipedias theksojnë se këto ligje përbëjnë një "kërcënim ekzistencial" për Wikipedian, ndërsa kundërshtarët thonë se Wikipedia duhet të jetë asnjanëse. Ndërkohë, Sue Gardner, drejtoria ekzekutive e Wikimedias, në një letër drejtuar komunitetit të Wikipedias, ka shkruar që artikujt e Wikipedias janë asnjanës dhe jo Wikipedia vetë.

Po ashtu edhe Google është kundër këtyre ligjeve dhe në faqen kryesore do të shfaqë një lidhje që kundërshton SOPA-n dhe PIPA-n.


http://sq.wikinews.org/wiki/Wikipedi...Br_24_or%C3%AB