Kronikë e Zezë (Tmerri i çdo dite)

[benseven11]

Valë krimesh në Shqipëri, vrasje në familje, ekzekutim për larje hesapesh dhe vetëvrasje

Një seri krimesh janë shënuar brenda pak orësh në Shqipëri.

Mëngjesin e sotëm një krim i rëndë ka ndodhur në Sarandë. Një 65 vjeçar ka vrarë të shoqen dhe më pas ka qëlluar mbi veten. Ismail Leli ka vrarë me armë zjarri bashkëshorten e tij, Fëllënxa Leli, 57 vjeç, dhe më pas është vetëvrarë me të njëjtën armë. Burime të policisë lokale bëjnë të ditur se ngjarja ka ndodhur në banesën e çiftit, në fshatin Berdenesh, rreth 2 km larg Sarandës.

Ndërkohë, në orët e natës një shtetas kosovar u gjet i pajetë pranë banesës së tij në Durrës. Policia e qytetit bregdetar bën të ditur se 44-vjeçari Skënder Spahia është qëlluar për vdekje me katër plumba nga persona ende të paidentifikuar. Dyshohet se bëhet fjalë për larje hesapesh.

Një tjetër ngjarje e rëndë është shënuar në Tiranë. Një grua ka tentuar vetëvrasjen një javë pas zhdukjes në mënyrë misterioze të vajzës së saj 17 vjeçare. Ngjarja është shënuar në periferi të kryeqytetit në fshatin Viles komuna Zallbastar ku 44-vjeçarja Mejte Visha ka pirë helm nga dëshpërimi për mos gjetjen e vajzës, e cila që prej datës 23 maj rezulton e zhdukur. Për fat ajo ka arritur të mbijetojë.

[Dito]

keto gjerat ndodhin ne cdo vend te botes jo vetem ne shqiperi kronika te zeza ka Kudo ne bot

Kot per muhabet, si te duket raporti i 2.5 miljon banoreve te nje shteti qe ska dite mos kete vrasje, grabitje, terror. dhe po themi 85 miljon qe eshte italia ku vrasja eshte paksa e rralle me muaj dhe jo cdo dite si albanistani ku jetojme.,

Kam bere ca dite pushim dhe kronika ka qene e varfer por ja po hulumtoj sot dhe te shohim sa kane shkuar ne ate bote apo spitaleve.

[2043]

Kot per muhabet, si te duket raporti i 2.5 miljon banoreve te nje shteti qe ska dite mos kete vrasje, grabitje, terror. dhe po themi 85 miljon qe eshte italia ku vrasja eshte paksa e rralle me muaj dhe jo cdo dite si albanistani ku jetojme.,

Kam bere ca dite pushim dhe kronika ka qene e varfer por ja po hulumtoj sot dhe te shohim sa kane shkuar ne ate bote apo spitaleve.

Je bere si krimb varesh.. nuk jeton dot pa kufoma .

[Edvin83]

Kronikë, Lajm i fundit|05/06/2012 13:19
Kurbin, breshëri makinës, vritet fëmija 9-vjeçar

Një fëmijë 9-vjeçar është bërë viktima e një breshërie plumbash të zbrazura mesditën e sotme në Fushë-Mamurras.
Sipas të dhënave të para, fëmija ka qenë duke udhëtuar në makinë së bashku me një person tjetër, kur janë qëlluar me armë zjarri nga persona të panjohur.
Për pasojë, 9-vjeçari ka humbur jetën, ndërsa personi tjetër është plagosur rëndë.
Autorët e ngjarjes mbeten të panjohur, ndërsa policia ka nisur hetimet. / G.N.


Durrës, sherr mes grupe të rinjsh, 2 të plagosur
DURRES – Dy persona nga qyteti i Durrësit kanë mbetur të plagosur me thikë pas një sherri të çastit. Burime nga policia lokale bëjnë të ditur, se ngjarja ndodhi dje, në afërsi të tregut të perimeve të këtij qyteti.
Mësohet se 31-vjeçari Adriatik Lala, i dënuar më parë për vjedhje, është konfliktuar me 35-vjeçarin Elvin Hallulli.
Pas debateve të ashpra (dy personat në fjalë kanë qenë të shoqëruar nga shokë të tyre), sherri ka degjeneruar në përleshje me thika. Për pasojë ka mbetur i plagosur rëndë Hallulli, ndërsa Lala ka marrë plagë të lehta.
Prania e një patrulle policie aty afër ka bërë që konflikti të mos degjeneronte në vrasje. Blutë kanë vënë në pranga Adriatik Lalën.

(er.nu/GSH/BalkanWeb)


Kukës, plagoset me armë sekretari i Këshillit të Komunës Gjinaj
KUKES - Plagoset me armë zjarri sekretari i Këshillit të Komunës Gjinaj, në Kukës. Policia bëri të ditur se ngjarja ka ndodhur rreth orës 9 të mëngjesit, kur Naim Bytyçi është qëlluar me armë zjarri ndërsa ishte duke ecur në rrugë.
Si pasojë e të shtënave, Bytyçi ka mbetur i plagosur në kokë dhe ndodhet në spitalin rajonal të Kukësit, në rrezik për jetën.

Ndërkohë policia bëri të mundur arrestimin e autorit, Qamil Kastrati, vetëm pak orë pas ngjarjes. Ai u kap në banesën e tij, 10 km larg Kukësit. Ende nuk dihen shkaqet e ngjarjes, ndërsa policia vijon hetimet.
Dy ditë më parë u plagos me armë zjarri kryetari i Komunës Baldushk, Elmi Allmuça. Policia arrestoi 32-vjeçarin Altin Shabani, i cili është i dyshuari kryesor për ngjarjen. Dyshohet se shkak i ngjarjes ka qenë shkarkimi nga puna i 32-vjeçarit, Shabani, vetëm disa ditë më parë. Kryekomunari Allmuça, ndodhet në Spitalin Ushtarak jashtë rrezikut për jetën.
Më 25 tetor të 2010-ës është ekzekutuar me armë zjarri kreu i komunës Tërthore në Kukës, vrasësit e të cilit ende nuk janë identifikuar. 40-vjeçari Remzi Veseli u qëllua për vdekje pranë banesës së tij.

(er.nu/BalkanWeb)

[Dito]

Peshkopi, atentat në qendër të qytetit


Një sulm me armë zjarri është regjistruar mëngjesin e së martës në qendër të qytetit të Peshkopisë, ku si pasojë një person ka mbetur i plagosur.

Lajmin e bëjnë të ditur burime policore lokale, sipas të cilave sulmi ka pasur si objektiv shtetasin Hekuran Kullani, i cili është plagosur në këmbë.

Sipas burimeve, efektivë të policisë që ndodheshin pranë vendit të ngjarjes kanë ndërhyrë duke arrestuar autorin e sulmit, shtetasin Artur Dikollari.

Ndërkohë, i plagosuri është shoqëruar për në spitalin e qytetit, ku nuk ka asnjë rrezik për jetën, kanë njoftuar burime spitalore.

Pritet që marrja në pyetje e Dikollarit të zbardhë dhe motivet e sulmit të tij ndaj Kullanit, të cilat për momentin janë të paqarta.

Top chanel

[Dito]

Je bere si krimb varesh.. nuk jeton dot pa kufoma .

Shko bej shurren :P

[Edvin83]

Has: Sherri për gardhin, vëllai vret vëllanë

Kronike e Martë, Qershor 5th, 2012

Policia e Kukësit

Për një gardh që ndante dy shtëpitë, vëllai qëllon për vdekje me armë zjarri vëllanë. Ngjarja e rëndë ndodhi rreth orës 22:00 të së dielës në fshatin Brenokë të komunës Fajzë të Hasit. Mësohet se vëllezërit Shuti, banorë të këtij fshati, kishin disa vite në konflikt me njëri-tjetrin për pak metra tokë që i ndante gardhi. Ata nuk kishin arritur të gjenin një zgjidhje, derisa konflikti i nisur precipitoi me viktima. “Shtetasi Imer Shuti, 70 vjeç, ka qëlluar në drejtim të vëllait të tij, Ilmi Shuti, 60 vjeç, duke e lënë të vdekur në vend”, bëri të ditur Policia pas krimit të ndodhur në fshatin Brenokë. Të shtënat e armës kanë vënë në alarm fqinjët e viktimës, të cilët kanë sinjalizuar menjëherë policinë. Blutë u nisën drejt vendit të ngjarjes dhe konstatuan se sinjalizimi kishte qenë i saktë, dhe se ngjarja bënte fjalë për një viktimë të vrarë me armë zjarri. “Menjëherë në vendngjarje kanë shkuar forcat e Policisë së Hasit, pasi fshati ndodhet vetëm 20 minuta larg qytetit të Krumës dhe ka bërë të mundur ndalimin e autorit të dyshuar të krimit”, thuhej në njoftimin e Policisë së Kukësit. Sipas burimeve, autori 70-vjeçar ka pranuar krimin ndërsa deponoi për grupin hetimor se e kishte kryer vrasjen në gjaknxehtësi e sipër pas konfliktit që kishte pasur me të vëllamë, për një gardh që u ndante banesat. Vëllezërit pretendonin pronësinë e një rripi toke, çka ka ndikuar në zënka të vijueshme të tyre, por pa mundur të zgjidhin pretendimin e secilit për ta shtyrë paksa gardhin në drejtime të kundërta. Sipas Policisë, vrasja ka ndodhur me një pushkë 10-she, të cilën vëllai i madh e mbante pa leje. Sipas dëshmive të familjarëve, 60-vjeçari ka qenë në afërsi të banesës së të vëllait kur ky i fundit e ka qëlluar atë për vdekje. Mësohet se forca të policisë së Hasit po qëndrojnë ende në fshatin Brenokë për të evituar ndonjë hakmarrje të mundshme mes palësh, ndonëse janë familjarë të një gjaku. Prokuroria e Kukësit bëri të ditur se ka administruar të gjithë çështjen e provat dhe ka nisur procedim penal ndaj 70-vjeçarit, me akuzën e vrasjes me dashje dhe të armëmbajtjes pa leje.

[Edvin83]

Sot paska qene dite kasaphane...cdo ore qe hap lajmet vetem vrasje ka...

Kronikë, Lajm i fundit|05/06/2012 17:41
Durrës, një person vritet në zonën e plazhit
Policia / foto arkiv

Një person është vrarë me armë zjarri pasditen e sotme në zonën e Shkëmbit të Kavajës, në Durrës.

Ngjarja ka ndodhur rreth orës 18:15 në zonën e plazhit. Sipas informacioneve të para, viktima është Ervis Dedaj, 36 vjeç.

Ai është gjetur i vrarë brenda një automjeti, ndaj të cilit ishte qëlluar me breshëri.

Kanë qenë banorët e zonës, ata të cilët kanë lajmëruar menjëherë policinë. Hetimet vijojnë. / G.N.


05 Qershor 2012 - 19:15 | Shqiperi

Atentat me armë zjarri tek ’Shkëmbi i Kavajës’, vdes në pritë 33-vjecari


DURRËS- Një atentat me armë zjarri nga tronditur qytetin bregdetar të Durrësit pasditen e sotme, ku si pasojë shtetasi Ervis Deda, 33-vjec ka mbetur i vdekur në vend.

Ngjarja e rëndë ndodhi rreth orës 18:15 në zonën e plazhit tek vendi i quajtur ‘Shkëmbi i Kavajës’, ndërkohë kanë qënë pikërisht pushuesit e alarmuar, të cilët kanë lajmëruar blutë e qytetit bregdetar.

Nga hetimet paraprake mësohet se viktima e seksit është gjetur në makinën e tij tip BMW, ngjyrë gri me targë AA 481 CT. Policia bën me dije se viktima ka tentuar ti largohej atentatorëve, nëpërmjet një rruge dytësore, por ai është është qëlluar në pritë me 10 plumba, duke gjetur vdekjen e menjëhershme.

Mësohet se atentatorët pasi kanë kryer krimin kanë djegur makinën e tyre, në mënryrë që të fshihnin provat. Makina u gjet rreth 2 km nga vendngjarja tek Kodrat e Arapajt.

Patrulla të shumta policia kanë blinduar hyrjet dhe daljet e qytetit bregdetar. Policia ka nisur hetimet për zbardhjen e shkaqeve të vrasjes, si dhe kapjen e autorëve.

Pista e hetimit
Nga hetimet paraprake mësohet se shkak i atentatit të ketë lidhje me një konflikt të mundshëm mes atentatorëve dhe viktimës, pasi 33-vjecari mësohet të jetë peson me precedentë penal.
(e.m/BalkanWeb)

[goldian]

e di se ju kam pyt me mijra her
a asht kap nakush deri tash
se sbesoj se te gjithe shqiptaret jemi vrases
po me duket se nje grup i cili e di se nuk kapet vepron ne cdo skaj
ndoshta jam gabim

[2043]

e di se ju kam pyt me mijra her
a asht kap nakush deri tash
se sbesoj se te gjithe shqiptaret jemi vrases
po me duket se nje grup i cili e di se nuk kapet vepron ne cdo skaj
ndoshta jam gabim

Me shume se 80 % te rasteve. policia ka kapur autoret dhe i ka vene para drejtesise.