Mitologji e puthjeve abstrakte

[astrotarot]

GJASHTËMBËDHJETËVJEÇARES

Më duket se të dua
Ndoshta është pse ti nuk e di që unë të dashuroj
Për këtë apo për diç tjetër!
Do të doja të mbes kështu, por…

Ndoshta është pse kam lindur i ndarë
Si mollë e përgjysmuar
E ty perendia të ka sjell ta plotësoje
Më duket se vetëm ti je pjesa e lëngut përkatës
Apo më mire të themi “bari shërues”

…E një errësirë me furtunë
Më frikëson ta shfrytëzoj
Shpesh më vie të jam i verbër
Mos të të vërej fare…

Oh, ato gjeste fëmije më mahnisin
Më bëjnë të flas mu kur goja ime lyp të hesht
Athua i frikësohet komunikacionit në rrugë
Në të cilin kur të vie mbrëmja
Veturat bëjnë zhurmë që të shurdhojnë
Pos sirenave të tyre tmerruese nuk dëgjohet asgjë
Bile as kur thërras emrin tënd. . . . . .


Fillon të të zbehet fotografia dhe zhduket në largësi
Më përshkon një shtrëngatë
Nuk shihesh as ti
Oh zot, humbem i tëri
Si po të jam në mes të oqeanit
Vrapoj lartë poshtë duke thirrur “Ty” por kot
Kthejnë kokën vetëm ata njerëz që flejnë në rrugë
Ndonjë endacak apo ndonjë çift

Pakës vështirë të gjesh ndihmë prej tyre
Ndalem diku dhe dëgjoj puthje, më kujton në ty
Atëherë bëhet vonë të dominojë e vërteta


Kthehemi prapë në fillim, ku jemi tash
Ti rri e ulur në këndin tonë të blertë
Unë vështroj, të përbij me një shikim
Ashtu i ndezur dhe i rjepur
Ti vetëm qesh
Kjo të përket pa dilemë
E ajo qeshje më bën të ndihem lartë
Por përbrenda zemra lëshon lotin simbolik

Yjet si ti shëndrisin edhe ditën…
Gjithmonë do të kënaqem kur të shoh.

EMRI MBIEMRI 24.06.1999

[astrotarot]

B U S H T R A I M E E V O G Ë L

A do të jesh me mua për sa të ekzistosh?
Më shiko
Do të jesh e artë përgjithmonë

Ndoshta do të kam një bushtër tjetër
Mos u brengos!
Do ta lë mënjanë
Ti do të më rrish në krahun tim

Ti do të jesh ajo që do të hajë mëngjesin
Çdo ditë
Pa lugë, pirun ose diç të ngjajshme

Ti do të jesh e imja
Ti je e imja

“Më premto që nuk do të hash me afsh
Kur mungon tek unë”.

“Të premtoj”-më tha.

EMRI MBIEMRI 22.07.1999

[astrotarot]

L E M Z Ë S

Më pështyj
E mos më shaj
Më kap për fyti
E mos më mbyt
Më ler të mbaj se ti je në modë sot
Trupi në formën e lapsit “B”-tetë

Shijo mjaltën se s’është artificiale
Veshi bregët që ti pashë atë natë
Jam i dashuruar verbërisht në to
Lere më atë thikë
Nuk të nevojitet gjë

Ndoshta je e zezë
Por për syrin tim je e bardhë
E ke ditur gjithmonë këtë
Për këtë arsye nuk ma dha dorën
Asnjëherë

Më la të hyj në portën e shtatë të ferrit
Të përjetoj agoni

Desha vetëm ta prek pulsin
Ta testoj egërsinë tënde të butë
Por ja, nuk arrita

Qe rrugë e gjatë
Unë s’e pata biçikletën me veti
Të ecësh në këmbë
Larg

Dikush më tha që qave
Pse nuk erdha

Ndjeva rrënqethje dhe qesha në vete.

EMRI MBIEMRI 23.07.1999

[astrotarot]

Shpresoj te argetoheni per disa qaste me disa prej poezive te mia te vjetra, kur isha 22-23 vj.
Ju uroj lexim te kendshem
L.