Postuar më parë nga
OJQ 'Vlera'
Zhvillimi i shqiptarëve në Republikën e Maqedonisë ka ngecur në "tranzicion".Konflikti i vitit 2001 rezultoi në një marrëveshje që ne sot e njohim si "Marrëveshja e Ohrit".Faktori politik shqipëtar ende punon në implementi e amandamenteve kushtetuese të kësaj marrëveshje.Për dhjetë vite me rradhë,këto të drejta kushtetuese që janë në favor të të gjithë etnkumeve në Maqedoni kanë hasur pengesa që tashmë janë bërë afatgjate.
Etniteti shqipëtar aktualisht është në turbulenca që sjellin pasoja në sfera të ndryshme shoqërore.Zhvillimi ekonomik është njëri nga problemet më të mëdha,nga i cili lindin shumë probleme tjera mbrenda rendit shoqëror.A është ky rezultat i qeverisjes apo mungesë e vetdijesimit të popullit?!,me një mendim logjik mjaft të shkurtër mund të themi se janë të dyjat dhe shkojnë së bashku.Cdo qytetarë shqiptar mban bindjen se punësimi në Maqedoni është në gjendje kritike,dhe se kjo mund të shihet edhe me "sy të lirë".
Fillimisht do të doja të cek shkollimin,për te cilin shqiptarët kanë dhënë mjaft prej vetes që ta spastrojnë nga influencat e vrazhda politike dhe ta legalizojnë ate.Pas një sakrifice të madhe arritëm që të legalizojmë univerzitetet tona dhe të shkollohemi në gjuhën tonë amtare,mirpo kjo rezultoi në një problem tjetër shumë serioz,"perspektiva e turbullt e studentëve të diplomuar".Politizimi i vendeve të reja të punës ka hyr në një garë të rrezikshme.Shumica e studentëve që diplomojnë mbeten të papunë.Kualifikimi i studentëve në aspekt kualitativ nuk vjen parasyshë.Gjithsesi,pse është kjo kështu ka ndonjë arsye dhe duhet të ceken disa pika të analizuara më thellësisht.
-Siç përmendem më lart problem bazë është ngecja e zhvillimit ekonomik që shënon rritje të papunësisë.
Kur flasim për zhvillim ekonomik duhet të kemi parasyshë disa sfera ku çdo individ mund ta gjejë veten të kontribojë në të,kontribuim i cili do të ketë ndikim në rritjen e standardeve shoqërore,në të njejtën kohë edhe sigurim i një jete normale mbrenda rrethit shoqëror.
-Bujqësia,dhe zhvillimi i industrisë janë në nivel kritik.Kjo rezulton ngecje serioze të zhillimit shoqëror i cili më pas shpien drejt një kaosi për sa i përket permbushjes së nevojave kryesore të një shoqërie të civilizuar.
-Mungesa e drejtimeve të ndryshme inxhinierike has në një pyetje retorike "Ku do të punojnë?".
Përderisa shumica ia bëjnë vetes këtë pyetje ato janë të detyruar të zgjedhin një drejtim tjeter në të cilin do të mund të shohin ndonjë perspektivë.
Teprica në drejtimet aktuale të shqiptarëve në R. e Maqedonisë,marshojnë drejt konkurseve të politizuar që medoemos të shfrytëzojnë aktivitetin e tyre të deritanishëm politik,në të cilin veprim,automatikisht lind diskriminimi partiak.
-Mbi të gjitha këto mund të jepet një konstatim se zgjidhja e problemit bazë,do të pengojë lindjen e problemeve tjera që fatkeqsisht janë shumë transparent në R.e Maqedonisë.Do të shtohen mardheniet ndermjet individëve në rrethin shoqëror dhe do të zvogëlohet papunësia.
Populli është ai që ka të drejtën të kërkojë dhe të zgjedhë.Ketu vjen në shprehje vetdijesimi,ku çdo njeri disponon të drejta që ta kundërshtojë padrejtsinë.Ndërsa qeverisësit janë të obliguar që ti përmbushin nevojat e popullit dhe ti përgjigjen asaj se çka populli kërkon.Këto janë dy fenomene të lidhur ngushtë me një raport të ndersjelltë,dhe mosfunskionimi i këtyre rezulton në skamje,standard të ulët shoqëror,mospërmbushje të kushteve për jetesë normale,çrregullime në rendin shoqëror,diskriminime nga më të ndryshmet,korrupsion,destabilizim në siguri dhe faktorë tjerë degjenerues.
Ali Sejdini
Krijoni Kontakt