Eulex !

[Genti..]

Duhet kerkuar dhe larguar kete Mision nga Kosova !

Eulexi dhe Shqiptaret :

kosovarët, 5-fish më të dënuar se serbët !

Më shumë shqiptarë sesa serbë janë dënuar për krime të kryera gjatë luftës së fundit në Kosovë, gjatë së cilës llogaritet të jenë vrarë mbi 12 mijë shqiptarë e rreth 800 serbë.

Që nga instalimi i EULEX-it në vitin 2008, prokurorët e këtij misioni kanë ngritur shtatë aktakuza, katër prej të cilave kundër shqiptarëve, ndërsa tri kundër serbëve. Gjyqtarët e këtij misioni kanë shpallur 13 aktgjykime për krime lufte, 11 kundër shqiptarëve e dy kundër serbëve.

[Genti..]

Feith i zhgënjyer me EULEX-in

Pasi që e ka hequr njërën kapelë, atë të përfaqësuesit të Bashkimit Evropian, Piter Feith nuk ka hezituar ta bombardojë me kritika misionin e EULEX-it.
Feith, i cili tashmë është vetëm shef i ICO-së, për herë të parë publikisht akuzon EULEX-in se nuk është proaktiv, duke bërë me dije se ka pritur shumë më shumë nga ky mision, posaçërisht sa i përket forcimit të sundimit të ligjit në veri.
"Me të vërtetë mendoj që EULEX-i duhet të jetë më proaktiv në veri dhe duhet të shohim se po merren aksione kundër disa kriminelëve atje, të cilët nuk kanë kurrfarë legjitimiteti", thotë Feith.
Në një intervistë për meiet, Feith shprehet i habitur pse është larguar nga pozita e guvernatorit Hashim Rexhepi, pasi që, siç thotë ai, ende nuk ka përgjigje se cilat janë akuzat ndaj këtij të fundit, pse është vënë në paraburgim për 4 muaj dhe pse po pret për 6 muaj që t'i mësojë akuzat ndaj tij.
Ai ankohet se forca brenda Qeverisë së Kosovës dhe EULEX-it po e pengojnë në ushtrimin e autoritetit të tij në BQK, të cilat pengesa i duken të neveritshme.
Feith shpreson se mbikëqyrja e pavarësisë së Kosovës do të përfundojë vitin që vjen, ndërsa nga bisedimet midis Prishtinës dhe Beogradi pret që të zgjidhen shumë çështje teknike.

[Genti..]

Kërkojnë largimin e EULEX-it

Kundërshtimi i EULEX-it që të zbatojë vendimin e Qeverisë për embargo tregtare ndaj Serbisë dhe mosmbështetja e operacionit të Policisë së Kosovës për t’i marrë nën kontroll pikat kufitare 1 dhe 31 në veri, ka shtuar zërat për largimin e misionit të BE-së nga Kosova. Nuk është më vetëm lëvizja Vetëvendosje e Albin Kurtit ajo që kërkon largimin e EULEX-it, por është edhe partia në pushtet- PDK-ja ajo e cila po e akuzon misionin e BE-së për dështim.

Pos kryeparlamentarit Jakup Krasniqi, e më pas kryeministrit Thaçi, edhe deputetë të PDK-së kanë ashpërsuar kritikat në drejtim të EULEX-it.

Deputeti Nahit Hasani nga PDK-ja ka thënë se EULEX-i me veprimet e fundit ka mbështetur strukturat kriminale në Kosovë.

“EULEX-i ka mbështetur ato struktura që mos të jetësohet shtetësia e Kosovës. Ardhja e EULEX-it është bërë me kërkesë të presidentit dhe të Kuvendit të Kosovës për të vënë rend dhe ligj në tërë territorin e Kosovës. Ndërkaq, ky në pjesën ku janë shqiptarët e ka vendosur atë, kurse në pjesën ku janë serbët e ka ruajtur mossundimin e ligjit”, ka thënë Hasani. Prandaj, sipas tij, kjo tregon që EULEX-i është i padëshiruar në Kosovë derisa nuk merr masat e vendosjes së rendit edhe ligjit.

“EULEX-i po e bën të kundërtën, duke e kundërshtuar aksionin e policisë dhe duke kërkuar nga Qeveria e Kosovës që të kthehet gjendja e mëparshme në atë pjesë të vendit. Kjo tregon që EULEX-i është për krijimin e bandave kriminale dhe ruajtjen e atyre strukturave që angazhohen dhe luftojnë për destabilitet në Kosovë”, ka thënë Hasani.

Lëvizja “Vetëvendosje” nëpërmjet deputetit Glauk Konjufca ka kërkuar nga qeveria e vendit që menjëherë të fillojë diskutimet me Brukselin për përfundimin e misionit të EULEX-it. Gjithashtu, Vetëvendosje kërkon ridefinimin e pranisë së BE-së në Kosovë, nga misione me fuqi ekzekutive dhe imunitet prej ligjit, në misione mbështetëse për zhvillim të qëndrueshëm, demokraci e drejtësi.

“Siç kemi thënë rregullisht në tre vjetët e fundit, EULEX-i në thelb është mision i padrejtë, jodemokratik dhe nuk e forcon shtetin e Kosovës dhe ngjarjet e fundit vetëm se e kanë dëshmuar këtë edhe në praktikë”, ka thënë Konjufca.

Mirëpo, ka edhe politikanë që e konsiderojnë si të nevojshme praninë e EULEX-it në Kosovë. Zëvendëskryeministri Behgjet Pacolli nuk e quan të dështuar misionin e EULEX-it në Kosovë, por thotë se ky mision ka gabuar në vlerësimin e situatës, duke lënë anash pjesën veriore të Kosovës.

“Në momentin kur jemi ballafaquar me masat reciproke dhe kur kemi sjellë vendimin për zbatim, EULEX-i është dashur ta marrë në mënyrë më serioze këtë situatë dhe të bllokojë qarkullimin e kamionëve të kontrabandave serbe nëpër Kosovë. Këtë veprim ata nuk e bënë dhe ndoshta kanë gabuar”, ka thënë Pacolli.

Shefi i Grupit Parlamentar të LDK-së, Ismet Beqiri, ka thënë se nuk mund të jemi përjashtues, por qasja jonë duhet të jetë më ndryshe.

“Ndoshta këto hezitimet e institucioneve tona kanë bërë që EULEX-i të mos shprehë gatishmërinë që të ndihmojë operacionin e zhvilluar. Ne jemi të interesuar dhe të përkushtuar që gjendja të përmirësohet, ndërsa analizat se kujt i bie përgjegjësia do të bëhet me kohë. Në situatën në të cilën jemi nuk e kemi gjendjen për të kritikuar, por duhet të vazhdojmë të veprojmë drejt konform obligimeve kushtetuese”, ka thënë Beqiri.

Kurse shefi i grupit parlamentar të AAK-së, Ardian Gjini, thotë se EULEX-i duhet të qëndrojë edhe më tutje në Kosovë.

Mosmbështetja e aksionit të Policisë së Kosovës nga EULEX-i nuk ka kaluar pa kritika nga kreu i Qeverisë së Kosovës dhe zëvendësi i tij.

Kreu i ekzekutivit, Hashim Thaçi, ka folur për “dy fytyrat” e EULEX-it. “Si ka mundësi që EULEX-i në njërën anë të tregohet aq i kujdesshëm për të respektuar Kushtetutën e Kosovës, si në çështjen ta zëmë të imunitetit të zyrtarëve të lartë, ndërsa në anën tjetër të mos e mbështesë të drejtën tonë kushtetuese dhe ligjore për rend, ligj dhe luftë kundër krimit. Kjo është e pashpjegueshme dhe kërkon përgjigje”, ka thënë Thaçi.

Ndërkaq, zëvendëskryeministri Hajredin Kuçi ka thënë se ky mision duhet të jetë gjithkund ose askund.

[Genti..]

EULEX-i e quan ilegale ndërhyrjen e Qeverisë në veri

Prishtinë, 29 korrik – Misioni evropian për sundimin e ligjit në Kosovë, EULEX, ka bindjen se ka qenë ilegal vendimi i Qeverisë për të vënë nën kontroll pikat doganore 1 dhe 31, që ndodhen në kufi me Serbinë. Prandaj, ka refuzuar ta mbështesë në aksion.

Burime shumë të besueshme brenda Qeverisë së Kosovës i kanë thënë “Kohës Ditore” të enjten se ky mision evropian është thirrur në kompetencat ekzekutive, kur i është kërkuar javën e shkuar që të implementojë vendimin e masës së reciprocitetit për mosnjohjen e vulave të Doganave të Serbinë. Ndërkaq, kur i është thënë se Qeveria, edhe pa bekimin e EULEX-it, do të marrë masa për ta ekzekutuar vendimin, ka kthyer përgjigjen se këtë nuk mund ta bëjë. Ndërmarrjen e një veprimi të këtillë të mundshëm e kishte kualifikuar “jolegal”.

“Javën e kaluar kryeministri ka pasur kontakte me shefin e EULEX-it, nga i cili ka marrë përgjigjen refuzuese për ta mbështetur Qeverinë në aplikimin e masës së reciprocitetit edhe në vendkalimet kufitare në Jarinjë dhe në Bërnjak. Kryeministri ia ka bërë të qartë se do të veprojë i vetëm, por De Marnhac i ka thënë se as nuk do të duhej t’i shkonte mendja për të vepruar”, ka thënë ky burim. “De Marnhac ka thënë se Qeveria nuk mund ta bëjë njëanshëm veprimin, pasi që EULEX-i mund të ushtrojë përgjegjësi ekzekutive ligjore. Qëndrimin e kishte marrë në konsultim me Brukselin”.

Kryeministri Thaçi ka folur për EULEX-in një ditë më parë në pjesën e parë të mbledhjes së Qeverisë, gjatë së cilës kohë nuk janë lejuar mediat të kenë qasje.

“Thaçi tha që EULEX-i e ka konsideruar vendimin e Qeverisë si ilegal dhe se praktikisht ka qenë në anë të kundërt me ne”, ka thënë në kushte anonimiteti një anëtar i kabinetit qeveritar, pjesëmarrës në mbledhje.

EULEX-i ka për bazë ligjore atë që quhet “veprimi i përbashkët i Këshillit 2008/124/CFSP i datës 04 shkurt 2008 mbi Misionin për Sundim të Ligjit Evropian në Kosovë, EULEX Kosovë”. Neni i tretë i këtij dokumenti përcakton që “Me qëllim të përmbushjes së Deklaratës së misionit të përcaktuar në nenin 2, EULEX Kosovë do të ... monitorojë, udhëzojë dhe këshillojë institucionet kompetente kosovare në të gjitha fushat që ndërlidhen me sundimin e ligjit (përfshirë shërbimin doganor), duke mbajtur disa përgjegjësi ekzekutive”.

Tekstin e plotë lexojeni sot në “Koha Ditore”

[beni33]

pasi te perfundon gjendja e veriut shqiptaret duhet te thrrasin nje protet gjith popullore kunder HORDHIVE TE QUAJTURA EULEX dhe ti largojm nga kosova se pse kta jan te dembshem per kosoven pra dyuhet tu behet apel te gjith atyre qe bashkpunojn me misionin e eulexit te nderprejn ket bashkpunim me ket misin dahakeq per kosoven ti thrrasim edhe ato familje qe kan te vendosur si qragjinje nderkombtar te EULEXIT QE TI LARGOJN