Thuaj JO produkteve serbe! Mos e ushqe kontrabanden!

[Genti..]

Te gjithe Shqiptaret e Kosoves duhet bere te njejten gje :


Në Skenderaj i djegin prodhimet serbe



http://kohaditore.com/index.php?page=1,3,64429

[illyrian rex]

Bllokimi i kushton Serbisë një milion euro në ditë
31.07.2011

Beograd, 31 korrik – Autoritetet serbe po bëjnë përpjekje që në bashkëpunim me biznesmenë të gjejnë mënyra, që me gjithë bllokadën, mallrat nga Serbia të arrijnë në Kosovë, thotë Nebojsha Qiriq, ministër i Ekonomisë dhe Zhvillimit Rajonal në Serbi, transmetojnë mediet serbe.

Qiriq thotë se në Kosovë gjatë një viti plasohen mallra në vlerë rreth 350 milionë euro, dhe tani autoritetet në Beograd me biznesmenë po bëjnë përpjekje që të gjejnë mënyra që këto mallra të arrijnë në Kosovë.

Sipas ministrit serb, përfaqësuesit e UNMIK-ut kanë propozuar që çështja e vulave të doganave të Kosovës të zgjidhet në kuadër të marrëveshjes së CEFTA-s, dhe jo në bisedimet Beograd-Prishtinë.

Ministri serb në mbledhjen e djeshme të Kuvendit të Serbisë ka thënë se Beogradi po shqyrton këtë propozim, por aktualisht çështja e vulave të Doganave të Kosovës mbetet në hije të zhvillimeve të tjera në Kosovë, raporton Beta.

kohaditore.com

[illyrian rex]

Rritet kërkesa për prodhimet “Made in Kosova”
31.07.2011

Prishtinë, 31 korrik – Prodhuesit vendës të materialeve ndërtimore kanë konfirmuar se është rritur kërkesa për prodhimet e tyre, pas vendimit të Qeverisë për bllokimin e importit nga Serbia dhe taksimin me 10 për qind për mallrat që vijnë nga Bosnjë-Hercegovina, shkruan sot Koha Ditore. Por kompanitë që merren me prodhimin e produkteve ushqimore ende nuk i kanë ndier rezultatet e bllokadës, për shkak të stoqeve që kanë krijuar tregtarët.

Materialet ndërtimore kanë qenë pjesa kryesore e importit nga Serbia, prandaj vendimi për reciprocitet ka pasur ndikim të menjëhershëm në këtë sektor.

Skënder Bajrami, pronar i fabrikës së tjegullave “Industria e materialeve ndërtimore, IMN NIKI-S”, e cila momentalisht prodhon bllokun me dimensione të ndryshme, ka thënë se ka filluar të rritet kërkesa për prodhimet e tyre.

“Ne i kemi blerësit tanë. Ndërsa pas vendimit për reciprocitet kanë filluar të lajmërohen edhe blerës të rinj, të cilët importonin prodhimet nga Serbia”, ka thënë ai, duke shtuar se do të shtohet prodhimi varësisht prej kërkesave në treg. Ndërsa një zgjerim më të madh të prodhimit ai e ka paralajmëruar për në fund të vitit.

“Momentalisht prodhojmë 700 tonë prodhim të gatshëm të bllokave, ndërsa me projektin e ri do të rritet edhe për 500 tonë. Ky projekt do të prodhohet me teknologjinë e fundit. Momentalisht i kemi 260 punëtorë, ndërsa me projektin e ri planifikohet edhe për 52 punëtorë shtesë. Linja e re do të fillojë në fund të vitit”, ka thënë Bajrami.

Në depot e materialeve ndërtimore ka mungesë të tjegullave, pasi ato importoheshin kryesisht nga Serbia për shkak të çmimit më të favorshëm. Bajrami thotë se fabrika e tij ka mundësi për prodhimin e tjegullave, mirëpo kërkohen investime shtesë.

“Se kur do të fillojmë varet prej kushteve financiare dhe ndonjë politike stimuluese nga Qeveria e Kosovës, apo edhe ofrimi i ndonjë mundësie për kreditim më të favorshëm”, ka thënë Bajrami.

Pronari i fabrikës së tjegullave ka thënë se nëse do të kishte një kreditim më të favorshëm të gjithë prodhuesit e materialeve ndërtimore do të investonin në rritjen e prodhimit dhe kësisoj do të mbuloheshin kërkesat e tregut.

(Gjerësisht lexoni sot në të përditshmen Koha Ditore)

kohaditore.com

[beni33]

qytetaret duhet ne mnyr masovike ti djegin produktet nga serbia pse heshtin shqipet pse ajn ne gjum

[illyrian rex]

Varësia e pashpjegueshme nga Serbia
31.07.2011

Gani Mehmetaj

Në tregun e Kosovës Serbia është shteti më i privilegjuar në botë. Ku është ndjenja jonë e patriotizmit. A nuk na obligojnë mbi njëzetmijë viktima shqiptare që u vranë nga ushtria e Serbisë, a nuk na obligon vrasja e policit shqiptar nga Vushtrria, i cili ra për të mbrojtur kufijtë tanë dhe për të mbrojtur shtetin e Kosovës.

U desh të bëhet një përleshje e shkurtër në mes të Njësive Speciale të Kosovës dhe bandave të organizuara serbe, ku ra në krye të detyrës një policë yni, për të marrë vesh botërisht se ne jemi të varur këmbë e krye nga importi i Serbisë. Shpërtheu tërbimi i ‘rrugaçëve’ nga Serbia në kufi me Kosovën, të mbështetur nga Beogradi, për të marrë dhenë pas kësaj informata se ne ushqehemi me mallra-plehra nga Serbia, ndërtojmë shtëpitë e djegura nga ushtria serbe, me çimento, tulla e material tjetër të importuar nga Serbia, të paguara nga paratë tona, se ushqejmë fëmijët tanë me biskota e griz të prodhuar enkas nga fabrikat serbe për popullatën tonë, se jemi të varur kokë e këmbë nga Serbia, më keq se kur ishim nën okupimin e tyre.

Më kujtohet fare mirë që atëbotë, kur ishim nën okupim, nuk kishim as polici, as ushtri tonën, nuk i kishim as trupat e KFOR-it, morëm guximin qytetar dhe kurajën patriotike për ta bojkotuar tërësisht mallin e Serbisë, duke i konsideruar tradhtarë ata që blejnë prodhime të okupatorit. Ata të tillë mbeten edhe sot, por ne jemi indiferentë ndaj tyre. Dhe atëbotë kishte efekt të madh bojkotimi i mallit serb dhe organizimi shqiptar. Sot e kemi shtetin tonë, i kemi policët e ushtrinë tonë, ndërsa Serbia sërish na ka pushtuar me mallin dhe ekonominë e vet. Flitet madje se përmes njerëzve tanë ajo i ka shtrirë duart thellë në pasurinë tonë kombëtare e minierat strategjike.

Serbia edhe më tutje ka qëndrim armiqësor ndaj shqiptarëve, kurrë nuk do të mund t’i lajë krimet që ka bërë ndaj nesh, edhe më tutje vret njerëzit tanë, është okupatore e një pjese të popullatë sonë (Preshevë, Bujanovc e Medvegjë), por ne me ndjenjën e skllavit, sillemi e veprojmë si të mos kishte ndodhur asgjë në mes nesh: bashkëpunimin më të mirë në rajon dhe në botë e kemi me Serbinë! Konsumojmë mallin e tyre, i shpëtojmë nga falimentimi fabrikat e tyre dhe e financojmë ushtrinë e tyre që të blejnë armë për të luftuar kundër nesh. Por ata asnjëherë nuk habitën që të lejojnë mallin tonë të shitët në territorin e tyre, madje as në hapësirën shqiptare në Preshevë, Medvegjë dhe Bujanovc.

Çfarë populli jeni ju, me tha një ditë një i huaj, dashamirës yni, kur ia tregoja ca fakte që ai nuk i kishte ditur. Rrudha me supe me ndjenjën e thellë të fajit. Nuk kisha përgjigje. Pikëllimi im, nuk ishte argument i mjaftueshëm.

Vetëm pas vrasjes së policit tonë, u mor vesh se Coca-Colen e famshme amerikane e marrim nga Serbia! Ndërkaq, është pikërisht Serbia me ushtarët e vet kriminelë ajo që e dogji fabrikën tonë të Coca-Colës në Lipjan, dogji edhe pjesën më të madhe të fabrikave tona, u mor vesh, pos tjerash, edhe për të rrënuar ekonominë tonë dhe për të na shitur mallrat e tyre. Edhe atëherë kur bizneset tona të shëndosha përpiqeshin të ndërtojnë fabrika ushqimore e fabrika për materiale ndërtimore, ishin tregtarët e fuqishëm e ndërmjetësit e ndryshëm nga Kosova ata që i ngufasnin prodhimet vendëse, duke na vërshuar me mallin serbë të të njëjtit prodhim. Në konspiracion me bosët e fuqishëm të gjakut tonë u ndalua importi i Coca -Colës nga Shqipëria, u shmang i njëjti prodhim nga Maqedonia. Madje edhe disa dhjetëra lloje të ujit të prodhuar në Kosovë e në Shqipëri, tregtarët e sipërmarketeve tona e venë në plan të dytë, duke e vënë në spikamë vetëm një lloj të ujit serb. Shkoni dhe vërtetojeni-janë dhjetëra shishe në frigorifer të një prodhimi serb dhe asnjë shishe uji të prodhimit shqiptar. Të skandalizon ky proteksionizëm: në tokën shqiptare të Kosovës favorizohet prodhimi serb.

Në tregun e Kosovës, Serbia është shteti më i privilegjuar në botë. Ku është ndjenja jonë e patriotizmit. A nuk na obligojnë mbi njëzetmijë viktima shqiptare që u vranë nga ushtria e Serbisë, a nuk na obligon vrasja e policit shqiptar nga Vushtrria, i cili ra për të mbrojtur kufijtë tanë dhe për të mbrojtur shtetin e Kosovës. Ai ra edhe për të penguar kontrabandën e mallrave serbe, ndërkaq, bashkëkombësit e tij vazhdojnë të kontrabandojnë dhe të konsumojnë ato mallra. Medet.

Reagimi i bandave serbe, natyrisht që ishte i egër, i tërbuar, kur u bllokua malli serb dhe u pengua kontrabanda, sepse me aksionin e qëlluar të qeverisë dhe të njësive speciale tentuam t’ua presim degën në të cilin jetonin kriminelët serbë dhe mafiozët shqiptarë. Me ndërhyrjen e njësive speciale u alarmuan zyrtarët nga Beogradi, sepse një treg kolonial po rebelohej dhe kështu rrezikonte të krijonte krizë në vendin e tyre.

Me kujtohet para shumë vjetësh kur u organizua një bojkot i mallit slloven, (një shteti thellësisht miqësor ndaj nesh), sepse policia e tyre arrestoi pa të drejtë zyrtarin tonë të lartë me një fletarrestim nga Serbia. Me kujtohet se ky bojkot sa ishte i dëmshëm, aq ishte edhe parodi, sepse edhe atëherë edhe tash malli nga Serbia ishte mbizotërues në tregun e Kosovës. Dhe askujt as atëherë, as tash, edhe në vitet kur vriteshin nga dhjetëra shqiptarë në veriun e Mitrovicës, nuk organizoheshin bojkote kundër mallit serb.

Para ndonjë jave një shoqate konsumatorësh i krisi nervi islamik dhe kërkoi të bojkotohet një mall italian, sepse në përbërjen e vet paska yndyrë derri, megjithëse prodhuesi e theksuaka këtë gjë në gjuhë tjera, por nuk e paska përmendur edhe në shqip, sipas kësaj shoqate. Dhe e njëjta shoqatë që i alarmon myslimanët, nuk i kujtohet të dalë në mbrojtje të shqiptarëve të Kosovës dhe të thotë: konsumatorë bojkotojeni mallin serb, sepse ata po na i vrasin policët tanë, sepse po e thyejnë kufirin tonë, sepse po e kontrabandojnë mallin e tyre në territorin tonë. Madje, nuk alarmuan konsumatorin as atëherë kur disa prodhime serbe, dolën se janë të helmuara, këtë gjë e konstatuan shoqatat e tyre konsumatore, por te ne malli serb nuk u tërhoq nga qarkullimi.

telegrafi.com

[TetovaMas]

qytetaret duhet ne mnyr masovike ti djegin produktet nga serbia pse heshtin shqipet pse ajn ne gjum

Mbas lufte ,nuk pajtohem me veprimet e shqipetareve te Kosoves ,se prodhimi serbe ka pasur si pazare me te rendesishem per ekonomine serbe ne Kosove. Sikur te behet nje analize dhe krahasim me gjeneratat me te vjetra shqipetare, ata jane treguare edhe me nacionaliste ekonomik ,dhe patriot , kane jetuare me buke te kollomocit ,pore nuk jane dorezuare ,dhe ajo qe ka qene edhe me veshtire se ne ate kohe kufiri me Shqiperine ka qene i mbyllur . Shqiperia dhe Kosova aktualishte i kane kufijte e hapur,kurse shqipetaret e blejne mallin e serbise.

Bojkoti i mallrave te serbise duhet te jete total.

[Genti..]

I njejti fat po e pret edhe Maqedonin (sipas B.Pacolit) per shkak diskriminimit ekonomik ndaj Kosoves .

Mire kjo .

[illyrian rex]

Shteren produktet serbe
01.08.2011

Enis Veliu
Prania e produkteve serbe nëpër qendrat kryesore tregtare në vend, por edhe nëpër markete të vogla brenda qyteteve është duke u eliminuar dita-ditës, sidomos pas djegies së dy pikave kufitare në veri të Kosovës nga huliganët serbë.

Të dëshpëruar me sjelljet e tyre, qytetarët e Kosovës ditëve të fundit masivisht kanë nisur të bojkotojnë prodhimet serbe, madje disa nga ta në mënyrë simbolike kanë organizuar aksione për bojkotimin e tyre.

Në fund të javës që lamë pas një grup qytetarësh nga komuna e Skënderajt ua kanë vënë zjarrin një grumbulli produktesh serbe, por aksione të tilla ka pasur edhe nëpër qendra tjera të Kosovës.

Por, së fundi edhe kompani të cilat për vite të tëra kanë sjellë produkte serbe në Kosovë, janë pajtuar me vendimin e Qeverisë për reciprocitet, duke ndërprerë lidhjet e tyre me kompanitë serbe prej më shumë se një dekadë.

Por, tregtarë të papërgjegjshëm edhe më tej vazhdojnë të shesin mallra të kontrabanduar, të cilat po i mbajnë nëpër depo të sigurta, brenda kryeqytetit, por edhe qendrave tjera të Kosovës.

Burime të gazetës bëjnë të ditur se pas marrjes së masave të reciprocitetit, çmimi i produkteve serbe në Kosovë është ngritur për më shumë se 20 për qind.

“Në depo ku marr mall unë, të dielën çmimi është ngritur për më shumë se 20 për qind, pasi ka mungesë të madhe të disa produkteve, të cilat na i kemi shitur prej mbarimit të luftës e deri më tash”, tha në kushte anonimiteti, një pronar i një i marketi në kryeqytet.

Ramiz Kelmendi, është pronar i kompanisë “Elkos”, e cila deri më tash ka qenë një ndër importuesit më të mëdhenj të prodhimeve serbe në Kosovë.

Ai thotë se kompania e tij, brenda një jave, ndoshta edhe më pak, do ta shesë mallin e fundit të importuar nga Serbia.

“Ne asnjëherë nuk kemi mbajtur rezerva nëpër depot tona, sepse s’kemi pasur nevojë. Deri në fund të javës ne i shpenzojmë të gjitha produktet serbe që i kemi pasur nëpër depo”, tha ai.


Kelmendi thotë se kompania e tij, brenda një periudhe të shkurtër ka gjetur treg alternativ për zëvendësimin e produkteve që më parë ka importuar nga Serbia.

“Kjo ka qenë puna me e vogël për kompaninë time”, tha ai.

Por, në anën tjetër, ekspertë të ekonomisë në vend thonë se bojkoti i produkteve serbe është i domosdoshëm për një zhvillim ekonomik të vendit. Sipas tyre, nëse edhe për një kohë do të vazhdojë reciprociteti prodhuesit serbë në mënyrë automatike do të humbasin tregun kosovar.

Safet Gërxhaliu, kryetar i Odës Ekonomike të Kosovës, thotë se eksportet e Serbisë në Kosovës, gjatë këtij viti janë shumë të larta në raport me vitin e kaluar, pasi që sipas tij, ata kanë qenë të përgatitur prej kohësh për reprocitet.

Gërxhaliu thotë pas një kohe përpos forcimit të kufirit Qeveria duhet të organizojë edhe një trup inspektorati për kontrollin e bizneseve.

“Nëse në një biznes gjenden mallra serbe pas kohës së marrjes se vendimit, kjo direkt nënkupton se ai produkt ka hyrë ilegalisht në Kosovë”, tha ai.

Edhe Agim Shahini, kryetar i Aleancës Kosovare të Bizneseve, thotë se nëse edhe më tej Kosova vazhdon te ketë masa reciprociteti ndaj Serbisë, brenda një muaji, apo edhe më shpejt nuk do të ketë asnjë prodhim serb në Kosovë.

Shahini thotë se për dallim nga periudha e njëjte e vitit të kaluar, sivjet Serbia në Kosovë ka eksportuar 20 milionë euro më shumë produkte.

Shahini thotë se vendimi për reciprocitet në masë të madhe ka ndihmuar prodhuesit vendorë në Kosovë.

Ai tha se në bazë të një analize vetëm në javën e parë të reciprocitetit shitja e produkteve vendore është rritur për më shumë se 10 për qind.

“Ka ndodhur diçka e mirë që është rritur shitja për 10 për qind, por nuk ka ndryshuar fare çmimi. Konsumi sa më i madh i prodhimeve vendore në mënyrë automatike largon nga tregu prodhimet serbe”, tha ai.

Përndryshe nga mbarimi i luftës e deri më tash Serbia në Kosovë ka eksportuar produkte ushqimore dhe jo ushqimore në vlerë prej rreth 4 miliardë euro, duke i dëmtuar rëndë prodhuesit vendorë në Kosovë.

Edhe përfaqësues të institucioneve ekonomike në vend kanë bërë apel për bojkotim të produkteve serbe, të cilat në vendin tonë së fundi po hyjnë edhe nëpër rruge ilegale.

Zbatimi i marrëveshjes së reciprocitetit për shkëmbimin e mallrave mes Serbisë dhe Kosovës, ka bërë që kjo e fundit të kthejë sytë nga Shqipëria, si një vend ku mund të sigurojë importin e lëndëve të para.

Kryetari i Shoqatës së Eksportuesve, Alban Zusi, ka deklaruar se bizneset kosovare janë drejtuar drejt bizneseve shqiptare.

Zusi theksoi se këtë vit Shqipëria ka rritur në 30-40 për qind numrin e eksporteve dhe se kjo rritje do të vazhdojë edhe në vitet e ardhshme.

[urani29]

Un po ju them nje fjal ketu se po te bojtotojm gjith shqiptaret mallrat serbe Serbia do te bien ne dy guj do te ke kriz finaciare ne bugjetin e shteti dhe kriz sociale per banoret ser qe do humbasin vendet e punes.
Serbia ka shit me se shumti mallra ne Kosov pasi qe ne vendet tjera konkurenca esht shum e madhe dhe deportimi i mallrave serbe esht i kufizuar.
Serbia nuk mund te dal ne tregun europina aq leht pasi qe nuk ka as nje rrug detare lidhse me europen perendimore dhe kshtu detyrohet te perdor portet e vendeve fqinje e kjo i kushton shum biznesit serb pasi qe ata duhet te paguajn taksa per tragetet qe kalojn ne ktovende keshtu qe kur mallrat e saj arrin ne europen perndimore cmimi rritet shum dhe konsumatoret nuk blej pasi qe nuk jan kualitativ per at cmim.
Ne fund te fundit Serbis i ka mbet vetem Kosva nje treg ku mund te konkuroj por levizja e zgjuar per bllokim te mallrave serbe do ta shkatrroj Serbin ekonomikisht.

[beni33]

me vjen mir kur degjoj se shqiptaret po i largojn prodhimet e shtetit dhe popullit me kriminel te ballkanit pra te populit serb
kjo inciativ ka qend para nja 2 vite nga albin kurti por disa faqe zi e quanin albinin patriot i vonuar pra u dasht qe bandat fashiste serbe te naj djegin per sedyti kufinin dhe ne te bindemi per ti larguar serbet nga kosova kta duhet qe t na hyn edhe ne obbor dhe tna dhunojn per se dyti kjo mund te ndodh nese jmei naiv dhe shitemi si kinse tolerant ndaj nje populli kriminel dhe fashist siq jan serbo sllavet