Policia e Kosovës - plane, aksione, rezultate...

[TetovaMas]

Te gjithe gabelat duhet arestuare . Nuk eshte tradita shqipetare me gjuajte me kalashnikov para femijve dhe dasmoreve.

Gabelat jane frigacaket me te medhenje ne bote.

Arestoni te gjithe bile bile me gjithe dhender e nuse ,se gabelat s'kane per tu edukuare asnjehere .

[Dar_di]

Te gjithe gabelat duhet arestuare . Nuk eshte tradita shqipetare me gjuajte me kalashnikov para femijve dhe dasmoreve.

Gabelat jane frigacaket me te medhenje ne bote.

Arestoni te gjithe bile bile me gjithe dhender e nuse ,se gabelat s'kane per tu edukuare asnjehere .

Është trajtuar sado pak kjo çështje se a është apo jo pjesë e traditës shqiptare, gjuatja me armë në raste dasmash. http://www.forumishqiptar.com/showthread.php?t=98193

Fakti që mos arrestimi i tyre, e në raste të posaçme edhe mos konfiskimi i armës, ose vetëm lajmërimi deri në stacionin policor, kanë bërë që një dukuri e tillë negative të evoluohet edhe më tej ndër shqiptarët.

Në bazë të informacioneve në terren, gjuajtjet me armë nëpër gazmende familjare (dasma, fejesa, syneti etj.) nuk kanë të ndalur. Qytetarët e Republikës së Kosovës janë të shqetësuar me një dukuri të tillë negative. Me gjithë kujdesin që tregohet, ata druajnë se poseduesit e armëve dhe gjuajtësit mund të qëllojnë ndonjërin nga të pranishmit.

Është me rëndësi të theksohet se një arsenal i këtyre armëve që kanë mbetur nga lufta e fundit e cila u zhvillua në Kosovë, qarkullojnë akoma këtej dhe në raste ahengjesh ato edhe futen në përdorim. Bie në sy fakti që armët përdoren më shpesh në festën e ndërrimit të moteve.

Plani që ka vënë në zbatim Policia e Kosovës, ndonëse ka shijuar frytet e tij, ende ka punë për t`u bërë. Megjithëse janë shtuar qarkullimet e policisë, ato nuk mund të gjenden në çdo festë e cila organizohet këtë verë në Republikën e Kosovës. Në anën tjetër, mungesa e bashkëpunimit më të madh të qytetarëve me Policinë e Kosovës, po ndikon negativisht që gjuajtjet me armë nëpër dasma e ahengje familjare, të mos zvogëlohen, por përkundrazi të marrin karakter zhvillimi. Arrestimi, konfiskimi i armës, bastisja e shtëpisë dhe dënimi i akterëve të kësaj dukurie, do të shërbenin si paralajmërim për të gjithë të tjerët që të jenë më të kujdesshëm në rast se pretendojnë të gjuajnë nëpër dasma.

Duhet të jemi të vetëdijshëm për pasojat eventuale. Nuk është një shkrepje me armë, pjesë e një gëzimi të tillë. Është një zakon i keq që duhet ndaluar.

Dar_di

[Dar_di]

Shkarkohet Maliqi, policia aksion në pikat 1 dhe 31

Kryeministri i Republikës së Kosovës, Hashim Thaçi, në mbështetje të nenit 94 paragrafit (10) të Kushtetutës së Republikës së Kosovës dhe nenit 43.1 (a) të Ligjit Nr.03/L-035 për Policinë, ka marrë vendim që të shkarkojë Reshat Maliqin nga pozita e Drejtorit të Përgjithshëm të Policisë së Kosovës- thuhet në një njoftim të Zyrës së kryeministrit.

Nga ana e tij, Maliqi ka deklaruar për RTK-në se nuk është në dijeni për shkarkimin e tij. “Unë sapo u njoftova nga Televizioni i Kosovës se jam shkarkuar nga detyra”, është shprehur ai.

Ndërkohë, menjëherë pas shkarkimit të Maliqit, me urdhër të kryeministrit Hashim Thaçi, njësitë speciale të policisë së Kosovës sapo kanë filluar një aksion për marrjen nën kontroll të pikave 1 dhe 31 në veri të vendit.

Ky veprim vjen pas vendimit të qeverisë së Kosovës për vendosjen e masave të reciprocitetit me Serbinë. Pikat 1 dhe 31 ka një kohë të gjatë që gjenden jashtë kontrollit të autoriteteve kosovare. Këto dy pika janë vlerësuar si vendkalim kryesor i kontrabandës dhe krimit të organizuar. Kjo ka qenë brenga kryesore e autoriteteve kosovare, por edhe e gjithë spektrit politik në vend.

Ky është aksioni i parë serioz i autoriteteve kosovare për të shtrirë autoritetin në tërë territorin e Republikës së Kosovës.

Telegrafi

[Dar_di]

Ndërroi jetë zyrtari policor Enver Zymberi

Përkundër përpjekjeve të ekipit mjekësor në QKUK-së për shpëtimin e jetës, zyrtari policor Enver Zymberi, ndërroi jetë në orën 22:05.

Sot (26.07.2011) rreth orës 14:20 në vendin e quajtur Varrak të Zubin Potokut është raportuar për të shtëna me armë zjarri.

Si pasojë e këtyre të shtënave pjesëtari i Njësitit Special Operativ – Enver Zymberi lindur më 1979, me vendbanim në fshatin Dubovc të Vushtrrisë, ka pësuar lëndime të rënda trupore në kokë. Zyrtari i plagosur menjëherë është transportuar në Spitalin Rajonal të Mitrovicës ku ka pranuar trajtimin mjekësor.

Me ndihmën e KFOR-it i njëjti është transportuar me helikopter në Qendrën Klinike Universitare të Kosovës.

Përkundër përpjekjeve të ekipit mjekësor në klinikën intensive të QKUK-së për shpëtimin e jetës, zyrtari policor Enver Zymberi ndërroi jetë në orën 22:05.
I ndjeri ka qenë pjesëtar i Policisë së Kosovës që nga viti 2000 dhe i përkiste gjeneratës së 10 të PK-së.

Fillimisht Enveri ka shërbyer në stacionin policor në Vushtrri për t’ju bashkangjitur më pas Njësitit Special Operativ (NJSO) të PK-së në drejtorinë rajonale të Mitrovicës.

I ndjeri ka lënë pas gruan me tre fëmijë.

POLICIA E KOSOVËS

[illyrian rex]

Neutralizohet një person i armatosur
12-09-2011

Me një operacion të koordinuar, me mbështetjen edhe të njësive patrulluese të stacionit policor "Veri", zyrtarët e NJSI-së kanë arritur të arrestojnë një të dyshuar të armatosur para se ai të ndërmerrte ndonjë veprim të shkrepjes së armës së zjarrit.

Të dielën në orët e pasdites, policia e stacionit policor "Veri" në Prishtinë kishte marrë një informatë së një i dyshuar në rrugën "Ramë Govori" ishte mbyllur në dhomën e tij. Policia kishte edhe informatën se i dyshuari mund të ishte në depresion dhe me probleme psikike si dhe ishte në posedim të një arme automatike të llojit AK-47.

Njësitet patrulluese kanë shkuar së pari në vendin e ngjarjes, së bashku edhe me ekipin e ndihmës së parë. Atje kanë vërejtur se bëhet fjalë për një operacion me rrezikshmëri të lartë.

Personi i dyshuar çdo moment mund të shkaktonte rrezik të përgjithshëm duke rrezikuar edhe anëtarët e familjes dhe banorët e tjerë përreth. Së pari është tentuar që të bindet i dyshuari që të dorëzohet, apo të dorëzojë armën. Këto tentime kanë qenë të kota, pasi që, sipas familjarëve, ai person edhe ishte në depresion të thellë psikik.

Katër ditë radhazi ishte ngujuar në dhomën e tij dhe kishte ndërprerë komunikimet.

Policia kishte informata të sakta mbi vendndodhjen dhe armën që i dyshuari ishte në posedim. Duke vërejtur një situatë të tillë, u njoftuan zyrtarët e Njësitit Special Intervenues (NJSI e njohur më herët si FIT) të cilët së bashku me njësitë patrulluese të stacionit policor "Veri" ndërmorën të gjitha masat duke filluar nga bllokimi i vendit të ngjarjes, ndalimi i qarkullimit të qytetarëve në afërsi të atij lokacioni me qëllim të minimizohet çfarëdo rreziku nga i dyshuari i armatosur.

Gjithashtu, edhe familjarët e tij për çështje të sigurisë ishin larguar nga vendi i ngjarjes.

Pas analizimit të situatës në tërësi një ekip i NJSI-së me të gjitha pajisjet e nevojshme është vendosur në afërsi të vendit të ngjarjes dhe pas vlerësimeve nga ekipet mbështetëse ka filluar intervenimin gjatë të cilit është ndërhyrë në dhomën ku ndodhej i dyshimti.

Zyrtarët e NJSI-së kanë hapur derën me forcë dhe në të njëjtën kohë në mënyrë dinamike kanë arritur të shohin të dyshuarin me armë në dorë dhe ta neutralizojnë atë para se ai të ndërmerrte ndonjë veprim të shkrepjes së armës së zjarrit.

Të dyshuarit menjëherë i është ofruar ndihma mjekësore dhe më pas me vendim të prokurorit i është caktuar masa e ndalimit policor për 48 orë deri në vazhdimin e procedurave të mëtutjeshme.

Policia e Kosovës falënderon të gjithë qytetarët që ofruan përkrahje gjatë realizimit të këtij operacioni, kurse familjarët kanë shprehur mirënjohjen më të madhe për ndërhyrjen profesionale të ekipit të NJSI-së.

zeri.info

[beni33]

genjeshtrat e zedhensit te policis se kosoves per rajonin e mitivorces jan bajate ky njeri genjen gjdo dit qytetaret e vet te pakten ashtu mundohet te genjej por pytja e ths pse ky njeri ter fajin u mundua tu a hedh shqiptarve ne rastin kur disa kriminel serb sulmuan shqiptaret kurse ky besim hoti deklaronte se serbet nuk kishin per qellim ti sulmojn shqiptaret se pse sipas kti zedhenesi edhe serbet qenkan ankuar nga shqipratet ... ja pra marifeti i i zedhensav te hashimit

[beni33]

si duket KFOR dote ndery nga e hena ne veri por jo edhe policia e hashimit
pra pak ditesh bajram rexhepi kishte deklaruar se po i humb durimi por per qka e kishte fjalen ky njeri si duket veriu i vendit dote kontrollihet nga OKB pra qeveria as pas ksaj mesele sdotye ket qasje ne veri mbetet te shifet nga ngjarjet apo pas ndonje spektakli ne vazhdim

[Dar_di]

Policia me plan operativ kundër zgjedhjeve serbe

Ministri i Punëve të Brendshme i Republikës së Kosovës, Bajram Rexhepi, ka deklaruar se Policia e Kosovës është duke e përgatitur planin operativ për të penguar organizimin dhe mbajtjen e zgjedhjeve lokale serbe në territorin e Republikës së Kosovës.
Ministri Rexhepi ka thënë se do të ftohen edhe EULEX-i, edhe KFOR-i që të ndihmojnë realizimin e këtij plani, pasi me organizimin dhe mbajtjen e zgjedhjeve lokale serbe, situata mund të tensionohet.

“Derisa Serbia pretendon se do t’i mbajë zgjedhjet, atëherë ne si institucione të Kosovës duhet të jemi të gatshëm të reagojmë, jo vetëm ditën e zgjedhjeve. Duhet të shfrytëzojmë të gjitha mjetet demokratike..., do të ndalojmë hyrjet e personave të paautorizuar në kufij dhe materialeve që kanë të bëjnë me zgjedhjet”, ka thënë Rexhepi për emisionin Debat të RTK-së.

Ai ka thënë se KFOR-it nuk ka obligime ndaj zgjedhjeve, por sipas tij, nëse grupet radikale serbe përpiqen të organizojnë tubime elektorale nxitëse, atëherë forcat paqeruajtëse nuk do të mund të qëndrojë duarkryq, por të ofrojë siguri për të gjithë qytetarët.

Ministri Rexhepi ka thënë se pret dhe shpreson se faktori ndërkombëtar do të jetë i vendosur për të mos lejuar mbajtjen e këtyre zgjedhjeve. Ai ka thënë se Serbia duhet të dijë se procesi integrues në Bashkimin Evropian nuk merr fund me statusin e kandidatit.

Rexhepi po ashtu ka thënë se qasja ndaj veriut duhet të ndryshojë, pasi situata nuk mund të ndërrohet me deklarata nga distanca. Për këtë ai ka thënë se edhe ai edhe kryeministri Hashim Thaci, janë të gatshëm të takohen me përfaqësuesit e serbëve të veriut, por jo si kryetar komunash, sepse siç ka thënë ai, janë jolegjitim.

Telegrafi

[Sharri-Liburna]

Paskan me i qu sikur per hapjen e kufijeve ,e me dal shkiet me ua vra para syve ndonji te gjor, sikur ne rastin e hapje3s se pikave kufitare qe ua vran shkijet policin e gjor nga afersia.

[PLAKU]

Arrestohet mjeku nën dyshimin se dhunoi pacienten
31-03-2012 03:13 CET


Policia e Kosovës ka konfirmuar arrestimin e një mjeku në komunën e Lipjanit nën akuzën për dhunim të pacientes së tij. I dyshuari për këtë vepër, sipas policisë, tani ndodhet në paraburgim, kurse rasti ka kaluar në duar të hetuesisë.

Rasti është konfirmuar dhe nga familjarë (prindër) të viktimës, të cilët ngjarjen e ndodhur ndaj vajzës së tyre, më 27 mars, të martën, e kanë denoncuar dhe në redaksinë e gazetës “Zëri”, të premten.

“Vajza ka shkuar të kontrollohet tek gjinekologu R.Z., i cili më pas dhe e ka dhunuar, duke ia mbyllur derën, e më pas duke thyer telefonin derisa ajo ishte përpjekur të më thërriste”, ka deklaruar Xh. G., babai i vajzës nga Sllovia e Lipjanit.

Për dhunimin që dyshohet se ka kryer mjeku, vajza është deklaruar edhe për “Zërin”, duke rrëfyer se si i është bërë dhunimi, derisa ajo ishte drejtuar aty për një ekzaminim mjekësor, por i ishte kërkuar nga mjeku se “që t’i bëhej ekzaminimi duhej të zhvishej”, që, sipas saj, kishte qenë fillimi i dhunimit që me forcë ishte ushtruar më pas ndaj saj.

Ajo ka thënë se mjeku ka kryer marrëdhënie seksuale me dhunë dhe tërë ngjarja ka ndodhur përreth dy orë në ordinancën e mjekut, e cila nga prindi deklarohet se gjendet dhe në afërsi të shtëpisë së mjekut.

Vajza N. N. ka thënë se në atë kohë nuk kishte ndodhur ndonjë motër medicinale apo asistente e doktorit në ordinancë. Ai kishte qenë vetëm dhe në gjë e tillë, sipas prindit të saj, nuk ishte imagjinuar të ndodhte, pasi ai (Xh.G.) kishte qenë kujdestar i fëmijëve të këtij mjeku dhe ishin njohur mirë.

Ai thekson se ky krim ndaj vajzës së tij duhet të ndëshkohet, prandaj ka kërkuar ndihmën e organeve policore dhe ka paraqitur rastin po atë ditë në polici, e cila sipas procedurave kishte dërguar vajzën në ekzaminim mjekësor.

“E ka bërë me paramendim dhe duhet të marrë ndëshkim”, deklarohet prindi i vajzës, i cili paralajmëron se rastin do ta dërgojë edhe tek organet e EULEX-it, pasi shpreh drojën se mos neglizhohet nga organet e policisë, që, sipas tij, kanë zvarritur sidomos ekzaminimin e mjekëve adekuatë për të verifikuar dhunimin.

Në qoftë se ndaj mjekut nuk vendoset me ligj dhe nuk ndëshkohet, ai thekson se këtë do ta zgjidhë me Kanun. Por, njëherë pret që kjo të zgjidhet nga organet gjyqësore.

Në anën tjetër Policia e Kosovës ka deklaruar se mjekut të arrestuar, i datëlindjes 1964, i është vazhduar masa e paraburgimit prej 30 ditësh.

Florie Ahmeti nga zyra për informim e rajonit të Prishtinës në Policinë e Kosovës, ka thënë se rasti ka kaluar në organet e prokurorisë dhe se pritet konstatimi i Mjekësisë Ligjore.

“Është raportuar se një vajzë e ditëlindjes 1989 është dhunuar nga doktori në një ordinancë private”, ka thënë ajo për “Zërin” A.Kadriu

[Sharri-Liburna]

Serbia ka arrestuar dy policë të Kosovës


Publikuar: 31.03.2012 - 13:53

Beogard 31 mars – Policia e Serbisë sot në orën 10.30 në rajonin e Merdarit ka arrestuar dy policë të Kosovës, siç ka deklaruar ministri serb i Punëve të brendshme Ivica Daçiq, të armatosur me dy pushkë automatike, dy revole dhe aparaturë speciale për matjen e largësisë

Janë arrestuar Shukri Bunjaku dhe Sami Beqiri, ka thënë Daçiq në konferencën e organizuar nergut për këtë rast .

"Çfarë kanë lypur ata në territorin e Serbis[ dhe sipas cilës marrëveshje? Ka thënë Daçiq dhe ka shtura se Serbia nuk do t’i durojë më këto akte.

Koha Ditore

[Dar_di]

ROSU nën vëzhgim! (Video)

Një njësit i KFOR-it gjatë natës së mbrëmshme ka vëzhguar bazën e forcave speciale të Policisë së Kosovës, ROSU, në Mitrovicë. Ekipi i KTV-së i cili ka kujdestaruar mbrëmë në këtë qytet ka vërejtur një veturë të KFOR-it duke patrulluar përreth bazës së njësisë speciale.
Burimet ndërkombëtare i kanë thënë gazetës “Koha Ditore” se KFOR-i ka pasur një informacion se njësia speciale e Policisë së Kosovës, e njohur si ROSU, do të intervenojë në veriun e Mitrovicës natën ndërmjet të enjtes dhe të premtes.

Burimet më tej kanë shtuar se KFOR-i ka paralajmëruar edhe zyrtarët e lartë të Policisë dhe Qeverisë së Kosovës se nuk do të lejojë që forcat speciale të kalojnë matanë lumit “Ibër”.

KFOR-i ka ndërmarrë këtë hap pasi nga NATO-ja është marrë informacioni se një njësi e forcave speciale të ROSU-s nga rajoni i Pejës është vendosur në Mitrovicë. Por, zëdhënësi i policisë për rajonin e Mitrovicës, Besim Hoti, ka theksuar se nuk ka pasuar ndonjë plan për lëvizjen e policisë.

Që pas vrasjes së fundit në veri, njësia speciale e Pejës po udhëton çdo ditë në këtë bazë, e cila, sipas burimeve të KTV-së, ka shtuar frikën te KFOR-i për ndonjë ndërhyrje të mundshme në veri, siç ishte ajo e 25 korrikut.

Ndërkaq, para pak çastesh ka përfunduar një protestë, raporton koha.net, e cila është mbajtur para selisë së EULEX-it në Mitrovicë.

Telegrafi

[Dar_di]

KFOR-i nuk e ka bastisur ROSU-n

Lajmi se ushtarë të shumtë të KFOR-it dhe njësi të EULEX-it kanë bastisur selinë e Njësisë Speciale të Policisë së Kosovës në Mitrovicë, i cili ka qarkulluar nëpër disa media, për zyrtarët policorë të Kosovës është një gënjeshtër që s’ka të bëjë asgjë me të vërtetën.

Zëdhënësi i policisë së Kosovës, Brahim Sadriu, i ka thënë Kosovapress-it nëpërmjet telefonit, se informata e fundit e cila është plasuar nëpër disa media dhe portale të lajmeve, nuk është e vërtet. Në lajmin e demantua nga zëdhënësi i Policisë, ndër të tjera thuhej se intervenim i KFOR-it ka ardhur pas informacioneve të tyre se "ROSU është duke planifikuar të intervenoj në veri për t’i arrestuar disa kriminelët serbë, kryesisht të dyshuar për largimin e pikës statike të policisë të vendosur tek ‘Tre Rrokaqiejt’".

Por, bastisja e pohuar është mohuar në mënyrë kategorike nga zëdhënësi i Policisë së Kosovës, Brahim Sadriu. “ Absolut nuk është e vërtet se njësia speciale e Policisë së Kosovës në Mitrovicë është bastisur nga KFOR-i dhe EULEX-i. Kjo dhe është një gënjeshtër që ka qarkulluar nëpër disa media dhe portale të lajmeve”, ka thënë Sadriu.

KOSOVA SOT

[Dar_di]

KFOR-i lëshon demant, ROSU është partner i yni!

E plotësuar: Misioni paqeruajtës i NATO-s në Kosovë, KFOR, ka hedhur poshtë raportimet e disa mediave në Prishtinë se gjoja pjesëtarët e tij kanë bastisur Njësinë Speciale të Policisë së Kosovës – ROSU.

“Këtë javë ka pasur dy incidente të raportimeve të rrejshme në media. Raportimi i tretë i pasaktë ka ndodhur sot në lidhje me raportet tona me Policinë e Kosovës”, ka thënë për Radion Evropa e Lirë zëdhënësi i KFOR-it, Uve Nowicki. Ai ka thënë se misioni i NATO-s e konsideron Policinë e Kosovës si partnerin më të besueshëm dhe më të aftë kur është në pyetje sigurimi i ambientit të qetë dhe të sigurt.

“KFOR-i kurrë nuk e ka parë nevojën për të kontrolluar apo monitoruar ndonjë element të Policisë së Kosovës, andaj edhe hedh poshtë raportimet e sotme të rreme”, ka deklaruar Nowicki. Ai ka thënë se “thashethemet e tilla shërbejnë vetëm për të minuar bashkëpunimin tonë të ngushtë me partnerët”.

Reagimi ka ardhur pas një shkrimi të botuar në “Koha Ditore”, ku thuhet se KFOR-i gjatë gjithë natës, ka ruajtur dhe vëzhguar bazën e forcave speciale të policisë së Kosovës, ROSU në Mitrovicë. Burime ndërkombëtar i kanë thënë gazetës me kushte anonimiteti se KFOR-i ka pasuar një informacion se Njësia speciale e policisë së Kosovës e njohur si ROSU do të intervenoj në veriun e Mitrovicës natën ndërmjet të enjtes dhe të premtes.

Ndërkohë, Shaban Shala, Kryesues i Departamentit të Njësive Speciale të policisë së Republikës së Kosovës, në një prononcim për TV ‘Dukagjini’, ka thënë se nuk ka pasur kurrfarë urdhri për nisjen e ROSU-së në veri.

Shala ka deklaruar se ka një zinxhir komandues që funksionon, ndërsa lëvizjet e Njësive ROSU nga Peja për në Mitrovicë, që janë raportuar nga mediat, i ka quajtur lëvizje në kuadër të detyrave që kanë pjesëtarët e këtyre njësive speciale. Shala po ashtu ka demantuar që KFOR-i të ketë bastisur bazën e Njësive Speciale Opertaive të njohura si ROSU.

Telegrafi

[prishtina2010]

Kjo eshte lufta e speciale e shqipe folsave kunder kosoves dhe kunder policise se kosoves,,kjo i jep me kuptu gjdo kujet dhe gjithe kujet se sa te nderesheme jane gazetat ton dhe gazetaret tan te cilet bashkpunojen shume mire me medjat e bogradit dhe lansimin e genjeshtrave kunder gjdo gjej shqiptare me qka edhe ketu ne kete forum ka shume individ te cilet kurr nuk ja duan te miren as popullit te kosoves e as shqipatrev ne pergjethsi eshte tupi i radhes se qka bejen medajt ne kosove e sidomos koha ditore dhe disa gazeta tjer turpi i kosoves dhe i shqiptarise ,,nuk ka sill qe i kontrollon resun ne perjashtim inspektoret e ati njesiti,,, po keto jane ato mdjat e bogradit ne bashkupunim me ato kosvare qe per nje qinde dinar e shesin bithen tupi shqiptare punojen kunder popllit te vetet kunde rkosoves etj..

[prishtina2010]

Publikuar: 13.04.2012 - 20:58
Prishtinë, 13 prill - Misioni paqeruajtës i NATO-s në Kosovë, KFOR ka hedhur poshtë raportimet e disa mediumeve në Prishtinë se gjoja pjesëtarët e tij kanë bastisur Njësinë Speciale të Policisë së Kosovës – ROSU.

“Këtë javë ka pasur dy incidente të raportimeve të rrejshme në media. Raportimi i tretë i pasaktë ka ndodhur sot në lidhje me raportet tona me Policinë e Kosovës”, ka thënë për Radion Evropa e Lirë zëdhënësi i KFOR-it, Uve Nowicki. Ai ka thënë se misioni i NATO-s e konsideron Policinë e Kosovës si partnerin më të besueshëm dhe më të aftë kur është në pyetje sigurimi i ambientit të qetë dhe të sigurt.

“KFOR-i kurrë nuk e ka parë nevojën për të kontrolluar apo monitoruar ndonjë element të Policisë së Kosovës, andaj edhe hedh poshtë raportimet e sotme të rreme”, ka deklaruar Nowicki. Ai ka thënë se “thashethemet e tilla shërbejnë vetëm për të minuar bashkëpunimin tonë të ngushtë me partnerët”.

[Dar_di]

Për hirë të respektimit të së drejtës së autorit dhe pronës intelektuale, prishtina2010, na sill burimin e këtij informacioni!

Me mirëkuptim,

Dar_di

[Dar_di]

Policia zë 350 kg marihuanë

06-07-2012

Policia e Kosovës ka shënuar rekord në zënie të substancave narkotike pasi ka konfiskuar rreth 350 kilogramë të marihuanës.

Në mesnatën e së enjtes dhe premtes, pas operacionit të zhvilluar nga Drejtoria për Hetimin e Trafikimit me Narkotikë, policia e Kosovës ka arrestuar pesë persona të dyshuar dhe janë konfiskuar rreth 350 kilogramë marihuanë.

Aksioni ka zënë vend në afërsi të fshatit Xërxë të Rahovecit. Pas kontrollimit të një kamioni, ata kanë zbuluar rreth 350 kg marihuanë.

“Është sasia më e madhe që kemi zënë ndonjëherë e substancave narkotike”, Bahri Shala, drejtor i Drejtorisë për Hetimin e Trafikimit me Narkotikë i tha Gazetës Jeta në Kosovë.

Policia e Kosovës organizon sot një konferencë të jashtëzakonshme e cila mbahet në Ferizaj, ku pjesëmarrës do të jetë edhe ministri i punëve të brendshme, Bajram Rexhepi.

Gazeta JnK

[Dar_di]

Armët në ahengje rrezikojnë kosovarët

http://www.gazetaexpress.com/reposit...139_590213.jpg

Gjatë javës së kaluar policia ka regjistruar shumë raste të arrestimit dhe konfiskimeve të armëve që dyshohet se janë përdorur në mënyrë të kundërligjshme gjatë ahengjeve të ndryshme familjare, ka bërë me dije përmes një njoftimi për media, Policia e Kosovës.

“Gjatë javës së fundit policia ka regjistruar 31 raste të armëmbajtjeve pa leje duke përfshirë këtu edhe rastet e përdorimit të armëve të zjarrit në ahengje të ndryshme familjare”, thuhet në njoftim, ku potencohet se me qëllim të ruajtjes së jetës dhe pronës së qytetarëve dhe parandalimit të të shtënave me armë zjarri në ahengje, Policia e Kosovës ka ndërmarrë një sërë masash përfshirë këtu edhe ndalimin e kolonës së dasmorëve dhe bastisjeve të ndryshme.

“Policia e Kosovës apelon te qytetarët dhe kërkon nga ata që t’u shmangen veprimeve të tilla për arsye të sigurisë së tyre dhe sigurisë së të tjerëve. Nëse qytetarët nuk kursehen nga veprimet e tilla të kundërligjshme, policia konform detyrimit ligjor që ka, obligohet që të fillojë kërkimin për armët e përdorura në rast, të ndalojë kolonat e dasmorëve për t’i kontrolluar personat e dyshuar dhe në situata të caktuara të ndërmarrë edhe bastisje në shtëpitë ku dyshohet për raste të tilla”, thuhet në njoftim.

Zëri

[beni33]

se esht polici jo efikase tregon edhe fakti kur ne polici te kosoves ka ende kriminel lufte dhe dhnues ish paramilitar te millosheviqit me habit fakti se kurr qeveri dhe bajram rexhepi kurr nuk mur nje inciativ te rishikohet e kaluara e gjdo polici ecila esht e dhe me ligj kur dihet edhe nje fakt se nga policia jan larguar shum ish pjestar te uqk-s kurse shum nga policia e kosoves pjestar serb jan ish pjesmarrs te luftes kunder shqiptarve