Pse disa hoxhallarëve po iu mungon morali dhe etika islame? (III)

[nafi]

A është e vërtetë që hoxha Shefqet, i pacaktuar (zgjedhur) nga shqiptarët, në emër të tyre ka marrë pjesë në Kongresin e mbajtur në qytetin Biel të Zvicrës?

Me 19 shkurt, hoxha Shefqet merrë pjesë në Kongresin e Myslimanëve të Zvicrës, ku i kishte përfaqësuar shqiptarët, sikurse sqaronte hoxha në "Epoka e Re" të datës 25 shkurt.
Lidhur me këtë, si para shkuarjes, ashtu edhe pas kthimit nga Zvicëra, më shumë është bërë fjalë për hoxhën Shefqet, se sa për rëndësin dhe punën e Kongresit të mbajtur në Biel të Zvicrës. Lidhur me këtë do të bëjmë pak fjalë në vazhdimi.

Hoxha Shefqet në sqarimin e vetë nuk jepte informata për lexuesit se, a ishte bërë ftesa nga organizatori në adresë të BIK-ut, të shqiptarëve apo atij përsonalisht. Nuk sqaron se cili organ fetarë ose shqiptar e paska pas mandatin për ta dërguar Shefqetin (e jo ndonjë përson tjetër) për ti përfaqësuar muslimanët në Kongresin i cili u mbajt në Biel.

Ai nuk sqaronte as arsyen pse hoxhallarët e xhamive shqiptare, si përfaqësuese legjitime të shqiptarëve muslimanë, nuk kishin qenë pjesëmarrës në organizim, as në Kongres. Nuk sqaronte pse hoxhët e xhamive shqiptare e kishin kundërshtuar shkuarjen e tij në atë Kongres të cilin edhe e kishin bojkotuar. A nuk është kjo, sipas hoxhës Shefqet, përcarje e muslimanëve? Edhe për këtë nuk kishte sqarime! Pse?
Më bënë përshtypje pytjet e hoxhës Shefqet i cili thotë: "Pse gjithëher bëhet spekullime rreth Islamit dhe përsonaliteteve islame në Kosovë? Në dobi të kujt shkon tërë kjo fushat antiislame dhe antikombëtare?!

Me keqardhje, por duhet të konstatojmë se, ka tendenca dhe propagandë armiqësore antiislame, jo vetëm, në Kosovë. Në shumë raste disa peronalitetet islame, disa hoxhë, individ e grupe muslimanësh me sjelljet dhe veprimet e tyre po shkaktojnë reagime në opinion, për cka edhe mbajnë përgjegjësi sepse në këtë mënyrë po e dëmtojnë imazhin e BIK-ut, të Islamit dhe të Kosovës.

Kjo ekstremistëve të krishterë (dhe disa shqiptarëve muslimanë të cilët në jetën e tyre, për shkaqe që dihen, asnjëherë nuk kishin përjetuar vlerat e Islamite, tani të konvertuar në të krishter, por prapë të padevotshëm, si islamofobë) po iu shërben si material dhe si shkasë për të bërë propagandë kundër Islamit dhe muslimanëve në tokën shqiptare. Ky sot është realitet shqiptar i dhimshëm.

Besoj që e di hoxha Shefqet se nga kjo punë e ndyrë e antiislamistëve nuk mund të ketë dobi askush përvec Djallit në Kosovë. Prandaj, jo vërtëm besimtarët muslimanë si të viktimizuar, por edhe qytetarët e besimeve tjera, tendencvave për ndarje fetare duhet t'iu kunëdvihen vazhdimisht dhe më fuqishëm. Kjo do të ishte përgjegjja më e mirë për islamofobët dhe armiqtë e tjerë të fesë, dhe njëherit një shërbim që të gjithë ia kemi borgj atdheut e kombit.

Lidhur me "personalitetet islame", nuk e di në cilët ka menduar konkretisht dr.Shefqeti, por e di se të tilla përsonalitete ka shumë pak (dhe nuk iu ndihet sa duhet zëri, heshtin për shumë probleme me të cilat po ballafaqohet populli, besimtarët, BIK-u dhe Kosova, nuk janë të organizuar dhe nuk kanë plane për punë serioze e ekipore në nivel lokalë e as kombëtar). Konica si karakteristik të vecantë të shqiptarëve njihte individualizmi. Unë mendojë që ky lloj i individualizmit nuk duhet të jetë cilësi e një shqiptari i cili është muslimanë besimtar i devotshëm.... Nuk thotë populli kot se, "Pa organizim, ha ujku qesim". Deri kurë kështu?

Si duket hoxha Shefqet vetveten e ka radhitur në mesin e "përsonaliteteve
islame", pa i cekur cilat qenkan ato në mënyrë që ti njehë edhe opinioni i gjërë.
Dhe, nëse kjo është e vërtetë, atëherë dr.Shefqeti është njëri prej "personaliteteve islame" i cili për deklarata negative e irrituese është më i kritikuari. Kujt po i shërben kjo?

Krahas gjitha të tjerave, mënyra e shkuarjes dhe shprehjes në ate Kongres, ishte shkas për përcarje të shqiptarëve muslimanë, dhe natyrisht një preteks për kundërshtarët e Islamit për të bërë propagandë dhe spekullime sipas interesave të tyre antiislame. Aspak nuk është e drejtë kur një kuadër fetarë jepë shkas për qasje antiislame, dhe i njejti mundohet të identifikohet me Islamin dhe të mbrohet në emër të tij. Kjo pa dyshimë e dëmton imazhin e Islamit, jo vetëm, në Kosovë.

Cka është këtu në pytje, mungesa e ndjenjes së përgjegjësisë, apo e aftësisë vepruese? Mendojë që dr.Shefqeti duhet të përpiqet për të kuptuar këtë dhe të kontrollojë sjelljet e veta ndaj Islamit dhe publikut. Xhemati, e sidomos rinia, duhet të edukohet në frymën universale të islamit bashkëkohorë, dhe të orientohet në të gjitha rrugët e planetit, jo vetëm Lindje e Perendim. Islami burimorë është për të gjithë njësoj, është i të gjithë muslimanëve (njerëzve).

Shefqet Krasniqi në vend që të sqarojë, ai më shumë arsyetohej për pjesëmarrje e tij në atë kongres! Thotë se, "... pritej të marrin pjesë një mijë veta, aty erdhen rreth tre mijë veta. Me të dëgjuar shqiptarët për pjesëmarrjen time kishin ardhur thujase nga e tërë Evropa., Suedia, Gjermania, Austria, Anglia dhe vende të tjera", lavdërohej pa modesti dhe pa arsye (sikur të ishte ndonjë lider politikë) hoxha Shefqet. Ky si duket ka qenë qellimi i hoxhës, të reklamojë dhe popullarizojë vete, duke harruar se ai ishte kongres e jo koncertë... Ka harruar të sqarojë hoxha se te ne sipas zakonit, njeriu i pa ftuar vetëm n'dek shkon, e jo në Kongresë, ku duhet të shkojnë njerëz të ftuar, të zgjedhur, të aftë për të prezentuar, për të punuar dhe për të marrë detyra të reja.

Hoxha nuk sqaronte se cfarë Platforme kishte ai kongres, dhe me cfare konkluzione i kishte përfunduar punimet. Nuk sqaronte se me cfarë përvoje të organizimit të jetës fetare të mërgates shqiptare vinin në atë kongres (sikur të ishte mbajtur ndonjë koncertë) pjesëmarrësit nga shtetet e Evropës, dhe me cfarë kërkesa për zhvillim të jetës fetare.

A është interesuar hoxha që të informohet nga pjesëmarrësit (nuk dihet se cilët janë dhe kush i ka deleguar) nga Suedia, pse psh. mërgata shqiptare këtu nuk e ka të organizuar jetën fetare në kuadër të një BI-me në nivel të shtetit Suedezë, sikurse që e kanë të gjitha pakicat e tjera?

Mund të flitet për "Identitetin dhe modernizmin" por kjo nuk mund të ndryshon gjendjen e besimtarëve për të mirë nëse nuk ka angazhimë dhe organizim të mirëfilltë në nivel institucionalë dhe të ndihëmuar nga BI-me të Kosovë, të Shqipërisë dhe të Maqedonisë. Modernizmi këtu në Evropë me dhjeta mija muslimanë, sidomos të rinjë, shpejtë, sigurtë dhe pa mëshirë po i asimilon. Kjo është një gjendje e dhimshme e cila kërkon angazhim dhe zgjidhje.
Mendojë që pjesëmarrësit, si Shefqeti, në komgresin e mbajtur në Biel të Zvicrës, do të duhej që së paku të kishin kërkuar një pikë të rendit të punës, lidhur me këtë ceshtje jetike për diasporën shqiptare.
Degët e disa partive politike shqiptare, pa mbajtur kurrëfarë kongrese, mërgatë e kanë organizuar ( dhe shfrytëzuar) për qellime e tyre politike...

Pa pretendim për të nënqmuar angazhimin e organizatorëve, por a ja vlen i gjithë ai mund për një kongres i cili sikurse që ishte organizuar, ashtu edhe kishte përfunduar, pa cak dhe pa vizion?
Megjithate, athua do të ishte më mirë sikur në atë kongres të kishte marrë pjesë dikush tjetër nga përsonalitetet islame? Dikush nga Kosova që do të ishte i pëlqyer nga shumica e shqiptarëve, një teolog i cili ka dëshmuar nivel të lartë intelektual, teolog-intelektual i cili (edhe pa uniformë fetare dhe pa mjekër të lëshuar), do të dinte të prezentoj islamin dhe popullin shqiptar, intelektual i cili i njefë disa gjuhë të huaja e që në kongres do të fliste pa përkthyes duke dëshmuar inteligjencinë dhe përkatësin shqiptaro-islamo-evropiane. Pra, një hoxhë i cili flet me gjuhen e kohës do të dinte të fliste lidhur me temën, "Identiteti dhe modernizmi." Ndoshta e di hoxha Shefqet se nëpër kongreset e Evropës moderne, nuk është njësoj sikur të flitet nëpër oda burrash (me egoizëm e me një gjuhë të cilës i ka kaluar koha) edhe në Kosovë.
Sot është koha e cila kërkon (sikurse që ka kërkuar gjatë gjithë historisë disa shekullore Islami) hoxhë-teolog bashkëhor, intelektual me aftësi largëpamse.

Sikur të ishte vepruar kështu, jamë i bindur që askush nuk do të kishte arsye, preteks e as guxim për të "spekuluar", për cka ankohet (pa e kuptuar fajin e vetë) hoxha Shefqet.
Për këtë arsye, pa qellim të keq, në këtë shkrimë bëmë fjalë lidhur me qendrimet e disa hoxhallarëve nga Zvicëra lidhur me Kongresin e muslimanëve, dhe për qendrimet e hoxhës Shefqet si pjesëmarrës (i pa autorizuar) nga Kosova.

BIK-u, nëse ka forcë morale dhe mundësi për të zbatuar ligjin, për të vënë rregull dhe disciplinë në institucionet fetare, duhet ta disciplinojë hoxhën Shefqet që në të ardhmen mos të fletë nën petkun fetar dhe në emër të fesë islame, për qellime dhe interesa përsonale e grupore...
Kjo do të duhej t'iu shërbente si vërejtje serioze edhe disa hoxhallarëve tjerë të cilët për interesa përsonale po uzurpojnë edhe xhamia dhe po nxisin përcarje e konflikte në xhemate (popull). Dhe, të gjithë ata të cilët, gjithashtu për interesa përsonale, bëjnë kompromise me keqëbërsit për ti mshefur dobësit dhe keqpërdorimet e veta, duhet ta dinë se nuk e kanë vendin në organet dhe institucione fetare të BI-me. Pa qendërime të këtilla nuk mund të mposhten kundërshtarët tjerë antiislamista të cilët po nxisin dhe ushqejnë islamofobinë në tokën shqiptare. (vijon)

nafi

[nafi]

Ndihmohuni në mes vete në të mira dhe në të mbara, e mosni në mëkate e armiqësi" (Kur'an, 5:2)

Nëse jo ata të cilët duhet t'iu shërbejnë njerëzve si shembull i mirë, atëherë kush duhet ta vetëdijesoj, ta zgjoj dhe organizoj xhematin (popullin) për të mirën e fesë dhe të kombit?
Eshtë obligim i të gjithë besimtarëve, sidomos atyre intelektual, që secili sipas aftësive dhe mundësive ta mbroj Islamin dhe të angazhohen për të krijuar kushte sa më të mira për jetësimin në praktik të parimeve islame (pa të cilat jeta e besimtarit nuk ka kuptim), nga të cilat do të kanë dobi të gjithë njerëzit.

Kur flasim për hoxhët, lexuesit mesiguri i kujtohet rasti i hoxhës së xhamisë së Marinës, Xhemal Duka, nga Elbasani i cili në një xhami të KBI-me të Skenderajt, ilegalisht (dhunshëm) me vite kishte kryer detyrën e imamit. Ky mësues i fesë i cili (vetë nuk kishte respektuar ate që u kishte mësuar të tjerëve) e kishte detyruar policinë që ta arresojë dhe me dhunë ta largojë nga Kosova. Pamje (skena) të tilla nuk kishim parë asnjëherë, ishte tepër joislame dhe trishtuese.
Pa pretendim për t'ia mohuar kontributet që kishte dhëne hoxha Xhemal për xhematin e Marinës, ai përveq dëmeve tjera, iu dha shkas islamofobëve dhe mediave (të cilat menxi prisnin) që ta prezentojnë ndonjë shqiptarë si "taliban", me cka në botë dërgonin një mesazh të keq për muslimanët dhe Kosovën. Prandaj secili hoxhë duhet të kupton se forma të tilla të punës (jashtinstitucionale) janë joefikase dhe kontraproduktive.

Nuk ka dyshim se e gjithë ajo që kishte ngjarë në xhematin e Marinës, fajtorë ishte BIK-u, dhe organet e shtetit të cilat kishin lejuar individ dhe shoqata të ndryshme që nënë petkun fetar dhe të humanizmit të keqpërdorin fenë, lirin dhe demokracinë e në Kosovë.

Se të tillë hoxhallar janë problematik dhe të pa përmirësueshëm (prandaj nuk duhet lejuar që të ushtrojnë detyrën e hoxhës), dëshmon reagimi i hoxhës nga Elbasani, i cili pas largimit me dhunë nga Kosova, në vend që të pendohej dhe të kërkonte falje nga njerëzit e Zoti), kishte deklaruar:"Xhelozia bëri që të shpifin për mua." (Metropol, 5 mars 2010). Secili lexues mund të jepë gjykimin sa janë këto sjellje në pajtim me moralin dhe etikën islame.
Si është e mundur që hoxhën nga Elbasani ta gjelozojë kryetari së bashku me të gjithë anëtarët e KBI-me të Skenderajt, Kryeimami i Kosovës, dhe të gjithë ata mija qytetar të cilët e kishin nënshkruar peticionin për të larguar ate nga Kosova?
Cfarë hoxhë dhe mësues i fesë mundet me qen ai i cili nuk pranon që xhamia të hyjë nën juridisionin e organit legal (zyrtar) të BIK-ut? Në asnjë vend nuk lejohet privatizim dhe përvetësim (uzurpimi) i xhamive. A ka ndonjë hoxhë i cili nuk e di këtë të vërtetë? Unë nuk e besoj.

Ndoshta është e tepërt të bëjmë fjalë lidhur me këtë rast, por shtrohet pytja: Athua cka do të kishte ngjarë, sipas hoxhës Duka, me BI-me, me fenë islame, dhë besimtarët muslimanë sikur secili hoxhë ilegalisht (me dhunë) të uzurpojë nga një xhami në tokat shqiptare? A mundet me qenë një hoxhë i tillë në shërbim të interesave të të gjithë muslimanëve dhe të Zotit, apo të interesave të ngushta përsonale e grupore-sektare?

Duke i përcjellur me vemendje ato që po ngjanin (dhe që po ngjajnë vazhdimisht) në, dhe rreth BI-me, sidomos me sjelljet e disa hoxhallarëve dhe kuadrove, të cilët dëshmuan që nuk janë në në nivel të detyrave që ushtrojnë, i shqetësuar për këtë dhe i brengosur për të ardhmen (jo vetëm) fetare të besimtarëve dhe të popullit, kamë bërë fjalë më gjërsisht para dy viteve në një shkrim ku kamë shtruar pytjen se, cka po ngjanë në Bashkësit Islame Shqiptare? Por, si zakonisht, nuk reagojnë egoistët të maskuar nënë petkun fetare gjithë derisa nuk iu rrezikohen seriozisht interesat përsonale.

Eshtë e ditur që Islami fton në paqe, mirëkuptim, dialog, dhe në kundërshtimin e dhunës, padrejtësive, dhe ne do të vazhdojmë temën.

Edhe pse në ato ngjarje kishin marrë pjesë (vetëm disa) hoxhallarë, mua nuk më kishte befasuar, aq sa më kishte brengosur, heshtja e vazhdueshme e heshtakëve, mosaftësia e tyre për të reflektua, dhe preokupimi i tyre prej egoisti për ti venënë interesat përsonale e grupore mbi ato të përgjithshme-shoqërore. Këto cilësi asgjë nuk kanë të përbashkët me etikën dhe moralin islam.

Kur, pa deshirën tonë, ndodhë ndonjë ngjarje tronditëse dhe e turpshme tek ndonjë parti politike shqiptare, sidomos gjatë kohës së zgjedhjeve, kjo disi është e kuptueshme sepse të tillë i kemi, natyrisht jo të gjithë, liderët tanë politik.
Por, kur një gjë e tillë ngjanë në BI-me, të Shqipërisë (KMSH), dhe të Maqedonisë (BFIM), ... kjo është e pakuptueshme dhe e patolerueshme. Kultura dhe etika islame duhet të mbizotëro mbi të gjitha.
Mentaliteti i egër ballakanik nuk do të duhej të ishte prezent në kokat, vetëdijen dhe ndërgjegjen e atyre (hoxhallarëve, teologëve, dijetarëve) të cilët kanë pas fatin dhe mundësitë për të studijuar dhe përfaqësuar muslimanët, institucionet fetare, dhe islamin. Ata do të duhej të sherbenin si shembu , jo vetëm në kuadër të BI-me, por edhe në shkallë kombëtare. Pse jo?

Me rasti e zgjedhjeve të kaluara për të parin e KMSH, kishte pas probleme të përcjellura me debate, në të cilat kishin marrë pjesë edhe disa hoxhë. Si kosovar që jamë më kishte bërë përshtypje të keqe deklarata e Haxh Selim Mucës, i cili kishte deklaruar: "Ka kundërshtarë që po gënjejnë, manipulojnë dhe përcajnë. Disa njerëz nga Kosova dhe Maqedonia po acarojnë situatën dhe po sulmojnë Komunitetin Mysliman, ... Së fundi kanë ardhur disa njerëz nga Kosova dhe Maqedonia dhe thonë se do ta shtrojmë Shqipërinë. Nga kush do ta shtrojnë Shqipërinë tonë të tillët? Këta kundërshtare që kanë ardhur nga jashtë të fusin shpatën." Mesigur e dinte se cka, dhe pse, po fliste Muca.
Sado që nuk më pëlqente, kjo dëshmonte se shumëcka mshifet pas kësj, dhe se në BI-me duhet bërë ndryshime, jo vetëm, kadrovike. Kjo dëshmon që, jo vetëm disa hoxhallarë, por edhe udhëheqësit e lartë fetar vuajnë nga mentaliteti i egër ballkanik, sikurse politikanët shqiptar. Ku po mbetet ndikimi i mentalitetit dhe i kulturës islame?
Do të doja që krerët aktual fetar të BI-me, në biografit e tyre prej udhëheqësve të shenonin rrezultate (jo krijuese, shkencore për të cilat as që mund të bëhet
fjalë) dhe suksese më të mëdha në ngritjen organizative dhe reformimin e institucioneve të larta fetare në të cilat do të duhej të zotëronte fryma e sinqeritetit, e kreativitetit dhe unitetit ku secilit intelektual do t'iu jepeshin detyra dhe mundësia për të dëshmuar të gjitha aftësit me të cilat do të beheshin forë shtytëse e të gjitha proceseve zhvillimore të shoqërisë në përgjithësi.

Nga koha e zgjedhjeve në KMSH kanë kaluar dy vite, dhe H.S. Muca është në krye të Komunitetit Mysliman Shqiptar. Shqipëria e fortë mbeti e pa shtruar nga kosovarët dhe maqedonasit (ndoshta vehabistë), dhe ndoshta është më mirë, por fjalët mbetën të shkruara në letër, dhe në kujtesën e besimtarëve (njerëzve) të dëshpëruar së bashku me pasojat e mundshme.
Jamë kundërshtarë i njerëzve që gënjejnë, sidomos i atyre të cilët ushtrojnë detyrën e imamit (hoxhës) dhe atyre që punojnë në institucionet fetare, nga ku mund të dëmtohen interesat e besimtarëve, dhe të Islamit. Eshtë tepër shqetësues fakti kur të tillë hoxhallarë (që acarojnë situata, që gënjejnë dhe fusin shpata, Muca nuk i cekë cilët ishinë ata), kthehen në vendet e tyre për të vazhduar punën destruktive dhe përcarëse midis muslimanëve. Si është mundur të ngjajë dhe të lejohet dicka e tillë në Kosovë dhe Maqedoni? Për këtë duhet debatuar se, cka mund të presin nga të tillët, BI-me, besimtarët muslimanë, dhe Islami në tokën shqiptare?

Brengosë fakti pse ende nuk po paraqiten sa duhet kuadrot e reja brenda institucioneve fetare për të ngritur zërin kundër keqpërdorimeve të ndryshme dhe bajtësve të tyre në BI-me. Kështu si po shkon ende nuk po dihet se cilat janë kuadro të afta e të pastra (pa mëkate) të cilat po i shërbejnë me sinqeritet Allahut, dhe pa hile popullit, dhe cilët janë ata (sado i vogël qoft numri i tyre) të cilët petkun fetar po e (keq) përdorin për interesa përsonale. Për këto dy kategori njerëzish (kuadrosh) nuk mund të ketë vend nënë një pullaze (kulmë) të institucioneve fetare të BI-me. Përparësi dhe përkrahjen nga xhemati duhet ta gëzojnë të gjithë ata të cilët kanë dëshmuar, dhe që premtojnë, që jetën do t'ia përkushtojnë zbatimit praktik të mësimeve fetare duke iu shërbyer njëherit edhe
interesave kombëtare.

Eshtë e patolerueshme që një hoxhë, i cili është i thirrur të ushqejë ndjenja vëllazërie dhe uniteti midis njerëzve, të bëhet shkaktarë i përcarjeve dhe ndarjeve midis xhematit edhe në xhami, në të cilat kishte incidente të cilat kishin përfunduar me rrahje. Sado që të rralla, ato ishin tepër të shëmtuara dhe antiislame me c'rast nuk ishte respektuar as shenjtësia e xhamisë brenda cilave ishin sulmuar muslimanët duke u falur. Kështu kishte ngjarë në disa xhami të Kosovës, Maqedonis, Shqipërisë. Për fatë të keqë për këtë virus sektar përcarës (i pa njohur në historin shekullore të jetës fetare te ne), shkaktarë janë disa hoxhallarë e teolog. Konflikte të ngjajshme ka pas edhe në Sanxhak, Serbi, B e H.

E gjithë kjo, perveq dëmeve tjera, iu kishte bërë shërbime falas islamofobëve shqiptarë për të bërë propagandë antiislame për të luftuar kundër Isalmit dhe muslimanëve në tokën shqiptare. Kjo është një veprimtari antiislame dhe antikombëtare.

Kështu gazeta Express me 2 mars, 2011. boton artikullin me titull. "Dy fytyrat e Islamit".
Po, ka (sikurse që ka pas) shumë gazetarë dyfytyrsha të cilët fitojnë kafshaten e gojës duke e shitur edhe shpirtin, kjo me kohë është e ditur. Për fatë të keq mund të ketë edhe musliman të cilët e keqinterpretojnë dhe në mënyra të ndryshme e predikojnë fenë, por Islami (Kur'ani, fjala e Zotit) është një, dhe i njëjtë për të gjithë besimtarët e devotshëm.
Në rastin konkret fajtorë janë ata muslimanë të fshatit Dragosunja (i cili gjendet diku në malet e Librazhdit), të cilët ishin bërë shkaktar të përcarjes së xhematit.
Ata kishin ndërtuar xhami të re pa asnjë leje dhe pa u konsultuar me komunitetin myslimanë! Gazeta shkruan: "Ndasia dallohet edhe me sy të lirë, pasi radikalët mbajnë mjekër të gjatë, ndërsa tradicionalët jo, ashtu si gratë, ku disa janë të mbuluara me ferexhe e perce, ndryshe nga pjesa tjetër."
Plotësishtë është e kuptueshme pse ky rastë ia kishte tërhequr vemendjen opinionit dhe mediave.
Nuk e kisha për qellim komentimin e shkrimit, por të vejë në dukje faktin që në këtë konflik merrnin pjesë hoxhët, e që njëri prej tyre është fajtori kryesor dhe këtë do të duhej me kohë të konstatonte dhe të merrte masa KMSH. në krye me Haxhi Selim Mucën.

Kështu dicka e ngjajshme kishte ndodhur në fshatin Maoqa, për cka disa media në Bosnje e Harcegovinë, ,e qasje islamofobe vazhdimisht shkruanin se gjëja në ate xhematë po vepronin ekstremistët vehabistë, dhe si përfundim në shkurt të vitit të kaluar, me urdhëres të Gjykatës, organet e sigurimit me 650 policë e rrethojnë fshatin Maoqa në komunës e Kalesisë. Mund ta merrni me mend, 650 policë për të arrestuar vetëm 8 përsona të dyshuar për terrorizëm.
Nga e gjithë ajo lojë e rrezikshme në të cilën merrnin pjesë aktor dhe faktor të ndryshëm, më së shumti e pësuan muslimanët dhe Islami, për cka edhe ishte planifikuar, organizuar, dhe zbatuar aksioni.

Dhe, kur është fjala për hoxhë të kqinjë (për cka përgjegjësi mbajnë ato organe udhëheqse të cilat i tolerojnë), të tillë ka edhe në Medrese, aty ku përgatitën mësuesit e ardhshëm të fesë. Ndoshta lexuesit i kujtohet rasti i disa ish-medresantëve të cilët me 17.05.2009, i kishin dërguar "Letër të hapur" Bahris Simnicës, drejtorit të Medreses Alauddin në Prishtinë. Ata hoxhallarët akuzonin përgjegjësit të cilët e kishin caktuar Simnicën drejtor të Medresesë, dhe vetë Simnicën si njeri të pamoralshëm me "biografi të poshtër", se gjëja paska "abuzuar seksualisht me nxënëse (vajza) të medresesë", dhe akuza të tjera të cilat turpërohem ti ceku në këtë shkrim.

Sikurse pamë edhe këtu paraqiten si akter disa hoxhë, dhe është e drejtë e besimtarëve të dinin për të vërtetën lidur me fatin e "Letrës së hapur", dhe me ata të cilët duke u mshefur nënë petkun fetare, po u merrkan me punë djallëzore.
Këto janë gjëra të cilat cenojnë rënd nderin e të gjithë xhematit, shkaktojnë moskënaqësi në popull, shkaktojnë mosbesim në institucionet fetare të BI-me, demtojnë imazhin e islamit (jo vetëm) në Kosovë. Prandaj gjëra të tilla nuk duhet të ndodhin e as të tolerohen.

Eshtë e natyrshme që të paraqiten probleme gjatë proceseve të punës, por kur ato shkaktohen për përfitime materiale dhe për motive të ulta nga kuadrot të cilat mbajnë poste udhëheqëse, atëherë duhet të reagojnë organet përkatëse.
Lidhur me këtë pse mos të cekim rastin e vitit të kaluar të mosmarrëveshjes mes dr. Xhabir Hamitit dhe BI-me, lidhur me emërimin e dekanit të FSI-së në të cilin kishte dy udhëheqësi. Jolegjitimeja e dr.Xhabirit, e përkrahur nga disa profesor të cilët kishin shkelur ligjin, dhe ajo legjitime e caktuar nga BI-me, sikurse kishte deklaruar sekretari i Kryesisë së BI-me, i cili shkaktarët e mosmarrëveshjes i kishte cilësuar si, "pucist". Pra, edhe këtu kemi të bëjme me hoxhallarë, por me përgaditje të latra shkollore dhe me doktoratur, të cilët "shkelin ligjin", dhe "pucist" në krye me dr.Xhabir Hamitin, i cili njëherësh është edhe Kryetarë i Kuvendit të Bashkësisë Islame të Kosovës. Si është e mundur të ngjajnë gjëra të tilla, dhe sa është kjo në pajtim me parimet islame. A është në pajtim me normat islame që të dya palët në konflikt të vazhdojnë punën nënë të njëjtën pullazë??
Nuk duhet zgjuarsi e madhe për të ardhur në përfundim se kush është fajtor.

Eshtë edhe rasti i myftiut të Serbisë, Muhamed Jusufspahiq, i cili në Kosferencën e Kuvendit Suprem të mbajtur (në fund te marsit 2008) në Kairo, ku merrnin pjesë 300 të ftuar, mesë të cilëve shkencëtar, intelektual të ndryshëm nga shtetet islamike, por edhe përfaqësues të BI-me. Kryetari i BFIM-së, Sulejman Rexhepi, kishte propozuar që Konferenca të shqyrtoj pranimin e pavarësisë së Kosovës. Propozimi ishte pritur me duartrokitje nga të pranishmit, por myftiu Jusufspahiq kishte kundërshtuar duke thënë se, pranimi i pavarësisë së Kosovës do të rezikohente 800 mijë muslimanët të cilët jetojnë në Serbi. Për qudi i kishte bindur të pranishmit e konferencës që të rrefuzojnë propozimin e kryetarit Sylejman Rexhepit. Edhe me këtë rast njërës palë i mungon morali dhe etika islame, dhe ky është proserbi, myftiu Jusufspahiq dhe reisi i Serbisë, Adem Zilkiqi.

Para se të përfundoj këtë shkrim të marrim si shembull disa hoxhallarë jashtë teritorit të Ballkanit. Në fillim të viti ngjarjet në disa shtete të Lindjes së Mesme dëshmuan që edhe atje kuadrot e larta fetare e shkencore kanë mendime të kundërta, anipse ato i arsyetonin në emër të Islamit. Por, pasi është vetëm një Islam (jamë i bindur që këtë e dinë të gjithë), nuk është e mundur që të dya palet të kanë të drejtë.

Kështu p.sh. derisa Shejh Jusuf Al Kardavi me të drejtë i kishte përkrahur dhe nxitur protestat e popullit të Egjiptit për të larguar H.Mubarakun nga pushteti, myftiu i Arabisë Saudite, Shejh Abdylaziz i kishte denuar protestat popullore në Tunizi, Egjipt..., duke thënë:"Shkaku i këtij kaosi është armiku i islamit dhe përkrahësve të tij."
Të njëjtin qendrim mbajtën dijetarët selefi, Shejh Raf' at, dhe dr. Muhamed, nga Egjipti, duke deklaruar: "Ngjarjet që po ndodhin këtyre ditëve në Egjipt për ta larguar nga pushteti Hosni Mubarakun, nuk mund të justifikohen me sheriat dhe islami nuk lejon që një funksionar të shkarkohet në këtë mënyrë."
Kurse Ajetolah Ali Hamnei, në një hytbe të mbajtur, edhe pse përfaqësues i shi'izmit, kishte përkrahur kërkesat e popullit të Egjiptit, duke shprehur bindjen se edhe ushtria do të dalë në anën e protestuesve. Të shpresojmë që do të vije koha kur edhe populli i Iranit, sikurse ai i Tunizisë dhe Egjiptit, të delë në rrugë për të kërkuar të drejta të cilat i takojnë.

E gjithë kjo dëshmonë një gjë që dihet se, shumë njerëz duke u mshefur nën petkun fetarë vazhdimishtë i dëmtojë rëndë interesat (jo vetëm) fetare të
popujve muslimanë. Dhe këta popuj mbajnë përgjegjësi para Zotit dhe vetvetes pse po i tolerojnë (durojnë) të tillët antiislamistë?
Nuk e di se cka do të mendojnë (natyrishtë nëse e lexojnë) hoxhallarët lidhur me këtë shkrim, me të cilin nuk iu jamë drejtuar vetëm atyre, por ata kanë mundësin dhe të drejtën (mos të thëm edhe obligim) të reagojnë.

Kështu përafërsisht është manipuluar në emër të islamit me popujt muslimanë, dhe kështu do të vazhdojë gjithë derisa të ketë Shejha e doktora të shkencave islame të cilët shiten te mbretër e diktatorë të ndryshëm, dhe gjithë derisa nuk qohen të gjithë popujt për t'i larguar njëherë e përgjithmon nga pushteti të lartëpërmendurit me qellim për t'u cliruar dhe bashkuar të gjithë popujt muslimanë për të ecur me dinjitetë e përulje drejtë në rrugën e Zotit të mëshirshëm. Për të arritur këtë duhet (hoxhallarët e dinë, por nuk përpiqen sa duhet për) gjallëruar islamin. (Fund)

[AnaH_M]

teme palidhje kjo.

[Elytony]

Prof. Dr. Shefqet Krasniqi e meriton të jetë i pari i shqiptarëve,sepse njeri më të përgatitur për këtë gjë sesa ai nuk ka.



PAQE!