Deputetët e PDK-së, Xhavit Haliti, Lumnije Morina, Ganimete Musliu, Valbona Dibra, Ahmet Isufi i AAK-së, Agim Kuleta i Vetëvendosjes, si dhe SLS-ja, kanë votuar në Kuvend më 5 maj, kundër shtrirjes të autoritetit të Qeverisë në veri.
Në senacë e Kuvendit të datës 5 maj, ku u votua pika dy e kerkesës së Vetëvendosjes që qeveria të shtrijë autoritetin në pjesën veriore te vendit, 17 deputët votuan kundër. Emrat e disa prej tyre i ka publikuar Instituti Demokratik i Kosovës në raportin për monitorimin e punës së Kuvendit.
I kontaktuar nga mediat anëtari i kryesisë së Kuvendit, Xhavit Haliti nuk ka pranuar të jap shpjegim për rastin.
Ndryshe përmes raportit njëmujor të monitorimit të punës së Kuvendit, KDI shprehu shqetësimin se legjislativi ende nuk po arrinë të kryej misionin e tij për të ushtruar kontroll mbi qeverinë. Shqetësim tjetër për KDI paraqet edhe mosrespektimi i rregullores së punës së Kuvendit kur bëhet fjalë për përfaqësimin e femrave në organet e legjislativit. Aty permendet kryesia si institucion në të cilin nuk bënë pjesë asnjë femër.
Krijoni Kontakt