Banorët s`duan që rrugët e tyre t`i mbajnë emrat “Rexhep Mitrovica” e “Xhafer Deva”
Publikuar: Sot, më 04 qershor 2011
http://www.koha.net/repository/images/04-petici4.jpg
Prishtinë, 4 qershor – Nëpërmjet një peticioni të nënshkruar nga dhjetëra qytetarë, intelektualë dhe historianë, është kërkuar nga Komuna e Prishtinës që emrat e rrugës “Xhafer Deva” dhe asaj “Rexhep Mitrovica” të zëvendësohen me emra të tjerë.
Në fillim të peticionit thuhet se nderimi i këtyre dy figurave bie ndesh me aspiratat e vendit për t’u integruar në familjen evropiane. “Po ju drejtohemi me këtë letër me kërkesë për ndryshimin e dy emërtimeve rrugore në qytetin e Prishtinës, të cilat reflektojnë negativisht në historinë tonë kombëtare, në qytetin e Prishtinës dhe në perspektivën e Kosovës si vend që synon të bëhet pjesë e familjes evropiane të shteteve”, thuhet në fillim të peticionit, i cili është nënshkruar nga 277 persona. Me tej në atë peticion afrohen shpjegime shtesë se pse kërkohet largimi i emrave Rexhep Mitrovica dhe Xhafer Deva nga emërtimi i rrugëve të kryeqytetit. “Jemi të bindur plotësisht dhe kategorikisht se këto figura nuk meritojnë një nderim të tillë. Emrat e këtyre dy personaliteteve lidhen me një ndër episodet më të errëta të historisë së Kosovës dhe të historisë kombëtare shqiptare, atë të bashkëpunimit me forcat okupatore të Gjermanisë naziste. Ka me dhjetëra fakte, argumente dhe madje dëshmi të gjalla që puna dhe qasja e këtyre dy figurave ka qenë antikombëtare dhe antihumane”, thuhet në tekstin e peticionit, teksa jepen një mori shpjegimesh për veprimtarinë e figurave të lartcekura. “Rexhep Mitrovica ka qenë kryeministër i Qeverisë kuislinge të Shqipërisë në kohën e okupimit gjerman të Shqipërisë dhe të Kosovës. Rexhep Mitrovica jo vetëm ka bashkëpunuar drejtpërsëdrejti me forcat okupatore gjermane dhe komandën e saj, por nën udhëheqjen e Rexhep Mitrovicës, qeveria shqiptare i ka dekoruar udhëheqësit e ushtrisë gjermane me një shumë prej mbi 100 milionë franga ari, duke nxjerrë monedhat edhe nga rezervat e thesarit të shtetit shqiptar. Qeveria e Rexhep Mitrovicës dhe ministri i saj i Brendshëm Xhafer Deva janë përgjegjës për masakrimin dhe vrasjen e 86 qytetarëve të Tiranës në natën e 4 shkurtit 1944. Siç e përshkruan këtë akt Owen Pearson, këta qytetarë “u nxorën nga krevatet e tyre dhe u kasapiten në mënyrat më barbare në prag të shtëpive të tyre”, thuhet ndër tjera në peticionin afro njëzet faqesh, kopja origjinale e të cilit i është dorëzuar Komunës së Prishtinës.
Nga ana tjetër disa nga iniciuesit e këtij peticioni thonë se Komuna e Prishtinës asnjëherë nuk është përgjigjur në adresimin e tyre. “Ne e kemi dërguar peticionin në fillim të këtij viti dhe asnjëherë nuk kemi marrë ndonjë përgjigje, qoftë edhe negative”, ka thënë historiani Petrit Blakçori. Sipas tij, vazhdimi i mbajtjes së këtyre emërtimeve në kryeqytet i vë hije të zezë Prishtinës. “Dikush mund të aludojë që institucionet tona i japin mbështetje nazizmit, kjo në asnjë mënyrë nuk qëndron, ngase institucionet tona nuk kanë pasur shumë informacion për figurat e cekura”, është shprehur Blakçori. Ai ka thënë se peticionin do ta riaktualizojnë edhe një herë gjatë këtij viti. “Në kohën kur pritet të mblidhet Komisioni për shqyrtimin dhe propozimin e emërtimeve të rrugëve me këtë peticion do t’i drejtohemi atij komisioni dhe thellësisht besoj që argumentet që i kemi parashtruar do të bëjë që komisioni të marrë parasysh kërkesën tonë”, ka potencuar historiani Blakçori. Ngjashëm është shprehur edhe Nexhip Sylemaja, nënshkrues i këtij peticioni dhe banor përgjatë rrugës “Rexhep Mitrovica”.
“Kur e kam kuptuar kronologjinë e zhvillimeve ku ka qenë i implikuar edhe Rexhep Mitrovica, atëherë nuk kam hezituar që të nënshkruaj peticionin dhe më duket paradoksale sesi shfrytëzohen figurat e kohës së nazizmit për t’u emërtuar rrugët e Prishtinës”, është shprehur Sylemaja. Ndërkaq, në Komunën e Prishtinës konfirmojnë pranimin e peticionin dhe thonë se çështjet e emërtimeve, riemërtimeve dhe ndryshimeve të emrave të rrugëve në kryeqytet do të përmbyllen gjatë këtij viti.
“Komisioni për këtë sferë do të mblidhet shumë shpejt dhe ai do të jetë kompetent që t’i shqyrtojë të gjitha sugjerimet, duke përfshirë edhe ato për ndërrimin eventual të emrave dhe pas punës së komisionit, emrat për secilën rrugë do të votohen nga këshilltarët komunalë”, ka thënë zëdhënësi i komunës, Muhamet Gashi. Ndryshe rruga “Xhafer Deva” gjendet në pjesën veriore të kryeqytetit, përkatësisht mes zonës “Arbëria” dhe lagjes “Tirana”. Ndërkaq, rruga “Rexhep Mitrovica” në pjesën e lagjes “Dardania” të Prishtinës.
Lexoni e mos besoni po si din te meshifen akoma mbas banorve e popullit!!!
Desha ta emnoj temen, "Llomit titisto-fadilo-enverist jau verbojene syt figurat Kombetare Shqyptare" o medet cfare shqyptaresh na shpiku ruso-sllavizmi, titizmi, stalinizmi, miladinizmi !!!
Po mu per ate u flijua Familja Jasharaj, qe ju mbeturina serbo-ruse, te brohoritni podrumeve parti enver stalin lenin tito, nuk ju pengojen rruget me emnat e tyne dhe sa e sa emna shkieshi keni,po ju pengon Rexhep Mitrovica dhe Xhafer Deva?!
Jo o historian shiptar me gjak sllavi, perpos shkive dhe juve mbeturines komuniste
Nuk ka shqyptar qe si don Rexhep Mitrovicen dhe Xhafer Deven.
p.s. lus moderatoret tia gjejn nje titull te pershtateshem qe ju takon llomit miladino-tito-envero-fadilo-mugosho-stalinisteve, dhe tia gjejn vendin e duhun kesaj teme, nuk dijta ku ta hap. Ju falenderoj ne mirekupetim
Plaku
Përgjigju Duke Cituar
Postuar më parë nga DYDRINAS
Krijoni Kontakt