Zbulohet kontrata midis Qeverisë dhe Bechtel-Enka !!!

[Llapi]

Kundërshtarët e autostradës, kundërshtarët e lirisë
19-05-2011 12:24 CET

Kryeministri Hashim Thaçi tha para deputetëve të Kuvendit të Kosovës se kontrata me konsorciumin “Bechtel- Enka”, e publikuar ditë më parë nga Lëvizja Vetëvendosje, nuk është versioni final.

Thaçi siguroi ligjvënësit se transparenca financiare e projektit është e plotë dhe se gjitha shpenzimet deri në detaje janë të përfshira në ligjet përkatëse për buxhetin. Ndërkaq, Lëvizja Vetëvendosje, përmes deputetit Visar Ymerit, kërkoi që kontrata origjinale e qeverisë me konsorciumin “Bechtel- Enka” të bëhet publike.

Në përgjigje kryeministri Hashim Thaçi ka shkuar më tej me akuzat ndaj Lëvizjes Vetëvendosje. Ai tha se kundërshtimet për autostradën bëhen nga ata që kanë kundërshtuar edhe dokumentet që sollën lirinë dhe pavarësinë e vendit.

Kuvendi i Kosovës në seancën e sotme përveç tjerash do të shqyrtojë edhe raportin financiarë për Buxhetin e Republikës së Kosovës, për vitin 2010 si dhe do të mbajë debat për masakrën e Burgut të Dubravës.

Ndërkaq, partia më e madhe opozitare, Lidhja Demokratike e Kosovës (LDK), në shenjë revolte, ka braktisur të enjten punimet e seancës plenare të Kuvendit të Kosovës. Deputetët e LDK-së këtë veprim e kanë marrë pasi gjatë shqyrtimit të Raportit financiar për Buxhetin e Republikës së Kosovës, për vitin 2010 në seancë nuk kanë qenë të pranishëm as kryeministri e as ndonjë ministër tjetër.

Shefi i Grupit Parlamentar të LDK-së, Ismet Beqiri ka thënë se kjo qeveri nuk është serioze. /rtk/indeksonline/zëri/

[gjema]

a kallxoj hashimovici sa miliona i paskan vjedh

[ARIANI_TB]

VV i kundërpërgjigjet Thaçit me vulëVisar Duriqi | 19-05-2011 18:14 CET Lëvizja Vetëvendosje konstaton se e ka “vulosur” çështjen e publikimit të kontratës në mes të qeverisë së Kosovës dhe kompanisë “Bechtel-Enka” për “rrugën e Kombit”.

Të ënjtën kjo lëvizje ka nxjerr, në një konferencë për shtyp, pjesë të nënshkruara të dokumentit final të kësaj kontrate, si dhe dy dokumente të kompanisë këshilluese “Eversheds”, që pati angazhuar Qeveria për të vlerësuar kontratën në fjalë.

Edhe pas këtyre publikimeve, Vetëvendosje këmbëngul që kjo është kontratë e pafavorshme për vendin, e sidomos duke u bazuar në rekomandimet, që sipas dokumenteve që publikoi, pohojnë të njëjtën gjë.

Këto dokumente i ka prezantuar Shpend Ahmeti, i cili ka bërë të ditur se sipas analizave paraprake të këtyre dokumenteve, ato janë të vërteta.

Ai ka thënë se kanë bërë analiza në mes të draftit që patën publikuar ditë më parë dhe në mes të kontratës finale që është e nënshkruar nga Nexhat Krasniqi, shef i prokurimit në ish-Ministrinë e Transportit dhe Postelekomunikacionit, tash Ministria e Infrastrukturës, dhe e vulosur me vulat e kompanisë amerikano-turke “Bechtel-Enka”, por nuk kanë parë asnjë ndryshim.

“Kjo do të thotë se tendenca e Qeverisë që draftin ë publikuam më herët ta paraqesin si jo të vërtet “bie në ujë”.

Ai ka thënë se të njëjta do ti publikojnë në ueb-faqen e tyre, dhe se me këtë po e bëjnë atë që është dashur ta bëjë Qeveria.

Ahmeti ka thënë se dokumente kanë ardhur në Vetëvendosje pas guximit të tyre për të publikuar.


http://www.zeri.info/artikulli/1/1/2...hacit-me-vule/

[ARIANI_TB]

Vetëvendosje publikoi kontratën me vulë dhe nënshkrime
Nga Express më 19 maj 2011 në ora 19:22
Lëvizja Vetëvendosje të enjten ka ri-publikuar kontratën ndërmjet Qeverisë së Kosovës dhe kompanisë “Bechtel-Enka” për ndërtimin e autostradës Vërmicë-Merdare, me vulat dhe nënshkrimet e të dyja palëve.

Shpend Ahmeti ka thënë se posedojnë një dokument të “Eversheds”, kompani e kontraktuar nga Qeveria e Kosovës për ta konsultuar në lidhje me kontratën me “Bechtel-Enka”, sipas të cilës kontrata me konsorciumin turko-amerikan është i pafavorshëm për Kosovën.

Për dallim nga hera e kaluar, të hënën, kur Lëvizja Vetëvendosje publikoi një kopje të kontratës ndërmjet Qeverisë së Kosovës dhe konsorciumit “Bechtel&Enka” për ndërtimin e autostradës Vërmicë –Merdare, e cila nuk kishte nënshkrime, të enjten përfaqësues të Vetëvendosjes publikuan kontratën me vula dhe nënshkrime.

Shpend Ahmeti nga Lëvizja Vetëvendosje, ka thënë se publikimi i kontratës me nënshkrimet e zyrtarëve të Ministrisë së Transportit dhe atyre të kompanisë “Bechtel Enka” tanimë heq të gjitha dilemat se kjo kontratë nuk ishte origjinale.

“Mund të konfirmoj se sot jemi në pronësi të tri dokumenteve të reja, njëra është kontrata e nënshkruar dhe vulë e nënshkruar prej zyrtarëve të Ministrisë së Transportit, me dy vula të kompanisë “Bechtel-Enka”. Në këtë moment jemi duke analizuar këtë kontratë që ta shohim se sa është në përputhshmëri me draftin, të cilin e kemi publikuar më herët. Nuk ka përfunduar kjo analizë, por deri tash asnjë dallim, asnjë shkronjë s’e kemi gjetur. Ne besojmë që edhe drafti që e kemi pasur ka qenë drafti final”, ka thënë Ahmeti, duke shtuar se publikimi i këtij dokumenti shuan dilemat se kjo kontratë nuk ishte origjinale.

Sipas Ahmetit publikimi me nënshkrime dhe vulë i kësaj kontrate është bërë ngase zyrtarët qeveritarë e kanë kontestuar dokumentin e parë të publikuar se nuk ishte origjinali dhe ishte pa nënshkrime.

Gjithashtu ai ka bërë të ditur se ky dokument përmban vulën e Ministrisë së Transportit dhe nënshkrimin e ish-sekretarit të MTPT-së, Nexhat Krasniqi.

Në të njëjtën kohë, Vetëvendosje ka publikuar edhe një dokument tjetër të kompanisë “Eversheds”, e cila ishte kontraktuar nga qeveria për të dhënë vlerësime për ofertuesit e ndërtimit të autostradës.

Sipas Ahmetit, kompania që ishte paguar mbi 1 milion euro kishte rekomanduar që të mos kontraktohet me kompaninë “Bechtel-Enka”, pasi “ishte e pafavorshme për Qeverinë e Kosovës”.

“U përmend sot nga kryeministri, kompania “Eversheds”, e cila ka qenë e kontraktuar nga Qeveria e Kosovës për ta konsultuar apo për ta këshilluar Qeverinë e Kosovës në lidhje me kontratën e “Bechtel Enka”. Kemi në pronësi një dokument që vjen nga “Eversheds” ku kjo kompani thotë se kontrata është e pafavorshme për Qeverinë e Kosovës dhe nuk duhet të nënshkruhet. Prandaj, kjo nuk është e nënshkruar, por këto janë këshillat të cilat i ka bërë kompania “Eversheds”, të cilën e kemi paguar më shumë se 1 milionë euro që të na këshillojë për këtë kontratë dhe nuk e kemi dëgjuar”, ka thënë Ahmeti.

Ndërsa lidhur me deklarimet e kryeministrit të Kosovës Hashim Thaçi në Kuvendin e Kosovës se publikimi i kontratës nga Vetëvendosja nuk ishte origjinale dhe se i mungonin nënshkrimet, Ahmeti i ka quajtur si argumente koti.

“Ato argumentime tërë kohën të kryeministrit Thaçi, se gjoja këto po bëhen për arsye politike, natyrisht se po bëhen për arsye politike. Ne në politikë kemi hyrë për ta ndryshuar politikën kosovare. Natyrisht, se do t’i qesim ato gjëra, të cilat mendojmë se janë në interes të qytetarit të Kosovës dhe të votuesve të Kosovës për t’i treguar se si po shpenzohen paratë e tyre”, është shprehur Ahmeti.

Për më tepër, ai tha se gjatë ditëve në vijim do të publikojnë edhe dokumente të tjera, ndërkohë që Vetëvendosje do të kërkojë nga Qeveria e Kosovës debat parlamentar për këtë çështje.

Lëvizja Vetëvendosje të hënën e kaluar bëri publike një kopje të kontratës ndërmjet Qeverisë së Kosovës dhe konsorciumit “Bechtel&Enka” për ndërtimin e autostradës Vërmicë -Merdare. Albin Kurtit dhe Visar Ymerit kjo kontratë prej 103 faqesh në gjuhën angleze u ka shkuar me postë në adresat e shtëpive nga persona të panjohur.

Sipas përfaqësuesve të Vetëvendosjes në kontratë është specifikuar në mënyrë fikse çmimi prej 659 milionë e 813 mijë e 400 euro e 39 centë, por ndërkohë në brendësi të kontratës nuk përfshihet asnjë çmim fiks.

Ministri i Infrastrukturës, Fehmi Mujota, ka reaguar ndaj Lëvizjes Vetëvendosje, duke i quajtur veprimet e kësaj lëvizjeje “aventura politike”, ndërsa kryeministri i Kosovës Hashim Thaçi ka thënë se kontrata e zbuluar nga Vetëvendosja nuk është dokumenti final dhe se ky është projekti më madhor në historinë e Kosovës. /kosovapress/


http://www.gazetaexpress.com/?cid=1,14,54137