Deputet nga USA dhe Kanadaja per parlamentin e Shkupit

[jeton_struga]

Tre deputetët e diasporës për disa muaj do të ulen në kolltukët e lëkurës të parlamentit, kurse ende nuk dihet se sa para do të na kushtojë ky privilegj i bashkë atdhetarëve tanë që të jenë pjesë e pushtetit ligjdhënës. Një deputet do të vijë nga Evropa, një nga Amerika Veriore, kurse një nga Australia e largët. Mirëpo nuk dihet sa do të kushtojë zgjedhja e tyre e as madje qëndrimi i tyre 4 vjeçar në Shkup. Sipas ndryshimeve ligjore, shteti do të duhet tua paguajë qiranë për banesën prej 70 metra katrorë nëse janë vetë ose prej 100 metra katrorë nëse vijnë me familjen. Do të nevojitet edhe transporti, por edhe telefoni zyrtar. Deputetët do të marrin edhe nga gjashtë bileta avioni në vit që të mund t’i vizitojnë njësitë e tyre zgjedhore në kontinentet e tjera dhe të jenë në kontakt me mërgimtarët. Nga Kuvendi thonë se shuma do të dihet pas zgjedhjeve, pasi tani nuk kanë kurrfarë parametrash sipas të cilëve mund të llogariten këto shpenzime. Nga Ministria e Financave e cila në realitet duhet t’i japë paratë, aspak nuk u përgjigjën në pyetjen tonë. Me qëndrimin e vet doli vetëm PLD-ja opozitare. Deputetët e VMRO DPMNE-së në pushtet evituan të komentojnë në këtë temë. Me telefon na dërgonin nga njëri tek tjetri, në mënyrë që në fund askush të mos përgjigjet të thirrje. ‘Konsiderojmë se pushteti nuk ka vizion të qartë se si do të zhvillohet dhe sa do të kushtojë kjo. Disa herë e parashtruam pyetjen sa do të kushtojë votimi i diasporës për çka nuk morëm përgjigje. Fatkeqësisht ata konsiderojnë se qytetarët nuk duhet ta dinë këtë. Nuk është qartë e përkufizuar as mënyra me të cilën do të zhvillohet votimi. Jemi dëshmitarë se e tërë ministria e punëve të jashtme do të niset dhe do të udhëtojë nëpër botë në përfaqësitë diplomatike – konsullore, atje do të vendosen disa ditë, e me këtë rast çdo qytetar i diasporës nuk do të mund ta realizojë të drejtën e vet të votës ...’ tha Zora Topuzovska Karevska – deputete e PLD-së. Sipas llogarive të përafërta, vetëm për qiranë do të paguhen rreth 43 mijë euro nëse deputetët e diasporës mandatin e tyre e kalojnë të vendosur në banesa në qendër të Shkupit, kurse paguajnë qiranë më të vogël prej rreth 300 euro në muaj. Për gjashtë biletat e avionit për katër vjet ata do të jepnin rreth 55 000 mijë euro.
ALSAT-M




E solla kete artikull qe te jap nje paqyre ,apo nje informate per mobilizimin eShqipetareve ne Usa nga Maqedonia per te nxjerre emra nga komuniteti jone atje si kandidat te mundshem per parlamentin e Maqedonise.....informata me te hollesishme mund te postoj gjithsecili qe posedon te njejtat.....do te mundohem qe te siguroj info per formen e votimit .....do te kisha lutur i gjithe lobi shqipetar atje te angazhohet nepermjet shoqatave te bej te mundur informimin e bashkatdhetareve tan per kete mundesi...........

[jeton_struga]

përfaqësitë konsularo-diplomatike
Bekim MURATI

Në zgjedhjet e ardhshme, qofshin ato të rregullta po të parakohshme, ekspertët dhe partitë politike presin që shqiptarët të fitojnë më së paku një deputet më tepër, nga shkaku se ndryshimet në Kodin Zgjedhor të Maqedonisë parashihet të votojnë edhe qytetarët që jetojnë përkohësisht jashtë vendit, me ç’rast do të zgjidhet një deputet nga një Evropa, Australia dhe Amerika.

Duke marrë parasysh se mërgata shqiptare nga Maqedonia në Evropë dhe në SHBA është në numër më të madh se ajo e bashkësive tjera etnike, vlerësohet se me një mobilizim më të madh të diasporës partitë shqiptare do të mund t’i fitojnë këto dy mandate. Problemi qëndron në dilemën nëse Maqedonia është e gatshme të organizojë zgjedhje korrekte nëpër përfaqësitë konsularo-diplomatike.
Demografi Asllan Selmani vlerëson se askush nuk ka të drejtë t’ua mohojë të drejtën këtyre qytetarëve për të zgjedhur personin i cili do t’i mbrojë interesat e tyre, por paralajmëron se “votimi i diasporës do të keqpërdoret nga partia në pushtet për të përfituar disa deputetë më tepër”.

“Në rast se mobilizohen forcat shqiptarët mund të fitojnë njërin nga tre deputetët, e sidomos atë në Evropë, duke pasur parasysh faktin se pjesa më e madhe e shqiptarëve të Maqedonisë janë përqendruar në shtetet e Evropës”, nënvizon Selamni.
Nevojën për mobilizim më të madh Selmani e bazon në faktin se shqiptarët në Evropë janë tepër të shpërndarë dhe se është rëndë të motivohen të udhëtojnë disa qindra kilometra për të pritur në radhë nëpër ambasadat dhe konsullatat e Maqedonisë për të dhënë votën e tyre.

“Shqiptarët kanë një përparësi sepse kanë ruajtur lidhjen me vendlindjen, pra edhe shtetësinë dhe pasaportën. Kjo nuk ndodh te maqedonasit, shumica e të cilëve kanë zëvendësuar shtetësinë e vjetër me atë të shteteve ku jetojnë. Andaj, nga tre deputetët të cilët do t’i zgjedh diaspora deputeti i Evropës do të duhet tu takojë shqiptarëve”, deklaroi Selmani.

Partitë politike shqiptare, ndërkaq, kanë shprehur skepticizmin e tyre rreth rregullshmërisë së këtyre zgjedhjeve, ndërsa janë shprehur optimistë se deputeti i Evropës mund të jetë shqiptar. “Nga kalkulimet e mëhershme është konstatuar se ne mund ta fitojmë deputetin nga Evropa. Megjithatë, nuk kemi ndonjë statistikë zyrtare prandaj besoj se asnjëri nuk ka të dhëna të sakta se sa është numri i saktë i shqiptarëve që jetojnë në diasporë. Unë për momentin jam shumë skeptik se mund të kemi zgjedhje të rregullta dhe mund të kemi një proces zgjedhor të diasporës, i cili do t’i plotësonte standardet për zgjedhje të lira dhe demokratike”, deklaroi deputeti i BDI-së, Tahir Hani.
Nga Demokracia e Re (DR) nuk besojnë se Maqedonia ka kapacitet për organizmin e zgjedhjeve në diasporë, pasi ato vota do të keqpërdoren nga partitë të cilat do të jenë në pushtet. Në partinë e Selmanit vlerësojnë se përveç deputeti të Evropës, shqiptarët kanë gjasa reale që të fitojnë dhe deputetin e SHBA-ve për shkak të numrit të madh të shqiptarëve që jetojnë në këtë kontinent.
“Objektivisht Maqedonia nuk është e aftë të organizojë jashtë vendit. Vërejtje të shumta kemi në organizimin e zgjedhjeve në Maqedoni e lëre më në diasporë. Kjo do të jetë një mundësi e mirë e partive në pushtet që t’i keqpërdorin ato vota”, deklaroi deputetja e DR-së, Flora Kadriu.

Dyshimet për manipulime

“Shqiptarët kanë një përparësi sepse kanë ruajtur lidhjen me vendlindjen, pra edhe shtetësinë dhe pasaportën. Kjo nuk ndodh te maqedonasit, shumica e të cilëve kanë zëvendësuar shtetësinë e vjetër me atë të shteteve ku jetojnë. Andaj, nga tre deputetët të cilët do t’i zgjedh diaspora deputeti i Evropës do të duhet tu takojë shqiptarëve”, deklaroi Selmani. Partitë politike shqiptare, ndërkaq, kanë shprehur skepticizmin e tyre rreth rregullshmërisë së këtyre zgjedhjeve, ndërsa janë shprehur optimistë se deputeti i Evropës mund të jetë shqiptar. kohaere

[jeton_struga]

» Një deputet shqiptar nga diaspora?
Një deputet shqiptar nga diaspora?

Posted by Shqipmedia on Nën 1st, 2008 // 1 Comment

Një deputet shqiptar nga diaspora?

Në zgjedhjet e ardhshme parlamentare pritet që njëri nga 3 deputetët nga diaspora të jetë shqiptar.

Kjo ka qenë një nga arsyet për pranimin e propozimit që të votojë diaspora nga ana e partive politike shqiptare BDI e PDSH, dhe për të cilën është arritur marrëveshje në takimin e 4 liderëve të partive politike. Por për këtë nevojitet akoma punë meqë nuk është definuar trupi votues.

- Po ne konsiderojmë se ka bazë për një kandidaturë dhe për një deputet shqiptar, prandaj pasi kemi konsultuar mundësitë edhe kemi vendosur që të mbështesim një zgjidhje të këtillë, dhe në këtë fazë nuk do të kisha komentuar më shumë sepse megjithatë ne duhet të bëjmë përgatitjet e duhura për zgjdhjet që do të duhet të mbahen – thotë deputetja e BDI-së Ermira Mehmeti.

Deputeti i PDSH-së Besim Dogani thotë se nga opsionet e ndryshme për votimin e diasporës partitë janë marrë vesh që të votohen tre deputet nga diaspora, prej të cilëve njëri do të jetë shqiptar. – Me gjasë që deputeti shqiptar ti takojë bllokut zgjedhor të Europës, apo Europa Free që i themi ne. Kjo është kërkesë e jona dhe kjo është një çështje për të cilën normalisht se nuk do të lëshojmë pe – shtoi Dogani.

Këtë tezë e mbështet edhe deputeti i LSDM-së Vllado Buçkovski, i cili vlerëson se teoretikisht është e mundur kjo, por gjithçka do të dihet pas definimit të trupit votues.

- Meqë do ti zgjedhim tre përfaqësuesit e diapsorës në zgjdhjet e ardhshme parlamentare, vlerësoj se mund të jetë që favorit nga diaspora në Evropë të jetë shqiptar, ndërsa dy të tjerët nga kontinenti i Australisë dhe Amerikës të jenë maqedonas, mirëpo ajo do të jetë më e qartë kur do të definohet trupi votues – thotë deputeti i LSDM-së Vllado Buçkovski.

Ndryshimet në kodin zgjedhor u miratuan të mërkurën me 85 vota për. Një nga risitë kryesore është edhe votimi i diasporës nga zgjedhjet e ardhshme parlamentare, me çka do të zgjedhen 3 deputet, një nga Evropa dhe Afika, një nga Amerika Veriore dhe Jugore dhe një nga Australia dhe Azia.