Krasniqi takon partitë opozitare !!!

[ARIANI_TB]

Jakup Krasniqi
Krasniqi takon partitë opozitare
Nga Express më 06 prill 2011 në ora 14:02
(E plotësuar) Presidenti në detyrë i Kosovës, Jakup Krasniqi ka zhvilluar gjatë ditës takime me Lidhjen Demokratike të Kosovës, Lëvizjen Vetëvendosje dhe Lëvizjen për Bashkim, ndërkaq pasdite pritet të zhvillojë takime edhe me Aleancën për Ardhmërinë e Kosovës dhe partitë e pakicave.

Ai ka thënë se këto janë takime konsultative në përpjekje për të gjetur një konsensus për zgjidhjen e krizës politike.

Krasniqi ka bërë të ditur se gjatë ditës së sotme nuk do ta takohet me Partinë Demokratike dhe Aleancën Kosova e Re, por vetëm me partitë opozitare, përderisa ka paralajmëruar se gjatë javës së ardhshme do të ketë një takim të përbashkët me përfaqësuesit e subjekteve politike parlamentare.

“Këto bisedat që i kemi zhvilluar sot, janë biseda konsultative për t’i parë qëndrimet e partive politike. Ne do të vazhdojmë edhe pas dite me këto takime me partitë politike, dhe pastaj varësisht si do të zhvillohen zhvillimet politike gjatë kësaj jave. Kurse ne mendojmë që gjatë javës së ardhshme me pas një takim të përbashkët me partitë politike të cilat janë pjesë e Kuvendit të Kosovës”, ka thënë Krasniqi.

Ai pret që të arrihen rezultate nga këto bisedime me subjektet politike, përderisa edhe takimet që Thaçi, Mustafa dhe Pacolli i kanë zhvilluar dje me ambasadorin amerikan Christopher Dell, i sheh në të mirë të zgjidhjes së krizës.

“Po, kjo do të thotë se partitë politike janë të gatshme që të bisedojnë edhe me prezencën e faktorit ndërkombëtar për të arritur një konsensus”, ka thënë Krasniqi, raporton KosovaPress.

Ai nuk e sheh si të dëmshëm procesin negociator mes partive politike, njërin me ambasadorin Dell dhe tjetrin me atë si ushtrues i detyrës së presidentit, përderisa këto takime kanë një qëllim, daljen nga situata politike në të cilën është futur vendi.

Vetëvendosje nuk e kandidon Demaçin

"Vetëvendosje" nuk do ta kandidojë Adem Demaçin për president, pasi kjo parti nuk e ka “komoditetin numerik” për ta bërë një gjë të tillë.

Kështu ka bërë të ditur deputeti i "Vetëvendosjes", Glauk Konjufca, pas një takimi që ai dhe përfaqësuesit e disa partive të tjera parlamentare kanë zhvilluar sot me kryeparlamentarin Jakup Krasniqi, njëherësh ushtruese detyre i presidentit.

Krasniqi ka mbajtur sot paradite takime me përfaqësues të partive politike në përpjekje për të tejkaluar situatën e krijuar rreth kandidatit për president të ri të Kosovës.

Krasniqi dhe përfaqësues të partive pjesëmarrëse në këto takime nuk kanë folur rreth takimi, ndërkohë që mësohet se brenda në takim është diskutuar rreth kandidatit për president, ndryshimit të nenit të Kushtetutës që ka të bëjë me zgjedhjen e presidentit dhe mundësia e mbajtjes së zgjedhjeve të parakohshme, raporton Telegrafi.

I vetmi që ka folur për media, ka qenë deputeti i Vetëvendosjes, Glauk Konjufca. Ai tha se Vetëvendosje nuk do të përkrahë asnjë president i cili nuk merr parasysh tri kushte të dhëna nga ky subjekt politik - ndërprerja e negociatave me Serbisë, heqja dorë nga Pakoja e Ahtisaarit dhe çështja e privatizimit të ndërmarrjeve të mëdha publike.

Krasniqi takon sot liderët partiakë

Ushtruesi i detyrës së presidentit, kryeparlamentari Jakup Krasniqi sot do të bëjë hapin e parë për të gjetur zgjidhje nga ngërçi politik, pasi vendi s’po mund të gjejë një kandidat konsensual për president.

Krasniqi u ka bërë tashmë ftesë të gjitha partive pjesëmarrëse në Kuvend, ndërsa takimi i parë është paraparë të realizohet në orën 10:00 me kreun e LDK-së, pastaj me Vetëvendosje, AAK dhe AKR. Këtë renditje, sipas Epokës së Re, Krasniqi ka thënë se e ka bërë sipas renditjes së partive në Kuvend.

Ndërkohë nuk është paraparë ndonjë takim i Krasniqit me kreun e PDK-së, kryeministrin Hashim Thaçi.

Të martën, Krasniqi tërthorazi ka pranuar se është anashkaluar prej bisedave për daljen nga kriza politike. Pas takimit të Kryesisë së PDK-së, Krasniqi është shprehur se këto biseda është dashur t’i udhëheqë presidenti, mirëpo, sipas tij, në çdo rrethanë më e rëndësishme është arritja e marrëveshjes dhe dalja nga kriza.

“Realisht me Kushtetutë, thuhet se bisedimet në raste të tilla do të duhej t’i udhëhiqte presidenti i Kosovës. Por nëse arrihet një marrëveshje që është në interes të çështjeve qe po kalon Kosova, është një marrëveshje e mirë”, ka thënë Krasniqi.


http://www.gazetaexpress.com/?cid=1,13,51110

[ARIANI_TB]

LDK e Vetëvendosje kanë nga tri kushte
Publikuar: Sot, më 06 prill 2011

Prishtinë, 6 Prishtinë – (E plotësuar) Kryeparlamentari Jakup Krasniqi, njëherësh ushtruese detyre i presidentit, ka përfunduar sot takimet me përfaqësues të partive politike në përpjekje për të tejkaluar situatën e krijuar rreth kandidatit për president të ri të Kosovës.
Krasniqi dhe përfaqësues të partive pjesëmarrëse në këto takime nuk kanë folur pas takimi, ndërkohë që mësohet se brenda në takim është diskutuar rreth kandidatit për president, ndryshimit të nenit të Kushtetutës që ka të bëjë me zgjedhjen e presidentit dhe mundësia e mbajtjes së zgjedhjeve të parakohshme, njoftojnë mediat e kryeqytetit.
I vetmi që ka folur për media, ka qenë deputeti i Vetëvendosjes, Glauk Konjufca. Lëvizja Vetëvendosje e ka kushtëzuar bashkëpunimin e saj me subjektet politike për gjetjen e zgjidhjes së krizës politike me ndalimin e tri proceseve që i konsideron të dëmshme në Kosovë. Zbatimi i Planit të Ahtisarit, bisedimet me Serbinë dhe privatizimi i aseteve kombëtare, janë tri proceset që kjo lëvizje kërkon që të ndalohen.
Përfaqësuesi i Vetëvendosjes, Glauk Konjufca këtë ia ka thënë edhe ushtruesit të detyrës së presidentit të Kosovës, Jakup Krasniqi në takimin që kishte me të, në kuadër të takimeve që Krasniqi ka zhvilluar me subjektet politike për të biseduar për krizën politike në vend. “Ne shpjeguam se çfarëdo bashkëpunimi i Lëvizjes Vetëvendosje me subjektet politike do të kanalizohet nëpërmjet këtyre tri kushteve që i kemi ne, nëpërmjet këtyre tri proceseve që janë shumë të rëndësishme për Lëvizjen Vetëvendosje, pra që të ndalet Plani i Ahtisarit, të ndalen negociatat me Serbinë dhe që të ndalen shitjet e pasurive tona”, ka thënë Konjufca.
Edhe pajtueshmërinë për zgjedhjen e presidentit, ai e lidh me këto tri procese. “Ne mendojmë se kushdo që të ishte president, jashtë Behgjet Pacollit,do të vlenin të njëjtat kushte, sepse këto mendojmë se nuk janë të rëndësishme as për presidentin si të tillë, as për Lëvizjen Vetëvendosje, por mendojmë se ky është interesi i Kosovës dhe ne pajtohemi vetëm me atë forcë politike apo me atë personalitet që e mishëron këtë interes të Kosovës që po mundohemi ta artikulojmë ne”, është shprehur ai.
Deputeti Konjufca e ka cilësuar si një anashkalim të demokracisë, takimin e djeshëm ndërmjet Thaçit, Mustafës dhe Pacollit tek ambasadori amerikan, Christofer Dell, duke thënë se ky i fundit i fton vetëm ata që janë të gatshëm të bëjnë pazare politike. Ndërkaq edhe për ndryshimet kushtetuese, kjo lëvizje ka kushte. Konjufa ka thënë se duhet të ndërrohen së pari dy nene që i mohojnë Kosovës vetëvendosjen e jashtme dhe atë të brendshme, sikur që është neni 1.3 dhe neni 143 i Kushtetutës së Kosovës.
Kryetari i LDK-së, Isa Mustafa e ka njoftuar të mërkurën Kryesinë e partisë për takimin që e ka pasur të martën me ambasadorin amerikan në Kosovë, Christopher Dell, ku kanë marrë pjesë edhe Hashim Thaçi e Behgjet Pacolli.
Mustafa ka thënë se në këto takime janë dhënë kushtet e LDK-së për dalje nga kriza rreth zgjedhjes së presidentit - ndryshimi Kushtetutës, ndryshimi i Ligjit për zgjedhjet dhe caktimi i afatit se kur do të mbaheshin zgjedhjet e ardhshme parlamentare, të cilat do të jenë shtruar sot edhe para u.d të Presidentit, Jakup Krasniqi.
I pyetur nëse LDK do ta mbështeste Behgjet Pacollin për president, Mustafa ka thënë se kjo është çështje e negociatave që janë duke vazhduar dhe do të vazhdojnë gjatë të së mërkurës.

Mustafa ka shprehur dëshirën për zgjidhje të përshtatshme për të tejkaluar gjendjen që është krijuar rreth zgjedhjes së presidentit të ri.

Ndërkohë, ai ka marrë mbështetjen e Kryesisë së LDK-së për vazhduar negociatat përzgjedhjes së kandidatit për president.

U.d i Presidentit, Jakup Krasniqi tha se në cilësinë e u.d të presidentit të vendit sot ka takuar drejtues të Lidhjes Demokratike të Kosovës, Vetëvendosjes dhe Lëvizjes për Bashkim, ndërsa pasdite do të takojë edhe drejtuesit e Aleancës për Ardhmërinë e Kosovës dhe partive të minoriteteve.

http://www.koha.net/index.php?cid=1,22,54672

[Genti..]

Nje here e pergjithmone duhet te hiqet e gjithe garnitura e (deshtume) vjeter politike nga Kosova .
Sa hyna ne Kosove dje , dhe ja tash hyar ne net pas 5 ore munges e rryme ne shekullin XXI .
Bastoret po u takojkan Ramush Hareianaj , kurse pompat e benzines Thaqit , dhe ky tjetri Limaj akuzohet per 85 milion euro korupsion dhe ky Krasniqi qe e lun roline kryeplakut eshte e njijeti ::
http://www.botasot.info/def.php?category=3&id=112487

Don Zoti qe te thejne qafen sa me shpejte keta ndyresira se vajj halli per ne .











-------------------------------
LVV