Adem Berisha

[Adem Berisha]

Faleminderit miku im i rrallë dhe respektuar, i dashur Agim!

Të falenderoj që përcjell dhe lexon shkrimet e mia modeste. Në momente dinë të jenë plot mllef i cili nuk është karakteristikë e shpirtit poetik por që në momente shpërthen në shenjë proteste dhe denoncimi të fenomeneve dhe dukurive të caktuara të cilat ndërkohë janë bërë të padurueshme për pjesën dërmuese të popullit.

Konsideroj se është obligim intelektual dhe njerëzor që edhe krijuesit të merrren me denoncimin e këtyre fenomeneve me qëllim senzibilizimi dhe vetdijësimi të lexuesve qe të mos heshtin por të ngrenë zërin e tyre kudo që iu jepet mundësia. Mendoj që krijimet e tilla nuk duhet të kenë ngjyrime politike të bazuara në admirimin apo jo të cilitdo subjekt politik apo strukture pushtetare.

[riza2008]

Çdo gjë një fund duhet të ketë, ndaj edhe durimi ka fundin e vet!
Të heshtësh para çnjerëzores, vet i ke mbyllur derën fitores!


M A L L K I M

Pse nuk vret zoti ata idiota
ndotës të ajrit e helm për dhenë,
o i marrtë lumi e i lëshoftë toka
në qiell as në tokë vend të mos të kenë!

Kurrë kënaqësi mos përjetofshin,
për jetë qofshin të anatemuar,
atë që vodhën kurrë mos e gëzofshin,
si hajdutë ngaherë të dëshmuar.

kurrë mos paçin shend e verë,
fara e tyre mos u shtoftë,
jeta për ta u bëftë skëterrë
dheu mbi varr i rëndë iu qoftë.

Këta edhe tokën e rëndojnë
janë stërnipa të Kainit,
në djall të mallkuar* le të shkojnë,
t’i lëshojnë rrugën civilizimit.

Të gjitha mëkatet para e mbas,
gurë në qafë n’atë botë i paçin,
kurrë mëshirues për ta mos pastë
kokës së tyre të iu heq saçin.

Këta u djegshin e u përvëlofshin,
mbi sipërfaqe mos dalshin më,
të gjithë u zhdukshin e shkatërrofshin
kurrë mos paçim më punë me ta.



(Nga vëllimi "Krenaria dhe pikëllimi")

Përshëndetje Bac Ademi..! Si gjithmonë në faqen tënde kur futem dhe lexoj postimet e tua do ndeshem me gjëra (absolutish të mira) që përçojnë një shqetsim qytetar,një fisnikëri ndjenjash që duhet ti kenë e ti përqafojnë të gjith. Kjo poezi e titulluar më së miri :"MALLKIM" nxjerr në dritë një fenomen tepër negativ që ka kapur sot pushtetarët tanë të pa cipë duke vjedhur djersën e popullit të vetë.Këta surrat pa larë krijojnë dinasti në mes të një populli që vuan për bukën e gojës.Shpirti i pastër i poetit nuk pajtohet me këtë gjëndje,ndaj dhe fenomenin e bën varg që të ndërgjegjësohen njerzit e thjeshtë e kur tu vij radha ti dënojnë me votë,të ngrihen në lartësinë e duhur organet e drejtësisë dhe ti dënojnë pa mëshirë këta sharlatanë,këta bukshkelurit e popullit të vetë.Ju përgëzoj Bac Ademi për këtë revoltë poetike të mbrekullueshme...Urime dhe Zoti të dhëntë shëndet.......

[Adem Berisha]

Ndonëse me vonesë, me gjithë zemër falënderoj mikun tim të dashur e të respektuar, poetin e shquar e të palodhshëm Riza Çato por edhe gjithë lexuesit të cilët gjejnë dhe i kushtojnë kohen e tyre të çmuar krijimeve të mia modeste, herë-herë edhe plotë mllef i cili është i pashmangshëm në këtë kohë të çoroditur e të padurueshme.
Në këtë vazhdë, ndonëse mllefi nuk është në natyrën e shpirtit tim poetik, nuk mund të heshtë e të mos ngre zërin e protestës prandaj po postoj vargjet e mëposhtme:

TI . . . ti ?!!!

Ty që kush je e kujt i takon as vet nuk e di
me tënden nuk mjaftohesh e të huajën ke lakmi,
në vend se gjak, damarëve të rrjedh helm i zi
ty të përngjanë vetëm djalli si ti që i ngjanë atij.

Ti . . . që zot, fe, komb e atdhe ke lakminë
çirresh për pastërti e kultivon ndyrësinë,
kot kamuflohesh të gënjesh dhe perëndinë
koc e palcë t’i njohim, të gjithë kush je e dimë.

Kaherë ka ikur mesjeta, është shekulli njëzetenjë
ndryshe tash bëhet jeta, të gjithë kanë nga katër sy.
Nuk të bën punë as nëntoka, s’jetohet me hipokrizi
o soj i pasoj, renegat, faqezi, ogurzi . . . ku-ku për ty!

Kokën bosh, stomakun plotë

[Adem Berisha]

Intelektualja, krijuesja e shquar, humanistja e dalluar dhe mikja e shkëlqyer Viktoria Xhako, e njohur me shkrimet e saja edhe si Zhorzh Sand deri para disa muajve kishte një shëndet për lakmi krahasuar me moshën e saj.
Aktualisht përballet me disa vështirësi serioze shëndetësore ndaj duke u lutur që shpejt e me sukses të tejkalojë këtë gjendje dhe artin letrar shqiptar të pasurojë edhe me shumë vepra tjera vlerash të larta letrare-artistike, në shenj mirënjohjeje për kontributin e saj të çmuar në fushën e letërsisë dhe humanizmit në përgjithsi, dëshiroj që me lexuesit e nderuar të forumit shqiptar të ndaj këto vargje modeste kushtuar kësaj figure të shquar të artit dhe kulturës kombëtare shqiptare.

NGADHËNJIM PËRBALLË INJORANCËS E ANAKRONISË
-Viktoria Xhako-s, alias Zhorzh Sand -

Si një margaritar, simbol i një shëmbëlltyre për të mirë
në këtë botë mëkatare përplotë hipokrizi, zili e smirë,
nuk je e sëmurë por, lënduar në shpirtin tënd të dëlirë
nga injoranca e shëmtuar dhe anakronizmi i pamëshirë.

Mendja jote e ndritur me veprat tuaja të mëdha
që artit, kulturës e humanizmit Ti i dhurove,
të kanë stolisur, lartësuar e bërë të fortë si kala
përkrah gjithë asaj me çfarë u përballe e përjetove.

Brezat që Ti arsimove dhe edukove për së mbari
sot e përherë të janë mirënjohës oj e mirë,
në sytë e mendjet e tyre Ti shkëlqen si ari
krenohu me atë që ishe dhe je si një fisnike e arrirë.

Me Ty le të mburren ata që linde, rrite e formësove
por edhe ne që të njohëm e futëm në zemrat tona,
Ti je ajo që pa armë e barot shumë zemra pushtove
oj e dashura, e madhja Viktoria, e çiltra si Valbona.

Me këto fjalë zemre asgjë nuk hiperbolizova
dhe as që desha Ty e veprës tënde diç t’i shtoja,
i shkrova thjeshtë por i bindur që nuk gabova,
thash vetëm një pjesë të asaj që për Ty mendoja.

[Adem Berisha]

Lexues të dashur të forumit shqiptar, krijues e artdashës dhe ju shfletues të tmave të forumit, sot më 09. 10. intelektualja, krijuesja e shquar, humanistja e dalluar dhe mikja e shkëlqyer Viktoria Xhako, e njohur me shkrimet e saja edhe si Zhorzh Sand ka ditëlindjen.
Do të doja që bashkë me urimet tona për ditëlindjen e 61-të të drejtojmë edhe lutjet tona të sinqerta që ky personaliet i shquar shpejt e me sukses të tejkalojë gjendjen e vështirë shëndetësore me të cilën përballet aktualisht.
Urimet dhe lutjet tona nuk kushtojnë në aspektin materialo-finaciar prandaj le të bëjmë atë që mundemi e atë që kjo figurë e ndritur prej kohësh e meriton.