Arrestohet biznesmeni I naftes. E denoncoi Dritan Prifti

[Brari]

fjal e rren ky klodian lula i ed rucit te meros se gjolek males.

[RAPTILOID]

Skandali "Vergine", Irlanda fundos më thellë të akuzuarit
FLAMUR VEZAJ | 30/03/2011 | KRONIKE | 2 KOMENTE | FACEBOOK | - +
Autoritetet e drejtësisë irlandeze saktësojnë se gjatë vitit 2009-2010 nga Shqipëria nuk ka asnjë litër të mbetjes së naftës me emrin "Vergine" të futur në Irlandë. Ndërkaq, nga ana tjetër, shoqëria "Euroil" në dogana dhe tatime ka dorëzuar fatura eksporti, me destinacion Irlandën.

TIRANË - Edhe Gjykata e Apelit në kryeqytet vendosi që pronari dhe administratori i shoqërisë "Euroil" sh.a., shtetasi Hajri Elezaj, magazinieri Kadri Hajredini, si dhe shoferi Vladimir Katoci, të arrestuar për skandalin e naftës "Vergine", të mbesin në qeli nën masën e sigurisë "arrest me burg" deri në përfundim të hetimeve.

Ky vendim erdhi pasi treshja gjykuese dëgjoi pretendimet e palëve, ato të mbrojtjes që kërkuan ndryshimin e masës së sigurisë dhe pretendimet e përfaqësuesit të akuzës, që kërkoi që vendimi i Gjykatës së Shkallës së Parë të mbetet në fuqi.

Këtë kërkesë, prokuroria e përforcoi me dorëzimin e një prove të re, të ardhur me letër-porosi nga Irlanda, ku autoritetet e drejtësisë irlandeze saktësojnë se gjatë vitit 2009 - 2010 nga Shqipëria nuk ka asnjë litër të mbetjes së naftës me emrin "Vergine" të futur në Irlandë. Ndërkaq, nga ana tjetër, shoqëria "Euroil" në dogana dhe tatime ka dorëzuar fatura eksporti, me destinacion Irlandën.

Kjo letër-porosi, sipas akuzës, është një provë e fortë që fakton se kompania "Euroil" dhe bashkëpunëtorët e saj kanë mashtruar duke hedhur në treg sasi të mëdha mbetje të naftës "Vergine", duke e përzier me naftë dhe benzinën cilësore.

Para treshes gjykuese, biznesmeni Elezaj nuk kishte preferuar të paraqitet, duke firmosur një shkresë ku kërkonte të përfaqësohej nga avokati i tij, pasi ndodhet i shtruar për mjekime në Qendrën Spitalore Universitare "Nënë Tereza", pasi ka probleme me tensionin dhe zemrën. Avokati i këtij të fundit, gjatë fjalës së tij, kërkoi nga treshja gjykuese ndryshimin e masës së sigurisë për biznesmenin Elezaj, me pretendimin se gjendja e tij shëndetësore nuk është mirë.

Por, kjo kërkesë u kundërshtua nga prokurorët dhe Gjykata nuk e pranoi duke lënë në fuqi vendimin e gjyqtares Blerina Muça, e cila më 17 mars vendosi masën e sigurisë "burg pa afat" për Elezajn dhe 11 të arrestuarit e tjerë.

Gjatë ditës së djeshme, para togave të zeza dolën edhe magazinieri i shoqërisë "Fisheku" sh.a., shtetasi Kadri Hajredini dhe shoferi i auto-boteve Vladimir Koteci. Të dy këta të dyshuar kërkuan të lirohen, por gjykata nuk pranoi kërkesën e tyre duke i lënë në qeli deri në një vendim tjetër.

Nga ana tjetër, vetëm pak ditë më parë, konkretisht më 26 mars 2011, ishte kjo gjykatë që liroi të dyshuarit Iliaz alias Vladimir Fisheku dhe djalin e tij Martin Fisheku, me pretendimin se këta dy biznesmenë i kishin dhënë me qira ambientet e tyre shoqërisë "Euroil" dhe nuk mbajnë përgjegjësi për çfarë i shfrytëzon këto ambiente shoqëria "Euroil" me pronar Hajri Elezaj. Për këtë çështje, policia me urdhër të task-forcës pat arrestuar 12 persona dhe 2 të tjerë i ka shpallur në kërkim, ku deri më tani vetëm 10 prej tyre ndodhen në qeli nën masat e sigurisë "arrest me burg".

Veç telasheve me drejtësinë, vetëm pak ditë pas arrestimit të biznesmenit Hajri Elezaj, pronari dhe administratori i shoqërisë "Euroil" sh.a., kompania e tij është paditur në Gjykatë nga katër institucione për mosfurnizimin me karburant për gjatë vitit 2010. Lajmi konfirmohet nga burimet zyrtare të Gjykatës së Shkallës së Parë në kryeqytet, të cilët shtuan se përveç katër padive me objekt "kontratë furnizimi", ndaj shoqërisë "Euroil" janë bërë edhe tre padi të tjera ditën e arrestimit të Elezajt nga një bankë e nivelit të dytë në vend, që kërkon nëpërmjet Gjykatës që të zbatohen kontratat e kredisë.

"Euroil" sh.a., gjatë vitit 2010, ka fituar tenderin e organizuar nga Ministria e Brendshme për furnizimet me karburante të disa institucioneve shtetërore me një vlerë totale mbi 40 milionë lekë të reja.

Sipas padive me nr. 4098 të bëra nga Bordi i Kullimit, Durrës-Krujë, padia me nr. 5843 të bërë nga Shërbimi Informativ i Shtetit, padia me nr. 6702 të bërë nga Drejtoria Rajonale e Bujqësisë, Ushqimit dhe Mbrojtjes se Konsumatorit, Durrës, si dhe nga padia me nr. 8064 të bërë nga Garda e Republikës së Shqipërisë, shoqëria "Euroil" nuk ka përmbushur këto kontrata duke mos i furnizuar me naftë dhe benzinë edhe pse lekët e tenderit për furnizimin e këtyre institucioneve i ka marrë nga thesari. Sasia totale e mosfurnizimit të këtyre katër institucioneve, sipas këtyre padive, është 75620 litra naftë.

Website gazeta shekulli

[RAPTILOID]

Nafta virgin, Apeli lë në burg kreun e “EurOil”, Hajri Elezaj
Website gazeta shqip

Gjykata

Burg pa afat edhe për dy bashkëpunëtorët e biznesmenit

Biznesmeni Hajri Elezaj, i akuzuar nga prokuroria për mashtrim, falsifikim dokumentesh dhe pastrim parash, në lidhje me kontrabandën e naftës virgin, do të qëndrojë në burg. Gjykata e Apelit ka lënë në fuqi vendimin e Shkallës së Parë për pronarin e firmës “EurOil”, duke mos pranuar kërkesat e njëpasnjëshme të mbrojtjes për një masë më të lehtë për shkak të gjendjes shëndetësore. Gjyqtarja Valdete Hoxha ka pranuar kërkesën e prokurorisë, pasi nga provat rezulton se Elezaj ka kontrabanduar naftë virgin gjatë viteve 2007-2009, duke i shkaktuar shtetit shqiptar miliona euro humbje. Mbrojtja kërkoi një masë më të lehtë sigurie, pasi Hajri Elezaj ndodhet i shtruar në spital për shkak të gjendjes së rënduar shëndetësore. “Ka probleme me frymëmarrjen. Nuk mund ta përballojë burgun, pasi i duhen aparatura për frymëmarrjen”, deklaroi avokati i Elezajt. Megjithatë, gjyqtarja Hoxha ka lënë në fuqi vendimin e Gjykatës së Tiranës. Krahas pronarit të “EurOil”, Gjykata e Apelit ka lënë në burg edhe Kadri Hajredinin dhe Vladimir Kotecin, edhe këta persona të akuzuar për kontrabandën e naftës. Në ditët në vazhdim pritet që Gjykata e Apelit të shqyrtojë dhe caktimin e masës së sigurisë për dy të pandehurit e tjerë të kësaj çështjeje, Edmond Ferrajn dhe Dashamir Kasajn.

Nga hetimet është zbuluar edhe skema e kontrabandës. Denoncimi i ish-ministrit të Ekonomisë, Dritan Prifti, përgjimet dhe dokumentet e mbledhura në disa qytete, hedhin dritë mbi mënyrën sesi funksiononte skema që, sipas prokurorisë, ka nisur në vitin 2007 duke vazhduar deri në muajin e parë të 2009-s. Pas nisjes së hetimeve, prokuroria ka vënë nën përgjim të gjithë të dyshuarit, duke përfshirë edhe dy biznesmenët kryesorë, Hajri Elezaj dhe Iljaz Fisheku. Oficerët e policisë gjyqësore të ngarkuar për përgjimin dhe transkriptimin e bisedave telefonike të të dyshuarve kanë regjistruar të gjitha bisedat e 12 personave të dyshuar.

Nga përgjimet rezulton se ka biseda të shumta telefonike mes biznesmenit Iljaz Fisheku dhe punonjësve të kompanisë së tij, të cilët kanë kryer transportin e autoboteve të ngarkuar me naftë virgin. Përveç porosive se si duhet të përgjigjen gjatë marrjes në pyetje nga prokuroria, biznesmeni Fisheku kërkon nga punonjësit, por edhe nga djali i tij, që të mos përmendet asnjëherë Golemi.

[Albo]

Nafta “Virgine”, lirohen 6 shoferët

Gjykata e Tiranës liroi dje nga paraburgimi 6 persona të arrestuar më 11 mars të këtij viti për llogari të hetimit të kontrabandës me naftën “Virgine”.Masa e tyre e sigurisë, “arrest me burg”, u ndryshua në masën e sigurisë “detyrim për paraqitje”.Bëhet fjalë për gjashtë shoferët që kanë transportuar ngarkesat me naftë brenda territorit të vendit. Sipas prokurorisë, nafta “Virgine” ishte dokumentuar me dokumente false si e eksportuar, ndërkohë që në të vërtetë shitej në tregun vendas. Kërkesat e gjashtë shoferëve për ndryshimin e masës së sigurisë “arrest me burg”, caktuar për ta pas arrestimit nga Shkalla e Parë e më pas nga Apeli, u shqyrtuan dje para gjyqtares Blerina Muça, në Gjykatën e kryeqytetit. Përmes avokatëve mbrojtës, shoferët e akuzuar për “mashtrim” pretenduan para gjykatës se nuk kishin lidhje me kontrabandën e naftës “Virgine”.
“Klientët nuk kanë pasur dijeni nëse nafta në botet që ata drejtonin ishte e destinuar për t’u shitur. Ata thjesht bënin transportin. Nuk i lidh asgjë me kontrabandën. Ata merrnin porosinë dhe kryenin shërbimin”, mësohet të kenë argumentuar mbrojtësit e të pandehurve. Ndërkohë, përfaqësuesi i Prokurorisë ka kërkuar në seancë mosndryshimin e masës së sigurisë “arrest me burg” ndaj të pandehurve. Në përfundim të seancës, gjykata pranoi kërkesën e palës mbrojtëse për caktimin e masës së sigurisë “detyrim paraqitjeje” për të dyshuarit. Aktualisht, nga 12 të arrestuar nga hetimi i kontrabandës të naftës “Virgine”, vetëm 4 prej tyre janë në “arrest me burg”: biznesmenët Hajri Elezaj dhe Iliaz Fisheku, si dhe dy punonjës të Doganës dhe të Tatimeve të Fierit. Ditën e sotme pritet të shqyrtohet në Gjykatën e Lartë kërkesa për lirim e biznesmenit Elezaj. Hetimi për kontrabandën e naftës “Virgine” u finalizua në ditët e para të marsit me 12 të arrestuar. Sipas prokurorisë, në periudhën 2007-2009, një sasi prej afro 17 mijë tonësh naftë “Virgine” është hedhur në treg me dokumente të falsifikuara si naftë e përpunuar.

Shoferët e liruar

Vladimir Koteci

Genci Prence

Reshat Aleksi

Fadil Abdurrahmani

Flamur Merkaj

Kadri Hajredini

Elezaj, sot në Gjykatën e Lartë

Gjykata e Lartë shqyrton sot kërkesën për lirim nga qelia të biznesmenit Hajri Elezaj, i akuzuar i prokurorisë në dosjen e naftës “Virgine”. Biznesmeni Elezaj ndodhet në masën e sigurisë “arrest me burg”, caktuar ndaj tij nga Gjykata e Tiranës, vendim që u la në fuqi edhe në Apel. Ankimi i tij mbi vendimin e Apelit në Gjykatën e Lartë u regjistrua në mesin e muajit maj. Në të dyja shkallët më të ulëta të Gjyqësorit ai kërkoi masë më të lehtë sigurie, për shkak të problemeve të rënda shëndetësore që ka.


Panorama
Armand Bajrami