Arrestohet biznesmeni I naftes. E denoncoi Dritan Prifti

[RAPTILOID]

rapto ....!! neser te gazeta bolllinose do te zbardhet pergjimi qe me kane bere mua sa here qe ulesha ne mengjes ne wc ..... do te lexosh shume gjera interesante si pershembull sa letra harxhoj gjate procesit te fshirjes ..... dhe se cila eshte ajo gazete te cilen une e perdore si leter higjenike ....

Humor ky?????

[RAPTILOID]

Skandali i naftës "virgin", Gjykata e Tiranës: Burg pa afat të pandehurve
Website shekulli

Ka nisur sot seanca gjyqësore në Gjykatën e Tiranës, gjatë të cilës do të bëhet rivlerësimi i masës së sigurisë për 12 të pandehurit e skandalit të naftës "virgine". 11 të akuzuar janë paraqitur në ambientet e gjykatës, me përjashtim të Hajri Elezajt, i cili gjendet i shtruar në spital.

Gjykata e Tiranës dha masën "burg pa afat" për Dashamir Kasajn, punonjës i Zyrës Tatimore; Edmond Ferrajn, punonjës i doganës; Iliaz Fishekun, biznesmen në fushën e naftës; Hajri Elezajn, administrator i "Euroil" sh.a; Martin dhe Bajram Fishekun, si dhe Gani Premçen, shofer i firmës "Fisheku".

[flor1]

Pse po habitesh
Policia
Me sakte kreret e saj
Nuk eshte hera e pare qe do te rezultonin te implikuar ne afera, krime ose ne vjedhje
Policia nuk ka qene ndonjehere profesionale
Ne cdo qeverri ka qene mediokre puna e saj
Edhe ne qeverite socialiste dhe tani
Pra ska gje per tu habitue
Prokuroria pret fletarrestin
Policia arreston

po ne sikur kishim sipas jush saliun qe kontrollonte gjithcka prokurori ,gjyqsor etj me rradhe,tani na doli se qenka rrespektues i institucioneve te pavarura.tani ndajeni mendjen na thoni i rrespekton saliu pavarsin e institucioneve,a i ka kapur ai keto institucione,a kemi nje polici ne sherbim te pushtetit apo te qytetarit...????

[RAPTILOID]

Prokurorine dhe presidentin siç duket nuk I konyrollon saliu
Te pakten Jo me

[flor1]

Prokurorine dhe presidentin siç duket nuk I konyrollon saliu
Te pakten Jo me

a tani na doli se nuk i kontrolloka saliu(dmth balla ,ruci ,rama ,ngjela e palacot qe flasin sa andej kendej ja fuskan kot e shpifkan per berishen qe kontrollon institucionet...)po policia me rrapo kujt po i sherben tashi se s mu pergjigje...!!!!??

[RAPTILOID]

Rendit kushtetues
Policia mor shok e provoi njehere te mos I zbatonte fletarrestet e prokurorise
Ku e çoi ajo gje???
Asgjekundi
Pastaj mor Flori ata qe kan fol kundra policise nuk kan folur per çdo polic
Por per kokat e policise
Si kontrabandisti Agron Kuliçi
Dhe nai tjeter
Opozita keta Shan
Nuk Shan çdo polic
Mos u bej kaq I ceket

[flor1]

Rendit kushtetues
Policia mor shok e provoi njehere te mos I zbatonte fletarrestet e prokurorise
Ku e çoi ajo gje???
Asgjekundi
Pastaj mor Flori ata qe kan fol kundra policise nuk kan folur per çdo polic
Por per kokat e policise
Si kontrabandisti Agron Kuliçi
Dhe nai tjeter
Opozita keta Shan
Nuk Shan çdo polic
Mos u bej kaq I ceket

po urdhrat kush i jep polici rrugor apo gardiani burgut..!!!!!!?????

[RAPTILOID]

O flor
Fatmirsisht ne polici ka dhe profesioniste
Qe duan te vazhdojne te punojne ne polici dhe mbasi te iki sala
Ka njerez ne polici qe nuk Jan servila dhe qe bejne thjesht punen

[RAPTILOID]

Balla: Personat e përfshirë në skandalin e naftës, sponsorizues të PD-së
Website gazeta tema

Deputeti i PS-së, Taulant Balla, ka thënë se personat që janë përfshirë në skandalin e naftës virgin, janë sponsorizues dhe mbështetës të PD-së. Sipas Ballës, “pronari i Kompanisë Euroil, i arrestuar tre ditë më parë, është mik i familjes së Sali Berishës. Kjo kompani ka fituar tenderin për furnizimin me naftë të gjithë institucioneve shtetërore, ndërkohë që një tjetër prodhim i bizneseve të tij gjendet dhe konsumohet në tavolinën e ministrave gjatë mbledhjeve të qeverisë”.
Deputeti i PS-së ka akuzuar kryeministrin Berisha si të përfshirë direkt në këtë aferë.
“Si ka mundësi që sa herë që zbulohet kusaria e radhës, hajdutëria dhe matrapazllëku, dalin në shesh lidhjet e tua dhe të familjarëve të tu. Si ka mundësi që edhe në këtë rast, ashtu si edhe për bizneset e mafias italiane “Sacra Corona Unita” apo bizneset e Fazlliçit, llogaritë dhe regjistrin kontabël i mban Shpresa Breçani, mbesa e kryeministrit Sali Berisha, emri i së cilës shfaqet në gjithë kompanitë e privilegjuara nga pushteti”, tha Balla. Ai ka shtuar se institucionet shtetërore si Drejtoria e Doganave, Drejtoria e Krimit Ekonomik në Policinë e Shtetit, Drejtoria e Tatimeve, Inspektoriati Qëndror Teknik, nuk kanë vepruar në parandalimin e kësaj afere korruptive.

[flor1]

O flor
Fatmirsisht ne polici ka dhe profesioniste
Qe duan te vazhdojne te punojne ne polici dhe mbasi te iki sala
Ka njerez ne polici qe nuk Jan servila dhe qe bejne thjesht punen

rrapo me the qe isha i ceket po e vjen keq qe s kupton se ne te gjithe kete tymnaj ka nje te vertete te madhe : te shpifim se dicka do te ngelet derisa saliun ta rrezojme,te shpifim se ka njerez si puna rrapos qe e hane sapunin per djath...te shpifim se dicka do te fitojme ...
Gjithsesi qendroi argumentave te tua deri ne fund se njeher na thua se policia ne shum raste eshte treguar joprofesionale tani na thua se ka dhe profesioniste...

[RAPTILOID]

Flori
Policia nuk perfaqsohet nga 2 ose 3 veta qe ka ne krye
Te qenit drejtor ose komandant nuk te jep tagrin te perfaqsosh gjith policine
Agron Kuliçi eshte nje punonjes ne polici
Hysni burgaj po ashtu
Vetem qe Jane punonjes te perkohshem
Qe Jane aty ku Jane prej lidhjeve qe Kane me pushtetin
Kjo eshte pjesa e inkriminuar dhe joprofesionale e policise

Sa per punen e sapunit per djath
Nqs ke krijuar ate pershtypje per mua te them qe je komplet gabim
Ke te tjere Ketu qe jane ashtu
Jane ca qe Jo sapunin po hane ***** per djath

[mesuesi_1]

Sulmet e prokurorisë, reagon biznesi: Goditje selektive, organi i akuzës po na diskriminon

14-03-2011 / Gazeta 55

Sipërmarrjet private dhe biznesmenët nuk duhet të sulmohen padrejtësisht nga prokuroria apo sistemi i drejtësisë. Pak pas arrestimit të disa biznesmenëve për tregtinë e naftës “virxhine”, vetë kreu i grupimit më të madh të bizneseve në vend ka kërkuar që të mos ketë, sipas tij diskriminim selektiv. Nikolin Jaka tha se ka me dhjetëra apo qindra raste kur prokuroria e sistemi i drejtësisë kanë vepruar me standarde të ndryshme. “Në mënyrë absolute DHTI inkurajon dhe nxit krimin ekonomik, prokurorinë dhe të gjithë sistemin e drejtësisë për të hetuar të gjitha veprat penale të bizneseve, por nga ana tjetër duhet të jemi të kujdesshëm për të ruajtur integritetin e sipërmarrësit shqiptar. Edhe në këndvështrimin juridik dhënia e kësaj mase sigurie është e pavend, pasi është në shkelje me kriteret që përcakton kodi i procedurës penale. Së pari, vepra penale për të cilën dyshohet ka dy vjet që është konsumuar dhe së dyti, ajo vepër penale tashmë nuk paraqet rrezikshmëri shoqërore”- tha Nikolin Jaka, kreu i DHTI-së. Në kuadër të një aksioni për mashtrimet me cilësinë dhe tregtinë e naftës, fillimisht të premten u ndaluan 11 persona, ndër ta dhe biznesmenë. Më pas ka pasur dhe urdhër arreste të tjera.

[mesuesi_1]

PD, Mustafaraj: Kontrabanda e naftës mbrohet nga kupola mafioze e PS-së

14-03-2011 / Gazeta 55


Kontrabanda u ndëshkua ashpër gjatë qeverisjes së Partisë Demokratike


UPDATE- Edhe sot Ditën e Festës Edvin Kristaq Rama, në vend të urimit për festën mbarë popullore, zgjodhi avazin e tij të shpifjes, trillimit e mashtrimit. Kështu përsëri, kreu i bllokmenëve të rinj, pasardhës të Benalive që përmbysëm 20 vite më parë, të dërrmuar nga goditja e kontrabandës së naftës dhe “Virxhinit” nga qeveria, përpiqen të mbrohen si struci. Partia Demokratike sqaron edhe njëherë se kjo kontrabandë ka qenë hapur gjatë 8 viteve të qeverisjes socialiste. Kjo kontrabandë u godit me forcën e ligjit gjatë viteve të qeverisjes së PD-së. U denoncuan dhe u dërguan për ndjekje penale grupet e saj, të cilat janë mbrojtur dhe mbrohen nga kupola mafioze e Partisë Socialiste me në krye Edi Ramën. Vetëm në këto momente janë të bllokuara mijëra tonë të kompanive të tjera të familjeve të bosëve mafiozë të kupolës së PS-së. Partia Demokratike i deklaron edhe një herë kreut të pinjollëve të Benalive të Tiranës, që përmbysëm 20 vjet më parë, Edvin Kristaq Ramës, se ligji dhe vetëm ligji do të veprojë mbi secilin që shkel apo del mbi të, dhe kjo është e do të mbetet motoja jonë.

[Mike Oldfield]

Prokurorine dhe presidentin siç duket nuk I konyrollon saliu
Te pakten Jo me

Po normal, ate e di edhe ariu qe eshte ambasadori qe i komandon ato......

[RAPTILOID]

Po normal, ate e di edhe ariu qe eshte ambasadori qe i komandon ato......

e di dhe ariu po se ka marre vesh akoma saliu
vazhdon dhe kujton se i ka sekretare te vetet
kujton se i ka zara

[RAPTILOID]

Rreth 50 milionë euro përfitimi nga kontrabanda e naftës virgine
website gazeta tema

Kompania Euroil është sponsor i PD dhe Liri Berishës, ndërsa kompania Fisheku është mbrojtur nga njerëz të afërt të Berishës kundër një borxhi të madh që ka pasur në tatime në vitin 2006
Kryeministri Sali Berisha, Ministri i Financave Ritvan Bode, dhe ish Ministri i Ekonomisë, Genc Ruli, kanë tentuar të injorojnë denoncimet për kontrabandën e naftës virgine, edhe pse kanë pasur informacione zyrtare për këtë trafik. Prokuroria e Përgjithshme ka pranuar zyrtarisht se ajo ka nisur hetimin dhe ka gjetur të konsumuar veprën penale vetëm pasi ka regjistruar denoncimin e ish Ministrit Dritan Prifti. “Qeveria ka pasur dijeni”, theksoi ish Ministri Dritan Prifti… “Gjatë kohës që unë kam qenë në qeveri ia kam thënë kryeministrit dhe ai i ka kërkuar ministrit të Financave të hetonte. Por më pas unë ika dhe nuk i di rezultatet e hetimit”.
Moskallëzimi i krimit dhe shmangia e këtij skandali nga hetimet mund të bëhen objekt hetimi në vazhdim i drejtësisë shqiptare, pasi zyrtarët e lartë të qeverisë kanë konsumuar dy shkelje të forta ligjore. E para që lidhet me Kodin Penal, i cili parashikon dënime për moskallëzim krimi dhe e dyta me vetë ligjin që Berisha ka bërë për transparencën e administratës publike ku nxiten zyrtarët e saj të kallëzojnë korrupsionin në administratë. Moskallëzimi në prokurori i këtij krimi megjithë denoncimet zyrtare të një Ministri janë një element që provojnë lidhjen e forta politike të dy kompanive me qeverinë shqiptare.
Kompania e parë Euroil, ka një lidhje të fortë me Partinë Demokratike. Pronari i saj Hajri Elezi, është një mbështetës i njohur i PD-së. Pas fitores së PD në vitin 2005 ai ka formuar së bashku me partnerin e Albana Vokshit kompaninë Euroil, ndërkohë që Mimoza Vokshi ishte Kryetare e Bordit të ARMO-s nga ku kjo kompani ka fituar rregullisht tenderin e naftës virgine, thuajse pa konkurrencë. Elezi është i njohur si një person me lidhje të afërta me familjen Berisha dhe sidomos gruan e kryeministrit Berisha. Ai ka qenë sponsor i veprimtarive të saj të ashtuquajtura bamirëse. Elezaj pati një krisje në raportet me PD në vitin 2008, kur tentoi të privatizonte kompaninë ARMO duke përfaqësuar ofertën e dytë pas Taçi Oil, por ai nuk reagoi kurrë publikisht kundër padrejtësisë që ju bë.
Kompania tjetër Fisheku vjen me lidhje nga e majta, por pas fitores së PD në vitin 2005 u lidh fort me një prej njerëzve të afërt të Berishës, botuesin e gazetës 55 Fahri Balliu. Në një problem të fortë ligjor që ju krijua nga tatimet në vitin 2006, lidhur me një sasi nafte të deklaruar si import nga Bullgaria, Fisheku rrezikoi një gjobë prej disa miliona eurosh, por falë lidhjeve që kish krijuar me pushtetin, përmes një studio avokatie, partnere me vajzën e zotit Berisha, ai e fitoi gjyqin dhe shpëtoi nga pagesa e një shume të madhe paresh.
Tashmë prokuroria ka verifikuar se evazioni fiskal nga kjo veprimtari shkon deri në 50 milionë euro. Nëse i referohemi ish-ministrit të Ekonomisë, Dritan Prifti, njeriu që denoncoi publikisht skandalin me eksportet e rreme të naftës, kemi të bëjmë me rreth 40 mijë tonë naftë. “Të paktën një sasi prej 30 deri në 40 mijë tonë naftë “vergine” duhet të jetë futur në tregun vendas”, deklaron Prifti. Nëse kjo gjë është e vërtetë, atëherë fitimi i supozuar është rreth 40 milionë euro, një shumë rekord sa i përket evazionit fiskal në Shqipëri ndër vite. Por dhe për shifrën ka kontradikta.
Top Channel zotëron një dokument zyrtar të organit të akuzës, ku zbulohet se vetëm në fundin e vitit 2009 janë kontrabanduar rreth 16 mijë e 685 tonë naftë “virgine”, ndërkohë që jozyrtarisht burime konfidenciale nga prokuroria thonë se në total janë kontrabanduar rreth 50 mijë tonë naftë, një shifër e përafërt kjo me atë të deklaruar nga Prifti. Kjo shifër e rrit në 50 milionë evazionin fiskal nëse llogarisim afërsisht se ata fitonin 1 euro për litër.
Dokumenti i prokurorisë konfirmon edhe skemën e trafikut sipas versionit të denoncuar nga ish-ministri. Nafta “virgine” blihej nga kompania “Euroil” dhe më pas shpërndahej nga disa shoqëri të tjera, apo subjekte fizike transporti në tregun brendshëm, pa u eksportuar.
Dokumenti i prokurorisë rrëzon edhe pretendimet e institucioneve qeveritare se zanafilla e hetimeve për kontrabandën është bërë pas denoncimeve të tyre dhe jo ish-ministrit, pasi në të thuhet se hetimi është regjistruar kryesisht nga prokuroria pas denoncimeve në shtypin e shkruar dhe median vizive dhe pas verifikimeve, siç është dhe marrja në pyetje e ish-ministrit Prifti.

[RAPTILOID]

Policia, asnjë ndalesë 6000 autoboteve me naftë virgin
Website gazeta shqip

2007-2009, autokolonat e autoboteve marshuan nga Ballshi në Durrës

Policia e Shtetit nuk ndaloi asnjë prej 6000 autoboteve që transportonin naftën virgin nga Ballshi në Durrës. Përgjatë periudhës 2007-2009, autokolona me autobote kanë marshuar nga qyteti i Ballshit në drejtim të Durrësit, duke kaluar respektivisht në Fier, Lushnjë, Kavajë e për të përfunduar në destinacion. Në asnjë rast nuk është “shënuar” në procesverbal të Policisë së Shtetit ndalimet e këtyre kamionëve që mbanin mbi shpinë tonelata me naftë virgin, megjithëse ky nënprodukt është i ndaluar të tregtohet në Shqipëri dhe në dëm të konsumatorëve. Patrullat e policisë të disa qyteteve kanë “mbyllur” sytë para këtij fakti, ndoshta me “urdhër nga lart”. Kjo ka sjellë që autokolonat të mos ndalohen për asnjë moment dhe të përfundojnë në destinacion, ku naftën virgin e priste një proces tjetër, ai i përzierjes me naftën e importuar për t’ua shitur më pas shqiptarëve si “naftë të mirë”.

Shifrat e “frikshme”

Grupi hetimor deklaron se përgjatë periudhës 2007-2009 në aksin rrugor Ballsh-Durrës kanë kaluar rreth 6000 autobote që transportonin naftën virgin. Një autobot mbartte rreth 3 tonë dhe nga përllogaritja ka rezultuar se dy firmat që dyshohet se kanë kontrabanduar këtë nënprodukt “Fisheku” dhe “Euroil” kanë dërguar në Durrës një sasi prej 18 mijë tonë naftë virgin. “Në këtë kohë, pra 2007-2009, ka dyshime se dy firmat që merreshin me këtë nënprodukt, kanë kontrabanduar rreth 18 mijë tonë naftë virgin, e cila ndalohet të hidhet në tregun shqiptar. Nafta merrej nga rafineritë e qytetit të Ballshit dhe me autobote 3 tonë transportohej me shpejtësi në cisternat e një kompanie private në Durrës. Itinerari është kryer me mijëra herë, ndërsa firmat private mësohet se përdornin rreth 10 autobote për të formuar autokolonën që transportonte këtë nënprodukt”, thanë burimet nga Prokuroria e Tiranës, e cila ka marrë dokumente se dy firmat private “shkruanin” në faturat doganore dhe tatimore se kjo sasi do të dërgohej për eksport. Krejt e kundërta ka ndodhur në realitet, pasi virgin është përzierë në Shqipëri, duke dëmtuar rëndë interesat e shqiptarëve dhe të vetë shtetit, i cili ka rimbursuar firmat private vetëm nga faturat doganore dhe tatimore.

Denoncimi i Priftit

Ish-ministri i Ekonomisë, Dritan Prifti, në disa dalje publike do të pohonte se kjo kontrabandë nafte kryhet nga vetë shteti. Ai tha se të implikuar ishin edhe krerët e Policisë së Shtetit. “Kam informuar edhe Kryeministrin për kontrabandën e naftës, në të cilën janë përfshirë edhe Policia e Shtetit, doganat e tatimet. Bëheshin dokumente eksporti false dhe ajo shitej në tregun shqiptar”, ka thënë Dritan Prifti, duke shtuar se ka shumë zyrtarë të tjerë të përfshirë, që nga ish-drejtues të ARMO-s shtetërore, që nga drejtues lokalë të Policisë së Shtetit deri në drejtues e punonjës doganash. “Rrjeti i këtij aktiviteti kriminal është shumë i madh. Ata kanë punuar me shumë kujdes dhe është shumë vështirë ta zbulosh këtë krim që i ka sjellë shtetit miliona euro dëm ekonomik dhe evazion fiskal”, vijoi Prifti, duke shtuar se “për mendimin tim, kjo çështje shkon shumë lart, deri në nivel ministrash”.

[ujkus]

se mor vesht keta fieraket ja fusin njeri-tjetrit pa teklif fare fare

[RAPTILOID]

E paskan kap dhimjet e zemres njonin
Hehehehehehehe

Burg 12 të arrestuarve,Elezajt i komunikohet vendimi në Spital
Website shekulli

TIRANË- Gjyqtares Blerina Muça, iu deshën rreth tri orë kohë për t'i njohur të 12 të arrestuarit e skandalit të mbetjes së naftës me emrin "Vergine", me vendimet e masave të sigurisë ndaj të cilëve ishte caktuar në mungesë "arresti me burg" pa afat. Para gjyqtares së masave, në sallën nr.1 të Gjykatës së Shkallës së Parë, që ndodhet në katin e parë të kësaj ndërtesë, dolën një nga një të 11 të arrestuarit e këtij skandali.

Gjithashtu, po kjo gjyqtare e shoqëruar nga avokati mbrojtës Fatos Shanaj, sekretarja gjyqësore dhe ftuesi "vizituan" në ambientet e Qendrës Spitalore Universitare "Nënë Tereza" në kryeqytet të arrestuarin Hajri Elezaj, të cilit i komunikuan vendimin e masës së sigurisë. Vetë biznesmeni Elezaj, nuk ka preferuar të flasë para gjyqtares, duke u justifikuar se nuk ndihet mirë me shëndet, pasi ka probleme me zemrën.

Avokati mbrojtjes Fatos Shanaj, në fjalën e tij ka kërkuar nga gjyqtarja t'i ndryshojë masën e sigurisë të caktuar katër ditë më parë, pasi klienti i tij nuk mund të qëndrojë në qeli për shkak të problemeve shëndetësore.

Por gjyqtarja Muça, edhe kundër këtyre pretendimeve, vendosi të lërë në fuqi vendimin e saj të dhënë në mungesë katër ditë më parë, me pretendimin se nuk kanë ndryshuar rrethanat që nga dita e caktimit të kësaj mase sigurie.

Ndërkohë, për dy personat e shpallur në kërkim, Gazmend Serjani dhe Bledar Rama vazhdon të mbetet në fuqi vendimi i dhënë në mungesë. Para gjyqtares Muça, i pari që doli për verifikimin e masës me personin e arrestuar ishte punonjësi i tatimeve Dashamir Kasaj, i cili përkundër pretendimeve të mbrojtjes u la në burg deri në përfundim të hetimeve.

Më pas, ishte doganieri i Doganës së Vlorës i arrestuari Edmond Ferraj që doli para gjyqtares, duke pretenduar se nuk ishte njohur me vendimin e caktuar në mungesë nga gjyqtarja Muça, duke i kërkuar kësaj të fundit të lirohet për mungesë provash.

Përkundër këtij pretendimi, gjyqtarja vendosi të mos e ndryshojë vendimin e dhënë në mungesë ndaj tij. Me të përfunduar verifikimin e masës për të arrestuarin Ferraj, para gjyqtares doli biznesmeni Ilias Fisheku i njohur ndryshe si "Lad Fisheku".

Ky i fundit nuk preferoi të fliste për akuzat, ndërsa avokati mbrojtës kërkoi që të lirohet me pretendimet se kompania, që ai drejton nuk ka lidhje me mashtrimet për të cilat e akuzon prokuroria. "Kompania "Fisheku" sh.a. që drejtohet nga klienti im Iliaz Fisheku nuk ka lidhje me mashtrimet me mbetjet e naftës "Vergine".

Pasi ambientet (depot) që ajo disponon në Golem të Durrësit dhe Fier, i janë dhënë me qira kompanisë "Euroil" sh.a. së bashku me mjetet e transportit. Kështu që nuk ka përgjegjësi klienti im, se çfarë biznesi kryen qiramarrësi në pronën e tij",-tha mbrojtësi i biznesmenit Fisheku, që kërkoi lirimin e tij.

Po në të njëjtën linjë, ishte edhe mbrojtësi ligjor i djalit të biznesmenit, shtetasit Martin Fisheku që drejton kompaninë "Martini" sh.p.k. Sipas mbrojtjes, të gjitha mjetet e transportit i janë dhënë me qira kompanisë "Euroil" sh.a. dhe për këtë ka kontrata qiraje të cilat do t'i paraqesim në ditët në vazhdim. Ndërkohë, dje mbrojtësi kërkoi lirimin e të dy biznesmenëve, babë e bir.

Por, kjo kërkesë u rrëzua nga gjyqtarja Muça, që theksoi se nuk kemi ndonjë ndryshim të rrethanave që nga momenti i caktimit të kësaj mase sigurie për dy të dyshuarit Fisheku.

Më pas para gjyqtares dolën një nga një shoferët e autoboteve, të cilët kërkuan të lirohen thuajse njëzëri me pretendimin, se nuk kanë lidhje me mashtrimet që prokuroria i akuzon. Megjithëse pa lidhje em krimin për të cilin akuzohen ata përmendën që kanë 3 muaj pa marrë rrogat".

"Ne thjesht kemi transportuar aty ku na kanë kërkuar pronarët e firmës",-mësohet se janë shprehur njëzëri shoferët e arrestuar: Vladimir Koteci, Gani Prence, Reshat Aleksi, Kadri Hajredini dhe Fadil Abdurrahmani. Edhe dy të arrestuarit e tjerë Bajram Fisheku dhe Flamur Merkaj kërkuan të lirohen.

Sipas akuzës, nënprodukti i naftës me emrin "Vergine" për periudhën 2007-2009 është pasqyruar në dokumentacion si e eksportuar jashtë vendit, por në fakt ajo është shitur në tregun e brendshëm, edhe pse një gjë e tillë është e ndaluar me ligj të posaçëm.

Brenda vendit ajo është përdorur në mënyrë të jashtëligjshme, si një lëndë përzierëse e benzinës. Mbetja "Vergine" është nënprodukt që del nga rafinimi i naftës bruto, pas një procesi dytësor për pastrimin e saj nga squfuri.

Ky nënprodukt shërben si lëndë e parë për prodhimin e benzinës dhe ka si destinacion të vetëm eksportimin jashtë vendit. Nga studimi i faturave të shitblerjes së nënproduktit të naftës "Vergine", sipas akuzës, e marrë pranë shoqërisë "Armo" sh.a. rezulton se sasia e pasqyruar në këto fatura nuk përputhet me sasinë e deklaruar për eksport nga shoqëritë "Euroil" sh.a. dhe "Fisheku" sh.a.
Njësia e Task-Forcës gjatë arrestimit dhe kontrollit të banesave të të dyshuarve si përgjegjës të skandalit me mbetjet e naftës "Vergine", kanë sekuestruar dy kompjutera në kompaninë "Euroil", dhjetëra dosje që tregojnë aktivitetin tregtar të saj dhe kompanisë "Fisheku" sh.a, dhe një armë e tipit "Shotgan" dhe materiale të tjera shkresore.

[RAPTILOID]

Krime të zbuluara rastësisht
Nga Mero Baze
Sikur në Gërdec të mos kish vdekur i ndjeri Muhamet Hoxha, dhe sikur në koalicionin PD- LSI të mos kish qenë Dritan Prifti, drejtësia shqiptare as që do kishte tentuar të merrej ndonjëherë me përfshirjen e* familjes Berisha në Gërdec dhe as me hetimin e skandaleve të njëpasnjëshme lidhur me supervjedhjet e familjes në pushtet pas vitit 2009. Këta dy persona, një për fat të keq i vdekur dhe tjetri për fat të mirë i gjallë, nuk kanë provuar vetëm faktin se Berisha është i zhytur deri në fyt në krim dhe korrupsion, por kanë provuar një gjë më të rëndë, që shteti ligjor në Shqipëri dhe gjithë institucionet e tjera janë jashtë loje.
Sikur i ndjeri Muhamet Hoxha të mos ishte një nga tri viktimat e para që u zbuluan dhe sikur Berisha të mos “ngatërronte” emrin e tij para medies me shpresë se s’do merrej më vesh, do ta kishim shumë të vështirë të shkonim brenda shtëpisë së tij për të gjetur fajtorin kryesor të asaj tragjedie. Siç pranon gruaja e tij Liri Berisha, ajo dhe djali i saj Shkëlzeni, nuk i kishin treguar Sali Berishës për baxhanakun e punësuar në Gërdec dhe u ndjenë keq kur ai i ngatërroi emrin. Por më vonë rrodhën faktet dhe u provuan të gjitha lidhjet e djalit të tij me njerëzit që punonin dhe fitonin në Gërdec. Pas kësaj Berisha nisi një presion të paparë mbi drejtësinë derisa e gjunjëzoi atë dhe degradoi gjithë procesin e hetimit dhe akuzës. Sot s’ka më të dënuar dhe fajtori i vetëm rrezikon të shpallet një karrocier i vdekur.
E njëjta histori po përsëritet dhe me skandalet e njëpasnjëshme të korrupsionit, denoncuar nga Dritan Prifti. Skandali i naftës virgine shkon sërish në zemër të familjes Berisha. Për të gjithë ata që njohin një nga pronarët e akuzuar, dinë mirë lidhjet e tij të afërta me familjen Berisha dhe jo aq rastësisht sërish me gruan e tij. Ai është sponsor i fondacionit të saj, sponsor i PD-së, dhe i mbështetur pa asnjë hezitim në biznesin e tij. Berisha që nuk lë biznesmen pa etiketuar dhe fyer publikisht, ka ditë të tëra që hesht dhe nxjerr ca laraska tek zyrat e PD-së që tregojnë përralla për korrupsionin e qeverive Meta dhe Nano, por që sipas tyre për to e ka përgjegjësinë Edi Rama. Berisha ende nuk ka kërkuar ndjesë për favorizim të këtij trafiku dhe ende nuk është distancuar nga kjo aferë korruptive. Në vend të saj ai po nis sërish betejën kundër prokurorisë, e cila sipas tij nuk po heton dosjet e korrupsionit të socialistëve.
Por përtej Berishës, ky shtet ka disa institucione të tjera formale. Ky shtet ka Drejtori të Përgjithshme të Tatimeve, ka Drejtori Doganash, ka Ministër të Financave, ka task-forcë për tatimet, ka Polici të Shtetit dhe Polici Kufitare. Si është e mundur që askush prej tyre, jo vetëm që nuk ka njoftuar asgjë deri më sot, por dhe kur krimet dalin në shesh thuajse rastësisht, ata përpiqen t’i fshehin. Tani të gjithë nxitojnë të shajnë Dritan Priftin që ka denoncuar dhe jo ata që kanë vjedhur. Tani një ministër i dorëhequr që po denoncon krimin, është më i sulmuar se autorët e kapur me presh në duar. Sikur Dritan Prifti të heshtte dhe të shikonte punën e tij, ai do ishte sot i preferuari i pushtetit dhe i lavdëruar prej tij siç e lavdëroi Berisha ditën që dha dorëheqje.
Pra, problemi këtu nuk është se ne sot dimë shumë gjëra për vjedhjet dhe vrasjet e pushtetit të Berishës. Problemi është se ne këto i kemi mësuar nga rrethana aksidentale apo nga vullnete të punës së medias dhe politikanëve. Ne deri më sot s’kemi asnjë skandal financiar të zbuluar nga institucionet që paguhen në shtetin shqiptar për këtë çështje. Ne kemi një histori sekseri të familjes Berisha siç është Damir Fazliç, të zbuluar nga shtypi; kemi një histori tragjike të vrasjes së 26 personave në Gërdec zbuluar nga media për shkak të kompleksimit të familjes Berisha naga përfshirja në të dhe tentimi për të fshehur të vërtetën; dhe kemi së fundmi disa histori të hershme korrupsioni që përfshijnë kupolën e shtetit shqiptar, familjen e kryeministrit, zëvendëskryeministrit dhe gjithë sejmenëve poshtë tyre, që është zbuluar falë kurajos së një ish- ministri, që ka guximin të denoncojë atë që di për pushtetin. Por këta njerëz dhe mund të kishin heshtur. Media mund të bënte sikur nuk e njihte dhe nuk e dinte kush ishte Damir Fazlliç, Dritan Prifti mund të bënte sikur nuk e dinte kush trafikonte naftën virgine apo sikur nuk i kish dëgjuar pazaret e Ilir Metës dhe media mund t’i besonte Berishës që baxhanaku i tij nuk e kish emrin Muhamet, por Mehmet. Dhe nuk do të kishte ndodhur asgjë. Ky vend do të vazhdonte të flinte mbi krimin dhe pushteti do ishte si një klloçkë gjigante që ngroh vezët e krimit dhe korrupsionit për t’i shumëfishuar në këtë vend. Falë Zotit kjo nuk ka ndodhur dhe së paku krimi është treguar me gisht. Shoqëria shqiptare tani e di se çfarë ka ndodhur, por është e shokuar kur shikon se çfarë nuk bëhet për ta dënuar atë që ka ndodhur. Shteti që duhet të na mbronte nga krimi është bërë palë me të dhe po lufton që edhe pasi gjërat janë bërë publike dhe e vërteta është në shesh, të mos hetohet, të mos gjykohet dhe sidomos të mos dënohet.

Website tema