Arrestohet biznesmeni I naftes. E denoncoi Dritan Prifti

[RAPTILOID]

Qeveria dhe mediat e saj, asnjë fjalë për arrestimet për naftën
Edhe pse është një nga ngjarjet më të rënda, që prek direkt qytetarët dhe shtetin, nuk ka pasur asnjë fjalë nga qeveria dhe mediat e saj, duke faktuar kështu se njerëzit e arrestuar janë të afërt me pushtetin e Berishës
Mbrëmjen e së premtes lajmi kryesor në media normalisht duhej të ishte arrestimi i disa biznesmenëve pranë qeverisë që merreshin me kontrabandën e naftës vergine. Një skandal i përmasave të mëdha, i denoncuar nga ish- ministri Dritan Prifti. Por asnjë televizion pranë qeverisë nuk është marrë me këtë skandal duke bërë të qartë për shqiptarët se të arrestuarit ishin njerëzit e kryeministrit. Për më tepër, të shtunën në mëngjes, edhe pse ishte lajm kryesor nëpër gazeta, në ato pranë qeverisë nuk figuronte një lajm i tillë. Në gazetën 55, pronë e Fahri Balliut, njeri i lidhur me biznesmenët e arrestuar, asnjë fjalë. Po ashtu edhe tek Koha Jonë. Deputetët e qeverisë, që dalin në konferencë për gjëra bajate nuk janë shfaqur, nga qeveria sigurisht nuk ka pasur asnjë reagim për këto arrestime të rënda.
Shqipëria- jeshile
Disa media raportuan para disa ditësh se ndoshta motivi i kësaj fushate elektorale për zgjedhjet vendore do jetë ai i Shqipërisë jeshile. E shpalli vetë kryeministri që ka ndërmend të bëjë Shqipërinë jeshile. Madje sulmoi ashpër kryetarin e Bashkisë së Tiranës për ndotjen. Mirëpo gjithkush e di që ndotësit më të mëdhenj në këtë vend janë makinat, të cilat përveçse janë të vjetra, konsumojnë një karburant që nuk është gjë tjetër veçse një mbeturinë. Sa herë na ka rënë të dëgjojmë kur dërgojmë makinën në servis se atë po e shkatërron nafta e benzina skandaloze që shitet në tregjet shqiptare, që për më tepër shitet me çmime skandaloze. Fitimi i këtyre biznesmenëve është i jashtëzakonshëm, megjithatë sa herë rrisin çmimin dalin nëpër ekrane e bëjnë sikur po luajnë në bursë me çmimet, a thua se ky vend është Franca e Gjermania.
Po ashtu, këto ditë përkuan edhe me një vendim që pritet t’i heqë Tiranës Kopshtin Botanik, një tjetër mushkëri të gjelbër. Qeveria nuk ka reaguar ndaj këtij skandali, ndërkohë që disa deputetë të PS dhe ambientalistë kanë protestuar. Po t’i shtosh kësaj punës së ndotjes dhe fabrikat e çimentos dhe projektet për parqe energjetike në Durrës e Vlorë, atëherë mund t’i bësh krejt kollaj pyetje kryeministrit: Ku e ke Shqipërinë jeshile?
Fitimet marramendëse
Drejtori i Doganave bëri një deklaratë para pak kohësh ku mohoi se ka pasur kontrabandë të naftës vergine. Megjithatë është një skandal më vete që doganat bëjnë sikur nuk shohin një kontrabandë masive që mund të dallohet lehtësisht nëse bën krahasimin mes shifrave të naftës që del jashtë dhe asaj që hyn në vend. Të tjerat janë pastaj gjepura. Edhe drejtoria e Policisë së Shtetit i pati quajtur sulme politike ato të Dritan Priftit për naftën vergine. Tani që prokuroria ka gjetur provat dhe janë arrestimet, çfarë do thotë kjo drejtori, të cilës i kanë kaluar botet para syve, por me urdhër nga lart janë lejuar. Apo dhe kjo është politike?
Vidhej 110 lekë për litër
Biznesmenët e arrestuar një ditë më parë e blinin naftën e papërpunuar nga kompania ARMO. Këtë sasi më pas e deklaronin në doganë sikur e eksportonin drejt Italisë dhe Libisë.
Eksporti fiktiv bëhej me ndihmën e doganës përmes një deklarate të rreme. Nga kjo skemë sigurohej një përftim i dyfishtë i paligjshëm. Së pari si eksportues të naftës ata nuk paguanin akcizën dhe tatimin mbi vlerën e shtuar.
Sot këto dy detyrime janë rreth 75 lekë për çdo litër nafte. Por në momentin që nafta shitej në tregun duke zbritur akcizën që paguhej për naftën e pastër vendase e përzier me naftë të pastër këto para shkojnë si fitim për biznesin dhe jo në arkën e shtetit.
Përmes skemës së eksportit të rremë përfitohej edhe nga mashtrimi me cilësinë.
Naftë e papërpunuar nuk lejohet të shitet në tregun vendas. Por duke e deklaruar si eksport të rremë tregtarët e futnin në pikat me pakicë të shitjes së karburantit duke e përzier me karburant të pastër.
Nga kjo përzierje kostoja e një litri karburant ulej me 75 përqind për litër, por që çmimin e shitjes e kishte njëlloj si karburanti i papërzier me rreth 170 lekë për litër, duke marrë edhe nga kjo vjedhje rreth 100 lekë për litër.
Në total nga kjo manovër me eksportet e rreme për çdo litër të karburantit të pastër dhe atë “Vergine” se bashku përfitohej rreth 110 lekë për çdo litër të shitur.
Edhe pse deri më tani nuk ka të dhëna të sakta se sa është sasia e tregtuar përmes kësaj skeme mashtrimi në tregun e brendshëm, vjedhja llogaritet në dhjetëra milionë euro, para të cilat kanë arritur deri në nivelet më të larta drejtuese të qeverisë.

[RAPTILOID]

Mesuesi ka shume te drejte, ky eshte lajm i perhapur nga mediat trakte edveriste,
nuk ka asnje lajmerim zyrtar nga policia e shtetit per keto arrestime (me duket se eshte ajo qe i ben arrestimet)!

fakti qe nuk ka lajme ne tvsh,klan ,rd ose 55 nuk do te thote qe nuk jane arrestu
puna eshte se tek kjo kontrabanda e naftes eshte perfshire dhe ish badigardi sales qe sot nje nga drejtoret kryesore ne polici

[iliria e para]

Sqiperi e mjera Shqiperi
kush po te mban me krye ne hi?

[stern]

Sqiperi e mjera Shqiperi
kush po te mban me krye ne hi?

Ti ke pas qene nje zonje e rende
Burrat e dheut te thirshin NENE

[RAPTILOID]

Skandali 'Vergine', miliona nga mashtrimi, por dhe rimbursim nga shteti për 'eksport'
WEBSITE SHEKULLI

TIRANË - Ka tortë fitimesh kolosale, po ka edhe "qershi mbi tortë". Dy kompanitë e tregtimit të hidrokarbureve "Euroil" sh.a. dhe "Fisheku" sh.a. dhe që kishin ekskluzivitetin e shitjes së mbetjeve të naftës së përpunuar e njohur si "Vergine" jashtë Shqipërisë, përveç se e përzienin dhe shisnin në pika të ndryshme të karburanteve si naftë të cilësisë së mirë, duke fituar nëpërmjet mashtrimit, përfitonin nga ana tjetër edhe rimbursim nga TVSH-ja për eksportin fiktiv të saj.
Hetimi pesëmujor i Task-Forcës ka zbuluar se dy kompanitë e të arrestuarve Hajri Elezaj dhe Iliaz Fisheku nga mbetja "Vergine" kishin përfitim të dyfishtë. Nga një anë, pwrfitimi nga përzierja e kësaj mbetjeje me naftën cilësore dhe shitjen e saj me çmim tregu në pika të ndryshme të karburanteve dhe nga ana tjetër përfitimi nga rimbursimi i TVSH-së, pasi sasia e "Vergine"-s që nxirrej nga rafineritë e "Armos", "në letra" figuronte e eksportuar jashtë Shqipërisë.
Sipas të dhënave të grupit hetimor, mësohet se rreth 50 mijë tonë mbetje të naftës me emrin "Verigne" janë shitur ne tregun e brendshëm me çmimin e naftës së cilësisë së mire. Por këto fitime me mashtrim nuk paskan mjaftuar. Nga ana tjetër, dy kompanitë private janë rimbursuar nga shteti me mbi 1 milion euro TVSH për eksportin e llumit, pra "Vergine"-s, eksport i cili në fakt nuk është kryer kurrë.
"Nga hetimet e kryera dhe raporti i ekspertëve, rezulton se mbi 50 mijë tonë mbetje "Vergine" është tregtuar brenda territorit të Shqipërisë, në kundërshtim me ligjin dhe në dëm të konsumatorëve, duke e paraqitur atë si benzinë të pastër për konsum. Por jo vetëm kaq. Pas dokumentacioneve fiktive për gjoja eksport të "Vergine"-s, që plotësoheshin në pikat doganore të Vlorës, Durrësit dhe Tiranës kompanitë "Euroil" sh.a. dhe "Fisheku" sh.a. pajiseshin me një vërtetim. Këtë vërtetim ku thuhej se X sasi është eksportuar jashtë bashkë me dokumentacione të tjera false, përfaqësuesit e dy kompanive e dorëzonin në Drejtorinë e Tatim Paguesve të Mëdhenj, të cilët e rimbursonin me 20 % të vlerës së "mallit të eksportuar".
Vetëm nga këto rimbursime, sipas akt-ekspertimit kontabël dy kompanitë "Euroil" dhe "Fisheku" kanë përfituar, sipas burimeve të prokurorisë, një shumë mbi 1 milion euro, veç fitimeve të mëdha nga mashtrimi në kurriz të qytetarëve. "Madje, kjo sasi parash, nga tatimet i është kthyer në para kesh në dorë dhe jo siç ndodh rëndom që t'i konsiderohet taksë e paguar për periudhën pasardhëse", - thuhet nga prokuroria.
Sipas të dhënave të hetimeve, zbulimi i sasisë së mbetjes "Vergine" që është nxjerrë nga rafineritë e "ARMO-s" është identifikuar nga shkresat e marra në këtë kompani nga hetuesit e çështjes. Nga verifikimi i tyre me dokumentacionet dhe vërtetimet në pikat e doganës, rezultonte se sasia e marrë nga "ARMO" nuk eksportohej e gjitha, por një pjesë fare e vogël e saj. Ndërkaq, nga ana tjetër rezulton se përzierja e mbetjes "Vergine" me naftën cilësore bëhej në magazinat e kompanive "Euroil" dhe "Fisheku" me qendër në Golem të Durrësit dhe në Fier, nga ku më pas niseshin botet me naftë dhe shpërndaheshin në pika karburantesh për tregtime me pakicë, ku furnizohen qytetarët shqiptarë.

Dy të arrestuarit e djeshëm shoferët Gazmend Serjani dhe Fadil Abdurrahmani, një person shpallet në kërkim

Policia e kryeqytetit, ka arrestuar në orët e hershme të mëngjesit të djeshëm edhe dy persona për llogari të hetimeve për skandalin e nënproduktit të naftës të njohur me emrin "Vergine", ndërsa një tjetër është shpallur në kërkim. Dy të arrestuarit quhen Gazmend Serjani dhe Fadil Abdurrahmani dhe janë shoferë botesh. Edhe për dy të arrestuarit dhe të tretin që është shpallur në kërkim, Gjykata e Shkallës së Parë në kryeqytet, dy ditë më parë me kërkesë të Prokurorisë ka vendosur në mungesë masën e sigurisë "arrest me burg" ndaj tyre, si të përfshirë në skandalin e naftës "Vergine".
Sipas prokurorisë, në ditët në vazhdim pritet edhe arrestime të tjerë për këtë skandal, pasi rrjeti i personave që kishin dijeni dhe kanë përfituar nga ky mashtrim është më i gjerë.

Elezaj, takime të shpeshta në zyrën e Kuliçit
Hajri Elezaj, biznesmeni kuksian i arrestuar parmbrëmë me urdhër të Prokurorisë, është mik i familjes së Berishës dhe i nëndrejtorit të policisë Agron Kuliçit. Ka sponsorizuar PD-në që prej 2005-s, ndërsa bashkëshortja e tij është parë në fushatë me Topallin. Ka fituar tenderin për furnizimin me naftë të gjithë institucioneve shtetërore, ndërkohë që uji i tij "Lajthiza" gjendet mbi tavolinën e ministrave gjatë mbledhjeve të qeverisë.
Me kërkesë të dy prokurorëve të çështjes, gjyqtari i gatshëm i masave pranë Gjykatës së Shkallës së Parë ka caktuar që paraditen e së enjtes në mungesë masat e sigurisë "arrest me burg" për të dyshuarit, dhe pas kësaj, vendimet janë ekzekutuar nga Policia.
Skema e kontrabandës shtetërore e naftës e denoncuar nga ish-ministri i Ekonomisë, Dritan Prifti, ka sjellë edhe krisjen e parë të tij me S. Berishën. Kur Prifti kërkoi takim me Berishën dhe nisi t'i fliste për kontrabandën e naftës kryeministri ka kërkuar që i pranishëm të ishte edhe ministri i Financave, Ritvan Bode. Në bisedë ish-ministri i Ekonomisë i ka thënë kryeministrit se në kontrabandën e naftës ishte implikuar Agron Kuliçi, nëndrejtor i Policisë së Shtetit. Pas kësaj, Berisha i ka kërkuar ministrit të Financave, Ritvan Bode që këtë çështje "ta shikonte me prioritet të madh". Me këtë fjali është mbyllur edhe takimi mes Berishës, Bodes dhe Priftit. Por kanë qenë vetëm llafe. Sepse pas kësaj bisede, çdo gjë ka vijuar si më parë, asgjë nuk ka ndryshuar.
Kur Prifti nisi të denonconte publikisht, fillimisht Berisha ka mohuar bisedën me Priftin dhe Boden për kontrabandën e naftës, por pas publikimit të dokumenteve, nuk ka pasur më asnjë reagim.
Burime të Drejtorisë së Përgjithshme të Policisë pohojnë se z. Elezaj ishte një vizitor i shpeshtë në zyrën e z. Kuliçi, në këtë drejtori, madje trau i postbllokut ngrihej pa kontroll dhe me përshëndetje ushtarake, kur duhej të kalonte makina e tij. Takimi i fundit mes tyre në zyrën e Kuliçit është zhvilluar vetëm tri ditë para se Prokuroria të lëshonte urdhër-arrestet.
TË ARRESTUARIT E DERITANISHËM:

11 të arrestuar pardje
Hajri Hajredin Elezaj
pronari i kompanisë "Euro-oil" sh.a., njëkohësisht dhe anëtar i konsorciumit "US Balkan Capital Fund Inc., "Euroil sh.a." and "NSF Partners & Vitol Group" si dhe pronari i stabilimentit të ujit "Lajthiza" me qendër në Qafë Mali të Kukësit.
Ilias Isa Fisheku administrator i kompanisë "Fisheku" sh.a.
Martin Ilias Fisheku, (djali i Ilias) ndihmës administrator i kompanisë "Fisheku" sh.a.
Bajram Isa Fisheku, (vëllai i Ilias) ndihmës administratori i kompanisë "Fisheku" sh.a
Dashamir Veiz Kasaj, specialistë dhe kontrollor i tatimpaguesve të mëdhenjtë të TVSH-së pranë Tatimeve
Edmond Kaso Ferraj, doganier vlerësues dhe fizik në doganën e Vlorës
Flamur Rexhep Merkaj administrator i një pike karburanti
Vladimir Kilo Koteci shofer
Gani Llazar Prence shofer
Reshat Hamza Aleksi magazinier
Kadri Rakip Hajredini magazinier
2 të arrestuar dje
Gazmend Serjani, shofer
Fadil Abdurrahmani, shofer
Në kërkim
1 person

SHKURT AFERA
Lidhjet politike
Të dy kompanitë kanë përdorur lidhjet politike për t'u favorizuar dhe për të arritur në këtë nivel të trafikut të naftës brenda vendit. Kompania e parë Euroil sh.a është themeluar nga Arian Tartari, burri i Albana Vokshit dhe Hajri Elezi, një biznesmen që njihet edhe si prodhues i ujit Lajthiza me fitoren e PD ai u fut dhe në tregun e naftës, kryesisht në shitje-blerjen e naftës vergine nga ARMO, në atë kohë pronë shtetërore. Është interesant fakti se Tartari bashkëjetues me Vokshin, ka qëndruar pronar i kësaj kompanie deri në vitin 2007, ndërkohë që kunata e tij Mimoza Vokshi ka qenë në atë kohë Presidente e Bordit të ARMO, pra i bie që t'i ketë shitur kunatit të vet natën vergine. Më 2007-ën, Tartari largohet, pasi lidhet me kanadezët e "Stream Oil" dhe ia shet aksionet një qytetari nga Durrësi.

Mbesa e Berishës
Detaji i dytë që afron këtë kompani me pushtetin është studioja e ekspertes kontabël që është sërish Shpresa Breçani, mbesa e kryeministrit Berisha, emri i së cilës shfaqet në gjithë kompanitë e privilegjuara nga pushteti. Nuk kemi ende ndonjë të dhënë mbi cilësinë e auditit të këtyre kompanive, por, siç veprohet rëndom, emra të tillë përdoren si imunitet ndaj kontrolleve tatimore dhe gjobave që tatimet vënë mbi bizneset. Fisheku është një kompani e njohur me bazë në Fier. Kanë qenë të lidhur me të majtën në Fier dhe kryesisht zyrtarë socialistë. Pas vitit 2005 janë afruar me njerëz të Berishës, kryesisht me një botues të një gazete të vogël proqeveritare, i cili ka shërbyer shpesh si negociator për të zbutur probleme të tyre. Epërsia e tyre në treg është rritur ndjeshëm vitin e fundit.

Reagimi i Doganës
Kur skandali i naftës vergine, u denoncua nga Dritan Prifti vjeshtën e shkuar, Drejtori i Përgjithshëm i Doganave, Flamur Gjymyshka, hodhi poshtë akuzat duke deklaruar se nga hetimi në dogana nuk rezulton të ketë pas trafik me naftën vergine. Gjymyshka tha se nuk ka asnjë provë që të vërtetojë akuzat e ish-ministrit të Ekonomisë, Dritan Prifti, bërë ndaj zv.drejtorit të Përgjithshëm të Policisë, Agron Kuliçaj, për kontrabandën e naftës vergine. Kreu i Doganave e bëri këtë deklaratë në takimin ndërkombëtar të Task Forcës që përfshin policitë dhe doganat e 13 vendeve të Europës Juglindore. "Ju siguroj se për periudhën, në të cilën bëhet fjalë në materialet e servirura nga një deputet nuk është periudha që përkon. Bëhet fjalë për një periudhë tjetër", - na ka "siguruar" drejtori i Doganave.
"Eksportet" false
Sasia e nënproduktit të naftës të quajtur "vergine" është blerë nga shoqëria e përpunimit të naftës "ARMO" sh.a dhe në mënyrë fiktive është pasqyruar me dokumentacion si e eksportuar jashtë shtetit për t'u përpunuar. Por në fakt, ajo është shitur në tregun e brendshëm duke mashtruar konsumatorin shqiptar. Llumi "vergine" faturohej sikur do të shkonte në Itali apo Libi për eksport dhe përzihej në një depozitë në Fier me naftë tjetër duke na u shitur për makinat tona. Kjo rriste në mënyrë kolosale fitimet tek biznesmenët që kanë bërë këtë krim, ndërsa kanë shkatërruar jo vetëm konkurrentët e tyre, por dhe qytetarët e zakonshëm shqiptarë. Burri i deputetes së PD Albana Vokshi ka qenë themelues i njërës prej kompanive, ndërsa mbesa e kryeministrit Sali Berisha, eksperte kontabël e saj.

Prifti, akuza Kuliçit
"Nga analiza ime kam evidentuar një kontrabandë të madhe nafte që kryhet nga vetë shteti. një person në këtë mes quhet Agron Kuliqi, ish-truproja Sali Berishës, që sot është nëndrejtor i përgjithshëm i Policisë së Shtetit. Unë në momente të caktuara kam informuar edhe kryeministrin për kontrabandën e naftës, në të cilën janë përfshire edhe policia e shtetit, doganat e tatimet. Bëheshin dokumente eksporti false dhe ajo shitej ne tregun shqiptar. Kryeministri ka thënë që i ka dhënë porosi ministrit të Financave, por edhe sot nuk ka asnjë rezultat", - ka thënë Dritan Prifti në një intervistë për "Shekulli"-n. Agron Kuliqi ka qenë për shumë vite truproja personale e Berishës dhe në vitin 2005 u rikthye në radhët e policisë, sot ka postin e nëndrejtorit të përgjithshëm të Policisë së Shtetit

"Shkon shumë lart"
"Ka shumë zyrtarë të tjerë të përfshirë, që nga ish-drejtues të ARMO-s shtetërore, që nga drejtues lokalë të policisë së shtetit deri në drejtues e punonjës doganash. Rrjeti i këtij aktiviteti kriminal është shumë i madh. Ata kanë punuar me shumë kujdes dhe është shumë vështirë ta zbulosh këtë krim që i ka sjellë shtetit miliona euro dëm ekonomik dhe evazion fiskal", - ka thënë Prifti, duke shtuar: "Shkon shumë lart, deri në nivel ministrash. Një aktivitet kaq i madh kriminal ku kanë marrë pjesë qindra shoferë, dhjetëra policë, dhjetëra punonjës doganash e tatimesh, është e pamundur të bëhet nën hundën e shtetit dhe askush mos të dijë asgjë. Njerëzit e thjeshtë kanë folur dhe flasin, kurse qeveria hesht. Heshtja tregon bashkëfajësi. Unë për pjesën time kam folur me anëtarë të qeverisë dhe po flas publikisht. Duhet të flasin dhe të tjerët".

MINI - ANALIZË
Këto janë "eksportet e rritura" ?!

"Eksportet janë dëshmi të pastra mbi progresin e pastër industrial që po përjeton vendi", - kështu ka pohuar kryeministri Berisha gjatë mbledhjes së qeverisë pak ditë më parë, duke pohuar se rritja me 424 tonë e eksporteve shqiptare, tregon më së miri edhe rritjen e punësimit, si shkak i rritjes së prodhimit. "Rritja e eksporteve vërtitet nga 7.9 në 19.9 miliardë lekë dhe është dëshmi e reformave të ecurisë së madhe ekonomike dhe luftës së suksesshme kundër korrupsionit", tha ai.
E ka fjalën edhe për "eksportet" si këto të naftës "vergine"? Të cilat jo vetëm nuk egzistojën realisht, por ne na duhet edhe të paguajmë për rimbursimin e tyre? Mashtrimi dhe grabitja e qytetarëve është e dyfishtë. Paguajmë nga xhepi shumë shtrenjtë një naftë që nuk është naftë dhe më pas paguajmë nga taksat, edhe rimbursimin e mashtruesve. Kurse "shifrat në letra" shërbejnë për të na gënjyer nga salla e mbledhjeve të qeverisë

[Ziti]

bravo prifti!
paske ditur shume gjera mor kodosh.

[gjirfabe]

Financat: Ishte qeveria që çoi dosjen "virgine" në prokurori.




Ministria e Financave ka reaguar për çështjen e naftës "virgine". Në një deklaratë për mediat, zv.ministri i Fiancave, Alfred Rushaj është shprehur se qeveria ka kontribut kryesor pasi është ajo vetë që ka nisur hetimet për këtë çështje që prej vitit 2008.


"Që pas vitit 2005 janë bërë përpjekje serioze për të vënë në kontroll çdo tentative për tregti të paligjshme të naftës virxhin. Pjese e këtyre përpjekjeve është dhe hetimi aktual që duket se ka prishur shumë interesa të atyre që pasi kanë vjedhur, thonë kapeni hajdutin" tha Rushaj. Ai ka shtuar se qeveria "do të vazhdojë luftën pa ndërprerje ndaj çdo kontrabande dhe ndaj kujtdo që tenton të dëmtojë ekonominë e shqiptareve".


Rushaj drejtojë akuza ndaj Partisë Socialiste duke thënë se "shqiptaret duhet të dinë se nafta virxhin, produkti për të cilin çirren e bërtasin sot disa klane të caktuara pranë PS-së, për 8 vjet që ishte në pushtet kjo parti, është tregtuar lirisht dhe pa asnjë takse në tregun e brendshëm, duke dëmtuar çdo konkurrence të ndershme e duke dëmtuar ekonominë e pronën e çdo shqiptari".


Shekulli Online
13/03/2011

http://www.shekulli.com.al/2011/03/1...prokurori.html

[2043]

fakti qe nuk ka lajme ne tvsh,klan ,rd ose 55 nuk do te thote qe nuk jane arrestu
puna eshte se tek kjo kontrabanda e naftes eshte perfshire dhe ish badigardi sales qe sot nje nga drejtoret kryesore ne polici

Ke te drejte.
Eshte i njejti polic qe e qelluat me antitank ne Cerik duke i djegur te gjalle te gjithe skuadren brenda autoblindes dhe vetem ky shpetoi i gjalle fale fizikut te fuqishem dhe tani kerkoni ta vrisni perseri, sepse ishte pikerisht ai qe i futi pas hekurave tere bandat e banditet qe nga 2006 e ketej.
Ju jeni kriminele qe te vrisni naten e te qani diten.

[mesuesi_1]

bravo prifti!
paske ditur shume gjera mor kodosh.

ja kane mesuar ne ate specializimin qe ka bere ne Harward ..... keshtu thone ...

[RAPTILOID]

Ke te drejte.
Eshte i njejti polic qe e qelluat me antitank ne Cerik duke i djegur te gjalle te gjithe skuadren brenda autoblindes dhe vetem ky shpetoi i gjalle fale fizikut te fuqishem dhe tani kerkoni ta vrisni perseri, sepse ishte pikerisht ai qe i futi pas hekurave tere bandat e banditet qe nga 2006 e ketej.
Ju jeni kriminele qe te vrisni naten e te qani diten.

Po po ai eshte
Biles ka qene dhe ne 14 shtator 98
Nga rrugaç ne drejtor rendi
Eshte arritje e madhe

[RAPTILOID]

Zbardhen përgjimet, si bëhej trafiku i naftës brenda vendit
Website Gazeta shqiptare

Prokuroria zbardhskemën e skandalit me kontrabandën e naftës virgine. Plot 17 mijë tonë naftë e papërpunuar deklarohej si e eksportuar jashtë vendit, në një kohë që është shpërndarë në tregun vendas, edhe pse është e ndaluar me ligj. Sipas prokurorisë, kompania “EUROIL” sh.a. me administrator biznesmenin e arrestuar Hajri Elezi, e blinte naftën virgin pranë kompanisë ARMO dhe e shpërndante në Shqipëri. Dy anijet “Rita S” dhe “Calieta” që gjoja e trasportonin drejt Greqisë apo Turqisë ankoroheshin në Rad, në portin e Vlorës, për disa ditë dhe dilnin në det të hapur, të pangarkuara. Më poshtë po botojmë të plotë vendimin e gjykatëses Blerina Muça, e cila caktoi masën e sigurisë ‘arrest me burg’ në mungesë për biznesmenin Elezaj. Në këtë vendim hidhet dritë mbi megaskandalin me tonelatat e naftës virgin që shqiptarët e kanë blerë duke e paguar si benzinë….
Vendimi i plotë
Në datën 13.10.2010 prokuroria e rrethit gjyqësor Tiranë ka regjistruar procedimin penale nr.4155 në ngarkim të shtetasit Hajri Elezi, i dyshuar për veprat penale të “mashtrimit”, “falsifikimit të dokumenteve” dhe “pastrimit të produkteve të naftës”.
Ky procedim është regjistruar kryesisht nga organi i prokurorisë mbi bazën e të dhënave të publikuara në median e shkruar dhe vizive dhe veprimeve verefikuese të kryera nga organi i akuzës, sikurse është pyetja e shtetasit Dritan Prifti, ish-ministër i Ekonomisë, Tregtisë dhe Energjitikës.
Dritan Prifti ka deklaruar se nënprodukti i naftës me emrin “virgin nafta” për periudhën 2007-2009 është pasqyruar në dokumentacion si e eksportuar jashtë vendit, por në fakt ajo është shitur ne tregun e brendshëm, edhe pse një gjë e tillë është e ndaluar me ligj të posaçëm. Brenda vendit ajo është përdorur në mënyrë të jashtëligjshme, si një lëndë përzierese e benzinës. Në kuadër të hetimit të faktit të mësipërm janë kqyrur dhe marrë me cilësinë e provës materiale dokumentacioni që pasqyron blerjen, prodhimin dhe shitjen e naftës bruto dhe nënproduktit të saj “virgin” pranë shoqërisë “Armo” sh.a., shoqëri, e cila është proivatizuar në vitin 2008. Gjithashtu është administruar në dosje nga organi i procedimit penal gjithë dokumentacioni i ndodhur pranë shoqërive nga të cilat shoqëria “Armo” sh.a. ka blerë naftën bruto, si dhe dokumentacioni ndodhur pranë organeve tatimore, doganore dhe atyre portuale, që kanë të bëjnë me shitblerjen, ngarkimin dhe eksportimin e naftës “virgine” për vitet 2007, 2008, 2009.
Sipas parashikimeve të legjislacionit në fuqi dhe kontratës së lidhur midis shoqërisë “Armo” sh.a, dhe shoqërisë “Euroil” me objekt shitblerjen e naftës “virgine” rezulton se ky nënprodukt (virgine nafta) nuk është produkt i gatshëm për tregtim.
Ai është nënprodukt që del nga rafinimi i naftës bruto, pas një procesi dytësor për pastrimin e saj nga squfuri. Ky nënprodukt shërben si lëndë e parë për prodhimin e benzinës dhe ka si destinacion të vetëm ekspertimin jashtë vendit (fakte të pohuara në shkresën nr.93 47 prot, datë 22.11.2010 të METE dhe shkresën nr.3874/1 prot datë 25.11 .2010 të IQT). Nga studimi i faturave të shitblerjes së nënpdoruktit të naftës “virgin” marrë pranë “Armo” sha rezulton se sasia e pasqyruar në këto fatura nuk përputhet me sasinë e deklaruar për eksporte.
Pranë shoqërisë “Armo” sha, janë administruar në dosje faturat tatimore të shitjes së naftës “Virgin”. Nga kqyrja e këtyre faturave, që i përkasin fundvitit 2009 (fatura e fundit mban datën 31.12.2009) rezulton se shoqëria “Armo’ sh.a. i ka shitur shoqërisë “Euroil” sha një sasi të konsiderueshme të nënproduktit “virgin”, që arrin në 16685.31 ton.
Nga materialet e vëna në dispozicion nga Drejtoria e Përgjithshme e Doganave, konfirmohet fakti se ekzistojnë 24 praktika doganore, që kanë të bëjnë me eksportin e nënproduktit “virgin naftë” për periudhën janar 2007 – janar 2010, ndërsa për vitin 2009 janë kryer vetëm tre praktika të tilla gjatë muajve janar – shkurt 2009.
1.EXP. R 649 datë 19.01.2009, e DD Vlorë me sasi 2676 ton,
2.EXP. R 1597 datë 10.02.2009, e DD Vlorë me sasi 2625 ton
3.EXP. R 23 61 datë 28.02.2009, e DD Vlorë me sasi 14583.679 ton.
Po kështu DPD nëpërmjet shkresës me nr.18015/1 datë 28.12.2010 konfirmon faktin se për vitin 2010 nuk ka asnjë eksport të nënproduktit “virgin nafte”.
Nga hetimi ka rezultuar se dokumentacioni që u përket dy praktikave doganore, ajo e datës 10.02.2009 me sasi 2625.9 ton dhe e datës 28.02.2009 sasi 14583.679 ton nuk pasqyron realitetin mbi destinacionin e kësaj sasie nafte “virgin”. Nga të dhënat e këtyre dy praktikave pranë Degës së Doganës Vlorë, rezulton se sasi e mësipërme në kundërshtim me sa pasqyrohet në dekleratat e eksportit, nuk është ngarkuar në anijet “Rita S” dhe “Calieta” dhe nuk kanë kaluar nga Porti i Vlorës. Anija e fundit që ka eksportuar naftë “virgin” nga ky port i përket muajit janar 2009 dhe i referohet dekleratës doganore EXP R 649 datë 19.01.2009.
Faktet e mësipërme provohen dhe nga kqyrja e regjistrave ditareve të hyrje-daljeve të anijeve pranë kapitenerisë, së Portit Detar Vlorë, nga ku rezulton se veç të tjerash se anija “Rita S” ka mbërritur në portin e Vlorës më datë 06.06.2009 ora 06.00 dhe ka qëndruar në Rad, nga ku është larguar në datën 11.02.2009 duke mos u ankoruar në Kalatën e Portit Detar Vlorë për veprime tregtare dhe është larguar në det të hapur pa u ngarkuar. Po kështu për të njëjtën anije konfirmohet që të jetë mbërritur në Portin Detar Vlorë gjatë muajve janar, shkurt, mars, etj. Për këtë anije nga kqyrja e dokumentacionit të praktikës doganore rezulton sikur ajo të jetë ngarkuar me “virgine nafte” nëpërmjet terminalit të “Armo” sh.a. që gjendet në Portin e Vlorës.
Kjo e dhënë rezulton e rreme, pasi nga tërësia e dokumentacionit të njësisë së “Armo” sh.a. në fshatin Nartë, Vlorë, FIETEK provohet që ky pontil ka funksionuar për këtë proces deri në muajin shtator 2008. Ky fakt është pohuar dhe nga ish-drejtori i FIETEK Vlorë, z.Genci Koka. Nga sa më sipër rezulton e provuar se sasia prej rreth 17 mijë ton “virgin naftë” jo vetëm që është deklaruar në mënyrë fiktive si e eksportuar jashtë vendit, por nuk ka qenë blerë as nga shoqëria “Euroil” sh.a. deri në datën e deklaruar si sasi e eksportuar. Nga dokumentacioni i shoqërisë “Armo” sha dhe “Euroil” sha, tërhequr nga drejtoria Rajonale e Tatimeve, rezulton që blerjet e kësaj të fundit nga ARMO deri në datën 29.02.2009 arrijnë në sasinë 2821.09 ton dhe gjendja fizike e naftës “Virgin” në depot e “Euroil” sh.a. në datën 31.12.2008, sipas deklarimeve të kësaj shoqërie në tatime, është 3681.2 ton. Për rrjedhojë, dokumentacioni që i përket dy praktikave të mësipërme doganore të datave 10 dhe 28 shkurt 2009 është dokumentacion fallco, pasi pasqyron sasinë rreth 17 mijë ton nafte “Virgin” si sasi e eksportuar jashtë vendit, në një kohë kur kjo ngakresë nuk provohet të ketë kaluar si ngarkesë nëpërmjet Portit Detar Vlorë.
Krijimi i dy praktikave të mësipërme doganore, ka shërbyer si mjet me të cilin shoqëria “Euroil” sh.a. dhe përfaqësuesi i saj ligjor Hajri Elezi, kanë përfituar rimbursim të paligjshëm të TVSH-së.
Sasitë e munguara, të raportuara si shitje totale deri në datën 28.02.2009, janë raportuar blerje nga shoqëria “Euroil” sh.a. nga data 01.04.2009 deri në datën 31.12.2009, në një sasi totale prej 13744.67 ton. Pra, kjo shoqëri rezulton të ketë raportuar shitje për eksport deri në datën 28.02.2009, një sasi të konsiderueshme, të cilën nuk rezulton e pasqyruar në dokumentacion si e blerë dhe ka raportuar blerje nga data 06.04.2009 deri në 31.12.2009.
Nga sa më sipër, arrihet në përfundim të bazuar në prova se sasia e naftës “Virgin”, e cila realisht nuk rezulton e eksportuar, të jetë transportuar me autobotë në depozitat pronë e shoqërisë “Euroil” sh.a. dhe “Fisheku” sh.a., me qëllim shitjen e saj në tregun e brendshëm si karburant. Në arritjen e një përfundimi të tillë, çojnë kryesisht të dhënat e dokumentacionit që ndodhet pranë Degës së Doganës Vlorë dhe pranë Kapitenerisë së Portit Detar Vlorë. Transporti i nënproduktit “Virgin Nafte”, rezulton të jetë realizuar nëpërmjet mjeteve të shoqërisë “Fisheku” sh.a. dhe “Martini” sh.pk., me drejtues shtetasit Flamur Merkaj, Genci Prençe, Fadil Abdurrahmani, Kadri Hajredini, Vladimir Koteci, Reshat Aleksi, Gazmend Serjanaj etj. Këta drejtues kanë deklaruar përpara organit të procedimit penal, se janë kontraktuar nga shtetasi Bledar Rama, i cili ka vepruar për llogari të shoqërisë “Euroil” sh.a. Deklarimet e këtyre drejtuesve se e kanë transportuar “Virgin Nafte” gjatë vitit 2009 nga KPTHN Ballsh për në Portin Detar Vlorë, ka rezultuar i pavërtetë, pasi nga tërësia e dokumentacionit të Degës së Doganës Vlorë, nuk rezulton asnjë e dhënë që të konfirmojë këto deklarime.
Me qëllim verifikimin e faktit në se eksportet e naftës “Virgin” kanë mbërritur në destinacionet përkatëse, nga organi i procedimit penal rezulton të jenë nisur letërporositë drejt shteteve respektive. Në kuadër të hetimit administrativ të iniciuar nga Drejtoria e Hetimit pranë Drejtorisë së Përgjithshme të Doganave, rezulton sa më poshtë:
Nëpërmjet shkresës nr.14754/2 prot.datë 25.10.2010 të DPD, si dhe nga dokumentacioni që ndodhet pranë Degës së Doganës Vlorë, ka rezultuar të jenë kryer vetëm 24 praktika doganore që kanë të bëjnë me “Virgin Nafte” për periudhën janar 2007-janar 2010. Nëpërmjet shkresës me nr.16549/4 datë 24.12.2010 të Drejtorisë së Hetimit pranë DPD, bëhet me dije se nga përgjigja e autoriteteve doganore të Turqisë dhe Greqisë, rezulton të ketë diferenca të sasisë së deklaruar për eksport në Shqipëri me sasinë e deklaruar për tranzit në Greqi, si dhe me sasinë e deklaruar në Turqi.
Nga sa më sipër, krijohet bindja e bazuar në prova se shtetasi Hajri Elezaj, në cilësinë e përfaqësuesit ligjor të shoqërisë “Euroil” sh.a. me NIPT K 52302801C, me objekt veprimtarinë “Tregtim të të karburanteve me shumicë”, nëpërmjet veprimeve të mësipërcituara, ka relizuar rimbursimin e TVSH-së në mënyrë të kundraligjshme. Veprimet e tij konsistojnë në falsifikimin e dokumentave, duke pasqyruar në mënyrë fiktive një sasi të konsiderueshme “Virgin Nafte” si të eksportuar, duke e shitur më pas në tregun e brendshëm.
Mbi shtetasin Hajri Elezaj, rëndojnë dyshime të arsyeshme të bazuara në prova, që të ketë konsumuar elementët e veprave penale të “Mashtrimit”, në bashkëpunim me shtetasit Bledar Rama, Iljaz Fisheku, Martin Fisheku, punonjës të doganës dhe me persona të tjerë. Gjithashtu, mbi këtë shtetas rëndojnë dyshime të bazuara në prova se ka konsumuar edhe elementët e veprave penale të “Falsifikimit të dokumentave”, parashikuar nga neni 186/2 i Kodit Penal dhe “Pastrimit të produkteve të naftës”, parashikuar nga neni 287 i Kodit Penal.
Këto vepra penale kanë sjellë pasoja të rënda në dëm të Shtetit dhe të qytetarëve, të cilëve u është shitur karburant i një cilësie të ulët në raport me çmimin me të cilin është tregtuar.
Mbështetur në tërësinë e akteve të fashikullit hetimor, gjykata arrin në përfundimin se ekzistojnë kushtet e parashikuara nga nenet 228 e vijues të Kodit të Procedurës Penale që ndaj shtetasit Hajri Elezaj, të caktohet një masë sigurimi personal, pasi mbi të rëndojnë dyshime të arsyeshme të bazuara në prova për konsumimin e veprave penale të sipërcituara. Për shkak të rrethanave të çështjes, personalitetit të këtij shtetasi, i cili mund të kryejë krime të tjera, të të njëjtit lloj, si dhe për shkak të rrezikut të largimit për t’iu shmangur hetimit, nisur nga rrezikshmëria e lartë e veprave penale për të cilën dyshohet se e ka kryer, pasojat e rënda të ardhura nga veprat penale në dëm të buxhetit të Shtetit dhe të qytetarëve, gjykata e gjen të bazuar kërkesën e prokurorisë për caktimin si masë sigurimi persona ndaj këtij shtetasi atë të “arrestit me burg”. I dyshuari me veprimet e veta kriminale, rezulton të ketë cenuar marrëdhëniet juridike të vendosura për të mbrojtur veprimtarinë e rregullt të organeve shtetërore si dhe marrëdhëniet juridike të vendosura për të siguruar prodhimin dhe përdorimin e rregullt të dokumentave zyrtare të mbrojtura nga legjislacioni penal.

[RAPTILOID]

Ish-zv.ministri i METE, Pajtim Bello: Qeveria, koka e trafikut të naftës virxhin
Website shekulli

"Peshkaqenët e mëdhenj e të egër nuk janë prekur dhe kur themi se në këto afera janë vetë anëtarët e qeverisë kemi të drejtë. Pjesëmarrja e anëtarëve të qeverisë në aferat korruptive nuk është një perceptim publik apo gazetaresk. Është një realitet i provuar më shumë se një herë, ashtu si edhe në rastin në fjalë".

Pajtim Bello, ish-zv.ministër i METE-s thotë në një intervistë për gazetën "Shekulli" se koka e trafikut të karberanteve është në zyrat e qeverisë shqiptare, siç edhe ka ndodhur në skandale të tjera korruptive.

"ARMO si ish-kompani me kapital shtetëror nuk mund të kryente këtë veprimtari pa u vënë re nga pronari shtet që përfaqësohej nga Ministri i Ekonomisë, Tregtisë dhe Energjetikës? Përgjigja është kategorike një "JO" e madhe. Që kjo nuk mund të ndodhte pa dijeninë dhe mbrojtjen e këtij ministri, e provoi ish-ministri Dritan Prifti, i cili që në nisje të detyrës së vet e konstatoi dhe e denoncoi këtë megskandal"-thotë z. Bello.

Ju si ish-zv/ministër i METE-s, si do ta komentonit skandalin me naftën e papërpunuar?
Afera dhjetra miliona eurosh, e quajtur "Nafta Virxhin", ngjan me nje cunam korruptiv me përmasa gjigande dhe me goditje shumëplanëshe ndaj shoqërisë shqiptare, ndaj institucioneve të vendit, ndaj komunitetit të biznesit dhe ndaj të gjithë qytetarëve. U desh të vërshonte ky cunam, që mbas tërheqjes së ujrave të nxirrte para shqiptarëve lakuriqësinë e babëzisë, faqen e zezë të paturpësisë dhe mbi të gjitha ndërveprimin institucional e politik të strukturave shtetërore, të bizneseve e bisnesmenëve të bërë njësh me politikën dhe mbi të tëra tu provonte edhe njëherë shqiptarëve se korrupsioni është i fortë, është kthyer në superinstitucion që ka për partner strukturat më të larta shtetërore dhe më së pari Qeverinë Shqiptare.
Pse akuzoni qeverinë, kur për këtë kontrabandë janë arrestuar biznesmenë apo nëpunës të shtetit?
Në emrat e të arrestuarve të deritanishëm për aferën "Nafta virxhin" janë emra biznesmenësh që njihen si militantë të shquar të Partisë Demokratike, sponsorizues të fushatave zgjedhore të saj dhe miq të politikanëve të lartë të kësaj partie. Kështu ka ndodhur edhe në raste të tjera, por emrat nuk janë bërë publike për lloj-lloj arsyesh. Një gjë duhet të kuptojmë ne shqiptarët, që këta biznesmenë i kanë bërë sponsorizimet me paratë që na kanë vjedhur neve, i kanë korruptuar strukturat qeveritare po me lekët tona, kanë luajtur ping-pong me paratë që na kanë grabitur neve, natyrisht në bashkëpunim me strukturat shtetërore.

Kur them në bashkëpunim me strukturat shtetërore nuk e kam fjalën për nëpunësit e rangut të ulët të cilët arrestohen rëndom në këto raste. Padyshim se peshkaqenët e mëdhenj e të egër nuk janë prekur dhe kur themi se në këto afera janë vetë anëtarët e qeverisë kemi të drejtë. Pjesëmarrja e anëtarëve të qeverisë në aferat korruptive nuk është një perceptim publik apo gazetaresk. Është një realitet i provuar më shumë se një herë, ashtu si edhe në rastin në fjalë.

Si funksionon skema e bashkëpunimit korruptiv mes qeverisë dhe biznesmenëve?
Unë do të pyesja, si mund të koordinojnë në mënyrë kaq perfekte disa insitucione shtetërore të rëndësishme dhe të kryejnë këtë megaskandal në tre vjet rrjesht, pa pasur bekimin dhe mbrojtjen e titullarëve më të lartë të institucioneve të tyre? ARMO si ish-kompani me kapital shtetëror nuk mund të kryente këtë veprimtari pa u vënë re nga pronari shtet që përfaqësohej nga Ministri i Ekonomisë, Tregtisë dhe Energjetikës? Përgjigja është kategorike një "JO" e madhe. Që kjo nuk mund të ndodhte pa dijeninë dhe mbrojtjen e këtij ministri, e provoi ish-ministri Dritan Prifti, i cili që në nisje të detyrës së vet e konstatoi dhe e denoncoi këtë megaaferë.

Po kështu mund të shtrojmë pyetjen logjike se a mund që organi i tatimeve dhe i doganës të koordinonin së bashku një veprimtari perfekte, duke falsifikuar praktika e shkresa në një numër të madh, pa dijeninë e mbrojtjen ministrave të vetë? Jo se jo! Është po kaq e kuptueshme se të tre institucionet e sipërpërmendur nuk mund t'i shpëtonin syrit dhe kontrollit të Ministrisë së Rendit, pra siç duket kjo ministri është në tavën e qelbur të këtij korrupsioni. Këtë e denoncoi ish-ministri Prifti dhe arsyetimi të çon se kjo ministri duhet të ketë pjesën e luanit në këtë vjedhje të madhe që i është bërë buxhetit të shtetit dhe shqiptarëve veç e veç.

Që të gjitha këto ministri kanë kryer një veprimtari korruptive të bashkërenduar duket qartë për këdo, por edhe vetë ministritë na i provuan një gjë të tillë. Kur u denoncua skandali, ministrat, përmes zëdhënësve të tyre, mohuan gjithçka, bile pati edhe nëpunës të lartë si Drejtori i Përgjithshëm i Doganave që deklaroi se pas një kontrolli administrativ nuk rezultonte të ishin kryer praktika të tilla korruptive!..E pra titullarët nxituan të mohojnë gjithçka dhe si struci futën kokën në rërë, duke u fshehur për disa muaj.
Është shumë e rëndë për një qeveri, kur provohet se institucionet e saj janë koordinuar në mënyrë perfekte në një megaskandal korruptiv. Duke qenë se kjo nuk i ngjet për herë të parë kësaj qeverie rëndesa bëhet plumb dhe jo plumb pushke, por predhë atomike. Dhe tek ne kjo ka ndodhur. Institucionet kanë një koordinim perfekt në kryerjen e veprimtarisë korruptive. Ky koordinim manifestohet që në nisje të një skandali korruptiv të caktuar dhe deri në mbrojtjen e fajtorëve para drejtësisë dhe popullit. Kujtoni sa mirë ishte bashkërenduar veprimtaria në goditjen vdekjeprurëse që shteti i dha ish-kompanisë ajrore "Albatros", ku në mbrojtje të paudhësive antiligjore doli vetë Kryeministri.

Këtë mund të themi për megaskandalin në "Rrugën e Kombit", ku kryeministri me një shpurë ministrash e deputetësh mbrojtën veprimtarinë korruptive që groposi qindra milionë euro të buxhetit të shtetit dhe të xhepave të shqiptarëve. Është e rëndë të kujtosh se si institucionet, ministrat dhe deputetët shtrënguan radhët rreth kryeministrit për të mohuar çdo lloj përgjegjësie për ngjarjen e Gërdecit dhe sot kjo çështje gati po shuhet. Një përgjegjës kryesor për Gërdecin është ministër dhe të tjerë presin të gradohen së shpejti! Kështu ka ndodhur e po ndodh në disa praktika të tenderave për konçensionet në burimet energjetike, në tenderat për fonde e pasuri publike, por për të mos u zgjatur kthemi tek mega afera korruptive "Nafta Virgin".

Mbasi plasi bomba, ministrat dhe kryeministri po bëjnë të pa diturin. Ata po heshtin duke dashur të na thonë se kjo është një aferë e bërë nga ca nëpunës të nivelit të ulët. Ne nuk kemi përse të çuditemi kur këta shtetarë t'i kërkojnë ligjit që të mos falë askënd!..I kemi dëgjuar të flasin kështu edhe herë të tjera. Qetësia e tyre tani dhe dalja nëpër ekrane është vrastare, është shkatërruese për shoqërinë dhe shtetin shqiptar.

Kjo lloj sjellje e stilit mafioz nuk duhet të tolerohet më nga populli dhe me sa duket një fund po përvijohet. Ky fund do të pastrojë politikën dhe administratën nga kjo farë e keqe, nga ky llum që po na mbulon e po na mbyt të tërëve. Të presim e të shpresojmë dhe të mos lodhemi duke u përballur me këtë front korrupsioni që ka marrë përmasa gjigande. Shpëtimin do ta sjellim vetë ne dhe të mos e presim nga askush. Me shumë vendosmëri, me shumë qytetari, me shumë kurajo civile dhe me siguri do ta fitojmë betejën.
Desha të kalojmë te një pikë tjetër e nxehtë, për xhepat e shqiptarëve, që ka lidhje edhe me temën e mësipërme, siç është rritja e pandalshme e çmimeve, jo vetëm të karburanteve. Për ju si ish-zëvendësministër, rritja e çmimeve është spekulim apo e bazuar në zhvillimet ekonomike në botë?
Kam mendimin se rritja e çmimeve nuk lidhet vetëm me zhvillimet ekonomike botërore. Më së pari lidhet me zhvillimin ekonomik të vetë vendit tonë, nga shkalla e plotësimit të kërkesës me mallrat e prodhuara në vend dhe ato nga importi, ku mund të themi se ne jemi të dominuar nga mallrat e importit. Në këtë aspekt duket sikur zhvillimet botërore ushtrojnë ndikim të madh dhe të pashmangshëm.

Kjo i vjen për shtat institucioneve shtetërore, që shpesh deklarojnë se në ekonominë e tregut çmimet janë peng i kërkesë-ofertës dhe i referohen vetëm zhvillimeve ekonomike botërore. Nuk duhet të harrojmë se në ofertë ndikojnë një sërë faktorësh si niveli i prodhimit në vend, situata monopol në treg për disa mallra bazë, monitorimi i tregut, kontrolli mbi abuzimet në çmimet e mallrave, niveli i varfërisë në vend, fuqia blerëse që ka të bëjë me kërkesën etj., probleme që janë jashtë vëmendjes së Qeverisë apo institucioneve të tjera shtetërore.
Pse në Shqipëri reflektohet vetëm rritja, por jo ulja e çmimeve, siç po ndodh prej vitesh si me karburantet?

Ekonomia e çdo vendi ka një sistem imuniteti, shkalla e veprimit të të cilit varet nga natyra dhe fuqia e sistemit ekonomik të këtij vendi. Modeli ekonomik që ne kemi ndertuar në këto vite tranzicioni nuk ka asnjë farë imuniteti për tregun dhe kjo për sa i përket konsumatorit. Konsumatori tek ne është në mëshirën e fatit. Kjo vjen për disa arsye po unë do të nënvizoja mungesën e prodhimit të mallrave në vend, mungesën e vëzhgimit të tregut nga institucionet shtetërore, abuzivizmin e përbashkët shtet dhe shoqëri tregtare në kurriz të konsumatorit etj..

Pikërisht për këto arsye dhe të tjera ndodh që në vendin tonë çmimet zënë herë pas here nivele të larta dhe nuk njohin tërheqje mbrapa, sidomos kjo në disa mallra si energjia elektrike, karburantet, buka, mielli dhe nënproduktet e tij, sheqeri, vaji, orizi etj.. mallra që krijojnë listën bazë të konsumit për popullatën.
Sa ndikon te rritja e çmimeve monopoli i krijuar për disa mallra të konsumit të përditshëm?
Problemi i monopoleve është shumë prezent, është veprues në disa fusha të tregut dhe vjen duke e shtrirë gjithandej duke pushtuar të gjithe tregun e mallrave. Kjo duket në shërbimet e telefonisë ku edhe pse është thyer monopoli shtetëror është krijuar monopoli privat i kompanive që operojnë në treg. Situata monopol vërehet në furnizimin me energji elektrike ku shteti monopolin e transferoi nga duart e veta në një kompani private.

E njëjta situatë monopol po vepron edhe në tregun e karburanteve, ku çmimet kanë njohur rritje shumë të madhe. Monopoli është shtrirë në tregun e mallrave bazë si në furnizimin me grurë, me miell, me sheqer, oriz, fruta perime etj. Situata monopol në treg është prezent kudo dhe vjen duke u fuqizuar, sepse monopolet janë nën mbrojtjen e politikës qeveritare.
***************
TIRANË - Ka tortë fitimesh kolosale, po ka edhe "qershi mbi tortë". Dy kompanitë e tregtimit të hidrokarbureve "Euroil" sh.a. dhe "Fisheku" sh.a. dhe që kishin ekskluzivitetin e shitjes së mbetjeve të naftës së përpunuar e njohur si "Vergine" jashtë Shqipërisë, përveç se e përzienin dhe shisnin në pika të ndryshme të karburanteve si naftë të cilësisë së mirë, duke fituar nëpërmjet mashtrimit, përfitonin nga ana tjetër edhe rimbursim nga TVSH-ja për eksportin fiktiv të saj.
Hetimi pesëmujor i Task-Forcës ka zbuluar se dy kompanitë e të arrestuarve Hajri Elezaj dhe Iliaz Fisheku nga mbetja "Vergine" kishin përfitim të dyfishtë. Nga një anë, pwrfitimi nga përzierja e kësaj mbetjeje me naftën cilësore dhe shitjen e saj me çmim tregu në pika të ndryshme të karburanteve dhe nga ana tjetër përfitimi nga rimbursimi i TVSH-së, pasi sasia e "Vergine"-s që nxirrej nga rafineritë e "Armos", "në letra" figuronte e eksportuar jashtë Shqipërisë.
Sipas të dhënave të grupit hetimor, mësohet se rreth 50 mijë tonë mbetje të naftës me emrin "Verigne" janë shitur ne tregun e brendshëm me çmimin e naftës së cilësisë së mire. Por këto fitime me mashtrim nuk paskan mjaftuar. Nga ana tjetër, dy kompanitë private janë rimbursuar nga shteti me mbi 1 milion euro TVSH për eksportin e llumit, pra "Vergine"-s, eksport i cili në fakt nuk është kryer kurrë.
"Nga hetimet e kryera dhe raporti i ekspertëve, rezulton se mbi 50 mijë tonë mbetje "Vergine" është tregtuar brenda territorit të Shqipërisë, në kundërshtim me ligjin dhe në dëm të konsumatorëve, duke e paraqitur atë si benzinë të pastër për konsum. Por jo vetëm kaq. Pas dokumentacioneve fiktive për gjoja eksport të "Vergine"-s, që plotësoheshin në pikat doganore të Vlorës, Durrësit dhe Tiranës kompanitë "Euroil" sh.a. dhe "Fisheku" sh.a. pajiseshin me një vërtetim. Këtë vërtetim ku thuhej se X sasi është eksportuar jashtë bashkë me dokumentacione të tjera false, përfaqësuesit e dy kompanive e dorëzonin në Drejtorinë e Tatim Paguesve të Mëdhenj, të cilët e rimbursonin me 20 % të vlerës së "mallit të eksportuar".
Vetëm nga këto rimbursime, sipas akt-ekspertimit kontabël dy kompanitë "Euroil" dhe "Fisheku" kanë përfituar, sipas burimeve të prokurorisë, një shumë mbi 1 milion euro, veç fitimeve të mëdha nga mashtrimi në kurriz të qytetarëve. "Madje, kjo sasi parash, nga tatimet i është kthyer në para kesh në dorë dhe jo siç ndodh rëndom që t'i konsiderohet taksë e paguar për periudhën pasardhëse", - thuhet nga prokuroria.
Sipas të dhënave të hetimeve, zbulimi i sasisë së mbetjes "Vergine" që është nxjerrë nga rafineritë e "ARMO-s" është identifikuar nga shkresat e marra në këtë kompani nga hetuesit e çështjes. Nga verifikimi i tyre me dokumentacionet dhe vërtetimet në pikat e doganës, rezultonte se sasia e marrë nga "ARMO" nuk eksportohej e gjitha, por një pjesë fare e vogël e saj. Ndërkaq, nga ana tjetër rezulton se përzierja e mbetjes "Vergine" me naftën cilësore bëhej në magazinat e kompanive "Euroil" dhe "Fisheku" me qendër në Golem të Durrësit dhe në Fier, nga ku më pas niseshin botet me naftë dhe shpërndaheshin në pika karburantesh për tregtime me pakicë, ku furnizohen qytetarët shqiptarë.

Dy të arrestuarit e djeshëm shoferët Gazmend Serjani dhe Fadil Abdurrahmani, një person shpallet në kërkim

Policia e kryeqytetit, ka arrestuar në orët e hershme të mëngjesit të djeshëm edhe dy persona për llogari të hetimeve për skandalin e nënproduktit të naftës të njohur me emrin "Vergine", ndërsa një tjetër është shpallur në kërkim. Dy të arrestuarit quhen Gazmend Serjani dhe Fadil Abdurrahmani dhe janë shoferë botesh. Edhe për dy të arrestuarit dhe të tretin që është shpallur në kërkim, Gjykata e Shkallës së Parë në kryeqytet, dy ditë më parë me kërkesë të Prokurorisë ka vendosur në mungesë masën e sigurisë "arrest me burg" ndaj tyre, si të përfshirë në skandalin e naftës "Vergine".
Sipas prokurorisë, në ditët në vazhdim pritet edhe arrestime të tjerë për këtë skandal, pasi rrjeti i personave që kishin dijeni dhe kanë përfituar nga ky mashtrim është më i gjerë.

Elezaj, takime të shpeshta në zyrën e Kuliçit
Hajri Elezaj, biznesmeni kuksian i arrestuar parmbrëmë me urdhër të Prokurorisë, është mik i familjes së Berishës dhe i nëndrejtorit të policisë Agron Kuliçit. Ka sponsorizuar PD-në që prej 2005-s, ndërsa bashkëshortja e tij është parë në fushatë me Topallin. Ka fituar tenderin për furnizimin me naftë të gjithë institucioneve shtetërore, ndërkohë që uji i tij "Lajthiza" gjendet mbi tavolinën e ministrave gjatë mbledhjeve të qeverisë.
Me kërkesë të dy prokurorëve të çështjes, gjyqtari i gatshëm i masave pranë Gjykatës së Shkallës së Parë ka caktuar që paraditen e së enjtes në mungesë masat e sigurisë "arrest me burg" për të dyshuarit, dhe pas kësaj, vendimet janë ekzekutuar nga Policia.
Skema e kontrabandës shtetërore e naftës e denoncuar nga ish-ministri i Ekonomisë, Dritan Prifti, ka sjellë edhe krisjen e parë të tij me S. Berishën. Kur Prifti kërkoi takim me Berishën dhe nisi t'i fliste për kontrabandën e naftës kryeministri ka kërkuar që i pranishëm të ishte edhe ministri i Financave, Ritvan Bode. Në bisedë ish-ministri i Ekonomisë i ka thënë kryeministrit se në kontrabandën e naftës ishte implikuar Agron Kuliçi, nëndrejtor i Policisë së Shtetit. Pas kësaj, Berisha i ka kërkuar ministrit të Financave, Ritvan Bode që këtë çështje "ta shikonte me prioritet të madh". Me këtë fjali është mbyllur edhe takimi mes Berishës, Bodes dhe Priftit. Por kanë qenë vetëm llafe. Sepse pas kësaj bisede, çdo gjë ka vijuar si më parë, asgjë nuk ka ndryshuar.
Kur Prifti nisi të denonconte publikisht, fillimisht Berisha ka mohuar bisedën me Priftin dhe Boden për kontrabandën e naftës, por pas publikimit të dokumenteve, nuk ka pasur më asnjë reagim.
Burime të Drejtorisë së Përgjithshme të Policisë pohojnë se z. Elezaj ishte një vizitor i shpeshtë në zyrën e z. Kuliçi, në këtë drejtori, madje trau i postbllokut ngrihej pa kontroll dhe me përshëndetje ushtarake, kur duhej të kalonte makina e tij. Takimi i fundit mes tyre në zyrën e Kuliçit është zhvilluar vetëm tri ditë para se Prokuroria të lëshonte urdhër-arrestet.

[RAPTILOID]

Shoferët: Ne transportonim, nuk dimë ç'bëhej me naftën
Website shekulli

Shoferët e arrestuar kanë pohuar në prokurori se dokumentet "false", përpiloheshin nga administratorët e firmave dhe se ata kanë kryer vetëm transportin e boteve, pa ditur se çfarë ndodhte më pas me to. Krerët e firmave refuzojnë që të flasin

TIRANË- Shoferët e autoboteve, të cilët transportonin naftën "Vergine" si pjesë e kontrabandës, kanë mohuar akuzat e ngritura nga prokuroria duke pohuar se në të gjitha rastet ishin të pajisur me dokumentacionin përkatës.

Këto dokumente tregonin se nënprodukti i naftës me emrin "Vergine", dërgohej në portin e Vlorës me qëllim eksportin jashtë vendit. Por hetimi i prokurorisë ka zbuluar se këto dokumente ishin falsifikuara nga punëdhënësit e shoferëve të arrestuar.

Ky fakt është konfirmuar dje nga burimet zyrtare të njësisë së Task-Forcës. Sipas tyre, nga hetimi pesë mujor është provuar e kundërta e pretendimeve të shoferëve të kontraktuar nga shoqëritë "Fisheku" sh.a. dhe "Martini" sh.p.k.

Këto dy kompani, ishin kontraktuar nga shoqëria "Euroil sh.a." me pronarë dhe administrator biznesmenin e arrestuar Hajri Elezaj, për transportin e mbetjes së naftës "Vergine" nga rafineritë e përpunimit, deri në magazinat e tyre në Golem dhe Fier.

Në disa raste transporti i "Vergine-s" është bërë edhe drejt Portit të Vlorës. Ky transport bëhej nga shoferët tashmë të arrestuar: Flamur Merkaj, Genci Prençe, Fadil Abdurrahmani, Kadri Hajredini, Vladimir Koteci, Reshat Aleksi dhe Gazmend Serjanaj.

Sipas prokurorisë, rreth 50 mijë ton që kompania "Armo" ia ka shitur shoqërisë "Euroil" gjatë periudhës janar 2007-dhjetor 2009, vetëm një pjesë e vogël e saj është eksportuar për në drejtim të Turqisë dhe Greqisë.

Sasia tjetër, transportohej nga rafineritë e përpunimit të naftës që ndodhen në Ballsh dhe Fier, në drejtim të magazinave të shoqërisë "Euroil" dhe "Fisheku" që ndodhen në Golem të Durrësit dhe në Fier. "I qëndrojmë deklarimeve të dhëna në janar të këtij viti në Prokurori, në fazën hetimore, ku kemi deklaruar se kryenim transportin nga rafineria e Ballshit dhe Fierit në drejtim të Portit të Vlorës, ku i shkarkonim.

Ky transport bëhej me të gjithë dokumentacionet e rregullta të përpiluar nga punëdhënësit tanë. Ne kryenim vetëm transportin që shoqërohej me dokumentacionin e pranimit dhe dokumentacionin e dorëzimit në Portin e Vlorës. Këto dokumente që ne kemi dorëzuar janë autentike",-kanë thënë thuajse një zëri të gjithë shoferët e arrestuar.

Por, këto pretendime, sipas hetuesve të njësisë së Task-Forcës janë hedhur poshtë nga hetimi pesë mujor i kësaj çështje.

"Nga hetimi i kryer, është arritur në përfundim, se transporti i nënproduktit "Vergine", rezulton të jetë realizuar nëpërmjet mjeteve të shoqërisë "Fisheku" sh.a. dhe "Martini" sh.pk., me drejtues të autoboteve shtetasit e arrestuar tashmë Flamur Merkaj, Genci Prençe, Fadil Abdurrahmani, Kadri Hajredini, Vladimir Koteci, Reshat Aleksi dhe Gazmend Serjanaj.

Këta drejtues mjetesh kanë deklaruar përpara organit të procedimit penal në janar të këtij viti, se janë kontraktuar nga shtetasi Bledar Rama (i shpallur në kërkim nga prokuroria me vendim Gjykate), i cili ka vepruar për llogari të shoqërisë "Euroil" sh.a.

Deklarimet e këtyre drejtuesve se e kanë transportuar mbetjen e naftës me emrin "Vergine" gjatë vitit 2009 nga KPTHN Ballsh për në Portin Detar Vlorë, ka rezultuar i pavërtetë, pasi nga tërësia e dokumentacionit të Degës së Doganës Vlorë, nuk rezulton asnjë e dhënë që të konfirmojë këto deklarime",- thuhet në kërkesën e prokurorisë dorëzuar në Gjykatën e Shkallës së Parë për vlerësimin dhe caktimin e masës së sigurisë.

Të arrestuarit e tjerë nuk kanë preferuar të flasin para hetuesve, në momentin që janë njohur me vendimet e Gjykatës, e cila me kërkesë të prokurorisë ka caktuar masën e sigurisë "Arrest me burg". Gjatë paradites së sotme, pritet që 13 të arrestuarit të dalin para togave të zeza për verifikimin e masës së sigurisë me personin e arrestuar.

Sipas akuzës, nënprodukti i naftës me emrin "Vergine" për periudhën 2007-2009 është pasqyruar në dokumentacion si e eksportuar jashtë vendit, por në fakt ajo është shitur në tregun e brendshëm, edhe pse një gjë e tillë është e ndaluar me ligj të posaçëm.

Brenda vendit ajo është përdorur në mënyrë të jashtëligjshme, si një lëndë përzierëse e benzinës. Mbetja "Vergine" është nënprodukt që del nga rafinimi i naftës bruto, pas një procesi dytësor për pastrimin e saj nga squfuri.

Ky nënprodukt shërben si lëndë e parë për prodhimin e benzinës dhe ka si destinacion të vetëm eksportimin jashtë vendit. Nga studimi i faturave të shitblerjes së nënproduktit të naftës "Vergine", sipas akuzës, e marrë pranë shoqërisë "Armo" sh.a. rezulton se sasia e pasqyruar në këto fatura nuk përputhet me sasinë e deklaruar për eksporte nga shoqëritë "Euroil" sh.a. dhe "Fisheku" sh.a.

Reagimi
Kontrabanda, doganat përplasen me prokurorinë
Drejtoria e Përgjithshme e Doganave ka pohuar dje se ka rreth një vit, që është në dijeni të kontrabandës së naftës dhe për këtë ka nisur një hetim. "Në muajin mars 2010 autoritetet doganore i janë drejtuar strukturave homologe për verifikimin e rasteve të dyshimta.

Rezultatet e hetimit si dhe përgjigjet e ardhura nga strukturat homologe ku evidentohet një diferencë në peshë, midis deklaratave të eksportit të depozituara pranë autoriteteve doganore shqiptare, dhe deklaratave të importit të depozituara pranë autoriteteve doganore të vendit të destinacionit i janë vënë në dispozicion në vazhdimësi organeve kompetente.

Në lidhje me eksportet shqiptare me destinacion Libinë, autoritetet doganore shqiptare, në mungesë të një marrëveshje dypalëshe për asistencë të ndërsjellë administrative në fushën e veprimtarisë doganore, e kanë të pamundur verifikimin e tyre në shtetin libian",-thuhet në njoftimin zyrtar të doganave.

Por kjo deklaratë bie ndesh me thëniet e Prokurorisë së Përgjithshme, sipas të cilës, hetimi ka nisur pas denoncimit publik të ish-ministrit të Ekonomisë, Dritan Prifti në tetor të vitit 2010. Sipas prokurorisë, procedimi penal ka nisur më 13 tetor 2010 dhe jo në mars 2010, kur thonë doganat.

Nënkryetari i Grupit të PS-së, denoncon një tjetër kompani të lidhur me skandalin e naftës "Vergine"
Braçe: Një kompani e tretë e lidhur me kontrabandën e naftës

TIRANË - Një ditë pas arrestimeve të bujshme të lidhur me kontrabandën e naftës "Vergine", Partia Socialiste ka deklaruar se nuk janë dy biznesmenë, por qeveritarë e familjarë ata që drejtojnë mafien e naftës.

Në një komunikim për mediat, nënkryetari i grupit parlamentar socialist, Erjon Braçe, tha se është dhe një kompani e tretë shumë e afërt me qeverinë që ka qenë pjesë e kontrabandës.

"Nuk janë dy kompani, por dhe një e tretë e ngritur politikisht, administruar familjarisht, favorizuar administrativisht me katër vendburime kombëtare të naftës, që ka kryer të njëjtin krim, shitje të naftës bruto, të pa përpunuar, në tregun e brendshëm shqiptar në vitet 2009-2010; nuk ka qenë vetëm ARMO, por edhe një tjetër kompani, që ka pjesë në mafien e naftës e që ka shërbyer në këtë operacion kriminal",-deklaroi Braçe.

Ai vlerësoi se pasuritë kombëtare si burime të ekonomisë kombëtare, nuk janë më të shqiptarëve, por të "qeveritarëve" dhe "familjarëve".

Sipas tij, kur çdo ditë, mijëra shqiptarë po bien në varfëri, duke nisur nga Tirana, "Kapja e Shtetit" është instrumenti politik që po pasuron "qeveritarët" dhe "familjarët". "Ky nuk është më korrupsion! Ky është "krim i organizuar", që po shpronëson çdo shqiptar dhe po pronëson çdo "qeveritar" dhe "familjar". Nafta është pasuri kombëtare dhe e shqiptarëve.

Qeveria po i shpronëson shqiptarët nga kjo pasuri e madhe. Nafta nuk është më pasuri e shqiptarëve, por e "qeveritarëve" dhe "familjarëve". Faktet e dala nga hetimi, dje dhe sot, dëshmojnë pikërisht këtë",-vlerësoi nënkryetari i grupit parlamentar Socialist. Sipas Braçes, heshtja e Sali Berishës, dëshmon se ai është zoti i plotfuqishëm i çdo pasurie kombëtare në këtë vend.
*

[flor1]

nje pyetje kam une :nqs keto jane te lidhur ngushte me policine ,koka te shtetit pse u kapen nga policia,pse sot jane ne burg ??!!!!!!!!llogjika qe ju perdorni eshte krejt absurde seose nqs do te ekzistonte kjo lidhje ,nqs keta pushtetar do te ishin pjese e kesaj kondrabande askush nuk do te ishte ne burg e cdo gje do te vazhdonte normalisht ,por fakti qe sot keta njerez jane ne burg tregon se ketu ekziston shteti ligjor dhe se askush nga pushteti s ka lidhje me nje kondrabande te tille.

[RAPTILOID]

nje pyetje kam une :nqs keto jane te lidhur ngushte me policine ,koka te shtetit pse u kapen nga policia,pse sot jane ne burg ??!!!!!!!!llogjika qe ju perdorni eshte krejt absurde seose nqs do te ekzistonte kjo lidhje ,nqs keta pushtetar do te ishin pjese e kesaj kondrabande askush nuk do te ishte ne burg e cdo gje do te vazhdonte normalisht ,por fakti qe sot keta njerez jane ne burg tregon se ketu ekziston shteti ligjor dhe se askush nga pushteti s ka lidhje me nje kondrabande te tille.

Pse po habitesh
Policia
Me sakte kreret e saj
Nuk eshte hera e pare qe do te rezultonin te implikuar ne afera, krime ose ne vjedhje
Policia nuk ka qene ndonjehere profesionale
Ne cdo qeverri ka qene mediokre puna e saj
Edhe ne qeverite socialiste dhe tani
Pra ska gje per tu habitue
Prokuroria pret fletarrestin
Policia arreston

[RAPTILOID]

Prifti: Kontrabanda, janë në lojë tre ministra!
Website gazeta shqiptare

Ish-ministri i Ekonomisë, Tregtisë dhe Energjetikës Dritan Prifti, i cili denoncoi për herë të parë publikisht ekzistencën e një trafiku të madh me hidrokarbure, ku ishin implikuar, sipas tij, edhe zyrtarë të lartë të Policisë së Shtetit, Doganave e Tatimeve, shprehet ekskluzivisht për Gazetën Shqiptare se hetimet e kryera aktualisht nga organi i akuzës kanë vërtetuar deri tani se dyshimet e tij ishin të bazuara. Për më tepër, ai rrit dozën e këtyre akuzave, duke u shprehur se të paktën tre ministra apo ish-ministra janë përgjegjës për veprime të kundraligjshme, ndërkohë që edhe kreu i Ekzekutivit ishte vënë në dijeni, por një hetim, i kërkuar prej tij lidhur me këtë çështje, nuk nxorri në dritë as edhe një konkluzion të vetëm.
Pas 13 arrestimeve të para për çështjen - e ashtuquajtur edhe prej jush - "kontrabanda me naftë virxhin", si ndjeheni, zoti Prifti?
Ndjehem si të gjithë shqiptarët: I kënaqur që Prokuroria ka goditur një rrjet kriminal, i cili ka dëmtuar shtetin financiarisht, i cili ka dëmtuar çdo shqiptar që ka një makinë apo një mjet motorrik në përdorim, i cili ka ndotur mjedisin ku jetojmë dhe ajrin që thithim. Kam vënë re që populli i thjeshtë është shumë i gëzuar për këtë sukses të Prokurorisë. Nuk njoh asnjë nga të arrestuarit nga afër, por më vjen keq që ata u përdorën nga krimi i organizuar, më vjen keq për familjet e tyre, më vjen keq për ta. Shpresoj që ata të flasin dhe të tregojnë "kokat" dhe organizatorët e këtij trafiku ilegal.
Ju, në denoncimin tuaj - edhe publik - , keni akuzuar krerë të lartë të Policisë së Shtetit për përfshirje në aktivitet të kundraligjshëm kontrabande, madje me emër. Në fakt, asnjë i tillë nuk është arrestuar nga Policia me urdhër të Prokurorisë. I keni bërë këto akuza për efekt mediatik të atëhershëm?
Prokuroria e tregoi tashmë me 13 arrestime se akuzat e mia nuk kanë qenë për show mediatik. Faktet treguan se denocimet e mia ishin të bazuara. Nuk besoj se Prokuroria ka mbaruar punë me këtë hetim. Unë them se është vetëm fillimi. Duhet të kemi durim të shohim se cilit i vjen rradha më pas! Unë garantoj publikun se këto veprime të jashtëligjshme, në dëm të shtetit dhe qytetarit, janë bërë nën hundën e Policisë, të Tatimeve dhe Doganave shqiptare. Unë jam i bindur se një ose disa zyrtarë të lartë të qeverisë kanë koordinuar bashkëpunimin kriminal të Policisë, Tatimeve dhe Doganave për këtë aferë korruptive me miliona euro.
Nëse janë të vërteta, ku i bazoni këto akuza dhe pse Prokuroria nuk ka nxjerrë ende fakte për implikim të strukturave të Policisë?
Kjo pyetje i duhet bërë Prokurorisë. Unë them që duhet të kemi durim dhe të ndjekim vazhdimin e hetimeve.
Po këta njerëz kanë operuar edhe gjatë kohës kur ju keni qenë ministër. A kanë ata lidhje politike? Nëse po, pse nuk shkuat që në kohën kur ishit ministër në Prokurori e t'i denonconit? Apo do të keni patur frikën e largimit nga qeveria?
Unë ua kam raportuar këto dyshime, për veprime të jashtëligjshme, kryeministrit dhe ministrit të Financave. Kryeministri i kërkoi ministrit të Financave të bënte një hetim dhe t'i raportonte atij të vërtetën. Nuk u informova asnjëherë për përfundimin apo konkluzionet e atij hetimi. Ministria e Ekonomisë nuk mund të hetonte Doganat e Tatimet, kështu që duhej të prisja çfarë do bënte Bode. Unë raportova njoftimet, që më vinin nga rrugët operative. Nuk kam patur frikë të denoncoj asgjë, as kur isha ministër, as më vonë. Sigurisht që ata, të cilët kanë bërë këtë aktivitet kriminal, kanë patur lidhje dhe mbështetje nga politika e lartë, ndryshe nuk mund të realizonin një skemë të tillë. Pa mbështetje, ata nuk do të kishin mundësi të kryenin një aktivitet të tillë, as për dy ditë...
A ka të tjera implikime në këtë kontrabandë nafte?
Unë mendoj se, të paktën, tre ministra janë përgjegjës për lejimin e kësaj afere kaq të madhe. Ministri i Ekonomisë duhet ta kishte zbuluar këtë me Inspektoriatin Qendror Teknik, që kontrollon cilësinë e hidrokarbureve. Ministri i Financave duhet ta kishte zbuluar këtë nëpermjet Doganave dhe Tatimeve. Ministri i Brend-shëm duhet ta kishte zbuluar këtë nëpërmjet Policisë, që kontrollon dhe monitoron rrugët e portet tona. Nëse nuk janë bashkëpunëtorë në krim këta ministra apo ish-ministra, pa asnjë diskutim ata kanë qenë të paaftë të bënin detyrën, të paaftë ta ndalonin këtë krim.
Sa llogaritet, sipas jush, dëmi në buxhetin e shtetit?
Kjo i takon Prokurorisë, ta nxjerrë të saktë nga hetimi që po kryen. Dëmi është disa dhjetëra milionë euro.
Cilët do të jenë hapat e tjerë që ju do të ndiqni për të ndihmuar sadopak hetimet, apo çështja e denoncimit tuaj ka përfunduar?
Jam i gatshëm të jap sqarime të mëtejshme, nëse do të më kërkohet nga organi i hetimit.
Një pyetje e fundit lidhur me heqjen e imunitetit për ju, për 70 mijë eurot, që keni marrë, siç tregon videoja e dytë. Si është e vërteta? Për çfarë akordi i morët ato para?
Duhet të jeni të kujdesshëm me fjalët e pyetjes suaj. Prokuroria i kërkoi Kuvendit leje për të hetuar një video, ku dyshohet se unë kam marrë 70.000 euro. Unë ju garantoj se nuk kam asnjë lidhje me këtë dyshim. Nuk kam kryer kurrë asnjë veprim të kundraligjshëm me de-tyrën. Nuk e kam shfrytëzuar kurrë postin për përfitime personale. Më vjen keq që, për shkak të sek-retit të hetimit, nuk më lejohet t'iu them më shumë se kaq. Nëse ju them më shumë, shkel ligjin dhe dënohem vetëm për këtë fakt. Në përfundim të hetimeve, ju jap fjalën se intervistën e parë do t'ia jap Gazetës Shqiptare.

[Qyfyre]

Moren fund korrupsioni dhe vjedhjet ne Shqiperi me duket. Ja hodhem.

[RAPTILOID]

Moren fund korrupsioni dhe vjedhjet ne Shqiperi me duket. Ja hodhem.

HehehHeheh

[MaDaBeR]

Une mendoj qe duhet kryer nje hetim i plote per kte ngjarje dhe te cohen para drejtesise te gjithe pjesmarresit ne kte afere te rende korruptive.

Mendoj se gabimi i vetem deri tani eshte mosarrestimi i Dritan Priftit, si pjesmarres ne kte afere e gjithashtu te meret i pandehur dhe per fshehjen e krimit ekonomik deri me tani. Mendoj se duhet te jete ky qe duhet te denohet me teper nga tere, sepse ne castet kur ishte minister te tera keto i dukeshin gjera te embla, ndersa tani qe nuk e mban me ate karrige, dhe qe eshte i djegur nga cdo ane e nuk ka me asnje shans rikthimi, mundohet te dale i lare. Ai duhet te jete i denuari i pare dhe me rende nga gjithe te tjeret, sepse ky eshte i kapuri i madh i ketyre biznesmeneve.

[mesuesi_1]

Zbardhen përgjimet, si bëhej trafiku i naftës brenda vendit
Website Gazeta shqiptare

.

rapto ....!! neser te gazeta bolllinose do te zbardhet pergjimi qe me kane bere mua sa here qe ulesha ne mengjes ne wc ..... do te lexosh shume gjera interesante si pershembull sa letra harxhoj gjate procesit te fshirjes ..... dhe se cila eshte ajo gazete te cilen une e perdore si leter higjenike ....