Kriza greke

[YaSmiN]

Kurs per patent makine po ben ?

E kam marr vjet .Arrita ta marr shyqyr se nuk di edhe te lexoj mire

[CeLi]

Histori e gjate dhe e shkruar nga USA akoma edhe 1 here e cila do nxjerr nga borxhi greqine duke shfrytezuar Aegeon ( Aigaio ) ne te cilen ka shume nafte dhe do jete dicka fitim prurese per ameriken .

[YaSmiN]

Une e kam marr nenshtetesine Greke .Biles per 2 jave me del pashaporta e vogel Greke.

Duhet 10 vjet ne Greqi ose 5 vjet shkolle Greke sepse une kam qene me ligjin e pare qe ka dal ne 2002.I kam dhene letrat per here te pare ne 2002.
Paguan tani 700 euro me perpara ka qene 1500.Para 2 vjetesh u ul ne 700.
Dorezon letrat ne Ministri e Brendshme.
Dhe me morren ne pyetje nga rajoni i policise qe eshte per te huajt dhe me kusht vajta atje qe mos te ndroj emrin shqiptar edhe te mbaj te dyja nenshtetesite.Pyetjet jane per Historine,Festat Kombetare Greke po ashtu edhe ato Ortodhokse.Te vene te Shkruash edhe te lexosh.Kushtetuta Greke eshte per ata qe vene avokat jo per nje nenshtetesi.
Kur vajta nga ministria ne komision nuk me pyeten as per kushtetuten ,as per nje gje.Thjesht me ben pyetje te zakonshme ku jetoj,cfare me pelqen me shume nga ushqimi tradicional Grek.Dhe u betova edhe kaq.Ne qoftese ke dhene nje provim sic dhashe une ne Rajonin E Policise nuk te marrin ne pyetje ne Ministrin e Brendeshme.

[Scion]

Vendet e Bashkimit Evropian, në veçanti Franca, kanë eksportuar armë drejt Greqisë për një vlerë që arrin mbi 1 miliard euro në vitin 2010.

Lajmin e bën të ditur faqja e internetit e EU Observer, sipas të cilës gjithçka ka ndodhur kur vendit i imponoheshin masa të rëndësishme anti-krizë kundrejt borxheve të shpëtimit.

Sipas burimit, Franca udhëheq klasifikimin me një kontratë prej 794 milionë eurosh për shitjen e avionëve, 58 milionë për shitjen e raketave dhe 19 milionë të tjera për pajisje elektronike.

Avokatët e masave anti-krizë, Holanda dhe Gjermania, së bashku shitën të paktën 90 milionë euro, kryesisht në pajisje elektronike dhe mjete ushtarake tokësore. Italia shiti 52 milionë euro në pushkë dhe pajisje ajrore, ndërsa Spanja 44 milionë në substanca kimike.

Aktualisht Greqia po përpiqet të ruajë çdo qindrakë të buxhetit të saj, por ajo mbetet nga ana tjetër një nga vendet që shpenzon më shumë për armët në rajon, për shkak të kërcënimit që i vjen nga Turqia.

Zëvendësministri i atëhershëm grek i Mbrojtjes, Panos Beglitis deklaroi se vendet anëtare nuk kishin ushtruar presion ndaj Athinës për të blerë armët në këmbim të ndihmave financiare.

“Kjo blerje e armëve në shkallë të gjerë ka qenë gjithnjë pjesë e bashkëpunimit me këto vende. Ajo nuk po bëhet për shkak të krizës, nuk ka lidhje fare me të”, tha Beglitis.

Por një bashkëpunëtor i ish-kryeministrit Jorgo Papandreu, i cili ka kërkuar të mbetet anonim, tha për agjencinë e lajmeve “Reuters” se:

“Askush nuk po na thotë ‘blini armët tona, ndryshe nuk do t’ju ndihmojmë’. Por është e qartë se vendet e tjera janë më bashkëpunuese nëse e bëjmë këtë gjë”.
TCH/
-------------------------------------------------

Telenovela "E dashura qelbesira Greqi" ne solidarizohemi qe ti te blesh arme me kollaj.

[Sharri-Liburna]

Greqia dhe sovraniteti i saj


01 Prill 2012 12:00, Nga Javier Solana
Dinamikat e ndërvarësisë janë bërë të mirëngulitura -kaq shumë të tilla sa nuk mund të zhbëhen. Ti brendashkruhesh një koncepti të ngushtë vestfalian të sovranitetit në këtë botë, është një anakronizëm i pamend, në rastin më të mirë, dhe një bast i rrezikshëm, në më të keqin

Pavarësisht shumave kolosale deleguar për të shlyer borxhin e jashtëm të Greqisë, ka pasur një protestë mos aprovimi lidhur me ‘interferencën’ në sovranitetin kombëtar të këtij vendi. E vërtetë, në këmbim të ndihmës së konsiderueshme europiane, aftësia e Greqisë për të manovruar mëvetësisht do të jetë e kufizuar. Por, a janë ankesat se sovraniteti grek është dëmtuar rëndë, të përligjura?

Ideja e sovraniteti të një shteti-komb i ka rrënjët në traktatin e Vestfalisë të shekullit të 17-të, i cili ligjëroi mos ndërhyrjen nga agjentë të jashtëm në çështjet e brendshme, si parim udhëheqës në marrëdhëniet ndërkombëtare. Por, e ngritur në ekstremin e saj logjik, sovraniteti kombëtar do të kërkonte izolimin e plotë fizik dhe shoqëror të shteteve nga njëri-tjetri. Në fakt, një theksim i tepruar i sovraniteti kombëtar çon në probleme serioze: në fund të fundit, çdo marrëveshje ndërkombëtare, politike apo ekonomike, përmban njëfarë transferimi të sovranitetit.

Ndihma e Europës për Greqinë është shembull i një marrëveshjeje të përbashkët, sipas së cilës palët negociojnë duke pasur parasysh interesin e të tjerëve. Greqia u kërkoi ndihmë anëtarëve të tjerë të BE-së dhe ata janë përgjigjur me një sasi kolosale. Përveç 130 miliardë eurove në kredi (më shumë se 40 për qind e PBB-së së Greqisë, plus 110 miliardëve të dhëna në vitin 2010) një ‘qethje’ prej 50 për qind u është imponuar kreditorëve privatë të Greqisë dhe Banka Qendrore Europiane ka hequr dorë nga këstet e pritshme të aksioneve të saj në bondet greke.

Pavarësisht asaj nëse kjo është teknikisht dhe ekonomikisht zgjidhja më e mirë për problemin e Greqisë, është logjike që BE të merrte pjesë në hartimin e saj. Pjesëmarrja në jetën kolektive të komunitetit ndërkombëtar të shteteve, do të thotë të kesh në mendje mbarëvajtjen e të tjerëve dhe, kur të jetë e nevojshme, të lëshosh pak prej prerogativave të sovranitetit.

Për shembull, kur Spanja vendosi t’i bashkohej Organizatës Botërore të tregtisë lëshoi nga sovraniteti i saj duke pranuar rregullat e OBT. Iu desh të hiqte dorë nga trajtimi preferencial tregtar për disa vende dhe t’i trajtonte të gjithë anëtarët e OBT njëlloj. Spanja e pranoi këtë në këmbim të mundësisë për të tregtuar në terma të barabartë me pjesën tjetër të botës.

Sociologu britanik Anthony Giddens me të drejtë i përshkruan shembuj të tillë si raste të integrimit apo bashkimit në këmbim të influencës globale. Shtetet bashkëpunojnë sepse ka përparësi për to në të vepruarit kështu, por në të njëjtën kohë ata e humbin kontrollin mbi disa çështje të caktuara të brendshme. Ata kalojnë nga vendimmarrjet njëpalëshe tek ato të përbashkëta.

Nëse kjo është dhunim i sovranitetit, varet te koncepti ynë mbi sovranitetin. Ashtu si koncepti i lirisë individuale, sovraniteti kombëtar varet tek ajo sesi janë përkufizuar përbërësit e tij. Në librin e tij klasik ‘Mbi lirinë’, John Stuart Mill përdori ‘parimin e dëmit për të shprehur pikëpamjen se liria individuale e një personi mund të kufizohet vetëm në mënyrë që të mbrohen të tjerët dhe të shmanget dëmi. Debati zhvillohet rreth asaj sesi e përkufizojmë ne ‘dëmin’ ndaj të tjerëve.

Në të njëjtën mënyrë debati rreth domethënies së sovraniteti kombëtar zhvillohet rreth asaj që ne konsiderojmë çështje ‘të brendshme’. Në varësi të ku e vëmë ne theksin dhe sa i gjerë është fokusi ynë, ne i japim një përmasë ‘globale’ (ose të paktën ‘federale’) sovranitetit, ose një përmasë ‘kombëtare’.

BE duket se përfaqëson një pikë midis këtyre dy koncepteve të sovranitetit. Por po bëhet gjithnjë e më e vështirë për të përcaktuar ndryshimin ndërmjet çështjeve pastërtish të brendshme dhe atyre që kërkojnë aksion të përbashkët ndërkombëtar.

Globalizimi i ka bërë më porozë kufijtë. Tani shohim sesi politikat e një vendi, qoftë në raport me punën, mjedisin, shëndetin publik, taksimin, apo një miriadë çështjesh të tjera, mund të ketë një ndikim të drejtpërdrejtë te të tjerët. Shohim se një ndërvarësi e tillë është më e qartë në performancën e tyre ekonomike: rritja vjetore e PBB-së së Kinës, për shembull, do të ngadalësohet me dy për qind këtë vit, falë limontisë në Shtetet e Bashkuara të Amerikës dhe bashkimin Europian.

Ngjashëm me shumë vende (gjithnjë e më të ndryshme në karakterin dhe trajektoren historike të tyre), po shfaqen bindshëm në teatrin global: PBB e Brazilit së fundmi e kapërceu atë të Mbretërisë së Bashkuar. Shfaqja e tyre ka implikime të rëndësishme për qeverisjen globale, në një kohë kur disbalanca ndërmjet probleme/kërcënimeve ekzistuese dhe mjetet në dispozicion të shteteve për të garantuar sigurinë e qytetarëve rritet.

Në një shkallë globale, kjo botë komplekse dhe e ndërvarur ka nevojë për një organizatë shtetesh dhe strukturash qeverisëse të prira kah dialogu i përgjegjshëm, me synimin e lehtësimit të abuzimit me pushtetin dhe mbrojtjen e aseteve publike globale. Pa struktura të tilla bota rrezikon një garë të fortë dhe jashtë rregullave ndërmjet shteteve -siç ndodh shpesh me taksimin- bashkë me një reagim proteksionist. Historia ka dëshmuar se zhvillime të tilla shpesh çojnë te konfliktet shkatërrimtare.

Në nivel europian legjitimiteti është thelbësor dhe -le të jemi realistë- nuk do të arrihet në qoftë se dhe derikur europianët i kapërcejnë disa ide të caktuara të vjetruara rreth sovranitetit. Tani që kërkon të përparojë në këtë drejtim, Unioni akuzohet për cenim të sovranitetit kombëtar.

Qytetarët duhet të kenë ndjesinë se institucionet që i qeverisin punojnë për interesat e tyre dhe i bëjnë ata pjesë të vendimmarrjes, që do të thotë një union të bazuar te rregullat dhe jo te fuqia. Fakti se BE nuk i ka gati të gjitha përgjigjet për një problem, nuk do të thotë se nuk ka një të ardhme. BE është një eksperiment i ri dhe i mrekullueshëm i cili, si me të gjitha eksperimentet, ka një farë mase pasigurie. Por kjo nuk duhet të na bëjë ta shpërfillim koston e oportunitetit të një koncepti më ‘kombëtar’ të sovranitetit.

Në fakt dinamikat e ndërvarësisë janë bërë të mirëngulitura -kaq shumë të tilla sa nuk mund të zhbëhen. Ti brendashkruhesh një koncepti të ngushtë vestfalian të sovranitetit në këtë botë, është një anakronizëm i pamend, në rastin më të mirë, dhe një bast i rrezikshëm, në më të keqin.

Poeti Jose Angel Valente mund ta quajë këtë një dëshirë “…të presësh për Historinë t’u fryjë orëve dhe të na kthejë mbrapa në kohët kur ne do të uronim që gjithçka t’ia niste nga fillimi”. Por në këtë botë prozaike, këtu e tani, koncepti i sovranitetit ndërkohë ka bërë përpara.

[daniel00]

E megjithate kriza ka viktimat e saj , njerez qe jane familare e qe ndjejne me shume peshen e familjes .

Edhe sot nje i vetevrare :

Mbytet me makinë në det: S’dua t’u bëhem barrë fëmijëve

Biznesmen, por i papunë, pa para në xhep, me borxhe dhe pa asnjë optimizëm për të ardhmen. Këto katër faktorë ishin të mjaftueshëm për një pronar punishte zejtarie 59 vjeçar në Selanik që të ndërmerrte aktin e vetëvrasjes.

Ai ka zgjedhur një mënyrë ndoshta të re vetëflijimi. Sikurse raporton noa.al duke iu referuar korrespondentit në Selanik, 59-vjeçari ka marrë makinën modeste të së shoqes dhe bashkë me të është hedhur në det duke gjetur vdekjen tragjikisht.

I ndjeri banonte në zonën e Neus Epivates në Selanik dhe mësohet se ishte zhytur edhe në borxhe. Mesazhi në letër që kishte lënë para se të shkonte drejt vdekjes, ishte i shkurtër: “Nuk dua t’u bëhem barrë fëmijëve të mi, familjes sime, po iki...” r.b/noa.al

[user010]

Per mua solidariteti eshte gje e mire, por kur esjelle ne realitetin Ballkanin eshte dicka e larget, eshte sikur te shqetesohesh ca ngjyre do lyesh murin kur akoma nuk ke mbaruar themelet.

Shoqeria ne Ballkan ka nevoje te piqet edhe te seriozohet, me vone solidariteti edhe mund te ngjaje i mundshem.

Sa per hurrejtjen un besoj nje teori e cila nga shum persona nuk pranohet..
Ajo thote se hurrejtja vjen nga brenda, thjesht jasht vetes gjen justifikime aq te mira sa qe esht e veshtire te shikosh se shpesh e vendos ti qe te hurresh.

Nuk behet fjale qe Greku ka bere masakra, e sabotazhe etj, edhe ne nga ana tone kemi bera gjera tek ata. Keto gjera duhen konsideruar si mesime te historise qe mos te behen me, nuk mund te jetosh me pralla.

Por puna eshte se dhe po te zhduket Greku, njeriu qe hurren mund te vazhdoj te hurrej, do gjej nje tjeter gj, sporti, partite politike, vjera, gjitoni etj.

Mendimi im, nuk e di, mbase jam dhe gabim.

[user010]

Po per keto kan para

http://www.youtube.com/watch?v=EPcakzBv6L8

Jan ndihme e rendsishme keto video.. nuk e dija kete situate.

Eshte shum e rendesishme te nenvizojme ne raste te tilla, rolin tone, pra me duket e dyshishme qe qeveria jone e ka lene situaten ashtu.

Eshte si puna e shihut, shi do kete gjithmon, sot grek, neser serb etj puna eshte catija te jete rezistuse, pra neve vete si qeveri dhe si popull, ca bejme per kete situate.

Faleminderit per videot!

[CeLi]

Perendia do e ndihmoje Greqine, ketu do jemi dhe do e shohim! Mos te gezohemi per fatkeqsine e tyre.

Perendia jo vetem njerez te paafte po le te udheheqin greqine po dhe ne per kishat greke gjithashtu po behen gjera skandaloze , kshu qe ska per te ngritur koke ky shtet . Mora shembull dhe kishen greke sepse ka pasuri shume te madhe ne greqi qe dhe mbase e nxjerrin nga kriza ekonomike greqine ( te shlyejn borxhet dmth ) .

[daniel00]

Greqi: Nuk kishin çfarë të hanin, gatuan një dhelpër!



Kriza ekonomike ka bërë që disa familje në Greqi të përjetojnë varfërinë ekstreme. Pikërisht, një familje e kësaj kategorie, e zhytur në varfëri, u detyrua të hante për darkë… një dhelpër. Kjo histori e pabesueshme ndodhi në një fshat të Evias, në Greqi, ku para pak ditësh, një erë e çuditshme dilte nga shtëpia e tyre. Fqinjët nuk e kuptonin dot se çfarë po ndodhte, ndaj dhe vendosën të vizitojnë shtëpinë e bashkëfshatarit të tyre, për ta pyetur.

Kryefamiljari, baba i dy fëmijëve, pas presionit të bërë, zbuloi se ai dhe bashkëshortja e tij mbetën që të dy pa punë dhe duke mos patur se çfarë të hanin, shkoi në fusha për të gjetur ushqim. Por gjeti vetëm një dhelpër, ndaj u detyrua që ta vriste për ta ngrënë.

Ai iu tha bashkëfshatarëve: “Ta dini se nuk kam qumësht për të ushqyer fëmijët e mi. U bënë disa ditë që kanë mbetur pa ngrënë. Më thyet zemra dhe nuk mund t’i shikoj dot më kështu”. Pastaj u zbuloi sekretin e tij. “Unë nuk mund të bëhem hajdut, ndaj vendosa të dal në fusha për të gjetur ushqim. Kur gjeta një dhelpër në arë, u detyrova ta vras dhe ta gatuaj”.

Pas këtyre fjalëve, i gjithë fshati u organizua dhe mblodhën ushqime dhe një shumë parash për të ndihmuar këtë familje – viktimë të krizës ekonomike./albobserver.com/