Luiza Xhuvani mos fshih më krimin, por dorëzo tek drejtësia vrasësin e 26-vjeçarit, Alfred Musabelliu!
Djali i deputetes së PS vret një të ri në mes të Tiranës
Djali i deputetes së PS, Luiza Xhuvani, vrau me tre plumba një qytetar dje m'u në mes të Tiranës dhe mbahet i fshehur nga deputetja socialiste për t'i shpëtuar policisë që është vënë në kërkim të tij. Ngjarja e rëndë ka ndodhur dje në mëngjes rreth orës 08.00 në rrugën "Ali Visha" pranë qytetit "Studenti" në Tiranë. Autori i krimit, 22-vjeçari Kostandin Gjergj Xhuvani ka qenë me viktimën dhe dy të rinj të tjerë, kur ka nisur sherri mes tyre. Sipas burimeve, pas sherrit mes katër të rinjve, Xhuvani ka nxjerrë pistoletën dhe ka qëlluar mbi 26-vjeçarin Alfred Musabelliu, duke e lënë të vdekur në vend. Autori i krimit është larguar menjëherë nga vendngjarja për t'i shpëtuar ndjekjes së policisë. Policia që shkoi menjëherë në vendngjarje, pas kryerjes së hetimeve paraprake bëri të ditur se, autori i vrasjes së 26-vjeçarit Alfred Musabelliu, është 22-vjeçari Kostandin Gjergj Xhuvani, i cili është shpallur në kërkim. Ndërkohë, Policia ka arrestuar dy të rinjtë, Albi Zela, 23 vjeç dhe Donald Ymeri, 22 vjeç, të dy nga Tirana.
Për hetimin e kësaj ngjarje, u ngrit një grup i posaçëm hetimor, nën drejtimin e Prokurorisë së Rrethit Gjyqësor Tiranë, si dhe drejtuesve të Policisë së Kryeqytetit, ndërkohë që vazhdon puna intensive për dokumentimin e plotë të motiveve të kësaj ngjarje. "Nga hetimet e kryera deri më tani, nga Specialistët e Seksionit Kundër Krimeve ndaj Jetës dhe Shëndetit, u konkludua se autorë në këtë vrasje janë shtetasit Kostandin Gjergj Xhuvani, 22 vjeç, me banim në Tiranë (i cili dyshohet të jetë autor kryesor në këtë vrasje dhe është shpallur në kërkim). Albi Zela, 23 vjeç, me banim në Tiranë, Donald Ymeri, 22 vjeç, me banim në Tiranë", thuhet në njoftimin e Policisë së kryeqytetit. Oficerë të Policisë për Hetimin e Krimeve të Rënda dhe Ekspertë Kriminalistë bënë të mundur sigurimin dhe kqyrjen e vendit të ngjarjes, duke mbledhur dhe administruar provat.
Aktualisht, nga grupi hetimor në vendngjarje po punohet intensivisht për zbardhjen e rrethanave, motiveve të kësaj ngjarje të rëndë, ndërsa po punohet për kapjen e shtetasit Kostandin Xhuvani, i cili tashmë është identifikuar dhe shpallur në kërkim. Bëhet e ditur se, autori i vrasjes mbahet i fshehur nga e ëma, deputetja e PS, Luiza Xhuvani, për t'i shpëtuar policisë, e cila është vënë në kërkim të tij.
http://www.rilindjademokratike.com/R...rt/kronika.htm
Krijoni Kontakt