Metropoliti i Pireut, Serafim, thotë se Hitleri nuk ishte gjë tjetër, veçse një instrument sionist për të bindur hebrenjtë që të lënë Evropën në këmbim të Izraelit dhe për të “krijuar perandorinë e re”, raporton Agjencia Telegrafike Hebreje.
Një nga priftërinjtë kryesorë grekë tha se bota hebreje ishte për t’u fajësuar për problemet ekonomike të vendit të tij, raportoi agjencia të mërkurën.
Gjatë një interviste në stacionin më të madh televiziv të Greqisë, “Mega TV”, Metropoliti i Pireut, Serafin, theksoi se sionizmi ndërkombëtar u përpoq të shkatërronte vlerat familjare duke nxituar familjet me një prind dhe martesat mes homoseksualëve. Prifti theksoi gjithashtu se ekziston një konspiracion sionist për të robëruar Greqinë dhe kristianizmin ortodoks.
Metropoliti theksoi gjithashtu se Hitleri ishte veçse një mjet i përdorur nga sionistët për të siguruar krijimin e shtetit të izraelit.
Kur prezantuesi grek e pyeti Metropolitin, “Pse nuk jeni dakord me politikën e Hitlerit? Nëse ata bëjnë gjithë këtë, nuk kishte të drejtë t’i digjte ata?”, ai u përgjigj, “Adolf Hitler ishte një instrument i botës sioniste dhe ishte financuar nga familja e njohur e Rothshildëve me qëllimin e vetëm që të bindë hebrenjtë për të lënë Evropën në këmbim të Izraelit dhe për të “krijuar perandorinë e re”.
Ai vijoi të thotë se hebrenj të tillë si “Rokfelerët, Rothshildët dhe Sorosi kontrollojnë sistemin ndërkombëtar të bankave, i cili kontrollon globalizimin.”
Agjencia telegrafike e Hebrenjve citoi presidentin e komunitetit hebre në Athinë të thotë se “ndjeja neveri tek shikoja dhe dëgjoja Metropolitin tek fliste ashtu, tek thoshte paturpësisht se bankierët hebrenj ndihmuan Hitlerin për të bërë atë që bëri”.
http://www.gazetajone.com/2010/12/22...-krizen-greke/
Postuar më parë nga ezel
Përgjigju Duke Cituar
Krijoni Kontakt