Berisha: Votimi elektronik, 100% i mundshëm

[Albo]

KQZ: Numerimi i votave, nga studentet

Rozeta Rapushi

Komisioni Qendror i Zgjedhjeve po trajnon studente, qe ne zgjedhjet lokale te 8 Majit, te angazhohen ne procesin e numerimit te votave. Kryetari i Komisionit Qendror Zgjedhor, Arben Ristani, tha dje se ne kete menyre, do te mundesohet qe procesi i numerimit te kryhet nga studente te trajnuar dhe te kualifikuar, jo nga militante partiake. Kete pohim, kreu i KQZ-se e beri gjate nje takimi me studente te Universitetit "Aleksander Xhuvani" ne qytetin e Elbasanit. "Komisioni Qendror i Zgjedhjeve eshte shume i interesuar fillimisht qe te nxise votuesit te marrin pjese ne votime ne zgjedhjet e pushtetit lokal te 8 Majit 2011. Nderkohe qe synojme nga ana tjeter, te trajnojme sa me mire studente te shumte, t'i certifikojme ato ne kete proces trajnimi dhe me pas t'jua propozojme partive politike per t'i zgjedhur ne procesin e numerimit te votave", pohoi dje kreu i KQZ-se. Kjo sipas Ristanit, si nje menyre efektive qe ne zgjedhjet e ardhshme, procesi i numerimit te votave te kryhet nga studente te kualifikuar dhe jo militante partiake. Ai sqaroi se prej kohesh, stafi i KQZ-se ka nisur trajnimin e studenteve qe do te behen pjese e administrates zgjedhore per zgjedhjet ne prag. I pyetur per nje bojkot te mundshem te anetareve te Komisionit Qendror te Zgjedhjeve, te propozuar nga opozita ne mbledhjet ne vijim, kreu i ketij komisioni tha se "ky skenar ka pak mundesi te ndodhe". Ndonese ne mbledhjen e fundit, tre anetaret e propozuar nga opozita ne KQZ si nenkryetarja Deshira Subashi dhe anetaret Pandeli Varfi dhe Artan Laze, nuk moren pjese ndonese po votohej per buxhetin e KQZ-se per zgjedhjet e 8 Majit. Nga ana tjeter, kreu i KQZ-se foli dje edhe per shperndarjen e buxhetit te komisionit per zgjedhjet ne prag, duke pranuar publikisht se do te blihen rreth 2 mije kuti te reja dhe se infrastruktura zgjedhore do te jete ne perputhje me kodin elektoral. Kutite do te blihen, pavaresisht faktit se procesi i djegies se fleteve te votimit po vijon dhe kutite u boshatisen, pasi sipas Ristanit nje pjese e konsiderueshme e kutive, jane shume te perdorura nga zgjedhjet e shkuara. Djegia e fleteve nga ana e KQZ-se, u realizua ne respekt te zbatimit te nenit 178 te Kodit Zgjedhor, pavaresisht debateve te ashpra dhe ngercit ende politik ne lidhje me transparencen zgjedhore dhe hetimin e zgjedhjeve parlamentare te 28 Qershorit 2009. Ne ditet ne vijim, ne lidhje me procesin e ardhshem elektoral, KQZ do te hedhe shortin per anetarin e shtate te Komisionit Zonal te Administrates Zgjedhore (KZAZ) si dhe do te shpalle menjehere rezultatin e ketij shorti ne baze te procedures se hedhjes se tij. Mbledhja do te zhvillohet diten e neserme.

KJ

[Albo]

Zgjedhjet, PS s’çon komisionerë në KQZ

Dje skadoi afati ligjor për dërgimin e emrave të komisionerëve të niveleve të dyta, për drejtimin e 66 KZAZ-ve, por Partia Socialiste dhe Bashkimi për të Drejtat e Njeriut kanë refuzuar të dërgojnë emrat e komisionerëve. Në këtë situatë, KQZ-ja do të nisë negociata me OSBE-në për zhbllokimin e situatës dhe në të kundërt do të zgjedhë vetë emrat e komisionerëve. Pavarësisht përfundimit të afatit ligjor, KQZ-ja do të presë emrat nga ana e PS-së. Në total bëhet fjalë për 165 komisionerë për KZAZ-të që PS-ja duhet të dërgojë në KQZ, ndërsa PBDNJ-ja duhet të dërgojë 66 anëtarë. Nga ana tjetër, Partia Demokratike ka dërguar të gjithë emrat, LSI-ja ka dërguar vetëm 21, ndërsa plotësimi nga ana e kësaj partie do të bëhet ditën e sotme. Nëse kjo situatë vijon e pandryshuar, atëherë mbarëvajtja e zgjedhjeve lokale do të jetë në rrezik, pasi 66 KZAZ-të në mbarë vendin kanë përgjegjësi kryesore në mbarëvajtjen e procesit të votimit, në veçanti për pjesën e numërimit të votave. Sipas ligjit, nga 66 KZAZ-të në të gjithë vendin, në 33 prej tyre shumicën e anëtarëve e ka e djathta, ndërsa në gjysmën tjetër e ka e majta. Kështu, në 33 KZAZ me numër tek, 4 anëtarë do i përkasin së djathtës, 3 anëtarë për PD-në dhe 1 anëtar për LSI-në. Tre anëtarët e tjerë i përkasin 2 PS-së dhe 1 PBDNJ-së. Ndërsa në KZAZ-të me numër çift do të drejtohen nga PS-ja, e cila do të ketë shumicën, duke pasur 3 anëtarë të vet si dhe 1 anëtarin e PBDNJ-së. Ndër-kaq, dje në Komisionin Qendror të Zgjedhjeve u ngrit edhe problemi i mungesës së tre anëtarëve të opozitës, të cilët kanë bojkotuar mbledhjet e KQZ-së. Anëtari i KQZ-së, Hysen Osmanaj, i kërkoi kryetarit që KQZ-ja duhet të njoftojë Kuvendin për këtë situatë të krijuar, por nuk mori një përgjigje nga Ristani. "Unë kam mendimin se janë shkelur ligjet, Kodi Zgjedhor dhe të gjitha normat. Ne si KQZ duhet t'i dërgojmë informacion Kuvendit për t'i shpjeguar situatën", tha Osmanaj.

Panorama

[Albo]

OSBE, thirrje partive: Dërgoni propozimet për komisionerët në KQZ

TIRANË- OSBE shpreh shqetësimin për vonesat në punën e KQZ-së për zgjedhjet lokale të 8 majit dhe i bën thirrje partive politike të respektojnë Kodin Zgjedhor e të propozojnë komisionerët zgjedhorë.

Përmes një deklarate për mediat, Kryetari i Prezencës së OSBE-së në Shqipëri, Ambasadori Eugen Wollfarth kërkon urgjentisht dorëzimin në KQZ të propozimeve për anëtarë të Komisioneve të Zonave të Administrimit Zgjedhor.

"Jam jashtëzakonisht i shqetësuar në lidhje me problemet që po has aktualisht KQZ-ja. Nga 66 Komisione të Zonave të Administrimit Zgjedhor, vetëm 12 prej tyre janë ngritur pjesërisht brenda afatit të 7 shkurtit 2011. Një situatë e tillë tregon një shpërfillje të hapur për aspiratat demokratike të qytetarëve shqiptarë nga partitë politike. Unë u bëj thirrje partive politike të respektojnë të drejtën e qytetarëve për të votuar dhe për ta adresuar këtë çështje në mënyrë të menjëhershme, pasi dita e zgjedhjeve po afron" thuhet në deklaratë.

Sipas kreut të OSBE-së, KQZ-ja duhet të vazhdojë punën për përgatitjet e zgjedhjeve, ndërkohë që ka kujtuar se afati zyrtar për dorëzimin e propozimeve, 24 janari, nuk është përmbushur.

Panorama

[Zoti Basha]

pse si numerojne gjyqtaret dhe ta mbyllin kete muhabet? Ose, akoma me mire, pse te mos votohet hapur dhe te numerohet vota na cast? Skuthat qe tane frike te votojne hapur nuk duhet te votojne fare.

[Albo]

Berisha: Votimi elektronik, 100% i mundshëm

TIRANË- Kreu i qeverisë, duke bërë apel për pritjen e përfundimit të procesit paszgjedhor në respekt të shtetit ligjor ka përsëritur angazhimin e qeverisë për një sistem të pakontestueshëm të votimit dhe numërimit elektronik.

Gjatë fjalës së tij në mbledhjen e grupit parlamentar të PD-së, Berisha ka deklaruar se numërimi elektronik i votave do ishte përgjigja më e shkëlqyer e disa diskutimeve të panevojshme.

“Qeveria është e gatshme të vendosë sistemin më të sigurtë dhe më të mirë elektronik që ekziston në ndonjë vend në të 4700 qendrat e votimit. Kjo do bëjë të mundur që për Shqipërinë të votojnë qindra mijëra emigrantë shqiptarë, aksionerë me kontribut themelor në zhvillimin e ketij vendi. Votimi elektronik është 100% i mundshëm dhe kërkon vullnetin e mirë të të gjitha forcave politike për ta zbatuar atë”- ka thënë Berisha, duke e argumentuar këtë me rrugën emirë që ka bërë depërtimi I inetrenetit në vendin tonë.

“Ne jemi të aftë dhe kemi të gjitha mundësitë ta shtrijmë atë në cdo qendër votimi të këtij vendi. Uroj dhe dëshiroj që opozita të shqyrtojë me seriozitetin më të madh këtë ofertë, edhe në kuadrin e mbledhjes së sotme të ministrave të jashtëm të BE, jam i bindur se është interesi më i mirë i cdo force politike të angazhohemi me vepra e jo fjalë për të adresuar cdo problem që lind në mënyrën më transparente”- ka thënë ai.

Berisha ka përsëritur thirrjen drejtuar opozitës për të ushtruar pushtetin që i ka dhënë sovrani, duke i kujtuar se do të ketë përparësi në reformën zgjedhore.

Panorama