Permbytje ne vende te ndryshme te botes

[shigjeta]

Shira të rrëmbyer në Kaliforni

Pas rreshjeve të shumta për disa ditë, banorët në jug të Kaliforninë jugore pritën stuhinë më të ashpër deri më sot, me urdhërin për tu evakuuar dhe skuadrat e shpëtimit në gatishmëri. Sinoptika parashikon vazhdimin e reshtjeve në mbarë atë shtet ku vëmendja është përqendruar në jug të Kalifornisë ku një stuhi gjigande pritet të sjellë rrëke shiu, përmbytje, breshër dhe flitet edhe për mundësinë e uraganeve.
Reshjet filluan mbrëmjen e së martën me parashikimet për t’u intensifikuar gjatë ditës së sotme. Dje, zyrtarët dhanë urdhër për evakuimin e 232 shtëpive që shtrihen në kodrinat në dalje të qytetit Los Angeles. Pyjet e këtyre kodrinave u dogjën nga zjarret e vitit 2009 dhe më pas kjo zonë u përfshi nga rrëshqitjet e dheut në shkurt të këtij viti.
Në Los Angeles shirat që ranë për më pak se një javë ishin sa një e treta e reshjeve mesatare vjetore. Banorët e një shtepie në Bel Air shpëtuan për mrekulli kur një pemë u rrëzua dhe shembi çatinë e shtëpisë.
Banjoja dhe dhoma e ndenjës janë shkatërruar tërësisht nga shembja e çatisë. Muret nuk janë dëmtuar, por dritaret janë shkatërruar dhe kemi humbur energjinë elektrike.
Por këto reshje të shumta kanë edhe një anë pozitive. Specialistët besojnë se ujërat do të ndihmojnë në lehtësimin e efekteve të thatësirës që ka karakterizuar atë zonë për disa vite me rradhë.

shkeputur nga VOA

[shigjeta]

http://www.ktla.com/videobeta/?watch...1-5a45dc3ea2d1

[Drit7]

WOW Sa pash emrin e temes thash me vete ve bast shpin e katandin se shigjeta e ka hap me u than njerezve se jo vetem Shqipnia permbytet po dhe Amerika...ajo harron me u than njerezve se ne Amerik a bot njerezit kan siguracione dhe per macokun me ngordh marrin parat ne dor...ne Shqiperi me vdek me njerez e bageti lesht do marresh ...

[DriniM]

Edhe per keto rreshje e vershime e ka fajin Sali Berisha ,perse nuk mbulon dynjane me nje cader-ombrelle e te lejon reshjet vetem kur don e i duhen ps-se se dulles.

[shigjeta]

WOW Sa pash emrin e temes thash me vete ve bast shpin e katandin se shigjeta e ka hap me u than njerezve se jo vetem Shqipnia permbytet po dhe Amerika...ajo harron me u than njerezve se ne Amerik a bot njerezit kan siguracione dhe per macokun me ngordh marrin parat ne dor...ne Shqiperi me vdek me njerez e bageti lesht do marresh ...

Shume largpames je

Mqs i hyre kesaj teme, kush i paguan siguracionet e shtepive, maceve apo qenve?

[DYDRINAS]

22 qytete nën ujë, 200.000 shpëngulen



Shumë njerëz janë të prekur nga përmbytjet në verilindje të Australisë. 22 qytete janë përmbytura dhe rreth 200.000 njerëz shpërngulen nga shtëpitë e tyre në një zonë më të madhe se Franca dhe Gjermania.






Përmbytjet më të rënda të pesëdhjetë viteve të fundit, janë rezultat i reshjeve shumë të mëdha që kanë rënë gjatë dy javëve të fundit. Kompanitë e Minierave kanë pezulluar tërësisht ose janë mbyllur pjesërisht dhe porti Bundaberg është mbyllur. Kjo ka sjellë dhe ndalimin e eksportit të sheqerit. Nga porti i qytetit te sheqerit eksportohen çdo vit 400.000 ton sheqer.
"Nëse porti mbyllet për disa ditë, kjo nuk do të jetë një problem i madh, por një mbyllje më e gjatë do të jetë shumë shqetësuese,''thotë drejtori i një fabrike sheqeri.

Krokodilat dhe gjarpërinjtë

Autoritetet presin që sipërfaqet e përmbytura do të rriten deri të dielën. Ata kanë paralajmëruar për pasojat për shëndetin publik. Gjithashtu, populli i Queensland është këshilluar që të tregoje kujdes nga krokodilat dhe gjarpërinjtë në zonat e përmbytura.

Australia, sipas KNMI Australian, kurrë nuk ka përjetuar një pranverë kaq të lagësht. Jo vetëm në Queensland kanë dalë lumenjtë nga shtrati i tyre, madje edhe në shtetin e New South Wales, ka pasur përmbytje të cilat kanë shkaktuar dëme në bujqësi.

Zjarret në pyje

Në shtetet jugore të Victoria dhe Australinë e Jugut mbizotëron një mot shumë i nxehtë dhe i thatë. Autoritetet atje kanë paralajmëruar për rënjën e zjarreve. Autoritetet i kanë bërë thirrje popullsisë, por gjithashtu dhe turistëve që të jenë të përgatitur për një shpërngulje nëse shpërthen zjarr në zonën e tyre. Deri më tani, janë vërejtur vetëm zjarre të vogla. (/ ANP mvl / KSL)

[shigjeta]

2010-ta, një vit me motin më ekstrem

UASHINGTON-Si e presin dimrin amerikanët? Agjencitë shtetërore të rrugëve dëshmojnë teknikat e tyre më të përparuara për heqjen e borës ... dhe pirgjet me kripë për të shkrirjen e akullit në rrugë.
Shoferët e makinave për heqjen e borës tregojnë sesa e vështirë mund të jetë të drejtosh një makinë të tillë... dhe kjo u pasqyrua me motin e ftohtë më 2010. Në shkurt, më shumë se 50 centrimetra dëborë ra mbi 90 centrimetra që kishte rënë ditë më parë.

Në pjesën tjetër të rruzullit, bora paralizoi Pekinin bashkë me temperatura të ulëta deri në minus 16 gradë celcius.

Por ndërsa Uashingtoni dhe Pekini u mbuluan nga dëbora e dimrit, qytete të tjera u përfshinë nga vapa në verë.

Omar Baddour i Organizatës Meteorologjike Botërore bën të ditur se “Viti 2010 ishtë një nga tre vitet më të nxehta të regjistruara ndonjëherë”. Dhe ja faktet. Së pari, Uashingtoni i përfshirë nga të nxehtit e madh.
"Plasëm nga vapa dhe nuk dua gjë tjetër vetëm të freskohem, tha një grua. Po kërkoj pishinën më të afërt, por edhe ndonjë sistem ujitës nuk do të ishte keq”.

Në fillim të qershor, 32 gradë celcius në Moskë.

“Fëmijët u lodhën nga ngrica dhe tani po kënaqen në diell”.
Një muaj më vonë në Rusi ... zjarret përfshinë pyje ... që u pasuan me evakuime masive.

Gushti në Kinë solli rrëshqitje dheu dhe shira të rrëmbyer.
“Ka të ngjarë që tetë vetë të jenë mbuluar nga dheu”.

Në Pakistan, përmbytjet shkatërrimtare mbuluan një të pestën e vendit.
Po në gusht, një e katërta e platformës së akullit të Grenlandës u fundos në det. Këto fotografi janë marrë gjatë një periudhe katërvjeçare nga projekti për ndryshimit klimatik, Studimi i Akujve Ekstremë.

Ndër ata që kanë paralajmëruar rreth ngrohjes globale për 20 vitet që vijnë ka qënë dhe Bill McKibben.

“Arktiku po shkrin me shpejtësi, Rusia u përfshi nga flakët këtë verë, Pakistani u përmbyt, oqeani ka 30 përqind më shumë acid se në të kaluarën. E kemi vështirë megjithëse temperatura mesatare është rritur më pak se një gradë celcius”.

Shkencëtarët thonë se kjo gradë e vetme mund të rritet ndjeshëm deri në fund të shekullit, edhe kur parashikohet dimër i ftohtë në disa zona. Amanda Staudt e Fondacionit Kombëtar për Kafshët e Egra është bashkëautore e një studime rreth ndryshimit klimatik. “Çfarë më befasoi ishte se 2010-ta mund të konsiderohet si vit i butë në 2050 ose të paktën një vit mesatar ose tipik”.

Kështu që zonja Staudt dhe studjues të tjerë si ajo thonë se duhet të përgatitemi për skenarë të ndryshëm.

Por klimatologu amerikan Patrick Michaels mendon ndryshe.
“Në të gjitha rastet e mëparshme kërcënuese, ose ne u përshtatëm ose ato u ekzagjeruan. Pse duhet të jetë ky rast ndryshe”?

Zoti Michaels thotë se historia ka dëshmuar se njerëzit gjithmonë u pështaten ndryshimeve klimatike. Parashikimi i tij është se trupi ynë, banesat tona dhe mendimet tona do të ndryshojnë.

Një gjë është e sigurtë: temperaturat në mbarë botën u ngritën më 2010 dhe sipas parashikimeve të shkencëtarëve, do të rriten sërish më 2011. Kjo është prirja e klimës së cilës duhet t’i përshtatemi.

(d.b/Zeriamerikes/BalkanWeb)

[shigjeta]

Përmbytje biblike në Australinë verilindore

Mbretëresha Elizabetë ka dërguar mesazh simpatie për banorët
Në shtetin Kuinsland të Australisë verilindore, niveli i lumit vazhdon të rritet duke përkeqësuar gjendjen e krijuar nga përmbytjet.
Një zyrtar i lartë rajonal e ka përshkruar situatën si katastrofën më rëndë prej dekadash dhe të një përmasave biblike.

Zyrtari përgjegjës për Thesarin, Andrew Fraser, tha se pasojat ekonomike do të ishin të jashtëzakonshme.

Humbjet më të mëdha rregjistrohen në bujqësi, turizëm dhe industrinë e minierave dhe atyre u shtohet edhe kostoja e rindërtimit.

Përmbytjet kanë prekur rreth 200 mijë njerëz, prej të cilëve mijëra janë detyruar të largohen nga shtëpitë e tyre.

Përmbytjet vazhdojnë edhe në Rokhampton, një qytet me më shumë se 20 mijë banorë.

Gati 80 për qind e qytetit Emerald, është nën ujë.

Mbretëresha Elizabetë që është kreu i shtetit Australian, ka shprehur shqetësim për situatën dhe i ka dërguar popullsisë së prekur një mesazh simpatie.

BBC

[niku-nyc]

2010 ishte dhe viti me i nxhete ne histori.

Dmth, sa me shume ngrohet planeti aq me shume avull krijohet nga oqeani dhe ajo avull shkon ne atmosfere dhe krijon kohe ekstreme.


Ngrohja Globale sic pritet krijon kohe ekstreme.

[the admiral]

hmmm!!! nuk e di a eshte keshtu, por jam i mendimit qe hapesi i temes deshi te krijoje nje analogji me rastin e permbytjeve ne shkoder...
lol! sa gje qesharake...

na gjeni pak analogji me rastin e debores ne new york, ku kryetari i bashkise, pranoi fajin e tij dhe kerkoi falje!!!!!!
ne shkoder hapen biznes njerezit duke perdorur "barka taksi" dhe shteti sipas disave eshte komplet i pafajshem

New York, NY - Mayor Bloomberg Finally Apologizes for Snow Screw-Ups