Shprehje popullore (Alternative)

[Principat]

Feja e Shqiptarit, asht Shqiptaria!
Feja e Shqiptarit, asht ba partia!

Fshati digjet, kurva krihet.
Shkodra mbytet, kublat grricen.

Armiku dhe lumi, s’flenë.
Rama dhe Berisha, s’vjedhin.

Topi është imi, penalltinë e gjuaj unë.
Topi është president, por penalltinë e gjuan Berisha.

O jetën, o kuletën.
O kutitë, o një darkë n’Strasburg.

Kalova lumin, të dhjefsha kalin.
Mora mandatin, të dhjefsha partinë.

Ku ka tym, ka edhe zjarr.
Ku ka shtet, ka korrupsion.

Gur-gur, bëhet mur.
Rryshfet-rryshfet, s’bëhet shtet.

Qeveria e kapën leprin me qerre.
“Tan Leprit”, s’po kanë ç’i bëjnë.

Moti i mirë, duket që n’mjes.
Fatos Nano, s’po duket fare.

Mali me mal, s’bashkohen.
Berisha dhe Meta, janë bashkuar.

Nusja: për inat të vjehrrës, fle me mullixhiun.
Ngjela: për inat të Berishës, del n’tribunë me Ramen.

Krishti ka falur edhe armiqtë e tij.
Ndoka “fle” me armiqtë e Krishtit dhe Muhametit.

Ç’farë ka shpia, e nxjerr fëmija.
Pyet sekseret e bashkive / ministrive.

Duke pyetur, gjen Stambollin.
Me ç’duket, do fillojmë të “pyesim Stambollin” sërish…

Si asht vendi, bahet kuvendi.
Kuvendi i Shqipërisë (Parlamenti), si pazaret e Sirisë.

Edhe ëngjëlli, edhe djalli; janë brenda tek i gjalli.
Në parlament ështe Jozefina Topalli.

Qepë e vjetër – qepë e re, prapë qepë i vjen erë.
Janullatos! O i pa-berber, mos t’pafshim tjetër herë.

Ligjin e bën Maliqi.
Leshin e tjerrë EULEX(sh)-i.

Rrena i ka kambt e shkurta.
Thaçi i ka durt e gjata.

Kur ikën macja, minjtë hedhin valle.
Se për Dacin, s’po i’a ndi askujt.

Kush ka nge, qet miza n’pe.
Albin Kurti, s’po lshon hiç pe.

Ç’do fis e ka nji pis.
Për ç’do shpi, nga nji parti.

N’atë kishë që shkon, atë mëshirë merr.
Po Ali Ahmeti në ç’kishë shkon?

Kush i kullot deshët, ai qeth dhe leshët.
Po Menduh Thaçi, ç’kullot?

Fshati që duket s’do kallauz.
Pa “viç” n’mbiemër, s’ka Shqiptar n’Tuz.

Besa e Shqiptarit, si purteka e arit.
Hajde t’bëjmë pallë, me “arin” e mërgimtarit…


nga Anton Kaçubaj