te me ndjeni shume forumista por mua ideja me ka pelqyer pa mase ..... te shembesh piramiden eshte ti thuash FUND TRANZICIONIT .....
une them qe kete rradhe me kete propozim kane qene shume vone ..... duhet ta kishin bere ne 97 te pakten ... ne rremuje e siper dy kamiona me "shalqi" e kishin rrafshuar mire me token ..... te keqinj se te keqinj dolen Sala me kompani po te pakte ta kishin bere kete gje .....
"They will not control us, We will be victorious"
C`a te shkruash? Ketu vazhdon mentaliteti "Shkaterroje se e ndertoi Enveri".
Nuk e merr robi mundimin te thote "Cfare fitoj dhe cfare humbas?".
Po edhe Enveri mor mendjendritur nuk i prishi ministrite se i ndertoi "italiani", as Korpusin megjithese harqet e Korpusit formojne M-ne e famshme te Musolinit, dhe as Pallatin e Brigadave sepse ishte "pallati i Zogut" apo i "Jakomonit".
Kanibale!
Vete vendi dhe sheshi i madh pare Piramides per mendimin tim e ben perfekte per Teater Kombetar.
Jo per "qender kulturore" qe ne shqip do te thote "panair gabelesh" dhe as per Parlalesh.
Meqe i kane parate e teperta dhe meqe s`kane mbetur me spitale e uzina pa ndertuar....Parlamenti te ndertohej tek ish-Komiteti Qendror qe duhet rikonstruktuar i tere.
Dhe jo sepse ka qene "godine komuniste" po sepse eshte godine e shemtuar.
-
“Piramida”, qeveria ‘hodhi në erë’ mbi 5 milionë euro
TIRANE-Rikonstruksioni i Qendrës Ndërkombëtare të Kulturës “Pjetër Arbnori” i ka kostuar buxhetit të shtetit shumën marramendëse prej 755.653.240 lekësh. Sipas te perditshmes "Gazeta Shqiptare", kjo është e gjithë vlera e shpenzuar brenda harkut kohor të katër viteve të fundit duke filluar prej datës 31 gusht 2006, në të cilën Këshilli i Ministrave miratoi vendimin nr.593, për transferimin e Teatrit Kombëtar dhe Galerisë së Arteve, në mjediset e godinës që njihet ndryshe si ish-Piramida. Por thekson Gazeta Shqiptare, në finale, qeveria bëri të ditur se shuma marramendëse e shpenzuar për këtë qëllim, do të shkojë dëm.
Dy ditë më parë, në mënyrë të dyshimtë e përmes një votimi kaotik e pa debat, mazhoranca miratoi në Kuvend, me 71 vota pro, vendimin për ndërtimin e godinës së re të Parlamentit shqiptar pikërisht në vendin ku sot ndodhet ish-muzeu i diktatorit, Enver Hoxha.
E si të mos mjaftonte kaq, vetëm pak minuta pasi maxhoranca votoi për ndërtimin e Parlamentit të ri tek piramida, në mbledhjen e qeverisë së datës 21 tetor 2010, miratohet vendimi për t’i akorduar MTKRS 4 milion lekë fonde shtesë për vazhdimin e punimeve për rikonstruksionin e QNK-së me qëllim shndërrimin e saj në Teatër Kombëtar. Në total të gjitha këto shuma të mbledhura sëbashku kapin vlerën 755.653.240 lekë.
Gazeta Shqiptare me pas vijon me kronologjia e shpenzimeve me vendime qeverie rreth objektit, PIramide.
(d.b/BalkanWeb)
Duhet teme e re per mos te biseduar per temat jetike.
Kete e bejne per kamuflazhe qe te ikin nga problemet e medhaja ne te cilat gjendet vendi im i dashur.
Sa te kene dicka te prishin, mire eshte puna. ka edeh tjera lapidare, permendore.. E popull i gjore.
Rrofte xhaxhi Sali!
Lumi ka ujin e paster ne burim
Kombi mbi te gjitha
Ahhh , te shkretet ne .
Pse nuk u bie nje rrufe ketyre plehrave qe kemi per udheheqes ............
Imagjino vizionin e atyre qe bejne politike dhe jane ne pozite.
Te njejten urrejtje kishte edhe Edi rama per komunistet por ja qe sot ai eshte kryetari i partise socialiste qe dikur quhej partia e punes se Shqiperise-ishpartia komuniste
Po eshte sebep per te bere pastrim lekesh dhe per te hapur vende te tjera pune, si dhe per te vjedhur ndonje tender. Po i rruhet shume Sales e Jozit per Shqiperine dhe per leket e shqiptareve.
Ne vend te ndertojne ndonje rruge apo hekurrudhe qe ti sherbej popullit me ato lek, do vene te ndertojne parlamentin e ri. A medet ne per ket qeveri qe se rru fare per popullin. A thua se e ka fajin parlamenti i vjeter qe shteti nuk funksionon ne rregull.
nji gafe e madhe.. kjo..
kjo tregon se.. berisha nuk njeh keshilla ..
se nuk besoj qe mos ti ket then dikush.. ndalu or shoq se.. nuk luhet me lekun e popllit..
po jo o brar ..... mos ja fut kot se koti ..... vendi yne ka shume nevoje per ndryshime rrenjesore dhe per mua ky do te ishte nje fillim shume i bukur .... Parlamenti i ri ne ate truall ka edhe aprovimin tim .... si qytetar i lire i ketij vendi, liri te te cilen e kam fituar qe me ardhjen e DEMOKRACISE kam te drejten time per te mbeshtetur kete ide gjeniale .... RROFTE DEMOKRACIA ....!!!!!
"They will not control us, We will be victorious"
Brarit i kan premtu ndonje gje se keto kohet e fundit e ka kthy pllaken komplet..Postuar më parë nga mesuesi_1
Me gjithe themele Brar,asnji shenje te mos i mbetet.Pas piramides e ka rradhen Muzeu qe vetem kombetar nuk ishte.
Po me Piramidën ç’patën xhanëm?
Adri Nurellari
botuar tek gazeta Shqip
Vendimi i çuditshëm për të prishur piramidën dhe për të ndërtuar aty Parlamentin e ardhshëm ngjalli jo vetëm mërzi për shkatërrimin e kësaj ndërtese emblematike të kryeqytetit, por edhe ngriti shumë pikëpyetje në mbarë opinionin publik.
Gjëja e parë që të bie në mendje është papërgjegjshmëria me të cilën shpërdorohen fondet dhe prona publike. Për Parlamentin tashmë është bërë një konkurs në qershor 2007, është zgjedhur fitues projekti i përgatitur nga Campi, Reinhart dhe Jano, për t’u ndërtuar në pjesën e prapme të ndërtesës së zyrave të Kuvendit. Pak muaj më herët është bërë një rikonstruksion që ka kushtuar mbi 80 milionë lekë, për të cilin u krekos aq shumë Kryetarja e Parlamentit. Po ashtu, ndaj Qendrës Ndërkombëtare të Kulturës “Arbnori” tashmë është nisur një proces rikonstruktimi, janë bërë tashmë punime dhe janë thirrur në të kaluarën edhe konkurse për ta modernizuar piramidën, duke e shndërruar në një qendër të arteve moderne. Të gjitha këto veprime kanë mbajtur kosto nga buxheti, dhe të gjitha ato pare çohen dëm, sepse dikujt i ka shkuar në mendje befas pa përfillur kostot që të heqë dorë nga nismat e mëparshme dhe ta ndërtojë Parlamentin te piramida. Gjithashtu këta vendimmarrës të papërgjegjshëm nuk kanë bërë llogari vlerën e ndërtesës që ka për t’u prishur, edhe pse ngrehina është relativisht e re dhe tërësisht funksionale.
Së dyti, të vjen çudi për mungesën e theksuar të seriozitetit të vendimmarrësve, të cilët nuk e kanë për gjë që të ndërrojnë mendje në rrugë e sipër dhe të vënë në zbatim teka të reja. Kjo gjë dëshmon për një nivel të lartë të arbitraritetit të titullarëve të cilët qeverisin me dorë të hekurt dhe vullneti i tyre është baza absolute, ndërkohë që mungon tërësisht fryma institucionale e vazhdimësisë së impenjimeve të marra më herët, sikurse ishte rasti i projektit të miratuar të Parlamentit, si dhe planeve për transformimin e QNK-së.
Një shqetësim i tretë dhe më domethënës ka të bëjë me vetë vlerën historike të kësaj ndërtese që prej kohësh është shndërruar në një ndër vendet më simbolike dhe karakteristike të fytyrës së Tiranës. Gjithashtu ka të bëjë edhe me vetë domethënien që ka pasur në të kaluarën piramida, duke përfaqësuar si pak ndërtesa të tjera të ngelura në Tiranë gjurmët e së kaluarës. Fatkeqësisht në Tiranë ka një traditë të keqe për të prishur ndërtesat me rëndësi, sikurse ka qenë bashkia e vjetër, xhamitë, kishat, tregu etj., dhe është e pafalshme që ne të tregohemi kaq bukëshkalë me trashëgiminë historike dhe kaq të pakujdesshëm me brezat e ardhshëm që meritojnë të marrin të pacenuara sa më shumë monumente nga e kaluara.
Së katërti, ky veprim tregon edhe një nivel të lartë imoraliteti për sa i përket ligjërimit politik të pushtetarëve, të cilët përdorin standarde të dyfishta sipas leverdisë. Nëse ata do të besonin me të vërtetë në argumentet me të cilat aq zellshëm kanë kundërshtuar gjatë vitit të kaluar projektin e Edi Ramës për ndërtimin e sheshit të Tiranës, apo për shkatërrimin e teatrit disa vite më përpara, ata kurrsesi nuk do të çonin ndër mend të preknin piramidën.
Si pikëpyetje e pestë mund të shtrohen motivet e dyshimta për të cilën është në plan shkatërrimi i piramidës dhe që lënë të mendojnë për vazhdimin e gjuetisë së shtrigave ndaj televizionit më të rëndësishëm në Shqipëri, “Top Channel”. Synimi për t’i përzënë nga ambientet publike të marra me qira si ndëshkim për qëndrimin editorial, është bërë tashmë histori e vjetër, sikurse e dëshmon edhe çështja e turbullt e ish-ekspozitës “Shqipëria Sot”. Gatishmërinë për të “djegur jorganin për një plesht” të kësaj mazhorance hakmarrëse ne e kemi parë për muaj me radhë me rastin qesharak të mbikalimit të “Zogut të Zi”, edhe pse në atë rast të paktën mund të pretendohej ndonjë argument teknik apo procedural, kurse ky i tanishmi është dukshëm një rast tekash apo huqesh.
Së gjashti, në mënyrë të natyrshme të lind një keqardhje për vlerat konkrete arkitektonike të piramidës. Ajo është një ndërtesë shumë autentike dhe interesante, e vendosur në harmoni të mirëfilltë me rrethinat, e dizenjuar e plotë e me karakter të qartë, me një formë që duket si rreze drite, që dalin nga qendra dhe shpërndahen si të ishin krahë shqiponje, duke shpalosur një pamje të hijshme që bën pjesë në aq shumë kartolina dhe fotografi private.
Padyshim, një ndër veprat arkitekturore më dinjitoze të kohës kur është ndërtuar, që dallon shumë prej ndërtesave të tjera që janë në ndërtuar kuturu nëpër Tiranë dhe që shpesh janë plagjiarizma të lodhura të kopjuara nga tjetërkund.
Në rend të shtatë vlen të përmendet edhe shqetësimi për zvogëlimin në përgjithësi të ambienteve publike, të cilat i shërbejnë zbukurimit dhe pasurimit të jetës së qytetarëve. Pra, një vazhdim i shkatërrimit të shesheve, parqeve apo ambienteve sportive, duke zvogëluar mundësitë për të pasur një jetë të shëndetshme kulturore e sportive, ndërkohë që popullsia e kryeqytetit është duke u rritur. Në një vend të varfër si yni, QNK-ja ishte shndërruar në një oaz e pikë reference për jetën modeste kulturore e artistike të qytetit dhe ka gëluar me ekspozita, shfaqje, koncerte, panaire e seminare. E gjithë kjo hapësirë për këto aktivitete do të zhduket e nuk do të kompensohet tjetërkund, duke pësuar fatin që patën parqet e lulishtet, palestrat si ajo e “Qemal Stafës”, pishinat dhe pjesë të kompleksit “Dinamo”, ish-ekspozita “Shqipëria sot” e kështu me radhë.
Një shqetësim i nëntë lidhet me shanset që ofronte projekti i një Parlamenti të ri për të vënë në jetë idenë e Tiranës policentrite, që aq shumë është proklamuar në retorikën e fushatave nga të gjitha forcat politike. Nëse do të ishte me të vërtetë e domosdoshme pasja e një ndërtese të re, atëherë alternativa më e mirë do të ishte që Parlamenti i ri të ndërtohej krejt nga e para në periferi të Tiranës, pse jo në Kinostudio apo Kamzë për t’u dhënë jetë e rëndësi zonave në zhvillim dhe për ta çuar Parlamentin sa më afër popullit dhe sa më larg bllokut (të ri apo atij të vjetër).
Në numrin e 10 të çudive që ngjall nisma, një ndër më të mprehtat është padyshim edhe çështja e kostos së ndërtimit të Parlamentit të ri. A është me të vërtetë e domosdoshme kjo ndërtesë pikërisht në këto kohë të vështira ekonomike, ku buxheti është i mbytur në fyt me borxhe dhe qeveria ka nisur shkurtime kudo e ka lënë përgjysmë të tjera projekte infrastrukturore? Pse vjen pikërisht tani ndërtimi i një ndërtese luksoze të re, “qeresteja” e së cilës mund të shkojë në dhjetëra milionë euro, kur Kryetarja e Parlamentit bën shkurtime të skajshme në shpenzimet e tjera operative të Kuvendit e u heq dieta e makina deputetëve? Nëse me të vërtetë nevojitet një sallë e re, atëherë pse mos të përshtatet e përdoret vetë piramida, e cila që në fillim është menduar si ndërtesë polifunksionale. Fundja ku ka më bukur që tempulli i demokracisë të vendoset pikërisht në fronin ku ka sunduar kulti i individit.
Një shqetësim i njëmbëdhjetë ka të bëjë me vetë mënyrën e rrufeshme me të cilën u mor vendimi, pa u konsultuar apo pa e diskutuar publikisht projektidenë e ndërtimit të Parlamentit mbi rrënojat e Piramidës. Gjithë kjo mungesë transparence, gjithë ky ngut, dhe mospyetje e opinionit publik lidhur me këtë nismë, me të vërtetë e ndot në mënyrë të turpshme ndërtimin e një Kuvendi të ri të popullit pa marrë në konsideratë fare mendimin e popullit. Kur pushtetarët nuk janë të aftë të mbjellin, nxisin e marrin konsensus edhe për një gjë kaq teknike dhe që na përket të gjithëve, siç është ndërtesa e Parlamentit të ri, ç’mund të presim pastaj nga realizimi i të tjerave nismave që kërkojnë konsensus të gjerë, siç janë për shembull reformat drastike që nevojiten për gjyqësorin në kuadër të integrimit europian!?
Këto pikëpyetje të mësipërme dhe plot të tjera të ngjashme, dalin natyrshëm kur ballafaqohesh me vendime të pabluara të marra shpejt e shpejt, të ndikuara nga ngarkesa emocionale dhe nga një arrogancë e shpërfillje e skajshme lidhur me opinionin apo mendimin e palëve të tjera. Ka ardhur koha që t’i jepet fund këtij stili delirant dhe amator të të administruarit të pushtetit, duke menduar në mënyrë dritëshkurtër pa marrë në konsideratë impaktin afatgjatë dhe vullnetin e publikut, si dhe t’i vihet fre njëherë e mirë shkatërrimit të monumenteve, që i përkasin memories sonë kolektive dhe trashëgimisë sonë historike.
Po pallatin e kongreseve ka ne plan ta prishi, lol?
Duhet zhdukur cdo gjurme nga e kaluara? Ky Sala me duket si Don Kishoti qe luftonte me mullinjte e eres. WAKE UP!
Feelings change - memories don't.
xD
Deri ku do luftohet komunizmi , deri sa te heqim dhe tullen e fundit ?
Ne cdo vend te botes ruhen disa kodina qe perfaqsojne nje periudh kohe te historis .
Hitleri i ka masakru judet , por kodinat ku ka punuar e qendruar ruhen me fanatizem.
Jeto sot se neser nuk i dihet
murik..
mos te kan premtu ty ndoj furrik..
un shkruaj ne kte forum sepse kam nji bindje.. qe askush nga keta qe merren me politik si une ketu .. nuk ka lidhje me shtet e qeveri e partira.. pra thot cfar mendon.. pra sikurse une.. dhe tjeret thon cfar i thot mendja pa menduar se fitojn ndoj kock..gjekundi..
besoj dhe ti furrik..ashtu..murik.. nuku ke te bec me ndonje parti e qeveri e nuku merr ndoj qindark gjekundi per kto qe thua..
se vaj halli pastaj..
keshtu murik..
ti thac keto qe te rrish i qete.. se nuku kam mbet per qindarkat e pushtetit ne shqiperi.. apo te partive..
kush eshte i dh.jere vet ndoshta.. ashtu mendon dhe per tjeret..
kurse un.. me beso se besoj se askush ketu nuk paguhet per cka thot ketu..
ne teme tani..
msus..
luvri.. ka qen rezidence e monarkise ne franc..
me von republikanizma.. qe i coj dhe ne gijotine ca monarka.. nuku e shembi luvrin.. po e ber galeri arti.. e vete mileti te shikoje..
un ala skam qen.. ne luver po dhe ndonje qef me i pa skam..
me mir shkoj e shikoj po munda.. borshin.. apo divjaken.. ose peshkopine.. lol.
po ashtu ne petrograd.. zimnij dvarjec-i.. i careve.. o msus i nderuar.. nuk u shemb po e ben te famshmen galeri arti.. ermitazh.. qe i thone e qe i turren cdo dite turiste nga gjith bota.. sot e 100 vjet..
po ashtu ne pekin nuk u shemben parqet e ndertesat e famshme te perandoreve..
sikur te na kish plasur naft e gaz sa me u d.hi ne të.. sikurse norvegjise apo nigerise apo arabise.. edhe mund te luhej me kto gjera.. pra prish e nderto te reja..
jemi ne shqiperi..
jemi ne tirane..ku cdo shtylle elektrike i ngjan kokes se nje plake shtrige qe i ngrihen leshrat perpjete..
pra cdo kok shtylle ne tirane mban.. telat e elektrikut.. telat e telefonise.. telat e internetit.. telat e kabell tevese.. telat e dyqanxhiut poshte.. telat e hajdutit lart qe vjedh korent.. telat e dreqit e te birit..
pse..
sepse ska as fuqi as deshir as qeveria as ku.rvo-bashkia ti coje ku e kan vendin..pra nen toke..
se do b.ithe.. do qilizem te nentokes.. e kjo qilizme nuku shitet me metra katror sikurse pallatet e edvin leskajt.. e prandaj nuk e ben kush..
mora shembull vetem dicka te vogel.. me tregu sa nevoja ka para luksit te nji parlamenti te ri..
le po folem per spitale e cerdhe kopshte shkolla.. e pastaj biblioteka e institucione te domosdoshme..
ahu..
pra skemi aq para sa te shembim..
kush shembet?
takova nje dizaj nje arkitekt.. ne shqiperi
e di me tha se x ndertese.. mund te bjere nga casti ne cast sepse.. hekuri brenda betonit te saje eshte shkrumbuar krejt tha..
pra soletat jan tani.. beton i dekompozuar te cilit hekuri i eshte transformuar ne pluhur..
dhe keshtu tha si kjo ndertes jan plot tha ne shqiperi..
kurse piramida eshte e re..
ne fund te viteve 86- e lart u be e aty u shkri krejt paraja e popllit dhe krejt talenti i inxhiniereve e teknikve me te mire qe kishte shqiperia..
ato pllakat e bardha te mermerit.. qe ka tall b.ithen rrugacera e tiranes mbas 90 tes.. .. kan ardhur nga barcelona.. cop per cope te mbeshtjella sejcila me ambalazh special.. e vaporri madh e maunja madhe shku e ja per ti marre.. e pra kan kushtuar nje djall e gjisem..
ishte nje marrezi e ramizit ajo pune..
tani ajo u be..
pra djersa e paraja u harxhua..
pse me e prish?
per taulant ballen?
apo per tako ngjelen..
po Jo o msus.. se fatos beja e ed paloka.. bejne pARLAMENT DHE NE NJI BARRAKE AKSIONISTESH..
PRA JEMI PARA NJI BUDALLAKIE QE.. PO U BE.. SALI BERiSHA VETE NE BURG MBAS DISA VITESH.. per k.oqe tallje me parane e shtetit..
kjo do jet akuza..
nikoqirlliku.. eshte cilesia e nji burrshtetasi modest..
megalomania eshte krim ndaj popullit..
as qe hyn enveri ne keto ceshtje..
eshte thjesht ceshtje.. e respektit per djersen e popullit.. ose..e mos kokcarjes per kte pasuri.. dhe.. plus pastaj.. injorance e pafalshme..
vetem se e kan shprehur kte ide.. jozi me saliun.. kan humb shum pike..
tmerresisht shum..
kush i meson kta te dy te bejne kte gomarllik kaq te madh.. e kte sherbim fantastik bllokqenve..
turp te ken te dy..
ose dikush po i drogon e te dy kan shkalluar..
nuk ka per tja fal kush kte shperdorim te pasurise se shtetit..
..
Brari, nuk e besoj qe e ki me gjithemend, por ke bere shaka! Megjitheate pershendetje.
Nuk me interon partia hiq, por me intereson se pse jan vra shqiptaret mas lufte.
Dakord mer Brar, por pse munohesh me fol si lab s'e kuptoj?
Mendoi qe bunkerat ne shqiperi, jan gjeja me e turpshme qe kujton te kaluaren e keti vendi.
Piramida ka mund te ruhet si simbol i se kaluares, i vemti problem : Po kushton shtrenjt ne mirmbajtje ! Pata lexuar dikur ...
"Shqiptar, Elhamdulilah"
Ore shum i llogjikshem me dulket ky Brari mua, nese ky eshte Brari atehere i bie ket qene me studime gjith ket kohe dhe se tani eshte pjek e flet me llogjik. Sa per ju te tjeret nuk kam piken e dyshimit se jeni autentiket, dukeni jo per gje...
Ps: Brari me gjith mend me ke habit, ke fol tamem si nje qytetar i thjesht. Do me marri malli per ate Brarin e mitingjeve...
Albtelekom asnjë investim për kabllot e internetit, Tirana si rrjetë merimange
Muret dhe tarracat e pallateve “nxijnë” nga kabllot
Kabllot e internetit e të telefonit të lënë nga Albtelekom në mëshirë të fatit duket se kanë zaptuar gjithë kryeqytetin. Në çdo lagje të kryeqytetit kabllot që janë vendosur për shërbimet e internetit e të shërbimit të telefonisë fikse janë vendosur herë të kapur nëpër shtylla e herë teknikët e papërgjegjshëm të Albtelekomit i kanë lënë të valëviten nëpër ajër.
Për këtë shkak ndodh shpesh herë edhe ndërprerja e linjave për shumë kohë. Kompania e shpërndarjes së telefonisë fikse nuk investon për përmirësimin e shërbimit ndaj klientëve. Problemet e shumta me rrjetin e shpërndarjes së linjave të telefonisë fikse apo linjat e tjera që shpërndan Albtelekom, janë të panumërta. Por më problematik se këto është fakti se kudo në të gjitha zonat e kryeqytetit, syri të sheh litarë pa fund. Duke marrë shkas nga ky problem i cili jo Aëm për syrin e keq por edhe shpesh për bezdisjen ndaj banorëve të cilët edhe pse paguajnë për internetin e telefonin nuk gjejnë shërbimin e kërkuar gazeta “SOT” sipas një vëzhgimi të kryer ditën e djeshme ka konstatuar se edhe pse nga Albtelekom është konstatuar se ka filluar sistemimi i rrjetit të kabllove nën tokë kjo gjë duket sikur nuk ekziston. Kudo në lagjet e kryeqytetit duket sikur kabllot kanë zaptuar edhe atë pak hapësirë boshe, që gjendet midis ndërtesave e pallateve. Miliona kabllo varen edhe në afërsi të dritareve të qytetarëve. Por jo vetëm kaq, në kohën me shi këto kabllo janë krejtësisht të zbuluar e shpesh herë linjat e shërbimeve të ofruara nga Albtelekom për internetin e telefoninë fikse ndërpriten duke krijuar probleme për qytetarët. Si e vetmja kompani e cila ka përgjegjësi për rrjetin e linjës së telefonave Albtelekom ka lënë në qiell të hapur miliona kabllo që shpërndajnë në familjet e kryeqytetasve linjat e telefonit, dhe në lidhje me këtë nuk ka vënë në zbatim asnjë projekt. Telat të cilët në të shumtën e rasteve priten apo vjetrohen edhe nga kushtet atmosferike duket sikur janë me miliona, nëse përpiqesh vërtet ti numërosh. Kjo formë e shpërndarjes së linjave të telefonit, duket sikur ka zaptuar kryeqytetin dhe është kthyer për të në një rrjetë të vërtetë merimange.
gazeta sot.
-----
kush na sjell ndoj foto nga lesh e lija ne tirane?
Te shembet dhe te digjet toka per ndene te per 40 dite e nete me radhe.
Cfare i takon Enverit..tju jepet te bijve dhe merr fund kjo histori me piramida dhe Keopsa.
Ata qe i ha meraku per paret e atij populli jane bijte e atyre qe ja moren shpirtin atij populli per me ndertu njat soj permendoreje per Enverin e Markesizem Leninizmit.
Ajde...Perpara nga fitorja ne fitorje....
Regullat e Postimit
Përgjigju Duke Cituar
Krijoni Kontakt