Paragjellë Orizi Me Perime - Ora

[prishtinase]

Përbërësit:200 gr oriz,4 vezë,
4 tranguj turshi,
1 spec i kuq turshi ose i freskët
,1 filxhan bizele,
300 gr majonezë,ose ½ kg ajkë kosi,
100 gr kaçkavall,
100 gr proshutë e tymosur
,kripë,lëng limoni,
1 lugë mustardë(senf) dhe disa kokrra ulliri.



Në tenxhere me dy litra ujë të nxehtë me kripë,
zihet orizi për 15-20 minuta,shpërlahet me ujë të ftohtë
dhe kullohet mirë.Vezët zihen 8 minuta prej çastit
kur fillon të vlojë uji,qërohen,priten në disa
rrathë të bukur (për orë).Pjesët e mbetura priten në pjesë
të imëta,sikurse edhe specat,trangujt,kaçkavalli,
proshuta dhe përzihen mirë e me kujdes me djathë,
bizele të ziera,oriz,lëng limoni dhe me gjysmën e ajkës
ose majonezës.Masa e përgatitur derdhet në një pjatë të cekët
të rrumbullakët,paksa më të madhe.Sheshohet mirë,lyhet me ajkë dhe
mbi radhiten vezët e prera në rrathë.Nga kokrrat e ullirit ose nga lëvorja
e trangullit priten pjesë të gjata për numrat dhe akrepat e orës.
Sallata përreth mund të zbukurohet me fletë sallate të gjelbër,
kopër,rrepka të kuqe ose ullinj.Kjo paragjellë, që mund ta zëvendësojë darkën,
zbukurohet sipas shijes së amvises.Paragjella mund të përgatitet edhe në mungesë
të ndonjërit nga artikujt e përmendur.Është atraktive sidomos nëse servohet
kur edhe është ora e caktuar për t’u ngrënë.