"Qemal Stafa" bëhet ekstra-modern

[{A_N_G_E_L_69}]

“Qemal Stafa” 70 milionë euro për rikonstruksionin


Edhe tri ndeshje deri në tetor e më pas, lamtumirë, dhe shihemi pas 18 muajsh. Kapaciteti ndryshon pak, do të jetë me 20.000 vende ulur dhe i gjithi i mbuluar



Përcaktohen të gjitha modalitetet për rikonstruksionin e stadiumit “Qemal Stafa”. 70 milionë euro dhënë nga një kompani zvicerane si kredi për ndërtimin e tij, 20.000 vende asnjë më shumë e njëkohësisht vetëm tri ndeshje të luajtura. E thënë më shkurt ndeshjet ndërkombëtare për skuadrat shqiptare në Evropë (Tirana) si dhe tri për kombëtaren e tetori është afati i fundit, kur stadiumi do nisë punimet për rikonstruksionin e tij.

Më në fund duket se gjithçka është gati dhe pritet vetëm vendosja e firmës mbi letër për të nisur punimet. Pas shumë hamendjeve dhe hezitimeve, pavarësisht se kryeministri Berisha kish deklaruar se stadiumi do jetë gati për 100-vjetorin e Pavarësisë, gjithçka do nisë nga tetori i këtij viti, e mbase ogur i mirë është fakti që ai do nisë punimet në prag të 100-vjetrit të krijimit të shtetit shqiptar I programuar dhe ideuar më parë për një kapacitet prej 25.000 vendesh, palët, pra federata e futbollit, qeveria shqiptare dhe kompania që do bëjë punimet kanë rënë dakord në reduktimin e numrit të tifozëve, nga 25.000 në 20.000, ose afërsisht rreth 4 mijë vende më shumë se sa kapaciteti aktual i “Qemal Stafës”. Arsyeja ka qenë kosto e lartë, pasi stadiumi do rindërtohet plotësisht. Këtu nuk hyn tapeti, pasi është bërë disa herë dhe kosto e tij në krahasim me gjithë punimet e tjera është thuajse e papërfillshme. Fakti qëndron se vetëm një vend i ulur ne bazë të gjithë parametrave të caktuar të stadiumeve në Evrope kushton rreth 1.500, gje e cila do të thotë që një shtim prej 5 mijë vendesh do të thotë një shtim të vlerës prej 7.5 milionë euro, shifër kjo e papërballueshme nga pala shqiptare. Megjithatë me një sy të lehtë, një stadium prej 20.000 vendesh dhe shumë modern është krejtësisht normal për kushtet e Shqipërisë. Natyrisht nuk jetojmë në Londër, kur stadiumi hap portat vetëm kur luan kombëtarja shqiptare. Mbase kur luajnë kuqezinjtë 20.000 vende janë pak, ose edhe shumë pak, por 5-6 ndeshje në vit (edhe ato nuk dihet nëse stadiumi do mbushet e kjo vjen thjesht si pasojë e gjendjes së kombëtares) kapaciteti i tij duket se është krejtësisht normal. Në kushtet ngritjes së parkingut (nuk cenon aspak stadiumin, apo punimet për rikonstruksionin e tij), kalimit të tij në një impiant modern, më në fund duket se edhe Shqipëria do ketë një vend, ku njerëzit të shohin ndeshje futbolli, por edhe të argëtohen. Sipas palëve punimet do nisin në tetor dhe brenda një afati 18 mujor ai do jetë gati

Ja pse kundër ndërtimit të “Qemal Stafës”, atje ku është



Nga Armand Drita



Stadiumi “Qemal Stafa” për mendimin tim duhet të kthehet në park të dytë të kryeqytetit, për të cilin kemi aq shumë nevojë. Ju ftoj dhe sugjeroj të mendoni për një qytet europian dhe mos të lejoni asnjë të bëjë presion në emër të sportit, apo ngjyrave të Kombëtares. Zgjidhja duhet t’i rezistojë kohës dhe të jetë për 50 vitet e ardhshme, jo sot për nesër.


Po ju dërgoj një letër, të cilën ia kam dërguar edhe autoriteteve më të larta, jo se jam kundër stadiumit të ri, por është ndoshta gabimi më i madh që mund të bëhet për një qytet modern. Nuk e di me kë u konsultua FSHF që do të ndërtojë një stadium të ri te “Qemal Stafa”, pasi nuk ka asnjë kuptim në asnjë lloj plani, as urbanistik, as tifozdashës, pasi dynd një tmerr njerëzish në mes të një qyteti kaq të vogël siç është Tirana. Nuk e kuptoj sesi ju gazetarët sportivë, që keni shëtitur gjithandej, të jeni dakord për një stadium kaq të madh në mes të qytetit? Ka në botë qytete gjigante që nuk e kanë stadiumin në mes të qytetit, ndërkohë që ne si më të zotët do e bëjmë në qendër, madje do të “shembim presidencën” ta bëjmë. Po jap argumentat e mi më poshtë dhe do të kuptoni që është një gabim ngritja e tij në po të njejtin vend.
1. Kam studiuar e jetur për vite me radhë jashtë Shqipërisë, si dhe kam udhëtuar shumë dhe nuk mbaj mend të kem parë në ndonjë vend evropian të ketë stadium në mes të qytetit, pasi ka disavantazhe logjistike dhe problematika pa fund.
2. Nuk mund të konceptohet një stadium kombëtar me 45 000 vende (ose gati 10% e popullsisë së qytetit) në qendër të një kryeqyteti, si Tirana me një rrjet infrastrukturor krejt të papërshtatshëm, mos të them inekzistent për një fluks të tillë njerëzish. Nëse kaq shumë njerez do të vinin në qendër për një ndeshje i bie që në një ndeshje të kombetares
të pezullohet jeta e qytetit.
3. Pastaj probleme shtesë janë siguria e tifozëve, e bizneseve dhe institucioneve, pasi përleshje ose trazira mes tifozëve mund të ndodhin në mes të qytetit, 50 metra nga selia e Presidentit të vendit dhe jo më shumë se 200 metra nga Qeveria. Çdo rrëmujë tifozësh do të shkaktonte alarm shtetëror, ndërkohë që shpenzimet për sigurinë e institucioneve
do të rriteshin pa fund, por dhe dëmet që mund t’i shkaktohen biznesit do të ishin tepër të mëdha, pasi pronat e kësaj zone janë më të shtrenjtat në vend.
4. Ndërkohë që kemi dhe problemin e paneglizhueshëm të parkingut që në Tiranë është një gangrenë që nuk po zgjidhet për fluksin normal e jo më atë të shtuar. Kurse ne duam të sjellim 45 000 vete në mes të qytetit. I bie një super miting, që nuk ka sens në asnjë vend të botës të kalojë nëpërmjet mesit të kryeqytetit.
5. Po ashtu në rrethinat e stadiumit është një zone urbane, që mund të shqetësohet nga ndotja akustike e të bërtiturave, e zhurmave të tifozëve. Kjo ndoshta shumë vetëve u duket problem jo ekzistent, por me aderimin në BE është problem që merr zgjidhje ligjore dhe ju siguroj se pala e dëmtuar, pra banorët do fitojnë duke marrë dëmshpërblime apo dhe vendime gjykatash kundër ndeshjeve në orët e mbrëmjes. Kjo do e bënte stadiumin të pashfrytëzueshëm dhe do të humbiste funksionalitetin.
Prandaj, për mendimin tim stadiumi duhet të jetë në periferi të Tiranës, i aksesueshëm shpejt me unazat e reja që priten të bëhen dhe nga shumica e tifozërisë jashtë kryeqytetit. Do ishte mirë të ndërtohej jashtë qytetit, në pellgun mes aeroportit dhe Kamzës, ku aksesi nga veriu e jugu i Shqipërisë, i tifozëve po ashtu dhe i atyre nga Kosova, është shumë më i thjeshtë dhe për më tepër nuk ngarkon fare trafikun e kryeqytetit, që është i ngarkuar siç është. Për më tepër, një stadium me kompleks shërbimesh e biznesesh do të gjallëronte pjesën e varfër veri-perëndimore të kryeqytetit. Për këtë ju siguroj, por jam i sigurtë që dhe ekspertë të ekonomisë, urbanistikës, trafikut, sigurisë së rendit publik do të jenë mëse dakord me argumentet e shtruara. Pranë aeroportit dhe autostradave ke mundësi me të njëjtën shumë lekësh të bësh një stadium me parametra ndërkombëtarë në të gjitha drejtimet, madje me më pak lekë dhe të çosh atje dhe linja të transportit metro apo dhe urban, që do i shërbenin dhe aeroportit dhe stadiumit, si dhe do të ndërtohej parking i bollshëm, duke evituar të gjitha problematikat.
Stadiumi “Qemal Stafa” për mendimin tim duhet të kthehet në park të dytë të kryeqytetit, për të cilin kemi aq shumë nevojë. Ju ftoj dhe sugjeroj të mendoni për një qytet europian dhe mos të lejoni asnjë të bëjë presion në emër të sportit, apo ngjyrave të Kombëtares. Zgjidhja duhet t’i rezistojë kohës dhe të jetë për 50 vitet e ardhshme, jo sot për nesër.

[Bamba]

Sikur te kishte fillu do kishte qene me mire...nejse....

[xhori]

ky armandi ja fut kot fare, duket i papare shumica e stadiumeve jane ne mes te qyteteve ne gjith boten, sa per capacitetin 20mij pak fare shqiperi hesapi shikojme sot per sot si ne cdo fush tjeter nuk mendohet per te nesermen

[Qyfyre]

mire esht 20 mije po te shofim a do behet

[cool_shqype]

20 Minj ....po ping-pong do te luajne aty apo foot-boolll

[Qyfyre]

dhe 20 mij vetem ne disa ndeshje te kombetares eshte mbushur plot, kur vijne shtete me emer. per kampionat po nga 300 per ndeshje eshte mesatarja. ce do me shume ?

[[HD]]

“Qemal Stafa”, fundi i një epoke

Me Slloveninë, ndeshja e fundit ndërkombëtare në këtë impiant





Mbyllja e një epoke. Fundi i një legjende. Ndeshja ndërmjet Shqipërisë dhe Sllovenisë ishte e fundit për stadiumin “Qemal Stafa”, të paktën në arenën ndërkombëtare. Impianti që nisi të ndërtohet në vitin 1939, u hap zyrtarisht më 1946 dhe u zgjerua në 1974 nuk do të presë më ndeshjet e Shqipërisë.

Tashmë ai ka kaluar zyrtarisht në pronësinë e shoqatës “Kuq e zi” dhe kjo i dhënë fund procedurave burokratike për ndërtimin e stadiumit të ri.

Ndërkohë, Insituti i Projektimit të Veprave në Ministrinë e Mbrojtjes po përgatit projektin e shembjes, ku prishja e stadiumit “Qemal Stafa” synohet të nisë brenda 28 nëntorit, si datë simbolike për Pavarësinë e vendit, ndërsa afati për shembjen, që do t’i hapë rrugën ndërtimit të stadiumit të ri parashikohet të jetë 5-6 muaj.

Kërkesa kryesore për impiantin e ri Kombëtar është ruajta e fasadës së Stadiumit “Qemal Stafa”, që cilësohet si monument kulture. Prishja e impiantit do të nise nga pjesa e sipërme e tribunës karshi, pra nga shtesa e vitit 1974, ndërsa shembja e strukturës fillestare është një sfidë më vete. Stadiumi i ri në Tiranë do të ketë kapacitet 21 deri në 23 mijë vende. Kjo edhe sipas studimit të fizibilitetit të FIFA-s.

[marangozi]

Tani po më bën të dyshojë nëse ke qënë ndonjëherë apo jo në Tiranë vitet e fundit.





E kupton që e gjitha zona është rehabilituar dhe rregulluar. Vetëm sheshi përpara stadiumit nuk ka pësuar ndryshime, aty pas Kollonave. Pasi pritej për një projekt të ri dhe askush nuk donte ti hidhte në erë fondet.

Ke Aneksi eshte ketu?
WOW sa paska ndryshuar!!!

Po fushat (aneksi)jane akoma aty?

E sa leke kena lon ke porta 20tces aty.
Shkoshim ke cepi Tirones.

Akoma kam biletat e neshjes me Belget

I ka ardh koha te zevendsohet me nje impiant te ri sportiv Qemal Stafes edhe pse kemi kaq shume kujtime si psh: Tirona - Partizoni 7:3

Duhet nje stadium ku tifozat te jeen shume afer fushes dhe te jene intimidues ne drejtim te kundeshtarit.

[MaDaBeR]

Ke Aneksi eshte ketu?
WOW sa paska ndryshuar!!!

Po fushat (aneksi)jane akoma aty?

E sa leke kena lon ke porta 20tces aty.
Shkoshim ke cepi Tirones.

Akoma kam biletat e neshjes me Belget

I ka ardh koha te zevendsohet me nje impiant te ri sportiv Qemal Stafes edhe pse kemi kaq shume kujtime si psh: Tirona - Partizoni 7:3

Duhet nje stadium ku tifozat te jeen shume afer fushes dhe te jene intimidues ne drejtim te kundeshtarit.

Po fusha eshte akoma aty, e paprekur, shyqyr Zotit. Se kta tanet s'kane turp, e japin dhe per shesh ndertimi, se eshte gjith ajo hapsire aty edhe Fidelit mund t'i dilte ndonje gje interesante.

Ajo rruga aty bashke me fushen perkarshi pritet te jene pjese e stadiumit te ri.

Eshte miratuar Shoqeria Aksionere mes Shtetit dhe FSHF, ku shteti ka 25% te aksioneve ndersa FSHF zoteron 75% te aksioneve. Tashme çdo gje eshte gati dhe vetem ndonje burokraci apo shejtanllik "drejtuesish" mund te ndale punimet per shembjen dhe rindertimin e Stadiumit Kombetar.

PS: Mos e permend kte Tirona 7-3 Partizoni se kam i shok e do merzitet shume kur ta lexoje!

[Qyfyre]

Cani: Ja detajet e stadiumit te ri

Administratori i Shoqërisë Aksionere “Kuq e Zi”, Ardian Cani tregon te gjitha detajet per stadiumin e ri. Ai thote se prishja do te vonoje dhe mund te ndodhe ne fillim te vitit tjeter dhe gjithashtu zbulon se stadiumin do te kete rreth 20 mije vende. Stadiumi mund te mbaje emrin e nje sponsori, dhe tarraca qe pritej te kishte formen e Shqiperise, duket se nuk do te jete me pasi eshte shume e shtrenjte.

- Ardian, vetëm sot jeni ulur në zyrën e stadiumit. Çfarë ka ndodhur në gjithë këto muaj që nga prezantimi publik i faktit që do të ketë një stadium të ri?
- Detajet e vogla ndonjëherë të vonojnë. Shumë peripeci, shumë burokraci, inate personale, shkresa për të firmosur, forma ligjore. Një punë kolosale. Tanimë nuk duam të kthehemi pas. Shoqëria Aksionere “Kuq e Zi” filloi nga puna zyrtarisht. Përfundimisht stadiumi është aset i yni, është bërë vlerësimi i pronës dhe me Vendim të Këshill ittë Ministrave kjo Shoqëri ka për detyrë projektimin, ndërtimin dhe administrimin e stadiumit të ri.
- Çfarë ndodh me administratën e vjetër?
- Ajo është një tjetër shoqëri aksionere e cila është zhvendosur dhe administron “Asllan Rusin”. Nuk kemi asnjë lidhje me atë shoqëri.
- Si është përbërja e Shoqërisë?
- Shoqëria përbëhet nga dy aksionerë. Federata Shqiptare e Futbollit, që ka 75% të aksioneve dhe nga ana tjetër është Shteti ,që përfaqësohet nga Ministria e Kulturës, Rinisë dhe Sporteve, për momentin. Kjo ndarje është edhe në bordin drejtues dhe në vendimmarrje.
- A është ky objekt tani pronë e shoqërisë dhe sa është vlera e objektit?
- Po, po, tanimë stadiumi është aset i yni. Ministria e Ekonomisë ka bërë vlerësimin dhe sipas këtij vlerësimi, vlera e stadiumit është rreth 50 milionë euro.
- Çfarë do të thotë kjo?
- Vlerësimi është shumë i rëndësishëm. Ne për ndërtimin e stadiumit të ri mund ta përdorim vlerën e objektit aktual si kapital për hipotekë. Nëse duam të marrim kredi, atëherë mund të marrim lehtësisht 70% të kësaj vlere. Shpresojmë që të marrim sa më pak të jetë e mundur por patjetër që është një mundësi reale për financim.
- Çfarë do të ndodhë tani e tutje?
- Në këtë stadium, në këtë gjendje që është, duke u drejtuar nga ne do të vijojë të luhet deri në fund të fazës së parë. Vitin e ardhshëm këtu nuk do të luhet më futboll.
- Kur fillon prishja dhe kush do e bëjë atë?
- I kemi kërkuar ndihmë Ushtrisë për prishjen dhe ata kanë caktuar një preventiv. Ka disa dilema pasi urdhri është që të mos përdoret eksploziv dhe ka shumë gjasa që të ketë kosto dhe kohë më të gjatë pasi do të vijnë aparatura të veçanta. Ndërkohë, deri në muajin dhjetor ne do të nënshkruajmë kontratën me një kompani konsulence, teknike, ligjore dhe financiare. Kjo kompani do të na orientojë procedurën e prishjes së stadiumit.
- Sa zgjat prishja?
- Zyrtarisht këtë mund ta thotë kompania e konsulencës,por shpresojmë që të zgjasë rreth 6 muaj. Nuk flitet për shkatërrim, flitet për çmontim. Janë 15 mijë stola dhe kullat e ndriçimit që me siguri do të përdoren në një stadium tjetër. Hapësira prej 35 mijë metrash/katrorë do të rrafshohet dhe do të nisin punimet në kantier.
- Kush është kompania që do të bëjë projektimin dhe ndërtimin?
- Kompania e konsulencës dhe Shoqëria do të përcaktojnë në muajin janar modulitetet e tenderit. Mendohet të jetë një kompani, ajo e cila do të bëjë dhe projektimin dhe ndërtimin. Patjetër që kemi një ide të asaj që do të kërkojmë, pasi kemi marrë konsulencë dhe nga FIFA për këtë gjë.
- Do të jetë kompani e huaj, apo shqiptare?
-E huaj, patjetër që e huaj. Ndoshta kompanitë shqiptare do të jenë nënkontraktuese. Tenderi do të përfundojë deri në qershorin e ardhshëm dhe besohet që në korrik të fillojë nga puna kantieri për ndërtimin.
- Sa vendësh do të jetë stadiumi i ri?
- Kemi diskutuar me FIFA-n në lidhje me këtë çështje. Ata pretendojnë që të mos jetë më shumë se 18 mijë vende. Ne mund ta çojmë deri në 20 mijë vende të ulura.
- Pse, do të ketë edhe vende pa stola?
- Jo, shikoni, marrim një rast, stadiumi i Dortmundit ka 80 mijë tifozë, por 50 mijë vende të ulura. Në sektorë të caktuar stolat bëhen të tillë, që ngrihen dhe njerëzit qëndrojnë në këmbë. Por kjo nuk vlen për ndeshjet ndërkombëtare. Aty do të jenë maksimumi 20 mijë tifozë të licensuar.
- Kapacitet normal?
- Për vende me popullsinë dhe nivelin tonë në futboll, po. Sllovenia dhe Norvegjia përshembull, kanë një stadium të tillë.
- Do të jetë një stadium i mbuluar?
- Fusha, jo, nuk do të ketë tarracë, por për tifozët po, patjetër. 80% e stadiumit do të jetë i mbuluar.
- Vijon ideja që tarraca e stadiumit të ketë formën e hartës së Shqipërisë?
- Jo, sepse ka kosto shumë të madhe. Duhet kuptuar që tarraca është ndoshta nga gjërat më të kushtueshme në stadium.
- Projekti i parë e cilësonte këtë gjë madje në një stadium prej 33 mijë vendesh?
- Hiqeni mendjen nga ajo gjë. Nuk ka qenë një projekt, ka qenë një skicë paraprake. Këto që po ju them janë detaje zyrtare.
- A do të ketë pistë atletike stadiumi?
- Jo, do të jetë stadium futbolli. Në fakt multi-funksional, por vetëm për atletikë jo.
- Flasim për sektorët brenda stadiumit. A do të ketë rrethim, apo do të jetë i stilit anglez?
- Synojmë që të jetë i stilit anglez, po jo aq liberal. Rrjetat pas portave do të jenë, ndërkohë që tribunat anësore do të jenë disa metra larg portës, në ndryshim nga tribuna kryesore dhe përballë, që do të jenë më afër. Rrethime me gardh si deri tani sigurisht nuk do të ketë, por ndoshta tribunat anësore do të jenë të ndërtuara pak më lart për të evituar ndonjë problem me tifozët. Do të jetë një stadium ultramodern, ju siguroj.
- Është planifikuar parkim?
- Patjetër, për të paktën 80 vende.
- Çfarë ngjyre do të kenë stolat?
- Mendohet kuqezi. Nëse krijohet hapësira që në dekor të jetë shqiponja, do të ishte ideale. Është një gjë që shoqëria do ta diskutojë.
- Çfarë do të bëhet me parkimin përballë stadiumit?
- Është një çështje që duhet diskutuar.
- A keni ndonjë ide në parim se kujt stadiumi ndërkombëtar do t’i ngjajë?
- Duke mos hyrë në detaje të vogla, besojmë se stadiumi i Mainzit dhe ai i Le Mansit në Francë janë pak a shumë të ngjashëm me atë që kemi ne në kohë.
- Mund të tregoni kush janë firmat që janë ofruar deri tani për tenderin e projektimit dhe ndërtimit?
- Ka pafund, tenderi do t’i zbardhë. Po ju them që, për shembull, ka dhe kompani koreane të cilat janë duke ndërtuar stadiume në Dubai.
- Kur do të përfundojnë punimet?
- Zakonisht një stadium zgjat 24 muaj. Ne shpresojmë të ruhen këto afate. Ne duam që ndeshjet e shtatorit të 2015-ës, që do të jetë një ndeshje zyrtare, eliminatore për “Europianin 2016”, ta luajmë në stadiumin e ri.
- A do të ketë fushë stërvitore, apo aneks?
- Duam që të kemi aneksin përballë. Por kjo do të ndodhë vetëm nëse na jep lejen Bashkia e Tiranës. Për momentin, në aset të shoqërisë është vetëm stadiumi.
- Si do të jetë emri i stadiumit?
- Është një çështje që do të diskutohet. Rekomandimet janë që emri t’i jepet një kompanie me koncesion kundrejt vlerës së pagesës. Ekziston, për shembull, një kompani që ofron 300 mijë euro në vit për 10 vite që të ketë emrin. Duhet diskutuar sepse kjo është një çështje e ndjeshme, nuk është vetëm çështje financiare.
- Sa do të jetë kostoja e stadiumit?
- Ende nuk janë bërë gjërat konkrete, apo jo, megjithatë ne besojmë se duke llogaritur koston për stol, do të jetë rreth 1600 euro për një vend të ulur. Pra nëse kemi 20 mijë vende, atëherë rreth 35 milionë euro.
- Sa është fondi aktual i Shoqërisë?
- Presim të marrim 1.7 milionë euro nga Buxheti i Qeverisë, para që nuk po i marrim dot. Ndoshta një pjesë e kësaj shifre do t’i kalojë Ushtrisë për prishjen që për ne, nëse ndodh kështu, është OK.
- Si do gjenden fondet e tjera?
- UEFA dhe shteti shqiptar në harkun e 3 viteve punime mund të kontribuojnë me 15 milionë euro. Shteti ka premtuar që çdo vit do të jetë 2 milionë euro për stadiumin.
- Mbesin dhe 20 milionë euro, apo jo?
- Po, është gjithnjë mundësia kredi, që mund ta marrim shumë lehtë. Ky është opsioni i fundit. Ne do të kërkojmë mundësi të tjera. Bashkëpunimi me privatin do të jetë efektiv. 20-30% të hapësirave të stadiumit që nuk kanë të bëjnë me fushën dhe me tribunat mund të jepen me koncension. Ka shumë investitorë të gatshëm. Shoqëria po fillon të ndjejë që zona ku është stadiumi është shumë e preferuar dhe kjo na ndihmon shumë.
- Ka rrezik që procesi të zvarritet për mungesë fondesh?
- Jo, në letër, fondet janë.
- Çfarë do të ndodhë pas ndërtimit?
- Do të administrohet stadiumi, do të administrohen hapësirat, do të shndërrohet në biznes pasi Shoqëria e krijuar ka qëllim fitimprurës.
- A do të luajnë falas këtu klubet?
- Jo, do të luajnë kundrejt pagesës. E rëndësishme është që stadiumi të ndërtohet njëherë.
- Që nga ky moment, çdo lloj përgjegjësie për stadiumin e ka Shoqëria, apo jo?
- Po, po, patjetër. Ana juridike e gjithë historisë ka përfunduar. Tanimë është puna jonë. Patjetër që duhet bashkëpunim me shtetin, se për shembull, leja e ndërtimit do të dalë në Bashkinë e Tiranës. Megjithatë nuk besojmë se do kemi probleme.
- Në Shqipëri shpesh flitet me “do të”. Realisht jeni optimist që do të realizohet?
- Po, e dini pse? Sepse ana juridike, që është problematike, ka përfunduar, vlerësimi është bërë, paratë “janë”. Nuk na pengon asgjë. Ky stadium do të bëhet!
- Ky është një investim shumë i rëndësishëm, apo jo?
- Investim madhor. Në Shqipëri asnjë i tillë nuk është bërë në sport. Maqedonia nuk e ka stadiumin e ri në këto parametra, Serbia e ka të vjetër, ndërkohë që Mali i Zi gjithashtu nuk ka të tillë. Sllovenia bëri një të tillë të ri. Shpresojmë që ta realizojmë në kohë. I kemi të gjitha mundësitë. http://futbollishqiptar.net/