Rikthimi i komunizmit

[Duaje Siveten]

Ndryshoje ate titullin e artikullit.Jo rikthimi i komunizmit por
Si ka mundesi qe ish komunistat akoma e kane pushtetin?

komunizmi nuk ka mundesi te rikthehet, kur ai nuk eshte larguar nga pushteti real, pa folur per mentalitetin e bartur prej asaj periudhe, retushuar me stilin propagandistik bolshevik, shartuar me stilin perendimor ...

aq me teper, siç thote benseven11, ish-at e kane akoma pusht-etin!

[bamatat]

Nuk po kuptoj as une...Mendoni se komunizmi po kthehet serish apo cfare?...Ju lutem kulturen dhe historine mbajeni per vete ketu sillni opinione ne baze te atyre gjerave qe dini se kshu behet edhe e veshtire per te diskutuar...

Po jo moj shoqja ime ! Cfare komunizmi !

Komunizmi , ashtu sicdo sistem tjeter nuk eshte ceshtje individesh , eshte ceshtje shoqerie ne nje shtet apo popull te caktuar !

Edhe tani qe thone "vazhdojne komunistet" , e bejne per te justifikuar fytyren e tyre se poshtersite e te sistemit kapitalist qe eshte ne Shqiperi , nje kapitalizem bastard dhe i fillim shekullit 20 , kerkojne t'i delegojne ish-Komunistit Sali apo Fatos & co , bemat qe i ka vete sistemi ! Keta normalisht qe nuk jane burra shteti , por thjesht braca qe mendojne vetem per ta vjedhur kete vend .

Keshtu e kane injorantet ! Komunizem me prone private dhe ekonomi tregu !!!!???

Dhe presin qe , ky kapitalizmi yne te kaloje gjakderdhjet e Silezise dhe te Lionit apo te Cikagos , qe te behet kapitalizem europian apo "me fytyre njeriu" !

Cfare t'iu thuash derdimeneve ! Ne vend qe te kerkojne llogari atyre qe drejtojne shtetin , qe te bejne detyren qe shteti ka tani ne shekullin e 21 , te kontrolloje dhe balancoje situaten , te mos favorizoje vjedhjen dhe pervetesimin e fondeve publike , te monitoroje interesat publike ne menyre relativisht te kontrolluar dhe te balancuar , ne interes te te gjitheve , e justifikojne duke ju thene "komuniste" !

Nuk e di ndoshta nuk jane injorante , por jane te cmendur !

Nuk arrij ta kuptoj !

[juanito02]

Flamuri me i grisur i lare e i thare eshte ky qe perdor PD e sotme. Duan te trembin njerezit me gogolin komunist. Jane vete keta bartesit e komunizmit qe per pjesen tjeter sajojne gjithfare shigjetash te helmatosura njelloj sic bente Enver Hoxha ne vaktit qe sojin e vet gjetiu e quante revizionist, i shitur per 5 aspra te kapitalizmi, e qindra epitete te tjera ne luften e kafesherore komuniste brenda llojit.
Aq jane bartes te komunizmit keta te pd sa e dhe brenda vetes jane kafshe per nejri tjetrin e kafshojne pa meshire edhe sojin e vet.
Edhe bariu me i humbur i maleve tona e di mire se kush jane bartesit e vertete te komunizmit jane teresisht partia ne pushtet dhe nje pjese e madhe nga opozita.
Shqiptaret jane pjekur tashme dhe ne fukarallekun e tyre po shohin qe falangat komuniste ne te majte e ne te djathte po bejne ceshte e mundur te ruajne pozitat e tyre social ekonomike.

[Duaje Siveten]

Korrieri, 19/11/2010

Jemi në dorë të një bande kriminale

Nga Mustafa Nano

Ka dy ditë që një pjesë e shtypit po flet për një bodyguard të familjes së Berishajve që ka qëlluar me armë mbi trupin e një kamerieri, duke e lënë këtë të fundit të plagosur rëndë. Fillimisht u fol që ai ishte në zgrip të jetës. "Është me orë", thanë.

Tani flitet se e ka marrë veten. Dhe ky është një lajm i mirë. Por ky lajm i mirë nuk na bën dot të harrojmë atë që ndodhi në këtë rast, dhe atë që ka ndodhur në shumë raste në Shqipërinë e këtyre kohëve. E nëse i harrojmë, do të jetë për të keqen tonë. Të të gjithëve. Edhe të bandës kriminale që ka marrë revan. Është mirë që kjo bandë ta dijë këtë gjë.

Është domethënëse kronika e ngjarjes. Vëreni hapat një e nga një! 1. Klienti i një restoranti qëllon me armë mbi kamerierin, me motivacionin se ky i fundit nuk i ndërron tavllën. Gjithkush ka pyetur: ç'është ky i marrë kështu, që vret për punë tavlle?

2. Del lajmi që klienti ishte pjesëtar i Gardës së Republikës. Gjithkush ka pyetur: ku dreqin i psonisin këta gardistë? 3. Del lajmi që ai gardisti me kobure në dorë ishte shofer a bodyguard i djalit të kryeministrit. Aha, u kuptua gjithçka.

Nuk ka më pyetje. 4. Garda, policia dhe PD-ja dalin e përgënjeshtrojnë gjithçka. 5. Të gjitha ato që u përgënjeshtruan dolën të vërteta. 6. Rezultoi që bodyguardi është dhe biznesmen. 7. Autori i plagosjes është sot në arrest shtëpie. Ky është zhvillimi i fundit i kësaj ngjarjeje. E kuptoni?

Çdo njeri tjetër që do të akuzohej për një vepër të tillë penale, do të ndalohej pa një, pa dy. Ndërsa bodyguardin e Berishajve e lënë në ngrohtësinë e shtëpisë. Në fakt, është e sigurt se vetëm në arrest shtëpie nuk mund të jetë ai njeri.

E kush do ta kontrollojë respektimin e këtij vendimi? Policia e Lul Bashës, që edhe urinën nuk guxon ta bëjë pa lejen e Berishës?

Por e keqja nuk ka lidhje vetëm me faktin, që autori i një krimi është duke i shpëtuar ndëshkimit të shtetit. Kjo ka ndodhur e do të ndodhë në këtë Shqipërinë tonë të korruptuar deri në palcë.

E keqja e madhe ka lidhje me faktin, që njerëzit e entourage-it të kryeministrit të vendit mund t'i lejojnë vetes të bëjnë ç'të duan në këtë vend. Ata gëzojnë impunitet të plotë. Ata nuk guxon askush t'i arrestojë, t'i hetojë, t'i gjykojë e t'i dënojë.

Atyre dhe tavllën duhet t'ua ndërrosh. Atyre edhe sytë nuk bën t'ua hedhësh, pasi në një moment çfarëdo vështrimi neutral mund t'u duket i vëngër, apo kanë qejf ata që t'u duket i vëngër. Dhe pastaj, dihet se çfarë ndodh. Mund ta hash në lule të ballit.

Ata janë të mbrojtur nga të gjitha anët. Djali i kryeministrit ndërtoi ditën me diell, tok me ministra, zyrtarë, biznesmenë etj., një aferë korruptive, e cila qëlloi të bëhej shkak për vdekjen e gati 30 vetëve, dhe punët ka rrezik të ecin drejt mbylljes së çështjes për yçkla procedurale apo për mosrespektim afatesh ligjore.

Hë, ka skandal më të madh se sa ky? Ka shembull më të qartë të impunitetit të plotë të një njeriu të pushtetit? Po, ka një skandal më të madh.

Është në rastin, kur babai i një djali të tillë s'e ka për gjë të bredhë nëpër Shqipëri e nëpër Europë, e të akuzojë të tjerët për korrupsion e për veprimtari mafioze; e jo vetëm kaq, por edhe të ngrefoset si paladin i ligjit e kushtetutës, deri në atë masë sa t'ia dalë të fshehë poshtërsitë e tij e të regjimit të tij pikërisht prapa kinse respektit e merakut të tij për ligjet e për kushtetutën e republikës. E në këto rrethana, historia me bodyguardin të duket edhe si një çikërrimë, edhe si gjëja më e kuptueshme.

Çfarë po ndodh? Po ndodh një gjë aspak e koklavitur, por tejet dramatike (ç'është e vërteta, të gjitha gjërat dramatike janë krejt të pakoklavitura): Jemi në rrethanat, kur njerëzit e pushtetit kanë impunitet absolut; jemi në rrethanat, kur pushteti mund t'ia lejojë vetes të jetë edhe kriminal, dhe të mos e gjejë asgjë.

Pse? Ngaqë ky pushtet kontrollon gjithçka, e në këtë kuptim ai dhe të vetët mund të bëjnë çdo krim e çdo shkelje ligjore që mund t'u kalojë nëpër mendje.

Nuk ka se çfarë t'i gjejë. Nëse s'kontrollojnë prokurorinë (në fakt, e kontrollojnë kur të duan; ndonjëherë bëjnë sikur s'e kontrollojnë, sepse duan të na japin idenë që nuk e kontrollojnë), ata kontrollojnë gjykatat; nëse s'kontrollojnë gjykatat (në fakt, i kontrollojnë kur të duan, s'ka gjë se ndonjëherë "janë të interesuar" të mos i kontrollojnë për të na dhënë idenë se nuk i kontrollojnë), ata kontrollojnë policinë; nëse s'kontrollojnë policinë (në fakt, ky supozim është për të qeshur), ata japin urdhër që krimi të fshihet. Si?

Ose duke kërcënuar viktimat, ose duke i blerë viktimat, ose duke i bërë të dyja, si në rastin konkret të kamerierit, i cili "nuk arrin të njohë autorin e krimit". Nëse krimin e nxjerrin gazetarët, këta të fundit sulmohen dhe kërcënohen; nëse s'frikësohen, blihen; nëse s'blihen, margjinalizohen.

E kështu me radhë, me të gjitha institucionet e me të gjitha strukturat e shtetit e të shoqërisë, të cilat, për të përcjellë idenë se bëjnë ndonjë lek punë, urdhërohen apo porositen të organizojnë seminare, ku të flitet për të drejtat e gay-ve në ushtrinë shqiptare.

E shihni ç'bëhet? Këtu një gay nuk di ku të fshihet, ngaqë ka frikë se mund ta linçojnë, ndërsa ca e ca duan t'u mbrojnë të drejtën për të kryer shërbim ushtarak. Hë, nuk të vjen t'u thuash këtyre të seminareve: Ptu!?

Miq, nuk është shaka. Jemi nën një regjim, i cili po kontrollon gjithçka nëpërmjet ose/edhe dhunës së egër, ose/edhe kërcënimit, ose/edhe blerjes, ose/edhe margjinalizimit të faktorëve të tjerë të jetës publike, ose/edhe të kushtëzimit të axhendës së debatit e diskutimit publik.

E sikur të mos mjaftojë kjo, ky regjim ka bërë për vete dhe ca eksponentë të diplomacisë ndërkombëtare (faktori ndërkombëtar ka qenë shpresa ime gjithë kohën, por më kot), siç janë Joseph Daul, Doris Pack etj. A e dinë këta të fundit që janë duke marrë në mbrojtje një regjim kriminal?

Apo edhe këta janë futur në thes prej banditit të Tiranës? Apo edhe këta janë ca qelbësira, dhe aq? Një dreq e merr vesh. Ajo që merret vesh është një gjë tjetër: Shqipëria është e gjitha në dorë të një bande kriminale.

(Marre nga Respublica.al)