Kreshnik Spahiu: “Një komb, një pasaportë”, leter ministrit kosovar

[Andi Ballshi]

Ministri Rexhepi, prapë nxitohet me deklarata

Nga facebooc, këtu Andi Ballshi

Prishtine, 15 korrik - Ministri i Brendshëm Bajram Rexhepi, i cili ditëve të fundit është bërë mediatik për shkak të deklaratav paushalle, kontradiktore, dhe shpeshherë të ngutshme, ka nxituar të deklarohet sërish se misioni i Aleancës Kuq e Zi, Një Komb një Pasaportë është e pamundur të realizohet.
Këtë deklaratë Rexhepi e ka bërë edhe pse ai nuk është kompetent për të dhënë pashaporta të shtetit shqiptarë dhe është kompetencë eskluzive e Shqipërisë të vendosë nëse dëshiron t'i paisë shqiptarët jashtë kufive të saj me pashaporta, ashtu siç veprojnë të gjitha shtetet në regjion, Serbia me serbët e Bosnjes, Kroacia me kroatët e Bosnjes, Maqedonia em minoritetet e saja në disa shtete, Rumania, Hungari apo shumë shtete tjera.
Deklaratën Rexhepi e ka bërë edhe duke pasur parasysh faktin se asnjë ligj nuk ndalon asnjë qytetarë të Kosovës të paiset me pashaportë të Shqipërisë apo të ndonjë shteti tjetër.
Aleanca Kuq e Zi, që përfshin në vete aktivistë nga troje etnike shqiptare në hapësirat e Ballkanit, ka hapur një debat publik duke kërkuar që të gjithë shqiptarët kudo që jetojnë, të kenë një pasaportë.

Duke folur në emër të shtetit të Kosovës, Rexhepi ka rikujtuar se Kosova dhe Shqipëria janë dy shtete të pavarura dhe, praktikisht, ideja një komb një pasaportë nuk ka të bëjë me politikat e të dyja vendeve.

“Ne jemi dy shtete sovrane të pavarura dhe praktikisht është e pamundshme, pra është një projekt i Aleancës Kuq e Zi, që është e drejtë e tyre të mendojmë, por praktikisht është e pamundur. Dy shtete të pavarura me raporte shumë të mira dhe nuk i kemi në plane tona bashkimin kombëtar”, ka deklaruar Rexhepi për Radion Evropa e Lirë.

Ndërkohë, Kreshnik Spahiu, aktivist i Aleancës Kuq e Zi thotë se politika shqiptare ka bërë që jo të gjithë shqiptarët kudo që jetojnë të kenë një pasaportë.

“‘Ti Shqipëri më ep; nder më ep emrin shqiptar’ dhe unë do filloja këtë diskutim se Shqipëria vërtet na ka dhënë nder, por Shqipëria ende nuk ua ka dhënë emrin shqiptar. Në dilemën pse shqiptarët quhen kosovar, tetovar shqiptar, unë do t’ju jepja një përgjigje – sepse juridikisht shteti shqiptar nuk u jep bashkëkombësve të vet emrin shqiptar”, është shprehur Spahiu.

Çështja e pasaportave ndërlidhet edhe me izolimin e Kosovës në aspektin e lirisë së lëvizjes.

Jeton Sopaj, një qytetar nga komuna e Suharekës, ka treguar se ai tashmë është pajisur me pasaportë shqiptare. Ndonëse ka edhe pasaportën e Kosovës, për shkak të pamundësisë së lirisë lëvizjes, ai ka thënë se çmon më tepër pasaportën e Shqipërisë, me të cilën mund të lëvizë pa pengesa nëpër vende të ndryshme të Evropës.

“Qëllimi pse jam pajisur me pasaportë shqiptare, është lëvizja e lirë. E kam pasaportën kosovare, por nuk më kryen punë, gjithmonë jam shërbyer me pasaportë shqiptare. Është privilegj dhe përparësi karshi pasaportave të Kosovës”, ka treguar Jeton Sopaj.

Zyrtarë të Bashkimit Evropian kanë bërë me dije se Kosova ka mbetur e fundit në procesin e liberalizimit të vizave.

Arsyet janë teknike dhe politike, por përderisa këto arsye të mos sqarohen nga Qeveria e Kosovës dhe Bashkimi Evropian, qytetarët mendojnë që të kërkojnë edhe alternativa tjera.

[Andi Ballshi]

Citim: “Ne jemi dy shtete sovrane të pavarura...” Nuk e kemi dëgjuar me vesh, dhe thëne të drejtën nuk besoj se z. Bajram Rexhepi, te këtë thëne pikërisht kështu, duke pasur parasysh një te kaluar shumë të shkëlqyer, dhe nëse vërtetë e ka thënë këtë, mendoj se Doktori duhet sa me pare ta tërheq, nëse nuk e demanton.

z. ministër nëse vërtet mendoni kështu, koha do ta tregoje se keni bërë një nga gjynahet me të rënda dhe më të pafalshme, se dëshira shekullore e shqiptarëve për një pasaporte te vetme do te realizohet, deshi akcili apo jo, se kjo është një dëshirë e shenjtë, se këtë, jam i bindue e keni ëndërruar, dhe për të keni luftuar edhe Ju! Dhe, se, nuk ka tjetër alternativë.

Të të përshëndes doktor, dhe të të uroj shëndet, pavaresisht ketij mekati, qe veshtire te te falet.

[vajz]

e kapi frika edhe Ministrin Rexhepi nga panshqiptarizmi.., kush ka nevoje per armiq kur miqte jane si puna e politikaneve tane

“Një komb, një pasaportë”, Spahiu letër Rexhepit

Aleanca Kuqezi sqaron zyrtarin kosovar për nismën e ndërmarrë

Drejtuesi i Aleancës Kuq e Zi, Kreshnik Spahiu, i ka dërguar një letër ministrit të Brendshëm të Kosovës, Bajram Rexhepit, në lidhje me nismën e ndërmarrë “Një komb, një pasaportë”, e cila disa ditë më parë u prezantua në shtetin më të ri të Ballkanit. “U informova për një intervistë, të cilën ju e keni zhvilluar në radion ‘Europa e Lirë’, në të cilën keni deklaruar ‘për pamundësinë e realizimit të idesë një komb, një pasaportë, pasi Shqipëria dhe Kosova janë dy shtete të pavarura sovrane dhe nuk kanë në planin e tyre bashkimin...’. E ndiej të nevojshme t’u drejtohem ju dhe çdo qytetari me kombësi shqiptare, ku do që jeton, për të qartësuar dhe informuar mbi rrugëzgjidhjet juridike dhe kushtetuese të kësaj çështje, e cila në mënyrë kategorike jo vetëm që nuk cenon pavarësinë e shtetit të Kosovës apo Shqipërisë, por madje shërben në konsolidimin e shtetit juridik në të ardhmen e përbashkët europiane”, shkruan Spahiu. Sipas tij, “së pari, çështja e dhënies së shtetësisë shqiptare nuk është një çështje politike, por thellësisht ligjore, e cila kërkon një regjim të ri juridik brenda standardeve europiane. Së dyti, Shqipëria dhe Kosova duhet të diskutojnë në nivel shtetëror për të gjetur dhe aplikuar ato praktika që shumë nga vendet e rajonit dhe Europës i aplikojnë”. “Së treti, ka një keqkuptim të dukshëm në interpretimin e konceptit ‘një komb, një pasaportë’. Ky definicion nuk nënkupton që 2 milionë shqiptarë të Kosovës do të marrin pasaportë të Shqipërisë dhe do të lëshojnë pasaportën e Kosovës. Koncepti i së drejtës së marrjes së pasaportës së shtetit amë nuk e përjashton dyshtetësinë. Në këtë kuptim, çdo qytetar me kombësi shqiptare, i cili jeton në Kosovë, Mal të Zi, Maqedoni, Amerikë, Holandë etj., do të përfitojë nga e drejta e marrjes së pasaportës dhe shtetësisë shqiptare, por pa hequr dorë nga pasaporta kosovare e Malit të Zi, Maqedonisë, Serbisë, Amerikës, Holandës etj. Për ta kuptuar më saktë nuk ofrohet modeli gjerman, por ai amerikan”, thekson Spahiu. Kreu i Aleancës Kuq e Zi bën të qartë se Shqipëria është i vetmi vend në botë që nuk ka fqinj, pasi rrethohet në kufijtë e vet, nga shqiptarë, pra nga qytetarë me kombësinë e këtij vendi, por që nuk gëzojnë qytetarinë e saj. “Ligji shqiptar është shumë diskriminues dhe nuk u jep prioritet qytetarëve me origjinë shqiptare. Sot numri i shqiptarëve që disponojnë pasaportën serbe është disa dhjetëra herë më i lartë se numri shumë i kufizuar i shqiptarëve që kanë pasaportën e Shqipërisë. Standardet europiane nuk mund të sjellin asnjë pengesë për sa kohë edhe vende anëtare të BE-së e aplikojnë një procedurë të tillë dhe nga Aleanca Kuq e Zi është kërkuar që këto procedura të miratohen në sinkron me Komisionin Europian”, thekson Spahiu.