Prostitucioni,plage e shoqerise shqiptare.

[bursa33]

Kjo eshte nje teme shume e rrahur ketu,gjithashtu dhe shtypi jone e pasqyron jo pak.Megjithese ky fenomen ka perfshire te gjithe E. Lindore,do terhiqja vemendjen tuaj tek nje emision te cilin e pashe dje :

MACINTYRE INVESTIGATES.
te enjten ,9 Maj,2002. tek BBC1.

Ne fillim per ata qe nuk jane familjar me emisionin,.Ky eshte nje cikel hetimesh i bere nga nje gazetar,i cili me grupin e tij shpesh pozojne si pjesetare me te njejtat interesa me grupet qe hetojne.

Donal MACINTYRE,eshte nje djale i ri Irlandez (nga Irlanda shtet) i cili ka nje teknike qe le shume per te deshiruar,e shpesh emisionet e tij te mbajne "te mberthyer: jo aq nga subjekti i cili pasqyron ,por (a jeni gati per kete )... se cdo ti ndodhe Donal-it.

Shpesh eshte patetik,ngaterrohet me kembet e veta,eshte fimijeror ne konfuzitetn e tij e nuk kunervepron asnjehere nen rrezik megjithese nga pamja duket si dikush qe ' can throw a punch ".
Ne nje nga emisionet e tij ju deshen tre dite ,me nje telefon te shtrenjte duke mbajtur ne dore gjithe diten haptazi ,qe dikush t`ia a vidhte.Ne zonen me te varfer te Londres.
Per te raportuar ne krimin e vjedhjes te telefonave te dores qe eshte ne rritje ne Angli.

A ja vodhen do pyesni ju ?!

Po mbas tre diteve ,duke u pergjeruar e pasi dhjetra njerez ne rruge i kishin thene qe mos e mbaj aq hapur nje telefon te tille,ne ni zone te tille,dikush ja vodhi ,tek nje lagje e populluar me zezake (Brixton ) e ne perpjekje per te paguar dike qe tia a kthente telefonin ,ndermjetesi pasi e bleu sesa peshk eshte i mori 40 paund dhe nxorri nje thike duke e "lehtesuar" nga nga Laptopi.

Para nje jave ishte ne Burma,duke hetuar per drogen e armet qe shpendan ky rregjim ne bote,e sic thashe te vjen keq per te kudo qe e ve kemben,ka nje lloj "vulnerabiliteti " ne veprimet e tij ,sa te behesh ti bertasesh ,Donal- mos shko,ti nuk je per keto pune.

Por gjithsesi nuk mund te mos shohesh pas fasades nje njeri te ndershem e me qellime te mira.
Ky eshte Donali,por mjaft me me te.Kete e bej per ato qe nuk e kane pare emisionin a nuk ndodhen ne Angli.
-----------------------------------------------------------------

Dje e kishte rradhen prostitucioni,ne Londer per femrat e marra nga Europa lindore,te cilat shiteshin e bliheshin si produkte bujqesore.
Me beri pershtypje se si nje gazetar,duke komentuar ne menyren e c`kujdesur se si djemte shqiptare po shisnin "prene' e tyre ,y vajza nga Lituania thote:
Dhe nje fermer duket me i shqetesuar kur shet a blen dicka !

Mbi 1400 femra ne vit futen ne Britani per te punuar ketu si prostituta nga E.Lindore.
Pergjegjes kryesore jane 'Albanian pimps ",te cilet sipas policise besohet,qe tani kontrollojne mbi 70 % te prostitutave te Londres.

Ata perdorin dhune e kercenime per ti drejtuar keto femra drejt prostitucinit ne fillim,e pastaj ne menyre sistematike ua vjelin fitimet.

Macintyre perdori nje game te gjere te metodave te hetimit,e nje nga keto hapi "a bogus massage parlour " i thone Souna ne Anglisht,ku jane te supozuar te bejne masazhe apo trajtime bukurie,e etj etj,por ne fakt nuk eshte tjeter vecse nje shtepi publike.

Emisioni ishte i llahtarshem ne kete pasqyrim,shihej sesi vajzat shqiptare,punonin per ca individe te cilen nuk meritonin me shume se nje vakt ne dite.Shihej sesi gruaja shqiptare e dikujt ruante vajzat nga Lituania,sesi morali kish degjeneruar individualisht e familjarisht e ku te vinte per te qare por lot nuk te dilnin.

Ca individe me nje nivel te anglishtes qe nga zero tek minimalja banale,e me nje Shqipe akoma me te percudnuar,flisni,qeshnin,beni pazare e shisnin femra.Keto injorante-kriminele,duket sikur toka i mban se s`ka ku ti coje.Por pasojat e tyre jane katastrofike.

Jo per faktin se kudo qe permendej fjala PIMP,kishte mbrapa ate shqiptar,por se gazetari ore e minute,per mendte 'Organized albanian gangs ' .Nuk kam pare kund te jete shoqeruar emri shqipetar me nje gje me te peshtire.Sa u tulata ne kolltuk,e me dukej vetja si e huaj,duke mos pasur asgje te perbashket me ta ,nuk mjafton vec ti urresh -por ti deshirosh te vekur.

Cdo i huaj qe shihte ate emision nje oresh,ne fund lihej me kete ndjenje qe behet fjale per pjesetare te nje kombi i cili femrat i sheh si burim fitimi per prostitucion,qe shqiptari nuk ka moral ne shoqeri e as familje,qe shoqeria shqiptare drejtohet nga fise e klane ku koncepti i beses-eshte bashkupunimi per nje qellim prostitucionin.

Ky qellimi i vetem i ketyre individeve ishte te shisnin,dicka,dike,pa asnje pasoje,te tille qe fiitonin mbi 300 sterlina ne nate nga femrat e tyre roberesha ,zgerdhiheshin si pa gje te keq,ne bisedim me gazetaret,pasi kujtonin se keto do blinin femra prej tyre.

Por une do permend vec nje rast.

Eni.

Behej fjale per nje vajze te quajtur Eni,e cila nga dialekti mu duk nga jugu,kjo punonte per nje kafshe nga Tropoja i cili c`nuk i bente.Ky individ pohon ne krenari ne kamera (te fshehte ) sesi 4 vellezerit e ketij ketu kishin nga NJE FEMER qe punonte per ta.

Eni e shkreta En,ky nuk ishte emri i vertete ketu,por ai me te cilin e therrisnin klientet,ishte pa dokumenta dhe punonte gjithe naten per te fituar paret e PIMP-it.

Dy djem te mire shqiptare te cilet perkthenin e ndihmuan ne emision (fytyra nuk u dukej ) me pretekse te ndryshme hynin ne Brothel-e (njeri pyeste sikur kerkonte motren e grabitur ) arriten ta kuptojne se eshte shqiptare,dhe nje gazetar anglez pozoi disa here si klient.
Jo se kishte nevoje Eni pasi cdo klienti i tregonte jeten e saj te deshperuar,i thonte qe jam shqiptare e te tjera.Por ne shtepi publike njihej si Grekja - Eni.

Kjo ishte nje vajze konfuze,te ciles vec varferise nuk mund ti jepje shpjegim tjeter.Nuk mund te shkonte ne polici pasi e deportonin.E pimpi i kish thene se po ike , do te vras vellain e vogel.

Donal (gazetari) pasi paguante per disa here me rradhe hyri uke folur me Enin e i ofroi asaj nje shprese.Bisedoi me nje avokate e e tha te behej gati ta braktistie pimpin e saj.Eni pranoi dhe e cuan ne nje vend jashte Londres, te fshehte.

Per te fituar kohe,marrin Jimin ne telefon (nicku i pimpit te saj nga Tropoja) duke i thene qe Enin e ka kapur policia dhe do e deportojne.

Kaluan ca kohe dhe Enin filloi ta marre malli per Jimin,perverse kjo por deshira e Enit duhej respektuar pasi ajo ishte femer e lire tashme.
Donal shkon vete ne klub me Enin,e me roje prane per cdo eventualitet.Pas 4 oresh bisedim ku Jimy shqiptar fliste e s`dinte c`te thonte e gjitha kjo ne kamera,e e Eni fliste e s`dinte c`kerkonte.

-I kerkonte Jimit "llogari" se pse e kish rrahur,perdhunuar,shitur,perbuzur,poshteruar.

-Jimy pergjigjej se ishte xheloz,nuk ishte gay,ishte djale i mire e punetor i cili e donte Enin shume.

Nuk kuptuat asgje.

Keshtu ishte nje muhabet qe kalonte kufijete e absurdit.Te cilin komandanti i 'vice squad" te Londres thonte nuk e kuptoj as une.Jane rrethana qe ngjajne me krimet domestike,ku viktima eshte cuditerisht e lidhur me abuzuesin ,e pas gjithe atyre shpenzimeve,shtepi e indentitet te ri,nje jete e re,kthehen me deshiren e tyre tek abuzuesi i tyre.

Pra besoni ajo por Eni yne tashme u kthye tek Jimy,vullnetarisht.Pa treguar ,vec ne filmim e siper gazetaret kur shohin tek shtepia e Jimit, Enin duke hapur perden.

I filmojne me pas duke luajtur ne park ENIN & JIMIN sebashku duke u ngacmuar,puthur e perqafuar e .... happy ever after.

C`tju them me.
Vertet qe Jimi mund te pershkruhet ven ne nje fjale,KAFSHE,por dhe Eni linte shume per te deshiruar nga zhvillimi intelektual.

Si mund te jusifikohej qe nje vajze e hijshme si ajo,te shkonte me 15 veta ne dite per "hir" te Jimit,rasti i erdhi per nje jete me te mire,te fillonte nje shkolle e te vazhdonte jeten e saj-sensa Jim.

Por jo lidhja e tyre e 'cimentuar" me perdhunime e rrahje ishte me e forte se dinjiteti e jeta si njeri per Enin.

Ky emision me beri pershtypje e ndjeva keqardhje jo vec per Enin qe shanci i erdhi ,atehere kur se priste dhe e flaku me pakujdesi,por per ato Enera te tjere,ato vajza te cilet barbaren i shesin naten rrugave.Ato barbare,injorante te parruar,te palare,te felliqur shisnin e blinin femra cdo dite.Nje prej tyre premtonte te binte tre femra ne jave nga Rusia,Shqiperia e nga ti porosisje .

Shkon pa folur qe policia beri arrestime me pas,sesa e ke nuk e dha,por shume thane.Sepse te gjithe dokumentacionin ja dorezuan policise,gazetaret.Por si do u veje fati Enerave te tjere,te cilet keq ketu , e keq po te kthehen.

Shteti yne i varfer,i le ne balte Enin e shoqet e saj,sa e braktisur duke shpresuar te fitojne me trupi e tyre.

Jetojne nje jete brutale te momentin e flaken si limone te shtrydhur.Eni nuk do ta kujtoje,jo se eshte buallaqe,por ka frike nga e ardhmja se:
Kur ti kaloje "sell by date ' DO FLAKET ME E MJERUAR SE NE FILLIM,PA PARA,MBESHTETJE E E SHKATERRUAR.

C `tju them me ky dokumentar ishte teper shokues per kedo qe e ka pare,ka bere demtime te pallogaritshme ne opinion per shqiptaret,e me gjithese gjithska ishte fakt nuk mund te ndihej nje ndjenje peshtirimi nga gazetaret qe nen flamurin e te vertetes,EKSPOZUAN Mafien e prostitucionit SHQIPTAR .

Jeta e Enit eshte jashte kufijve te pershkrimit sado te shkruaj une ketu,por me keq akoma me vjen per BREZIN tjeter te Enave qe rriten ne shqiperi,e Do shiten per MISH jashte .

Nje anetar ka nje varg ku thuhet:
E sot Shqioni me thuej ku je,Pergjigja eshte ne KUFIJTE ME TE FUNDIT TE POSHTRIMIT.Nje komb qe nuk mbron vajzat e tij eshte i TURPERUAR,pergjithmone.

SHQIPERI MBRO VAJZAT E TUA !

Shqiperi - emri TE ka rene aq poshte sa dhe Eni e shoqet e saj nuk te permendin me,duke thene se jane italiane,greke,bullgare e gjithshka,pasi DHE ne SALLONET E PROSTITUCIONIT EMRI YT ESHTE "HANDICAP " .
dhe aty bijat e tua,nuk thone se jane te tuat,e jo nga e drejta morale qe kane se i le pa mbrojtje e as nga revolta,por nga fakti i thjeshte se emri yt as si sinonim i prostitucionit nuk paraqitet me,e EMRI YT Enin e shoqet e saj i PENGON ne bisnes.

A DI KUSH TE ME THOTE ,SA POSHTE DUHET TE BIERE NJE KOMB QE REVOLTOHET E TE THOTE stop.

bursa33

[Brari]

------------
Aksioni i agjentëve të Antitrafikut ka shpëtuar adoleshenten nga përdhunimi, tortura dhe prostitucioni


Kapen rrëmbyesit e adoleshentes kryeqytetase


E mitura V.K është izoluar për qëllime trafikimi për 4 muaj në Burrel, Peshkopi, Durrës dhe Vlorë


Aleksandra Bogdani
TIRANË- Goditet grupi kriminal prej 5 personash, të cilët kanë rrëmbyer, përdhunuar dhe torturuar për katër muaj me radhë një të mitur nga Tirana. Operacioni, i cili kishte ditë që ishte programuar me të gjitha detajet, ka filluar në orët e para të ditës së djeshme dhe ka përfunduar me arrestimin e pesë personave, të cilët akuzohen për rrëmbimin dhe torturimin, për qëllime trafikimi, të adoleshentes V.K. Operacioni i mësipërm është kryer nga agjentët e Zyrës Antitrafik të Tiranës, të cilët kishin ditë që hetonin këtë çështje. Në prangat e policisë kanë përfunduar Elvis Poçari, nxënës i vitit të tretë të shkollës teknologjike, në Tiranë, Arbër Solla , shofer në një firmë private në Vlorë, Astrit Paskali , Arian Beqo si dhe Gerti Meto, të katër banues në qytetin e Vlorës. Agjentët e Antitrafikut kanë studiuar prej disa ditësh lëvizjet e tyre, duke bërë të mundur më pas edhe arrestimin. Pesë personat e mësipërm, të akuzuar për trafik me qëllime prostitucioni, janë dërguar në mjediset e Drejtorisë së Policisë së Tiranës, ku edhe janë marrë në pyetje. Pesë të prangosurit kanë rrëfyer në polici gjithë lëvizjet e tyre me vajzën ende të mitur, nga Tirana, të cilën kanë tentuar ta trafikonin në Itali dhe, më pas, në Angli.
"Rrugëtimi"
Sipas burimeve zyrtare nga policia, mësohet se pesë personat e mësipërm, në bashkëpunim me njëri-tjetrin, kanë mashtruar vajzën kryeqytetase, inicialet e së cilës janë V.K. Për këtë qëllim, në rrjet është infiltruar nxënësi i vitit të tretë të shkollës teknologjike, i cili ka futur në kurth vajzën e piketuar. Pasi është mashtruar, V.K. është rrëmbyer dhe është mbajtur e izoluar për katër muaj radhazi. Qëllimi i pesë personave, të akuzuar për trafik prostitucioni, ka qenë bindja me çdo mënyrë e vajzës së rrëmbyer që ajo të ushtronte prostitucion në Itali. Gjatë kësaj periudhe, vajza e mashtruar dhe e marrë peng është dërguar në qytetet e Burrelit, Bulqizës, Peshkopisë, Durrësit dhe, më pas, në Vlorë, ku është rrahur dhe është torturuar. Por edhe pas këtyre torturave, adoleshentja V.K. nga Tirana nuk ka pranuar të ushtrojë prostitucion në Itali.
Dhuna
V.K. e kanë rrahur, përdhunuar dhe djegur sistematikisht në pjesë të ndryshme të trupit, madje është detyruar të abortojë fëmijën e saj, në qytetin e Peshkopisë. Tutorët, të cilët qëndronin me të duke e mbajtur të izoluar, kanë paguar 300 paund angleze, që vajza e mitur të abortonte në Peshkopi. Në qytete të ndryshme, viktima e trafikut, V.K., është shitur nga njëri grup në tjetrin, tri herë, kundrejt shumës 4 milionë lekë të vjetër. Nga Peshkopia, nën presion e dhunës dhe të torturës, ajo është dërguar përsëri në Durrës dhe, më pas, në Vlorë, ku pesë personat e arrestuar prisnin çastin e volitshëm për ta hedhur atë matanë detit. Por policia ka mundur të arrestojë katër vlonjatët dhe ndihmësin e tyre kryeqytetas, duke penguar kështu transportimin në drejtim të Italisë së vajzës V.K. Muaj më parë, në Drejtorinë e Policisë së Tiranës, ka mbërritur një denoncim për rrëmbimin e një vajze të mitur. Menjëherë, agjentët e Zyrës Antitrafik kanë mundur të zbulojnë rrjetin e këtij trafiku si dhe rrugën që ata kanë ndjekur, duke lëvizur në qytete të ndryshme për të humbur gjurmët. Më pas, është bërë i mundur identifikimi i personave si dhe qytetet ku ata kishin lëvizur. Për grumbullimin e të gjitha informacioneve të nevojshme, Drejtoria e Policisë së Tiranës ka bashkëpunuar me sektorët e policisë kriminale të Vlorës dhe të Peshkopisë. Pas arrestimit, të gjitha materialet e kësaj çështjeje i kanë kaluar prokurorisë së rrethit Tiranë, e cila do të kryejë hetimet e mëtejshme.
------------------------------------------------------Kulmi---

[bursa33]

Kjo qe ti brari,ke sjelle ketu nuk eshte gje tjeter vecse ilustrim i qarte i "shkalles" se pare te prostitucionit.Ne nje shtet ku femrat grabiten diten e naten me zor e mashtrime,e me forma nga me te ndryshmet.

Ne fillim dua te them,se shtypi ben mire qe i publikon gjera te tilla,e bile duhen bere keto me shume,pasi pavaresisht nga rrethanet,policia i kapi keto kriminele ( e shpresoj se do denohen ,sic e meritojne) por kjo duhet bere detyre e gjithe shtetit dhe e shoqerise.

Ne fillim duhet filluar puna ne Shqiperi e me pas te perhapet me bashkepunimin e shteteve te tjera.Uroj qe raste si ky te jene shume-qe u kapen kriminelet,e te jene teper te pakta-qe e grabiten vajzen.

Eshte tepr e lehte te ngaterrohet shteti shqiptar ne prioritete,pasi probleme ka shume,por nuk do jete gabim qe asnjehere,te filloje perparesia ndaj individeve te tij.Cdo rast i kapur apo mbetur ne tentative nukeshte pak,por duhet bere me shume ,tepr shume.

Shpresoj se do vije nje dite qe femrat shqiptare te mbrohen nga shteti i tyre.

Kalon pa u thene qe raste si ky revoltojne cdo njeri te ndershem,kur lexon sesi bishat perdorin e shqyejne nje te pambrojtur ,e cila kurrsesi nuk meriton ta kish nje fat te tille.Vertet gjynah me vjen per te ,shume.Vec me ka ardhur mire qe i kane kapur e sikur ti rrjepin te gjalle nuk do kenaqesha.

bursa33

[bursa33]

Ne gazeten lokale nje prift (vicar) i nje qyteze ne Angli,nxjerr nje lajm ku thuhet qe :

Sot do bekojme valet.Do notojme me delfinet,e ju lutem pergatituni.Preferojme qe vullnetaret te jene notare te zote.

Nje jave me pas,besimtaret mblidhen para kishes te bere gati,per te shkuar e bekuar valet.Prifti i fut brenda dhe fillon -sermon.

Aty ai pasi ve ne loje besimin e verber qe kane njerezit ne media,fillon te shpjegoje,sesi kjo ishte nje ilustrim i faktit:
Qe cfaredo e shkruar ,sado e pabesueshme apo absurde,nga njerezit -merret si fakt.

Edhe pas kesaj,gazetat tregonin se si nje pjese e besimtareve ishin vertet te zemeruar me priftin,i cili pa ju bere vone pergjigjet:
Nese njeriu nuk do e veje trurin mjaftueshem ne pune,e duke marre te mireqene gjithshka qe sheh te shtypur ne media ,atehere ne qenkemi kthyer ne ZARZAVATE.
-----------------------------

Ndoshta nuk do kisha shkruar me ketu,por nuk mund te rrija pa bere disa korrigjime ne nje artikull te Gazetes Shqiptare " qe megjithese eshte nje gazete relativisht e sakte,ben gafa si te tjerat.

Ky artikull i gazetares se saj eshte botuar dhe ne forumin tone.

C`me beri pershtypje thoni ju :

Nje mungese totale profesionalizmi,pa njohuri te faktit a problemit per te cilin po flitej,naiviteti e ndjenja e inferioriteti nDaj D.MAcintyre "heroit" qe ekspozoi shqiptaret e keqinj ,e banalitete qe ndoshta mund te mos isha lodhur me to.

Ashtu sic i lashe menjane ne postimin e pare.

Gazetarja jone bente nje portret te D.Mcintyre,sikur ajo ta kishte njohur me kohe,e flet me bindje te qarta,sic bejne shume nga meDiat tona.

Por ashtu sic bejne "kaledoskopin" - teleskop,ne perkthime shihet tendenca per te injoruar realitetin,apo moskonfirmimi i lajmeve nga me shume se nje burim.

Lexon biografine e gazetares,per Macintyre,e krijon portretin e nje djaloshi profesional,te patrembur e inteligjent.

Faktet jane pak ndryshe,ky individ (qe kam folur dicka per te ne shkr, e I ) eshte konfuz patetik e aspak inteligjent.

Nese gazetarja do jetonte ne Angli do e dinte kete,por nuk i falet qe te beje portretin e dikujt me Anesi e inferioritet,aqsa krijohet ideja qe ky Kryqetar i vetem -KA BERE NAMIN.

Huliganet e Celsit (si shume te tjere ne angli e ne bote) nuk ishte ai qe i zbuloi.Ata njerez dhunen e kane "fun" e nuk e bejne se ekziston Celsi apo jo.Jane drogmene,rrugace e te keq eukuar.Koha qe shpenzoi Donal me to (2 vjet) prodhoi dy arrestime banale.E per te tjerat nuk kishte asgje qe nuk dihej nga popullsia apo policia angleze.

Ne hetimin qe ben ne nje 'care home' si pune azil pleqesh,ku Donal me "heroizem" zbuloi abuzime e keqtrajtime,policia e akuzon se eshte "kohe harxhues,bombastik e reklamaxhi " .Kjo polici pasi humbi me qindra ore e hedh ne gjyq se u kish humbur kohen me bualliqe patetike.

Hetimin e tij ne Brixton (lagje e Londres) te gjithe e vume ne loje,jo vec shtypi por cdo njeri e pa fare qarte se ai eshte nje djale i mire,por individ konfuz.Te shkrimi i pare kam shkruar per kete episod-ne kete teme.

Per drogen e armet ne Burma ,po ashtu.

Vertete qe ai ka prekur disa ne kallo,por jo aq sa e nxjerr gazetarja jone me reverence.Kushdo nxehet qofte dhe ta filmosh ne televizionin lokal e jo me ne ate kombetar.Ky Donal qe ka frike e nderron aresat ne menyre konstante, del ne "chat show" ku vete Host-i me ironi i kujtojne se kjo nuk eshte menyra me e mire e te fshehurit,e humbjes se gjurmeve.

Se si individet ketu nuk kane televizor e nuk e njohin (ironi) ,kjo i cudit te gjithe,por sesi pretendon ai te rrije undercover,ne te ardhmen ate e i ai.Ndoshta do futet "undercover" nen carcafe.

Kjo gazetare tuafe,perpara se te konfirmoje se kush eshte Irlandezi yne heroik,duhet te shohe nje kasete te ketij filmimi,e te nxjerre konkluzion.
Nuk mjafton qe Donal eshte patetik,i pafte e frikacak por nuk mund te mos shohesh nje fare vreri ndaj Shqipetareve si RRACE.

Kjo gazetare duhej ta kish pyetur se pse ai nuk ka shkuar ne Shqiperi,e te shihte burimin e ketij fenomeni.Prostitucionin nuk e shpiku Shqiperia,e as nuk e menaxhon ajo ne bote.Nje vend ku grate e femrat historikisht jane mbrojtur ,duhet te kete kaluar nje Traume te thelle,qe te preket nga nje fenomen i tille.

Se kush ja dha te drejten debilit Mc Intyre te prodhoje sensacione te tilla ai e di.Por gazetarja jone duhej ta kish vene ne shpatulla pas muri e ti kish thene se pse nuk ka marre mundimin te shkoje ne Shqiperi(me afer se Burma apo Gana) te shikoje familjet,vuajtjet e tyre.Te pasqyroje qe jo te gjithe shqiptaret pajtohen me kete gje.Qe marrja e nje femre ka futur ne gjak grupe te tera familjesh,qe per mire a keq ashtu e mbrojne nderin e tyre me pushke.

Qe shteti i lodhur shqiptar,ben as sa mundet (por jo aq sa duhet) duke kapur kriminele perdite,nga Shqiperia e bota.Pse ai nuk pasqyroi Dicka nga keto.

Me besoni nga plani profesional ai emision ishte BLOZE.
Emocioni,patetizmi e mungesa e preofesionalizmit te tij kete rradhe nuk beri te qeshja si gjithmone me te ,pasi kishte te perfshire Shqiperine.

Qe nga konceptimi ishte tendencioz,e "research" ishte inekzistent.
Pa pretenduar qe ne 1 ore nuk mund te pasqyroje Shqiperine e si eshte ajo.Kujtojme se nje ore majftoi per ta nxire.

Une nuk dua te kundershtoj vetven,e t`ja ul vlerat krejtesisht ketij emisioni,por demtimi ne publik qe ka bere ai eshte i PALLOGARITSHEM.Pasi anglezi mesatar e ai inorant qe nuk e di se ku eshte Shqiperia ne harte,tani e di te pakten se kush jemi ne-sipas tyre.

Tani shume- kujt racisti,do i shtohen dhe "provat" se ne nuk jemi gje tjeter vecse rrace prostitutash e shites te tyre.POSHTERSI.

Kam thene qe nivel nuk kishte.Vertete dy djem shqiptar qe rrezikuan shume per te ndihmuar Donal ,ishin djem te mire.Por kjo nuk mjafton.

Shpjegimet nen ze qe ato benin per Shqiperine e shqiptaret,nuk ishin kompetente,por nga individe qe pavaresisht nga deshira e mire-nuk e kane mundesine intelektuale.


Ndoshta perkthyesit shqiptare te Do.. Macintyre ishin te mjaftueshem per te perthyer ate me Idiotet e Injorantet e rruges, por kjo nuk ishte nivel aspak i mire anglishteje.

Ne shqip lokali SHPATI,nuk kthehet ne SHPATE ne anglisht,ne se nuk e di mos e thuaj,por SHPATI=SWORD, Vec nga "perkthyesit"e Donaldit patetike mund te behet.Nuk eshte e thene qe kushdo te kete dhunetine e gjuhes,qofte dhe ne ate te nenes,por eshte KOPILI ,qe ato individe te percjellin pergjithesime per nje SHTET!!

Nje i huaj qe bisedonte me dy shqiptaret eshte i qarte sesa e flasin ata anglishten,e qe kualifikimet e tyre ne njohjen e Shqiperise jane minimale,te sugjestionuara lehte,e profesionalisht nuk mund te jepen per BBC !


Por prape e them,se ato ishin djem me guxim.Vecse nese do flisnin per Shqiperine a ne emer te saj,duhet te dinin si.
Po ky nuk eshte faji i tyre.

Eshte faji i nje individi te paskrupullt si D .Mac,i cili merr persona te papjekur e te papergatitur per te vertetuar tezen e tij se ne jemi komb bastard.

Kete ai nuk e tha,por niveli im i anglishtes eshte i tille,sa te arrij te kuptoj dhe intonacinin me te vogel nga nje Irlanez injorant.

Gjithashtu gazetarja jone nuk e permend fare Enin e historine e saj.Pasi ajo nuk e ka pare emisionin,por shkruan se c`fare i thone.

Nese do kish kerkuar nje kasete te tij ,qe BBC natyrisht do ja jepte (ashtu si cdo qytetari ) do shihte qe historia e Enit ishte GJYSMA e ketij emisioni,qe vazhonte si linje paralele me,biseden per Sauna -n.

Puna e Enit u be e madhe,u bisedua me nje avakate per te disa here,mbahej nen mbikqyrje Jimy -pimpi i saj e po ashtu u largua nga ata per nje fare kohe, (ajo u kthye prape me deshire.

Pse gazetarja jone nuk i thote qe sic demaskoi Shqiperine e shqiptaret,te demaskoje policine Londineze qe ka 14 pjesetare te "vice squad" per mbi 50.000 prostituta.
Pse nuk i tha qe shteti Anglez nuk i jep lehtesira emigrantit-prostitute,e ne rast denoncimi e deporton ate.
Duke frikesuar me shume vajzat,lene dore te lire kodosheve,e favorizuar pasivisht ,krimin e organizuar.

Te dalim te organizimi.

Nen emocionin e pare pas pamjes se atij emisioni verte u shokova.Por tani me mendje te ftohte them se disa gjera nuk jane dhe aq te frikshme,ndoshta mund te jem gabim.

Jimy i Enit,gjithshka mund te ishte por jo mafioz.Gazetaret meqe ai kishte vene ne makine,nje njoftim per ta shitur,i afrohen i thone duam ta blejme makinen,pine nje birre me te,i thone kemi nje Sauna,e Jimy duke qesh si debil u thote ne qekemi te nje Biznesi.

Me "undercover " se kaq nuk shkon me.

Kulmi,shihet qe eshte nje individ primitiv,idiot e kaq me deficience mendore sa te parin qe i thote ne rruge jam ne bisnes prostitucioni ai i pergjigjet - EDHE UNE.

Sigurisht qe mafia nuk perbehet nga individe te tille,e as nga te tjeret qe Macintyre filmoi.Ca njerez te palare,te cilet noshta mund te ishin te organizuar - ne tru, po askund tjeter.

Femra ato gjenin,por nuk u tha se lituanezja e bukur apo ruset e tjera qe flisnin anglisht mire,teper me mire se pimp-et e tyre e dinin se c`pune do benin qe ne shtepine e tyre.Qe para se te niseshin.Pyeten me pas ne kamera sesa njerezve do u sherbejne e sa kohe do rrine.E natyrisht qe ne cdo moment mund te iknin,ne te shkuaren a ne te ardhmen.

Shkaqet qe i shtynin ato per kete gje ,ato i dine,por sesi ishin bashkuar me shqiptaret nuk u dha aty.Ndoshta i kane njohur rrugeve a i kane ndihmuar te kalojne ato aty (ne Angli) por ato femra qe mbaheshin ne distance gjate pazareve,mund te iknin.Por s`donin,varferia,mungesa e dokumenteve e kushte te tjera i benin te merrnin kete rruge.Vecse organizimi i shqiptareve mund te ishte deri -iku,por jo aqsa i paraqiste konfuzi Macintyre.

Eshte tradite e shqiptareve qe mos te kundeshtojne te thenat a bemat e te "huajit" ,por kur ky hedh balte mbi Shqiperine qofte dhe ne emer te moralit-te pakten ti kerkohet llogari.

Ti shpjegohet ketij se u cane duke folur per te drejtat e myslymaneve,po u behen ure zezakeve aqsa policia tani ka frike ti ndaloje per nje 'stop & search" ndersa per shqiptaret mund te flasesh pa respektin qe perdoret dhe per fiset afgane.

Jam shume e zhgenjyer nga mungesa e profesionalizmit te kesaj gazetareje qe e paraqet Macintyre jo si eshte ai -dhe si njihet nga te gjithe por si dikush qe mendon ajo se eshte.
E historia e tij kalon pa asnje "hard question" apo pikepyetje nga shqiptarka jone gazetare.

Ky emision pati gjera te drejta e prostitucioni duhet demaskuar,ne kemi pjesen tone ne te,por ama nuk jemi vec ne.
Provo ti e thuaj qe Nje shtet Rusia,Amerika,etj ka prostitusionin e mafien ekskluzive -pasi pergjigjaj eshte me indinjate:

Qe keto gjera ndodhin kudo !

Por jo ne emisionin e Macintyre,ku Shqiperia nuk u dha QOFTE DHE ME NJE FJLALE TE VETME,eshte si kudo tjeter.Ka prostitucion,e per popullsi munD te kete me shume se vende te tjera,por ama nuk merren te gjithe me prostitucion.

-Ku ishin shqiptaret qe e denonin ate ne SHqiperi e ne bote?!

-Ku ishin emigrantet e ndershem qe robetohen ne punet me te renda per familjen e femijet e tyre?!

-Ku ishin femrat shqiptare qe studiojne ne Angli e ne bote,te cilat jo vecse shqiptare, por kane dhe intelektin e nuk guxon ti prosituoje njeri?!

-Ku ishte profesionalizmi i gazetarit irlandes,ne paraqitjen e halleve e vuajtjeve te nje populli?!

KERRKUND !

Ne rrjetat e grisura te e Macintyre rane ca peshq te vegjel,te cilet shesin dhe nenat e motrat e tyre ,e kete se kane bere ne Angli por dhe ne Shqiperi,njerez pa moral,pa karkter,pa skill e pa profesione,qe ne cdo vend jane plehra,e shfrytezojne te tjere per veten.

Nuk jepet sesi varferia e detyron njeriun ne humnere,sesi ENI-t megjithese ju dha mundesia per shpetim e refuzoi haptaz ate,aqsa me eshte krijuar ideja se disa individe e ushtrojne me deshire ate profesion,ngaqe jane te shkundur,pertace e te pazote - hapin kembet e mendojne per Shqiperine.

Nje pjese e vogel,dhe rrembehen e kjo eshte fakt,por nga ana tjeter,disa shenja dhe duken.

Une e para refuzoj te BESOJ qe intuita e nje femre do bjere aq poshte sa te shohe Saliun apo Ron ne person -nje femer sado e trashe te jete ajo -te besoje se jane gje e mire.

Mendja e ftohte ta thote,qe nje person i tille,pa pune, zanat,gjuhe e asnje lloj deshire per perparim te vetvetes,dhe ne befte shtate dasma e te martohet me ty-KU DO TE COJE?!

C`do beje ai? Si e me care ky dembel,bastard e parazit do jetoje? E ne mos nxjerrte te dashuren ai do nxjerre gruan,a motren ne treg.
PASI NUK ESHTE I ZOTI PER ASGJE TJETER.

Keto meshkuj prostituta te filmuara atu ,jane te shitur qe ne lindje ,e rralle i kane familjet me te mira se veten.

Nje shkak qe duken shume eshte dhe ky.Pasi shume te dale jane nga pjesa e fundit e shoqerise,qe nuk gezonin respekt ne shoqerine shqiptare e as nuk do e arrijne kete jashte.

Keta individe te piset,pa edukate,injorante,katunare ,e pa asnje perspektive ne jete nuk perfaqsojne Shqiperine,por per fat te keq jane shume.

Jane shume me teper se shqiptaret e sukseshem jashte a ato te rregulluar e qe shohin hallet e tyre.Keta vemje e individe bastarde jane kudo njesoj,si "koleget" e tyre injorante e bastare gjermane angleze a franceze,LLUMI I CDO CIVILIZIMI .

Pasi kushdo qe shet nje femer ka shitur nenen e tij ne rradhe te pare,por atyre nuk u ben pershtypje asgje.E arrijne te shesin e blejne femra lart e poshte,me te vetmin avantazhn ndaj individeve te tjere-se u mungon morali,a me mire me thene:
E kane perdhunuar ate.

Me nje fjale jo vec ata qe ma kane shpifur,por kam nje vrejtje dhe per Femrat qe shkojne me ta.Niveli i ulet,varferia qenia ne shkallen e fundit te shoqerise nuk e justifikon nje femer te shkoje me keta lapangjoze.

Po ashtu shkon pa e permendur me qe jo vetem mediat por shume gazetare shqiptare,ma shpifin perdite e me shume,e jo vec me budalliqet qe bejne,por dhe me sensacionet qe mundojne ti reklamojne publikut shqiptar.

bursa33

[Brari]

Shekulli
--------


PROCESI
Dëshmojnë Idajet dhe Mirije Guma, prindërit e Arlindës, që vdiq e keqtrajtuar nga kunati dhe motra e saj

"Dhëndri e përdori kunatën si prostitutë e më pas, e vrau"

TIRANË - "Vajza me dhëndrin më shkatërruan familjen. Dhëndri më përdori vajzën si prostitutë nëpër lokalet e Tiranës dhe në fund e rrahu për vdekje". Ndonëse nuk ishin dëshmitarë okularë në vendin e ngjarjes, Idajet Guma dhe Mirije Guma, folën dje me mjaft mllef për dhëndrin e tyre, Sajmir Krosi dhe vajzën e madhe Marsela. Në fjalët e tyre kishte vetëm dhimbje. Ata nuk e panë me sytë e tyre vajzën e torturuar Arlindën, e cila pasi jetoi vetëm pak ditë në spital, vdiq duke lënë pas shumë mistere. Prindërit e vajzës thanë dje para gjykatës se fajin për tragjedinë e ndodhur me vajzën e tyre të vogël e kishte dhëndri, Sajmir Krosi që ishte martuar me motrën e madhe të viktimës. Ata u shprehën se kanë dëgjuar nga shumë njerëz që Sajmiri e përdorte kunatën e tij si prostitutë nëpër lokalet e Tiranës dhe nëpërmjet punës së saj merrte fitimet. Prindërit e vajzës nuk ishin në Shqipëri në kohën kur ndodhi krimi. Ata thonë se kanë qenë në Itali, por ngjarjen e kanë mësuar nga një letër që i ka vajtur në shtëpi nga vajza e tyre Marsela. Marsela u ka shkruajtur në letër se Arlindën e kishin rrahur barbarisht njerëz që nuk njihen dhe se ajo pasi kishte vajtur në shtëpi kishte marrë ndihmën e duhur nga motra dhe kunati. Prindërit e të pandehurës Marsela dhe viktimës Arlinda thanë dje se kjo letër u ishte dërguar më shumë për të fshehur gjurmët e krimit. Sajmir Krosi ndodhet i arrestuar në burg, ndërsa Marsela, gruaja e tij, ndodhet në arrest shtëpie. Ajo dje ishte ulur së bashku me burrin e saj dhe të dy akuzohen për plagosje të rëndë me pasojë vdekjen. Para gjykatës foli edhe xhaxhai i vajzës, i cili tha se kishte dëgjuar nga njerëz të ndryshëm se Sajmiri e përdorte mbesën e tij si prostitutë nëpër lokalet e Tiranës. Ngjarja që më pas i mori jetën Arlindës, ndodhi gushtin e vitit të kaluar. Viktima ishte nga Kavaja dhe kishte dëshirë të qëndronte tek e motra në Tiranë për të bërë një jetë më të mirë. Sipas akuzës, vajza është keqtrajtuar nga i pandehuri Sajmir Krosi, i cili pasi e ka mbajtur në shtëpinë e tij është bërë xheloz për daljet e saj në orët e vona të mbrëmjes nëpër Tiranë. Arlinda natën e krimit është grindur me kunatin e saj. Ai i ka kërkuar llogari përse dilte natën nëpër Tiranë, ndërsa Arlinda i ka thënë se ka jetën e saj dhe se bënë çfarë të donte. Por më pas Sajmiri e ka rrahur keqas. Pas ngjarjes, gruaja e Sajmirit është përpjekur të mbulojë gjurmët dhe të dy së bashku e kanë marrë dhe e kanë çuar në spital ku më pas gjeti vdekjen. Para gjykatës i pandehuri nuk e pranon akuzën. Avokati i tij tha dje se viktima ka shkuar në shtëpinë e Krosit, e përdhunuar nga njerëz të panjohur dhe klienti i tij së bashku me motrën e saj, janë munduar t'i japin ndihmën mjekësore.
Alma Çuka

[Brari]

KOHAJONE
-------------------

Prostitucioni, konferenca rajonale ne Berat
Berat - Trafiku i prostitucionit mbledh konferencen e pare rajonale ne Berat. Kjo konference dy ditore u organizua nga rrjeti shqiptar kunder dhunes gjinore dhe komuniteti per mundesi te barabarta. Tema kryesore ne kete konference ishte trafikimi i grave dhe vajzave. Ne kete konference merrnin pjese perfaqesues nga te gjitha shoqatat e ngjashme nderkombetare e OSCE drejtuese te pushtetit lokal etj. Ne kete konference asistonin nenkryetarja e parlamentit shqiptar Makbule Ceco, kryetari i komitetit shqiptar kunder trafiqeve te qenieve njeresore Ndre Legisi si dhe zv/ministri i Rendit Publik Bujar Himci. Ne kete konference ky takim u quajt i rendesishem per nga permbajtja qe eshte krimi e prostitucioni. Drejtuesit ne kete konference vleresuan drejtimet kryesore te programit qe ka ndermarre dikasteri per luften kunder trafikut te prostitucionit, hartimi e kompletimi i kuadrit ligjor si dhe bashkepunimi rajonal ne luften kunder trafiqeve. Synimi eshte ngritja e strukturave te domosdoshme te luftes kunder trafiqeve, krijimi i qendrave te rehabilitimit per grate e vajzat-viktima te prostitucionit dhe investimet ne zonat urbane e rurale per hapjen e vendeve te punes dhe zhdukjen e varferise.

----------------------------------------

"Ne kete konference asistonin nenkryetarja e parlamentit shqiptar Makbule Ceco, kryetari i komitetit shqiptar kunder trafiqeve te qenieve njeresore Ndre Legisi si dhe zv/ministri i Rendit Publik Bujar Himci."

Ndre Legisi eshte nji gangster. Kan vene Ujkun kryetar i tufes deleve. Kulmi.

[Albo]

Raporti i Komisionit Evropian paraqet shifrat e trafiqeve në Ballkan

Shqipëria në krye të listës së trafikut njerëzor

- Në vit rreth 100 mijë klandestinë nga Ballkani synojnë Evropën, thuhet në raportin e Komisionit Evropian

- Rreth 1 milion femra janë shitur për tregeti rreth globit për një vit, nga të cilat rreth 200 mijë kanë kaluar nga Ballkani

TIRANË – Një raport i Komsionit Evropian, e rendit Shqipërinë, krahas Kosovës dhe Rumanisë në tre vendet e Ballkanit që mbajnë "peshën" e "furnizimit" të Evropës me klandestinë në masën 15 përqind, nga rreth 100 mijë prej tyre që synojnë kalimin ilegal nga Lindja në drejtim të Perëndimit. Krahas shifrave shqetësuese, Komisioni Evropian, bën të ditur edhe organizimin e këtij trafikimi dhe drejtimin e lëvizjes së tij. Sipas të njëjtit raport të Komisionit të Evropës, mësohet se trafiku i klandestinëve, kalon nga Azia dhe Lindja e Mesme, në drejtim të Evropës.

Komisioni Evropian ka bërë të ditur, se për të frenuar trafikun klandestin, ka ndërmarrë një sërë masash dhe ka ofruar ndihmë të vazhdueshme kryesisht ndaj vendeve ballkanike ku ky fenomen është edhe më shumë shqetësues. Ndihma më e fundit e Komisionit Evropian, ka synuar në trajnimin e policëve të këtyre vendeve për përballimin e luftës ndaj trafikimit njerëzor. Ndër vendet e Ballkanit vetëm Greqia, Kroacia dhe Maqedonia, nuk e kanë refuzuar ndihmën më të fundit, që ka të bëjë me trajnimin e policive respektive.

Vala e re e rikthimit të së djathtës në vendet perëndimore, ka rinxjerrë në bazë edhe të programeve të tyre, frenimin e trafikut klandestin, përballë pasivitetit të qeverive të vendeve nga e ka origjinën ky lloj trafikimi. Ditët e fundit, qeveria italiane, nën këtë frymë, po aplikon dëbimin e emigrantëve pa dokumenta që ndodhen në territorin e saj. Sipas shifrave të publikuara, mësohet se vetëm këtë vit në Itali, kanë mbërritur rreth 6500 klandestinë.

Pardje në mëngjes, në Vlorë janë rikthyer në Shqipëri me tragetin "Skanderbeg" 94 klandestinë shqiptarë, ndërkohë që një natë më parë, në Rinas ishin rikthyer 140 të tjerë. Sipas mediave italiane, mësohet se gjatë tre netëve të fundit, një valë operacionesh të policisë italiane kanë mundësuar arrestimin e rreth 240 personave, nga të cilët rreth 160 kanë qenë pa dokumenta të rregullta.



Trafiku i mishit të bardhë


Tregtia e mishit të bardhë, ka rritur në mënyrë të ndjeshme krimet në sindikata të ndryshme kriminelësh e trafiku ilegal, bënë të ditur një raport i dy gazetarëve amerikanë David Binder e Preston Mendenhall, të cilët klasifikojnë shqiptarët si kontrolluesit kryesorë të këtij trafiku. Duke iu referuar shifrave, gazetarët amerikanë bëjnë të ditur se rreth 1 milion femra janë shitur për tregti rreth globit për një vit, nga të cilat rreth 200 mijë kanë kaluar nga Ballkani. Zyrtarët thonë se trafikun më së shumti e kontrollojnë shqiptarët që i shesin, e ndihmojnë në trafikun e armëve me para. Por, deri tani zyrtarët e këtyre vendeve megjithëse e pranojnë këtë fakt, ata nuk kanë qenë në gjendje ta vërtetojnë këtë zyratrisht, citohet në raportin e gazetarëve amerikanë. Gazetarët amerikanë David Binder e Preston Mendenhall, ngulin këmbë në raportin tyre, duke vazhduar për të vërtetuar implikimin e qeveritarëve shqiptarë, kur thonë se zakonisht këto aktivitete kanë mbrojtjen e politikanëve të lartë shqiptarë, të cilët janë të korruptuar, thanë zyrtarët lokalë të forcimit të ligjit. Gjyqtarë të korruptuar dhe prokurorë gjithashtu, në Shqipëri shpesh herë ndihmojnë kriminelë të arrestuar.

Për gazetarët Binder e Mendenhall, Bosnja, Kosova dhe FYROM, janë vende ku ka prostituta ruse ose të Europës Lindore, të cilat nën presionin e tutorëve të tyre, detyrohen të punojnë nën kërcënime vdekjeje. Trafikantët janë nga të gjitha grupet etnike në rajon, dhe pavarësisht nga armiqësitë e vjetra e të përgjakshme që kanë ndarë Bosnjen, Kosovën, dhe FYROM, ata kur vjen puna tek droga, armët dhe trafiku i femrave, përsëri punojnë ngusht me njëri-tjetrin, thotë raporti i dy gazetarëve amerikanë David Binder e Preston Mendenhall.

Pavarësisht se sa të holla trafikantët fitojnë nga tregu i seksit dhe armëve e trafiqeve të tjera ilegale, biznesin më të madh vazhdon ta bëjë droga, arrijnë në konkluzionin e tyre gazetarët amerikanë.

Agjencia e Fuqizimit të Drogës së SHBA bëri të ditur se 4 mijë deri në 6 mijë kilogramë heroin, transportohen nga Afganistani në Europën Perëndimore çdo muaj, nëpërmjet Ballkanit ku Shqipëria mban vendin e parë.

Artur BEGA



Berati, zona më e prekur nga trafikimi i vajzave

BERAT – Eshtë zhvilluar dje në orët e para të paradites, konferenca rajonale "Trafikimi i grave dhe i vajzave – krimi pa kufi", me pjesëmarrjen e organizatave jo qeveritare të ardhura nga Tirana, Maqedonia dhe Italia e Kosova, organizuar nga komunitet për mundësi të barabarta dhe rrjet shqiptar kundër dhunës gjinore dhe trafikimit. Moderatorja e seancës së djeshme, Anila Vëndresha në fjalën e saj të hapjes së konferencës citoi se qyteti i Beratit është një nga zonat më të prekura nga trafikimi i vajzave për ushtrimin e prostitucionit dhe një nga qytetet që ka numrin më të madh të vajzave dhe grave që janë shndërruar si prostituta në vende të ndryshme të botës.

Fenomenet skandaloze që po i ndodhin familjes shqiptare si shfrytëzimi seksual, dhuna, pedofili, inçesi, të cilat janë shndërruar në një fenomen madhor rëndësia që strategjia kombëtare për vitin 2002 në konsultat me OJQ-të është vënia e projekteve konkrete për luftën kundër trafiqeve. E ndodhur përballë shifrave të divorcit, ku një në çdo pesë çifte ka përfunduar në divorc, gruaja është persekutuar në personalitet.

Në këtë konferencë merrnin pjesë edhe zyrtarë të Ministrisë së Rendit, të cilët pranuan se trafikimi i femrave po vjen gjithnjë e në rritje. Sipas tyre, gjatë katër muajve të parë të këtij viti, organet e policisë kanë evidentuar 97 raste të trafikimit të femrave, 135 autorët e tyre dhe kanë shpëtuar 87 gra e vajza viktima të prostitucionit, 5 nga të cilat me shtetësi të huaj. "Vetëm në Tiranë numërohen rreth 20 mijë përdorues droge, çka përbën një kontigjent të mundshëm lidhjeje me trafiqe të ndryshme", deklaruan zyrtarët. Gjatë vitit të kaluar, sëbashku me Departamentin e Shtetit, USAID i akorduan Organizatës Ndërkombëtare për Migrimin (IOM) afro 200 mijë USD për ngritjen e një strehe, e cila ndihmoi gratë e trafikuara nga vende të ndryshme.

E. AZIZOLLI

[bursa33]

Kam menduar shpesh se a mund te bej une dicka per kete problem.Mendoj per ate shtrese e cila punon nendhe ne bodrume shtepi te mbyllura ne frike terror e dhune per te pasuruar kodoshet e tyre.

Kam menduar per viktimat e ketyre krimeve qe ne rradhe te pare jane keto femra- e po ashtu per vetegjygjesite,e pasojat e saj; ky reaksion zinxhir eshte nje plage me shume ne Shqiperine E LODHUR.

Kam menduar per ato vajza pa emer dhe ate me Pseudonimin Eni , nje vajze shqiptare qe thonte qe jam greke (keshtu benin te gjitha) , pasi nami i prostitutave tona eshte i tille , sa dhe ne bisnes eshte turp te jesh prostitute nga Shqiperia.

Nje shoqja ime e shkolles tashme punon per BBC, e i kerkova nese mund te ma gjente e te ma regjistronte ate emision. Pas shume perpjekjeve me tha qe ma ka bere gati e keto dite ma dergon.
PSE ME DUHET?!

Ne fillim per nenat, motrat, e vajzat e Tefikeve nga Ballshi apo Riza-ve e Rone-ve nga veriu qe ta shohin ATO femra se me c`monstra jetojne dhe se parate tyre jane te lara ne gjak e turp.

Me pas per shtetin shqiptar e publikun, qe ta shohin nga afer se si nje pjese e emigrantve shqiptare, jo vetem qe torturojne, perdhunojne femrat por dhe diskretitojne emrin e mire te shqiptareve qe punojne me mund per buken e gojes ne mergim.

Ashtu si dhe per ato vajza te reja,naive, te varfera, te pa arsimuara e te paditura qe ti besojne instinktit te tyre e te mos marrin Boten me Roni-n apo Rizane e pare sharlatan qe u propozon tu jape boten ne dore.

Do e dergoj ne televizionin shqiptar me mesazhin qe keto individe duhen denuar dhe nga policia jone sapo te shkelin atje, pasi provat jane ne film e pohohet nga vete ato se c`fare bejne. Policia jone perdite (lexojme) se kap te tille, le ti ndaloje dhe keta, ne cofshin koken ne Shqiperi.

Sapo te me vije ajo kasete do e coj ne Televizionet shqiptare.

se shpejti
bursa33

[baobabi]

Qeveria shqiptare ska interes qe te tregoje kete lloj realiteti.
Ajo ka interes qe te mos e tregoje dhe madje mbuloje.
Edhe vete publiku deshiron qe te genjehet.
E verteta eshte e hidhur prandaj shumica rendin mbas mashtruesve.

Une e kuptoj sa e indinjuar je ti dhe te gjithe ata qe lexojne ketu.

Kriza shqiptare eshte shume dimensionale. Ligesia jane bere qytetare nderi deri Shqiperi. Eshte e vertete se ti dhe shume shqiptare nuk u ngjan atyre te kasetave.

Megjithate beje tenden sic e kane bere shume te tjere dhe sic e kemi bere te gjithe ne secili ne menyren e vet dhe askush nuk na e vuri veshin.

[Redi]

Jemi 20 vajza të moshave të ndryshme. Na përdhunojnë çdo natë... Kështu ka vazhduar gjatë një jave. Pastaj na çonin me makina me perde, natën nëpër bunkerë, ku na prezantonin me meshkuj...

Rrefimi/ Flet Irena Shehu: Gjithçka që më ndodhi nga Peqini në rrugët e Londrës

Vajza e rrëmbyer: Na veshën si djem për të shmangur policinë


--------------------------------------------------------------------------------

Poli Hoxha

TIRANE

Mama, më kanë mbyllur në një dhomë... jemi 20 vajza... na përdhunojnë dhe na çojnë nëpër bunkerë e hotele..." Janë pasazhe denoncuese të rrëfyera në telefon nënës së saj nga Irena Shehu.

Çështja "Irena", edhe pse për të gjithë krerët e Policisë Shqiptare ngjason me një "histori të zakonshme" të një prostitute shqiptare, ka mbërritur deri në strukturat më të larta të shtetit shqiptar. Pas "bujës" së bërë për këtë ngjarje në shtyp këto ditë, të interesuar për fatin e vajzës 17-vjeçare dhe grupit që e rrëmbeu dhe tashmë "e punon" në rrugët e Londrës apo Romës, janë prokurori i përgjithshëm i vendit, ministri i Rendit Publik, kryeministri, strukturat që hetojnë këto trafiqe, mediat dhe gjithë opinioni shqiptar. Sot, nëpërmjet nënës së saj, Shahe Shehu, 17-vjeçarja nga Sumzataj i Lushnjës, rrëfen të gjithë historinë e rrëmbimit të saj dhe "përpunimit disamujor" nga një grup trafikantësh, që i kanë bërë asaj në një fshat të Peqinit së bashku me 20 vajza të tjera. Në celular Irena (sa herë që mundet) i tregon nënës për ditët "e stërvitjes" së saj si prostitutë e ardhshme, menjëherë pas rrëmbimit. Si e përdhunonin së bashku me vajzat e tjera në të njëjtën dhomë. Si i mësonin zanatin e prostitutës me klientë të ndryshëm nëpër bunkierë apo motele buzë detit. Me lot në sy (shpesh ia rrëmbejnë telefonin gjatë kohës që flet) rrëfen për tortura nga më të pabesueshmet. Cigare që shuhen në pjesët më delikate të trupit. Kërcënime të vazhdueshme për familjen këtu në Shqipëri...dhe jetën e saj si prostitutë së bashku me të tjerat, aty në rrugët e Londrës...

Në Peqin
Vetëm 2 javë pas rrëmbimit në pazarin e Divjakës (tre muaj më parë) të Irena Shehut, ajo i telefonon nënës në celularin që vetë rrëmbyesit "i hodhën te këmbët", në atë moment. Sipas Shahe Shehut, "vajza arrinte të më telefononte fshehurazi. Më tha se dikush e ndihmonte aty te shtëpia në Peqin, ku e kishin mbyllur". Rreth 2 muaj më parë Irena i ka rrëfyer nënës së saj, se ku ndodhej dhe gjithçka tjetër: "Mama, jam në Peqin me shokët e atyre që ti i di... Më mbajnë të mbyllur në një dhomë të një shtëpie që më duket se është në fshat. Jemi 20 vajza të moshave të ndryshme. Na përdhunojnë çdo natë... Kështu ka vazhduar gjatë një jave. Pastaj na çonin me makina me perde, natën nëpër bunkerë, ku na prezantonin me meshkuj të cilët pasi bënin seks me ne, paguanin 5 ose 10 mijë lekë të vjetra (sipas bisedave që dëgjonim). Më pas na çonin nëpër motele. Unë kam pranuar tashmë ta bëj këtë gjë, sepse nuk kam se çfarë të bëj. Jo vetëm kur kundërshtojmë, por edhe kur mbushim sytë me lot, na rrahin..."

500 mijë lekë për një pasaportë
Irena Shehu, 17-vjeçarja e rrëmbyer nga njerëz që akuzohen publikisht nga nëna e saj dhe ajo vetë, vetëm 2 muaj pasi kishte edhe mënyrën sesi grupi i trafikantëve shqiptarë, arriti t'i çojë jashtë vendit. "Pas një muaji, të gjitha vajzave na nxorën në fotografi. Ishin foto të mëdha, si ato që bëjnë për këngëtarët e mëdhenj. Nënë (ajo qan sa herë që flet dhe kërkon të flasë me motrën e vogël, Shazen), ata flasin hapur se duan të na çojnë jashtë shtetit. Na pyesin herë pas here nëse pranojmë të punojmë. Dhe të gjitha themi po...nuk kemi se çfarë të bëjmë. Mama, më harro. Ki kujdes shtëpinë, se ata mund të bëjnë gjithçka dhe janë të lidhur me policinë. Pasi bënë fotografitë, dëgjova se do na nxirnin të gjithave pasaporta në Tiranë për 500 mijë lekë (por ti mos i thuaj këto gjëra, se mund të të vrasin ty, se mua nuk më ka ngelur gjë...). I nxorën edhe pasaportat, sepse 2 ditë përpara se të na nxirrnin jashtë Shqipërisë, na sollën një berber dhe na qethën të gjithave si djem. Pastaj na veshën po si djem dhe ashtu 2 nga 2 na hipën nëpër makina"... (biseda ndërpritet)... "Tani jam në Londër. Kështu më thonë"... (bisedë e bërë 5 ditë më parë)... "Punojmë gjithë natën dhe flemë gjithë ditën. Janë shumë meshkuj që na shoqërojnë. Që nga mosha 20 vjeç dhe deri në 50 vjeç. Sa herë që tentojmë të ikim apo të flasim në telefon. na rrahin, na fusin sende të forta në organet gjenetale...Por tortura më e tmerrshme është kur na shuajnë cigare në...."

Marre nga GZ