Rreziqet e modelit Rama.

[DYDRINAS]

Marrezia e Edi Rames nuk gjen mbeshtetje nderkombetare

Asnje organi huaj shtypi, asnje qeveri perendimore, asnje parti politike perendimore nuk mbeshtet qendrimin e marre dhe teresisht individual te Rames!

Nje skenar i ndertuar keq, vetem per interesa te mbajtjes se kreut te PS, qe ka futur ne qorrsokak te gjithe PS dhe nje perpjekje naive per te transferuar krizen e tij si individ ne partine e tij dhe ne mbare politiken shqiptare.

Ai duhet te dorehiqet nga kreu i PS, ne menyre qe ti hapet rruga institucionalizimit te saj si force me peshe ne shoqerine shqiptare!

[fattlumi]

Eshte normale qe nuk gjene mbeshtetje sepse kete mbeshtetje po e kerkon nga vendet qe e urrejne komunizmin dhe stalinizmin siq eshte Evropa dhe Amerika.
Duhet te kerkoj mbeshtetje ne Rusi ose Kore te Veriut,me siguri do ta mbeshtesin.
E sa per reformim te PS-se vetem kur te zhduket e tera kjo plejade qe eshte ne krye te saj tash dhe te vijne njerez qe ne trurin e tyre skane neurone enveriste atehere do te jete force serioze dhe me peshe.

[DYDRINAS]

Ne kete teme do te sillen te gjitha shkrimet nder vite te intelektualeve shqiptare, qe kane parandjere dhe qe kane paralajmeruar per rrezikun qe mbart modeli Rama ose i perkthyer me shqip, modelin e bashkepunimit te hapur te mafias me politiken.


2003


Partia socialiste, opozita dhe modeli "Rama"

Nga Fatos Lubonja

"Rama eshte modeli i qeverisjes se sukseshme socialiste", deklarojne pa reshtur cprej dy muajsh lideret socialiste ne debatin e ashper lidhur me komisionin hetimor mbi kryetarin e bashkise duke e akuzuar opoziten se po hedh gure ne pemen e tyre me kokrrashume. Kurse opozita s'rresht se denoncuari abuzime te Rames, qe nga cmimet e nje peme deri tek miliona. Duke qene nje nga kritiket e hershem te Rames e kam ndjekur me vemendje te vecante kete debat. Ajo qe me ka shqetesuar eshte fakti se nuk po del si duhet ne pah ajo qe, sipas meje, eshte gjeja me shqetesuese ne ceshtjen Rama: pikerisht modeli i qeverisjes per te cilen mburren socialistet.

Sipas meje, mu pse paraqitet si model, ia vlen te merresh me ceshtjen Rama pasi, sikurse thote edhe fjalori i shqipes, modeli eshte nje "kallep ose forme qe sherben per te prodhuar sende te tjera ne seri." Pra, sikur modeli i nje kepuce te kete defekt, te tere qytetaret qe do te blinin ate lloj kepuce do te kalloseshin. Pa metafore: nese, mos o Zot, modeli Rama ka difekte, ne do te prodhonim ne seri ne tere bashkite socialiste te vendit, te njejtat difekte. Nisur nga shqetesimi per modelin prej kohesh kam drejtuar kritikat e mija per Ramen, ne fillim vetem per veshet e tij dhe pastaj duke i bere publike- per fat te keq duke trokitur deshperimisht ne veshe te shurdher. Madje do te thoja se nje nga difektet e modelit Rama eshte veshshurdheria. Ështe ajo qe e ka cuar tek komisioni hetimor parlamentar, sepse, te pretendosh, sic pretendojne socialistet, se Rama po peson tere keto sulme vetem e vetem pse ka bere pune te mira, pra duke e cuar deri ne grotesk luften politike bazuar mbi mosmirenjohjen dhe meskinitetin e shqiptareve, me duket e padrejte. Viktime e kesaj padrejtesie kam qene edhe une. Madje, meqenese kritikat e mija nuk kane mundur te argumentohet me ndonje "mosmirenjohje" te lidhur me ambicje per pushtet, tendera, privatizime, me te cilat vazhdojne shqiptaret t'i shpjegojne qendrimet kunder njeri tjetrit, pasi ende nuk ka hyre tek ne kultura e vendosjes se te vertetes dhe principit mbi ineresat e klanit apo personale, zoterinjte socialiste me kane hapur akuzen e nje shpifesi irracional. Kete e beri se fundi ne nje interviste ne TVA, perpara nje gazetari cuditerisht te shurdhmemeceruar, edhe vete Rama qe ne monologun e tij u morr me mua nja njezet minuta, duke me etiketuar si shpifes te cilit ia paska kursyer gjyqin vetem per shkak te burgut politik qe ka bere. Une, megjithate, dua te ngulmoj ne "shpifjet" e mija, pasi thelbi i tyre ka te beje pikerisht me modelin se si qeverisemi dhe nevojen e ndryshimit te tij. Me sakte me idene se edhe ato pune te mira qe ka bere zoti Rama permbajne fryme te keqe pasi jane bere sipas nje modeli te keq, qe nuk duhet te merret kurrsesi si shembull qeverisjeje, aq me pak nga te majtet. Le te shtjelloj disa nga argumentat e mij.

Modeli: Fasada fsheh krimin

Premtimet elektorale te Rames mbeshteteshin mbi tre kollona kryesore: kthimi ne identitet i qendres, berja e planit urbanistik te Tiranes dhe investimet ne periferi- qe te treja nenkuptonin pune serioze afatgjate, me shume dashuri per qytetin dhe shume guxim per te frenuar presionet e biznesmeneve qe shihnin vetem interesat e tyre afatshkurtera.

Mirepo, pas ardhjes ne pushtet keto premtime u gjenden sa perballe presionit te biznesmeneve te cilet lakmonin qendren si vendin ku siperfaqja e metrit katror paguhej me shume aq edhe perballe etjes se ketij personi per pushtet, para dhe ekzibicion. Kesisoj modeli i premtuar Rama nderroi kurs. Rama nuk vonoi e doli hapur me projektin e ndertimeve te larta ne qender qe ishte kunder premtimit te lancuar nga vete ai te kthimit ne identitet, kunder premtimit te hartimit te planit urbanistik i cili vecanerisht per qendren nenkupton nje projekt teresor, dhe kunder projektit te zhvillimit te zonave pariferike, pra kunder tre premtimeve te tij kryesore. Ata qe e kane ndjekur ndryshimin e Rames e kujtojne mire se si e ka denuar ai ne krye te heres prishjen e sheshit Italia ashtu sikurse edhe Torre Drinin qe ka mbytur Kullen e Sahatit. Pas dy vjetesh ai dha lejen per ndertim ne sheshin Italia dhe filloi ta mbushe qendren e Tiranes me shume Torre Drini. Pra, shume shpejt ne vend se te ndaloje masakren urbane ai filloi ta thelloje ate, madje edhe legalizoje duke zevendesuar kioskat e paligjeshme me leje per shumekateshe te ligjeshme. Kunder ketij argumenti sillet pastrimi i Lanes, rivitalizimin e ndonje parku te Enver Hoxhes dhe lyerja e fasadave te disa rrugeve. Sipas meje ato jane pune te mira, por kane fryme te keqe mu pse sherbejne si fasade per te mbuluar ate qe po ndodh ne shpine te ketyre akseve. Atje vazhdon te thellohet praktika e masakrimit qe po i ben pushtetparaja sa identiteteve dhe memories historike te qytetit aq edhe e vivibilitetit te tij. Por jo vetem kaq, ky model ndertimi pa plan urbanistik dhe duke shkelur rregulloren urbasnistike te vitit 1998 (faqe 36) e cila percakton densitetin e ndertimit me koeficient 1.8,- sipas te cilit per nje siperfaqe te caktuar nuk mund te ngresh lart me shume siperfaqe dyshemesh sesa afro dyfishi i saj,- ka edhe mjaft difekte te tjera qe e bejne ate nje bombe me shperthim te vonuar. Disa nga efektet e kesaj bombe jane: 1. Qyteti po gjendet dita dites e me shume me nje trafik te bllokuar, pasi infrastrukturat, rruget, kanalizimet, prurjet e ujrave nuk i perballojne dot kete superngjeshje. 2 Niveli skandaloz i ndotjes se qytetit per shkak te densitetit. Tirana, sipas specialisteve te higjenes, figuron me koeficient 4 te ndotjes se ajrit ne nje kohe kur 5 eshte ajri i parespirueshem kurse ne qytetet perendimore e kane 1-2.

3. Zhdukja e cdo hapesire per ndertime publike si shkolla, kopeshte, cerdhe, parqe, muzeume, terrene sportive etj. 4. Shkaterrimin i vleres se apartamenteve qe njerezit i blejne me cmime mjaft te larta pasi ata blejne sot pa ditur se cfare do t'u ngrihet neser perballe. Ne asnje vend te botes se qyteteruar nuk mund te ndodhe keshtu. Kur behet nje investim i tille sic eshte blerja e nje shtepie ai qe e shet ka per detyre t'i paraqese klientit edhe te ardhmen urbanistike te shtepise qe shet. 5. Padrejtesi sociale pasi shkelja e rregullores se densiteti do te beje qe shume shpejt ata qe nuk sigurojne dot leje ndertimi nga KRT e Rames do t'u mbeten copa truajsh pa vlere dhe shtepi te ulta te fundosura nen perbindsha shumekatesh. Ne France rregullorja urbanistike percakton se ndertimi i nje banese me densitet qe kalon kufirin ligjor (tek ne e kalon deri 3 here) e detyron ndertuesin te derdhe nje shume te barabarte me vleren e truallit blerja e se cilit do te jete e nevojeshme qe densiteti i ndertimit te mos kaloje kufirin.

Prishja e Kinema 17 Nentorit dhe e zones pereth saj (duke shkelur ligjin pasi ajo ben pjese ne zonen e shpallur Monument Kulture dhe eshte ne varesi te me shume sesa nje institucioni) si dhe ajo e kinema Mileniumit per te ngritur ne vend te tyre shumekateshe te tjera, jane dy aktet e fundit te kesaj tradhetie te premtimeve elektorale duke provuar edhe nje here se plani urbanistik i Tiranes nuk eshte bere pikerisht per t'i dhene dore te lire Rames dhe biznesmeneve qe e mbeshtesin te shfrytezojne terrenet e ndertimit sipas nje vizioni afatshkurter dhe fitmprures vetem per xhepat e tyre. Keto deme, sipas gjykimit tim dhe te shume specialisteve te pakorruptuar nga aferat e Rames, e tejkalojne shume here te miren e pastrimit te Lanes dhe te parkut Rinia duke bere qe ky model te kete si nje nga tiparet e tij fasaden qe fsheh punen per interesat e diktuara nga pushtetparaja.

Industria e ndertimit dhe modeli Rama

Nje nga kritikat qe e denoncojne rende modelin socialist Rama ka te beje me industrine e ndertimit. Sikurse dihet industria e ndertimit ka qene ajo me efikasja. Nese sot flitet per ndryshim te Shqiperise, vecanerisht te kryeqytetit, mbi te gjitha kjo i dedikohet ndertimeve te medha. Pra edhe parate me te shumta te shqiptareve kane rrjedhur ne vend nepermjet kesaj industrie. Sipas shtypit nje meter katror ne zona joqendrore kushton te pakten 650 USD, ne qender jo me pak se 800 USD kurse ne zona te preferuara te sic eshte ish Blloku te pakten 3000 USD, nderkohe qe kostoja e ndertimit te tyre eshte shume me e ulet. Nga kjo pikepamje prej kesaj industrie do te duhej te vinin edhe parate me te medha per arken e shtetit. C'bene socialistet me kete industri kur erdhen ne pushtet? Ata e lane ne te njejten forme punimi sic e gjeten nga demokratet. Shqiptaret vazhduan te paguajne para "cash", per apartamentet apo dyqanet e tyre pa kaluar fare neper rruge bankare, e pa e kuptuar se ishin ata investitoret e vertete- duke blere, pra, me nje cmim dy tre dhe me shume here me te larte apartamente te ndertuara duke u investuar parate e tyre. Dy difekte te madha ka ky model ndertimi dhe shitblerjeje: e para, nuk i lejon shtetit te mbledhe taksa me te cilat pastaj do te ndertoje rruge, shkolla, ura, parqe e gjera te tjera publike dhe, e dyta, qytetari rripet nga biznesmeni. Fakti qe e kam permendur mese nje here se ne morine e ketyre ndertimeve qe tregojne edhe per fuqi financiare edhe per aftesi ndertuese te shqiptareve nuk kemi as edhe nje shkolle te re publike ne kryeqytet, madje edhe ato te vjetrat i ka restauruar Sorosi, tregon se sa larg modelit te ndertimit te shtetit na ka cuar ky model. Ne boten e tregut vertet te lire nje investim sadopak i rendesishem duhet te jete i deklaruar si shume, ashtu sikurse edhe burimi i kesaj shume, kurse levizja e saj behet nepermjet rrugesh bankare, jo vetem ne menyre qe shteti te kontrolloje dhe siguroje pjesen qe i takon, por edhe te sigurohet qe keto nuk jane para krimi. Rama, si model socialist, jo vetem nuk e ndryshoi kete model, por eshte ai qe e inkurajoi dhe e zhvilloi edhe me tej duke krijuar lidhje direkte me biznesin e ndertimit madje edhe duke u mburrur se ky biznes po i bente punime gratis- ne fakt te pakontrolluara nga askush- qe vetem krijonin terren per komprometim te metejshem te kryebashkiakut dhe institucionit qe drejton.

Modeli Rama dhe prona publike

Nje tjeter karakteristke e modelit Rama eshte trajtimi qe i ka bere prones publike ky model qeverisjeje. Shume nga "punet e mira" qe ka bere kryebashkiaku i ka bere nepermjet "dhurimit" te prones publike privateve, qofte kjo duke i dhene me qira super te ulet qofte duke i privatizuar. Investimi privat mbi kete prone publike vertet ka krijuar diku diku efektin e nje ndryshimi te menjehershem, por pasojat e ketij privatizimi te publikes ne terma afatgjata jane shume negative. Efektet me te dukshme negative jane perfitimi i madh i pak njerezve mbi shumicen qe varferohet. Nje efekt tjeter eshte shkaterrimi edhe me i tesutit social i cili ndertohet pikerish nepermjet publikes. Te gjithe e kujtojne debatin qe hapi Rama per shembjen e Teatrit Kombetar (prone publike) me idene se ai terren mund t'u jepej biznesmeneve te cilet do te ndertonin atje nje shumekateshe duke na dhuruar katet e para per teater. U perdor llogjika e pronarit te varfer te truallit (ne kete rast shteti?!) i cili, meqe nuk ka para vete, ia jep truallin privateve te pasur te cilet i japin 20 perqindeshin. Nje kalkulim i shkurter nxirrte se keta private, duke mos investuar asgje pervec marrjes se lejes dhe lekeve te bleresve te apartamenteve dhe te dyqaneve, mund te nxirrnin nga kjo afere miliona dollare. Llogjika e kundert ndaj ketij modeli eshte ajo qe shteti, sikur te kishte pasur vullnetin per te mbledhur taksat e ndertimeve te pafundme qe jane ngritur, do te mund te ndertonte ne truallin e teatrit (nese behej fjale per shembjen e tij- ketu nuk po fus diskutimin e monumentit te kultures) nje teater pa kate te tjera banimi apo biznesi siper, me ambjente shume me te mira publike perreth dhe pa e gjymtyuar ate zone hostorike me nje tjeter Torre Drini.

Me ne fund, mund te them se ky model i grabitjes se publikes, edhe i kryer ne menyre shume me normale, mund te ishte i djathte, por kurrsesi nuk mund te reklamohet nga socialistet. Nga kjo pikepamje, per t'u kthyer tek metafora e kepuceve, mund te thuhet se modeli/ kallepi Rama ka bere qe socialistet tu mbathin shqiptareve ne te dy kembet kepuce te djathta.

Modeli i personalizimit dhe korruptimit te institucionit

Modeli Rama, pra, eshte modeli i nje politikani ambicioz qe mbeshtetet nga grupe biznesi me te cilet ka krijuar lidhje direkte qe anashkalojne sa institucionet shteterore aq edhe ato partiake dhe programet qe i kane lancuar. Ky model, qe ne thelb punon kunder forcimit te institucioneve te shtetit formal, qe te funksionoje kerkon edhe con ne struktura te pervertuara shteti informal. Ai kerkon qe gjithshka te vihet nen kontrollin e personit/ personave qe mbajne lidhjet e paligjshme me biznesin- ne kete rast atij/ atyre qe kane personaliziuar institucionin.- duke hequr mundesine qe institucioni te kontrollohet nepermjet strukturave te veta me transparence dhe demokraci. Nuk eshte pra e rastit qe Rama akuzohet sot se ka eliminuar borde vendimarrese apo se ka shkapercyer tenderime duke bere prokurime te drejtperdrejta apo qe ka dhunaur arbitrarisht kompetenca te te tjera institucioneve.

Ky model gjithashtu kerkon qe struktuarat e tjera te institucionit ose te nenshtrohen ose te korruptohen ose te dyja se bashku. Nuk eshte e rastit qe ne KRT-te e Rames, ku leshohen lejet e ndertimit, ka aq shume konflikte interesash. Ështe skandaloz rasti i ish Drejtorit te Institutit te Monumenteve Artan Shkreli i cili me nje ane ishte i ngarkuar te ruante monumentet me anen tjeter sebashku me nje nga funksionaret me te larte te Bashkise kishte zyre private projektimi qe projektonte ndertime mbi truajt qe dilnin nga shembja e ndertesave te Tiranes historike. Nuk eshte, po ashtu e rastit qe bashkepunetoret me te ngushte te Rames kane dhene njeri pas tjetrit doreheje pa i bere publike shkaqet e ketyre doreheqjeve.

Modeli i kthimit te medias ne propagandiste

Modeli Rama, qe te funskionoje, kerkon edhe shuarjen sa me shume te zerave kritike qe mund te hedhin drite mbi rreziqet afatgjata e njeheresh per te propaganduar e krijuar kultin e politikanit qe i sherben gurpit qe e mbeshtet. Nuk eshte e rastit qe bizneset kryesore qe funksionojne ne Shqiperi, ai i ndertimi dhe ai i tenderave, (qe te dy te varura nga firmat e politikaneve) ne me te shumten e rasteve menaxhohen nga biznesmene qe zoterojne edhe media e me te cilet Rama ka lidhjet me te forta te bashkepunimit. Me manipulimin e medias mbyllet nje rreth i modelit te qeverisjes Rama, i cili, per te qene te sakte, duhet thene se i ka njohur fillimet e veta qe ne kohen e Berishes dhe nuk eshte vetem atribut i Rames, por edhe i te gjithe socialisteve ne pushtet me ne krye Fatos Nanon. Ky model qeverisjeje, ne thelb, ka shume ngjashmeri me sistemin piramidal. Ne kohen e Berishes sistemi piramidal beri te punojne ne emer te perfitimit te nje grupi te vogel mashtruesish si mediat e shkruara edhe politikanet duke bere qe shumica e shqiptareve te besonin ne iluzionn e mireqenies e perparimit. Pra, thenia e Nanos "Rama eshte modeli i qeverisjes se sukseseshme socialiste" ashtu sikurse ajo e djeshmja e Berishes "paret e shqiptareve jane te pastra" ne thelb jane e njejta gje: ato i sherbejne krijimit te iluzionit te sigurise dhe mireqenies tek shqiptaret ne emer te interesave te nje grupi te vogel njerezish qe jane perfituesit e vertete ne kete loje.

Si perfundim, kur flitet per ceshtjen Rama nuk eshte problemi se c'para ka futur ai ne xhepat e veta, dhe as zevendesimi i tij me ndonje qe pretendon te jete me i ndershem. Problemi eshte se modeli Rama eshte i ndertuar si nje menyre qeverisjeje qe nuk mund te funksionoje pa korrupsionin dhe krimin. Ndryshimi i ketij modeli te rrezikshem sa per lirine e tregut aq edhe per lirine e fjales dhe jo propagandimi nga ana e socialisteve apo thjeshte denoncimi nga ana e opozites, eshte sfida qe ka Shqiperia perpara ne kete dekade te dyte te tranzicionit.


korrieri

[DYDRINAS]

Mero Baze dikur per gazeten Shekulli dhe Edi Ramen.


Mekanizmi “2K” dhe majmërimi nga plehrat

Mero Baze

Në historinë e shtypit njihen plot gazetarë me emër që identifikohen si mbështetës të një presidenti, të një ish presidenti, të një kryeministri, të një ish kryeministri, të një kryetari partie e kështu me radhë. Njihen gazetarë të lirë dhe gazetarë oborri. Së fundi, zoti Lubonja identifikoi, madje, dhe një kategori tjetër, “publicistët ose shkrimtarët bashkiakë”, siç e quajti ai rrjetin e gazetarëve të mobilizuar kryesisht në gazetën “Shekulli”, pro Edi Ramës. Mua po më bie në pjesë të shtojë këtë listë dhe me një kategori tjetër, me gazetarë që identifikohen si mbrojtës të pronarit të një firme për pastrimin e plehrave. Më ka rënë në pjesë të ballafaqohem, jo gjyqësisht, por para lexuesve me z. Mustafa Nanaj.

Për gati një javë, gazeta “TemA” ka botuar rregullisht një raport të mbajtur sekret nga Mustafa Kërçuku rreth tenderave të firmës “2K”, fituar padrejtësisht prej Koço Kokëdhimës, i favorizuar nga kryebashkiaku Edi Rama. Kjo ka zgjuar natyrshëm zemërim tek pronari i “2K”-së, i cili mendon se më fyen rëndë duke më lëshuar në shpinë një argat të tij, për të cilën më duhet të bëjë disa shpjegime se kush i bën dëm gazetarisë shqiptare, “fenomeni Mero Baze” apo “mekanizmi 2K”.

Në librezën time të punës, prej vitit 1990, është i nënshkruar vetëm profesioni i gazetarit. Nuk më ka rënë në pjesë këto 12 vjet, ashtu sikundër ma përmend dhe si “meritë fantastike” Mustafa Nanaj, të jem në krah të qeverisë. Kam qenë Drejtor i Lajmeve të “ATSH”-së, gazetar i “Zërit të Amerikës”, gazetar i “Evropa e Lirë”, komentator i disa gazetave të Kosovës; kam themeluar një agjensi lajmesh dhe një gazetë private, por në asnjë ditë nuk më ka rënë në pjesë të marrë rrogë shteti. Njeriu që shqetësohet nga biografia ime dhe gazetat që unë kam bërë nuk dihet saktësisht si e ka emrin, por unë po marrë të mirëqënë disa dokumenta zyrtare që më janë servirur të shoh në kohën e “Komisionit Klosi” ku ky person quhej Mustafa Nanaj. (Më poshtë, për lehtësi kuptimi, do ta citojmë si “Nanua i 2K”).

“Nanua i 2K”, në tërë biografinë e tij, nuk ka asgjë të përbashkët me gazetarinë dhe me shtypin shqiptar të pasnëntëdhjetës. Ka qenë kryetar i Partisë Demokratike në Skrapar ku për traditë ky post është emërtesë e PS-së. Më pas figuron që ka dashur të transferohet në kryeqytet dhe ka siguruar nga partia e tij e atëhershme një vend në Drejtorinë e Jashtme të SHIK-ut, në katin e katërt në Ministrinë e Punëve të Jashtme. Ka pasur disa probleme me disa ndërmarrje të privatizuara në mënyrë të paligjshme, por qeveria e korruptuar e Partisë Demokratike, në atë kohë, ia ka falur meqenëse “Nanua i 2K” kaloi emërtesë e SHIK-ut. Pas disa specializimesh e kanë nisur si atashe në ambasadën shqiptare në Zagreb ku bënte atë punë që bën çdo sekretar i Shërbimit Sekret në një ambasadë. Nuk kam informacione të hollësishme për mënyrën si e ka kryer këtë punë, por një kolegu i tij, që në atë kohë ka qenë në Beograd, tregon se si ishte nxehur në telefon, pse kolegu i tij kishte shprehur rezerva për Sali Berishën. Pasi socialistët erdhën në pushtet në Shqipëri në vitin 1997, ky person është thirrur në punë në një gazetë të sapohapur në atë kohë nga pronari i grupit pa ortakë “2K” dhe për një kohë të gjatë ka shkruar me emrat Besim Vorpsi dhe emrin e tij, për të cilin nuk jam i sigurtë, nëse është zyrtar. Në botimet e tij nuk ka asgjë gazetareske, përveçse shpjegime propagandistike për udhëzimet e nëntokës politike në pushtet. Aq e dyshimtë është kjo prodhimtari, saqë gjatë kohës së Komisionit hetimor parlamentar Klosi, një nga konfliktet e mëdha ishte fakti që ato që ishin të pasqyruara në dosjet e SHIK-ut, në sektorin e analizës një ditë më parë, të nesërmen janë të botuara, ose me emrin Besim Vorpsi ose me emrin në fjalë në gazetën “Shekulli”.

Për shkak të kësaj biografie nuk është në nderin tim të merrem si palë me “Nanon e 2K” dhe gjithë këtë mundim po e marr në të vërtetë për pronarin e “2K”, i cili meriton vëmendje. Mekanizmi me të cilin ai depërtoi në shtyp dhe politikë, ndoshta nuk është qind për qind përgjegjësi e tij, por dhe e politikës shqiptare. Sidoqoftë e vërteta është se “2K” mbetet një momunent i korrupsionit financiar, politik dhe publik në Shqipëri. Këto dy iniciale, i dalin përpara një qytetari shqiptar që nga “gjyqi i sabotatorëve të naftës” në Fier, tek plaçkitja e firmave të Ajdin Sejdisë në vitin 1991-1992, tek “arratisjet” në Lindjen e Largët vite më vonë, rikthimin e tij në skenë në vitin 1997 me një gazetë që ishte veshi i zgjatur i SHIK-ut, me telefonata që lidhen me vrasjen e Azem Hajdarit, me përfshirje totale të kësaj gazete në përgatitjen e alibisë për 12 dhe 14 shtatorin, me trafikun e influencës brenda klaneve të korruptuara të Partisë Socialiste dhe deri me projektet e frikshme për sjelljen e mbeturinave toksike në Shqipëri, që të kujtojnë objektivat e mafias klasike italiane të viteve 70-të.

Beteja ime dhe e shtypit të lirë në Shqipëri është me këtë mekanizëm, me mekanizmin “2K”. Ky mekanizëm nuk më fyen dot as mua, biles as gazetarin më modest në shtypin shqiptar duke përdorur si çomange mitomaninë, injorancën dhe megallomaninë e “Nanos së 2K”. Biles nuk na fyen dot dhe nëse ne nuk e fitojmë dot betejën me mafian që përfaqëson mekanizmi “2K”. Ne mund të jemi të humburit e kësaj beteje, por nuk jemi të dënuarit e shoqërisë shqiptare dhe shpresoj të mos jemi të humburit e betejës finale me mafian shqiptare. Qytetarët shqiptarë do të kenë mirësinë të mbajnë mend së paku artikullin tonë të fundit, para se të marrim ndëshkimin final të mafias. Këtë e kuptojmë dhe kur na dënojnë në gjykata dhe kur na mbyllin zyrat e shtetit për reklama dhe kur përpiqen të na izolojnë, madje dhe kur tentojnë të na spërkasin me pikla nga diaretë e përditshme të “Nanos së 2K”. Mekanizmi “2K” nuk është i fituar në asnjë rast edhe nëse arrin formalisht të na mund ne gazetarëve që mbijetojmë vetëm për shkak të profesionit tonë, ndryshe nga majmërimi i “nanove të 2K” që ushqehen pasi firma e tyre ka fituar tenderin për pastrimin e plehrave.


...... tema....

2003

[DYDRINAS]

Skandali Rama -"2K" fituese pa kritere ne tendera.

Zbulohet skandali Rama - "2K"

Si janë skualifikuar nga gara për fitimin e tenderave shumë kompani, dhe si janë shpallur fituese kompani të tjera pa plotësuar kriteret. Në raportin e KLSH-së përsa i takon kontrollit mbi tenderat kontestohen tenderat e fituara nga 2K në rrugët "Myslym Keta" faza e parë dhe e dytë, si dhe rruga "5 Maj"

Raporti shprehet se në shumë tendera janë shtuar pika që duhet të plotësojnë firmat, pika të cilat nuk parashikohen në ligj, duke bërë që në tenderat e organizuar të ulet konkurenca

Raporti i Kontrollit të lartë të Shtetit, i hartuar pas kontrollit të ushtruar në Bashkinë e Tiranës, në kapitullin mbi prokurimet publike, rezulton që në mbi 90 përqind të tenderave të kontrolluar ekzistojnë parregullsi dhe pasaktësi. Sipas raportit parregullsitë me tenderat fillojnë që nga shtrimi i rrugëve, apo ndërtimi dhe mobilimi i shtesës në godinën e Bashkisë dhe deri në tenderat e zhvilluar përsa i takon kancelarive. Raporti i KLSH-së përfshin në kontrollin e tij pjesën më të madhe të tenderave të organizuar nga Bashkia e Tiranës, ndërsa kritika bazë për të gjitha tenderat mbetet mungesa e preventivave, mungesa e një plani pune, si dhe mosllogaritja e volumit të punës, që nxjerr të pavlefshme edhe llogaritjen e vlerës së fondit limit për një tender të caktuar. Sipas burimeve nga KLSH-së gjatë vitit 2002, Bashkia e Tiranës ka organizuar mbi 30 tendera, një pjesë e të cilave përfshihet edhe në raportin e hartuar nga institucioni që drejtohet nga Kërçuku. Raporti hedh dritë mbi mënyrën sesi janë përcaktuar firmat fituese të tenderave, përsa i takon shtrimit të rrugëve apo rikonstruksionin e tyre, në një kohë që të shpallurit si fitues nuk plotësonin kriteret ligjore. Sipas raportit në tendera janë shtuar pika, të cilat në bazë të ligjit nuk ekzistojnë, duke shkaktuar në këtë mënyrë uljen e konkurencës. Raporti shprehet se tenderat e zhvilluar nga Bashkia e Tiranës gjatë vitit 2002 kanë parregullsi, jo vetëm në momentin e organizimit dhe shpalljes së fituesit, por edhe përsa i takon respektimit të kontratës mes institucionit të Bashkisë dhe firmës, si dhe përsa i takon kontrollit të punimeve. Vërejtjet e përsëritura për çdo tender të organizuar nga Edi Rama për shtrimin apo rikonstruksionin e rrugëve janë mungesa e tabelave të volumeve në prerjet e profileve tërthore, nuk janë parashikuar muret mbajtës dhe pritës, nuk janë parashikuar punimet për kanalizimet, si dhe për rrje tet e ujësjellësit. Përcaktimi i firmave fituese pa plotësuar kushtet apo kriteret hedh dritë mbi favorizimet që janë bërë nga institucioni i Bashkisë ndaj këtyre firmave, njëra prej të cilave mbetet 2K. Raporti shprehet se në shumë tendera janë shtuar pika që duhet të plotësojnë firmat, pika të cilat nuk parashikohen në ligj, duke bërë që në tenderat e organizuar të ulet konkurenca. "Në pikën 10 të kërkesave për kualifikim kërkohet që "Shoqëria duhet të ketë kryer punime të njëjta ndërtimi, rikonstruksione rrugësh në qytet të kategorisë së parë". Në pikën 11 të kërkesave për kualifikim kërkohet që volumet e përgjithshme të punimeve të ndërtimit të shoqërisë në secilin nga tre vitet e fundit (1999, 2000 dhe 2001) të pasqyruara në bilance duhet të jetë minimumi 300 000 000 lekë. Në rastin e partneritetit të shoqërive raporti i volumeve vjetore të bilanceve duhet të jetë sipas partneritetit të lidhur. Vendosja e këtyre kërkesave bie në kundërshtim me nenin 1, të Ligjit nr. 797 1, datë 26.07.1995, "Për prokurimin publik dhe ka sjellë uljen e konkurencës pasi nga 13 të interesuar për të blerë dokumenta tenderi, në tender janë paraqitur 5 prej tyre", thuhet në raportin e KLSH-së.

2K fituese pa kritere në tendera

Duke iu referuar raportit të Kontrollit të Lartë të Shtetit në tenderin e zhvilluar me objekt Rehabilitimi i rrugës Myslym Keta- faza e parë fondi limit i përcaktuar nga Bashkia kap vlerën e rreth 71 milion lekëve, ndërsa fitues është shpallur kompania "2K + sh.a Asfaltim Rruga Vlorë. Në raportin e KLSH-së thuhet se parregullsitë fillojnë që në hartimin e dokumentave të tenderit. Sipas raportit të KLSH-së oferta e shoqerise se perkoheshme "2K + sh.a Asfaltim Rruga Vlorë e cila ka fituar me vlerë 65 990 121 lekë", nuk plotëson kushtet. "Ofertuesi 2K për të tre vitet e fundit nuk e ka të ndarë në bilanc volumet e punimeve të ndërtimit, në kundërshtim me kërkesën 11 të kërkesave për kualifikim", theksohet në raportin e KLSH-së. Sipas raportit sigurimi i kontratës nga ana e firmës fituese është bërë tek shoqëria e sigurimeve Sigal më datë 30.05.2002 me afat vlefshmëri deri më datë 30.10.2002. "Ky sigurim bie në ku ndërshtim me Ligjin nr. 7971, datë 26.07.1995, ndryshuar me Ligjin nr. 8767, datë 05.04.2001, VKM nr. 335, datë 23.06.2000 Per rregullat e prokurimit publik, pika 6 e tij, si dhe vetë dokumentat e tenderit të miratuara nga enti prokurues "Te dhënat e ofertes , "Formulari i sigurimit të kontrates- Garanci bankare", thuhet në raport. Sipas raportit në tenderin e zhvilluar me objekt "Rehabilitimin e rrugës , kanalizimeve dhe ujesjellesit në rrugen 5 Maji, fitues është shpallur kompania 2K sh.p.k. Fondi limit i përcaktuar për këtë tender me urdhër prokurimi 382, datë 25 tetor 2002 ka qenë rreth 80 milion lekë. "Nga kontrolli i ofertave të tyre rezultoi se ofertuesi 2K, i cili është shpallur fitues me vlerën më të ulët 75 282 228 lekë dhe që ka në objektin e veprimtarisë "studim, projektim, ndërtime publike e private të llojeve të ndryshme dhe në bilancet e tre viteve 1999, 2000, 2001, nuk plotëson pikën 12 të kërkesave për kualifikim pasi nuk e ka të ndarë vlerën e volumit të pë rgjithshëm të shërbimeve të ndërtimit", theksohet në raportin e KLSH-së. Sipas raportit edhe në këtë tender kontrata me ofertuesin fitues 2K, nr 7519 datë 16.02.2002 ështe siguruar tek shoqëria e sigurimeve Sigal, në kundërshtim me Ligjin nr. 7971, datë 26.07.1995, ndryshuar me Ligjin nr. 8767, date 05.04.2001, VKM nr. 335, date 23.06.2000. Për rregullat e prokurimit publik, pika 6 e tij, si dhe me vetë dokumentat e tenderit të miratuara nga enti prokurues Të dhënat e ofertës, Formulari i sigurimit të kontratës- Garanci bankare", thuhet në raportin e KLSH-së . Sipas tij parregullsi vërehen edhe në dosjet e zbatimit, në të cilat mungojnë firmat e projektuesve. "Në dosje mungon plani i organizimit të punimeve, në kundërshtim me Udhëzimin e Këshillit të Ministrave nr. 3 date 15.02.2001, kapitulli I, pika 4/d", thuhet në raport. Duke iu referuar raportit të KLSH-së edhe në tenderin "Rikonstruksioni i rrugës Myslym Keta, faza e dytë, fitues është shpallur kompania 2k. Fondi limit i përcaktuar për këtë tender është rreth 75 milion lekë. Raporti thekson se nga kontrolli i dokumentave të tenderit rezulton se projekti është i pafirmosur nga titullari i entit prokurues dhe pa vulën e komisionit. "Volumet e vendosura në këtë preventiv, jo vetëm që janë të pasakta, por është e pamundur për t’u llogaritur, në kundërshtim me nenin 5 dhe 9/a,b,c të Ligjit nr. 8402, datë 10.09.1998 dhe UKM nr. 3 datë 15.02.2001, pika 4/b/c", thuhet në raport. "Ofertuesi "2K, i cili në objektin e tij ka ndërtim, studim projektim, ndërtime publike e private të llojeve të ndryshme, për të tre vitet e fundit e ka të pandarë vlerën e shërbimit të ndërtimit. Në pikën 9 të kërkesave për kualifikim kërkohet që shoqëria duhet të ketë kategorinë 2/a/c/f. Nga kontrolli rezultoi se kjo shoqëri nuk ka kategorine 2/f", shprehet raporti.

Parregullsitë e tenderave të Ramës sipas raportit të KLSH

a- Mungojne tabelat e volumeve në prerjet e profileve tërthore.

b- Në projekt nuk janë parashikuar muret mbajtës dhe pritës.

c- Në projekt nuk janë parashikuar punimet për ujësjellësin.

d- Nuk janë parashikuar punimet për kanalizimet.

e- Nuk janë parashikuar punimet për rrjetin elektrik.



Si skualifikoheshin firmat nga konkurimi

Në pikën 10 të kërkesave për kualifikim kërkohet që "Shoqëria duhet të ketë kryer punime të njëjta ndërtimi, Rikonstruksione rrugësh në qytet të kategorisë së parë". Në pikën 11 të kërkesave për kualifikim kërkohet që volumet e përgjithshme të punimeve të ndërtimit të shoqërisë në secilin nga tre vitet e fundit (1999, 2000 dhe 2001) të pasqyruara në bilance duhet të jetë minimumi 300 000 000 lekë. Në rastin e partneritetit të shoqërive raporti i volumeve vjetore të bilanceve duhet të jetë sipas partneritetit të lidhur. Vendosja e këtyre kërkesave bie në kundërshtim me nenin 1 , të Ligjit nr. 7971, datë 26.07.1995, "Për prokurimin publik dhe ka sjellë uljen e konkurencës pasi nga 13 të interesuar për të blerë dokumenta tenderi në tender janë paraqitur 5 prej tyre.

Marre nga Gazeta Tema

11Maj, 2003

[fattlumi]

30 prilli, Nata e ''Valpurgës''- DJALLIT, Rama e zyrtarizoi si ditën e PS

Në natën e 30 prillit shtrigat dhe satanistët, këndojnë, kërcejnë dhe kryejnë rite sataniste. Ky është pikërisht momenti kur ''mjeshtri'' dhe i adhuruari i tyre, djalli, mbërrin për të festuar bashkë me ta në një festë sublime


Askujt nuk i kishte shkuar ndër mend se 30 prilli nuk ishte një rastësi në përzgjedhjen që Rama i kishte bërë ditëve të këtij muaji për t'i zyrtarizuar si natën e opozitës. Kreu i PS, një njeri me devijacione të theksuara, e paralajmëroi protestën e madhe të 30 prillit që në në fundin e muajit mars. Askush nuk e analizoi përse 30 prilli dhe jo 29 prilli, përse data 30 dhe jo ndonjë datë tjetër. Natyrisht, kjo datë ka simbolikën e saj. Rama e trumbetoi me të madhe këtë ditë si ditën e përmbysjes së madhe. "1 maji do të zbardhet si dita e betejës në rrugët e Tiranës", shprehej Rama sa në njërin takim në tjetrin. Për cilën betejë fliste kreu i PS? Për cilin ngadhënjim fliste pinjolli Rama? Askush nuk e kishte menduar se Rama do të ndiqte me besnikëri atë që trumbetonte satanisti Anton Lavey, se në këtë natë kryhen rite të shumta në pritje të mbërritjes së djallit dhe Rama i dedikoi djallit një rit të veçantë, atë të një greve urie, duke futur dhjetëra njerëz dhe mbi të gjitha, atë që djalli kërkon në këtë ditë, shumë gra. Nuk ishte parë që gratë të sakrifikoheshin deri në këtë pikë sa të futeshin në grevë urie, por një satanist mund ta bëjë sikurse e kanë bërë edhe të tjerë përpara Ramës. Shumë prej tyre ende nuk arrijnë ta kuptojnë se janë pjesë e një feste sataniste dhe nuk kanë se si ta kuptojnë, se të tillë njerëz përpara se t'i përdorin si kavie të eksperimenteve të tilla i bëjnë lavazh truri, ashtu si Rama i ka bërë grave të grevës së urisë, që flasin përçart dhe pa kuptim. Gratë janë një simbolikë e veçantë e kësaj date. Gjatë kësaj nate thuhet se të gjitha shtrigat mblidheshin së bashku dhe fluturonin larg për t'u takuar me të adhuruarin e tyre, djallin. Para se të merrnin fluturimin ato përjetonin një lloj metamorfoze, duke u transformuar me anë të magjisë së dhuruar nga djalli në krijesa monstruoze ose kafshë të përbindshme, në mënyrë që t'i shërbenin më së miri idealit të prijësit të tyre. Metamorfoza ishte një fazë shumë e rëndësishme për të gjitha shtrigat pasi shënonte zbatimin e vullnetit të djallit, të cilit i kishin faluar jetën dhe shpirtin.

Ajo që është e qartë dhe për të cilën nuk ka asnjë dyshim është fakti se PS nuk funksionon prej kohësh si një parti e mirëfilltë politike, por si një sekt i afërt me ato që në botën e sotme predikojnë djallin. Në numrin e ardhshëm dhe në ditët e ardhshme, gazeta do të publikojë edhe lidhje të tjera të afërta jo vetëm të Ramës, por edhe të Erion Velisë me sektet sataniste dhe ditët dhe emrat simbolikë të këtyre sekteve. Këto nuk janë një imagjinatë e shfrenuar, as një teori konspiracioni, por një realitet që duhet vënë në dukje. Në numrin e ardhshëm ju do të lexoni të vërtetën e emrit të G99, cila është simbolika e këtij emri dhe përse Erion Veliaj, që njihet edhe si zari i Ramës, asnjëherë dhe në asnjë rast nuk ka arritur që të japë shpjegimin për emrin që i ka vënë kësaj force, që nuk është gjë tjetër veçse emri i një sekti tjetër satanist.

Nata e Valpurgës (Walpurgisnacht në gjermanisht), e festuar natën midis 30 prillit dhe 1 majit, veçanërisht në Europën veriore, konsiderohet si nata e shtrigave. 30 prilli festohej në Gjermani (veçanërisht në Malet Harz) dhe konsiderohej si nata e luftës së djallit kundër të mirës.

Në atë natë mendohej se shtrigat mblidheshin në majë të maleve për të kryer ritet e tyre sataniste, shtrigëritë e magjitë malinje për të thirrur djajtë e demonët.

Valpurga është një fjalë gjermane (Walpurga) dhe e ka prejardhjen e saj të largët nga fjala antike Walburga e cila përbëhet nga "Wal" që do të thotë "mal me të vrarë" ose edhe "luftë" dhe nga fjala "Purag" që do të thotë "kështjellë" ose "qytet i fortifikuar". Nga shumica e njerëzve kjo fjalë dhe vetë simbolika e kësaj nate të tmerrshme sataniste ka marrë kuptimin e luftës ndaj të mirës dhe shpesh përkthehet "kështjella e të vdekurve".

Kjo është një festë që i kushtohet djallit dhe adhurimit të tij, madje është një natë e mallkuar nga kisha e cila e quan "nata që i dedikohet magjisë dhe kultit të djallit".

Sipas besimit të jo pak njerëzve, nata e Valpurgës ishte nata kur djalli ngjitej në tokë, kur varret ishin të hapura, kur gjithçka mund të ndodhte dhe kur e keqja do të mundte të mirën. Të gjithë njerëzit apo qeniet satanike në tokë, ajër dhe ujë mund të argëtoheshin në këtë natë sublime.

Data 30 prill njihet edhe si Halloween-i tjetër dhe çuditërisht është gjashtë muaj para tij. Data 30 prill është konsideruar prej shekujsh si një festë satanike pasi është pikërisht edhe nata kur Anton Lavey themeloi Kishën e Djallit. Ai e konsideronte natën e Valpurgës si "festën më të madhe demoniake të vitit", përveç Halloween-it.

Sipas Lavey, kjo është nata kur "shtrigat dhe djajtë bredhin nëpër botë duke festuar me orgji lulëzimin e lavdishëm të Ekuinoksit të Pranverës", pra natën e 30 prillit.

Satanistët Laveyanë e konsiderojnë këtë datë të shenjtë pikërisht për shkak të legjendës Walpurgisnacht pasi siç deklarohet edhe nga Anton LaVey, 3 festat "e shenjta" që festohen në mënyrë madhështore nga djalli janë: ditëlindja e tij, Nata e Halloween-it dhe Nata e Valpurgës. Laveyanët e emërtonin ndryshe këtë natë "duke pritur 1 majin", pasi ishte pikërisht dita kur djalli do të kishte konsoliduar pushtetin e tij me anë të ndihmës së tyre të çmuar.

Sipas traditës dhe udhëzimeve të djallit, Lavey rruajti kokën e tij gjatë ritualit të themelimit të Kishës me disa lëvizje teatrale për të pasquruar pamjen e xhelatit. Pas kësaj, kryhet një lloj magjie për të mohuar trinitetin e shenjtë dhe jetën shpirtërore në favor të një adhurimi të djallit, ferrit dhe të mirave materiale që i premtonte ai.

30 prilli, nata e Valpurgës, është edhe data e fillmit të verës në kalendarin ezoterik. Gjatë kësaj nate festohet dita e hakmarrjes ndaj Ligjit të së Mirës dhe zhvillohen rite të ndryshme satanike me anë të së cilave falënderohet djalli për fitimin e parave dhe për arritjen e suksesit. Çdo vit në natën e 30 prillit dhe 1 majit, besohet se shtrigat dhe satanistët, këndojnë, kërcejnë, kryejnë rite sataniste dhe fluturojnë lart për të zbritur vetëm gjatë sabba-s së "shenjtë". Ky është pikërisht momenti kur "mjeshtri" dhe i adhuruari i tyre, djalli, mbërrin për të festuar bashkë me ta në një festë sublime.

Sabba e Natës së Valpurgës

Sipas traditës antikrishte të përhapur në Gjermani, në natën e Valpurgës festohej edhe sabba e parë e natës. Sabba është takimi mes shtrigave dhe djallit, e cila zhvillohet gjatë ditës së shtunë pas natës së Valpurgës. Gjatë kësaj nate thuhet se të gjitha shtrigat mblidheshin së bashku dhe fluturonin larg për t'u takuar me të adhuruarin e tyre, djallin. Para se të merrnin fluturimin ato përjetonin një lloj metamorfoze, duke u transformuar me anë të magjisë së dhuruar nga djalli në krijesa monstruoze ose kafshë të përbindshme, në mënyrë që t'i shërbenin më së miri idealit të prijësit të tyre. Metamorfoza ishte një fazë shumë e rëndësishme për të gjitha shtrigat pasi shënonte zbatimin e vullnetit të djallit, të cilit i kishin faluar jetën dhe shpirtin.

Mblidheshin në vendin e paracaktuar (zakonisht në vende pyjore ose në afërsi të pemëve) duke fluturuar sipër një kafshe, fshese etj. Atje më pas gjejnë djallin duke i pritur (shpesh me pamjen e një dashi gjigant). I shumëadhuruari i tyre përshëndetej me të famshmen "osculum infame" që nga folklori përkthehet "Puthja e turpshme" ose "Puthja e turpit" pasi konsiston në puthjen e të prapmeve të djallit (të cilën ai e quan "gojën tjetër"). Legjenda thotë se ishte pikërisht kjo puthje ajo që e lejonte djallin të bënte për vete femrat që më pas ktheheshin në adhurueset e tij të çmendura dhe besniket më të devotshme, të afta për gjithçka për të kënaqur vullnetin e prijësit të tyre, madje edhe të falnin jetën dhe shpirtin. Para se të fillonte festën, djalli përshëndeste adhurueset e reja dhe i detyron ato të kryejnë "apostasinë" (braktisjen e fesë). Procedura kërkon që mohimin total të çdo lloj besimi fetar duke kryer akte tejmase të ulëta si për shembull të këndojnë meshën si një parodi, të kryejnë blasfemi, të shkelin kryqe, apo simbole të tjera fetare të shenjta.

Më pas djalli jep miratimin e tij për fillimin e orgjisë dhe pjesëtarët e festës çiftëzohen me njëri-tjetrin pa dallim seksi. Në fakt, në Natën e Sabbës nuk marrin pjesë vetëm femra, por konsiderohet si nata e shtrigave pasi ato luajnë rolin vendimtar. Femra konsiderohet nga djalli si mbartësja e superfuqive më të mëdha dhe është pikërisht ajo e përzgjedhura për të kryer misionet e tij më të përbindshme. Duke arritur të ndezë një adhurim të pangopur tek këto shtriga, djalli i stërvit për të qenë përjetësisht të devotshme ndaj vullnetit të tij dhe gjithashtu për të qenë të gatshme të bëjnë gjithçka për të kënaqur dëshirat e tij më të tmerrshme dhe për t'u kthyer kështu në ushtaret e tij në luftën kundër të mirës. Orgjia është pikërisht aktiviteti kryesor i kësaj nate që i kthen shtrigat në "ushtare" të devotshme. Një e dhënë e çuditshme është se sipas raporteve (gjithmonë duke iu referuar legjendës) gjatë kryerjes së këtyre marrëdhënieve të shthurura nuk ndihet asnjë lloj kënaqësie seksuale dhe akti seksual me djallin është veçanërisht tepër i dhunshëm, shkatërrues dhe i përgjakshëm. Gjithmonë pas orgjisë fillonte banketi, i karakterizuar nga mishi i fëmijëve dhe ushqime të lëngshme të cilat nuk kanë asnjë lloj shije.

Për më tepër, ushqimi i ngrënë, rigjenerohet në mënyrë magjike menjëherë pas përfundimit të ngrënies. Ky është një simboll të cilin djalli e përdor për të theksuar bollëkun dhe për të premtuar se asnjëherë nuk mungon asgjë kur janë me të.

Banketi më pas ndiqet nga kërcimi dhe këngët të shoqëruara nga një muzikë e tmerrshme çjerrëse. Në përfundim të sabbës, djalli shpërndan ilaçe magjike dhe i jep të gjithëve fuqi të mbinatyrshme në mënyrë që t'i përdorin për të kryer të këqija dhe për të përmbushur vullnetin e tij pa iu dridhur syri.

Përgatiti

KLARITA BAJRAKTARI

[DYDRINAS]

Fatos Lubonja per konen e Rames, Erion Veliaj:

[DYDRINAS]

Rama diskreditohet nga analistet:

[DYDRINAS]

[DYDRINAS]

Transparenca e votimeve ne bashkine e Tiranes: