Është një shtet demokratik në Islam një „contradictio in adjecto“, ashtu si Samuel P. Huntington e postuloi dhe në lidhje me këtë a mund të pranojë Islami universalitetin e të drejtave të njeriut si një bërthamë të domosdoshme të një shteti të së drejtës?
Islami dhe demokracia shihen tepër shpesh si antipode të njëra-tjetrës. Mund të thuhet me plot bindje se gati ¾ e sitemeve politike në botën islame janë regjime diktatoriale, të karakterizuara nga shkelja e të drejtave të njeriut, shtypja e minoriteve dhe e femrave, nga fondametalizmi, radikalizmi dhe konfliktet e brendshme, luftrat civile, dhuna, sulmet terroriste, përndjekjet ndaj mendimit të lirë, fetarëve, kundërshtarëve të regjimit etj. Të gjitha këto dhe shumë të tjera e kanë kthyer botën muslimane në një arenë të përgjakshme ku pothuajse çdo ditë prej sulmeve kamikazë vriten njerëz të pafajshëm, ku në vend që të lulëzonte paqja sundon një anarki e pashoqë, kurse për shtet të së drejtës as që bëhet fjalë. Ai që kemi parë në çerekshekullin e fundit nuk është Islami, por instrumentalizimi politik i tij nga diktatorë si Sauds në Arabinë Saudite, Khomeini dhe pasardhësi i tij Ahmadinedschad në Iran, Mubarak në Egjipt, Ghaddafi në Libi, Assads në Siri apo Numeiri në Sudan etj
A është një sistem demokratik kompatibël me Islamin?
Sa është e mundur të implementohet demokracia në vendet islamike?
Çfarë kushtesh duhen plotësuar në mënyrë që të funksionojë një sistem i tillë atje?
PS: Jam shumë e ndërgjegjshme se kjo si temë e ka vendin te nënforumi i kulturës demokratike, por nuk besoj se ne këtu, gjë e dëshmuar kjo, e kemi aq kulturë demokratikë sa ta trajtojmë këtë si një diskutim të tillë pa e drejtuar temën në binarët e kacafytjes fetare.
Krijoni Kontakt