Papa Gjon Pali i Dyte!

[toni77_toni]

Karol Vojtila - Papa Gjon Pali i dytë!

Udhetimet me karakter fetar


Në vitet e mëvonëshme, Papa Gjon Pali i Dytë vuajti nga sëmundja e artritit dhe e Parkinsonit.

Në prill të vitit 1994, ai bëri një operacion për zëvendësimin e njerit prej çapokëve dhe gjatë një vizite në Francë në vitin 1996 atij i ra të fikët.

Por Papa i vazhdoi udhëtimet nëpër botë.

Në Janar të vitit 1998 Papa vizitoi Kubën dhe u përshëndet nga Presidenti Fidel Kastro, udhëheqësi komunist i një vendi me traditë katolike. (Shihni fotografinë).


vazhdon-->

[toni77_toni]

Karol Vojtila - Papa Gjon Pali i dytë!

Viti i Jubileut


Papa Gjon Pali i Dytë i caktoi vetes një program të ngjeshur për vitin 2000, por ishte i vendosur t'i udhëhiqte festimet për 'vitin jubile' të katolicizmit.

Momenti kulminant arriti me mesazhin tradicional me rastin e Pashkëve, të cilin ai e mbajti në një ceremoni solemne të zhvilluar në sheshin e Shën Pjetrit në muajin prill.

Muajin në vazhdim ai festoi 80 vjetorin e lindjes.

Megjithëse nuk ishte mirë me shëndet, ai dukej se kishte një energji të brendëshme që e bënte atë të vendosur për të vazhduar punën.

Burimi i materjalit BBC


vazhdon-->

[toni77_toni]

Karol Vojtila - Papa Gjon Pali i dytë!

Vdes Papa Gjon Pali i Dytë


Papa Gjon Pali II
Papa Gjon Pali i Dytë, njëri prej papëve me karrierë më të gjatë në krye të Vatikanit, vdiq të shtunën në mbrëmje në moshën 84 vjeç.
Papa ndërroi jetë me daten 2 prill 2005 në orën 21.37 në studion e tij në Vatikan, pas disa problemesh shëndetësore, përfshirë edhe një atak në zemër.

Disa mijëra vetë u mblodhën në Sheshin e Shën Pjetrit në Romë për t'i bërë homazhe Papës, ndërsa këmbanat e kishave filluan të binin në të gjithë qytetin.

Njoftimet thonë se Papa priti vizitorë deri në çastet e fundit të jetës.

Sipas buletinit të fundit mjekësor që u bë publik dy orë përpara se Papa të vdiste, ai kishte qenë në gjendje të reagonte me raste ndaj atyre që e rrethonin pranë shtratit të tij, duke u përgjigjur me saktësi kur i kishin folur këshilltarët e tij më të afërt.

Qeveria italiane ka shpallur tri ditë zie.

Televizioni italian njoftoi se funerali i Papa Gjon Palit të Dytë do të zhvillohet të mërkurën, ndonëse kjo nuk është konfirmuar ende nga Vatikani.

"Ceremonia e funeralit do të jetë grumbullimi më i madh i udhëheqësve botërorë në historinë e njerëzimit", tha televizioni italian.

Në Vatikan do të zhvillohet një mbledhje të hënën në mëngjes për të filluar përgatitjet për funeralin e Papa Gjon Palit të Dytë.

Trupi i Papës do të dërgohet në Bazilikën e Shën Pjetrit, ku do të bëhen homazhe.

Përgjegjësinë për të zgjedhur pasuesin e tij e kanë 117 kardinalët e Kishës Katolike.

Ata duhet të mblidhen jo më shumë se 20 ditë pas vdekjes së Papës.

Kardinalët, të mbledhur në atë që njihet si konklavë, do të zhvillojnë një seri votimesh të fshehta derisa kardinali më i vjetër të deklarojë publikisht në latinisht "Habemus Papam - Kemi një Papë".


BBC


Fund

Burimi:
http://www.forumishqiptar.com/showthread.php?t=48108

[toni77_toni]

Pesë vjet më parë funerali i Gjon Palit II kremtuar nga kardinali Racinger:
"në sajë të fesë në Krishtin, barti një peshë përtej forcave njerëzore".

Si sot, pesë vjet më parë, me kremtimin e Meshës së dritës në sheshin e Shën Pjetrit në Vatikan, udhëhequr nga kardinali Racinger, Kisha dhe bota mbarë i dhanë lamtumirën Papës Gjon Palit II.

Pesë vjet më parë, pothuajse në këto orë, percillej nga kjo botë drejt shtëpisë së Atit Qiellor i dashuri Papa Gjon Pali II. Sot dëshirojmë, mbi të gjitha, të falënderojmë përsëri Hyjin që na e dha për 27 vjet si atë e prijës të sigurtë në fe, si bari të zellshëm e profet të guximshëm të shpresës, si dëshmitar të palodhur e shërbëtor të pasionuar të dashurisë së Hyjit. E njëkohësisht, ta kujtojmë figurën dhe veprën e tij në shërbim të Hyjit Atë e të njeriu vëlla, devocionin e madh me të cilin Papa Wojtila kremtonte Misteret e shenjte dhe adhuronte të Shenjtueshmin Sakrament të elterit, qendër e jetës së tij dhe e misionit të tij të palodhshëm apostolik për të mirën e njerëzimit mbarë.

Pram më 8 prill të vitit 2005, një turmë e jashtëzakonshme njerëzish në Sheshin e Shën Pjetrit, i jepte lamtumirën e fundit Papës Gjon Pali II. Një ngjarje që, edhe në sajë të mediave, mori përmasa planetare e akoma sot, mbetet e skalitur në kujtesën e miliona njerëzve.

Era që shfleton Ungjillin! Turma e besimtarëve që thërret “Shenjt menjëherë”! Flamujt polakë në zi! Tingëllimi i këmbanave për mort! Purpuri i veshjeve të kardinajve, bashkremtues të meshës! Shtrëngimi i duarve ndërmjet krerëve të vendeve armike! Imazhe e tinguj të pashlyeshëm të një ngjarjeje, që ishte para së gjithash, dëshmi feje. Për çerek shekulli, Papa Vojtila kishte përshkuar rrugët e botës për të shpallur kudo Lajmin e Mirë.

E tani, mbarë bota ishte grumbulluar në sheshin e Shën Pjetrit për ta përqafuar për herë të fundit Papën e ardhur nga larg. Për të falenderuar meshtarin, bariun, njeriu që u përsëriti të gjithëve e secilit pa u lodhur: “Mos kini frikë. Hapjani, madje në dy kanatat, portat Krishtit”. Vetë Gjon Pali II, gjatë jetës së tij, u bë një me Krishtin.

Kështu e kujton kardinali i atëhershëm Racinger, i cili kremtoi funeralin. Gjon Pali II, tha atëherë shoku i rrugës e Papa i mëvonshëm, iu përgjigj thirrjes së Krishtit për ta ndjekur. Këtu qëndron sekreti e misteri i forcës së tij:

“Dashuria e Krishtit qe forca dominuese e Atit tonë të Shenjtë; kush e ka parë të lutet, kush e ka dëgjuar të predikojë, e di. E kështu, falë kësaj rrënjosjeje të thellë në Krishtin mundi të bartë peshën, që shkon përtej forcave njerëzore: të bëhej bari i grigjës së Krishtit, i Kishës së tij universale”.

Fjalët e fundit të kardinalit Racinger, tejet të mallëngjyera, përshkruajnë fort mirë ndjenjat e popullit të Zotit për Papën Gjon Pali II. Duke i folur drejtpërdrejt Karol Vojtilës, ai tha:

“Mund të jemi të sigurtë se Papa ynë i dashur qëndron tani në dritaren e Shtëpisë së Atit, na sheh e na bekon. Po, na beko, o Atë i Shenjtë. Ia besojmë shpirtin tënd Nënës së Zotit, Nënës tënde, që të udhëhoqi çdo ditë e do të të udhëheqë tani në lavdinë e amshuar të Birit të vet, Zotit tonë Jezu Krisht”.

[toni77_toni]

Papa Gjon Pali II do të shpallet i Lum, më 1 majin e këtij viti!

Papa Gjon Pali II do të shpallet i Lum, më 1 majin e këtij viti. Festa, që i hap kështu rrugën shenjtërimit të tij, bie pikërisht në të dielën e Mëshirës Hyjnore, e kremte, që Karol Vojtila e deshi fort dhe e themeloi vetë. Benedikti XVI nënshkroi sot paradite dekretin, që i atribuon një mrekulli ndërhyrjes së Gjon Palit II.

Lumnimi i këtij Pape, të dashur për shumë njerëz, bëhet gjashtë vjet pas vdekjes, më 2 prill të vitit 2005. E jo më larg se më 13 maj 2005, pak javë pas zgjedhjes në fronin e Shën Pjetrit, Papa Benedikti XVI, para klerit romak të mbledhur në bazilikën e Shën Gjonit në Lateran, deklaroi hapjen e procesit të lumnimit.

Dokumentat, që janë shqyrtuar gjatë kësaj periudhe, përfshijnë 27 vjetët e papnisë dhe krejt jetën e një figure, që ka lënë gjurmë në historinë e Kishës e në atë të botës së shekullit të kaluar.

[Seminarist]

Si me spec po m'duket, Ton, percaktimi prej nji gjermani i dates 1 Maj per lumnimin e nji polaku te periudhes kamuniste?!

Nji tesh po fillojn e na dalin shkodranet katolike per me festue edhe ata 1 majin!

[monikal]

Papa Gjon Pali II do të shpallet i Lum, më 1 majin e këtij viti!

Papa Gjon Pali II do të shpallet i Lum, më 1 majin e këtij viti. Festa, që i hap kështu rrugën shenjtërimit të tij, bie pikërisht në të dielën e Mëshirës Hyjnore, e kremte, që Karol Vojtila e deshi fort dhe e themeloi vetë. Benedikti XVI nënshkroi sot paradite dekretin, që i atribuon një mrekulli ndërhyrjes së Gjon Palit II.

Lumnimi i këtij Pape, të dashur për shumë njerëz, bëhet gjashtë vjet pas vdekjes, më 2 prill të vitit 2005. E jo më larg se më 13 maj 2005, pak javë pas zgjedhjes në fronin e Shën Pjetrit, Papa Benedikti XVI, para klerit romak të mbledhur në bazilikën e Shën Gjonit në Lateran, deklaroi hapjen e procesit të lumnimit.

Dokumentat, që janë shqyrtuar gjatë kësaj periudhe, përfshijnë 27 vjetët e papnisë dhe krejt jetën e një figure, që ka lënë gjurmë në historinë e Kishës e në atë të botës së shekullit të kaluar.

Ndonëse jam shqiptar i besimit ortodoks, e vlerësoj Papa Gjon Pali II si një nga personalitetet më të shquara të kishës katolike për nga misioni që kreu dhe mesazhet që dha. Edhe caktimi i 1 Majit për Lumnimin e tij është bekim Perëndie për ata njerëz që kërkuan drejtësi dhe Zoti u jep Bekim e Drejtësi.
Le ta lemë politizimin e ngjarjeve e datave për herë tjetër dhe të meditojmë për Njeriun e Zotit Gjon Palin II. I lumnuar qoftë edhe në zemrat e njerëzve "të prolepsur" ("pa katandi")

[toni77_toni]

Si me spec po m'duket, Ton, percaktimi prej nji gjermani i dates 1 Maj per lumnimin e nji polaku te periudhes kamuniste?!

Nji tesh po fillojn e na dalin shkodranet katolike per me festue edhe ata 1 majin!

Jo Seminarist, ajo as qe ka lidhje me ato. Ndoshta ashtu edhe duket te ndonji njeri por eshte krejt tjeter.

1 majin e këtij viti bie pikërisht në të dielën e Mëshirës Hyjnore, me kete te kremte e lidh shumçka Papen Gjon Palin II, pra lutjen e Mëshires Hyjnore qe Karol Vojtila e deshi fort dhe e themeloi vetë. Prandaj, kjo eshte edhe arsyeja dhe kjo festë i hap kështu rrugën shenjtërimit të tij.


Të lexojmë intervisten e Atë Lombardi lidhur me shkrimin ne fjalë i cili tha se "Papa Vojtila lidhet me Festën e Mëshirës Hyjnore. Varri do të transferohet në Bazilikën e Shën Pjetrit".

(14.01.2011 RV)
Drejtori i Sallës së Shtypit të Vatikanit, atë Federiko Lombardi, në takimin me gazetarët, u ndalua posaçërisht tek data e lumnimit, duke shpjeguar pse u zgjodh pikërish 1 maji për ceremoninë e lumnimit të Gjon Palit II.

Gjon pali II do të shpallet i Lum më 1 majin e ardhshëm, të Dielën e Mëshirës Hyjnore. Atë Lombardi kujton rëndësinë e kësaj feste në Liturgji:
“Është dita që tashmë liturgjikisht përqendrohet tek temat e mëshirës, sepse lidhet me dukjen e Jezusit në Çenakull, me zemër të hapur, si dhe me themelimin e Sakramentit të Rrëfimit e të Pendesës. Është, pra, e diela në të cilën Liturgjia flet shumë për përdëllimin e Zotit, të manifestuar nga Krishti Jezus”.

E, duhet kujtuar, Papnia e Gjon Palit II është thellësisht e lidhur me temën e Mëshirës Hyjnore:
“Gjon Pali II është ai që e themeloi, që e shpalli këtë të dielë – të dielën pas Pashkëve – të Dielë të Mëshirës Hyjnore. Në këtë të dielë e kanonizoi edhe apostullen e madhe të Mëshirës Hyjnore, Motrën Faustina Kovalska”.

E pasi kujtoi shenjtërimin e Motër Faustinës, më 30 prill të vitit 2000, Atë Lombardi nënvizoi se tema Mëshirës Hyjnore është tejet e pranishme edhe në shumë fjalime e tekste të ndryshme të Papës Gjon Pali II. Në mënyrë të posaçme, në Enciklikën “Dives in Misericordia”:
“Kjo prani e temës së teologjisë së Mëshirës Hyjnore, e përshpirtërisë së Mëshirës Hyjnore, përshkon gjithë jetën e tij; prej këndej, edhe “Dives in Misericordia. E pastaj duhet kujtuar edhe shtegtimi i tij në Poloni, në vitin 2002, kushtimi e shugurimi i shenjtërores së Mëshirës Hyjnore, në Lagievniki, vend ku jetoi motër Faustina e ku shkoi edhe Papa. Me këtë rast Gjon Pali II ia besoi mbarë botën Mëshirës Hyjnore”.

Drejtori i Sallës së Shtypit të Vatikanit njoftoi edhe se trupi i Gjon Palit II do të mbartet nga Kripta e Vatikanit, në Bazilikën e Shën Pjetrit:
“Arkivoli i Atit të Shenjtë do të mbartet nga Kripta e Vatikanit, pa u hapur – në kapelën e Shën Sebastianit”.

Në përfundim atë Lombardi saktësoi se nuk është vendosur akoma data e kujtimit liturgjik, që do të bëhet e njohur pas lumnimit. Kjo ditë, në të cilën Kisha do të kremtojë kujtimin e të Lumit Gjon Palit II, do të vendoset nga Kongregata për Kultin Hyjnor.


Kliko ketu per të lexuar pakez lidhur me festene Mëshires Hyjnore:

http://www.forumishqiptar.com/showthread.php?t=66301

[Seminarist]

Po ti thuj he burr i dheut, se une kujtojsha se ishte plan me ia zane ne fyt festen paganizmit modern (komunizmit) - 1 Maj - duke e shnderru ne fest shenjti, ashtu sikurse po kisha ua zuni ne fyt paganve te vjeter solsticin e dhjetorit e vitin e ri, me Krishtin e Shen Nikollen.


P.S a ka me i pranue Nana Jone Jozefine urimet per 1 maj?

[toni77_toni]

Po ti thuj he burr i dheut, se une kujtojsha se ishte plan me ia zane ne fyt festen paganizmit modern (komunizmit) - 1 Maj - duke e shnderru ne fest shenjti, ashtu sikurse po kisha ua zuni ne fyt paganve te vjeter solsticin e dhjetorit e vitin e ri, me Krishtin e Shen Nikollen.


P.S a ka me i pranue Nana Jone Jozefine urimet per 1 maj?

Seminarist, edhe nese ndodhe per at arsye, çdo gjë është ne rregull, bile ishte angazhim - suksesi i madh i Papes Gjon Pali II angazhimi i tij per ta liruar popullin ndaj komuzimit. Tash edhe Nana Jozi edhe te gjithe shkodranët dhe gjithe bota duhet ti falen nderit punese se papes.