C'ushqime jane te vlefshme per anemine?

[Ksanthi]

Pervec spinaqit dhe mishit te vicit te pjekur cilat ushqime, fruta etj jane te domosdoshme per tu ngritur hekuri ne gjak?

[2043]

Ilaçe popullore kunder anemise

Te sëmurët anemike duhet te konsumojnë ushqime te pasura me hekur, si mish, peshk, shpretke, veze, perime, fruta etj. Këtyre te sëmurëve u këshillohet përdorimi i frutave te freskëta, qe përmbajnë vitamine C, e cila ndihmon ne absorbimin ose marrjen e hekurit. Nëse pinë kafe, çaj, kakao apo edhe lëngje te tjera, qe përmbajnë kafeine, duhet t’i marrin dy ore para ose pas ushqimit, sepse veshtiresojne absorbimin e hekurit.

HURMA


Per kurimin e kesaj semundjeje në mjekesinë popullore perdoren pothuajse te gjitha pjeset e bimës, frutat, gjethet, degët, rrënjët etj. Në vendet arabe është ushqim kryesor, i cili shuan urinë për shkak të përbërjes së celulozës. Hurmat kanë gjetur përdorim të mirë kundër anemisë.

KARROTA


Karrota është e pazëvendësueshme për shëndetin e njeriut. Lëngu ditor i karrotës në sasi prej 50-150 gr është ilaç efikas te të sëmurët, që vuajnë nga anemia. Karrota në periudhë rekord e rregullon pastrimin e gjakut.

RREPA E KUQE


Të sëmurëve u këshillohet pirja çdo ditë e 150 ml lëng të rrepës së kuqe, para buke, apo të konsumohet sa më shpesh domatja. Duhet të marrin, gjithashtu, çdo ditë 10 – 15 fruta të mandarinës për një kohë prej 20 – 25 ditë.

GJETHE HITHRE


Një kurë e efektshme është edhe ajo e përgatitur nga 250 gramë gjethe hithre, 10 gramë uthull dhe 10 gramë gjethe delli. Të gjitha këto vendosen në 1 litër ujë të ftohtë, ku qëndrojnë 12 orë. Pastaj zihen për 10 minuta, ëmbëlsohen sipas dëshirës me mjaltë dhe pastaj sërish mbyllen dhe qëndrojnë të mbyllura për 20 minuta. Kullohen dhe pihen gjatë tërë ditës me lugën e kafesë.

LULESHTRYDHJA


Është bimë shumëvjeçare me shije të hidhur në të ëmbël. Në fitoterapi përdoren gjethet, rrënja dhe lulet. Gjethet e reja të kësaj bime janë mjaft të pasura me vitaminë C, me kripën natyrore, e cila bën pastrimin e gjakut. Në shumë vende përdoret si sallatë, sidomos për ata që vuajnë nga anemia. Luleshtrydhja përmban glikozidet e hidhura, insulinën, taninet, vitaminën B, C dhe provitaminën A, shumë minerale, ka përqindje të lartë të kripërave të kaliumit, sidomos në gjethe, karotenoide, proteinë, pektinën, holinën etj.

FIKU


Është një frut, që përmban shumë karbohidrate, albuminë, yndyrë. Përdoret i freskët, i tharë dhe i përpunuar në produkte të ndryshme. Rekomandohet të përdoret nga personat e dobësuar, nga anemikët dhe nga ata që ndiejnë shumë të ftohtë, pasi i japin organizmit forcë dhe nxehtësi. Një tjetër mënyrë për kurimin e të sëmurëve me anemi është edhe pirja e tri lugëve kafeje në ditë nga masa e përftuar nga shalqini, karafili, mastiku dhe sheqeri. Tre kokrra shalqini mbushen me 50 gr karafil dhe 100 gr mastikë. Pasi piqen u hidhet sheqer. E gjithë masa e krijuar zihet derisa të mpikset mirë dhe pihet çdo ditë.

[Ksanthi]

Per fikun e thate kam degjuar ( cepella sic i themi ne ) dhe per rushin e thate .
Artikull i vlefshem , Flm per ndihmen.
.

[2043]

FARAT E ZEZA
Fara e Zezë përmban vaj acidik të pangopur, vaj me eter, vitamina dhe një sërë substancash të tjera të domosdoshme për organizmin. Tashmë është vërtetuar se vaji acidik i pangopur që përmban fara e zezë ndikon pozitivisht mbi metabolizmin e trupit, rrit imunitetin dhe ndalon alergjinë. Por farat e zeza u bëjnë mirë edhe anemike. Kjo pasi fara përmban përafërsisht 38 për qind karbohidrate, 35 për qind vajra të ndryshëm, 21 për qind albumin dhe pjesa tjetër përbëhet prej më shumë se njëqind substanca të ndryshme. Për t’u përmendur janë: vajrat acidike të pangopura, acidi Linolein, acidi alfa-Linolein, vajrat me eter (nigellon, alfa-pinen etj.)

[☆Angie☆]

Nëse deri pak kohë më parë jemi drejtuar te mjeku për të marrë tableta apo shurupe të pasura me hekur, për të plotësuar nevojat e organizmit që vuan nga mungesa e tij, një ekip mjekësh britanikë sugjerojnë se është shumë më efikase të rregullohet dieta ushqimore, sesa të merren ilaçe. Sigurisht, që nuk bëhet fjalë për format e rënda të anemisë, kur trajtimi mjekësor është i domosdoshëm, por për format e lehta të saj. Mjekët anglezë, që studiuan rreth 3 mijë pacientë të prekur nga anemia e mungesës së hekurit, që trajtoheshin me tableta apo produkte të tjera mjekësore për ta luftuar, gjysmës prej tyre iu kërkuan t‘i nënshtroheshin një diete ushqimore të përditshme me shumë hekur dhe ushqime me vitaminë C, ndërsa pjesës tjetër iu kërkuan që të vazhdonin të merrnin tabletat siç kishin bërë gjithmonë. Në fund të studimit u pa se rezultati i atyre që për dy muaj rresht kishin ngrënë ushqime të pasura të hekur, ishte thuajse i njëjtë me ata të ilaçeve. "Për format e lehta të anemisë nga mungesa e hekurit nuk është e domosdoshme t‘i drejtohemi mjekut apo farmacistit. Një dietë e pasur ushqimore është ilaçi më i mirë për ta luftuar", tregon kërkuesi që udhëhoqi studimin e realizuar nga Universiteti i Birmingamit. E në fakt, sëmundja e anemisë nga mungesa e hekurit është një nga sëmundjet më të shpeshta të gjakut. Ajo haset më tepër te gratë dhe një përqindje shumë e madhe e popullsisë në botë vuajnë prej saj. Anemia e shkaktuar nga mungesa e hekurit është më e zakonshmja.

Hekuri, element i domosdoshëm

Hekuri është një mineral shumë thelbësor, i cili ndihmon në mbartjen e oksigjenit në gjak dhe në qelizat e trupit. Mungesa e tij shkakton anemi, me simptoma kronike këputjeje, dhimbje koke, dobësi, marrje fryme, marrje mendsh, harresë, dhe ndonjëherë çrregullime mendore. Një analizë e thjeshtë gjaku mund të bëhet për të parë mungesën e hekurit. Ai është i rëndësishëm sepse e ndihmon organizmin të prodhojë hemoglobinë, që nuk është gjë tjetër veçse proteina që gjendet në qelizat e kuqe të gjakut, e cila transporton oksigjenin në të gjithë organizmin dhe i jep gjakut ngjyrën e kuqe. Në rast të mungesës të tij, qelizat e kuqe mund të mos kenë hemoglobinë të mjaftueshme. "Një element i vetëm nuk mund t‘i japë organizmit sasinë e domosdoshme dhe të nevojshme gjatë një dite, por nga kombinimi i shumë elementeve së bashku mund të arrijnë një rezultat të kënaqshëm", tregon një specialist i sëmundjeve të gjakut dhe profesor në Harvard. Hekuri mund të merret lehtësisht duke ngrënë shumë perime të gjelbra, sojë, fruta të thata, bishtajore, ose bukë të zezë. Embrionet e grurit, pjesa më ushqyese e kokrrave të grurit, janë një burim i shkëlqyeshëm hekuri; ato zakonisht veçohen nga kokrrat e grurit gjatë bluarjes, por ato mund të bluhen veças dhe të gatuhen, ose të konsumohen ashtu siç janë, të kombinohen me ushqime të tjera ose me drithëra. Hekuri tretet në ujë, kështu që ai mund të humbasë nëse uji ku po gatuhen perimet derdhet. Në të vërtet, gatimi në enët e veshura me hekur do të rrisë përmbajtjen e hekurit në ushqimet. Anemia nga mungesa e hekurit është një problem i njohur te fëmijët e vegjël, adoleshentët dhe gratë shtatzëna. Cikli menstrual shkakton humbjen e hekurit, kjo është dhe arsyeja pse gratë kanë një nevojë më të madhe për hekur sesa burrat, dhe një shpeshtësi më të madhe anemie. Gratë, kryesisht shtatzënat, dhe fëmijët në rritje, duhet të jenë shumë të kujdesshëm në marrjen e hekurit të mjaftueshëm. Një mënyrë e thjeshtë është që të zëvendësohet sheqeri me melasën që ka shumë hekur. Thithja e hekurit nga organizmi ndihmohet mjaft nga ushqimet që përmbajnë shumë Vitaminë C.

Dieta e duhur ushqimore

"Ushqimet që ndihmojnë për të luftuar këtë sëmundje mund të ndahen në dy kategori: ato që janë burime të jashtëzakonshme hekuri dhe ato që konsiderohen si burime të mira", shpjegojnë mjekët. Mishi i kuq pa dhjamë, majaja, qumështi organik, embrionet e grurit, frutat e thata si kajsitë, kumbullat e thata, rrushi i thatë, bathët, soja, spinaqi dhe gjethet e rrepës së kuqe, farat e kungullit, mëlçitë e pulës apo të vicit, gjeli i detit, sardelet, janë një minierë e vërtetë "hekuri". Por lista nuk mund të kufizohet me kaq. Perimet e gjelbra si lakrat, brokoli, fasulet e freskëta apo ato të konservuara (mashurkat), angjinaret, janë të tjerë furnizues shumë të mirë. "Nuk rekomandohet ngrënia e të njëjtave ushqime çdo ditë, kur i nënshtrohemi një diete për të rritur nivelet e hekurit në organizëm, po ashtu pirja e lëngjeve të tilla si çaji apo kafeja duhen shmangur sa më shumë që të jetë e mundur gjatë vakteve. Edhe mishi i kuq, si një ndër shkaktarët kryesorë të kancerit është mirë që të mos konsumohet përditë, po vetëm një herë në javë, pasi sasi e hekurit që ai përmban mund të kompensohet me ushqime të tjera ", vazhdojnë më tej këshillat e mjekëve britanikë. Në fakt, si çaji, ashtu edhe kafeja, pengojnë në përthithjen e sasisë maksimale të hekurit që gjendet tek ushqimet. Prandaj, për të marrë maksimumin prej ushqimeve, është e domosdoshme t‘i evitojmë.

Binomi Hekur-Vitaminë C

Kur vendosni të luftoni sëmundjen përmes ushqimit, mundohuni të hani sa shumë ushqime që përmbajnë Vitaminë C. Zakonisht, kjo vitaminë, ndihmon përthithjen dhe përdorimin e lëndëve të tjera ushqyese, veçanërisht hekurit, ndaj për ata që vuajnë nga anemia për shkak të mungesës të hekurit ky kombinim është i domosdoshëm.

Gazeta Shqip

[Gordon Freeman]

Pervec spinaqit dhe mishit te vicit te pjekur cilat ushqime, fruta etj jane te domosdoshme per tu ngritur hekuri ne gjak?

Mishi i derrit,permban shum kalori.

[Ksanthi]

Flm Angelina per artikullin, shume i dobishem , do ti kem parasysh te gjitha ato qe lexova me lart .
MELASA , cfare eshte ? Kush e di mund te me ndihmoje????????




Kronike, per mishin e vicit kam degjuar qe ben mire jo per te derrit megjithate flm .

[sirena_adria]

10 ushqimet që luftojnë aneminë

Anemia ndodh kur trupi jonë nuk prodhon mjaftueshëm qeliza të kuqe të gjakut.

Kjo gjendje shkaktohet kryesisht nga humbja e gjakut, shkatërrimi i qelizave të kuqe të gjakut ose paaftësia e trupit tonë për të krijuar mjaftueshëm qeliza të kuqe të gjakut.

Një dietë që është e pasur me hekur dhe vitamina B është e rëndësishme nëse vuani nga anemia.

Ja disa ushqime që ju ndihmojnë në kurimin e anemiseë.

1. Mishi i kuq, si ai i viçit dhe derrit, përmbajnë sasi të madhe hekuri heme, që përthithet më lehtë nga trupi se sa hekuri non-heme që përmbajnë bimët. Mëlçia është organi më i pasur në hekur dhe vitamina B. Mëlçia e vicit ka më shumë se 600% të nevojës ditore në hekur dhe vitaminë B-12.

2. Bimët bishtajore: fasulja, thjerrëzat (lentilet), bizelet. Por kini kujdes se bishtajoret kanë acid fitik që bllokon përthithjen e hekurit, prandaj këshillohet që ato të lihen në ujë gjithë natën para se të gatuhen.

3. Drithërat integrale

Buka e prodhuar me drithë integrale është burim i mirë hekuri non-heme, lloj hekuri që i duhet trupit në rast mungese të hekurit. Por me gjithë përmbajtjen e lartë në hekur, edhe drithërat përmbajnë acid fitik. Prandaj këshillohet që bukën ta prodhoni vetë ose ta blini në një furrë ku buka prodhohet pasi është bërë fermentimi i brumit. Kjo është arsyeja kryesore përse njerëzit sot kanë probleme me drithërat. Një fetë bukë përmban 6% të kërkesës ditore për hekur.

4. Veza është e pasur në lëndë ushqimore. 1 vezë e madhe përmban 1 mg hekur, dmth, 7% të nevojës ditore për hekur për femrat dhe 11% për meshkujt. Vezët ndihmojnë edhe për forcimin e kockave dhe ndërtimin e kyçeve.

5. Gjalpi i kikirikut është burim i mirë hekuri. Dy lugë gjelle gjalpë kikiriku përmbajnë 0.6 mg hekur.

6. Rrepa e kuqe e gatuar ose në formë sallate është ndër mënyrat më të mira për të luftuar aneminë. Ajo pastron gjakun dhe sa sasi të mirë hekuri. Përbërësit e saj ndihmojnë të përmirësohen dhe riaktivizohen qelizat e kuqe të gjakut. Ngjyra e kuqe e errët e rrepës së kuqe është edhe për shkak të përmbajtjes së lartë në hekur. Por fatkeqësisht rrepat shiten pa gjethet e tyre dhe thuhet se kanë tre herë më shumë lëndë ushqimore se vetë rrepa. Prandaj konsumimi i gjetheve të rrepës është mjaft i këshillueshëm.

7. Spinaqi dhe perimet e gjelbra në përgjithësi janë burim i mirë hekuri dhe vitamine C. Spinaqi përmban edhe fibër, vitaminë A, B9 dhe E, kalcium dhe beta-karroten që janë të domosdoshme për trup të shëndetshëm. Megjithatë, hekuri i spinaqit nuk përthithet lehtë nga trupi prandaj këshillohet që spinaqi të konsumohet me ushqime të tjera të pasura në hekur të tretshëm si patatet dhe brokoli. Këto ndihmojnë në tretjen dhe përthithjen e hekurit të spinaqit. Paradoksalisht, megjithëse është i pasur në hekur, spinaqi është faktikisht pengues i hekurit. Gjysmë gote spinaq i zierë përmban 3.2 mg hekur ose pak më pak se 20% të nevojave ditore në hekur.

8. Shega përmban vitaminë C, hekur, vitamina A dhe E, si dhe fibër dhe potas. Shega ndihmon në zvogëlimin e simptomave të anemisë si pafuqia, marramendja, dhe humbja e dëgjimit.

9. Molla ka hekur dhe është pikërisht përmbajtja e hekurit ajo që çon në ngjyrën kafe / oksidimin e saj kur e qërojmë dhe ajo bie në kontakt me ajrin. Hekuri i mollës përthithet nga trupi sepse vetë molla është e pasur në vitaminë C.

10. Banania ka nivele të larta të hekurit. Për të rriturit, 2-3 banane në ditë ndihmojnë në mangësinë e hekurit.

Mjalti ka hekur, magnez dhe zink. Ngjyra e verdhë e mjaltit është për shkak të përmbajtjes së lartë të hekurit. Kujdes, mos u jepni mjaltë foshnjave (që nuk kanë mbushur një vjeç) sepse mund t’u shkaktojë sëmundje të rëndë që është vdekjeprurëse.


/abcnews.al

https://abcnews.al/10-ushqimet-qe-luftojne-anemine/

[arberore]

E KAM PERCIELL ME ANALIZA LABORATORIKE PARA DHE PAS
1kg rrep e kuqe ,1 kg karrota i ve ne grirse dhe i bluan derisa te behen kremoze,mbi to e ve lengun e 1 kg limon e perzien dhe masen e le te rri deri ne mbremje.ne mbremje me nje pecet te paster e ndan lengun nga masa.
lengut te fituar i shton 1 kg mjalt e perzien
e mban ne frigorifer
cdo mengjes 1 filgjan kafeje te vogel ne tesull

[ATMAN]

Perdor spirulina dhe clorella,spirulina eshte vertet nje superushqim i njohur edhe nga organizata boterore e ushqimit FAO , spirulina perdoret edhe nga astronautete e NASA

te dyja jane vertet te jashtezakonshme per vlerat e tyre, nje nga shume vlerat ushqimore eshte se i kane te gjitha brenda dhe ka fakte te pakundershtueshme se e zhdukin anemine

[sirena_adria]

Anemia – Produktet që Rrisin Përthithjen e Hekurit nga Trupi

Ushqimet ndikojnë jo vetëm te hekuri që ju konsumoni, por edhe te sasia që përthithet nga organizmi juaj.

Pasi trupi merr hekur nga ushqimet, minerali përdoret për prodhimin e hemoglobinës. Kjo është proteina që ndihmon oksigjenin të qarkullojë në organizëm.

Sasia e rekomanduar e marrjes së hekurit është 7-18 mg në ditë dhe deri në 27 gram për gratë shtatzëna, shpjegojnë ekspertët e AgroWeb.org.

Një person që ka mangësi në hekur tregon shenja të ndryshme. Këtu përfshihen lodhja, marramendja, dhimbje koke, ndjeshmëri ndaj të ftohtit dhe mungesë fryme gjatë kryerjes së veprimeve të thjeshta.

Për më tepër, mungesa e hekurit rezulton në një nivel më të ulët vëmendjeje dhe funksioni mendor.

Ushqimet që ndihmojnë përthithjen maksimale të hekurit

Plot Vitaminë C
Produktet e pasura me Vitaminë C janë të shkëlqyera në përthithjen e hekurit. Këto përfshijnë agrumet, perimet, sallatat dhe barishtet me ngjyrë të gjelbër të errët, specat, pjeprat dhe luleshtrydhet.

Një studim gjerman tregon se marrja e 100 mg vitaminë C me një vakt, rrit thithjen e hekurit me 67%.

Konsumi i lëngut të limonit ose i ushqimeve të tjera të pasura me vitaminë C, ndërsa jeni duke ngrënë produkte me përmbajtje të lartë hekuri, rrit mjaft thithjen e mineralit nga organizmi juaj.

Plot Vitaminë A dhe betakaroten
Ekspertët e AgroWeb.org tregojnë se vitamina A rrit thithjen e hekurit deri në 200% për orizin, 80% për grurin dhe 140% për misrin.

Shtimi i beta-karotenit gjatë ngrënies, rrit thithjen më shumë se 300% për orizin dhe 180% për grurin dhe misrin.

Burimet e mira të ushqimit me beta-karoten dhe vitaminë A përfshijnë karrota, patate të ëmbla, spinaq, barishtet, kunguj, speca të kuqe, pjepri, kajsi, portokall dhe pjeshkë.

Kombinimet me tipet e mishit
Studime kanë raportuar se shtimi i mishit të kuq, mishit të pulave ose peshkut në një ushqim me bazë drithi rezulton në rreth 2-3 herë më shumë përthithje të hekurit.

Shtimi i 75 gramë mish në një vakt rrit thithjen e hekurit me rreth 2.5 herë, në krahasim me një vakt pa mish.

Vetëm 1 gram mish i kuq, peshk ose mish pule siguron një efekt rritës të thithjes së hekurit, i ngjashëm me atë të 1 mg të vitaminës C.



/ AgroWeb.org

https://agroweb.org/shendet/rrisin-p...hekurit-trupi/

[ATMAN]

C'ushqimet mund te jene te vlefshme per anemine ne menyra te ndryshme. Disa nga keto mund te jene:

1. Frutat dhe perimet: Frutat dhe perimet jane burime te shkelqyera te vitaminave dhe mineraleve, qe ndihmojne ne rritjen e sistemit imunitar. Konsumimi i tyre mund te ndihmoje ne parandalimin e semundjeve te ndryshme, duke perfshire anemine.

2. Mishrat: Mishrat jane burime te pasur te hekurit, nje mineral qe eshte i nevojshem per prodhimin e hemoglobinave ne trup. Hemoglobinat jane molekula te rrezikshme qe ndodhen ne qelizat e kuqe te gjakut dhe ndihmojne ne transportin e oksigjenit ne trup. Konsumimi i mishrave mund te ndihmoje ne rritjen e niveli te hekurit ne trup dhe ne parandalimin e anemise.

3. Fasulet dhe drithera: Fasulet dhe drithera jane burime te pasura te proteinave dhe hekurit. Konsumimi i tyre mund te ndihmoje ne rritjen e niveli te hekurit ne trup dhe ne parandalimin e anemise.

Eshte e rendesishme te theksohet se konsumimi i cilesise se larte te ushqimit dhe ushqimeve te ndryshme eshte i nevojshem per te siguruar nje trup te shendetshem dhe per te parandaluar semundje te ndryshme, duke perfshire edhe anemin. Per kete arsye, eshte e rendesishme te konsultoheni me mjekun tuaj per te percaktuar nivelen e hekurit ne trupin tuaj dhe per te marrë rekomandime per ushqimet dhe dieten tuaj.

Ka disa ushqime qe jane te pasura me hekur dhe mund te ndihmojne ne rritjen e niveli te hekurit ne trup. Disa nga keta ushqime jane:

1. Mishrat: Mishrat jane burime te pasura te hekurit. Mishrat e kuqe dhe te zeze jane burime te shkelqyera te hekurit, dhe mund te jene pjese e nje diete te shendetshme per te parandaluar anemine.

2. Fasulet dhe drithera: Fasulet dhe drithera jane burime te pasura te hekurit. Fasulet e kuqe, fasulet e zeza, fasulet e bardha dhe drithera jane disa nga ushqimet me te pasura me hekur.

3. Perimet e gjelbra dhe frutat: Disa perime dhe fruta jane burime te pasura te hekurit. Pjeshka, spinaqi, brokoli, luleshtrydhe, kunguj, molla, rrushi dhe hurma jane disa nga ushqimet qe mund te ndihmojne ne rritjen e niveli te hekurit ne trup.

4. Ushqime te pasura me hekur te pasuruar artificialisht: Disa ushqime, si cerealet e pasura me hekur, mund te jene te pasura me hekur te pasuruar artificialisht. Keto ushqime mund te jene nje pjese e nje diete te shendetshme per te rritur nivelin e hekurit ne trup.

Eshte e rendesishme te theksohet se konsumimi i ushqimit te ndryshem dhe cilesise se larte eshte i nevojshem per te siguruar nje trup te shendetshem dhe per te parandaluar semundje te ndryshme, duke perfshire edhe anemin. Per kete arsye, eshte e rendesishme te konsultoheni me mjekun tuaj per te percaktuar nivelen e hekurit ne trupin tuaj dhe per te marrë rekomandime per ushqimet dhe dieten tuaj.

Ka disa ushqime qe mund te ndihmojne ne rritjen e nivelit te hekurit ne trupin tuaj. Disa nga keto ushqime jane:

1. Mishrat: Mishrat jane burime te pasura te hekurit. Mishrat e kuqe dhe te zeze jane burime te shkelqyera te hekurit, dhe mund te jene pjese e nje diete te shendetshme per te rritur nivelin e hekurit ne trupin tuaj.

2. Fasulet dhe drithera: Fasulet dhe drithera jane burime te pasura te hekurit. Fasulet e kuqe, fasulet e zeza, fasulet e bardha dhe drithera jane disa nga ushqimet me te pasura me hekur.

3. Perimet e gjelbra dhe frutat: Disa perime dhe fruta jane burime te pasura te hekurit. Pjeshka, spinaqi, brokoli, luleshtrydhe, kunguj, molla, rrushi dhe hurma jane disa nga ushqimet qe mund te ndihmojne ne rritjen e niveli te hekurit ne trup.

4. Ushqime te pasura me hekur te pasuruar artificialisht: Disa ushqime, si cerealet e pasura me hekur, mund te jene te pasura me hekur te pasuruar artificialisht. Keto ushqime mund te jene nje pjese e nje diete te shendetshme per te rritur nivelin e hekurit ne trup.

5. Ushqimet e pasura me vitamin C: Vitamin C ndihmon ne perthithjen e hekurit nga trupi. Frutat citrus, perimet e gjelbra te fresketa dhe kastravecat jane disa nga ushqimet e pasura me vitamin C.

Eshte e rendesishme te theksohet se niveli i hekurit ne trup mund te ndikohet nga shume faktore, dhe eshte e nevojshme te konsultoheni me mjekun tuaj per te percaktuar nivelen e hekurit ne trupin tuaj dhe per te marre rekomandime per ushqimet dhe dieten tuaj.

[sirena_adria]

ANEMIA – Si ta Shmangni me Ushqimet dhe Produktet e Duhura

Anemia shfaqet edhe kur qelizat e kuqe të gjakut përmbajnë sasi të pamjaftueshme të hemoglobinës, një proteinë e pasur me hekur.
Pamjaftueshmëria e hekurit është një simptomë e rrezikshme që duhet shmangur.
Ajo shoqërohet gjithnjë me plogështi dhe me një sërë simptomash të tjera drobitëse.

Ekspertët e AgroWeb.org shpjegojnë se anemia ndodh kur trupi përballet me një nivel të ulët të qelizave të kuqe të gjakut.

Anemia shfaqet edhe kur qelizat e kuqe të gjakut përmbajnë sasi të pamjaftueshme të hemoglobinës, një proteinë e pasur me hekur.

Për këtë arsye, hekuri është një mineral jetësor kundër anemisë.

Hemoglobina ndihmon në transportin e gjakut të pasur me oksigjen në pjesë të ndryshme të trupit, ndaj kur ajo nuk mjafton, trupi është i plogësht dhe pa energji.

Më poshtë do të gjeni disa nga mënyrat më të thjeshta për të shmangur shfaqjen e anemisë, për të qenë të shëndetshëm dhe plot energji.

Hani ushqime të pasura me hekur

A e dini sa është sasia e nevojshme e hekurit për të cilën keni nevojë që të shmangni aneminë?

Një grua ka nevojë për 15-18 mg hekur në ditë, ndërsa një burrë ka nevojë për 8-11 mg.

Një vezë e vetme përmban 6 mg hekur. Është e rekomandueshme që të konsumoni ushqime të pasura me hekur.

Zgjidhni vezë, drithëra, patate, barishte, bishtajore, arrorë dhe fruta të thata.

Ata që kanë probleme me aneminë duhet të konsumojnë edhe vezë, produkte të bulmetit, qumësht soje, e të tjerë.

Minerali që vjen nga ushqimet shtazore përthithet më mirë nga trupi se ai që vjen nga burimet bimore.

Njerëzit që konsumojnë mish dhe peshk duhet të konsumojnë mish viçi, mish lope, shpendë, sardele, goca deti, karkaleca e të tjerë.

Hani ushqime të pasur me hekur

Shumica e drithërave janë të pasur me hekur dhe plotësojnë dozën ditore.

Personat me prirje anemike kanë nevojë për drithëra të pasuruara me vitaminë B12 në mënyrë që të shmangin aneminë.

Hani ushqime të pasura me vitaminë C

Vitamina C nxit përthithjen e hekurit, ndaj ekspertët rekomandojnë ushqime të tilla në çdo vakt.

Burime të pasura të vitaminës C përfshijnë lëngjet e agrumeve, portokallet, specat, domatet, brokoli dhe pjepri.

Kufizoni sasinë e kafesë dhe çajit gjatë vakteve

Sigurohuni që të jeni të hidratuar dhe të pini më shumë ujë.

Kafeja dhe çaji, madje edhe ai jeshil pakësojnë sasinë e hekurit që përthithet në gjak. Studimet kanë treguar se nëse konsumoni çaj gjatë vaktit, përthithja e hekurit në gjak bie me 62 përqind.

Sidoqoftë, hekuri i përftuar nga burimet shtazore nuk ndikohet nga çaji apo kafeja, por anemikët duhet të tregojnë shumë kujdes me këto pije.

Ditari ushqimor

Duhet të jeni të vëmendshëm ndaj ushqimeve që konsumoni në mënyrë që të dalloni sasinë e hekurit që merr trupi.

Mund të mbani shënime për ushqimet e pasura me hekur që merrni në ditë.

Nëse ndiqni këto pesë këshilla dhe mbani një regjim të shëndetshëm ushqimor do të jeni në gjëndje të shmangni shfaqjen e anemisë që vjen si pasojë e dozave të ulëta të hekurit.


/ AgroWeb.org

https://agroweb.org/shendet/anemia-s...ktet-e-duhura/